| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
маж̇жхиманигааяо
Majjhimanikāyo
муулабан̣н̣аасабаал̣и
Mūlapaṇṇāsapāḷi
1. муулабарияааяаваг̇г̇о
1. Mūlapariyāyavaggo
1. муулабарияааяасуд̇д̇ам̣
1. Mūlapariyāyasuttaṃ
1. звам̣ мз суд̇ам̣ – згам̣ самаяам̣ бхаг̇аваа уггадтааяам̣ вихарад̇и субхаг̇аванз сааларааж̇амуулз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘саб̣б̣ад̇хаммамуулабарияааяам̣ во, бхигкавз, д̣̇зсзссаами. д̇ам̣ сун̣аат̇а, саад̇хугам̣ манаси гарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
1. Evaṃ me sutaṃ – ekaṃ samayaṃ bhagavā ukkaṭṭhāyaṃ viharati subhagavane sālarājamūle. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘sabbadhammamūlapariyāyaṃ vo, bhikkhave, desessāmi. Taṃ suṇātha, sādhukaṃ manasi karotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
2. ‘‘ид̇ха, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о – бат̇авим̣ 1 бат̇авид̇о сан̃ж̇аанаад̇и; бат̇авим̣ бат̇авид̇о сан̃н̃ад̇ваа бат̇авим̣ ман̃н̃ад̇и, бат̇авияаа ман̃н̃ад̇и, бат̇авид̇о ман̃н̃ад̇и, бат̇авим̣ мзд̇и ман̃н̃ад̇и , бат̇авим̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
2. ‘‘Idha, bhikkhave, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto – pathaviṃ 2 pathavito sañjānāti; pathaviṃ pathavito saññatvā pathaviṃ maññati, pathaviyā maññati, pathavito maññati, pathaviṃ meti maññati , pathaviṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘аабам̣ аабад̇о сан̃ж̇аанаад̇и; аабам̣ аабад̇о сан̃н̃ад̇ваа аабам̣ ман̃н̃ад̇и, аабасмим̣ ман̃н̃ад̇и, аабад̇о ман̃н̃ад̇и, аабам̣ мзд̇и ман̃н̃ад̇и, аабам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Āpaṃ āpato sañjānāti; āpaṃ āpato saññatvā āpaṃ maññati, āpasmiṃ maññati, āpato maññati, āpaṃ meti maññati, āpaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘д̇зж̇ам̣ д̇зж̇ад̇о сан̃ж̇аанаад̇и; д̇зж̇ам̣ д̇зж̇ад̇о сан̃н̃ад̇ваа д̇зж̇ам̣ ман̃н̃ад̇и, д̇зж̇асмим̣ ман̃н̃ад̇и, д̇зж̇ад̇о ман̃н̃ад̇и, д̇зж̇ам̣ мзд̇и ман̃н̃ад̇и, д̇зж̇ам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Tejaṃ tejato sañjānāti; tejaṃ tejato saññatvā tejaṃ maññati, tejasmiṃ maññati, tejato maññati, tejaṃ meti maññati, tejaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘вааяам̣ вааяад̇о сан̃ж̇аанаад̇и; вааяам̣ вааяад̇о сан̃н̃ад̇ваа вааяам̣ ман̃н̃ад̇и, вааяасмим̣ ман̃н̃ад̇и, вааяад̇о ман̃н̃ад̇и, вааяам̣ мзд̇и ман̃н̃ад̇и, вааяам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Vāyaṃ vāyato sañjānāti; vāyaṃ vāyato saññatvā vāyaṃ maññati, vāyasmiṃ maññati, vāyato maññati, vāyaṃ meti maññati, vāyaṃ abhinandati. Taṃ kissa hetu? ‘Apariññātaṃ tassā’ti vadāmi.
3. ‘‘бхууд̇з бхууд̇ад̇о сан̃ж̇аанаад̇и; бхууд̇з бхууд̇ад̇о сан̃н̃ад̇ваа бхууд̇з ман̃н̃ад̇и, бхууд̇зсу ман̃н̃ад̇и, бхууд̇ад̇о ман̃н̃ад̇и, бхууд̇з мзд̇и ман̃н̃ад̇и, бхууд̇з абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
3. ‘‘Bhūte bhūtato sañjānāti; bhūte bhūtato saññatvā bhūte maññati, bhūtesu maññati, bhūtato maññati, bhūte meti maññati, bhūte abhinandati. Taṃ kissa hetu? ‘Apariññātaṃ tassā’ti vadāmi.
‘‘д̣̇звз д̣̇звад̇о сан̃ж̇аанаад̇и; д̣̇звз д̣̇звад̇о сан̃н̃ад̇ваа д̣̇звз ман̃н̃ад̇и, д̣̇звзсу ман̃н̃ад̇и, д̣̇звад̇о ман̃н̃ад̇и, д̣̇звз мзд̇и ман̃н̃ад̇и, д̣̇звз абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Deve devato sañjānāti; deve devato saññatvā deve maññati, devesu maññati, devato maññati, deve meti maññati, deve abhinandati. Taṃ kissa hetu? ‘Apariññātaṃ tassā’ti vadāmi.
‘‘баж̇аабад̇им̣ баж̇аабад̇ид̇о сан̃ж̇аанаад̇и; баж̇аабад̇им̣ баж̇аабад̇ид̇о сан̃н̃ад̇ваа баж̇аабад̇им̣ ман̃н̃ад̇и, баж̇аабад̇исмим̣ ман̃н̃ад̇и, баж̇аабад̇ид̇о ман̃н̃ад̇и, баж̇аабад̇им̣ мзд̇и ман̃н̃ад̇и, баж̇аабад̇им̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Pajāpatiṃ pajāpatito sañjānāti; pajāpatiṃ pajāpatito saññatvā pajāpatiṃ maññati, pajāpatismiṃ maññati, pajāpatito maññati, pajāpatiṃ meti maññati, pajāpatiṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘б̣рахмам̣ б̣рахмад̇о сан̃ж̇аанаад̇и; б̣рахмам̣ б̣рахмад̇о сан̃н̃ад̇ваа б̣рахмам̣ ман̃н̃ад̇и , б̣рахмасмим̣ ман̃н̃ад̇и, б̣рахмад̇о ман̃н̃ад̇и, б̣рахмам̣ мзд̇и ман̃н̃ад̇и, б̣рахмам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Brahmaṃ brahmato sañjānāti; brahmaṃ brahmato saññatvā brahmaṃ maññati , brahmasmiṃ maññati, brahmato maññati, brahmaṃ meti maññati, brahmaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘аабхассарз аабхассарад̇о сан̃ж̇аанаад̇и; аабхассарз аабхассарад̇о сан̃н̃ад̇ваа аабхассарз ман̃н̃ад̇и, аабхассарзсу ман̃н̃ад̇и, аабхассарад̇о ман̃н̃ад̇и, аабхассарз мзд̇и ман̃н̃ад̇и, аабхассарз абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Ābhassare ābhassarato sañjānāti; ābhassare ābhassarato saññatvā ābhassare maññati, ābhassaresu maññati, ābhassarato maññati, ābhassare meti maññati, ābhassare abhinandati. Taṃ kissa hetu? ‘Apariññātaṃ tassā’ti vadāmi.
‘‘субхагин̣хз субхагин̣хад̇о сан̃ж̇аанаад̇и; субхагин̣хз субхагин̣хад̇о сан̃н̃ад̇ваа субхагин̣хз ман̃н̃ад̇и, субхагин̣хзсу ман̃н̃ад̇и, субхагин̣хад̇о ман̃н̃ад̇и, субхагин̣хз мзд̇и ман̃н̃ад̇и, субхагин̣хз абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Subhakiṇhe subhakiṇhato sañjānāti; subhakiṇhe subhakiṇhato saññatvā subhakiṇhe maññati, subhakiṇhesu maññati, subhakiṇhato maññati, subhakiṇhe meti maññati, subhakiṇhe abhinandati. Taṃ kissa hetu? ‘Apariññātaṃ tassā’ti vadāmi.
‘‘взхабпалз взхабпалад̇о сан̃ж̇аанаад̇и; взхабпалз взхабпалад̇о сан̃н̃ад̇ваа взхабпалз ман̃н̃ад̇и, взхабпалзсу ман̃н̃ад̇и, взхабпалад̇о ман̃н̃ад̇и, взхабпалз мзд̇и ман̃н̃ад̇и, взхабпалз абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Vehapphale vehapphalato sañjānāti; vehapphale vehapphalato saññatvā vehapphale maññati, vehapphalesu maññati, vehapphalato maññati, vehapphale meti maññati, vehapphale abhinandati. Taṃ kissa hetu? ‘Apariññātaṃ tassā’ti vadāmi.
‘‘абхибхум̣ абхибхууд̇о сан̃ж̇аанаад̇и; абхибхум̣ абхибхууд̇о сан̃н̃ад̇ваа абхибхум̣ ман̃н̃ад̇и, абхибхусмим̣ ман̃н̃ад̇и, абхибхууд̇о ман̃н̃ад̇и, абхибхум̣ мзд̇и ман̃н̃ад̇и, абхибхум̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Abhibhuṃ abhibhūto sañjānāti; abhibhuṃ abhibhūto saññatvā abhibhuṃ maññati, abhibhusmiṃ maññati, abhibhūto maññati, abhibhuṃ meti maññati, abhibhuṃ abhinandati. Taṃ kissa hetu? ‘Apariññātaṃ tassā’ti vadāmi.
4. ‘‘аагаасаанан̃жааяад̇анам̣ аагаасаанан̃жааяад̇анад̇о сан̃ж̇аанаад̇и; аагаасаанан̃жааяад̇анам̣ аагаасаанан̃жааяад̇анад̇о сан̃н̃ад̇ваа аагаасаанан̃жааяад̇анам̣ ман̃н̃ад̇и, аагаасаанан̃жааяад̇анасмим̣ ман̃н̃ад̇и, аагаасаанан̃жааяад̇анад̇о ман̃н̃ад̇и, аагаасаанан̃жааяад̇анам̣ мзд̇и ман̃н̃ад̇и, аагаасаанан̃жааяад̇анам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
4. ‘‘Ākāsānañcāyatanaṃ ākāsānañcāyatanato sañjānāti; ākāsānañcāyatanaṃ ākāsānañcāyatanato saññatvā ākāsānañcāyatanaṃ maññati, ākāsānañcāyatanasmiṃ maññati, ākāsānañcāyatanato maññati, ākāsānañcāyatanaṃ meti maññati, ākāsānañcāyatanaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘вин̃н̃аан̣ан̃жааяад̇анам̣ вин̃н̃аан̣ан̃жааяад̇анад̇о сан̃ж̇аанаад̇и; вин̃н̃аан̣ан̃жааяад̇анам̣ вин̃н̃аан̣ан̃жааяад̇анад̇о сан̃н̃ад̇ваа вин̃н̃аан̣ан̃жааяад̇анам̣ ман̃н̃ад̇и, вин̃н̃аан̣ан̃жааяад̇анасмим̣ ман̃н̃ад̇и, вин̃н̃аан̣ан̃жааяад̇анад̇о ман̃н̃ад̇и, вин̃н̃аан̣ан̃жааяад̇анам̣ мзд̇и ман̃н̃ад̇и, вин̃н̃аан̣ан̃жааяад̇анам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Viññāṇañcāyatanaṃ viññāṇañcāyatanato sañjānāti; viññāṇañcāyatanaṃ viññāṇañcāyatanato saññatvā viññāṇañcāyatanaṃ maññati, viññāṇañcāyatanasmiṃ maññati, viññāṇañcāyatanato maññati, viññāṇañcāyatanaṃ meti maññati, viññāṇañcāyatanaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘аагин̃жан̃н̃ааяад̇анам̣ аагин̃жан̃н̃ааяад̇анад̇о сан̃ж̇аанаад̇и; аагин̃жан̃н̃ааяад̇анам̣ аагин̃жан̃н̃ааяад̇анад̇о сан̃н̃ад̇ваа аагин̃жан̃н̃ааяад̇анам̣ ман̃н̃ад̇и, аагин̃жан̃н̃ааяад̇анасмим̣ ман̃н̃ад̇и, аагин̃жан̃н̃ааяад̇анад̇о ман̃н̃ад̇и, аагин̃жан̃н̃ааяад̇анам̣ мзд̇и ман̃н̃ад̇и, аагин̃жан̃н̃ааяад̇анам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Ākiñcaññāyatanaṃ ākiñcaññāyatanato sañjānāti; ākiñcaññāyatanaṃ ākiñcaññāyatanato saññatvā ākiñcaññāyatanaṃ maññati, ākiñcaññāyatanasmiṃ maññati, ākiñcaññāyatanato maññati, ākiñcaññāyatanaṃ meti maññati, ākiñcaññāyatanaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘нзвасан̃н̃аанаасан̃н̃ааяад̇анам̣ нзвасан̃н̃аанаасан̃н̃ааяад̇анад̇о сан̃ж̇аанаад̇и; нзвасан̃н̃аанаасан̃н̃ааяад̇анам̣ нзвасан̃н̃аанаасан̃н̃ааяад̇анад̇о сан̃н̃ад̇ваа нзвасан̃н̃аанаасан̃н̃ааяад̇анам̣ ман̃н̃ад̇и, нзвасан̃н̃аанаасан̃н̃ааяад̇анасмим̣ ман̃н̃ад̇и, нзвасан̃н̃аанаасан̃н̃ааяад̇анад̇о ман̃н̃ад̇и, нзвасан̃н̃аанаасан̃н̃ааяад̇анам̣ мзд̇и ман̃н̃ад̇и, нзвасан̃н̃аанаасан̃н̃ааяад̇анам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Nevasaññānāsaññāyatanaṃ nevasaññānāsaññāyatanato sañjānāti; nevasaññānāsaññāyatanaṃ nevasaññānāsaññāyatanato saññatvā nevasaññānāsaññāyatanaṃ maññati, nevasaññānāsaññāyatanasmiṃ maññati, nevasaññānāsaññāyatanato maññati, nevasaññānāsaññāyatanaṃ meti maññati, nevasaññānāsaññāyatanaṃ abhinandati. Taṃ kissa hetu? ‘Apariññātaṃ tassā’ti vadāmi.
5. ‘‘д̣̇идтам̣ д̣̇идтад̇о сан̃ж̇аанаад̇и; д̣̇идтам̣ д̣̇идтад̇о сан̃н̃ад̇ваа д̣̇идтам̣ ман̃н̃ад̇и, д̣̇идтасмим̣ ман̃н̃ад̇и, д̣̇идтад̇о ман̃н̃ад̇и, д̣̇идтам̣ мзд̇и ман̃н̃ад̇и, д̣̇идтам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
5. ‘‘Diṭṭhaṃ diṭṭhato sañjānāti; diṭṭhaṃ diṭṭhato saññatvā diṭṭhaṃ maññati, diṭṭhasmiṃ maññati, diṭṭhato maññati, diṭṭhaṃ meti maññati, diṭṭhaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘суд̇ам̣ суд̇ад̇о сан̃ж̇аанаад̇и; суд̇ам̣ суд̇ад̇о сан̃н̃ад̇ваа суд̇ам̣ ман̃н̃ад̇и, суд̇асмим̣ ман̃н̃ад̇и, суд̇ад̇о ман̃н̃ад̇и, суд̇ам̣ мзд̇и ман̃н̃ад̇и, суд̇ам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Sutaṃ sutato sañjānāti; sutaṃ sutato saññatvā sutaṃ maññati, sutasmiṃ maññati, sutato maññati, sutaṃ meti maññati, sutaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘муд̇ам̣ муд̇ад̇о сан̃ж̇аанаад̇и; муд̇ам̣ муд̇ад̇о сан̃н̃ад̇ваа муд̇ам̣ ман̃н̃ад̇и, муд̇асмим̣ ман̃н̃ад̇и, муд̇ад̇о ман̃н̃ад̇и, муд̇ам̣ мзд̇и ман̃н̃ад̇и, муд̇ам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Mutaṃ mutato sañjānāti; mutaṃ mutato saññatvā mutaṃ maññati, mutasmiṃ maññati, mutato maññati, mutaṃ meti maññati, mutaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘вин̃н̃аад̇ам̣ вин̃н̃аад̇ад̇о сан̃ж̇аанаад̇и; вин̃н̃аад̇ам̣ вин̃н̃аад̇ад̇о сан̃н̃ад̇ваа вин̃н̃аад̇ам̣ ман̃н̃ад̇и, вин̃н̃аад̇асмим̣ ман̃н̃ад̇и, вин̃н̃аад̇ад̇о ман̃н̃ад̇и, вин̃н̃аад̇ам̣ мзд̇и ман̃н̃ад̇и, вин̃н̃аад̇ам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Viññātaṃ viññātato sañjānāti; viññātaṃ viññātato saññatvā viññātaṃ maññati, viññātasmiṃ maññati, viññātato maññati, viññātaṃ meti maññati, viññātaṃ abhinandati. Taṃ kissa hetu? ‘Apariññātaṃ tassā’ti vadāmi.
6. ‘‘згад̇д̇ам̣ згад̇д̇ад̇о сан̃ж̇аанаад̇и; згад̇д̇ам̣ згад̇д̇ад̇о сан̃н̃ад̇ваа згад̇д̇ам̣ ман̃н̃ад̇и, згад̇д̇асмим̣ ман̃н̃ад̇и, згад̇д̇ад̇о ман̃н̃ад̇и, згад̇д̇ам̣ мзд̇и ман̃н̃ад̇и, згад̇д̇ам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
6. ‘‘Ekattaṃ ekattato sañjānāti; ekattaṃ ekattato saññatvā ekattaṃ maññati, ekattasmiṃ maññati, ekattato maññati, ekattaṃ meti maññati, ekattaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘наанад̇д̇ам̣ наанад̇д̇ад̇о сан̃ж̇аанаад̇и; наанад̇д̇ам̣ наанад̇д̇ад̇о сан̃н̃ад̇ваа наанад̇д̇ам̣ ман̃н̃ад̇и, наанад̇д̇асмим̣ ман̃н̃ад̇и, наанад̇д̇ад̇о ман̃н̃ад̇и, наанад̇д̇ам̣ мзд̇и ман̃н̃ад̇и, наанад̇д̇ам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Nānattaṃ nānattato sañjānāti; nānattaṃ nānattato saññatvā nānattaṃ maññati, nānattasmiṃ maññati, nānattato maññati, nānattaṃ meti maññati, nānattaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘саб̣б̣ам̣ саб̣б̣ад̇о сан̃ж̇аанаад̇и; саб̣б̣ам̣ саб̣б̣ад̇о сан̃н̃ад̇ваа саб̣б̣ам̣ ман̃н̃ад̇и, саб̣б̣асмим̣ ман̃н̃ад̇и, саб̣б̣ад̇о ман̃н̃ад̇и, саб̣б̣ам̣ мзд̇и ман̃н̃ад̇и, саб̣б̣ам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Sabbaṃ sabbato sañjānāti; sabbaṃ sabbato saññatvā sabbaṃ maññati, sabbasmiṃ maññati, sabbato maññati, sabbaṃ meti maññati, sabbaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ниб̣б̣аанам̣ ниб̣б̣аанад̇о сан̃ж̇аанаад̇и; ниб̣б̣аанам̣ ниб̣б̣аанад̇о сан̃н̃ад̇ваа ниб̣б̣аанам̣ ман̃н̃ад̇и, ниб̣б̣аанасмим̣ ман̃н̃ад̇и , ниб̣б̣аанад̇о ман̃н̃ад̇и, ниб̣б̣аанам̣ мзд̇и ман̃н̃ад̇и, ниб̣б̣аанам̣ абхинанд̣̇ад̇и. д̇ам̣ гисса хзд̇у? ‘абарин̃н̃аад̇ам̣ д̇ассаа’д̇и вад̣̇аами.
‘‘Nibbānaṃ nibbānato sañjānāti; nibbānaṃ nibbānato saññatvā nibbānaṃ maññati, nibbānasmiṃ maññati , nibbānato maññati, nibbānaṃ meti maññati, nibbānaṃ abhinandati. Taṃ kissa hetu? ‘Apariññātaṃ tassā’ti vadāmi.
бут̇уж̇ж̇анавасзна батаманаяабхуумибарижчзд̣̇о нидтид̇о.
Puthujjanavasena paṭhamanayabhūmiparicchedo niṭṭhito.
7. ‘‘яоби со, бхигкавз, бхигку сзгко 3 аббад̇д̇амаанасо ануд̇д̇арам̣ яог̇агкзмам̣ бад̇т̇аяамаано вихарад̇и, соби бат̇авим̣ бат̇авид̇о абхиж̇аанаад̇и; бат̇авим̣ бат̇авид̇о абхин̃н̃ааяа 4 бат̇авим̣ маа ман̃н̃и 5, бат̇авияаа маа ман̃н̃и, бат̇авид̇о маа ман̃н̃и, бат̇авим̣ мзд̇и маа ман̃н̃и, бат̇авим̣ маабхинанд̣̇и 6. д̇ам̣ гисса хзд̇у? ‘барин̃н̃зяяам̣ д̇ассаа’д̇и вад̣̇аами.
7. ‘‘Yopi so, bhikkhave, bhikkhu sekkho 7 appattamānaso anuttaraṃ yogakkhemaṃ patthayamāno viharati, sopi pathaviṃ pathavito abhijānāti; pathaviṃ pathavito abhiññāya 8 pathaviṃ mā maññi 9, pathaviyā mā maññi, pathavito mā maññi, pathaviṃ meti mā maññi, pathaviṃ mābhinandi 10. Taṃ kissa hetu? ‘Pariññeyyaṃ tassā’ti vadāmi.
‘‘аабам̣…бз… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣… аабхассарз… субхагин̣хз… взхабпалз… абхибхум̣… аагаасаанан̃жааяад̇анам̣… вин̃н̃аан̣ан̃жааяад̇анам̣… аагин̃жан̃н̃ааяад̇анам̣… нзвасан̃н̃аанаасан̃н̃ааяад̇анам̣… д̣̇идтам̣… суд̇ам̣… муд̇ам̣… вин̃н̃аад̇ам̣… згад̇д̇ам̣… наанад̇д̇ам̣… саб̣б̣ам̣… ниб̣б̣аанам̣ ниб̣б̣аанад̇о абхиж̇аанаад̇и; ниб̣б̣аанам̣ ниб̣б̣аанад̇о абхин̃н̃ааяа ниб̣б̣аанам̣ маа ман̃н̃и, ниб̣б̣аанасмим̣ маа ман̃н̃и, ниб̣б̣аанад̇о маа ман̃н̃и, ниб̣б̣аанам̣ мзд̇и маа ман̃н̃и, ниб̣б̣аанам̣ маабхинанд̣̇и. д̇ам̣ гисса хзд̇у? ‘барин̃н̃зяяам̣ д̇ассаа’д̇и вад̣̇аами.
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ mā maññi, nibbānasmiṃ mā maññi, nibbānato mā maññi, nibbānaṃ meti mā maññi, nibbānaṃ mābhinandi. Taṃ kissa hetu? ‘Pariññeyyaṃ tassā’ti vadāmi.
сзгкавасзна 11 д̣̇уд̇ияанаяабхуумибарижчзд̣̇о нидтид̇о.
Sekkhavasena 12 dutiyanayabhūmiparicchedo niṭṭhito.
8. ‘‘яоби со, бхигкавз, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о, соби бат̇авим̣ бат̇авид̇о абхиж̇аанаад̇и; бат̇авим̣ бат̇авид̇о абхин̃н̃ааяа бат̇авим̣ на ман̃н̃ад̇и, бат̇авияаа на ман̃н̃ад̇и, бат̇авид̇о на ман̃н̃ад̇и, бат̇авим̣ мзд̇и на ман̃н̃ад̇и, бат̇авим̣ наабхинанд̣̇ад̇и. д̇ам̣ гисса хзд̇у? ‘барин̃н̃аад̇ам̣ д̇ассаа’д̇и вад̣̇аами.
8. ‘‘Yopi so, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, sopi pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? ‘Pariññātaṃ tassā’ti vadāmi.
‘‘аабам̣…бз… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣… аабхассарз… субхагин̣хз… взхабпалз… абхибхум̣… аагаасаанан̃жааяад̇анам̣… вин̃н̃аан̣ан̃жааяад̇анам̣… аагин̃жан̃н̃ааяад̇анам̣… нзвасан̃н̃аанаасан̃н̃ааяад̇анам̣… д̣̇идтам̣… суд̇ам̣… муд̇ам̣… вин̃н̃аад̇ам̣… згад̇д̇ам̣… наанад̇д̇ам̣… саб̣б̣ам̣… ниб̣б̣аанам̣ ниб̣б̣аанад̇о абхиж̇аанаад̇и; ниб̣б̣аанам̣ ниб̣б̣аанад̇о абхин̃н̃ааяа ниб̣б̣аанам̣ на ман̃н̃ад̇и, ниб̣б̣аанасмим̣ на ман̃н̃ад̇и, ниб̣б̣аанад̇о на ман̃н̃ад̇и, ниб̣б̣аанам̣ мзд̇и на ман̃н̃ад̇и, ниб̣б̣аанам̣ наабхинанд̣̇ад̇и. д̇ам̣ гисса хзд̇у? ‘барин̃н̃аад̇ам̣ д̇ассаа’д̇и вад̣̇аами.
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? ‘Pariññātaṃ tassā’ti vadāmi.
кийн̣аасававасзна д̇ад̇ияанаяабхуумибарижчзд̣̇о нидтид̇о.
Khīṇāsavavasena tatiyanayabhūmiparicchedo niṭṭhito.
9. ‘‘яоби со, бхигкавз, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о, соби бат̇авим̣ бат̇авид̇о абхиж̇аанаад̇и; бат̇авим̣ бат̇авид̇о абхин̃н̃ааяа бат̇авим̣ на ман̃н̃ад̇и, бат̇авияаа на ман̃н̃ад̇и, бат̇авид̇о на ман̃н̃ад̇и, бат̇авим̣ мзд̇и на ман̃н̃ад̇и, бат̇авим̣ наабхинанд̣̇ад̇и. д̇ам̣ гисса хзд̇у? каяаа рааг̇асса, вийд̇арааг̇ад̇д̇аа.
9. ‘‘Yopi so, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, sopi pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? Khayā rāgassa, vītarāgattā.
‘‘аабам̣…бз… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣… аабхассарз… субхагин̣хз… взхабпалз… абхибхум̣… аагаасаанан̃жааяад̇анам̣… вин̃н̃аан̣ан̃жааяад̇анам̣… аагин̃жан̃н̃ааяад̇анам̣ … нзвасан̃н̃аанаасан̃н̃ааяад̇анам̣ … д̣̇идтам̣… суд̇ам̣… муд̇ам̣… вин̃н̃аад̇ам̣… згад̇д̇ам̣… наанад̇д̇ам̣… саб̣б̣ам̣… ниб̣б̣аанам̣ ниб̣б̣аанад̇о абхиж̇аанаад̇и; ниб̣б̣аанам̣ ниб̣б̣аанад̇о абхин̃н̃ааяа ниб̣б̣аанам̣ на ман̃н̃ад̇и, ниб̣б̣аанасмим̣ на ман̃н̃ад̇и, ниб̣б̣аанад̇о на ман̃н̃ад̇и, ниб̣б̣аанам̣ мзд̇и на ман̃н̃ад̇и, ниб̣б̣аанам̣ наабхинанд̣̇ад̇и. д̇ам̣ гисса хзд̇у? каяаа рааг̇асса, вийд̇арааг̇ад̇д̇аа.
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ … nevasaññānāsaññāyatanaṃ … diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? Khayā rāgassa, vītarāgattā.
кийн̣аасававасзна жад̇уд̇т̇анаяабхуумибарижчзд̣̇о нидтид̇о.
Khīṇāsavavasena catutthanayabhūmiparicchedo niṭṭhito.
10. ‘‘яоби со, бхигкавз, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о, соби бат̇авим̣ бат̇авид̇о абхиж̇аанаад̇и; бат̇авим̣ бат̇авид̇о абхин̃н̃ааяа бат̇авим̣ на ман̃н̃ад̇и, бат̇авияаа на ман̃н̃ад̇и, бат̇авид̇о на ман̃н̃ад̇и, бат̇авим̣ мзд̇и на ман̃н̃ад̇и, бат̇авим̣ наабхинанд̣̇ад̇и. д̇ам̣ гисса хзд̇у? каяаа д̣̇осасса, вийд̇ад̣̇осад̇д̇аа.
10. ‘‘Yopi so, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, sopi pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? Khayā dosassa, vītadosattā.
‘‘аабам̣…бз… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣… аабхассарз… субхагин̣хз… взхабпалз… абхибхум̣… аагаасаанан̃жааяад̇анам̣… вин̃н̃аан̣ан̃жааяад̇анам̣… аагин̃жан̃н̃ааяад̇анам̣… нзвасан̃н̃аанаасан̃н̃ааяад̇анам̣… д̣̇идтам̣… суд̇ам̣… муд̇ам̣… вин̃н̃аад̇ам̣… згад̇д̇ам̣… наанад̇д̇ам̣… саб̣б̣ам̣… ниб̣б̣аанам̣ ниб̣б̣аанад̇о абхиж̇аанаад̇и; ниб̣б̣аанам̣ ниб̣б̣аанад̇о абхин̃н̃ааяа ниб̣б̣аанам̣ на ман̃н̃ад̇и, ниб̣б̣аанасмим̣ на ман̃н̃ад̇и, ниб̣б̣аанад̇о на ман̃н̃ад̇и, ниб̣б̣аанам̣ мзд̇и на ман̃н̃ад̇и, ниб̣б̣аанам̣ наабхинанд̣̇ад̇и. д̇ам̣ гисса хзд̇у? каяаа д̣̇осасса, вийд̇ад̣̇осад̇д̇аа.
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? Khayā dosassa, vītadosattā.
кийн̣аасававасзна бан̃жаманаяабхуумибарижчзд̣̇о нидтид̇о.
Khīṇāsavavasena pañcamanayabhūmiparicchedo niṭṭhito.
11. ‘‘яоби со, бхигкавз, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о, соби бат̇авим̣ бат̇авид̇о абхиж̇аанаад̇и; бат̇авим̣ бат̇авид̇о абхин̃н̃ааяа бат̇авим̣ на ман̃н̃ад̇и, бат̇авияаа на ман̃н̃ад̇и, бат̇авид̇о на ман̃н̃ад̇и, бат̇авим̣ мзд̇и на ман̃н̃ад̇и, бат̇авим̣ наабхинанд̣̇ад̇и. д̇ам̣ гисса хзд̇у? каяаа мохасса, вийд̇амохад̇д̇аа.
11. ‘‘Yopi so, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, sopi pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? Khayā mohassa, vītamohattā.
‘‘аабам̣…бз… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣… аабхассарз… субхагин̣хз… взхабпалз… абхибхум̣… аагаасаанан̃жааяад̇анам̣… вин̃н̃аан̣ан̃жааяад̇анам̣… аагин̃жан̃н̃ааяад̇анам̣ … нзвасан̃н̃аанаасан̃н̃ааяад̇анам̣… д̣̇идтам̣… суд̇ам̣… муд̇ам̣… вин̃н̃аад̇ам̣… згад̇д̇ам̣… наанад̇д̇ам̣… саб̣б̣ам̣… ниб̣б̣аанам̣ ниб̣б̣аанад̇о абхиж̇аанаад̇и; ниб̣б̣аанам̣ ниб̣б̣аанад̇о абхин̃н̃ааяа ниб̣б̣аанам̣ на ман̃н̃ад̇и, ниб̣б̣аанасмим̣ на ман̃н̃ад̇и, ниб̣б̣аанад̇о на ман̃н̃ад̇и, ниб̣б̣аанам̣ мзд̇и на ман̃н̃ад̇и, ниб̣б̣аанам̣ наабхинанд̣̇ад̇и. д̇ам̣ гисса хзд̇у? каяаа мохасса, вийд̇амохад̇д̇аа.
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ … nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? Khayā mohassa, vītamohattā.
кийн̣аасававасзна чадтанаяабхуумибарижчзд̣̇о нидтид̇о.
Khīṇāsavavasena chaṭṭhanayabhūmiparicchedo niṭṭhito.
12. ‘‘д̇ат̇ааг̇ад̇оби, бхигкавз, арахам̣ саммаасамб̣уд̣̇д̇хо бат̇авим̣ бат̇авид̇о абхиж̇аанаад̇и; бат̇авим̣ бат̇авид̇о абхин̃н̃ааяа бат̇авим̣ на ман̃н̃ад̇и, бат̇авияаа на ман̃н̃ад̇и, бат̇авид̇о на ман̃н̃ад̇и, бат̇авим̣ мзд̇и на ман̃н̃ад̇и, бат̇авим̣ наабхинанд̣̇ад̇и . д̇ам̣ гисса хзд̇у? ‘барин̃н̃аад̇анд̇ам̣ д̇ат̇ааг̇ад̇ассаа’д̇и вад̣̇аами.
12. ‘‘Tathāgatopi, bhikkhave, arahaṃ sammāsambuddho pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati . Taṃ kissa hetu? ‘Pariññātantaṃ tathāgatassā’ti vadāmi.
‘‘аабам̣…бз… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣… аабхассарз… субхагин̣хз… взхабпалз… абхибхум̣… аагаасаанан̃жааяад̇анам̣… вин̃н̃аан̣ан̃жааяад̇анам̣ … аагин̃жан̃н̃ааяад̇анам̣… нзвасан̃н̃аанаасан̃н̃ааяад̇анам̣… д̣̇идтам̣… суд̇ам̣… муд̇ам̣… вин̃н̃аад̇ам̣… згад̇д̇ам̣… наанад̇д̇ам̣… саб̣б̣ам̣… ниб̣б̣аанам̣ ниб̣б̣аанад̇о абхиж̇аанаад̇и; ниб̣б̣аанам̣ ниб̣б̣аанад̇о абхин̃н̃ааяа ниб̣б̣аанам̣ на ман̃н̃ад̇и, ниб̣б̣аанасмим̣ на ман̃н̃ад̇и, ниб̣б̣аанад̇о на ман̃н̃ад̇и, ниб̣б̣аанам̣ мзд̇и на ман̃н̃ад̇и, ниб̣б̣аанам̣ наабхинанд̣̇ад̇и. д̇ам̣ гисса хзд̇у? ‘барин̃н̃аад̇анд̇ам̣ д̇ат̇ааг̇ад̇ассаа’д̇и вад̣̇аами.
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ … ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? ‘Pariññātantaṃ tathāgatassā’ti vadāmi.
д̇ат̇ааг̇ад̇авасзна сад̇д̇аманаяабхуумибарижчзд̣̇о нидтид̇о.
Tathāgatavasena sattamanayabhūmiparicchedo niṭṭhito.
13. ‘‘д̇ат̇ааг̇ад̇оби , бхигкавз, арахам̣ саммаасамб̣уд̣̇д̇хо бат̇авим̣ бат̇авид̇о абхиж̇аанаад̇и; бат̇авим̣ бат̇авид̇о абхин̃н̃ааяа бат̇авим̣ на ман̃н̃ад̇и, бат̇авияаа на ман̃н̃ад̇и, бат̇авид̇о на ман̃н̃ад̇и, бат̇авим̣ мзд̇и на ман̃н̃ад̇и, бат̇авим̣ наабхинанд̣̇ад̇и. д̇ам̣ гисса хзд̇у? ‘нанд̣̇ий 13 д̣̇угкасса муула’нд̇и – ид̇и вид̣̇ид̇ваа ‘бхаваа ж̇аад̇и бхууд̇асса ж̇араамаран̣а’нд̇и. д̇асмаад̇иха, бхигкавз, ‘д̇ат̇ааг̇ад̇о саб̣б̣асо д̇ан̣хаанам̣ каяаа вирааг̇аа нирод̇хаа жааг̇аа бадиниссаг̇г̇аа ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и вад̣̇аами.
13. ‘‘Tathāgatopi , bhikkhave, arahaṃ sammāsambuddho pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? ‘Nandī 14 dukkhassa mūla’nti – iti viditvā ‘bhavā jāti bhūtassa jarāmaraṇa’nti. Tasmātiha, bhikkhave, ‘tathāgato sabbaso taṇhānaṃ khayā virāgā nirodhā cāgā paṭinissaggā anuttaraṃ sammāsambodhiṃ abhisambuddho’ti vadāmi.
‘‘аабам̣ …бз… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣… аабхассарз… субхагин̣хз… взхабпалз… абхибхум̣… аагаасаанан̃жааяад̇анам̣… вин̃н̃аан̣ан̃жааяад̇анам̣… аагин̃жан̃н̃ааяад̇анам̣… нзвасан̃н̃аанаасан̃н̃ааяад̇анам̣… д̣̇идтам̣… суд̇ам̣… муд̇ам̣… вин̃н̃аад̇ам̣… згад̇д̇ам̣… наанад̇д̇ам̣… саб̣б̣ам̣… ниб̣б̣аанам̣ ниб̣б̣аанад̇о абхиж̇аанаад̇и; ниб̣б̣аанам̣ ниб̣б̣аанад̇о абхин̃н̃ааяа ниб̣б̣аанам̣ на ман̃н̃ад̇и, ниб̣б̣аанасмим̣ на ман̃н̃ад̇и, ниб̣б̣аанад̇о на ман̃н̃ад̇и, ниб̣б̣аанам̣ мзд̇и на ман̃н̃ад̇и, ниб̣б̣аанам̣ наабхинанд̣̇ад̇и. д̇ам̣ гисса хзд̇у? ‘нанд̣̇ий д̣̇угкасса муула’нд̇и – ид̇и вид̣̇ид̇ваа ‘бхаваа ж̇аад̇и бхууд̇асса ж̇араамаран̣а’нд̇и. д̇асмаад̇иха, бхигкавз, ‘д̇ат̇ааг̇ад̇о саб̣б̣асо д̇ан̣хаанам̣ каяаа вирааг̇аа нирод̇хаа жааг̇аа бадиниссаг̇г̇аа ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и вад̣̇аамий’’д̇и.
‘‘Āpaṃ …pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? ‘Nandī dukkhassa mūla’nti – iti viditvā ‘bhavā jāti bhūtassa jarāmaraṇa’nti. Tasmātiha, bhikkhave, ‘tathāgato sabbaso taṇhānaṃ khayā virāgā nirodhā cāgā paṭinissaggā anuttaraṃ sammāsambodhiṃ abhisambuddho’ti vadāmī’’ti.
д̇ат̇ааг̇ад̇авасзна адтаманаяабхуумибарижчзд̣̇о нидтид̇о.
Tathāgatavasena aṭṭhamanayabhūmiparicchedo niṭṭhito.
ид̣̇амавожа бхаг̇аваа. на д̇з бхигкуу 15 бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Na te bhikkhū 16 bhagavato bhāsitaṃ abhinandunti.
муулабарияааяасуд̇д̇ам̣ нидтид̇ам̣ батамам̣.
Mūlapariyāyasuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. муулабарияааяасуд̇д̇аван̣н̣анаа • 1. Mūlapariyāyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. муулабарияааяасуд̇д̇аван̣н̣анаа • 1. Mūlapariyāyasuttavaṇṇanā
