| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
មូលាយបដិកស្សនារហវត្តកថា
Mūlāyapaṭikassanārahavattakathā
៨៦. មូលាយបដិកស្សនារហា ភិក្ខូ សាទិយន្តិ បកតត្តានន្តិ ឋបេត្វា នវកតរំ មូលាយបដិកស្សនារហំ អវសេសានំ អន្តមសោ បារិវាសិកាទីនម្បិ។ ឥមេសញ្ហិ បារិវាសិកមូលាយបដិកស្សនារហមានត្តារហមានត្តាចារិកព្ភានារហានំ បញ្ចន្នំ ឋបេត្វា អត្តនោ អត្តនោ នវកតរំ, សេសា សព្ពេ បកតត្តា ឯវ។ កស្មា? មិថុ យថាវុឌ្ឍំ អភិវាទនាទីនំ អនុញ្ញាតត្តា។ តេន វុត្តំ – ‘‘អវសេសានំ អន្តមសោ បារិវាសិកាទីនម្បី’’តិ។ មូលាយបដិកស្សនារហាទិលក្ខណំ បន នេសំ បរតោ អាវិភវិស្សតិ។ សេសមេត្ថ ឥតោ បរេសុ ច មានត្តារហាទិវត្តេសុ បារិវាសិកវត្តេ វុត្តនយេនេវ វេទិតព្ពំ។
86.Mūlāyapaṭikassanārahā bhikkhū sādiyanti pakatattānanti ṭhapetvā navakataraṃ mūlāyapaṭikassanārahaṃ avasesānaṃ antamaso pārivāsikādīnampi. Imesañhi pārivāsikamūlāyapaṭikassanārahamānattārahamānattācārikabbhānārahānaṃ pañcannaṃ ṭhapetvā attano attano navakataraṃ, sesā sabbe pakatattā eva. Kasmā? Mithu yathāvuḍḍhaṃ abhivādanādīnaṃ anuññātattā. Tena vuttaṃ – ‘‘avasesānaṃ antamaso pārivāsikādīnampī’’ti. Mūlāyapaṭikassanārahādilakkhaṇaṃ pana nesaṃ parato āvibhavissati. Sesamettha ito paresu ca mānattārahādivattesu pārivāsikavatte vuttanayeneva veditabbaṃ.
៨៧. មូលាយបដិកស្សនារហចតុត្ថោ ចេតិអាទីសុបិ យថេវ បារិវាសិកោ; ឯវំ ឯតេបិ ឯតេសុ វិនយកម្មេសុ គណបូរកា ន ហោន្តិ, សេសសង្ឃកម្មេសុ ហោន្តិ។
87.Mūlāyapaṭikassanārahacatuttho cetiādīsupi yatheva pārivāsiko; evaṃ etepi etesu vinayakammesu gaṇapūrakā na honti, sesasaṅghakammesu honti.
មូលាយបដិកស្សនារហវត្តកថា និដ្ឋិតា។
Mūlāyapaṭikassanārahavattakathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ២. មូលាយបដិកស្សនារហវត្តំ • 2. Mūlāyapaṭikassanārahavattaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / មូលាយបដិកស្សនារហវត្តកថាវណ្ណនា • Mūlāyapaṭikassanārahavattakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២. មូលាយបដិកស្សនារហវត្តកថា • 2. Mūlāyapaṭikassanārahavattakathā
