| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਮਜ੍ਝਿਮਨਿਕਾਯੋ
Majjhimanikāyo
ਮੂਲਪਣ੍ਣਾਸਪਾਲ਼ਿ
Mūlapaṇṇāsapāḷi
੧. ਮੂਲਪਰਿਯਾਯવਗ੍ਗੋ
1. Mūlapariyāyavaggo
੧. ਮੂਲਪਰਿਯਾਯਸੁਤ੍ਤਂ
1. Mūlapariyāyasuttaṃ
੧. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਉਕ੍ਕਟ੍ਠਾਯਂ વਿਹਰਤਿ ਸੁਭਗવਨੇ ਸਾਲਰਾਜਮੂਲੇ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਭਿਕ੍ਖવੋ’’ਤਿ। ‘‘ਭਦਨ੍ਤੇ’’ਤਿ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ – ‘‘ਸਬ੍ਬਧਮ੍ਮਮੂਲਪਰਿਯਾਯਂ વੋ, ਭਿਕ੍ਖવੇ, ਦੇਸੇਸ੍ਸਾਮਿ। ਤਂ ਸੁਣਾਥ, ਸਾਧੁਕਂ ਮਨਸਿ ਕਰੋਥ, ਭਾਸਿਸ੍ਸਾਮੀ’’ਤਿ। ‘‘ਏવਂ, ਭਨ੍ਤੇ’’ਤਿ ਖੋ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ –
1. Evaṃ me sutaṃ – ekaṃ samayaṃ bhagavā ukkaṭṭhāyaṃ viharati subhagavane sālarājamūle. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘sabbadhammamūlapariyāyaṃ vo, bhikkhave, desessāmi. Taṃ suṇātha, sādhukaṃ manasi karotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
੨. ‘‘ਇਧ, ਭਿਕ੍ਖવੇ, ਅਸ੍ਸੁਤવਾ ਪੁਥੁਜ੍ਜਨੋ ਅਰਿਯਾਨਂ ਅਦਸ੍ਸਾવੀ ਅਰਿਯਧਮ੍ਮਸ੍ਸ ਅਕੋવਿਦੋ ਅਰਿਯਧਮ੍ਮੇ ਅવਿਨੀਤੋ, ਸਪ੍ਪੁਰਿਸਾਨਂ ਅਦਸ੍ਸਾવੀ ਸਪ੍ਪੁਰਿਸਧਮ੍ਮਸ੍ਸ ਅਕੋવਿਦੋ ਸਪ੍ਪੁਰਿਸਧਮ੍ਮੇ ਅવਿਨੀਤੋ – ਪਥવਿਂ 1 ਪਥવਿਤੋ ਸਞ੍ਜਾਨਾਤਿ; ਪਥવਿਂ ਪਥવਿਤੋ ਸਞ੍ਞਤ੍વਾ ਪਥવਿਂ ਮਞ੍ਞਤਿ, ਪਥવਿਯਾ ਮਞ੍ਞਤਿ, ਪਥવਿਤੋ ਮਞ੍ਞਤਿ, ਪਥવਿਂ ਮੇਤਿ ਮਞ੍ਞਤਿ , ਪਥવਿਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
2. ‘‘Idha, bhikkhave, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto – pathaviṃ 2 pathavito sañjānāti; pathaviṃ pathavito saññatvā pathaviṃ maññati, pathaviyā maññati, pathavito maññati, pathaviṃ meti maññati , pathaviṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਆਪਂ ਆਪਤੋ ਸਞ੍ਜਾਨਾਤਿ; ਆਪਂ ਆਪਤੋ ਸਞ੍ਞਤ੍વਾ ਆਪਂ ਮਞ੍ਞਤਿ, ਆਪਸ੍ਮਿਂ ਮਞ੍ਞਤਿ, ਆਪਤੋ ਮਞ੍ਞਤਿ, ਆਪਂ ਮੇਤਿ ਮਞ੍ਞਤਿ, ਆਪਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Āpaṃ āpato sañjānāti; āpaṃ āpato saññatvā āpaṃ maññati, āpasmiṃ maññati, āpato maññati, āpaṃ meti maññati, āpaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਤੇਜਂ ਤੇਜਤੋ ਸਞ੍ਜਾਨਾਤਿ; ਤੇਜਂ ਤੇਜਤੋ ਸਞ੍ਞਤ੍વਾ ਤੇਜਂ ਮਞ੍ਞਤਿ, ਤੇਜਸ੍ਮਿਂ ਮਞ੍ਞਤਿ, ਤੇਜਤੋ ਮਞ੍ਞਤਿ, ਤੇਜਂ ਮੇਤਿ ਮਞ੍ਞਤਿ, ਤੇਜਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Tejaṃ tejato sañjānāti; tejaṃ tejato saññatvā tejaṃ maññati, tejasmiṃ maññati, tejato maññati, tejaṃ meti maññati, tejaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘વਾਯਂ વਾਯਤੋ ਸਞ੍ਜਾਨਾਤਿ; વਾਯਂ વਾਯਤੋ ਸਞ੍ਞਤ੍વਾ વਾਯਂ ਮਞ੍ਞਤਿ, વਾਯਸ੍ਮਿਂ ਮਞ੍ਞਤਿ, વਾਯਤੋ ਮਞ੍ਞਤਿ, વਾਯਂ ਮੇਤਿ ਮਞ੍ਞਤਿ, વਾਯਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Vāyaṃ vāyato sañjānāti; vāyaṃ vāyato saññatvā vāyaṃ maññati, vāyasmiṃ maññati, vāyato maññati, vāyaṃ meti maññati, vāyaṃ abhinandati. Taṃ kissa hetu? ‘Apariññātaṃ tassā’ti vadāmi.
੩. ‘‘ਭੂਤੇ ਭੂਤਤੋ ਸਞ੍ਜਾਨਾਤਿ; ਭੂਤੇ ਭੂਤਤੋ ਸਞ੍ਞਤ੍વਾ ਭੂਤੇ ਮਞ੍ਞਤਿ, ਭੂਤੇਸੁ ਮਞ੍ਞਤਿ, ਭੂਤਤੋ ਮਞ੍ਞਤਿ, ਭੂਤੇ ਮੇਤਿ ਮਞ੍ਞਤਿ, ਭੂਤੇ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
3. ‘‘Bhūte bhūtato sañjānāti; bhūte bhūtato saññatvā bhūte maññati, bhūtesu maññati, bhūtato maññati, bhūte meti maññati, bhūte abhinandati. Taṃ kissa hetu? ‘Apariññātaṃ tassā’ti vadāmi.
‘‘ਦੇવੇ ਦੇવਤੋ ਸਞ੍ਜਾਨਾਤਿ; ਦੇવੇ ਦੇવਤੋ ਸਞ੍ਞਤ੍વਾ ਦੇવੇ ਮਞ੍ਞਤਿ, ਦੇવੇਸੁ ਮਞ੍ਞਤਿ, ਦੇવਤੋ ਮਞ੍ਞਤਿ, ਦੇવੇ ਮੇਤਿ ਮਞ੍ਞਤਿ, ਦੇવੇ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Deve devato sañjānāti; deve devato saññatvā deve maññati, devesu maññati, devato maññati, deve meti maññati, deve abhinandati. Taṃ kissa hetu? ‘Apariññātaṃ tassā’ti vadāmi.
‘‘ਪਜਾਪਤਿਂ ਪਜਾਪਤਿਤੋ ਸਞ੍ਜਾਨਾਤਿ; ਪਜਾਪਤਿਂ ਪਜਾਪਤਿਤੋ ਸਞ੍ਞਤ੍વਾ ਪਜਾਪਤਿਂ ਮਞ੍ਞਤਿ, ਪਜਾਪਤਿਸ੍ਮਿਂ ਮਞ੍ਞਤਿ, ਪਜਾਪਤਿਤੋ ਮਞ੍ਞਤਿ, ਪਜਾਪਤਿਂ ਮੇਤਿ ਮਞ੍ਞਤਿ, ਪਜਾਪਤਿਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Pajāpatiṃ pajāpatito sañjānāti; pajāpatiṃ pajāpatito saññatvā pajāpatiṃ maññati, pajāpatismiṃ maññati, pajāpatito maññati, pajāpatiṃ meti maññati, pajāpatiṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਬ੍ਰਹ੍ਮਂ ਬ੍ਰਹ੍ਮਤੋ ਸਞ੍ਜਾਨਾਤਿ; ਬ੍ਰਹ੍ਮਂ ਬ੍ਰਹ੍ਮਤੋ ਸਞ੍ਞਤ੍વਾ ਬ੍ਰਹ੍ਮਂ ਮਞ੍ਞਤਿ , ਬ੍ਰਹ੍ਮਸ੍ਮਿਂ ਮਞ੍ਞਤਿ, ਬ੍ਰਹ੍ਮਤੋ ਮਞ੍ਞਤਿ, ਬ੍ਰਹ੍ਮਂ ਮੇਤਿ ਮਞ੍ਞਤਿ, ਬ੍ਰਹ੍ਮਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Brahmaṃ brahmato sañjānāti; brahmaṃ brahmato saññatvā brahmaṃ maññati , brahmasmiṃ maññati, brahmato maññati, brahmaṃ meti maññati, brahmaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਆਭਸ੍ਸਰੇ ਆਭਸ੍ਸਰਤੋ ਸਞ੍ਜਾਨਾਤਿ; ਆਭਸ੍ਸਰੇ ਆਭਸ੍ਸਰਤੋ ਸਞ੍ਞਤ੍વਾ ਆਭਸ੍ਸਰੇ ਮਞ੍ਞਤਿ, ਆਭਸ੍ਸਰੇਸੁ ਮਞ੍ਞਤਿ, ਆਭਸ੍ਸਰਤੋ ਮਞ੍ਞਤਿ, ਆਭਸ੍ਸਰੇ ਮੇਤਿ ਮਞ੍ਞਤਿ, ਆਭਸ੍ਸਰੇ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Ābhassare ābhassarato sañjānāti; ābhassare ābhassarato saññatvā ābhassare maññati, ābhassaresu maññati, ābhassarato maññati, ābhassare meti maññati, ābhassare abhinandati. Taṃ kissa hetu? ‘Apariññātaṃ tassā’ti vadāmi.
‘‘ਸੁਭਕਿਣ੍ਹੇ ਸੁਭਕਿਣ੍ਹਤੋ ਸਞ੍ਜਾਨਾਤਿ; ਸੁਭਕਿਣ੍ਹੇ ਸੁਭਕਿਣ੍ਹਤੋ ਸਞ੍ਞਤ੍વਾ ਸੁਭਕਿਣ੍ਹੇ ਮਞ੍ਞਤਿ, ਸੁਭਕਿਣ੍ਹੇਸੁ ਮਞ੍ਞਤਿ, ਸੁਭਕਿਣ੍ਹਤੋ ਮਞ੍ਞਤਿ, ਸੁਭਕਿਣ੍ਹੇ ਮੇਤਿ ਮਞ੍ਞਤਿ, ਸੁਭਕਿਣ੍ਹੇ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Subhakiṇhe subhakiṇhato sañjānāti; subhakiṇhe subhakiṇhato saññatvā subhakiṇhe maññati, subhakiṇhesu maññati, subhakiṇhato maññati, subhakiṇhe meti maññati, subhakiṇhe abhinandati. Taṃ kissa hetu? ‘Apariññātaṃ tassā’ti vadāmi.
‘‘વੇਹਪ੍ਫਲੇ વੇਹਪ੍ਫਲਤੋ ਸਞ੍ਜਾਨਾਤਿ; વੇਹਪ੍ਫਲੇ વੇਹਪ੍ਫਲਤੋ ਸਞ੍ਞਤ੍વਾ વੇਹਪ੍ਫਲੇ ਮਞ੍ਞਤਿ, વੇਹਪ੍ਫਲੇਸੁ ਮਞ੍ਞਤਿ, વੇਹਪ੍ਫਲਤੋ ਮਞ੍ਞਤਿ, વੇਹਪ੍ਫਲੇ ਮੇਤਿ ਮਞ੍ਞਤਿ, વੇਹਪ੍ਫਲੇ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Vehapphale vehapphalato sañjānāti; vehapphale vehapphalato saññatvā vehapphale maññati, vehapphalesu maññati, vehapphalato maññati, vehapphale meti maññati, vehapphale abhinandati. Taṃ kissa hetu? ‘Apariññātaṃ tassā’ti vadāmi.
‘‘ਅਭਿਭੁਂ ਅਭਿਭੂਤੋ ਸਞ੍ਜਾਨਾਤਿ; ਅਭਿਭੁਂ ਅਭਿਭੂਤੋ ਸਞ੍ਞਤ੍વਾ ਅਭਿਭੁਂ ਮਞ੍ਞਤਿ, ਅਭਿਭੁਸ੍ਮਿਂ ਮਞ੍ਞਤਿ, ਅਭਿਭੂਤੋ ਮਞ੍ਞਤਿ, ਅਭਿਭੁਂ ਮੇਤਿ ਮਞ੍ਞਤਿ, ਅਭਿਭੁਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Abhibhuṃ abhibhūto sañjānāti; abhibhuṃ abhibhūto saññatvā abhibhuṃ maññati, abhibhusmiṃ maññati, abhibhūto maññati, abhibhuṃ meti maññati, abhibhuṃ abhinandati. Taṃ kissa hetu? ‘Apariññātaṃ tassā’ti vadāmi.
੪. ‘‘ਆਕਾਸਾਨਞ੍ਚਾਯਤਨਂ ਆਕਾਸਾਨਞ੍ਚਾਯਤਨਤੋ ਸਞ੍ਜਾਨਾਤਿ; ਆਕਾਸਾਨਞ੍ਚਾਯਤਨਂ ਆਕਾਸਾਨਞ੍ਚਾਯਤਨਤੋ ਸਞ੍ਞਤ੍વਾ ਆਕਾਸਾਨਞ੍ਚਾਯਤਨਂ ਮਞ੍ਞਤਿ, ਆਕਾਸਾਨਞ੍ਚਾਯਤਨਸ੍ਮਿਂ ਮਞ੍ਞਤਿ, ਆਕਾਸਾਨਞ੍ਚਾਯਤਨਤੋ ਮਞ੍ਞਤਿ, ਆਕਾਸਾਨਞ੍ਚਾਯਤਨਂ ਮੇਤਿ ਮਞ੍ਞਤਿ, ਆਕਾਸਾਨਞ੍ਚਾਯਤਨਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
4. ‘‘Ākāsānañcāyatanaṃ ākāsānañcāyatanato sañjānāti; ākāsānañcāyatanaṃ ākāsānañcāyatanato saññatvā ākāsānañcāyatanaṃ maññati, ākāsānañcāyatanasmiṃ maññati, ākāsānañcāyatanato maññati, ākāsānañcāyatanaṃ meti maññati, ākāsānañcāyatanaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘વਿਞ੍ਞਾਣਞ੍ਚਾਯਤਨਂ વਿਞ੍ਞਾਣਞ੍ਚਾਯਤਨਤੋ ਸਞ੍ਜਾਨਾਤਿ; વਿਞ੍ਞਾਣਞ੍ਚਾਯਤਨਂ વਿਞ੍ਞਾਣਞ੍ਚਾਯਤਨਤੋ ਸਞ੍ਞਤ੍વਾ વਿਞ੍ਞਾਣਞ੍ਚਾਯਤਨਂ ਮਞ੍ਞਤਿ, વਿਞ੍ਞਾਣਞ੍ਚਾਯਤਨਸ੍ਮਿਂ ਮਞ੍ਞਤਿ, વਿਞ੍ਞਾਣਞ੍ਚਾਯਤਨਤੋ ਮਞ੍ਞਤਿ, વਿਞ੍ਞਾਣਞ੍ਚਾਯਤਨਂ ਮੇਤਿ ਮਞ੍ਞਤਿ, વਿਞ੍ਞਾਣਞ੍ਚਾਯਤਨਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Viññāṇañcāyatanaṃ viññāṇañcāyatanato sañjānāti; viññāṇañcāyatanaṃ viññāṇañcāyatanato saññatvā viññāṇañcāyatanaṃ maññati, viññāṇañcāyatanasmiṃ maññati, viññāṇañcāyatanato maññati, viññāṇañcāyatanaṃ meti maññati, viññāṇañcāyatanaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਆਕਿਞ੍ਚਞ੍ਞਾਯਤਨਂ ਆਕਿਞ੍ਚਞ੍ਞਾਯਤਨਤੋ ਸਞ੍ਜਾਨਾਤਿ; ਆਕਿਞ੍ਚਞ੍ਞਾਯਤਨਂ ਆਕਿਞ੍ਚਞ੍ਞਾਯਤਨਤੋ ਸਞ੍ਞਤ੍વਾ ਆਕਿਞ੍ਚਞ੍ਞਾਯਤਨਂ ਮਞ੍ਞਤਿ, ਆਕਿਞ੍ਚਞ੍ਞਾਯਤਨਸ੍ਮਿਂ ਮਞ੍ਞਤਿ, ਆਕਿਞ੍ਚਞ੍ਞਾਯਤਨਤੋ ਮਞ੍ਞਤਿ, ਆਕਿਞ੍ਚਞ੍ਞਾਯਤਨਂ ਮੇਤਿ ਮਞ੍ਞਤਿ, ਆਕਿਞ੍ਚਞ੍ਞਾਯਤਨਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Ākiñcaññāyatanaṃ ākiñcaññāyatanato sañjānāti; ākiñcaññāyatanaṃ ākiñcaññāyatanato saññatvā ākiñcaññāyatanaṃ maññati, ākiñcaññāyatanasmiṃ maññati, ākiñcaññāyatanato maññati, ākiñcaññāyatanaṃ meti maññati, ākiñcaññāyatanaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਨੇવਸਞ੍ਞਾਨਾਸਞ੍ਞਾਯਤਨਂ ਨੇવਸਞ੍ਞਾਨਾਸਞ੍ਞਾਯਤਨਤੋ ਸਞ੍ਜਾਨਾਤਿ; ਨੇવਸਞ੍ਞਾਨਾਸਞ੍ਞਾਯਤਨਂ ਨੇવਸਞ੍ਞਾਨਾਸਞ੍ਞਾਯਤਨਤੋ ਸਞ੍ਞਤ੍વਾ ਨੇવਸਞ੍ਞਾਨਾਸਞ੍ਞਾਯਤਨਂ ਮਞ੍ਞਤਿ, ਨੇવਸਞ੍ਞਾਨਾਸਞ੍ਞਾਯਤਨਸ੍ਮਿਂ ਮਞ੍ਞਤਿ, ਨੇવਸਞ੍ਞਾਨਾਸਞ੍ਞਾਯਤਨਤੋ ਮਞ੍ਞਤਿ, ਨੇવਸਞ੍ਞਾਨਾਸਞ੍ਞਾਯਤਨਂ ਮੇਤਿ ਮਞ੍ਞਤਿ, ਨੇવਸਞ੍ਞਾਨਾਸਞ੍ਞਾਯਤਨਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Nevasaññānāsaññāyatanaṃ nevasaññānāsaññāyatanato sañjānāti; nevasaññānāsaññāyatanaṃ nevasaññānāsaññāyatanato saññatvā nevasaññānāsaññāyatanaṃ maññati, nevasaññānāsaññāyatanasmiṃ maññati, nevasaññānāsaññāyatanato maññati, nevasaññānāsaññāyatanaṃ meti maññati, nevasaññānāsaññāyatanaṃ abhinandati. Taṃ kissa hetu? ‘Apariññātaṃ tassā’ti vadāmi.
੫. ‘‘ਦਿਟ੍ਠਂ ਦਿਟ੍ਠਤੋ ਸਞ੍ਜਾਨਾਤਿ; ਦਿਟ੍ਠਂ ਦਿਟ੍ਠਤੋ ਸਞ੍ਞਤ੍વਾ ਦਿਟ੍ਠਂ ਮਞ੍ਞਤਿ, ਦਿਟ੍ਠਸ੍ਮਿਂ ਮਞ੍ਞਤਿ, ਦਿਟ੍ਠਤੋ ਮਞ੍ਞਤਿ, ਦਿਟ੍ਠਂ ਮੇਤਿ ਮਞ੍ਞਤਿ, ਦਿਟ੍ਠਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
5. ‘‘Diṭṭhaṃ diṭṭhato sañjānāti; diṭṭhaṃ diṭṭhato saññatvā diṭṭhaṃ maññati, diṭṭhasmiṃ maññati, diṭṭhato maññati, diṭṭhaṃ meti maññati, diṭṭhaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਸੁਤਂ ਸੁਤਤੋ ਸਞ੍ਜਾਨਾਤਿ; ਸੁਤਂ ਸੁਤਤੋ ਸਞ੍ਞਤ੍વਾ ਸੁਤਂ ਮਞ੍ਞਤਿ, ਸੁਤਸ੍ਮਿਂ ਮਞ੍ਞਤਿ, ਸੁਤਤੋ ਮਞ੍ਞਤਿ, ਸੁਤਂ ਮੇਤਿ ਮਞ੍ਞਤਿ, ਸੁਤਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Sutaṃ sutato sañjānāti; sutaṃ sutato saññatvā sutaṃ maññati, sutasmiṃ maññati, sutato maññati, sutaṃ meti maññati, sutaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਮੁਤਂ ਮੁਤਤੋ ਸਞ੍ਜਾਨਾਤਿ; ਮੁਤਂ ਮੁਤਤੋ ਸਞ੍ਞਤ੍વਾ ਮੁਤਂ ਮਞ੍ਞਤਿ, ਮੁਤਸ੍ਮਿਂ ਮਞ੍ਞਤਿ, ਮੁਤਤੋ ਮਞ੍ਞਤਿ, ਮੁਤਂ ਮੇਤਿ ਮਞ੍ਞਤਿ, ਮੁਤਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Mutaṃ mutato sañjānāti; mutaṃ mutato saññatvā mutaṃ maññati, mutasmiṃ maññati, mutato maññati, mutaṃ meti maññati, mutaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘વਿਞ੍ਞਾਤਂ વਿਞ੍ਞਾਤਤੋ ਸਞ੍ਜਾਨਾਤਿ; વਿਞ੍ਞਾਤਂ વਿਞ੍ਞਾਤਤੋ ਸਞ੍ਞਤ੍વਾ વਿਞ੍ਞਾਤਂ ਮਞ੍ਞਤਿ, વਿਞ੍ਞਾਤਸ੍ਮਿਂ ਮਞ੍ਞਤਿ, વਿਞ੍ਞਾਤਤੋ ਮਞ੍ਞਤਿ, વਿਞ੍ਞਾਤਂ ਮੇਤਿ ਮਞ੍ਞਤਿ, વਿਞ੍ਞਾਤਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Viññātaṃ viññātato sañjānāti; viññātaṃ viññātato saññatvā viññātaṃ maññati, viññātasmiṃ maññati, viññātato maññati, viññātaṃ meti maññati, viññātaṃ abhinandati. Taṃ kissa hetu? ‘Apariññātaṃ tassā’ti vadāmi.
੬. ‘‘ਏਕਤ੍ਤਂ ਏਕਤ੍ਤਤੋ ਸਞ੍ਜਾਨਾਤਿ; ਏਕਤ੍ਤਂ ਏਕਤ੍ਤਤੋ ਸਞ੍ਞਤ੍વਾ ਏਕਤ੍ਤਂ ਮਞ੍ਞਤਿ, ਏਕਤ੍ਤਸ੍ਮਿਂ ਮਞ੍ਞਤਿ, ਏਕਤ੍ਤਤੋ ਮਞ੍ਞਤਿ, ਏਕਤ੍ਤਂ ਮੇਤਿ ਮਞ੍ਞਤਿ, ਏਕਤ੍ਤਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
6. ‘‘Ekattaṃ ekattato sañjānāti; ekattaṃ ekattato saññatvā ekattaṃ maññati, ekattasmiṃ maññati, ekattato maññati, ekattaṃ meti maññati, ekattaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਨਾਨਤ੍ਤਂ ਨਾਨਤ੍ਤਤੋ ਸਞ੍ਜਾਨਾਤਿ; ਨਾਨਤ੍ਤਂ ਨਾਨਤ੍ਤਤੋ ਸਞ੍ਞਤ੍વਾ ਨਾਨਤ੍ਤਂ ਮਞ੍ਞਤਿ, ਨਾਨਤ੍ਤਸ੍ਮਿਂ ਮਞ੍ਞਤਿ, ਨਾਨਤ੍ਤਤੋ ਮਞ੍ਞਤਿ, ਨਾਨਤ੍ਤਂ ਮੇਤਿ ਮਞ੍ਞਤਿ, ਨਾਨਤ੍ਤਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Nānattaṃ nānattato sañjānāti; nānattaṃ nānattato saññatvā nānattaṃ maññati, nānattasmiṃ maññati, nānattato maññati, nānattaṃ meti maññati, nānattaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਸਬ੍ਬਂ ਸਬ੍ਬਤੋ ਸਞ੍ਜਾਨਾਤਿ; ਸਬ੍ਬਂ ਸਬ੍ਬਤੋ ਸਞ੍ਞਤ੍વਾ ਸਬ੍ਬਂ ਮਞ੍ਞਤਿ, ਸਬ੍ਬਸ੍ਮਿਂ ਮਞ੍ਞਤਿ, ਸਬ੍ਬਤੋ ਮਞ੍ਞਤਿ, ਸਬ੍ਬਂ ਮੇਤਿ ਮਞ੍ਞਤਿ, ਸਬ੍ਬਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Sabbaṃ sabbato sañjānāti; sabbaṃ sabbato saññatvā sabbaṃ maññati, sabbasmiṃ maññati, sabbato maññati, sabbaṃ meti maññati, sabbaṃ abhinandati. Taṃ kissa hetu? ‘Apariññātaṃ tassā’ti vadāmi.
‘‘ਨਿਬ੍ਬਾਨਂ ਨਿਬ੍ਬਾਨਤੋ ਸਞ੍ਜਾਨਾਤਿ; ਨਿਬ੍ਬਾਨਂ ਨਿਬ੍ਬਾਨਤੋ ਸਞ੍ਞਤ੍વਾ ਨਿਬ੍ਬਾਨਂ ਮਞ੍ਞਤਿ, ਨਿਬ੍ਬਾਨਸ੍ਮਿਂ ਮਞ੍ਞਤਿ , ਨਿਬ੍ਬਾਨਤੋ ਮਞ੍ਞਤਿ, ਨਿਬ੍ਬਾਨਂ ਮੇਤਿ ਮਞ੍ਞਤਿ, ਨਿਬ੍ਬਾਨਂ ਅਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਅਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Nibbānaṃ nibbānato sañjānāti; nibbānaṃ nibbānato saññatvā nibbānaṃ maññati, nibbānasmiṃ maññati , nibbānato maññati, nibbānaṃ meti maññati, nibbānaṃ abhinandati. Taṃ kissa hetu? ‘Apariññātaṃ tassā’ti vadāmi.
ਪੁਥੁਜ੍ਜਨવਸੇਨ ਪਠਮਨਯਭੂਮਿਪਰਿਚ੍ਛੇਦੋ ਨਿਟ੍ਠਿਤੋ।
Puthujjanavasena paṭhamanayabhūmiparicchedo niṭṭhito.
੭. ‘‘ਯੋਪਿ ਸੋ, ਭਿਕ੍ਖવੇ, ਭਿਕ੍ਖੁ ਸੇਕ੍ਖੋ 3 ਅਪ੍ਪਤ੍ਤਮਾਨਸੋ ਅਨੁਤ੍ਤਰਂ ਯੋਗਕ੍ਖੇਮਂ ਪਤ੍ਥਯਮਾਨੋ વਿਹਰਤਿ, ਸੋਪਿ ਪਥવਿਂ ਪਥવਿਤੋ ਅਭਿਜਾਨਾਤਿ; ਪਥવਿਂ ਪਥવਿਤੋ ਅਭਿਞ੍ਞਾਯ 4 ਪਥવਿਂ ਮਾ ਮਞ੍ਞਿ 5, ਪਥવਿਯਾ ਮਾ ਮਞ੍ਞਿ, ਪਥવਿਤੋ ਮਾ ਮਞ੍ਞਿ, ਪਥવਿਂ ਮੇਤਿ ਮਾ ਮਞ੍ਞਿ, ਪਥવਿਂ ਮਾਭਿਨਨ੍ਦਿ 6। ਤਂ ਕਿਸ੍ਸ ਹੇਤੁ? ‘ਪਰਿਞ੍ਞੇਯ੍ਯਂ ਤਸ੍ਸਾ’ਤਿ વਦਾਮਿ।
7. ‘‘Yopi so, bhikkhave, bhikkhu sekkho 7 appattamānaso anuttaraṃ yogakkhemaṃ patthayamāno viharati, sopi pathaviṃ pathavito abhijānāti; pathaviṃ pathavito abhiññāya 8 pathaviṃ mā maññi 9, pathaviyā mā maññi, pathavito mā maññi, pathaviṃ meti mā maññi, pathaviṃ mābhinandi 10. Taṃ kissa hetu? ‘Pariññeyyaṃ tassā’ti vadāmi.
‘‘ਆਪਂ…ਪੇ॰… ਤੇਜਂ… વਾਯਂ… ਭੂਤੇ… ਦੇવੇ… ਪਜਾਪਤਿਂ… ਬ੍ਰਹ੍ਮਂ… ਆਭਸ੍ਸਰੇ… ਸੁਭਕਿਣ੍ਹੇ… વੇਹਪ੍ਫਲੇ… ਅਭਿਭੁਂ… ਆਕਾਸਾਨਞ੍ਚਾਯਤਨਂ… વਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ… ਨੇવਸਞ੍ਞਾਨਾਸਞ੍ਞਾਯਤਨਂ… ਦਿਟ੍ਠਂ… ਸੁਤਂ… ਮੁਤਂ… વਿਞ੍ਞਾਤਂ… ਏਕਤ੍ਤਂ… ਨਾਨਤ੍ਤਂ… ਸਬ੍ਬਂ… ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਜਾਨਾਤਿ; ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਞ੍ਞਾਯ ਨਿਬ੍ਬਾਨਂ ਮਾ ਮਞ੍ਞਿ, ਨਿਬ੍ਬਾਨਸ੍ਮਿਂ ਮਾ ਮਞ੍ਞਿ, ਨਿਬ੍ਬਾਨਤੋ ਮਾ ਮਞ੍ਞਿ, ਨਿਬ੍ਬਾਨਂ ਮੇਤਿ ਮਾ ਮਞ੍ਞਿ, ਨਿਬ੍ਬਾਨਂ ਮਾਭਿਨਨ੍ਦਿ। ਤਂ ਕਿਸ੍ਸ ਹੇਤੁ? ‘ਪਰਿਞ੍ਞੇਯ੍ਯਂ ਤਸ੍ਸਾ’ਤਿ વਦਾਮਿ।
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ mā maññi, nibbānasmiṃ mā maññi, nibbānato mā maññi, nibbānaṃ meti mā maññi, nibbānaṃ mābhinandi. Taṃ kissa hetu? ‘Pariññeyyaṃ tassā’ti vadāmi.
੮. ‘‘ਯੋਪਿ ਸੋ, ਭਿਕ੍ਖવੇ, ਭਿਕ੍ਖੁ ਅਰਹਂ ਖੀਣਾਸવੋ વੁਸਿਤવਾ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭવਸਂਯੋਜਨੋ ਸਮ੍ਮਦਞ੍ਞਾ વਿਮੁਤ੍ਤੋ, ਸੋਪਿ ਪਥવਿਂ ਪਥવਿਤੋ ਅਭਿਜਾਨਾਤਿ; ਪਥવਿਂ ਪਥવਿਤੋ ਅਭਿਞ੍ਞਾਯ ਪਥવਿਂ ਨ ਮਞ੍ਞਤਿ, ਪਥવਿਯਾ ਨ ਮਞ੍ਞਤਿ, ਪਥવਿਤੋ ਨ ਮਞ੍ਞਤਿ, ਪਥવਿਂ ਮੇਤਿ ਨ ਮਞ੍ਞਤਿ, ਪਥવਿਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
8. ‘‘Yopi so, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, sopi pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? ‘Pariññātaṃ tassā’ti vadāmi.
‘‘ਆਪਂ…ਪੇ॰… ਤੇਜਂ… વਾਯਂ… ਭੂਤੇ… ਦੇવੇ… ਪਜਾਪਤਿਂ… ਬ੍ਰਹ੍ਮਂ… ਆਭਸ੍ਸਰੇ… ਸੁਭਕਿਣ੍ਹੇ… વੇਹਪ੍ਫਲੇ… ਅਭਿਭੁਂ… ਆਕਾਸਾਨਞ੍ਚਾਯਤਨਂ… વਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ… ਨੇવਸਞ੍ਞਾਨਾਸਞ੍ਞਾਯਤਨਂ… ਦਿਟ੍ਠਂ… ਸੁਤਂ… ਮੁਤਂ… વਿਞ੍ਞਾਤਂ… ਏਕਤ੍ਤਂ… ਨਾਨਤ੍ਤਂ… ਸਬ੍ਬਂ… ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਜਾਨਾਤਿ; ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਞ੍ਞਾਯ ਨਿਬ੍ਬਾਨਂ ਨ ਮਞ੍ਞਤਿ, ਨਿਬ੍ਬਾਨਸ੍ਮਿਂ ਨ ਮਞ੍ਞਤਿ, ਨਿਬ੍ਬਾਨਤੋ ਨ ਮਞ੍ਞਤਿ, ਨਿਬ੍ਬਾਨਂ ਮੇਤਿ ਨ ਮਞ੍ਞਤਿ, ਨਿਬ੍ਬਾਨਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਪਰਿਞ੍ਞਾਤਂ ਤਸ੍ਸਾ’ਤਿ વਦਾਮਿ।
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? ‘Pariññātaṃ tassā’ti vadāmi.
ਖੀਣਾਸવવਸੇਨ ਤਤਿਯਨਯਭੂਮਿਪਰਿਚ੍ਛੇਦੋ ਨਿਟ੍ਠਿਤੋ।
Khīṇāsavavasena tatiyanayabhūmiparicchedo niṭṭhito.
੯. ‘‘ਯੋਪਿ ਸੋ, ਭਿਕ੍ਖવੇ, ਭਿਕ੍ਖੁ ਅਰਹਂ ਖੀਣਾਸવੋ વੁਸਿਤવਾ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭવਸਂਯੋਜਨੋ ਸਮ੍ਮਦਞ੍ਞਾ વਿਮੁਤ੍ਤੋ, ਸੋਪਿ ਪਥવਿਂ ਪਥવਿਤੋ ਅਭਿਜਾਨਾਤਿ; ਪਥવਿਂ ਪਥવਿਤੋ ਅਭਿਞ੍ਞਾਯ ਪਥવਿਂ ਨ ਮਞ੍ਞਤਿ, ਪਥવਿਯਾ ਨ ਮਞ੍ਞਤਿ, ਪਥવਿਤੋ ਨ ਮਞ੍ਞਤਿ, ਪਥવਿਂ ਮੇਤਿ ਨ ਮਞ੍ਞਤਿ, ਪਥવਿਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ਖਯਾ ਰਾਗਸ੍ਸ, વੀਤਰਾਗਤ੍ਤਾ।
9. ‘‘Yopi so, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, sopi pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? Khayā rāgassa, vītarāgattā.
‘‘ਆਪਂ…ਪੇ॰… ਤੇਜਂ… વਾਯਂ… ਭੂਤੇ… ਦੇવੇ… ਪਜਾਪਤਿਂ… ਬ੍ਰਹ੍ਮਂ… ਆਭਸ੍ਸਰੇ… ਸੁਭਕਿਣ੍ਹੇ… વੇਹਪ੍ਫਲੇ… ਅਭਿਭੁਂ… ਆਕਾਸਾਨਞ੍ਚਾਯਤਨਂ… વਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ … ਨੇવਸਞ੍ਞਾਨਾਸਞ੍ਞਾਯਤਨਂ … ਦਿਟ੍ਠਂ… ਸੁਤਂ… ਮੁਤਂ… વਿਞ੍ਞਾਤਂ… ਏਕਤ੍ਤਂ… ਨਾਨਤ੍ਤਂ… ਸਬ੍ਬਂ… ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਜਾਨਾਤਿ; ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਞ੍ਞਾਯ ਨਿਬ੍ਬਾਨਂ ਨ ਮਞ੍ਞਤਿ, ਨਿਬ੍ਬਾਨਸ੍ਮਿਂ ਨ ਮਞ੍ਞਤਿ, ਨਿਬ੍ਬਾਨਤੋ ਨ ਮਞ੍ਞਤਿ, ਨਿਬ੍ਬਾਨਂ ਮੇਤਿ ਨ ਮਞ੍ਞਤਿ, ਨਿਬ੍ਬਾਨਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ਖਯਾ ਰਾਗਸ੍ਸ, વੀਤਰਾਗਤ੍ਤਾ।
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ … nevasaññānāsaññāyatanaṃ … diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? Khayā rāgassa, vītarāgattā.
ਖੀਣਾਸવવਸੇਨ ਚਤੁਤ੍ਥਨਯਭੂਮਿਪਰਿਚ੍ਛੇਦੋ ਨਿਟ੍ਠਿਤੋ।
Khīṇāsavavasena catutthanayabhūmiparicchedo niṭṭhito.
੧੦. ‘‘ਯੋਪਿ ਸੋ, ਭਿਕ੍ਖવੇ, ਭਿਕ੍ਖੁ ਅਰਹਂ ਖੀਣਾਸવੋ વੁਸਿਤવਾ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭવਸਂਯੋਜਨੋ ਸਮ੍ਮਦਞ੍ਞਾ વਿਮੁਤ੍ਤੋ, ਸੋਪਿ ਪਥવਿਂ ਪਥવਿਤੋ ਅਭਿਜਾਨਾਤਿ; ਪਥવਿਂ ਪਥવਿਤੋ ਅਭਿਞ੍ਞਾਯ ਪਥવਿਂ ਨ ਮਞ੍ਞਤਿ, ਪਥવਿਯਾ ਨ ਮਞ੍ਞਤਿ, ਪਥવਿਤੋ ਨ ਮਞ੍ਞਤਿ, ਪਥવਿਂ ਮੇਤਿ ਨ ਮਞ੍ਞਤਿ, ਪਥવਿਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ਖਯਾ ਦੋਸਸ੍ਸ, વੀਤਦੋਸਤ੍ਤਾ।
10. ‘‘Yopi so, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, sopi pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? Khayā dosassa, vītadosattā.
‘‘ਆਪਂ…ਪੇ॰… ਤੇਜਂ… વਾਯਂ… ਭੂਤੇ… ਦੇવੇ… ਪਜਾਪਤਿਂ… ਬ੍ਰਹ੍ਮਂ… ਆਭਸ੍ਸਰੇ… ਸੁਭਕਿਣ੍ਹੇ… વੇਹਪ੍ਫਲੇ… ਅਭਿਭੁਂ… ਆਕਾਸਾਨਞ੍ਚਾਯਤਨਂ… વਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ… ਨੇવਸਞ੍ਞਾਨਾਸਞ੍ਞਾਯਤਨਂ… ਦਿਟ੍ਠਂ… ਸੁਤਂ… ਮੁਤਂ… વਿਞ੍ਞਾਤਂ… ਏਕਤ੍ਤਂ… ਨਾਨਤ੍ਤਂ… ਸਬ੍ਬਂ… ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਜਾਨਾਤਿ; ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਞ੍ਞਾਯ ਨਿਬ੍ਬਾਨਂ ਨ ਮਞ੍ਞਤਿ, ਨਿਬ੍ਬਾਨਸ੍ਮਿਂ ਨ ਮਞ੍ਞਤਿ, ਨਿਬ੍ਬਾਨਤੋ ਨ ਮਞ੍ਞਤਿ, ਨਿਬ੍ਬਾਨਂ ਮੇਤਿ ਨ ਮਞ੍ਞਤਿ, ਨਿਬ੍ਬਾਨਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ਖਯਾ ਦੋਸਸ੍ਸ, વੀਤਦੋਸਤ੍ਤਾ।
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? Khayā dosassa, vītadosattā.
ਖੀਣਾਸવવਸੇਨ ਪਞ੍ਚਮਨਯਭੂਮਿਪਰਿਚ੍ਛੇਦੋ ਨਿਟ੍ਠਿਤੋ।
Khīṇāsavavasena pañcamanayabhūmiparicchedo niṭṭhito.
੧੧. ‘‘ਯੋਪਿ ਸੋ, ਭਿਕ੍ਖવੇ, ਭਿਕ੍ਖੁ ਅਰਹਂ ਖੀਣਾਸવੋ વੁਸਿਤવਾ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭવਸਂਯੋਜਨੋ ਸਮ੍ਮਦਞ੍ਞਾ વਿਮੁਤ੍ਤੋ, ਸੋਪਿ ਪਥવਿਂ ਪਥવਿਤੋ ਅਭਿਜਾਨਾਤਿ; ਪਥવਿਂ ਪਥવਿਤੋ ਅਭਿਞ੍ਞਾਯ ਪਥવਿਂ ਨ ਮਞ੍ਞਤਿ, ਪਥવਿਯਾ ਨ ਮਞ੍ਞਤਿ, ਪਥવਿਤੋ ਨ ਮਞ੍ਞਤਿ, ਪਥવਿਂ ਮੇਤਿ ਨ ਮਞ੍ਞਤਿ, ਪਥવਿਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ਖਯਾ ਮੋਹਸ੍ਸ, વੀਤਮੋਹਤ੍ਤਾ।
11. ‘‘Yopi so, bhikkhave, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto, sopi pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? Khayā mohassa, vītamohattā.
‘‘ਆਪਂ…ਪੇ॰… ਤੇਜਂ… વਾਯਂ… ਭੂਤੇ… ਦੇવੇ… ਪਜਾਪਤਿਂ… ਬ੍ਰਹ੍ਮਂ… ਆਭਸ੍ਸਰੇ… ਸੁਭਕਿਣ੍ਹੇ… વੇਹਪ੍ਫਲੇ… ਅਭਿਭੁਂ… ਆਕਾਸਾਨਞ੍ਚਾਯਤਨਂ… વਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ … ਨੇવਸਞ੍ਞਾਨਾਸਞ੍ਞਾਯਤਨਂ… ਦਿਟ੍ਠਂ… ਸੁਤਂ… ਮੁਤਂ… વਿਞ੍ਞਾਤਂ… ਏਕਤ੍ਤਂ… ਨਾਨਤ੍ਤਂ… ਸਬ੍ਬਂ… ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਜਾਨਾਤਿ; ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਞ੍ਞਾਯ ਨਿਬ੍ਬਾਨਂ ਨ ਮਞ੍ਞਤਿ, ਨਿਬ੍ਬਾਨਸ੍ਮਿਂ ਨ ਮਞ੍ਞਤਿ, ਨਿਬ੍ਬਾਨਤੋ ਨ ਮਞ੍ਞਤਿ, ਨਿਬ੍ਬਾਨਂ ਮੇਤਿ ਨ ਮਞ੍ਞਤਿ, ਨਿਬ੍ਬਾਨਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ਖਯਾ ਮੋਹਸ੍ਸ, વੀਤਮੋਹਤ੍ਤਾ।
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ … nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? Khayā mohassa, vītamohattā.
ਖੀਣਾਸવવਸੇਨ ਛਟ੍ਠਨਯਭੂਮਿਪਰਿਚ੍ਛੇਦੋ ਨਿਟ੍ਠਿਤੋ।
Khīṇāsavavasena chaṭṭhanayabhūmiparicchedo niṭṭhito.
੧੨. ‘‘ਤਥਾਗਤੋਪਿ, ਭਿਕ੍ਖવੇ, ਅਰਹਂ ਸਮ੍ਮਾਸਮ੍ਬੁਦ੍ਧੋ ਪਥવਿਂ ਪਥવਿਤੋ ਅਭਿਜਾਨਾਤਿ; ਪਥવਿਂ ਪਥવਿਤੋ ਅਭਿਞ੍ਞਾਯ ਪਥવਿਂ ਨ ਮਞ੍ਞਤਿ, ਪਥવਿਯਾ ਨ ਮਞ੍ਞਤਿ, ਪਥવਿਤੋ ਨ ਮਞ੍ਞਤਿ, ਪਥવਿਂ ਮੇਤਿ ਨ ਮਞ੍ਞਤਿ, ਪਥવਿਂ ਨਾਭਿਨਨ੍ਦਤਿ । ਤਂ ਕਿਸ੍ਸ ਹੇਤੁ? ‘ਪਰਿਞ੍ਞਾਤਨ੍ਤਂ ਤਥਾਗਤਸ੍ਸਾ’ਤਿ વਦਾਮਿ।
12. ‘‘Tathāgatopi, bhikkhave, arahaṃ sammāsambuddho pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati . Taṃ kissa hetu? ‘Pariññātantaṃ tathāgatassā’ti vadāmi.
‘‘ਆਪਂ…ਪੇ॰… ਤੇਜਂ… વਾਯਂ… ਭੂਤੇ… ਦੇવੇ… ਪਜਾਪਤਿਂ… ਬ੍ਰਹ੍ਮਂ… ਆਭਸ੍ਸਰੇ… ਸੁਭਕਿਣ੍ਹੇ… વੇਹਪ੍ਫਲੇ… ਅਭਿਭੁਂ… ਆਕਾਸਾਨਞ੍ਚਾਯਤਨਂ… વਿਞ੍ਞਾਣਞ੍ਚਾਯਤਨਂ … ਆਕਿਞ੍ਚਞ੍ਞਾਯਤਨਂ… ਨੇવਸਞ੍ਞਾਨਾਸਞ੍ਞਾਯਤਨਂ… ਦਿਟ੍ਠਂ… ਸੁਤਂ… ਮੁਤਂ… વਿਞ੍ਞਾਤਂ… ਏਕਤ੍ਤਂ… ਨਾਨਤ੍ਤਂ… ਸਬ੍ਬਂ… ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਜਾਨਾਤਿ; ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਞ੍ਞਾਯ ਨਿਬ੍ਬਾਨਂ ਨ ਮਞ੍ਞਤਿ, ਨਿਬ੍ਬਾਨਸ੍ਮਿਂ ਨ ਮਞ੍ਞਤਿ, ਨਿਬ੍ਬਾਨਤੋ ਨ ਮਞ੍ਞਤਿ, ਨਿਬ੍ਬਾਨਂ ਮੇਤਿ ਨ ਮਞ੍ਞਤਿ, ਨਿਬ੍ਬਾਨਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਪਰਿਞ੍ਞਾਤਨ੍ਤਂ ਤਥਾਗਤਸ੍ਸਾ’ਤਿ વਦਾਮਿ।
‘‘Āpaṃ…pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ … ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? ‘Pariññātantaṃ tathāgatassā’ti vadāmi.
ਤਥਾਗਤવਸੇਨ ਸਤ੍ਤਮਨਯਭੂਮਿਪਰਿਚ੍ਛੇਦੋ ਨਿਟ੍ਠਿਤੋ।
Tathāgatavasena sattamanayabhūmiparicchedo niṭṭhito.
੧੩. ‘‘ਤਥਾਗਤੋਪਿ , ਭਿਕ੍ਖવੇ, ਅਰਹਂ ਸਮ੍ਮਾਸਮ੍ਬੁਦ੍ਧੋ ਪਥવਿਂ ਪਥવਿਤੋ ਅਭਿਜਾਨਾਤਿ; ਪਥવਿਂ ਪਥવਿਤੋ ਅਭਿਞ੍ਞਾਯ ਪਥવਿਂ ਨ ਮਞ੍ਞਤਿ, ਪਥવਿਯਾ ਨ ਮਞ੍ਞਤਿ, ਪਥવਿਤੋ ਨ ਮਞ੍ਞਤਿ, ਪਥવਿਂ ਮੇਤਿ ਨ ਮਞ੍ਞਤਿ, ਪਥવਿਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਨਨ੍ਦੀ 13 ਦੁਕ੍ਖਸ੍ਸ ਮੂਲ’ਨ੍ਤਿ – ਇਤਿ વਿਦਿਤ੍વਾ ‘ਭવਾ ਜਾਤਿ ਭੂਤਸ੍ਸ ਜਰਾਮਰਣ’ਨ੍ਤਿ। ਤਸ੍ਮਾਤਿਹ, ਭਿਕ੍ਖવੇ, ‘ਤਥਾਗਤੋ ਸਬ੍ਬਸੋ ਤਣ੍ਹਾਨਂ ਖਯਾ વਿਰਾਗਾ ਨਿਰੋਧਾ ਚਾਗਾ ਪਟਿਨਿਸ੍ਸਗ੍ਗਾ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਦ੍ਧੋ’ਤਿ વਦਾਮਿ।
13. ‘‘Tathāgatopi , bhikkhave, arahaṃ sammāsambuddho pathaviṃ pathavito abhijānāti; pathaviṃ pathavito abhiññāya pathaviṃ na maññati, pathaviyā na maññati, pathavito na maññati, pathaviṃ meti na maññati, pathaviṃ nābhinandati. Taṃ kissa hetu? ‘Nandī 14 dukkhassa mūla’nti – iti viditvā ‘bhavā jāti bhūtassa jarāmaraṇa’nti. Tasmātiha, bhikkhave, ‘tathāgato sabbaso taṇhānaṃ khayā virāgā nirodhā cāgā paṭinissaggā anuttaraṃ sammāsambodhiṃ abhisambuddho’ti vadāmi.
‘‘ਆਪਂ …ਪੇ॰… ਤੇਜਂ… વਾਯਂ… ਭੂਤੇ… ਦੇવੇ… ਪਜਾਪਤਿਂ… ਬ੍ਰਹ੍ਮਂ… ਆਭਸ੍ਸਰੇ… ਸੁਭਕਿਣ੍ਹੇ… વੇਹਪ੍ਫਲੇ… ਅਭਿਭੁਂ… ਆਕਾਸਾਨਞ੍ਚਾਯਤਨਂ… વਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ… ਨੇવਸਞ੍ਞਾਨਾਸਞ੍ਞਾਯਤਨਂ… ਦਿਟ੍ਠਂ… ਸੁਤਂ… ਮੁਤਂ… વਿਞ੍ਞਾਤਂ… ਏਕਤ੍ਤਂ… ਨਾਨਤ੍ਤਂ… ਸਬ੍ਬਂ… ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਜਾਨਾਤਿ; ਨਿਬ੍ਬਾਨਂ ਨਿਬ੍ਬਾਨਤੋ ਅਭਿਞ੍ਞਾਯ ਨਿਬ੍ਬਾਨਂ ਨ ਮਞ੍ਞਤਿ, ਨਿਬ੍ਬਾਨਸ੍ਮਿਂ ਨ ਮਞ੍ਞਤਿ, ਨਿਬ੍ਬਾਨਤੋ ਨ ਮਞ੍ਞਤਿ, ਨਿਬ੍ਬਾਨਂ ਮੇਤਿ ਨ ਮਞ੍ਞਤਿ, ਨਿਬ੍ਬਾਨਂ ਨਾਭਿਨਨ੍ਦਤਿ। ਤਂ ਕਿਸ੍ਸ ਹੇਤੁ? ‘ਨਨ੍ਦੀ ਦੁਕ੍ਖਸ੍ਸ ਮੂਲ’ਨ੍ਤਿ – ਇਤਿ વਿਦਿਤ੍વਾ ‘ਭવਾ ਜਾਤਿ ਭੂਤਸ੍ਸ ਜਰਾਮਰਣ’ਨ੍ਤਿ। ਤਸ੍ਮਾਤਿਹ, ਭਿਕ੍ਖવੇ, ‘ਤਥਾਗਤੋ ਸਬ੍ਬਸੋ ਤਣ੍ਹਾਨਂ ਖਯਾ વਿਰਾਗਾ ਨਿਰੋਧਾ ਚਾਗਾ ਪਟਿਨਿਸ੍ਸਗ੍ਗਾ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਦ੍ਧੋ’ਤਿ વਦਾਮੀ’’ਤਿ।
‘‘Āpaṃ …pe… tejaṃ… vāyaṃ… bhūte… deve… pajāpatiṃ… brahmaṃ… ābhassare… subhakiṇhe… vehapphale… abhibhuṃ… ākāsānañcāyatanaṃ… viññāṇañcāyatanaṃ… ākiñcaññāyatanaṃ… nevasaññānāsaññāyatanaṃ… diṭṭhaṃ… sutaṃ… mutaṃ… viññātaṃ… ekattaṃ… nānattaṃ… sabbaṃ… nibbānaṃ nibbānato abhijānāti; nibbānaṃ nibbānato abhiññāya nibbānaṃ na maññati, nibbānasmiṃ na maññati, nibbānato na maññati, nibbānaṃ meti na maññati, nibbānaṃ nābhinandati. Taṃ kissa hetu? ‘Nandī dukkhassa mūla’nti – iti viditvā ‘bhavā jāti bhūtassa jarāmaraṇa’nti. Tasmātiha, bhikkhave, ‘tathāgato sabbaso taṇhānaṃ khayā virāgā nirodhā cāgā paṭinissaggā anuttaraṃ sammāsambodhiṃ abhisambuddho’ti vadāmī’’ti.
ਤਥਾਗਤવਸੇਨ ਅਟ੍ਠਮਨਯਭੂਮਿਪਰਿਚ੍ਛੇਦੋ ਨਿਟ੍ਠਿਤੋ।
Tathāgatavasena aṭṭhamanayabhūmiparicchedo niṭṭhito.
ਇਦਮવੋਚ ਭਗવਾ। ਨ ਤੇ ਭਿਕ੍ਖੂ 15 ਭਗવਤੋ ਭਾਸਿਤਂ ਅਭਿਨਨ੍ਦੁਨ੍ਤਿ।
Idamavoca bhagavā. Na te bhikkhū 16 bhagavato bhāsitaṃ abhinandunti.
ਮੂਲਪਰਿਯਾਯਸੁਤ੍ਤਂ ਨਿਟ੍ਠਿਤਂ ਪਠਮਂ।
Mūlapariyāyasuttaṃ niṭṭhitaṃ paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੧. ਮੂਲਪਰਿਯਾਯਸੁਤ੍ਤવਣ੍ਣਨਾ • 1. Mūlapariyāyasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੧. ਮੂਲਪਰਿਯਾਯਸੁਤ੍ਤવਣ੍ਣਨਾ • 1. Mūlapariyāyasuttavaṇṇanā
