| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
мууламуулагаад̣̇ид̣̇асагаван̣н̣анаа
Mūlamūlakādidasakavaṇṇanā
18. мууладтзнаад̇иаад̣̇игз мууламуулагз д̣̇асагз мууладтзнаад̇и вибассанаад̣̇ийсу буримаа буримаа б̣ож̇жхан̇г̇аа бажчимаанам̣ бажчимаанам̣ б̣ож̇жхан̇г̇аанан̃жа сахаж̇аад̇ад̇хаммаанан̃жа ан̃н̃аман̃н̃ан̃жа мууладтзна. муулажарияадтзнаад̇и муулам̣ худ̇ваа жарияаа бавад̇д̇и муулажарияаа. д̇зна муулажарияадтзна, муулам̣ худ̇ваа бавад̇д̇анадтзнаад̇и ад̇т̇о. муулабариг̇г̇ахадтзнаад̇и д̇з зва б̣ож̇жхан̇г̇аа аад̣̇ид̇о бабхуд̇и уббаад̣̇анад̇т̇ааяа бариг̇аяхамаанад̇д̇аа бариг̇г̇ахаа, муулааниязва бариг̇г̇ахаа муулабариг̇г̇ахаа. д̇зна муулабариг̇г̇ахадтзна. д̇з зва ан̃н̃аман̃н̃ам̣ баривааравасзна бариваарадтзна. бхааванаабаарибууривасзна барибууран̣адтзна. нидтам̣ баабун̣анавасзна барибаагадтзна. д̇з зва муулаани жа чаб̣б̣ид̇хаа бабхзд̣̇абхиннад̇д̇аа бадисамбхид̣̇аа жаад̇и муулабадисамбхид̣̇аа. д̇зна муулабадисамбхид̣̇адтзна. муулабадисамбхид̣̇аабаабанадтзнаад̇и б̣ож̇жхан̇г̇абхааванаануяуд̇д̇асса яог̇ино д̇ам̣ муулабадисамбхид̣̇ам̣ баабанадтзна . д̇ассзва яог̇ино д̇ассаа муулабадисамбхид̣̇ааяа васийбхаавадтзна. сзсзсуби ийд̣̇исзсу буг̇г̇алавохаарзсу б̣од̇хисса ан̇г̇аад̇и б̣ож̇жхан̇г̇аад̇и вуд̇д̇ам̣ ход̇ийд̇и взд̣̇ид̇аб̣б̣ам̣. муулабадисамбхид̣̇ааяа васийбхааваббад̇д̇аанамбийд̇и ийд̣̇исзсуби нидтааважанзсу палаб̣ож̇жхан̇г̇аад̇и взд̣̇ид̇аб̣б̣ам̣. васийбхаавам̣ бад̇д̇аананд̇иби баато.
18.Mūlaṭṭhenātiādike mūlamūlake dasake mūlaṭṭhenāti vipassanādīsu purimā purimā bojjhaṅgā pacchimānaṃ pacchimānaṃ bojjhaṅgānañca sahajātadhammānañca aññamaññañca mūlaṭṭhena. Mūlacariyaṭṭhenāti mūlaṃ hutvā cariyā pavatti mūlacariyā. Tena mūlacariyaṭṭhena, mūlaṃ hutvā pavattanaṭṭhenāti attho. Mūlapariggahaṭṭhenāti te eva bojjhaṅgā ādito pabhuti uppādanatthāya parigayhamānattā pariggahā, mūlāniyeva pariggahā mūlapariggahā. Tena mūlapariggahaṭṭhena. Te eva aññamaññaṃ parivāravasena parivāraṭṭhena. Bhāvanāpāripūrivasena paripūraṇaṭṭhena. Niṭṭhaṃ pāpuṇanavasena paripākaṭṭhena. Te eva mūlāni ca chabbidhā pabhedabhinnattā paṭisambhidā cāti mūlapaṭisambhidā. Tena mūlapaṭisambhidaṭṭhena. Mūlapaṭisambhidāpāpanaṭṭhenāti bojjhaṅgabhāvanānuyuttassa yogino taṃ mūlapaṭisambhidaṃ pāpanaṭṭhena . Tasseva yogino tassā mūlapaṭisambhidāya vasībhāvaṭṭhena. Sesesupi īdisesu puggalavohāresu bodhissa aṅgāti bojjhaṅgāti vuttaṃ hotīti veditabbaṃ. Mūlapaṭisambhidāya vasībhāvappattānampīti īdisesupi niṭṭhāvacanesu phalabojjhaṅgāti veditabbaṃ. Vasībhāvaṃ pattānantipi pāṭho.
мууламуулагад̣̇асагам̣ нидтид̇ам̣.
Mūlamūlakadasakaṃ niṭṭhitaṃ.
сзсзсуби хзд̇умуулагаад̣̇ийсу навасу д̣̇асагзсу иминаава наязна саад̇хааран̣аважанаанам̣ ад̇т̇о взд̣̇ид̇аб̣б̣о . асаад̇хааран̣зсу бана яат̇аавуд̇д̇аа зва б̣ож̇жхан̇г̇аа яат̇аавуд̇д̇аанам̣ д̇хаммаанам̣ ж̇анагад̇д̇аа хзд̇уу наама хонд̇и. убад̇т̇амбхагад̇д̇аа бажжаяаа наама. д̇з зва д̇ад̣̇ан̇г̇асамужчзд̣̇абадиббассад̣̇д̇хивисуд̣̇д̇хибхууд̇ад̇д̇аа висуд̣̇д̇хи наама. важ̇ж̇авирахид̇ад̇д̇аа анаваж̇ж̇аа наама. ‘‘саб̣б̣зби гусалаа д̇хаммаа нзгкамма’’нд̇и важанад̇о нзгкаммам̣ наама. гилзсзхи вимуд̇д̇ад̇д̇аа д̇ад̣̇ан̇г̇авимуд̇д̇иаад̣̇ивасзна вимуд̇д̇и наама. маг̇г̇апалаб̣ож̇жхан̇г̇аа висаяийбхууд̇зхи аасавзхи вирахид̇ад̇д̇аа анаасаваа. д̇ивид̇хааби б̣ож̇жхан̇г̇аа гилзсзхи сун̃н̃ад̇д̇аа д̇ад̣̇ан̇г̇авивзгаад̣̇ивасзна вивзгаа. вибассанаамаг̇г̇аб̣ож̇жхан̇г̇аа барижжааг̇авосаг̇г̇ад̇д̇аа багканд̣̇анавосаг̇г̇ад̇д̇аа жа восаг̇г̇аа. палаб̣ож̇жхан̇г̇аа багканд̣̇анавосаг̇г̇ад̇д̇аа восаг̇г̇аа.
Sesesupi hetumūlakādīsu navasu dasakesu imināva nayena sādhāraṇavacanānaṃ attho veditabbo . Asādhāraṇesu pana yathāvuttā eva bojjhaṅgā yathāvuttānaṃ dhammānaṃ janakattā hetū nāma honti. Upatthambhakattā paccayā nāma. Te eva tadaṅgasamucchedapaṭippassaddhivisuddhibhūtattā visuddhi nāma. Vajjavirahitattā anavajjā nāma. ‘‘Sabbepi kusalā dhammā nekkhamma’’nti vacanato nekkhammaṃ nāma. Kilesehi vimuttattā tadaṅgavimuttiādivasena vimutti nāma. Maggaphalabojjhaṅgā visayībhūtehi āsavehi virahitattā anāsavā. Tividhāpi bojjhaṅgā kilesehi suññattā tadaṅgavivekādivasena vivekā. Vipassanāmaggabojjhaṅgā pariccāgavosaggattā pakkhandanavosaggattā ca vosaggā. Phalabojjhaṅgā pakkhandanavosaggattā vosaggā.
19. мууладтам̣ б̣уж̇жханд̇ийд̇иаад̣̇аяо згзгабад̣̇авасзна нид̣̇д̣̇идтаа нава д̣̇асагаа вуд̇д̇анаязнзва взд̣̇ид̇аб̣б̣аа. васийбхааваббад̇д̇аананд̇и бад̣̇ам̣ бана вад̇д̇амаанаважанаабхаавзна на яож̇ид̇ам̣. бариг̇г̇ахадтаад̣̇аяо абхин̃н̃зяяанид̣̇д̣̇зсз вуд̇д̇ад̇т̇аа.
19.Mūlaṭṭhaṃbujjhantītiādayo ekekapadavasena niddiṭṭhā nava dasakā vuttanayeneva veditabbā. Vasībhāvappattānanti padaṃ pana vattamānavacanābhāvena na yojitaṃ. Pariggahaṭṭhādayo abhiññeyyaniddese vuttatthā.
20. буна т̇зро ад̇д̇анаа д̣̇зсид̇ам̣ суд̇д̇анд̇ам̣ уд̣̇д̣̇исид̇ваа д̇асса нид̣̇д̣̇зсавасзна б̣ож̇жхан̇г̇авид̇хим̣ д̣̇ассзд̇угаамо згам̣ самаяанд̇иаад̣̇игам̣ нид̣̇аанам̣ вад̇ваа суд̇д̇анд̇ам̣ д̇аава уд̣̇д̣̇иси. ад̇д̇анаа д̣̇зсид̇асуд̇д̇ад̇д̇аа зва жзд̇т̇а звам̣ мз суд̇анд̇и на вуд̇д̇ам̣. ааяасмаа саарибуд̇д̇од̇и банзд̇т̇а д̣̇зсагаб̣яад̇д̇ибхаавад̇т̇ам̣ ад̇д̇аанам̣ барам̣ вияа гад̇ваа вуд̇д̇ам̣. ийд̣̇исан̃хи важанам̣ логз г̇ант̇зсу баяуж̇ж̇анд̇и. буб̣б̣ан̣хасамаяанд̇и сагалам̣ буб̣б̣ан̣хасамаяам̣. ажжанд̇асам̣яог̇ад̇т̇з убаяог̇аважанам̣. сзсад̣̇ваязби зсзва наяо. сад̇исамб̣ож̇жхан̇г̇о ид̇и жз мз ход̇ийд̇и сад̇исамб̣ож̇жхан̇г̇од̇и зван̃жз маяхам̣ ход̇и. аббамаан̣од̇и мз ход̇ийд̇и аббамаан̣од̇и звам̣ мз ход̇и. сусамаарад̣̇д̇ход̇и мз ход̇ийд̇и судту барибун̣н̣од̇и звам̣ мз ход̇и. д̇идтанд̇анд̇и ниб̣б̣аанаарамман̣з бавад̇д̇ивасзна д̇идтанд̇ам̣. жавад̇ийд̇и ниб̣б̣аанаарамман̣ад̇о абаг̇ажчад̇и. сзсаб̣ож̇жхан̇г̇зсуби зсзва наяо.
20. Puna thero attanā desitaṃ suttantaṃ uddisitvā tassa niddesavasena bojjhaṅgavidhiṃ dassetukāmo ekaṃ samayantiādikaṃ nidānaṃ vatvā suttantaṃ tāva uddisi. Attanā desitasuttattā eva cettha evaṃ me sutanti na vuttaṃ. Āyasmā sāriputtoti panettha desakabyattibhāvatthaṃ attānaṃ paraṃ viya katvā vuttaṃ. Īdisañhi vacanaṃ loke ganthesu payujjanti. Pubbaṇhasamayanti sakalaṃ pubbaṇhasamayaṃ. Accantasaṃyogatthe upayogavacanaṃ. Sesadvayepi eseva nayo. Satisambojjhaṅgo iti ceme hotīti satisambojjhaṅgoti evañce mayhaṃ hoti. Appamāṇoti me hotīti appamāṇoti evaṃ me hoti. Susamāraddhoti me hotīti suṭṭhu paripuṇṇoti evaṃ me hoti. Tiṭṭhantanti nibbānārammaṇe pavattivasena tiṭṭhantaṃ. Cavatīti nibbānārammaṇato apagacchati. Sesabojjhaṅgesupi eseva nayo.
рааж̇амахаамад̇д̇ассаад̇и ран̃н̃о махааамажжасса, махад̇ияаа ваа бхог̇амад̇д̇ааяа бхог̇аббамаан̣зна саманнааг̇ад̇асса. наанаарад̇д̇аананд̇и наанааран̇г̇арад̇д̇аанам̣, бууран̣ад̇т̇з саамиважанам̣, наанаарад̇д̇зхийд̇и ад̇т̇о. д̣̇уссагаран̣д̣агод̇и д̣̇уссабзл̣аа. д̣̇уссаяуг̇анд̇и вад̇т̇аяуг̇алам̣. баарубид̇унд̇и ажчаад̣̇зд̇ум̣. имасмим̣ суд̇д̇анд̇з т̇зрасса палаб̣ож̇жхан̇г̇аа гат̇ид̇аа. яад̣̇аа хи т̇зро сад̇исамб̣ож̇жхан̇г̇ам̣ сийсам̣ гад̇ваа паласамаабад̇д̇им̣ самаабаж̇ж̇ад̇и, д̇ад̣̇аа ид̇арз д̇ад̣̇анваяаа хонд̇и. яад̣̇аа д̇хаммавижаяаад̣̇ийсу ан̃н̃ад̇арам̣, д̇ад̣̇аа сзсааби д̇ад̣̇анваяаа хонд̇ийд̇и звам̣ паласамаабад̇д̇ияаа ад̇д̇ано жин̣н̣авасийбхаавам̣ д̣̇ассзнд̇о т̇зро имам̣ суд̇д̇анд̇ам̣ гат̇зсийд̇и.
Rājamahāmattassāti rañño mahāamaccassa, mahatiyā vā bhogamattāya bhogappamāṇena samannāgatassa. Nānārattānanti nānāraṅgarattānaṃ, pūraṇatthe sāmivacanaṃ, nānārattehīti attho. Dussakaraṇḍakoti dussapeḷā. Dussayuganti vatthayugalaṃ. Pārupitunti acchādetuṃ. Imasmiṃ suttante therassa phalabojjhaṅgā kathitā. Yadā hi thero satisambojjhaṅgaṃ sīsaṃ katvā phalasamāpattiṃ samāpajjati, tadā itare tadanvayā honti. Yadā dhammavicayādīsu aññataraṃ, tadā sesāpi tadanvayā hontīti evaṃ phalasamāpattiyā attano ciṇṇavasībhāvaṃ dassento thero imaṃ suttantaṃ kathesīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 3. б̣ож̇жхан̇г̇агат̇аа • 3. Bojjhaṅgakathā
