Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi

12. мунисуд̇д̇ам̣

12. Munisuttaṃ

209.

сант̇аваад̇о ¹ бхаяам̣ ж̇аад̇ам̣, нигзд̇аа ж̇ааяад̇з раж̇о;

Santhavāto ² bhayaṃ jātaṃ, niketā jāyate rajo;

анигзд̇амасант̇авам̣, зд̇ам̣ вз мунид̣̇ассанам̣.

Aniketamasanthavaṃ, etaṃ ve munidassanaṃ.

210.

яо ж̇аад̇амужчиж̇ж̇а на робаязяяа, ж̇ааяанд̇амасса наануббавзжчз;

Yo jātamucchijja na ropayeyya, jāyantamassa nānuppavecche;

д̇амааху згам̣ мунинам̣ жаранд̇ам̣, ад̣̇д̣̇агки со санд̇ибад̣̇ам̣ махзси.

Tamāhu ekaṃ muninaṃ carantaṃ, addakkhi so santipadaṃ mahesi.

211.

сан̇кааяа вад̇т̇ууни бамааяа ³ б̣ийж̇ам̣, синзхамасса наануббавзжчз;

Saṅkhāya vatthūni pamāya ⁴ bījaṃ, sinehamassa nānuppavecche;

са вз муний ж̇аад̇икаяанд̇ад̣̇ассий, д̇аггам̣ бахааяа на убзд̇и сан̇кам̣.

Sa ve munī jātikhayantadassī, takkaṃ pahāya na upeti saṅkhaṃ.

212.

ан̃н̃ааяа саб̣б̣аани нивзсанаани, анигаамаяам̣ ан̃н̃ад̇арамби д̇зсам̣;

Aññāya sabbāni nivesanāni, anikāmayaṃ aññatarampi tesaṃ;

са вз муний вийд̇аг̇зд̇хо аг̇ид̣̇д̇хо, нааяуухад̇ий баараг̇ад̇о хи ход̇и.

Sa ve munī vītagedho agiddho, nāyūhatī pāragato hi hoti.

213.

саб̣б̣аабхибхум̣ саб̣б̣авид̣̇ум̣ сумзд̇хам̣, саб̣б̣зсу д̇хаммзсу ануубалид̇д̇ам̣;

Sabbābhibhuṃ sabbaviduṃ sumedhaṃ, sabbesu dhammesu anūpalittaṃ;

саб̣б̣ан̃ж̇ахам̣ д̇ан̣хагкаяз вимуд̇д̇ам̣, д̇ам̣ вааби д̇хийраа муни ⁵ взд̣̇аяанд̇и.

Sabbañjahaṃ taṇhakkhaye vimuttaṃ, taṃ vāpi dhīrā muni ⁶ vedayanti.

214.

бан̃н̃ааб̣алам̣ сийлавад̇уубабаннам̣, самаахид̇ам̣ жхаанарад̇ам̣ сад̇иймам̣;

Paññābalaṃ sīlavatūpapannaṃ, samāhitaṃ jhānarataṃ satīmaṃ;

сан̇г̇аа бамуд̇д̇ам̣ акилам̣ анаасавам̣, д̇ам̣ вааби д̇хийраа муни взд̣̇аяанд̇и.

Saṅgā pamuttaṃ akhilaṃ anāsavaṃ, taṃ vāpi dhīrā muni vedayanti.

215.

згам̣ жаранд̇ам̣ мунимаббамад̇д̇ам̣, нинд̣̇аабасам̣саасу авзд̇хамаанам̣;

Ekaṃ carantaṃ munimappamattaṃ, nindāpasaṃsāsu avedhamānaṃ;

сийхам̣ва сад̣̇д̣̇зсу асанд̇асанд̇ам̣, ваад̇ам̣ва ж̇ааламхи асаж̇ж̇амаанам̣;

Sīhaṃva saddesu asantasantaṃ, vātaṃva jālamhi asajjamānaṃ;

бад̣̇мам̣ва ⁷ д̇оязна алиббамаанам̣ ⁸, нзд̇аараман̃н̃зсаманан̃н̃анзяяам̣;

Padmaṃva ⁹ toyena alippamānaṃ ¹⁰, netāramaññesamanaññaneyyaṃ;

д̇ам̣ вааби д̇хийраа муни взд̣̇аяанд̇и.

Taṃ vāpi dhīrā muni vedayanti.

216.

яо ог̇ахан̣з т̇амбхориваабхиж̇ааяад̇и, яасмим̣ барз ваажаабарияанд̇ам̣ ¹¹ вад̣̇анд̇и;

Yo ogahaṇe thambhorivābhijāyati, yasmiṃ pare vācāpariyantaṃ ¹² vadanti;

д̇ам̣ вийд̇арааг̇ам̣ сусамаахид̇инд̣̇рияам̣, д̇ам̣ вааби д̇хийраа муни взд̣̇аяанд̇и.

Taṃ vītarāgaṃ susamāhitindriyaṃ, taṃ vāpi dhīrā muni vedayanti.

217.

яо вз тид̇ад̇д̇о д̇асарам̣ва уж̇ж̇у, ж̇иг̇ужчад̇и гаммзхи баабагзхи;

Yo ve ṭhitatto tasaraṃva ujju, jigucchati kammehi pāpakehi;

виймам̣самаано висамам̣ саман̃жа, д̇ам̣ вааби д̇хийраа муни взд̣̇аяанд̇и.

Vīmaṃsamāno visamaṃ samañca, taṃ vāpi dhīrā muni vedayanti.

218.

яо сан̃н̃ад̇ад̇д̇о на гарод̇и баабам̣, д̣̇ахаро маж̇жхимо жа муни ¹³ яад̇ад̇д̇о;

Yo saññatatto na karoti pāpaṃ, daharo majjhimo ca muni ¹⁴ yatatto;

аросанзяяо на со росзд̇и ган̃жи ¹⁵, д̇ам̣ вааби д̇хийраа муни взд̣̇аяанд̇и.

Arosaneyyo na so roseti kañci ¹⁶, taṃ vāpi dhīrā muni vedayanti.

219.

яад̣̇аг̇г̇ад̇о маж̇жхад̇о сзсад̇о ваа, бин̣д̣ам̣ лабхзт̇а барад̣̇ад̇д̇уубаж̇ийвий;

Yadaggato majjhato sesato vā, piṇḍaṃ labhetha paradattūpajīvī;

наалам̣ т̇уд̇ум̣ ноби нибажжаваад̣̇ий, д̇ам̣ вааби д̇хийраа муни взд̣̇аяанд̇и.

Nālaṃ thutuṃ nopi nipaccavādī, taṃ vāpi dhīrā muni vedayanti.

220.

муним̣ жаранд̇ам̣ вирад̇ам̣ мзт̇унасмаа, яо яоб̣б̣анз нобаниб̣аж̇жхад̇з гважи;

Muniṃ carantaṃ virataṃ methunasmā, yo yobbane nopanibajjhate kvaci;

мад̣̇аббамаад̣̇аа вирад̇ам̣ виббамуд̇д̇ам̣, д̇ам̣ вааби д̇хийраа муни взд̣̇аяанд̇и.

Madappamādā virataṃ vippamuttaṃ, taṃ vāpi dhīrā muni vedayanti.

221.

ан̃н̃ааяа логам̣ барамад̇т̇ад̣̇ассим̣, огхам̣ самуд̣̇д̣̇ам̣ ад̇ид̇арияа д̇аад̣̇им̣;

Aññāya lokaṃ paramatthadassiṃ, oghaṃ samuddaṃ atitariya tādiṃ;

д̇ам̣ чиннаг̇ант̇ам̣ асид̇ам̣ анаасавам̣, д̇ам̣ вааби д̇хийраа муни взд̣̇аяанд̇и.

Taṃ chinnaganthaṃ asitaṃ anāsavaṃ, taṃ vāpi dhīrā muni vedayanti.

222.

асамаа убхо д̣̇ууравихааравуд̇д̇ино, г̇ихий ¹⁷ д̣̇аарабосий амамо жа суб̣б̣ад̇о;

Asamā ubho dūravihāravuttino, gihī ¹⁸ dāraposī amamo ca subbato;

барабаан̣арод̇хааяа г̇ихий асан̃н̃ад̇о, нижжам̣ муний рагкад̇и баан̣инз ¹⁹ яад̇о.

Parapāṇarodhāya gihī asaññato, niccaṃ munī rakkhati pāṇine ²⁰ yato.

223.

сикий яат̇аа нийлаг̇ийво ²¹ вихан̇г̇амо, хам̣сасса нобзд̇и ж̇авам̣ гуд̣̇аажанам̣;

Sikhī yathā nīlagīvo ²² vihaṅgamo, haṃsassa nopeti javaṃ kudācanaṃ;

звам̣ г̇ихий наанугарод̇и бхигкуно, мунино вивид̇д̇асса ванамхи жхааяад̇од̇и.

Evaṃ gihī nānukaroti bhikkhuno, munino vivittassa vanamhi jhāyatoti.

мунисуд̇д̇ам̣ д̣̇ваад̣̇асамам̣ нидтид̇ам̣.ураг̇аваг̇г̇о батамо нидтид̇о.

Munisuttaṃ dvādasamaṃ niṭṭhitaṃ.Uragavaggo paṭhamo niṭṭhito.

д̇ассуд̣̇д̣̇аанам̣ –

Tassuddānaṃ –

ураг̇о д̇ханияо жзва, висаан̣ан̃жа д̇ат̇аа гаси;

Urago dhaniyo ceva, visāṇañca tathā kasi;

жунд̣̇о бараабхаво жзва, васало мзд̇д̇абхааванаа.

Cundo parābhavo ceva, vasalo mettabhāvanā.

саад̇ааг̇иро аал̣аваго, виж̇аяо жа д̇ат̇аа муни;

Sātāgiro āḷavako, vijayo ca tathā muni;

д̣̇ваад̣̇асзд̇аани суд̇д̇аани, ураг̇аваг̇г̇од̇и вужжад̇ийд̇и.

Dvādasetāni suttāni, uragavaggoti vuccatīti.

Next: 2. жуул̣аваг̇г̇о • 2. Cūḷavaggo

Footnotes:

1. санд̇хавад̇о (га.)

2. sandhavato (ka.)

3. бахааяа (га. сий. га.), самааяа (га.) ба + мий + д̇ваа = бамааяа, яат̇аа ниссааяаад̇ибад̣̇ам̣

4. pahāya (ka. sī. ka.), samāya (ka.) pa + mī + tvā = pamāya, yathā nissāyātipadaṃ

5. муним̣ (сий. бий.)

6. muniṃ (sī. pī.)

7. бад̣̇умам̣ва (сий. сяаа. бий.)

8. алимбамаанам̣ (сяаа. га.)

9. padumaṃva (sī. syā. pī.)

10. alimpamānaṃ (syā. ka.)

11. ваажам̣ барияанд̇ам̣ (га.)

12. vācaṃ pariyantaṃ (ka.)

13. д̣̇ахаро жа маж̇жхо жа муний (сий. сяаа. гам̣. бий.)

14. daharo ca majjho ca munī (sī. syā. kaṃ. pī.)

15. на росзд̇и (сяаа.)

16. na roseti (syā.)

17. г̇ихи (га.)

18. gihi (ka.)

19. баан̣ино (сий.)

20. pāṇino (sī.)

21. нийлаг̇иво (сяаа.)

22. nīlagivo (syā.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 12. мунисуд̇д̇аван̣н̣анаа • 12. Munisuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact