| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
161. муулаад̣̇ибхзсаж̇ж̇агат̇аа
161. Mūlādibhesajjakathā
263. муулабхзсаж̇ж̇аад̣̇ивинижчаяобийд̇и бисад̣̇д̣̇о ажчавасанд̇иаад̣̇ийсу винижчаяам̣ абзгкад̇и. ид̇хаад̇и бхзсаж̇ж̇агканд̇хагз. яам̣ яанд̇и винижчаяам̣. бисанасилаад̇и бисад̇и зд̇т̇аад̇и бисанаа, сааязва силаад̇и бисанасилаа. иминаа ажалам̣ худ̇ваа нисийд̣̇ад̇ийд̇и нисад̣̇од̇и ад̇т̇ам̣ д̣̇ассзд̇и. бисанабод̇агод̇и бисад̇и анзнаад̇и бисано, соязва бод̇агод̇и бисанабод̇аго, иминаа нисад̣̇ад̇о бод̇агод̇и нисад̣̇абод̇агод̇и ад̇т̇ам̣ д̣̇ассзд̇и. хин̇г̇уж̇аад̇ияод̇и хин̇г̇угулаани.
263.Mūlabhesajjādivinicchayopīti pisaddo acchavasantiādīsu vinicchayaṃ apekkhati. Idhāti bhesajjakkhandhake. Yaṃ yanti vinicchayaṃ. Pisanasilāti pisati etthāti pisanā, sāyeva silāti pisanasilā. Iminā acalaṃ hutvā nisīdatīti nisadoti atthaṃ dasseti. Pisanapotakoti pisati anenāti pisano, soyeva potakoti pisanapotako, iminā nisadato potakoti nisadapotakoti atthaṃ dasseti. Hiṅgujātiyoti hiṅgukulāni.
саамуд̣̇д̣̇анд̇и зд̇т̇а самуд̣̇д̣̇з санд̇идтад̇ийд̇и саамуд̣̇д̣̇анд̇и важанад̇т̇ам̣ д̣̇ассзнд̇о ааха ‘‘самуд̣̇д̣̇ад̇ийрз’’д̇иаад̣̇и. ‘‘д̇ийрз’’д̇и иминаа самуд̣̇д̣̇зд̇и зд̇т̇а сад̇д̇амийвибхад̇д̇ияаа самийбад̇т̇з бавад̇д̇абхаавам̣ д̣̇ассзд̇и. багад̇илон̣анд̇и сабхаавалон̣ам̣, на д̣̇аб̣б̣асамбхаарзхи сад̣̇д̇хим̣ бажид̇анд̇и ад̇т̇о. ‘‘баб̣б̣ад̇з удтахад̇ий’’д̇и иминаа синд̇хунаамагз баб̣б̣ад̇з удтахад̇ийд̇и синд̇хаванд̇и ад̇т̇ам̣ д̣̇ассзд̇и. уб̣б̣ид̇о бхуумид̇о ийрад̇и уг̇г̇ажчад̇ийд̇и уб̣б̣иранд̇и важанад̇т̇ам̣ д̣̇ассзнд̇о ааха ‘‘бхуумид̇о ан̇гурам̣ удтахад̇ий’’д̇и. иминаа адтагат̇аанаязна одтаж̇о д̇ад̇ияагкароязва яуж̇ж̇ад̇и, бод̇т̇агзсу бана жад̇уд̇т̇агкароязва д̣̇иссад̇и. ‘‘уб̣бхид̣̇а’’нд̇иби баато. б̣иланд̇и годтаасо. д̇асмаа д̣̇аб̣б̣асамбхаарзхи б̣илзхи сад̣̇д̇хим̣ бажид̇ам̣ б̣иланд̇и ад̇т̇ам̣ д̣̇ассзнд̇о ааха ‘‘д̣̇аб̣б̣асамбхаарзхи сад̣̇д̇хим̣ бажид̇а’’нд̇и. абхид̇хаанз бана (абхид̇хаанз 461 г̇аат̇ааяам̣) ‘‘б̣илаала’’нд̇и баато ад̇т̇и. д̇анд̇и б̣илам̣.
Sāmuddanti ettha samudde santiṭṭhatīti sāmuddanti vacanatthaṃ dassento āha ‘‘samuddatīre’’tiādi. ‘‘Tīre’’ti iminā samuddeti ettha sattamīvibhattiyā samīpatthe pavattabhāvaṃ dasseti. Pakatiloṇanti sabhāvaloṇaṃ, na dabbasambhārehi saddhiṃ pacitanti attho. ‘‘Pabbate uṭṭhahatī’’ti iminā sindhunāmake pabbate uṭṭhahatīti sindhavanti atthaṃ dasseti. Ubbito bhūmito īrati uggacchatīti ubbiranti vacanatthaṃ dassento āha ‘‘bhūmito aṅkuraṃ uṭṭhahatī’’ti. Iminā aṭṭhakathānayena oṭṭhajo tatiyakkharoyeva yujjati, potthakesu pana catutthakkharoyeva dissati. ‘‘Ubbhida’’ntipi pāṭho. Bilanti koṭṭhāso. Tasmā dabbasambhārehi bilehi saddhiṃ pacitaṃ bilanti atthaṃ dassento āha ‘‘dabbasambhārehi saddhiṃ pacita’’nti. Abhidhāne pana (abhidhāne 461 gāthāyaṃ) ‘‘bilāla’’nti pāṭho atthi. Tanti bilaṃ.
264. ассаад̣̇ийнам̣ гааяаг̇анд̇хо вияа гассажи гааяаг̇анд̇хо ход̇ийд̇и яож̇анаа. д̇ассаабийд̇и бхигкуноби. бисад̣̇д̣̇зна ган̣д̣увааб̣аад̇хабхигкуаад̣̇аяоби самбин̣д̣зд̇и. чаган̣асад̣̇д̣̇асса ассаад̣̇ийнам̣ малзби бавад̇д̇анад̇о вуд̇д̇ам̣ ‘‘г̇омаяа’’нд̇и. баагад̇игажун̣н̣амбийд̇и абаггараж̇анажун̣н̣амби. зд̇амбийд̇и баагад̇игажун̣н̣амби.
264. Assādīnaṃ kāyagandho viya kassaci kāyagandho hotīti yojanā. Tassāpīti bhikkhunopi. Pisaddena kaṇḍuvābādhabhikkhuādayopi sampiṇḍeti. Chakaṇasaddassa assādīnaṃ malepi pavattanato vuttaṃ ‘‘gomaya’’nti. Pākatikacuṇṇampīti apakkarajanacuṇṇampi. Etampīti pākatikacuṇṇampi.
д̇анд̇и аамагамам̣сам̣, на каад̣̇ийд̇и самб̣анд̇хо. д̇анд̇и аамагалохид̇ам̣ ваа, на бивийд̇и самб̣анд̇хо. амануссод̇и мануссасад̣̇исо бхууд̇о. д̇анд̇и аамагамам̣салохид̇ам̣.
Tanti āmakamaṃsaṃ, na khādīti sambandho. Tanti āmakalohitaṃ vā, na pivīti sambandho. Amanussoti manussasadiso bhūto. Tanti āmakamaṃsalohitaṃ.
265. ‘‘ан̃ж̇ана’’нд̇и наамам̣ сааман̃н̃анд̇и ааха ‘‘ан̃ж̇ананд̇и саб̣б̣асан̇г̇аахагаважанамзд̇а’’нд̇и. саб̣б̣асан̇г̇аахагаважананд̇и саб̣б̣зсам̣ ан̃ж̇анаанам̣ сан̇г̇аахагаважанам̣. зд̇анд̇и ‘‘ан̃ж̇ана’’нд̇и зд̇ам̣ важанам̣. ан̃ж̇ад̇и жагкум̣ магкзд̇и анзнаад̇и ан̃ж̇анам̣, ан̃ж̇ад̇и жагкум̣ б̣яад̇д̇ам̣ гарод̇ийд̇и ваа ан̃ж̇анам̣, д̇аалуж̇о д̇ад̇ияагкаро. габалланд̇и габаллз бавад̇д̇ам̣. габаалан̃хи д̣̇ийбасикааяа убари нигуж̇ж̇ид̇ваа д̇ад̇т̇а бавад̇д̇ам̣ маси ‘‘габалла’’нд̇и вужжад̇и. д̇амад̇т̇ам̣ д̣̇ассзнд̇о ааха ‘‘д̣̇ийбасикад̇о г̇ахид̇амасий’’д̇и. ан̃ж̇ануубабисанзхийд̇и зд̇т̇а ан̃ж̇анзхи сад̣̇д̇хим̣ убанзд̇ум̣ бисид̇аб̣б̣анд̇и ан̃ж̇ануубабисананд̇и важанад̇т̇ам̣ д̣̇ассзнд̇о ааха ‘‘ан̃ж̇анзна сад̣̇д̇хим̣ згад̇о бисид̇зхий’’д̇и. ‘‘згад̇о’’д̇и иминаа ‘‘сад̣̇д̇хи’’нд̇и бад̣̇ассзва ад̇т̇ам̣ д̣̇ассзд̇и. хийд̇и сажжам̣. яам̣гин̃жи ан̃ж̇ануубабисанам̣ жун̣н̣ам̣ на на ваддад̇ийд̇и яож̇анаа. ат̇а ваа на ваддад̇и на ход̇и, ваддад̇иязваад̇и яож̇анаа. имасмим̣ наяз ‘‘на ваддад̇ий’’д̇и аакяаад̇абад̣̇ам̣ гирияаанд̇араабзгкад̇д̇аа гад̇д̇аа ход̇и. аакяаад̇зсуби хи гад̇д̇уд̇д̇ан̃жа гаммад̇д̇ан̃жа лаб̣бхад̇и. жанд̣̇ананд̇иаад̣̇ийни сувин̃н̃зяяаанзва.
265.‘‘Añjana’’nti nāmaṃ sāmaññanti āha ‘‘añjananti sabbasaṅgāhakavacanameta’’nti. Sabbasaṅgāhakavacananti sabbesaṃ añjanānaṃ saṅgāhakavacanaṃ. Etanti ‘‘añjana’’nti etaṃ vacanaṃ. Añjati cakkhuṃ makkheti anenāti añjanaṃ, añjati cakkhuṃ byattaṃ karotīti vā añjanaṃ, tālujo tatiyakkharo. Kapallanti kapalle pavattaṃ. Kapālañhi dīpasikhāya upari nikujjitvā tattha pavattaṃ masi ‘‘kapalla’’nti vuccati. Tamatthaṃ dassento āha ‘‘dīpasikhato gahitamasī’’ti. Añjanūpapisanehīti ettha añjanehi saddhiṃ upanetuṃ pisitabbanti añjanūpapisananti vacanatthaṃ dassento āha ‘‘añjanena saddhiṃ ekato pisitehī’’ti. ‘‘Ekato’’ti iminā ‘‘saddhi’’nti padasseva atthaṃ dasseti. Hīti saccaṃ. Yaṃkiñci añjanūpapisanaṃ cuṇṇaṃ na na vaṭṭatīti yojanā. Atha vā na vaṭṭati na hoti, vaṭṭatiyevāti yojanā. Imasmiṃ naye ‘‘na vaṭṭatī’’ti ākhyātapadaṃ kiriyāntarāpekkhattā kattā hoti. Ākhyātesupi hi kattuttañca kammattañca labbhati. Candanantiādīni suviññeyyāneva.
адтимаяанд̇и бад̣̇асса ад̇иб̣яаабид̇ад̣̇осам̣ бадигкибанд̇о ааха ‘‘мануссадтим̣ табзд̇ваа’’д̇и. салаагадтаанияанд̇и зд̇т̇а салаагаа д̇идтанд̇и зд̇т̇аад̇и салаагадтаанияанд̇и важанад̇т̇ам̣ д̣̇ассзнд̇о ааха ‘‘яад̇т̇аа’’д̇иаад̣̇и. д̇ад̇т̇а яад̇т̇аад̇и яасмим̣ сусирад̣̇ан̣д̣агаад̣̇игз. салааганд̇и ан̃ж̇анисалаагам̣. од̣̇аханд̇ийд̇и табзнд̇и. ам̣саб̣ад̣̇д̇хагод̇и ам̣сз б̣ад̣̇д̇хад̇и анзнаад̇и ам̣саб̣ад̣̇д̇хаго. яамаганад̇т̇угаран̣инд̇и над̇т̇у гарийяад̇и имааяаад̇и над̇т̇угаран̣ий, яамагаа над̇т̇угаран̣ий яамаганад̇т̇угаран̣ий.
Aṭṭhimayanti padassa atibyāpitadosaṃ paṭikkhipanto āha ‘‘manussaṭṭhiṃ ṭhapetvā’’ti. Salākaṭṭhāniyanti ettha salākā tiṭṭhanti etthāti salākaṭṭhāniyanti vacanatthaṃ dassento āha ‘‘yatthā’’tiādi. Tattha yatthāti yasmiṃ susiradaṇḍakādike. Salākanti añjanisalākaṃ. Odahantīti ṭhapenti. Aṃsabaddhakoti aṃse baddhati anenāti aṃsabaddhako. Yamakanatthukaraṇinti natthu karīyati imāyāti natthukaraṇī, yamakā natthukaraṇī yamakanatthukaraṇī.
267. д̇ам̣ саб̣б̣ам̣ д̇злабааганд̇и самб̣анд̇хо. ‘‘ад̇и вияа кид̇д̇амаж̇ж̇ааний’’д̇и иминаа ад̇и вияа кибийяанд̇и багкибийяанд̇ийд̇и ад̇икид̇д̇аани, д̇ааниязва маж̇ж̇аани ад̇икид̇д̇амаж̇ж̇аанийд̇и важанад̇т̇ам̣ д̣̇ассзд̇и.
267. Taṃ sabbaṃ telapākanti sambandho. ‘‘Ati viya khittamajjānī’’ti iminā ati viya khipīyanti pakkhipīyantīti atikhittāni, tāniyeva majjāni atikhittamajjānīti vacanatthaṃ dasseti.
бан̣н̣асзд̣̇анд̇и бан̣н̣зхи сзд̣̇ам̣. ан̇г̇аараананд̇и ан̇г̇аарзхи. д̇ад̇т̇аад̇и д̇зсу бам̣суваалигаад̣̇ийсу. ваад̇ахаран̣абан̣н̣аанийд̇и ваад̇асса абанаяанаани уд̣̇д̣̇аалаад̣̇ийни бан̣н̣аани. д̇ад̇т̇аад̇и д̇зсу бан̣н̣зсу. наанаабан̣н̣абхан̇г̇агут̇ид̇анд̇и наанаабан̣н̣ааниязва бхан̃ж̇ид̇аб̣б̣адтзна наанаабан̣н̣абхан̇г̇ам̣, д̇зна гут̇ид̇ам̣ наанаабан̣н̣абхан̇г̇агут̇ид̇ам̣. ун̣ход̣̇агассаад̇и ун̣ход̣̇агзна. д̇ад̇т̇аад̇и уд̣̇агагодтагз.
Paṇṇasedanti paṇṇehi sedaṃ. Aṅgārānanti aṅgārehi. Tatthāti tesu paṃsuvālikādīsu. Vātaharaṇapaṇṇānīti vātassa apanayanāni uddālādīni paṇṇāni. Tatthāti tesu paṇṇesu. Nānāpaṇṇabhaṅgakuthitanti nānāpaṇṇāniyeva bhañjitabbaṭṭhena nānāpaṇṇabhaṅgaṃ, tena kuthitaṃ nānāpaṇṇabhaṅgakuthitaṃ. Uṇhodakassāti uṇhodakena. Tatthāti udakakoṭṭhake.
баб̣б̣з баб̣б̣зд̇и пал̣умхи пал̣умхи. язнаад̇и баж̇ж̇зна. д̇ам̣ баж̇ж̇ам̣ абхисан̇карид̇унд̇и яож̇анаа. ‘‘баад̣̇аанам̣ саббааяабхзсаж̇ж̇а’’нд̇и иминаа баад̣̇асса хид̇ам̣ баж̇ж̇анд̇и важанад̇т̇ам̣ д̣̇ассзд̇и. д̇илагаггзнаад̇и зд̇т̇а гаггасад̣̇д̣̇асса жун̣н̣аваажагад̇д̇аа ‘‘бидтзхий’’д̇и вуд̇д̇ам̣. габ̣ал̣зна багкибанам̣ габ̣ал̣игам̣. сад̇д̇убин̣д̣асса бхад̇д̇агаб̣ал̣асад̣̇исад̇д̇аа сад̇д̇убин̣д̣анд̇и вуд̇д̇ам̣. аан̣и вияаад̇и кийлаа вияа. каарзнаад̇и лон̣асагкаригамаязна каарзна. вигаасам̣ рунд̇хад̇ийд̇и вигаасигам̣, д̇зларунд̇ханабилод̇игам̣. ван̣агамманд̇и ван̣асса, ван̣з ваа гаммам̣.
Pabbe pabbeti phaḷumhi phaḷumhi. Yenāti pajjena. Taṃ pajjaṃ abhisaṅkharitunti yojanā. ‘‘Pādānaṃ sappāyabhesajja’’nti iminā pādassa hitaṃ pajjanti vacanatthaṃ dasseti. Tilakakkenāti ettha kakkasaddassa cuṇṇavācakattā ‘‘piṭṭhehī’’ti vuttaṃ. Kabaḷena pakkhipanaṃ kabaḷikaṃ. Sattupiṇḍassa bhattakabaḷasadisattā sattupiṇḍanti vuttaṃ. Āṇi viyāti khīlā viya. Khārenāti loṇasakkharikamayena khārena. Vikāsaṃ rundhatīti vikāsikaṃ, telarundhanapilotikaṃ. Vaṇakammanti vaṇassa, vaṇe vā kammaṃ.
268. саббад̣̇адтагаалзязва гим̣ саамам̣ г̇ахзд̇ваа барибхун̃ж̇ид̇аб̣б̣анд̇и ааха ‘‘на гзвала’’нд̇иаад̣̇и. ид̣̇анд̇и махаавигадам̣, барибхун̃ж̇ийгаб̣б̣анд̇и самб̣анд̇хо . ан̃н̃зсу банаад̇и саббад̣̇адтад̇о ан̃н̃зсу бана. сажз бхуумибад̇д̇о г̇уут̇о ход̇и, бадиг̇г̇ахзд̇аб̣б̣од̇и яож̇анаа.
268. Sappadaṭṭhakāleyeva kiṃ sāmaṃ gahetvā paribhuñjitabbanti āha ‘‘na kevala’’ntiādi. Idanti mahāvikaṭaṃ, paribhuñjīkabbanti sambandho . Aññesu panāti sappadaṭṭhato aññesu pana. Sace bhūmipatto gūtho hoti, paṭiggahetabboti yojanā.
269. васийгаран̣абаанагасамудтид̇арог̇од̇и ганд̇ибхаавасан̇каад̇ам̣ васам̣ гарод̇и анзнаад̇и васийгаран̣ам̣, бхзсаж̇ж̇ам̣, бивад̇з баанам̣, д̇ам̣язва баанагам̣, васийгаран̣асса баанагам̣ васийгаран̣абаанагам̣, д̇зна самудтид̇о рог̇о васийгаран̣абаанагасамудтид̇арог̇о. иминаа гхарад̣̇иннагааб̣аад̇ход̇и зд̇т̇а гхаран̣ияаа д̣̇иннзна васийгаран̣абаанагзна самудтид̇о ааб̣аад̇хо гхарад̣̇иннагааб̣аад̇ход̇и важанад̇т̇ам̣ д̣̇ассзд̇и. сийд̇ааяа аалол̣зд̇аб̣б̣анд̇и сийд̇аалол̣ам̣, уд̣̇агам̣. сийд̇аасад̣̇д̣̇о нан̇г̇алалзкаасан̇каад̇ам̣ паалабад̣̇д̇хад̇им̣ мукяад̇о вад̣̇ад̇и, паалабад̣̇д̇хад̇игарз паалз лаг̇г̇амад̇д̇игам̣ убажаарад̇о вад̣̇ад̇и. д̇зна вуд̇д̇ам̣ ‘‘сийд̇ааяа аалол̣зд̇аб̣б̣а’’нд̇и. адтагат̇ааяамби д̇амад̇т̇ам̣ д̣̇ассзнд̇о ааха ‘‘нан̇г̇алзнаа’’д̇иаад̣̇и.
269.Vasīkaraṇapānakasamuṭṭhitarogoti kantibhāvasaṅkhātaṃ vasaṃ karoti anenāti vasīkaraṇaṃ, bhesajjaṃ, pivate pānaṃ, taṃyeva pānakaṃ, vasīkaraṇassa pānakaṃ vasīkaraṇapānakaṃ, tena samuṭṭhito rogo vasīkaraṇapānakasamuṭṭhitarogo. Iminā gharadinnakābādhoti ettha gharaṇiyā dinnena vasīkaraṇapānakena samuṭṭhito ābādho gharadinnakābādhoti vacanatthaṃ dasseti. Sītāya āloḷetabbanti sītāloḷaṃ, udakaṃ. Sītāsaddo naṅgalalekhāsaṅkhātaṃ phālapaddhatiṃ mukhyato vadati, phālapaddhatikare phāle laggamattikaṃ upacārato vadati. Tena vuttaṃ ‘‘sītāya āloḷetabba’’nti. Aṭṭhakathāyampi tamatthaṃ dassento āha ‘‘naṅgalenā’’tiādi.
вибаггаг̇ахан̣игод̇и висзсзна баажаабанаг̇ахан̣иго. муд̇д̇ахарийд̇аганд̇и зд̇т̇а ‘‘муд̇д̇а’’нд̇и сааман̃н̃ад̇о вуд̇д̇зби г̇омуд̇д̇амзва г̇ахзд̇аб̣б̣анд̇и д̣̇ассзнд̇о ааха ‘‘г̇омуд̇д̇абарибхаавид̇ам̣ харийд̇ага’’нд̇и. иминаа муд̇д̇зна барибхаавид̇ам̣ харийд̇агам̣ муд̇д̇ахарийд̇аганд̇и важанад̇т̇ам̣ д̣̇ассзд̇и. д̇ан̣д̣улагасадод̇и д̇ан̣д̣улад̇хованод̣̇агагасадо д̇ход̇асинид̣̇д̇хо, сова муг̇г̇абажид̇абаанийяод̇и яож̇анаа. ‘‘мам̣сарасзнаа’’д̇и иминаа мам̣сарасо мам̣сзна бадижчаад̣̇зд̇аб̣б̣анд̇и бадижчаад̣̇анийяанд̇и вужжад̇ийд̇и д̣̇ассзд̇и.
Vipakkagahaṇikoti visesena pācāpanagahaṇiko. Muttaharītakanti ettha ‘‘mutta’’nti sāmaññato vuttepi gomuttameva gahetabbanti dassento āha ‘‘gomuttaparibhāvitaṃ harītaka’’nti. Iminā muttena paribhāvitaṃ harītakaṃ muttaharītakanti vacanatthaṃ dasseti. Taṇḍulakasaṭoti taṇḍuladhovanodakakasaṭo dhotasiniddho, sova muggapacitapānīyoti yojanā. ‘‘Maṃsarasenā’’ti iminā maṃsaraso maṃsena paṭicchādetabbanti paṭicchādanīyanti vuccatīti dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 161. муулаад̣̇ибхзсаж̇ж̇агат̇аа • 161. Mūlādibhesajjakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жабхзсаж̇ж̇аад̣̇игат̇аа • Pañcabhesajjādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
