| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. มูลกสุตฺตวณฺณนา
3. Mūlakasuttavaṇṇanā
๘๓. ตติเย สเพฺพ ธมฺมาติ ปญฺจกฺขนฺธาฯ ฉนฺทมูลกาติ อชฺฌาสยจฺฉโนฺท กตฺตุกมฺยตาฉโนฺท ตํ มูลํ เอเตสนฺติ ฉนฺทมูลกาฯ มนสิการโต สมฺภวนฺตีติ มนสิการสมฺภวาฯ ผสฺสโต สมุเทนฺติ ราสี ภวนฺตีติ ผสฺสสมุทยาฯ เวทนาย สโมสรนฺตีติ เวทนาสโมสรณาฯ สมาธิ เอเตสํ ปมุโขติ สมาธิปฺปมุขาฯ เชฎฺฐกเฎฺฐน สติ อธิปติ เอเตสนฺติ สตาธิปเตยฺยา, สติเชฎฺฐกาติ อโตฺถฯ ปญฺญา อุตฺตรา เอเตสนฺติ ปญฺญุตฺตราฯ วิมุตฺติ เอว สาโร เอเตสนฺติ วิมุตฺติสาราฯ เอตฺถ จ ฉนฺทมูลกาทโย จตฺตาโรปิ โลกิยา กถิตา, เสสา โลกิยโลกุตฺตรมิสฺสกาติฯ
83. Tatiye sabbe dhammāti pañcakkhandhā. Chandamūlakāti ajjhāsayacchando kattukamyatāchando taṃ mūlaṃ etesanti chandamūlakā. Manasikārato sambhavantīti manasikārasambhavā. Phassato samudenti rāsī bhavantīti phassasamudayā. Vedanāya samosarantīti vedanāsamosaraṇā. Samādhi etesaṃ pamukhoti samādhippamukhā. Jeṭṭhakaṭṭhena sati adhipati etesanti satādhipateyyā, satijeṭṭhakāti attho. Paññā uttarā etesanti paññuttarā. Vimutti eva sāro etesanti vimuttisārā. Ettha ca chandamūlakādayo cattāropi lokiyā kathitā, sesā lokiyalokuttaramissakāti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. มูลกสุตฺตํ • 3. Mūlakasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๑๐. สทฺธาสุตฺตาทิวณฺณนา • 1-10. Saddhāsuttādivaṇṇanā
