| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
மூலாயபடிகஸ்ஸனாரஹவத்தகதா²
Mūlāyapaṭikassanārahavattakathā
86. மூலாயபடிகஸ்ஸனாரஹா பி⁴க்கூ² ஸாதி³யந்தி பகதத்தானந்தி ட²பெத்வா நவகதரங் மூலாயபடிகஸ்ஸனாரஹங் அவஸேஸானங் அந்தமஸோ பாரிவாஸிகாதீ³னம்பி. இமேஸஞ்ஹி பாரிவாஸிகமூலாயபடிகஸ்ஸனாரஹமானத்தாரஹமானத்தாசாரிகப்³பா⁴னாரஹானங் பஞ்சன்னங் ட²பெத்வா அத்தனோ அத்தனோ நவகதரங், ஸேஸா ஸப்³பே³ பகதத்தா ஏவ. கஸ்மா? மிது² யதா²வுட்³ட⁴ங் அபி⁴வாத³னாதீ³னங் அனுஞ்ஞாதத்தா. தேன வுத்தங் – ‘‘அவஸேஸானங் அந்தமஸோ பாரிவாஸிகாதீ³னம்பீ’’தி. மூலாயபடிகஸ்ஸனாரஹாதி³லக்க²ணங் பன நேஸங் பரதோ ஆவிப⁴விஸ்ஸதி. ஸேஸமெத்த² இதோ பரேஸு ச மானத்தாரஹாதி³வத்தேஸு பாரிவாஸிகவத்தே வுத்தனயேனேவ வேதி³தப்³ப³ங்.
86.Mūlāyapaṭikassanārahā bhikkhū sādiyanti pakatattānanti ṭhapetvā navakataraṃ mūlāyapaṭikassanārahaṃ avasesānaṃ antamaso pārivāsikādīnampi. Imesañhi pārivāsikamūlāyapaṭikassanārahamānattārahamānattācārikabbhānārahānaṃ pañcannaṃ ṭhapetvā attano attano navakataraṃ, sesā sabbe pakatattā eva. Kasmā? Mithu yathāvuḍḍhaṃ abhivādanādīnaṃ anuññātattā. Tena vuttaṃ – ‘‘avasesānaṃ antamaso pārivāsikādīnampī’’ti. Mūlāyapaṭikassanārahādilakkhaṇaṃ pana nesaṃ parato āvibhavissati. Sesamettha ito paresu ca mānattārahādivattesu pārivāsikavatte vuttanayeneva veditabbaṃ.
87. மூலாயபடிகஸ்ஸனாரஹசதுத்தோ² சேதிஆதீ³ஸுபி யதே²வ பாரிவாஸிகோ; ஏவங் ஏதேபி ஏதேஸு வினயகம்மேஸு க³ணபூரகா ந ஹொந்தி, ஸேஸஸங்க⁴கம்மேஸு ஹொந்தி.
87.Mūlāyapaṭikassanārahacatuttho cetiādīsupi yatheva pārivāsiko; evaṃ etepi etesu vinayakammesu gaṇapūrakā na honti, sesasaṅghakammesu honti.
மூலாயபடிகஸ்ஸனாரஹவத்தகதா² நிட்டி²தா.
Mūlāyapaṭikassanārahavattakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 2. மூலாயபடிகஸ்ஸனாரஹவத்தங் • 2. Mūlāyapaṭikassanārahavattaṃ
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / மூலாயபடிகஸ்ஸனாரஹவத்தகதா²வண்ணனா • Mūlāyapaṭikassanārahavattakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. மூலாயபடிகஸ்ஸனாரஹவத்தகதா² • 2. Mūlāyapaṭikassanārahavattakathā
