| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[245] 5. муулабарияааяаж̇аад̇агаван̣н̣анаа
[245] 5. Mūlapariyāyajātakavaṇṇanā
гаало гхасад̇и бхууд̇аанийд̇и ид̣̇ам̣ сад̇т̇аа уггадтам̣ ниссааяа субхаг̇аванз вихаранд̇о муулабарияааяасуд̇д̇анд̇ам̣ аараб̣бха гат̇зси. д̇ад̣̇аа гира бан̃жасад̇аа б̣раахман̣аа д̇ин̣н̣ам̣ взд̣̇аанам̣ баараг̇уу саасанз баб̣б̣аж̇ид̇ваа д̇ийн̣и бидагаани уг̇г̇ан̣хид̇ваа маанамад̣̇амад̇д̇аа худ̇ваа ‘‘саммаасамб̣уд̣̇д̇хоби д̇ийн̣зва бидагаани ж̇аанаад̇и, маяамби д̇аани ж̇аанаама, звам̣ санд̇з гим̣ д̇асса амхзхи наанаагаран̣а’’нд̇и б̣уд̣̇д̇хубадтаанам̣ на г̇ажчанд̇и, бадибагкаа худ̇ваа жаранд̇и.
Kālo ghasati bhūtānīti idaṃ satthā ukkaṭṭhaṃ nissāya subhagavane viharanto mūlapariyāyasuttantaṃ ārabbha kathesi. Tadā kira pañcasatā brāhmaṇā tiṇṇaṃ vedānaṃ pāragū sāsane pabbajitvā tīṇi piṭakāni uggaṇhitvā mānamadamattā hutvā ‘‘sammāsambuddhopi tīṇeva piṭakāni jānāti, mayampi tāni jānāma, evaṃ sante kiṃ tassa amhehi nānākaraṇa’’nti buddhupaṭṭhānaṃ na gacchanti, paṭipakkhā hutvā caranti.
ат̇згад̣̇ивасам̣ сад̇т̇аа д̇зсу ааг̇анд̇ваа ад̇д̇ано санд̇игз нисиннзсу адтахи бхуумийхи бадиман̣д̣зд̇ваа муулабарияааяасуд̇д̇анд̇ам̣ гат̇зси, д̇з на гин̃жи саллагкзсум̣. ат̇а нзсам̣ зд̇ад̣̇ахоси – ‘‘маяам̣ амхзхи сад̣̇исаа бан̣д̣ид̇аа над̇т̇ий’д̇и маанам̣ гарома, ид̣̇аани бана на гин̃жи ж̇аанаама, б̣уд̣̇д̇хзхи сад̣̇исо бан̣д̣ид̇о наама над̇т̇и, ахо б̣уд̣̇д̇хаг̇ун̣аа наамаа’’д̇и. д̇з д̇ад̇о бадтааяа нихад̇амаанаа худ̇ваа уд̣̇д̇хадад̣̇аатаа вияа саббаа ниб̣б̣исзванаа ж̇аад̇аа. сад̇т̇аа уггадтааяам̣ яат̇аабхиранд̇ам̣ вихарид̇ваа взсаалим̣ г̇анд̇ваа г̇од̇амагажзд̇ияз г̇од̇амагасуд̇д̇анд̇ам̣ наама гат̇зси, д̣̇асасахассилогад̇хаад̇у гамби, д̇ам̣ суд̇ваа д̇з бхигкуу арахад̇д̇ам̣ баабун̣им̣су. муулабарияааяасуд̇д̇анд̇абарияосаанз бана сад̇т̇ари уггадтааяам̣ вихаранд̇зязва бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, ахо б̣уд̣̇д̇хаанам̣ аанубхааво, д̇з наама б̣раахман̣абаб̣б̣аж̇ид̇аа д̇ат̇аа маанамад̣̇амад̇д̇аа бхаг̇авад̇аа муулабарияааяад̣̇зсанааяа нихад̇амаанаа гад̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збаахам̣ имз звам̣ маанабаг̇г̇ахид̇асирз вижаранд̇з нихад̇амаанз агаасим̣язваа’’д̇и вад̇ваа ад̇ийд̇ам̣ аахари.
Athekadivasaṃ satthā tesu āgantvā attano santike nisinnesu aṭṭhahi bhūmīhi paṭimaṇḍetvā mūlapariyāyasuttantaṃ kathesi, te na kiñci sallakkhesuṃ. Atha nesaṃ etadahosi – ‘‘mayaṃ amhehi sadisā paṇḍitā natthī’ti mānaṃ karoma, idāni pana na kiñci jānāma, buddhehi sadiso paṇḍito nāma natthi, aho buddhaguṇā nāmā’’ti. Te tato paṭṭhāya nihatamānā hutvā uddhaṭadāṭhā viya sappā nibbisevanā jātā. Satthā ukkaṭṭhāyaṃ yathābhirantaṃ viharitvā vesāliṃ gantvā gotamakacetiye gotamakasuttantaṃ nāma kathesi, dasasahassilokadhātu kampi, taṃ sutvā te bhikkhū arahattaṃ pāpuṇiṃsu. Mūlapariyāyasuttantapariyosāne pana satthari ukkaṭṭhāyaṃ viharanteyeva bhikkhū dhammasabhāyaṃ kathaṃ samuṭṭhāpesuṃ – ‘‘āvuso, aho buddhānaṃ ānubhāvo, te nāma brāhmaṇapabbajitā tathā mānamadamattā bhagavatā mūlapariyāyadesanāya nihatamānā katā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepāhaṃ ime evaṃ mānapaggahitasire vicarante nihatamāne akāsiṃyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о д̇ин̣н̣ам̣ взд̣̇аанам̣ баараг̇уу д̣̇исаабаамогко аажарияо худ̇ваа бан̃жа маан̣авагасад̇аани манд̇з ваажзси. д̇з бан̃жасад̇ааби нидтид̇асиббаа сиббз ануяог̇ам̣ д̣̇ад̇ваа ‘‘яад̇д̇агам̣ маяам̣ ж̇аанаама, аажарияоби д̇ад̇д̇агамзва, висзсо над̇т̇ий’’д̇и маанад̇т̇ад̣̇д̇хаа худ̇ваа аажарияасса санд̇игам̣ на г̇ажчанд̇и, вад̇д̇абадивад̇д̇ам̣ на гаронд̇и. д̇з згад̣̇ивасам̣ аажарияз б̣ад̣̇ариругкамуулз нисиннз д̇ам̣ вамбхзд̇угаамаа б̣ад̣̇ариругкам̣ накзна аагодзд̇ваа ‘‘ниссааровааяам̣ ругко’’д̇и аахам̣су. б̣од̇хисад̇д̇о ад̇д̇ано вамбханабхаавам̣ н̃ад̇ваа анд̇зваасигз ‘‘згам̣ во бан̃хам̣ бужчиссаамий’’д̇и ааха. д̇з хадтад̇удтаа ‘‘вад̣̇зт̇а, гат̇зссаамаа’’д̇и. аажарияо бан̃хам̣ бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto tiṇṇaṃ vedānaṃ pāragū disāpāmokkho ācariyo hutvā pañca māṇavakasatāni mante vācesi. Te pañcasatāpi niṭṭhitasippā sippe anuyogaṃ datvā ‘‘yattakaṃ mayaṃ jānāma, ācariyopi tattakameva, viseso natthī’’ti mānatthaddhā hutvā ācariyassa santikaṃ na gacchanti, vattapaṭivattaṃ na karonti. Te ekadivasaṃ ācariye badarirukkhamūle nisinne taṃ vambhetukāmā badarirukkhaṃ nakhena ākoṭetvā ‘‘nissārovāyaṃ rukkho’’ti āhaṃsu. Bodhisatto attano vambhanabhāvaṃ ñatvā antevāsike ‘‘ekaṃ vo pañhaṃ pucchissāmī’’ti āha. Te haṭṭhatuṭṭhā ‘‘vadetha, kathessāmā’’ti. Ācariyo pañhaṃ pucchanto paṭhamaṃ gāthamāha –
190.
190.
‘‘гаало гхасад̇и бхууд̇аани, саб̣б̣аанзва сахад̇д̇анаа;
‘‘Kālo ghasati bhūtāni, sabbāneva sahattanā;
яо жа гаалагхасо бхууд̇о, са бхууд̇абажаним̣ бажий’’д̇и.
Yo ca kālaghaso bhūto, sa bhūtapacaniṃ pacī’’ti.
д̇ад̇т̇а гаалод̇и бурзбхад̇д̇агаалоби бажчаабхад̇д̇агаалобийд̇и звамаад̣̇и. бхууд̇аанийд̇и сад̇д̇аад̇хиважанамзд̇ам̣, на гаало бхууд̇аанам̣ жаммамам̣саад̣̇ийни лун̃жид̇ваа каад̣̇ад̇и, абижа ко нзсам̣ ааяуван̣н̣аб̣алаани кзбзнд̇о яоб̣б̣ан̃н̃ам̣ мад̣̇д̣̇анд̇о аарог̇яам̣ винаасзнд̇о гхасад̇и каад̣̇ад̇ийд̇и вужжад̇и. звам̣ гхасанд̇о жа на гин̃жи важ̇ж̇зд̇и, саб̣б̣аанзва гхасад̇и. на гзвалан̃жа бхууд̇аанзва, абижа ко сахад̇д̇анаа ад̇д̇аанамби гхасад̇и, бурзбхад̇д̇агаало бажчаабхад̇д̇агаалам̣ на баабун̣аад̇и. зса наяо бажчаабхад̇д̇агаалаад̣̇ийсу. яо жа гаалагхасо бхууд̇од̇и кийн̣аасавассзд̇ам̣ ад̇хиважанам̣ . со хи арияамаг̇г̇зна ааяад̇им̣ бадисанд̇хигаалам̣ кзбзд̇ваа каад̣̇ид̇ваа тид̇ад̇д̇аа ‘‘гаалагхасо бхууд̇о’’д̇и вужжад̇и . са бхууд̇абажаним̣ бажийд̇и со яааяам̣ д̇ан̣хаа абааязсу бхууд̇з бажад̇и, д̇ам̣ н̃аан̣аг̇г̇инаа бажи д̣̇ахи бхасмамагааси, д̇зна ‘‘бхууд̇абажаним̣ бажий’’д̇и вужжад̇и. ‘‘баж̇ани’’нд̇иби баато, ж̇анигам̣ ниб̣б̣ад̇д̇агинд̇и ад̇т̇о.
Tattha kāloti purebhattakālopi pacchābhattakālopīti evamādi. Bhūtānīti sattādhivacanametaṃ, na kālo bhūtānaṃ cammamaṃsādīni luñcitvā khādati, apica kho nesaṃ āyuvaṇṇabalāni khepento yobbaññaṃ maddanto ārogyaṃ vināsento ghasati khādatīti vuccati. Evaṃ ghasanto ca na kiñci vajjeti, sabbāneva ghasati. Na kevalañca bhūtāneva, apica kho sahattanā attānampi ghasati, purebhattakālo pacchābhattakālaṃ na pāpuṇāti. Esa nayo pacchābhattakālādīsu. Yo ca kālaghaso bhūtoti khīṇāsavassetaṃ adhivacanaṃ . So hi ariyamaggena āyatiṃ paṭisandhikālaṃ khepetvā khāditvā ṭhitattā ‘‘kālaghaso bhūto’’ti vuccati . Sa bhūtapacaniṃ pacīti so yāyaṃ taṇhā apāyesu bhūte pacati, taṃ ñāṇagginā paci dahi bhasmamakāsi, tena ‘‘bhūtapacaniṃ pacī’’ti vuccati. ‘‘Pajani’’ntipi pāṭho, janikaṃ nibbattakinti attho.
имам̣ бан̃хам̣ суд̇ваа маан̣авзсу згоби ж̇аанид̇ум̣ самад̇т̇о наама наахоси. ат̇а нз б̣од̇хисад̇д̇о ‘‘маа ко д̇умхз ‘аяам̣ бан̃хо д̇ийсу взд̣̇зсу ад̇т̇ий’д̇и сан̃н̃ам̣ агад̇т̇а, д̇умхз ‘яамахам̣ ж̇аанаами, д̇ам̣ саб̣б̣ам̣ ж̇аанаамаа’д̇и ман̃н̃амаанаа мам̣ б̣ад̣̇ариругкасад̣̇исам̣ гарот̇а, мама д̇умхзхи ан̃н̃аад̇асса б̣ахуно ж̇аананабхаавам̣ на ж̇аанаат̇а, г̇ажчат̇а сад̇д̇амз д̣̇ивасз гаалам̣ д̣̇амми, зд̇д̇агзна гаалзна имам̣ бан̃хам̣ жинд̇зт̇аа’’д̇и. д̇з б̣од̇хисад̇д̇ам̣ ванд̣̇ид̇ваа ад̇д̇ано ад̇д̇ано васанадтаанам̣ г̇анд̇ваа сад̇д̇аахам̣ жинд̇зд̇вааби бан̃хасса нзва анд̇ам̣, на годим̣ бассим̣су. д̇з сад̇д̇амад̣̇ивасз аажарияасса санд̇игам̣ г̇анд̇ваа ванд̣̇ид̇ваа нисийд̣̇ид̇ваа ‘‘гим̣, бхад̣̇рамукаа, ж̇аанид̇т̇а бан̃ха’’нд̇и вуд̇д̇з ‘‘на ж̇аанаамаа’’д̇и вад̣̇им̣су. ат̇а б̣од̇хисад̇д̇о д̇з г̇арахамаано д̣̇уд̇ияам̣ г̇аат̇амааха –
Imaṃ pañhaṃ sutvā māṇavesu ekopi jānituṃ samattho nāma nāhosi. Atha ne bodhisatto ‘‘mā kho tumhe ‘ayaṃ pañho tīsu vedesu atthī’ti saññaṃ akattha, tumhe ‘yamahaṃ jānāmi, taṃ sabbaṃ jānāmā’ti maññamānā maṃ badarirukkhasadisaṃ karotha, mama tumhehi aññātassa bahuno jānanabhāvaṃ na jānātha, gacchatha sattame divase kālaṃ dammi, ettakena kālena imaṃ pañhaṃ cintethā’’ti. Te bodhisattaṃ vanditvā attano attano vasanaṭṭhānaṃ gantvā sattāhaṃ cintetvāpi pañhassa neva antaṃ, na koṭiṃ passiṃsu. Te sattamadivase ācariyassa santikaṃ gantvā vanditvā nisīditvā ‘‘kiṃ, bhadramukhā, jānittha pañha’’nti vutte ‘‘na jānāmā’’ti vadiṃsu. Atha bodhisatto te garahamāno dutiyaṃ gāthamāha –
191.
191.
‘‘б̣ахууни нарасийсаани, ломасаани б̣рахаани жа;
‘‘Bahūni narasīsāni, lomasāni brahāni ca;
г̇ийваасу бадимуггаани, гожид̣̇звзд̇т̇а ган̣н̣аваа’’д̇и.
Gīvāsu paṭimukkāni, kocidevettha kaṇṇavā’’ti.
д̇ассад̇т̇о – б̣ахууни нараанам̣ сийсаани д̣̇иссанд̇и, саб̣б̣аани жа д̇аани ломасаани, саб̣б̣аани маханд̇аани г̇ийваасуязва табид̇аани, на д̇аалапалам̣ вияа хад̇т̇зна г̇ахид̇аани, над̇т̇и д̇зсам̣ имзхи д̇хаммзхи наанаагаран̣ам̣. зд̇т̇а бана гожид̣̇зва ган̣н̣аваад̇и ад̇д̇аанам̣ санд̇хааяааха. ган̣н̣аваад̇и бан̃н̃аваа, ган̣н̣ачид̣̇д̣̇ам̣ бана на гассажи над̇т̇и. ид̇и д̇з маан̣авагз ‘‘ган̣н̣ачид̣̇д̣̇амад̇д̇амзва д̇умхаагам̣ б̣аалаанам̣ ад̇т̇и, на бан̃н̃аа’’д̇и г̇арахид̇ваа бан̃хам̣ виссаж̇ж̇зси. д̇з суд̇ваа – ‘‘ахо аажарияаа наама маханд̇аа’’д̇и камаабзд̇ваа нихад̇амаанаа б̣од̇хисад̇д̇ам̣ убадтахим̣су.
Tassattho – bahūni narānaṃ sīsāni dissanti, sabbāni ca tāni lomasāni, sabbāni mahantāni gīvāsuyeva ṭhapitāni, na tālaphalaṃ viya hatthena gahitāni, natthi tesaṃ imehi dhammehi nānākaraṇaṃ. Ettha pana kocideva kaṇṇavāti attānaṃ sandhāyāha. Kaṇṇavāti paññavā, kaṇṇachiddaṃ pana na kassaci natthi. Iti te māṇavake ‘‘kaṇṇachiddamattameva tumhākaṃ bālānaṃ atthi, na paññā’’ti garahitvā pañhaṃ vissajjesi. Te sutvā – ‘‘aho ācariyā nāma mahantā’’ti khamāpetvā nihatamānā bodhisattaṃ upaṭṭhahiṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бан̃жасад̇аа маан̣авагаа имз бхигкуу ахзсум̣, аажарияо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā pañcasatā māṇavakā ime bhikkhū ahesuṃ, ācariyo pana ahameva ahosi’’nti.
муулабарияааяаж̇аад̇агаван̣н̣анаа бан̃жамаа.
Mūlapariyāyajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 245. муулабарияааяаж̇аад̇агам̣ • 245. Mūlapariyāyajātakaṃ
