| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
မူလာယပဋိကသ္သနာရဟဝတ္တကထာ
Mūlāyapaṭikassanārahavattakathā
၈၆. မူလာယပဋိကသ္သနာရဟာ ဘိက္ခူ သာဒိယန္တိ ပကတတ္တာနန္တိ ဌပေတ္ဝာ နဝကတရံ မူလာယပဋိကသ္သနာရဟံ အဝသေသာနံ အန္တမသော ပာရိဝာသိကာဒီနမ္ပိ။ ဣမေသဉ္ဟိ ပာရိဝာသိကမူလာယပဋိကသ္သနာရဟမာနတ္တာရဟမာနတ္တာစာရိကဗ္ဘာနာရဟာနံ ပဉ္စန္နံ ဌပေတ္ဝာ အတ္တနော အတ္တနော နဝကတရံ, သေသာ သဗ္ဗေ ပကတတ္တာ ဧဝ။ ကသ္မာ? မိထု ယထာဝုဍ္ဎံ အဘိဝာဒနာဒီနံ အနုညာတတ္တာ။ တေန ဝုတ္တံ – ‘‘အဝသေသာနံ အန္တမသော ပာရိဝာသိကာဒီနမ္ပီ’’တိ။ မူလာယပဋိကသ္သနာရဟာဒိလက္ခဏံ ပန နေသံ ပရတော အာဝိဘဝိသ္သတိ။ သေသမေတ္ထ ဣတော ပရေသု စ မာနတ္တာရဟာဒိဝတ္တေသု ပာရိဝာသိကဝတ္တေ ဝုတ္တနယေနေဝ ဝေဒိတဗ္ဗံ။
86.Mūlāyapaṭikassanārahā bhikkhū sādiyanti pakatattānanti ṭhapetvā navakataraṃ mūlāyapaṭikassanārahaṃ avasesānaṃ antamaso pārivāsikādīnampi. Imesañhi pārivāsikamūlāyapaṭikassanārahamānattārahamānattācārikabbhānārahānaṃ pañcannaṃ ṭhapetvā attano attano navakataraṃ, sesā sabbe pakatattā eva. Kasmā? Mithu yathāvuḍḍhaṃ abhivādanādīnaṃ anuññātattā. Tena vuttaṃ – ‘‘avasesānaṃ antamaso pārivāsikādīnampī’’ti. Mūlāyapaṭikassanārahādilakkhaṇaṃ pana nesaṃ parato āvibhavissati. Sesamettha ito paresu ca mānattārahādivattesu pārivāsikavatte vuttanayeneva veditabbaṃ.
၈၇. မူလာယပဋိကသ္သနာရဟစတုတ္ထော စေတိအာဒီသုပိ ယထေဝ ပာရိဝာသိကော; ဧဝံ ဧတေပိ ဧတေသု ဝိနယကမ္မေသု ဂဏပူရကာ န ဟောန္တိ, သေသသင္ဃကမ္မေသု ဟောန္တိ။
87.Mūlāyapaṭikassanārahacatuttho cetiādīsupi yatheva pārivāsiko; evaṃ etepi etesu vinayakammesu gaṇapūrakā na honti, sesasaṅghakammesu honti.
မူလာယပဋိကသ္သနာရဟဝတ္တကထာ နိဋ္ဌိတာ။
Mūlāyapaṭikassanārahavattakathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၂. မူလာယပဋိကသ္သနာရဟဝတ္တံ • 2. Mūlāyapaṭikassanārahavattaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / မူလာယပဋိကသ္သနာရဟဝတ္တကထာဝဏ္ဏနာ • Mūlāyapaṭikassanārahavattakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. မူလာယပဋိကသ္သနာရဟဝတ္တကထာ • 2. Mūlāyapaṭikassanārahavattakathā
