| Library / Tipiṭaka / తిపిటక • Tipiṭaka / చూళవగ్గ-అట్ఠకథా • Cūḷavagga-aṭṭhakathā |
మూలాయపటికస్సనారహవత్తకథా
Mūlāyapaṭikassanārahavattakathā
౮౬. మూలాయపటికస్సనారహా భిక్ఖూ సాదియన్తి పకతత్తానన్తి ఠపేత్వా నవకతరం మూలాయపటికస్సనారహం అవసేసానం అన్తమసో పారివాసికాదీనమ్పి. ఇమేసఞ్హి పారివాసికమూలాయపటికస్సనారహమానత్తారహమానత్తాచారికబ్భానారహానం పఞ్చన్నం ఠపేత్వా అత్తనో అత్తనో నవకతరం, సేసా సబ్బే పకతత్తా ఏవ. కస్మా? మిథు యథావుడ్ఢం అభివాదనాదీనం అనుఞ్ఞాతత్తా. తేన వుత్తం – ‘‘అవసేసానం అన్తమసో పారివాసికాదీనమ్పీ’’తి. మూలాయపటికస్సనారహాదిలక్ఖణం పన నేసం పరతో ఆవిభవిస్సతి. సేసమేత్థ ఇతో పరేసు చ మానత్తారహాదివత్తేసు పారివాసికవత్తే వుత్తనయేనేవ వేదితబ్బం.
86.Mūlāyapaṭikassanārahā bhikkhū sādiyanti pakatattānanti ṭhapetvā navakataraṃ mūlāyapaṭikassanārahaṃ avasesānaṃ antamaso pārivāsikādīnampi. Imesañhi pārivāsikamūlāyapaṭikassanārahamānattārahamānattācārikabbhānārahānaṃ pañcannaṃ ṭhapetvā attano attano navakataraṃ, sesā sabbe pakatattā eva. Kasmā? Mithu yathāvuḍḍhaṃ abhivādanādīnaṃ anuññātattā. Tena vuttaṃ – ‘‘avasesānaṃ antamaso pārivāsikādīnampī’’ti. Mūlāyapaṭikassanārahādilakkhaṇaṃ pana nesaṃ parato āvibhavissati. Sesamettha ito paresu ca mānattārahādivattesu pārivāsikavatte vuttanayeneva veditabbaṃ.
౮౭. మూలాయపటికస్సనారహచతుత్థో చేతిఆదీసుపి యథేవ పారివాసికో; ఏవం ఏతేపి ఏతేసు వినయకమ్మేసు గణపూరకా న హోన్తి, సేససఙ్ఘకమ్మేసు హోన్తి.
87.Mūlāyapaṭikassanārahacatuttho cetiādīsupi yatheva pārivāsiko; evaṃ etepi etesu vinayakammesu gaṇapūrakā na honti, sesasaṅghakammesu honti.
మూలాయపటికస్సనారహవత్తకథా నిట్ఠితా.
Mūlāyapaṭikassanārahavattakathā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / చూళవగ్గపాళి • Cūḷavaggapāḷi / ౨. మూలాయపటికస్సనారహవత్తం • 2. Mūlāyapaṭikassanārahavattaṃ
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / మూలాయపటికస్సనారహవత్తకథావణ్ణనా • Mūlāyapaṭikassanārahavattakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౨. మూలాయపటికస్సనారహవత్తకథా • 2. Mūlāyapaṭikassanārahavattakathā
