| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. මූලගන්‌ධදාතාසුත්‌තං
3. Mūlagandhadātāsuttaṃ
440. සාවත්‌ථිනිදානං. එකමන්‌තං නිසින්‌නො ඛො සො භික්‌ඛු භගවන්‌තං එතදවොච – ‘‘කො නු ඛො, භන්‌තෙ, හෙතු, කො පච්‌චයො, යෙන මිධෙකච්‌චො කායස්‌ස භෙදා පරං මරණා මූලගන්‌ධෙ අධිවත්‌ථානං දෙවානං සහබ්‍යතං උපපජ්‌ජතී’’ති ? ‘‘ඉධ, භික්‌ඛු, එකච්‌චො කායෙන සුචරිතං චරති, වාචාය සුචරිතං චරති, මනසා සුචරිතං චරති. තස්‌ස සුතං හොති – ‘මූලගන්‌ධෙ අධිවත්‌ථා දෙවා දීඝායුකා වණ්‌ණවන්‌තො සුඛබහුලා’ති. තස්‌ස එවං හොති – ‘අහො වතාහං කායස්‌ස භෙදා පරං මරණා මූලගන්‌ධෙ අධිවත්‌ථානං දෙවානං සහබ්‍යතං උපපජ්‌ජෙය්‍ය’න්‌ති. සො දාතා හොති මූලගන්‌ධානං. සො කායස්‌ස භෙදා පරං මරණා මූලගන්‌ධෙ අධිවත්‌ථානං දෙවානං සහබ්‍යතං උපපජ්‌ජති. අයං ඛො, භික්‌ඛු, හෙතු…පෙ.… යෙන මිධෙකච්‌චො කායස්‌ස භෙදා පරං මරණා මූලගන්‌ධෙ අධිවත්‌ථානං දෙවානං සහබ්‍යතං උපපජ්‌ජතී’’ති. තතියං.
440. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī’’ti ? ‘‘Idha, bhikkhu, ekacco kāyena sucaritaṃ carati, vācāya sucaritaṃ carati, manasā sucaritaṃ carati. Tassa sutaṃ hoti – ‘mūlagandhe adhivatthā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjeyya’nti. So dātā hoti mūlagandhānaṃ. So kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjati. Ayaṃ kho, bhikkhu, hetu…pe… yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī’’ti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. ගන්‌ධබ්‌බකායසංයුත්‌තවණ්‌ණනා • 10. Gandhabbakāyasaṃyuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 10. ගන්‌ධබ්‌බකායසංයුත්‌තවණ්‌ණනා • 10. Gandhabbakāyasaṃyuttavaṇṇanā
