| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
муулабан̃н̃ад̇д̇игат̇ааван̣н̣анаа
Mūlapaññattikathāvaṇṇanā
55. ‘‘бадисзвад̇инаамаа’’д̇и бад̣̇ам̣ маад̇игааяам̣ над̇т̇и, д̇асмаа ‘‘бадисзвзяяаад̇и зд̇т̇аа’’д̇иаад̣̇имааха. ‘‘зсо мзт̇унад̇хаммо наамаа’’д̇и саб̣б̣абаал̣ибод̇т̇агзсу, адтагат̇ааяам̣ ‘‘зсо вужжад̇и мзт̇унад̇хаммо наамаа’’д̇и уд̣̇д̇хадаа. ид̇т̇ияаа нимид̇д̇зна ад̇д̇ано нимид̇д̇анд̇и д̣̇увин̃н̃зяяамзд̇ам̣ д̣̇ассид̇ам̣. ад̇д̇ано нимид̇д̇зна ид̇т̇ияаа нимид̇д̇ам̣ сувин̃н̃зяяад̇д̇аа на д̣̇ассид̇ам̣. жад̇д̇аари таанаани мун̃жид̇ваад̇и зд̇т̇а аб̣бханд̇арад̇алам̣ чубанд̇ам̣язва санд̇хааяа вуд̇д̇ам̣, ажчубанд̇ам̣ нийхаранд̇асса анаабад̇д̇и. маж̇жханд̇и аг̇г̇аббад̣̇зсам̣. убарибхааг̇амаж̇жханд̇и убарибхааг̇асса аг̇г̇аббад̣̇зсам̣. надтагааяаббасаад̣̇анд̇и зд̇т̇а убахад̇инд̣̇рияасса аабад̇д̇исамбхавад̇о ид̇хааби аабад̇д̇ийд̇и жз? нзд̇и д̣̇ассанад̇т̇ам̣ ‘‘мад̇ажаммам̣ ваа’’д̇иаад̣̇и вуд̇д̇ам̣. мад̇ажамман̃хи анубаад̣̇иннам̣, убаад̣̇иннз зва баарааж̇игаабад̇д̇и. абид̇хааяа аббадижчаад̣̇зд̇ваа. яат̇аа д̣̇анд̇аа на д̣̇иссанд̇и, д̇ат̇аа бид̇хааязва нисийд̣̇ид̇аб̣б̣анд̇и ад̇хиббааяо.
55. ‘‘Paṭisevatināmā’’ti padaṃ mātikāyaṃ natthi, tasmā ‘‘paṭiseveyyāti etthā’’tiādimāha. ‘‘Eso methunadhammo nāmā’’ti sabbapāḷipotthakesu, aṭṭhakathāyaṃ ‘‘eso vuccati methunadhammo nāmā’’ti uddhaṭā. Itthiyā nimittena attano nimittanti duviññeyyametaṃ dassitaṃ. Attano nimittena itthiyā nimittaṃ suviññeyyattā na dassitaṃ. Cattāri ṭhānāni muñcitvāti ettha abbhantaratalaṃ chupantaṃyeva sandhāya vuttaṃ, acchupantaṃ nīharantassa anāpatti. Majjhanti aggappadesaṃ. Uparibhāgamajjhanti uparibhāgassa aggappadesaṃ. Naṭṭhakāyappasādanti ettha upahatindriyassa āpattisambhavato idhāpi āpattīti ce? Neti dassanatthaṃ ‘‘matacammaṃ vā’’tiādi vuttaṃ. Matacammañhi anupādinnaṃ, upādinne eva pārājikāpatti. Apidhāya appaṭicchādetvā. Yathā dantā na dissanti, tathā pidhāyeva nisīditabbanti adhippāyo.
г̇онасод̇и г̇он̣абидтиго ман̣д̣аласаббо, яасса бидтз лохид̇агаани ман̣д̣алаани д̣̇иссанд̇и. галалабарижаяаваарижаарамажчаг̇г̇ахан̣зна гин̃жааби самуд̣̇д̣̇з махаамукаа хад̇т̇исарийрамби згаббахаарзна г̇илид̇ум̣ самад̇т̇аа д̇ад̇о маханд̇ад̇араа жа г̇ахид̇аа хонд̇и, д̇зсам̣ мукаад̣̇ийсу мзт̇унад̇хаммо на самбхавад̇ийд̇и д̇ад̇т̇а таанабарижчзд̣̇о над̇т̇ийд̇и згз, вижаарзд̇ваа г̇ахзд̇аб̣б̣ам̣. зд̇амзва хийд̇и ананд̇арам̣ санд̇хааяа. сад̣̇д̇хим̣ яож̇анааяа агкараяож̇анааяа. ‘‘бан̃н̃ад̇д̇ам̣ бана сигкаабад̣̇ам̣ саб̣б̣зхиби лаж̇ж̇ийбуг̇г̇алзхи самам̣ сигкид̇аб̣б̣абхаавад̇о самасигкад̇аа наамаад̇и вуд̇д̇ад̇д̇аа саб̣б̣асигкаабад̣̇ам̣ саб̣б̣абхигкуухи сигкид̇аб̣б̣ам̣. на хи гассажи уунамад̇хигам̣ ваа ад̇т̇ий’’д̇и д̇асса г̇ан̣тибад̣̇з вуд̇д̇ам̣. бариваарз бана –
Gonasoti goṇapiṭṭhiko maṇḍalasappo, yassa piṭṭhe lohitakāni maṇḍalāni dissanti. Kalalaparicayavāricāramacchaggahaṇena kiñcāpi samudde mahāmukhā hatthisarīrampi ekappahārena gilituṃ samatthā tato mahantatarā ca gahitā honti, tesaṃ mukhādīsu methunadhammo na sambhavatīti tattha ṭhānaparicchedo natthīti eke, vicāretvā gahetabbaṃ. Etameva hīti anantaraṃ sandhāya. Saddhiṃ yojanāya akkharayojanāya. ‘‘Paññattaṃ pana sikkhāpadaṃ sabbehipi lajjīpuggalehi samaṃ sikkhitabbabhāvato samasikkhatā nāmāti vuttattā sabbasikkhāpadaṃ sabbabhikkhūhi sikkhitabbaṃ. Na hi kassaci ūnamadhikaṃ vā atthī’’ti tassa gaṇṭhipade vuttaṃ. Parivāre pana –
‘‘на угкид̇д̇аго на жа бана баариваасиго,
‘‘Na ukkhittako na ca pana pārivāsiko,
на сан̇гхабхинно на жа бана багкасан̇ганд̇о;
Na saṅghabhinno na ca pana pakkhasaṅkanto;
самаанасам̣ваасагабхуумияаа тид̇о,
Samānasaṃvāsakabhūmiyā ṭhito,
гат̇ам̣ ну сигкааяа асаад̇хааран̣о сияаа’’д̇и. (бари. 479) –
Kathaṃ nu sikkhāya asādhāraṇo siyā’’ti. (pari. 479) –
вуд̇д̇ам̣. д̇ад̣̇адтагат̇ааяа жа ‘‘аяам̣ бан̃хаа нахаабид̇абуб̣б̣агам̣ санд̇хааяа вуд̇д̇аа. аяан̃хи курабхан̣д̣ам̣ барихарид̇ум̣ на лабхад̇и, ан̃н̃з лабханд̇и. д̇асмаа сигкааяа асаад̇хааран̣о’’д̇и вуд̇д̇ам̣. д̇ам̣ саб̣б̣ам̣ яат̇аа сам̣санд̣̇ад̇и самзд̇и, д̇ат̇аа взд̣̇ид̇аб̣б̣ам̣ . бхигкунийнам̣язва саад̇хааран̣аани сигкаабад̣̇ааниби бхигку сигкад̇и, зваман̃н̃оби анхаабид̇абуб̣б̣аго бхигку д̇ам̣ сигкаабад̣̇ам̣ сигкад̇и зва д̇ад̣̇ад̇т̇агосаллад̇т̇анд̇и гад̇ваа саб̣б̣амби сигкаабад̣̇ам̣ самасигкад̇аа наамаад̇и. яам̣ д̇ам̣ вуд̇д̇анд̇и самб̣анд̇хо. ‘‘д̇иссо ид̇т̇ияо’’д̇иаад̣̇ивибхан̇г̇од̇ам̣нияаамагод̇илагкан̣ад̇д̇аа вад̇т̇унияаманад̇т̇ам̣ вуд̇д̇ам̣. д̇зна амануссид̇т̇иббасан̇г̇зна гад̇з суван̣н̣араж̇ад̇аад̣̇имаяз бадигкибад̇и. ид̇о бадтааяа яз жа ‘‘д̇аяо ад̇т̇авасз бадижжа вибхан̇г̇о бавад̇д̇ад̇ий’’д̇и буб̣б̣з вуд̇д̇аа, д̇з яат̇аасамбхавам̣ яож̇зд̇ваа взд̣̇ид̇аб̣б̣аа.
Vuttaṃ. Tadaṭṭhakathāya ca ‘‘ayaṃ pañhā nahāpitapubbakaṃ sandhāya vuttā. Ayañhi khurabhaṇḍaṃ pariharituṃ na labhati, aññe labhanti. Tasmā sikkhāya asādhāraṇo’’ti vuttaṃ. Taṃ sabbaṃ yathā saṃsandati sameti, tathā veditabbaṃ . Bhikkhunīnaṃyeva sādhāraṇāni sikkhāpadānipi bhikkhu sikkhati, evamaññopi anhāpitapubbako bhikkhu taṃ sikkhāpadaṃ sikkhati eva tadatthakosallatthanti katvā sabbampi sikkhāpadaṃ samasikkhatā nāmāti. Yaṃ taṃ vuttanti sambandho. ‘‘Tisso itthiyo’’tiādivibhaṅgotaṃniyāmakotilakkhaṇattā vatthuniyamanatthaṃ vuttaṃ. Tena amanussitthippasaṅgena kate suvaṇṇarajatādimaye paṭikkhipati. Ito paṭṭhāya ye ca ‘‘tayo atthavase paṭicca vibhaṅgo pavattatī’’ti pubbe vuttā, te yathāsambhavaṃ yojetvā veditabbā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / муулабан̃н̃ад̇д̇иван̣н̣анаа • Mūlapaññattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / муулабан̃н̃ад̇д̇иван̣н̣анаа • Mūlapaññattivaṇṇanā
