| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[30] 10. мунигаж̇аад̇агаван̣н̣анаа
[30] 10. Munikajātakavaṇṇanā
маа мунигасса бихаяийд̇и ид̣̇ам̣ сад̇т̇аа ж̇зд̇аванз вихаранд̇о т̇уллагумааригаабалобханам̣ аараб̣бха гат̇зси. д̇ам̣ д̇зрасаганибаад̇з жуул̣анаарад̣̇агассабаж̇аад̇агз (ж̇аа. 1.13.40 аад̣̇аяо) аави бхависсад̇и. сад̇т̇аа бана д̇ам̣ бхигкум̣ ‘‘сажжам̣ гира д̇вам̣ бхигку угган̣тид̇осий’’д̇и бужчи. ‘‘аама, бханд̇з’’д̇и. ‘‘гим̣ ниссааяаа’’д̇и? ‘‘т̇уллагумааригаабалобханам̣ бханд̇з’’д̇и. сад̇т̇аа ‘‘бхигку зсаа д̇ава анад̇т̇агааригаа, буб̣б̣зби д̇вам̣ имиссаа виваахад̣̇ивасз ж̇ийвид̇агкаяам̣ бад̇ваа махааж̇анасса уд̇д̇арибхан̇г̇абхаавам̣ бад̇д̇о’’д̇и вад̇ваа ад̇ийд̇ам̣ аахари.
Māmunikassa pihayīti idaṃ satthā jetavane viharanto thullakumārikāpalobhanaṃ ārabbha kathesi. Taṃ terasakanipāte cūḷanāradakassapajātake (jā. 1.13.40 ādayo) āvi bhavissati. Satthā pana taṃ bhikkhuṃ ‘‘saccaṃ kira tvaṃ bhikkhu ukkaṇṭhitosī’’ti pucchi. ‘‘Āma, bhante’’ti. ‘‘Kiṃ nissāyā’’ti? ‘‘Thullakumārikāpalobhanaṃ bhante’’ti. Satthā ‘‘bhikkhu esā tava anatthakārikā, pubbepi tvaṃ imissā vivāhadivase jīvitakkhayaṃ patvā mahājanassa uttaribhaṅgabhāvaṃ patto’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ г̇аамагз згасса гудумб̣игасса г̇зхз г̇ояонияам̣ ниб̣б̣ад̇д̇и ‘‘махаалохид̇о’’д̇и наамзна, ганидтабхаад̇аабисса жуул̣алохид̇о наама ахоси. д̇зязва д̣̇вз бхаад̇игз ниссааяа д̇асмим̣ гулз гаммад̇хурам̣ вад̇д̇ад̇и. д̇асмим̣ бана гулз згаа гумааригаа ад̇т̇и, д̇ам̣ зго наг̇араваасий гулабуд̇д̇о ад̇д̇ано буд̇д̇асса ваарзси. д̇ассаа маад̇аабид̇аро ‘‘гумааригааяа виваахагаалз ааг̇ад̇аанам̣ баахунагаанам̣ уд̇д̇арибхан̇г̇о бхависсад̇ий’’д̇и яааг̇убхад̇д̇ам̣ д̣̇ад̇ваа мунигам̣ наама суугарам̣ босзсум̣. д̇ам̣ д̣̇исваа жуул̣алохид̇о бхаад̇арам̣ бужчи ‘‘имасмим̣ гулз гаммад̇хурам̣ вад̇д̇амаанам̣ амхз д̣̇вз бхаад̇игз ниссааяа вад̇д̇ад̇и, имз бана амхаагам̣ д̇ин̣абалаалаад̣̇ийнзва д̣̇знд̇и, суугарам̣ яааг̇убхад̇д̇зна босзнд̇и, гзна ну ко гааран̣зна зса зд̇ам̣ лабхад̇ий’’д̇и. ат̇асса бхаад̇аа ‘‘д̇аад̇а жуул̣алохид̇а, маа д̇вам̣ зд̇асса бхож̇анам̣ бихаяи, аяам̣ суугаро маран̣абхад̇д̇ам̣ бхун̃ж̇ад̇и. зд̇иссаа хи гумааригааяа виваахагаалз ааг̇ад̇аанам̣ баахунагаанам̣ уд̇д̇арибхан̇г̇о бхависсад̇ийд̇и имз зд̇ам̣ суугарам̣ босзнд̇и, ид̇о гад̇ибаахажжаязна д̇з мануссаа ааг̇амиссанд̇и, ат̇а нам̣ суугарам̣ баад̣̇зсу г̇ахзд̇ваа гад̣дхзнд̇аа хздтааман̃жад̇о нийхарид̇ваа ж̇ийвид̇агкаяам̣ баабзд̇ваа баахунагаанам̣ суубаб̣яан̃ж̇анам̣ гарияамаанам̣ бассиссасий’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ gāmake ekassa kuṭumbikassa gehe goyoniyaṃ nibbatti ‘‘mahālohito’’ti nāmena, kaniṭṭhabhātāpissa cūḷalohito nāma ahosi. Teyeva dve bhātike nissāya tasmiṃ kule kammadhuraṃ vattati. Tasmiṃ pana kule ekā kumārikā atthi, taṃ eko nagaravāsī kulaputto attano puttassa vāresi. Tassā mātāpitaro ‘‘kumārikāya vivāhakāle āgatānaṃ pāhunakānaṃ uttaribhaṅgo bhavissatī’’ti yāgubhattaṃ datvā munikaṃ nāma sūkaraṃ posesuṃ. Taṃ disvā cūḷalohito bhātaraṃ pucchi ‘‘imasmiṃ kule kammadhuraṃ vattamānaṃ amhe dve bhātike nissāya vattati, ime pana amhākaṃ tiṇapalālādīneva denti, sūkaraṃ yāgubhattena posenti, kena nu kho kāraṇena esa etaṃ labhatī’’ti. Athassa bhātā ‘‘tāta cūḷalohita, mā tvaṃ etassa bhojanaṃ pihayi, ayaṃ sūkaro maraṇabhattaṃ bhuñjati. Etissā hi kumārikāya vivāhakāle āgatānaṃ pāhunakānaṃ uttaribhaṅgo bhavissatīti ime etaṃ sūkaraṃ posenti, ito katipāhaccayena te manussā āgamissanti, atha naṃ sūkaraṃ pādesu gahetvā kaḍḍhentā heṭṭhāmañcato nīharitvā jīvitakkhayaṃ pāpetvā pāhunakānaṃ sūpabyañjanaṃ kariyamānaṃ passissasī’’ti vatvā imaṃ gāthamāha –
30.
30.
‘‘маа мунигасса бихаяи, аад̇ураннаани бхун̃ж̇ад̇и;
‘‘Mā munikassa pihayi, āturannāni bhuñjati;
аббоссугго бхусам̣ каад̣̇а, зд̇ам̣ д̣̇ийгхааяулагкан̣а’’нд̇и.
Appossukko bhusaṃ khāda, etaṃ dīghāyulakkhaṇa’’nti.
д̇ад̇т̇а маа мунигасса бихаяийд̇и мунигасса бхож̇анз бихам̣ маа уббаад̣̇аяи, ‘‘зса муниго субхож̇анам̣ бхун̃ж̇ад̇ий’’д̇и маа мунигасса бихаяи, ‘‘гад̣̇аа ну ко ахамби звам̣ сукид̇о бхавзяяа’’нд̇и маа мунигабхаавам̣ бад̇т̇аяи. аяан̃хи аад̇ураннаани бхун̃ж̇ад̇и. аад̇ураннаанийд̇и маран̣абхож̇анаани. аббоссугго бхусам̣ каад̣̇аад̇и д̇асса бхож̇анз нируссугго худ̇ваа ад̇д̇анаа лад̣̇д̇хам̣ бхусам̣ каад̣̇а. зд̇ам̣ д̣̇ийгхааяулагкан̣анд̇и зд̇ам̣ д̣̇ийгхааяубхаавасса гааран̣ам̣. д̇ад̇о на жирассзва д̇з мануссаа ааг̇амим̣су, мунигам̣ гхаад̇зд̇ваа наанаббагаарзхи бажим̣су. б̣од̇хисад̇д̇о жуул̣алохид̇ам̣ ааха ‘‘д̣̇идто д̇з, д̇аад̇а, муниго’’д̇и. д̣̇идтам̣ мз, бхаад̇ига, мунигасса бхож̇анапалам̣, зд̇асса бхож̇анад̇о сад̇аг̇ун̣зна сахассаг̇ун̣зна амхаагам̣ д̇ин̣абалаалабхусамад̇д̇амзва уд̇д̇аман̃жа анаваж̇ж̇ан̃жа д̣̇ийгхааяулагкан̣ан̃жаад̇и.
Tattha mā munikassa pihayīti munikassa bhojane pihaṃ mā uppādayi, ‘‘esa muniko subhojanaṃ bhuñjatī’’ti mā munikassa pihayi, ‘‘kadā nu kho ahampi evaṃ sukhito bhaveyya’’nti mā munikabhāvaṃ patthayi. Ayañhi āturannāni bhuñjati. Āturannānīti maraṇabhojanāni. Appossukko bhusaṃ khādāti tassa bhojane nirussukko hutvā attanā laddhaṃ bhusaṃ khāda. Etaṃ dīghāyulakkhaṇanti etaṃ dīghāyubhāvassa kāraṇaṃ. Tato na cirasseva te manussā āgamiṃsu, munikaṃ ghātetvā nānappakārehi paciṃsu. Bodhisatto cūḷalohitaṃ āha ‘‘diṭṭho te, tāta, muniko’’ti. Diṭṭhaṃ me, bhātika, munikassa bhojanaphalaṃ, etassa bhojanato sataguṇena sahassaguṇena amhākaṃ tiṇapalālabhusamattameva uttamañca anavajjañca dīghāyulakkhaṇañcāti.
сад̇т̇аа ‘‘звам̣ ко д̇вам̣ бхигку буб̣б̣зби имам̣ гумааригам̣ ниссааяа ж̇ийвид̇агкаяам̣ бад̇ваа махааж̇анасса уд̇д̇арибхан̇г̇абхаавам̣ г̇ад̇о’’д̇и имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз угган̣тид̇о бхигку сод̇аабад̇д̇ипалз бад̇идтааси. сад̇т̇аа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа мунигасуугаро угган̣тид̇абхигку ахоси, т̇уллагумааригаа зсаа зва, жуул̣алохид̇о аананд̣̇о, махаалохид̇о бана ахамзва ахоси’’нд̇и.
Satthā ‘‘evaṃ kho tvaṃ bhikkhu pubbepi imaṃ kumārikaṃ nissāya jīvitakkhayaṃ patvā mahājanassa uttaribhaṅgabhāvaṃ gato’’ti imaṃ dhammadesanaṃ āharitvā saccāni pakāsesi, saccapariyosāne ukkaṇṭhito bhikkhu sotāpattiphale patiṭṭhāsi. Satthā anusandhiṃ ghaṭetvā jātakaṃ samodhānesi – ‘‘tadā munikasūkaro ukkaṇṭhitabhikkhu ahosi, thullakumārikā esā eva, cūḷalohito ānando, mahālohito pana ahameva ahosi’’nti.
мунигаж̇аад̇агаван̣н̣анаа д̣̇асамаа.
Munikajātakavaṇṇanā dasamā.
гурун̇г̇аваг̇г̇о д̇ад̇ияо.
Kuruṅgavaggo tatiyo.
д̇ассуд̣̇д̣̇аанам̣ –
Tassuddānaṃ –
гурун̇г̇ам̣ гуггуран̃жзва, бхож̇ааж̇аанийяан̃жа ааж̇ан̃н̃ам̣;
Kuruṅgaṃ kukkurañceva, bhojājānīyañca ājaññaṃ;
д̇ид̇т̇ам̣ махил̣аамукаабхин̣хам̣, нанд̣̇иган̣хан̃жа муниганд̇и.
Titthaṃ mahiḷāmukhābhiṇhaṃ, nandikaṇhañca munikanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 30. мунигаж̇аад̇агам̣ • 30. Munikajātakaṃ
