| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
මූලායපටිකස්‌සනාරහවත්‌තකථා
Mūlāyapaṭikassanārahavattakathā
86. මූලායපටිකස්‌සනාරහා භික්‌ඛූ සාදියන්‌ති පකතත්‌තානන්‌ති ඨපෙත්‌වා නවකතරං මූලායපටිකස්‌සනාරහං අවසෙසානං අන්‌තමසො පාරිවාසිකාදීනම්‌පි. ඉමෙසඤ්‌හි පාරිවාසිකමූලායපටිකස්‌සනාරහමානත්‌තාරහමානත්‌තාචාරිකබ්‌භානාරහානං පඤ්‌චන්‌නං ඨපෙත්‌වා අත්‌තනො අත්‌තනො නවකතරං, සෙසා සබ්‌බෙ පකතත්‌තා එව. කස්‌මා? මිථු යථාවුඩ්‌ඪං අභිවාදනාදීනං අනුඤ්‌ඤාතත්‌තා. තෙන වුත්‌තං – ‘‘අවසෙසානං අන්‌තමසො පාරිවාසිකාදීනම්‌පී’’ති. මූලායපටිකස්‌සනාරහාදිලක්‌ඛණං පන නෙසං පරතො ආවිභවිස්‌සති. සෙසමෙත්‌ථ ඉතො පරෙසු ච මානත්‌තාරහාදිවත්‌තෙසු පාරිවාසිකවත්‌තෙ වුත්‌තනයෙනෙව වෙදිතබ්‌බං.
86.Mūlāyapaṭikassanārahā bhikkhū sādiyanti pakatattānanti ṭhapetvā navakataraṃ mūlāyapaṭikassanārahaṃ avasesānaṃ antamaso pārivāsikādīnampi. Imesañhi pārivāsikamūlāyapaṭikassanārahamānattārahamānattācārikabbhānārahānaṃ pañcannaṃ ṭhapetvā attano attano navakataraṃ, sesā sabbe pakatattā eva. Kasmā? Mithu yathāvuḍḍhaṃ abhivādanādīnaṃ anuññātattā. Tena vuttaṃ – ‘‘avasesānaṃ antamaso pārivāsikādīnampī’’ti. Mūlāyapaṭikassanārahādilakkhaṇaṃ pana nesaṃ parato āvibhavissati. Sesamettha ito paresu ca mānattārahādivattesu pārivāsikavatte vuttanayeneva veditabbaṃ.
87. මූලායපටිකස්‌සනාරහචතුත්‌ථො චෙතිආදීසුපි යථෙව පාරිවාසිකො; එවං එතෙපි එතෙසු විනයකම්‌මෙසු ගණපූරකා න හොන්‌ති, සෙසසඞ්‌ඝකම්‌මෙසු හොන්‌ති.
87.Mūlāyapaṭikassanārahacatuttho cetiādīsupi yatheva pārivāsiko; evaṃ etepi etesu vinayakammesu gaṇapūrakā na honti, sesasaṅghakammesu honti.
මූලායපටිකස්‌සනාරහවත්‌තකථා නිට්‌ඨිතා.
Mūlāyapaṭikassanārahavattakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 2. මූලායපටිකස්‌සනාරහවත්‌තං • 2. Mūlāyapaṭikassanārahavattaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / මූලායපටිකස්‌සනාරහවත්‌තකථාවණ්‌ණනා • Mūlāyapaṭikassanārahavattakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 2. මූලායපටිකස්‌සනාරහවත්‌තකථා • 2. Mūlāyapaṭikassanārahavattakathā
