| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
মূলাযপটিকস্সনারহৰত্তকথা
Mūlāyapaṭikassanārahavattakathā
৮৬. মূলাযপটিকস্সনারহা ভিক্খূ সাদিযন্তি পকতত্তানন্তি ঠপেত্ৰা নৰকতরং মূলাযপটিকস্সনারহং অৰসেসানং অন্তমসো পারিৰাসিকাদীনম্পি। ইমেসঞ্হি পারিৰাসিকমূলাযপটিকস্সনারহমানত্তারহমানত্তাচারিকব্ভানারহানং পঞ্চন্নং ঠপেত্ৰা অত্তনো অত্তনো নৰকতরং, সেসা সব্বে পকতত্তা এৰ। কস্মা? মিথু যথাৰুড্ঢং অভিৰাদনাদীনং অনুঞ্ঞাতত্তা। তেন ৰুত্তং – ‘‘অৰসেসানং অন্তমসো পারিৰাসিকাদীনম্পী’’তি। মূলাযপটিকস্সনারহাদিলক্খণং পন নেসং পরতো আৰিভৰিস্সতি। সেসমেত্থ ইতো পরেসু চ মানত্তারহাদিৰত্তেসু পারিৰাসিকৰত্তে ৰুত্তনযেনেৰ ৰেদিতব্বং।
86.Mūlāyapaṭikassanārahā bhikkhū sādiyanti pakatattānanti ṭhapetvā navakataraṃ mūlāyapaṭikassanārahaṃ avasesānaṃ antamaso pārivāsikādīnampi. Imesañhi pārivāsikamūlāyapaṭikassanārahamānattārahamānattācārikabbhānārahānaṃ pañcannaṃ ṭhapetvā attano attano navakataraṃ, sesā sabbe pakatattā eva. Kasmā? Mithu yathāvuḍḍhaṃ abhivādanādīnaṃ anuññātattā. Tena vuttaṃ – ‘‘avasesānaṃ antamaso pārivāsikādīnampī’’ti. Mūlāyapaṭikassanārahādilakkhaṇaṃ pana nesaṃ parato āvibhavissati. Sesamettha ito paresu ca mānattārahādivattesu pārivāsikavatte vuttanayeneva veditabbaṃ.
৮৭. মূলাযপটিকস্সনারহচতুত্থো চেতিআদীসুপি যথেৰ পারিৰাসিকো; এৰং এতেপি এতেসু ৰিনযকম্মেসু গণপূরকা ন হোন্তি, সেসসঙ্ঘকম্মেসু হোন্তি।
87.Mūlāyapaṭikassanārahacatuttho cetiādīsupi yatheva pārivāsiko; evaṃ etepi etesu vinayakammesu gaṇapūrakā na honti, sesasaṅghakammesu honti.
মূলাযপটিকস্সনারহৰত্তকথা নিট্ঠিতা।
Mūlāyapaṭikassanārahavattakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / ২. মূলাযপটিকস্সনারহৰত্তং • 2. Mūlāyapaṭikassanārahavattaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / মূলাযপটিকস্সনারহৰত্তকথাৰণ্ণনা • Mūlāyapaṭikassanārahavattakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২. মূলাযপটিকস্সনারহৰত্তকথা • 2. Mūlāyapaṭikassanārahavattakathā
