| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. மூலக³ந்த⁴தா³தாஸுத்தங்
3. Mūlagandhadātāsuttaṃ
440. ஸாவத்தி²னிதா³னங். ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘கோ நு கோ², ப⁴ந்தே, ஹேது, கோ பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா மூலக³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதீ’’தி ? ‘‘இத⁴, பி⁴க்கு², ஏகச்சோ காயேன ஸுசரிதங் சரதி, வாசாய ஸுசரிதங் சரதி, மனஸா ஸுசரிதங் சரதி. தஸ்ஸ ஸுதங் ஹோதி – ‘மூலக³ந்தே⁴ அதி⁴வத்தா² தே³வா தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா மூலக³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜெய்ய’ந்தி. ஸோ தா³தா ஹோதி மூலக³ந்தா⁴னங். ஸோ காயஸ்ஸ பே⁴தா³ பரங் மரணா மூலக³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதி. அயங் கோ², பி⁴க்கு², ஹேது…பே॰… யேன மிதே⁴கச்சோ காயஸ்ஸ பே⁴தா³ பரங் மரணா மூலக³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதீ’’தி. ததியங்.
440. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī’’ti ? ‘‘Idha, bhikkhu, ekacco kāyena sucaritaṃ carati, vācāya sucaritaṃ carati, manasā sucaritaṃ carati. Tassa sutaṃ hoti – ‘mūlagandhe adhivatthā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjeyya’nti. So dātā hoti mūlagandhānaṃ. So kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjati. Ayaṃ kho, bhikkhu, hetu…pe… yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. க³ந்த⁴ப்³ப³காயஸங்யுத்தவண்ணனா • 10. Gandhabbakāyasaṃyuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. க³ந்த⁴ப்³ப³காயஸங்யுத்தவண்ணனா • 10. Gandhabbakāyasaṃyuttavaṇṇanā
