| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. མཱུལགནྡྷདཱཏཱསུཏྟཾ
3. Mūlagandhadātāsuttaṃ
༤༤༠. སཱཝཏྠིནིདཱནཾ། ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘ཀོ ནུ ཁོ, བྷནྟེ, ཧེཏུ, ཀོ པཙྩཡོ, ཡེན མིདྷེཀཙྩོ ཀཱཡསྶ བྷེདཱ པརཾ མརཎཱ མཱུལགནྡྷེ ཨདྷིཝཏྠཱནཾ དེཝཱནཾ སཧབྱཏཾ ཨུཔཔཛྫཏཱི’’ཏི ? ‘‘ཨིདྷ, བྷིཀྑུ, ཨེཀཙྩོ ཀཱཡེན སུཙརིཏཾ ཙརཏི, ཝཱཙཱཡ སུཙརིཏཾ ཙརཏི, མནསཱ སུཙརིཏཾ ཙརཏི། ཏསྶ སུཏཾ ཧོཏི – ‘མཱུལགནྡྷེ ཨདྷིཝཏྠཱ དེཝཱ དཱིགྷཱཡུཀཱ ཝཎྞཝནྟོ སུཁབཧུལཱ’ཏི། ཏསྶ ཨེཝཾ ཧོཏི – ‘ཨཧོ ཝཏཱཧཾ ཀཱཡསྶ བྷེདཱ པརཾ མརཎཱ མཱུལགནྡྷེ ཨདྷིཝཏྠཱནཾ དེཝཱནཾ སཧབྱཏཾ ཨུཔཔཛྫེཡྻ’ནྟི། སོ དཱཏཱ ཧོཏི མཱུལགནྡྷཱནཾ། སོ ཀཱཡསྶ བྷེདཱ པརཾ མརཎཱ མཱུལགནྡྷེ ཨདྷིཝཏྠཱནཾ དེཝཱནཾ སཧབྱཏཾ ཨུཔཔཛྫཏི། ཨཡཾ ཁོ, བྷིཀྑུ, ཧེཏུ…པེ॰… ཡེན མིདྷེཀཙྩོ ཀཱཡསྶ བྷེདཱ པརཾ མརཎཱ མཱུལགནྡྷེ ཨདྷིཝཏྠཱནཾ དེཝཱནཾ སཧབྱཏཾ ཨུཔཔཛྫཏཱི’’ཏི། ཏཏིཡཾ།
440. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī’’ti ? ‘‘Idha, bhikkhu, ekacco kāyena sucaritaṃ carati, vācāya sucaritaṃ carati, manasā sucaritaṃ carati. Tassa sutaṃ hoti – ‘mūlagandhe adhivatthā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjeyya’nti. So dātā hoti mūlagandhānaṃ. So kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjati. Ayaṃ kho, bhikkhu, hetu…pe… yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. གནྡྷབྦཀཱཡསཾཡུཏྟཝཎྞནཱ • 10. Gandhabbakāyasaṃyuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༠. གནྡྷབྦཀཱཡསཾཡུཏྟཝཎྞནཱ • 10. Gandhabbakāyasaṃyuttavaṇṇanā
