| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. মূলগন্ধদাতাসুত্তং
3. Mūlagandhadātāsuttaṃ
৪৪০. সাৰত্থিনিদানং। একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেন মিধেকচ্চো কাযস্স ভেদা পরং মরণা মূলগন্ধে অধিৰত্থানং দেৰানং সহব্যতং উপপজ্জতী’’তি ? ‘‘ইধ, ভিক্খু, একচ্চো কাযেন সুচরিতং চরতি, ৰাচায সুচরিতং চরতি, মনসা সুচরিতং চরতি। তস্স সুতং হোতি – ‘মূলগন্ধে অধিৰত্থা দেৰা দীঘাযুকা ৰণ্ণৰন্তো সুখবহুলা’তি। তস্স এৰং হোতি – ‘অহো ৰতাহং কাযস্স ভেদা পরং মরণা মূলগন্ধে অধিৰত্থানং দেৰানং সহব্যতং উপপজ্জেয্য’ন্তি। সো দাতা হোতি মূলগন্ধানং। সো কাযস্স ভেদা পরং মরণা মূলগন্ধে অধিৰত্থানং দেৰানং সহব্যতং উপপজ্জতি। অযং খো, ভিক্খু, হেতু…পে॰… যেন মিধেকচ্চো কাযস্স ভেদা পরং মরণা মূলগন্ধে অধিৰত্থানং দেৰানং সহব্যতং উপপজ্জতী’’তি। ততিযং।
440. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī’’ti ? ‘‘Idha, bhikkhu, ekacco kāyena sucaritaṃ carati, vācāya sucaritaṃ carati, manasā sucaritaṃ carati. Tassa sutaṃ hoti – ‘mūlagandhe adhivatthā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjeyya’nti. So dātā hoti mūlagandhānaṃ. So kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjati. Ayaṃ kho, bhikkhu, hetu…pe… yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. গন্ধব্বকাযসংযুত্তৰণ্ণনা • 10. Gandhabbakāyasaṃyuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. গন্ধব্বকাযসংযুত্তৰণ্ণনা • 10. Gandhabbakāyasaṃyuttavaṇṇanā
