| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
муулараасиван̣н̣анаа
Mūlarāsivaṇṇanā
зван̃хи убамааяа самзд̇ийд̇и яат̇аа асужимхи бад̇ид̇абурисасса сад̇иби гааязна аллийяанз бхааво аналлийно, звам̣ алобхоби аарамман̣агаран̣авасзна г̇ахид̇зби аарамман̣з алаг̇г̇абхаавзна аналлийнабхааво аналлийнаагааро зва бавад̇д̇ад̇и. звам̣сабхааво хи со д̇хаммод̇и. гин̃жи д̣̇уссийляам̣ д̣̇осасамудтаанам̣ саб̣б̣амби д̣̇уссийляам̣ д̣̇осуубаниссаяанд̇и ‘‘д̣̇осасамудтаанад̇ам̣ д̣̇осуубаниссаяад̇ан̃жаа’’д̇и вуд̇д̇ам̣. д̇зна ад̣̇осо д̣̇осассзва уж̇увибажжанийго, д̇ам̣мукзна д̣̇уссийляассаад̇и д̣̇ассзд̇и.
Evañhi upamāya sametīti yathā asucimhi patitapurisassa satipi kāyena allīyane bhāvo anallīno, evaṃ alobhopi ārammaṇakaraṇavasena gahitepi ārammaṇe alaggabhāvena anallīnabhāvo anallīnākāro eva pavattati. Evaṃsabhāvo hi so dhammoti. Kiñci dussīlyaṃ dosasamuṭṭhānaṃ sabbampi dussīlyaṃ dosūpanissayanti ‘‘dosasamuṭṭhānataṃ dosūpanissayatañcā’’ti vuttaṃ. Tena adoso dosasseva ujuvipaccanīko, taṃmukhena dussīlyassāti dasseti.
д̇ад̇т̇а ж̇аад̇аанам̣ д̇хаммаанам̣ анад̇ивад̇д̇анадтзна…бз… аасзванадтзна бхааванаад̇и яо со згад̇д̇убаг̇ад̇о батамаж̇жхаанаад̣̇иаббанаажид̇д̇уббаад̣̇о аасаннуубажаараахид̇ависзсо нийваран̣аад̣̇ибарибант̇ависуд̣̇д̇хияаа висуд̣̇д̇хо, д̇ад̣̇ааваран̣ависаяавирахзна жа самаббавад̇д̇ааббанаасамаад̇хисан̇каад̇ам̣ маж̇жхимам̣ самат̇анимид̇д̇ам̣ бадибанно, звам̣ бадибаннад̇д̇аа зва д̇ад̇т̇убаг̇аманзна д̇ад̇т̇а жа багканд̣̇о, висод̇хзд̇аб̣б̣асса вигкзбасса гилзсасам̣саг̇г̇асса жа абхаавад̇о висод̇ханасамаад̇хааназгад̇д̇убадтаанаб̣яаабааравирахзна висуд̣̇д̇хисамат̇абадибад̇д̇изгад̇д̇убадтаанаагаарз аж̇жхубзгканд̇о абхиб̣яад̇д̇аруубааяа сахаж̇аад̇ад̇ад̇рамаж̇жхад̇д̇убзгкааяа гижжавасзна убзгкаануб̣руухид̇о, д̇асмим̣язва ж̇аад̇аа самаад̇хибан̃н̃аасан̇каад̇аа яуг̇анад̣̇д̇хад̇хаммаа. д̇з яат̇аа ан̃н̃ам̣ анад̇ивад̇д̇амаанаа худ̇ваа бавад̇д̇анд̇и, звам̣ бхааванаа б̣рууханаа. д̇ат̇аа яаани д̇ад̇т̇а сад̣̇д̇хаад̣̇ийни инд̣̇рияаани наанаагилзсзхи вимуд̇д̇ад̇д̇аа вимуд̇д̇ирасзна згарасаани худ̇ваа бавад̇д̇аани. яан̃жа д̇ад̇т̇а д̇ад̣̇убаг̇ам̣, д̇зсам̣ анад̇ивад̇д̇аназгарасабхааваанам̣ анужчавигам̣ вийрияам̣ ваахийяад̇и бавад̇д̇ийяад̇и, яаа жасса д̇асмим̣ кан̣з бавад̇д̇аа баг̇ун̣аб̣алавабхааваабад̇д̇исан̇каад̇аа аасзванаа. саб̣б̣зсам̣ зд̇зсам̣ аагаараанам̣ бхааванаа уббаад̣̇анаа вад̣дханаа, аяам̣ д̇ад̇т̇а ж̇аад̇аанам̣…бз… аасзванадтзна бхааванаа наама.
Tattha jātānaṃ dhammānaṃ anativattanaṭṭhena…pe… āsevanaṭṭhena bhāvanāti yo so ekattupagato paṭhamajjhānādiappanācittuppādo āsannūpacārāhitaviseso nīvaraṇādiparipanthavisuddhiyā visuddho, tadāvaraṇavisayavirahena ca samappavattaappanāsamādhisaṅkhātaṃ majjhimaṃ samathanimittaṃ paṭipanno, evaṃ paṭipannattā eva tatthupagamanena tattha ca pakkhando, visodhetabbassa vikkhepassa kilesasaṃsaggassa ca abhāvato visodhanasamādhānaekattupaṭṭhānabyāpāravirahena visuddhisamathapaṭipattiekattupaṭṭhānākāre ajjhupekkhanto abhibyattarūpāya sahajātatatramajjhattupekkhāya kiccavasena upekkhānubrūhito, tasmiṃyeva jātā samādhipaññāsaṅkhātā yuganaddhadhammā. Te yathā aññaṃ anativattamānā hutvā pavattanti, evaṃ bhāvanā brūhanā. Tathā yāni tattha saddhādīni indriyāni nānākilesehi vimuttattā vimuttirasena ekarasāni hutvā pavattāni. Yañca tattha tadupagaṃ, tesaṃ anativattanaekarasabhāvānaṃ anucchavikaṃ vīriyaṃ vāhīyati pavattīyati, yā cassa tasmiṃ khaṇe pavattā paguṇabalavabhāvāpattisaṅkhātā āsevanā. Sabbesaṃ etesaṃ ākārānaṃ bhāvanā uppādanā vaḍḍhanā, ayaṃ tattha jātānaṃ…pe… āsevanaṭṭhena bhāvanā nāma.
яасмаа банааяам̣ бхааванаагааро ‘‘батамасса жхаанасса бадибад̣̇аависуд̣̇д̇хи аад̣̇ий’’д̇иаад̣̇инааби (бади. ма. 1.158) баал̣ияам̣ ааг̇ад̇о зва, н̃аан̣зна жа сам̣гилзсавод̣̇аанзсу д̇ам̣ д̇ам̣ аад̣̇ийнавам̣ аанисам̣сан̃жа д̣̇исваа д̇ат̇аа д̇ат̇аа нибпаад̣̇зд̇аб̣б̣о, д̇асмаа ‘‘звам̣ вуд̇д̇ааяа бан̃н̃аасаад̇ханааяа бхааванааяаа’’д̇и вуд̇д̇ам̣. аббавад̇д̇ийд̇и яасмим̣ д̇хаммз сад̇и яат̇аавуд̇д̇аа бхааванаа наббавад̇д̇ад̇и, со д̇хаммо бадибагкабхааванаабараамасанзна абхааванаад̇и вуд̇д̇од̇и ад̇хиббааяо. на хи абхаавамад̇д̇асса амохо бадибагкод̇и яуж̇ж̇ад̇ийд̇и. д̇аббадибагкабхууд̇аа агусалаа гаамажчанд̣̇аад̣̇аяо д̣̇адтаб̣б̣аа. бамаад̣̇ависзсо ваа абхааванаа. со хи ‘‘гусалаанам̣ ваа д̇хаммаанам̣ анаасзванаа абхааванаа аб̣ахулийгамма’’нд̇иаад̣̇инаа нид̣̇д̣̇идтод̇и.
Yasmā panāyaṃ bhāvanākāro ‘‘paṭhamassa jhānassa paṭipadāvisuddhi ādī’’tiādināpi (paṭi. ma. 1.158) pāḷiyaṃ āgato eva, ñāṇena ca saṃkilesavodānesu taṃ taṃ ādīnavaṃ ānisaṃsañca disvā tathā tathā nipphādetabbo, tasmā ‘‘evaṃ vuttāya paññāsādhanāya bhāvanāyā’’ti vuttaṃ. Appavattīti yasmiṃ dhamme sati yathāvuttā bhāvanā nappavattati, so dhammo paṭipakkhabhāvanāparāmasanena abhāvanāti vuttoti adhippāyo. Na hi abhāvamattassa amoho paṭipakkhoti yujjatīti. Tappaṭipakkhabhūtā akusalā kāmacchandādayo daṭṭhabbā. Pamādaviseso vā abhāvanā. So hi ‘‘kusalānaṃ vā dhammānaṃ anāsevanā abhāvanā abahulīkamma’’ntiādinā niddiṭṭhoti.
зганд̇зна алаб̣бханзяяад̣̇ассанад̇т̇ам̣ ‘‘ж̇араад̇хаммо’’д̇и вуд̇д̇ам̣. д̇ат̇аа хи баал̣ияам̣ ‘‘ж̇аад̇ид̇хаммаанам̣, бхигкавз, сад̇д̇аанам̣ звам̣ ижчаа уббаж̇ж̇ад̇ий’’д̇иаад̣̇инаа (ма. ни. 3.373) ижчид̇аалаабхо вибхад̇д̇о. алобхаанубхаавзна гааяаанубассанааяа, амохаанубхаавзна жид̇д̇ад̇хаммаанубассанааяа сид̣̇д̇хи баагадааязваад̇и абаагадам̣ ад̣̇осаанубхаавзна взд̣̇анаанубассанаасид̣̇д̇хим̣ вибхаавзнд̇о ‘‘сукавибарин̣аамз’’д̇иаад̣̇имааха. аяан̃жа яож̇анаа алобхаад̣̇ийнам̣ висзсабажжаяад̇ам̣ санд̇хааяа гад̇аа, ависзсзна бана саб̣б̣з саб̣б̣зсам̣ бажжаяаа. сабхаавад̇о сан̇габбад̇о жа уббаннасса д̣̇угкасса асаханавасзнзва уббаж̇ж̇ад̇ийд̇и д̣̇осо д̇ам̣д̣̇ассанасса аасаннабадибагко, на рааг̇о вияа д̣̇уурабадибагко.
Ekantena alabbhaneyyadassanatthaṃ ‘‘jarādhammo’’ti vuttaṃ. Tathā hi pāḷiyaṃ ‘‘jātidhammānaṃ, bhikkhave, sattānaṃ evaṃ icchā uppajjatī’’tiādinā (ma. ni. 3.373) icchitālābho vibhatto. Alobhānubhāvena kāyānupassanāya, amohānubhāvena cittadhammānupassanāya siddhi pākaṭāyevāti apākaṭaṃ adosānubhāvena vedanānupassanāsiddhiṃ vibhāvento ‘‘sukhavipariṇāme’’tiādimāha. Ayañca yojanā alobhādīnaṃ visesapaccayataṃ sandhāya katā, avisesena pana sabbe sabbesaṃ paccayā. Sabhāvato saṅkappato ca uppannassa dukkhassa asahanavaseneva uppajjatīti doso taṃdassanassa āsannapaṭipakkho, na rāgo viya dūrapaṭipakkho.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / муулараасиван̣н̣анаа • Mūlarāsivaṇṇanā
