| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
1. муулаяамагам̣
1. Mūlayamakaṃ
уд̣̇д̣̇зсаваараван̣н̣анаа
Uddesavāravaṇṇanā
1. яамагаанам̣ васзна д̣̇зсид̇ад̇д̇аад̇и иминаа д̣̇асасу згзгасса яамагасамуухасса д̇ам̣самуухасса жа сагаласса багаран̣асса яамагаанам̣ васзна лад̣̇д̇хавохаарад̇ам̣ д̣̇ассзд̇и.
1. Yamakānaṃ vasena desitattāti iminā dasasu ekekassa yamakasamūhassa taṃsamūhassa ca sakalassa pakaraṇassa yamakānaṃ vasena laddhavohārataṃ dasseti.
гусалаагусаламууласан̇каад̇аанам̣ д̣̇виннам̣ ад̇т̇аанам̣ васзна ад̇т̇аяамаганд̇и зд̇зна ‘‘яз гзжи гусалаа д̇хаммаа, саб̣б̣з д̇з гусаламуулаа’’д̇и зд̇ассзва яамагабхааво аабаж̇ж̇ад̇ийд̇и жз? наабаж̇ж̇ад̇и н̃аад̇ум̣ ижчид̇аанам̣ д̣̇уд̇ияабатамабужчаасу вуд̇д̇аанам̣ гусалагусаламуулависзсаанам̣, гусаламуулагусалависзсзхи ваа н̃аад̇ум̣ ижчид̇аанам̣ батамад̣̇уд̇ияабужчаасу саннидтаанабад̣̇асан̇г̇ахид̇аанам̣ гусалагусаламуулаанам̣ васзна ад̇т̇аяамагабхаавасса вуд̇д̇ад̇д̇аа. н̃аад̇ум̣ ижчид̇аанан̃хи висзсаанам̣ висзсаванд̇аабзгкаанам̣, д̇ам̣висзсавад̇ам̣ ваа д̇хаммаанан̃жа висзсаабзгкаанам̣ зд̇т̇а бад̇хаанабхаавод̇и згзгааяа бужчааяа згзго зва ад̇т̇о сан̇г̇ахид̇о ход̇ийд̇и. ад̇т̇асад̣̇д̣̇о жзд̇т̇а на д̇хаммаваажаго хзд̇упалаад̣̇иваажаго ваа, ат̇а ко баал̣иад̇т̇аваажаго. д̇знзвааха ‘‘д̇зсан̃н̃зва ад̇т̇аана’’нд̇иаад̣̇и.
Kusalākusalamūlasaṅkhātānaṃdvinnaṃ atthānaṃ vasena atthayamakanti etena ‘‘ye keci kusalā dhammā, sabbe te kusalamūlā’’ti etasseva yamakabhāvo āpajjatīti ce? Nāpajjati ñātuṃ icchitānaṃ dutiyapaṭhamapucchāsu vuttānaṃ kusalakusalamūlavisesānaṃ, kusalamūlakusalavisesehi vā ñātuṃ icchitānaṃ paṭhamadutiyapucchāsu sanniṭṭhānapadasaṅgahitānaṃ kusalakusalamūlānaṃ vasena atthayamakabhāvassa vuttattā. Ñātuṃ icchitānañhi visesānaṃ visesavantāpekkhānaṃ, taṃvisesavataṃ vā dhammānañca visesāpekkhānaṃ ettha padhānabhāvoti ekekāya pucchāya ekeko eva attho saṅgahito hotīti. Atthasaddo cettha na dhammavācako hetuphalādivācako vā, atha kho pāḷiatthavācako. Tenevāha ‘‘tesaññeva atthāna’’ntiādi.
д̇ийн̣иби бад̣̇аани згад̇о гад̇ваад̇и ид̣̇ам̣ наамабад̣̇асса гусалаад̣̇ийнам̣ сан̇г̇аахагад̇д̇амад̇д̇амзва санд̇хааяа вуд̇д̇ам̣, на ниравасзсасан̇г̇аахагад̇д̇ам̣. саб̣б̣агусалаад̣̇исан̇г̇ан̣ханад̇т̇амзва жа наамабад̣̇асса вуд̇д̇ад̇д̇аа ‘‘гусалад̇д̇игамаад̇игааяа жад̇уусу бад̣̇зсуу’’д̇и вуд̇д̇ам̣.
Tīṇipi padāni ekato katvāti idaṃ nāmapadassa kusalādīnaṃ saṅgāhakattamattameva sandhāya vuttaṃ, na niravasesasaṅgāhakattaṃ. Sabbakusalādisaṅgaṇhanatthameva ca nāmapadassa vuttattā ‘‘kusalattikamātikāya catūsu padesū’’ti vuttaṃ.
уд̣̇д̣̇зсаваараван̣н̣анаа нидтид̇аа.
Uddesavāravaṇṇanā niṭṭhitā.
нид̣̇д̣̇зсаваараван̣н̣анаа
Niddesavāravaṇṇanā
52. ан̃н̃аман̃н̃аяамагз яз гзжи гусалаад̇и абужчид̇ваад̇и зд̇т̇а яат̇аа д̣̇уд̇ияаяамагз ‘‘яз гзжи гусаламуулаа’’д̇и абужчид̇ваа ‘‘яз гзжи гусалаа’’д̇и бужчаа гад̇аа, звамид̇хааби ‘‘яз гзжи гусалаа’’д̇и бужчаа гаад̇аб̣б̣аа сияаа буримаяамагависидтам̣ абуб̣б̣ам̣ г̇ахзд̇ваа бажчимаяамагасса аббавад̇д̇ад̇д̇аад̇и ад̇хиббааяо. ‘‘бадиломабужчаануруубабхаавад̇о’’д̇и гзжи. буримабужчааяа бана ад̇т̇авасзна гад̇ааяа д̇ад̣̇ануруубааяа бажчимабужчааяа бхавид̇аб̣б̣ам̣ ануломз виг̇ад̇асам̣саяасса бадиломз сам̣саяуббад̇д̇ид̇о. д̇зна на жа бажчимабужчаануруубааяа буримабужчааяа бхавид̇аб̣б̣анд̇и буримовзд̇т̇а ад̇хиббааяо яуд̇д̇о. иминааби б̣яан̃ж̇анзна д̇ассзвад̇т̇асса самбхавад̇од̇и ид̣̇амзвам̣ на саггаа вад̇д̇ум̣. на хи гусалаб̣яан̃ж̇анад̇т̇о зва гусаламуулзна згамуулаб̣яан̃ж̇анад̇т̇о, д̇знзва виссаж̇ж̇анамби асамаанам̣ ход̇и. гусалаб̣яан̃ж̇анзна хи бужчааяа гад̇ааяа ‘‘авасзсаа’’д̇и имасмим̣ таанз ‘‘авасзсаа гусалаа д̇хаммаа’’д̇и вад̇д̇аб̣б̣ам̣ ход̇и, ид̇арат̇аа авасзсаа гусаламууласахаж̇аад̇аа д̇хаммаад̇и, на жа д̇аани важанаани самаанад̇т̇аани гусалагусалааб̣яаагад̇ад̣̇ийбанад̇од̇и. аяам̣ банзд̇т̇а ад̇хиббааяо сияаа – ‘‘яз гзжи гусалаа’’д̇и иминааби б̣яан̃ж̇анзна ‘‘яз гзжи гусаламуулзна згамуулаа’’д̇и вуд̇д̇аб̣яан̃ж̇анад̇т̇ассзва самбхавад̇о д̣̇уд̇ияаяамагз вияа абужчид̇ваа ‘‘яз гзжи гусаламуулзна згамуулаа’’д̇и бужчаа гад̇аа. на хи гусаламуулзхи вияа гусаламуулзна згамуулзхи ан̃н̃з гусалаа санд̇и, гусалзхи бана ан̃н̃зби д̇з санд̇ийд̇и.
52. Aññamaññayamakeye keci kusalāti apucchitvāti ettha yathā dutiyayamake ‘‘ye keci kusalamūlā’’ti apucchitvā ‘‘ye keci kusalā’’ti pucchā katā, evamidhāpi ‘‘ye keci kusalā’’ti pucchā kātabbā siyā purimayamakavisiṭṭhaṃ apubbaṃ gahetvā pacchimayamakassa appavattattāti adhippāyo. ‘‘Paṭilomapucchānurūpabhāvato’’ti keci. Purimapucchāya pana atthavasena katāya tadanurūpāya pacchimapucchāya bhavitabbaṃ anulome vigatasaṃsayassa paṭilome saṃsayuppattito. Tena na ca pacchimapucchānurūpāya purimapucchāya bhavitabbanti purimovettha adhippāyo yutto. Imināpi byañjanena tassevatthassa sambhavatoti idamevaṃ na sakkā vattuṃ. Na hi kusalabyañjanattho eva kusalamūlena ekamūlabyañjanattho, teneva vissajjanampi asamānaṃ hoti. Kusalabyañjanena hi pucchāya katāya ‘‘avasesā’’ti imasmiṃ ṭhāne ‘‘avasesā kusalā dhammā’’ti vattabbaṃ hoti, itarathā avasesā kusalamūlasahajātā dhammāti, na ca tāni vacanāni samānatthāni kusalakusalābyākatadīpanatoti. Ayaṃ panettha adhippāyo siyā – ‘‘ye keci kusalā’’ti imināpi byañjanena ‘‘ye keci kusalamūlena ekamūlā’’ti vuttabyañjanatthasseva sambhavato dutiyayamake viya apucchitvā ‘‘ye keci kusalamūlena ekamūlā’’ti pucchā katā. Na hi kusalamūlehi viya kusalamūlena ekamūlehi aññe kusalā santi, kusalehi pana aññepi te santīti.
бадиломабужчааван̣н̣анааяам̣ ‘‘гусаламуулзна згамуулаа’’д̇и хи бужчааяа гад̇ааяа ‘‘муулаани яаани згад̇о уббаж̇ж̇анд̇ий’’д̇и хздтаа вуд̇д̇анаязнзва виссаж̇ж̇анам̣ гаад̇аб̣б̣ам̣ бхавзяяаад̇и вуд̇д̇ам̣, д̇амби д̇ат̇аа на саггаа вад̇д̇ум̣. ‘‘яз ваа бана гусаламуулзна ан̃н̃аман̃н̃амуулаа, саб̣б̣з д̇з д̇хаммаа гусаламуулзна згамуулаа’’д̇и жа бужчид̇з ‘‘ааманд̇аа’’ ижжзва виссаж̇ж̇анзна бхавид̇аб̣б̣ам̣. на хи гусаламуулзна ан̃н̃аман̃н̃амуулзсу гин̃жи згамуулам̣ на ход̇и, язна ануломабужчааяа вияа вибхааг̇о гаад̇аб̣б̣о бхавзяяа. яад̇т̇а д̇ийн̣и гусаламуулаани уббаж̇ж̇анд̇и, д̇ад̇т̇а д̇аани ан̃н̃аман̃н̃амуулаани згамуулаани жа д̣̇виннам̣ д̣̇виннам̣ згзгзна ан̃н̃аман̃н̃згамуулад̇д̇аа. яад̇т̇а бана д̣̇вз уббаж̇ж̇анд̇и, д̇ад̇т̇а д̇аани ан̃н̃аман̃н̃амуулаанзва, на згамуулаанийд̇и зд̇асса г̇ахан̣асса нивааран̣ад̇т̇ам̣ ‘‘муулаани яаани згад̇о уббаж̇ж̇анд̇ий’’д̇иаад̣̇инаа виссаж̇ж̇анам̣ гаад̇аб̣б̣анд̇и жз? на, ‘‘ааманд̇аа’’д̇и иминаава виссаж̇ж̇анзна д̇ам̣г̇ахан̣анивааран̣ад̇о ануломабужчаависсаж̇ж̇анзна жа згад̇о уббаж̇ж̇амаанаанам̣ д̣̇виннам̣ д̇ин̣н̣ан̃жа муулаанам̣ ан̃н̃аман̃н̃згамуулабхаавасса нижчид̇ад̇д̇аа. ан̃н̃аман̃н̃амуулаанан̃хи самаанамуулад̇аа зва згамуулаважанзна бужчийяад̇и, на ан̃н̃аман̃н̃асамаанамуулад̇аа, ад̇т̇и жа д̣̇виннам̣ муулаанам̣ самаанамуулад̇аа. д̇зсу хи згзгам̣ ид̇арзна муулзна д̇ам̣муулзхи ан̃н̃зхи самаанамууланд̇и.
Paṭilomapucchāvaṇṇanāyaṃ ‘‘kusalamūlena ekamūlā’’ti hi pucchāya katāya ‘‘mūlāni yāni ekato uppajjantī’’ti heṭṭhā vuttanayeneva vissajjanaṃ kātabbaṃ bhaveyyāti vuttaṃ, tampi tathā na sakkā vattuṃ. ‘‘Ye vā pana kusalamūlena aññamaññamūlā, sabbe te dhammā kusalamūlena ekamūlā’’ti ca pucchite ‘‘āmantā’’ icceva vissajjanena bhavitabbaṃ. Na hi kusalamūlena aññamaññamūlesu kiñci ekamūlaṃ na hoti, yena anulomapucchāya viya vibhāgo kātabbo bhaveyya. Yattha tīṇi kusalamūlāni uppajjanti, tattha tāni aññamaññamūlāni ekamūlāni ca dvinnaṃ dvinnaṃ ekekena aññamaññekamūlattā. Yattha pana dve uppajjanti, tattha tāni aññamaññamūlāneva, na ekamūlānīti etassa gahaṇassa nivāraṇatthaṃ ‘‘mūlāni yāni ekato uppajjantī’’tiādinā vissajjanaṃ kātabbanti ce? Na, ‘‘āmantā’’ti imināva vissajjanena taṃgahaṇanivāraṇato anulomapucchāvissajjanena ca ekato uppajjamānānaṃ dvinnaṃ tiṇṇañca mūlānaṃ aññamaññekamūlabhāvassa nicchitattā. Aññamaññamūlānañhi samānamūlatā eva ekamūlavacanena pucchīyati, na aññamaññasamānamūlatā, atthi ca dvinnaṃ mūlānaṃ samānamūlatā. Tesu hi ekekaṃ itarena mūlena taṃmūlehi aññehi samānamūlanti.
ан̃н̃аман̃н̃амуулад̇д̇з бана нижчид̇з згамуулад̇д̇асам̣саяаабхаавад̇о ‘‘саб̣б̣з д̇з д̇хаммаа гусаламуулзна згамуулаа’’д̇и бужчаа на гад̇аад̇и д̣̇адтаб̣б̣аа. ‘‘ан̃н̃аман̃н̃асса муулаа зд̇зсанд̇иби ан̃н̃аман̃н̃амуулаа, самаанад̇т̇зна згам̣ муулам̣ зд̇зсанд̇и згамуулаа’’д̇и убхаяамби важанам̣ муулаяуд̇д̇ад̇амзва вад̣̇ад̇и, д̇знзва жа убхаяад̇т̇ааби ‘‘гусаламуулзнаа’’д̇и вуд̇д̇ам̣. д̇ад̇т̇а муулаяог̇асааман̃н̃з згамуулад̇д̇з нижчид̇з д̇аб̣б̣исзсо ан̃н̃аман̃н̃амуулабхааво на нижчид̇о ход̇ийд̇и ануломабужчаа бавад̇д̇аа, муулаяог̇ависзсз бана ан̃н̃аман̃н̃амуулад̇д̇з нижчид̇з на винаа згамуулад̇д̇зна ан̃н̃аман̃н̃амуулад̇д̇ам̣ ад̇т̇ийд̇и муулаяог̇асааман̃н̃ам̣ згамуулад̇д̇ам̣ нижчид̇амзва ход̇и, д̇асмаа ‘‘згамуулаа’’д̇и бужчам̣ агад̇ваа яат̇аа гусаламуулаважанам̣ згамуулаважанан̃жа гусалабхаавад̣̇ийбагам̣ на ход̇ийд̇и гусалабхаавз сам̣саяасаб̣бхааваа батамад̣̇уд̇ияаяамагзсу ‘‘саб̣б̣з д̇з д̇хаммаа гусалаа’’д̇и бадиломабужчаа гад̇аа, звам̣ ан̃н̃аман̃н̃амуулаважанам̣ гусалабхаавад̣̇ийбагам̣ на ход̇ийд̇и гусалабхаавз сам̣саяасаб̣бхааваа гусалаад̇хигаарасса жа анувад̇д̇амаанад̇д̇аа ‘‘саб̣б̣з д̇з д̇хаммаа гусалаа’’д̇и бадиломабужчаа гад̇аад̇и.
Aññamaññamūlatte pana nicchite ekamūlattasaṃsayābhāvato ‘‘sabbe te dhammā kusalamūlena ekamūlā’’ti pucchā na katāti daṭṭhabbā. ‘‘Aññamaññassa mūlā etesantipi aññamaññamūlā, samānatthena ekaṃ mūlaṃ etesanti ekamūlā’’ti ubhayampi vacanaṃ mūlayuttatameva vadati, teneva ca ubhayatthāpi ‘‘kusalamūlenā’’ti vuttaṃ. Tattha mūlayogasāmaññe ekamūlatte nicchite tabbiseso aññamaññamūlabhāvo na nicchito hotīti anulomapucchā pavattā, mūlayogavisese pana aññamaññamūlatte nicchite na vinā ekamūlattena aññamaññamūlattaṃ atthīti mūlayogasāmaññaṃ ekamūlattaṃ nicchitameva hoti, tasmā ‘‘ekamūlā’’ti pucchaṃ akatvā yathā kusalamūlavacanaṃ ekamūlavacanañca kusalabhāvadīpakaṃ na hotīti kusalabhāve saṃsayasabbhāvā paṭhamadutiyayamakesu ‘‘sabbe te dhammā kusalā’’ti paṭilomapucchā katā, evaṃ aññamaññamūlavacanaṃ kusalabhāvadīpakaṃ na hotīti kusalabhāve saṃsayasabbhāvā kusalādhikārassa ca anuvattamānattā ‘‘sabbe te dhammā kusalā’’ti paṭilomapucchā katāti.
53-61. мууланаяз вуд̇д̇з зва ад̇т̇з гусаламуулабхаавзна мууласса висзсанзна самаанзна муулзна ан̃н̃аман̃н̃асса жа муулзна муулаяог̇ад̣̇ийбанзна жаад̇и иминаа барияааяанд̇арзна багаасзд̇ум̣ мууламууланаяо вуд̇д̇о. ан̃н̃абад̣̇ад̇т̇асамаасанд̇зна га-гаарзна д̇ийсуби яамагзсу муулаяог̇амзва д̣̇ийбзд̇ум̣ муулаганаяо вуд̇д̇о. мууламуулаганаяаважанабарияааяо вуд̇д̇аббагаарова.
53-61. Mūlanaye vutte eva atthe kusalamūlabhāvena mūlassa visesanena samānena mūlena aññamaññassa ca mūlena mūlayogadīpanena cāti iminā pariyāyantarena pakāsetuṃ mūlamūlanayo vutto. Aññapadatthasamāsantena ka-kārena tīsupi yamakesu mūlayogameva dīpetuṃ mūlakanayo vutto. Mūlamūlakanayavacanapariyāyo vuttappakārova.
74-85. аб̣б̣охааригам̣ гад̇ваад̇и на згамуулабхаавам̣ лабхамаанзхи згад̇о лаб̣бхамаанад̇д̇аа сахзд̇угавохаарарахид̇ам̣ гад̇ваа. на ваа сахзд̇угад̣̇угз вияа зд̇т̇а хзд̇убажжаяаяог̇ааяог̇авасзна аб̣б̣охааригам̣ гад̇ам̣, ат̇а ко сахзд̇угавохаарамзва лабхад̇и, на ахзд̇угавохааранд̇и аб̣б̣охааригам̣ гад̇ам̣. згад̇о лаб̣бхамаанагавасзнаад̇и ахзд̇угажид̇д̇уббаад̣̇аниб̣б̣аанзхи хзд̇убажжаяарахид̇зхи саха лаб̣бхамаанагаруубавасзнаад̇и ад̇т̇о.
74-85. Abbohārikaṃ katvāti na ekamūlabhāvaṃ labhamānehi ekato labbhamānattā sahetukavohārarahitaṃ katvā. Na vā sahetukaduke viya ettha hetupaccayayogāyogavasena abbohārikaṃ kataṃ, atha kho sahetukavohārameva labhati, na ahetukavohāranti abbohārikaṃ kataṃ. Ekato labbhamānakavasenāti ahetukacittuppādanibbānehi hetupaccayarahitehi saha labbhamānakarūpavasenāti attho.
86-97. яассам̣ баал̣ияам̣ ‘‘ахзд̇угам̣ наамамуулзна на згамуулам̣, сахзд̇угам̣ наамамуулзна згамуула’’нд̇и (яама. 1.муулаяамага.87) баато ааг̇ад̇о, д̇ад̇т̇а ‘‘яз гзжи наамаа д̇хаммаа’’д̇и наамаанам̣ нид̣̇д̇хаарид̇ад̇д̇аа ‘‘ахзд̇угам̣ сахзд̇уга’’нд̇и жа вуд̇д̇з ‘‘наама’’нд̇и жа ид̣̇ам̣ вин̃н̃ааяамаанамзваад̇и на вуд̇д̇анд̇и взд̣̇ид̇аб̣б̣ам̣. яад̇т̇а бана ‘‘ахзд̇угам̣ наамам̣, сахзд̇угам̣ наама’’нд̇и (яама. 1.муулаяамага.87) жа баато, д̇ад̇т̇а субаагадабхаавад̇т̇ам̣ ‘‘наама’’нд̇и вуд̇д̇анд̇и.
86-97. Yassaṃ pāḷiyaṃ ‘‘ahetukaṃ nāmamūlena na ekamūlaṃ, sahetukaṃ nāmamūlena ekamūla’’nti (yama. 1.mūlayamaka.87) pāṭho āgato, tattha ‘‘ye keci nāmā dhammā’’ti nāmānaṃ niddhāritattā ‘‘ahetukaṃ sahetuka’’nti ca vutte ‘‘nāma’’nti ca idaṃ viññāyamānamevāti na vuttanti veditabbaṃ. Yattha pana ‘‘ahetukaṃ nāmaṃ, sahetukaṃ nāma’’nti (yama. 1.mūlayamaka.87) ca pāṭho, tattha supākaṭabhāvatthaṃ ‘‘nāma’’nti vuttanti.
нид̣̇д̣̇зсаваараван̣н̣анаа нидтид̇аа.
Niddesavāravaṇṇanā niṭṭhitā.
муулаяамагаван̣н̣анаа нидтид̇аа.
Mūlayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 1. муулаяамагам̣ • 1. Mūlayamakaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. муулаяамагам̣ • 1. Mūlayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. муулаяамагам̣ • 1. Mūlayamakaṃ
