| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. д̇иганибаад̇о
3. Tikanipāto
1. батамаваг̇г̇о
1. Paṭhamavaggo
1. мууласуд̇д̇аван̣н̣анаа
1. Mūlasuttavaṇṇanā
50. д̇иганибаад̇асса батамз д̇ийн̣ийд̇и г̇ан̣анабарижчзд̣̇о. имаанийд̇и абхимукийгаран̣ам̣. агусаламуулаанийд̇и барижчиннад̇хамманид̣̇ассанам̣. д̇ад̇т̇а агусалаани жа д̇аани муулаани жаад̇и агусаламуулаани. ат̇а ваа агусалаанам̣ хзд̇убажжаяабабхаваж̇анагасамудтаабаганиб̣б̣ад̇д̇агадтзна муулаани жаад̇и агусаламуулаани, агусалад̇хаммаанам̣ гааран̣аанийд̇и ад̇т̇о. гааран̣ан̃хи яат̇аа хинод̇и зд̇асмаа палам̣ бавад̇д̇ад̇ийд̇и хзд̇у, бадижжа зд̇асмаа зд̇ийд̇и бажжаяо, бабхавад̇и зд̇асмаад̇и бабхаво, ад̇д̇ано палам̣ ж̇анзд̇ийд̇и ж̇анагам̣, самудтаабзд̇ийд̇и самудтаабагам̣, ниб̣б̣ад̇д̇зд̇ийд̇и ниб̣б̣ад̇д̇аганд̇и жа вужжад̇и. звам̣ бад̇идтадтзна мууланд̇и, д̇асмаа агусаламуулаанийд̇и агусалаанам̣ суббад̇идтид̇абхаавасаад̇ханаани, гааран̣аанийд̇и вуд̇д̇ам̣ ход̇и.
50. Tikanipātassa paṭhame tīṇīti gaṇanaparicchedo. Imānīti abhimukhīkaraṇaṃ. Akusalamūlānīti paricchinnadhammanidassanaṃ. Tattha akusalāni ca tāni mūlāni cāti akusalamūlāni. Atha vā akusalānaṃ hetupaccayapabhavajanakasamuṭṭhāpakanibbattakaṭṭhena mūlāni cāti akusalamūlāni, akusaladhammānaṃ kāraṇānīti attho. Kāraṇañhi yathā hinoti etasmā phalaṃ pavattatīti hetu, paṭicca etasmā etīti paccayo, pabhavati etasmāti pabhavo, attano phalaṃ janetīti janakaṃ, samuṭṭhāpetīti samuṭṭhāpakaṃ, nibbattetīti nibbattakanti ca vuccati. Evaṃ patiṭṭhaṭṭhena mūlanti, tasmā akusalamūlānīti akusalānaṃ suppatiṭṭhitabhāvasādhanāni, kāraṇānīti vuttaṃ hoti.
гзжи бана ‘‘саалиаад̣̇ийнам̣ саалиб̣ийж̇аад̣̇ийни вияа ман̣иббабхаад̣̇ийнам̣ ман̣иван̣н̣аад̣̇аяо вияа жа агусалаанам̣ агусалабхаавасаад̇хаго лобхаад̣̇ийнам̣ мууладто’’д̇и вад̣̇анд̇и. звам̣ санд̇з агусалажид̇д̇асамудтаанаруубзсу д̇зсам̣ хзд̇убажжаяабхааво на сияаа. на хи д̇аани д̇зсам̣ агусалабхаавам̣ саад̇хзнд̇и, на жа бажжаяаа на хонд̇и. вуд̇д̇ан̃хзд̇ам̣ –
Keci pana ‘‘sāliādīnaṃ sālibījādīni viya maṇippabhādīnaṃ maṇivaṇṇādayo viya ca akusalānaṃ akusalabhāvasādhako lobhādīnaṃ mūlaṭṭho’’ti vadanti. Evaṃ sante akusalacittasamuṭṭhānarūpesu tesaṃ hetupaccayabhāvo na siyā. Na hi tāni tesaṃ akusalabhāvaṃ sādhenti, na ca paccayā na honti. Vuttañhetaṃ –
‘‘хзд̇уу хзд̇усамбаяуд̇д̇агаанам̣ д̇хаммаанам̣ д̇ам̣самудтаанаанан̃жа руубаанам̣ хзд̇убажжаязна бажжаяо’’д̇и (бадтаа. 1.бажжаяанид̣̇д̣̇зса.1).
‘‘Hetū hetusampayuttakānaṃ dhammānaṃ taṃsamuṭṭhānānañca rūpānaṃ hetupaccayena paccayo’’ti (paṭṭhā. 1.paccayaniddesa.1).
ахзд̇угасса жа мохасса агусалабхааво на сияаа агусалабхаавасаад̇хагасса мууланд̇арасса абхаавад̇о. ат̇ааби сияаа лобхаад̣̇ийнам̣ сабхаавасид̣̇д̇хо агусалаад̣̇ибхааво, д̇ам̣самбаяуд̇д̇аанам̣ бана лобхаад̣̇ибадиб̣ад̣̇д̇ход̇и. звамби яат̇аа лобхаад̣̇ийнам̣, звам̣ алобхаад̣̇ийнамби сабхаавасид̣̇д̇хо гусалаад̣̇ибхаавод̇и алобхаад̣̇аяо гусалаа зва сияум̣, на аб̣яаагад̇аа, на жа хонд̇и. д̇асмаа яат̇аа самбаяуд̇д̇зсу, звам̣ муулзсуби гусалаад̣̇ибхааво бариязсид̇аб̣б̣о. яонисоманасигаараад̣̇иго вияа хи гусалабхаавасса, аяонисоманасигаараад̣̇иго агусалабхаавасса гааран̣анд̇и г̇ахзд̇аб̣б̣ам̣. звам̣ агусалабхаавасаад̇ханавасзна лобхаад̣̇ийнам̣ мууладтам̣ аг̇г̇ахзд̇ваа суббад̇идтид̇абхаавасаад̇ханавасзна г̇аяхамаанз на гожи д̣̇осо. лад̣̇д̇хахзд̇убажжаяаа хи д̇хаммаа вируул̣хамуулаа вияа баад̣̇абаа т̇ираа хонд̇и суббад̇идтид̇аа, хзд̇урахид̇аа бана д̇илаб̣ийж̇агаад̣̇исзваалаа вияа на суббад̇идтид̇аад̇и хзд̇уаад̣̇иад̇т̇зна агусалаанам̣ убагаарагад̇д̇аа муулаанийд̇и агусаламуулаани. яасмаа бана муулзна муд̇д̇о агусалажид̇д̇уббаад̣̇о над̇т̇и, д̇асмаа д̇ийхи муулзхи саб̣б̣о агусаларааси барияаад̣̇ияид̇ваа д̣̇ассид̇од̇и д̣̇адтаб̣б̣ам̣.
Ahetukassa ca mohassa akusalabhāvo na siyā akusalabhāvasādhakassa mūlantarassa abhāvato. Athāpi siyā lobhādīnaṃ sabhāvasiddho akusalādibhāvo, taṃsampayuttānaṃ pana lobhādipaṭibaddhoti. Evampi yathā lobhādīnaṃ, evaṃ alobhādīnampi sabhāvasiddho kusalādibhāvoti alobhādayo kusalā eva siyuṃ, na abyākatā, na ca honti. Tasmā yathā sampayuttesu, evaṃ mūlesupi kusalādibhāvo pariyesitabbo. Yonisomanasikārādiko viya hi kusalabhāvassa, ayonisomanasikārādiko akusalabhāvassa kāraṇanti gahetabbaṃ. Evaṃ akusalabhāvasādhanavasena lobhādīnaṃ mūlaṭṭhaṃ aggahetvā suppatiṭṭhitabhāvasādhanavasena gayhamāne na koci doso. Laddhahetupaccayā hi dhammā virūḷhamūlā viya pādapā thirā honti suppatiṭṭhitā, heturahitā pana tilabījakādisevālā viya na suppatiṭṭhitāti hetuādiatthena akusalānaṃ upakārakattā mūlānīti akusalamūlāni. Yasmā pana mūlena mutto akusalacittuppādo natthi, tasmā tīhi mūlehi sabbo akusalarāsi pariyādiyitvā dassitoti daṭṭhabbaṃ.
д̇аани агусаламуулаани саруубад̇о д̣̇ассзд̇ум̣ ‘‘лобхо агусаламуула’’нд̇иаад̣̇и вуд̇д̇ам̣. д̇ад̇т̇а лобхаад̣̇ийсу яам̣ вад̇д̇аб̣б̣ам̣, д̇ам̣ хздтаа вуд̇д̇амзва. д̇ад̇т̇а бана д̇ад̇ияамаг̇г̇аваж̇жхаа лобхаад̣̇аяо ааг̇ад̇аа, ид̇ха бана анавасзсаад̇и аяамзва висзсо.
Tāni akusalamūlāni sarūpato dassetuṃ ‘‘lobho akusalamūla’’ntiādi vuttaṃ. Tattha lobhādīsu yaṃ vattabbaṃ, taṃ heṭṭhā vuttameva. Tattha pana tatiyamaggavajjhā lobhādayo āgatā, idha pana anavasesāti ayameva viseso.
г̇аат̇ааяам̣ баабажзд̇асанд̇и агусалад̇хаммасамааяог̇ад̇о лаамагажид̇д̇ам̣. хим̣санд̇ийд̇и ад̇д̇ано бавад̇д̇игкан̣з ааяад̇им̣ вибаагагкан̣з жа виб̣аад̇хзнд̇и. ад̇д̇асамбхууд̇аад̇и ад̇д̇ани ж̇аад̇аа. д̇ажасааранд̇и г̇ан̣тид̇ам̣, взл̣унд̇и ад̇т̇о. сампаланд̇и ад̇д̇ано палам̣. ид̣̇ам̣ вуд̇д̇ам̣ ход̇и – кад̣̇ирасийсабаад̣̇аяо вияа анд̇осааро ахуд̇ваа б̣ахисаарад̇ааяа д̇ажасааранд̇и лад̣̇д̇ханаамам̣ взл̣уаад̣̇им̣ яат̇аа ад̇д̇асамбхууд̇амзва палам̣ хим̣сад̇и винаасзд̇и, звамзва анд̇о сийлаад̣̇исаарарахид̇ам̣ лаамагажид̇д̇ам̣ буг̇г̇алам̣ ад̇д̇асамбхууд̇ааязва лобхаад̣̇аяо винаасзнд̇ийд̇и.
Gāthāyaṃ pāpacetasanti akusaladhammasamāyogato lāmakacittaṃ. Hiṃsantīti attano pavattikkhaṇe āyatiṃ vipākakkhaṇe ca vibādhenti. Attasambhūtāti attani jātā. Tacasāranti gaṇṭhitaṃ, veḷunti attho. Samphalanti attano phalaṃ. Idaṃ vuttaṃ hoti – khadirasīsapādayo viya antosāro ahutvā bahisāratāya tacasāranti laddhanāmaṃ veḷuādiṃ yathā attasambhūtameva phalaṃ hiṃsati vināseti, evameva anto sīlādisārarahitaṃ lāmakacittaṃ puggalaṃ attasambhūtāyeva lobhādayo vināsentīti.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 1. мууласуд̇д̇ам̣ • 1. Mūlasuttaṃ
