Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā

    12. мунисуд̇д̇аван̣н̣анаа

    12. Munisuttavaṇṇanā

    209. сант̇аваад̇о бхаяам̣ ж̇аад̇анд̇и мунисуд̇д̇ам̣. гаа уббад̇д̇и? на саб̣б̣ассзва суд̇д̇асса згаа уббад̇д̇и, абижзд̇т̇а аад̣̇ид̇о д̇аава жад̇уннам̣ г̇аат̇аанам̣ аяамуббад̇д̇и – бхаг̇авад̇и гира саавад̇т̇ияам̣ вихаранд̇з г̇аамагааваасз ан̃н̃ад̇араа д̣̇уг̇г̇ад̇ид̇т̇ий мад̇абад̇игаа буд̇д̇ам̣ бхигкуусу баб̣б̣ааж̇зд̇ваа ад̇д̇анааби бхигкунийсу баб̣б̣аж̇и. д̇з убхоби саавад̇т̇ияам̣ вассам̣ убаг̇анд̇ваа абхин̣хам̣ ан̃н̃аман̃н̃асса д̣̇ассанагаамаа ахзсум̣. маад̇аа гин̃жи лабхид̇ваа буд̇д̇асса харад̇и, буд̇д̇оби маад̇у. звам̣ сааяамби баад̇оби ан̃н̃аман̃н̃ам̣ самааг̇анд̇ваа лад̣̇д̇хам̣ лад̣̇д̇хам̣ сам̣вибхаж̇амаанаа, саммод̣̇амаанаа, сукад̣̇угкам̣ бужчамаанаа, нираасан̇гаа ахзсум̣. д̇зсам̣ звам̣ абхин̣хад̣̇ассанзна сам̣саг̇г̇о уббаж̇ж̇и, сам̣саг̇г̇аа виссаасо, виссаасаа од̇ааро, рааг̇зна од̇ин̣н̣ажид̇д̇аанам̣ баб̣б̣аж̇ид̇асан̃н̃аа жа маад̇убуд̇д̇асан̃н̃аа жа анд̇арад̇хааяи. д̇ад̇о марияаад̣̇авийд̇иггамам̣ гад̇ваа асад̣̇д̇хаммам̣ бадисзвим̣су, аяасаббад̇д̇аа жа виб̣бхамид̇ваа аг̇аарамаж̇жхз васим̣су. бхигкуу бхаг̇авад̇о аарожзсум̣. ‘‘гим̣ ну со, бхигкавз, могхабурисо ман̃н̃ад̇и на маад̇аа буд̇д̇з саараж̇ж̇ад̇и, буд̇д̇о ваа бана маад̇арий’’д̇и г̇арахид̇ваа ‘‘наахам̣, бхигкавз, ан̃н̃ам̣ згаруубамби саманубассаамий’’д̇иаад̣̇инаа (а. ни. 5.55) авасзсасуд̇д̇знаби бхигкуу сам̣взж̇зд̇ваа ‘‘д̇асмаад̇иха, бхигкавз –

    209.Santhavātobhayaṃ jātanti munisuttaṃ. Kā uppatti? Na sabbasseva suttassa ekā uppatti, apicettha ādito tāva catunnaṃ gāthānaṃ ayamuppatti – bhagavati kira sāvatthiyaṃ viharante gāmakāvāse aññatarā duggatitthī matapatikā puttaṃ bhikkhūsu pabbājetvā attanāpi bhikkhunīsu pabbaji. Te ubhopi sāvatthiyaṃ vassaṃ upagantvā abhiṇhaṃ aññamaññassa dassanakāmā ahesuṃ. Mātā kiñci labhitvā puttassa harati, puttopi mātu. Evaṃ sāyampi pātopi aññamaññaṃ samāgantvā laddhaṃ laddhaṃ saṃvibhajamānā, sammodamānā, sukhadukkhaṃ pucchamānā, nirāsaṅkā ahesuṃ. Tesaṃ evaṃ abhiṇhadassanena saṃsaggo uppajji, saṃsaggā vissāso, vissāsā otāro, rāgena otiṇṇacittānaṃ pabbajitasaññā ca mātuputtasaññā ca antaradhāyi. Tato mariyādavītikkamaṃ katvā asaddhammaṃ paṭiseviṃsu, ayasappattā ca vibbhamitvā agāramajjhe vasiṃsu. Bhikkhū bhagavato ārocesuṃ. ‘‘Kiṃ nu so, bhikkhave, moghapuriso maññati na mātā putte sārajjati, putto vā pana mātarī’’ti garahitvā ‘‘nāhaṃ, bhikkhave, aññaṃ ekarūpampi samanupassāmī’’tiādinā (a. ni. 5.55) avasesasuttenapi bhikkhū saṃvejetvā ‘‘tasmātiha, bhikkhave –

    ‘‘висам̣ яат̇аа халаахалам̣, д̇злам̣ баггут̇ид̇ам̣ яат̇аа;

    ‘‘Visaṃ yathā halāhalaṃ, telaṃ pakkuthitaṃ yathā;

    д̇амб̣алохавилийнам̣ва, маад̇уг̇аамам̣ виваж̇ж̇аяз’’д̇и жа. –

    Tambalohavilīnaṃva, mātugāmaṃ vivajjaye’’ti ca. –

    вад̇ваа буна бхигкуунам̣ д̇хаммад̣̇зсанад̇т̇ам̣ – ‘‘сант̇аваад̇о бхаяам̣ ж̇аад̇а’’нд̇и имаа ад̇д̇убанааяигаа жад̇ассо г̇аат̇аа абхааси.

    Vatvā puna bhikkhūnaṃ dhammadesanatthaṃ – ‘‘santhavāto bhayaṃ jāta’’nti imā attupanāyikā catasso gāthā abhāsi.

    д̇ад̇т̇а сант̇аво д̇ан̣хаад̣̇идтимид̇д̇абхзд̣̇зна д̇ивид̇ход̇и буб̣б̣з вуд̇д̇о. ид̇ха д̇ан̣хаад̣̇идтисант̇аво ад̇хиббзд̇о. д̇ам̣ санд̇хааяа бхаг̇аваа ааха – ‘‘бассат̇а, бхигкавз, яат̇аа ид̣̇ам̣ д̇асса могхабурисасса сант̇аваад̇о бхаяам̣ ж̇аад̇а’’нд̇и. д̇ан̃хи д̇асса абхин̣хад̣̇ассанагаамад̇аад̣̇ид̇ан̣хааяа б̣алавагилзсабхаяам̣ ж̇аад̇ам̣, язна сан̣таад̇ум̣ асаггонд̇о маад̇ари виббадибаж̇ж̇и. ад̇д̇аануваад̣̇аад̣̇игам̣ ваа махаабхаяам̣, язна саасанам̣ чад̣д̣зд̇ваа виб̣бханд̇о. нигзд̇аад̇и ‘‘руубанимид̇д̇анигзд̇ависааравиниб̣анд̇хаа ко, г̇ахабад̇и, ‘нигзд̇асаарий’д̇и вужжад̇ий’’д̇иаад̣̇инаа (сам̣. ни. 3.3) наязна вуд̇д̇аа аарамман̣аббабхзд̣̇аа. ж̇ааяад̇з раж̇од̇и рааг̇ад̣̇осамохараж̇о ж̇ааяад̇з. гим̣ вуд̇д̇ам̣ ход̇и? на гзвалан̃жа д̇асса сант̇аваад̇о бхаяам̣ ж̇аад̇ам̣, абижа ко бана яад̣̇зд̇ам̣ гилзсаанам̣ ниваасадтзна саасаваарамман̣ам̣ ‘‘нигзд̇а’’нд̇и вужжад̇и, ид̣̇аанисса бхиннасам̣варад̇д̇аа ад̇игганд̇амарияаад̣̇ад̇д̇аа судтуд̇арам̣ д̇ад̇о нигзд̇аа ж̇ааяад̇з раж̇о, язна сам̣гилидтажид̇д̇о анаяаб̣яасанам̣ баабун̣иссад̇и. ат̇а ваа бассат̇а, бхигкавз, яат̇аа ид̣̇ам̣ д̇асса могхабурисасса сант̇аваад̇о бхаяам̣ ж̇аад̇ам̣, яат̇аа жа саб̣б̣абут̇уж̇ж̇анаанам̣ нигзд̇аа ж̇ааяад̇з раж̇од̇и звамбзд̇ам̣ бад̣̇ад̣̇ваяам̣ яож̇зд̇аб̣б̣ам̣.

    Tattha santhavo taṇhādiṭṭhimittabhedena tividhoti pubbe vutto. Idha taṇhādiṭṭhisanthavo adhippeto. Taṃ sandhāya bhagavā āha – ‘‘passatha, bhikkhave, yathā idaṃ tassa moghapurisassa santhavāto bhayaṃ jāta’’nti. Tañhi tassa abhiṇhadassanakāmatāditaṇhāya balavakilesabhayaṃ jātaṃ, yena saṇṭhātuṃ asakkonto mātari vippaṭipajji. Attānuvādādikaṃ vā mahābhayaṃ, yena sāsanaṃ chaḍḍetvā vibbhanto. Niketāti ‘‘rūpanimittaniketavisāravinibandhā kho, gahapati, ‘niketasārī’ti vuccatī’’tiādinā (saṃ. ni. 3.3) nayena vuttā ārammaṇappabhedā. Jāyate rajoti rāgadosamoharajo jāyate. Kiṃ vuttaṃ hoti? Na kevalañca tassa santhavāto bhayaṃ jātaṃ, apica kho pana yadetaṃ kilesānaṃ nivāsaṭṭhena sāsavārammaṇaṃ ‘‘niketa’’nti vuccati, idānissa bhinnasaṃvarattā atikkantamariyādattā suṭṭhutaraṃ tato niketā jāyate rajo, yena saṃkiliṭṭhacitto anayabyasanaṃ pāpuṇissati. Atha vā passatha, bhikkhave, yathā idaṃ tassa moghapurisassa santhavāto bhayaṃ jātaṃ, yathā ca sabbaputhujjanānaṃ niketā jāyate rajoti evampetaṃ padadvayaṃ yojetabbaṃ.

    саб̣б̣ат̇аа бана иминаа буримад̣̇д̇хзна бхаг̇аваа бут̇уж̇ж̇анад̣̇ассанам̣ г̇арахид̇ваа ад̇д̇ано д̣̇ассанам̣ басам̣санд̇о ‘‘анигзд̇а’’нд̇и бажчимад̣̇д̇хамааха. д̇ад̇т̇а яат̇аавуд̇д̇анигзд̇абадигкзбзна анигзд̇ам̣, сант̇авабадигкзбзна жа асант̇авам̣ взд̣̇ид̇аб̣б̣ам̣. убхаяамбзд̇ам̣ ниб̣б̣аанассаад̇хиважанам̣. зд̇ам̣ вз мунид̣̇ассананд̇и зд̇ам̣ анигзд̇амасант̇авам̣ б̣уд̣̇д̇хамунинаа д̣̇идтанд̇и ад̇т̇о. д̇ад̇т̇а взд̇и вимхаяад̇т̇з нибаад̇о д̣̇адтаб̣б̣о. д̇зна жа яам̣ наама нигзд̇асант̇ававасзна маад̇аабуд̇д̇зсу виббадибаж̇ж̇амаанзсу анигзд̇амасант̇авам̣, зд̇ам̣ мунинаа д̣̇идтам̣ ахо аб̣бхуд̇анд̇и аяамад̇хиббааяо сид̣̇д̇хо ход̇и. ат̇а ваа мунино д̣̇ассананд̇иби мунид̣̇ассанам̣, д̣̇ассанам̣ наама канд̇и ружи, камад̇и жзва ружжад̇и жаад̇и ад̇т̇о.

    Sabbathā pana iminā purimaddhena bhagavā puthujjanadassanaṃ garahitvā attano dassanaṃ pasaṃsanto ‘‘aniketa’’nti pacchimaddhamāha. Tattha yathāvuttaniketapaṭikkhepena aniketaṃ, santhavapaṭikkhepena ca asanthavaṃ veditabbaṃ. Ubhayampetaṃ nibbānassādhivacanaṃ. Etaṃ ve munidassananti etaṃ aniketamasanthavaṃ buddhamuninā diṭṭhanti attho. Tattha veti vimhayatthe nipāto daṭṭhabbo. Tena ca yaṃ nāma niketasanthavavasena mātāputtesu vippaṭipajjamānesu aniketamasanthavaṃ, etaṃ muninā diṭṭhaṃ aho abbhutanti ayamadhippāyo siddho hoti. Atha vā munino dassanantipi munidassanaṃ, dassanaṃ nāma khanti ruci, khamati ceva ruccati cāti attho.

    210. д̣̇уд̇ияаг̇аат̇ааяа яо ж̇аад̇амужчиж̇ж̇аад̇и яо гисмин̃жид̣̇зва вад̇т̇усмим̣ ж̇аад̇ам̣ бхууд̇ам̣ ниб̣б̣ад̇д̇ам̣ гилзсам̣ яат̇аа уббаннаагусалаббахаанам̣ ход̇и, д̇ат̇аа вааяаманд̇о д̇асмим̣ вад̇т̇усмим̣ буна аниб̣б̣ад̇д̇анавасзна ужчинд̣̇ид̇ваа яо анааг̇ад̇оби гилзсо д̇ат̇ааруубаббажжаяасамод̇хаанз ниб̣б̣ад̇д̇ид̇ум̣ абхимукийбхууд̇ад̇д̇аа вад̇д̇амаанасамийбз вад̇д̇амааналагкан̣зна ‘‘ж̇ааяанд̇о’’д̇и вужжад̇и, д̇ан̃жа на робаязяяа ж̇ааяанд̇ам̣, яат̇аа ануббаннаагусалаануббаад̣̇о ход̇и, д̇ат̇аа вааяаманд̇о на ниб̣б̣ад̇д̇зяяаад̇и ад̇т̇о. гат̇ан̃жа на ниб̣б̣ад̇д̇зяяа? асса наануббавзжчз, язна бажжаязна со ниб̣б̣ад̇д̇зяяа д̇ам̣ наануббавзсзяяа на самод̇хаанзяяа. звам̣ самбхааравзгаллагаран̣зна д̇ам̣ на робаязяяа ж̇ааяанд̇ам̣. ат̇а ваа яасмаа маг̇г̇абхааванааяа ад̇ийд̇ааби гилзсаа ужчиж̇ж̇анд̇и ааяад̇им̣ вибаагаабхаавзна вад̇д̇амаанааби на робийяанд̇и д̇ад̣̇абхаавзна, анааг̇ад̇ааби жид̇д̇асанд̇ад̇им̣ наануббавзсийяанд̇и уббад̇д̇исаамад̇т̇ияавигхаад̇зна, д̇асмаа яо арияамаг̇г̇абхааванааяа ж̇аад̇амужчиж̇ж̇а на робаязяяа ж̇ааяанд̇ам̣, анааг̇ад̇амби жасса ж̇ааяанд̇асса наануббавзжчз, д̇амааху згам̣ мунинам̣ жаранд̇ам̣, со жа ад̣̇д̣̇агки санд̇ибад̣̇ам̣ махзсийд̇и звамбзд̇т̇а яож̇анаа взд̣̇ид̇аб̣б̣аа. зганд̇аниггилзсад̇ааяа згам̣, сздтадтзна ваа згам̣. мунинанд̇и муним̣, мунийсу ваа згам̣. жаранд̇анд̇и саб̣б̣аагаарабарибуурааяа логад̇т̇ажарияааяа авасзсажарияаахи жа жаранд̇ам̣. ад̣̇д̣̇агкийд̇и ад̣̇д̣̇аса. сод̇и яо ж̇аад̇амужчиж̇ж̇а аробанз анануббавзсанз жа самад̇т̇ад̇ааяа ‘‘на робаязяяа ж̇ааяанд̇амасса наануббавзжчз’’д̇и вуд̇д̇о б̣уд̣̇д̇хамуни. санд̇ибад̣̇анд̇и санд̇игодтаасам̣, д̣̇ваасадтид̣̇идтиг̇ад̇авибассанааниб̣б̣аанабхзд̣̇аасу д̇ийсу саммуд̇исанд̇и, д̇ад̣̇ан̇г̇асанд̇и, ажжанд̇асанд̇ийсу сздтам̣ звам̣ анубасанд̇з логз ажжанд̇асанд̇им̣ ад̣̇д̣̇аса махзсийд̇и звамад̇т̇о взд̣̇ид̇аб̣б̣о.

    210. Dutiyagāthāya yo jātamucchijjāti yo kismiñcideva vatthusmiṃ jātaṃ bhūtaṃ nibbattaṃ kilesaṃ yathā uppannākusalappahānaṃ hoti, tathā vāyamanto tasmiṃ vatthusmiṃ puna anibbattanavasena ucchinditvā yo anāgatopi kileso tathārūpappaccayasamodhāne nibbattituṃ abhimukhībhūtattā vattamānasamīpe vattamānalakkhaṇena ‘‘jāyanto’’ti vuccati, tañca na ropayeyya jāyantaṃ, yathā anuppannākusalānuppādo hoti, tathā vāyamanto na nibbatteyyāti attho. Kathañca na nibbatteyya? Assa nānuppavecche, yena paccayena so nibbatteyya taṃ nānuppaveseyya na samodhāneyya. Evaṃ sambhāravekallakaraṇena taṃ na ropayeyya jāyantaṃ. Atha vā yasmā maggabhāvanāya atītāpi kilesā ucchijjanti āyatiṃ vipākābhāvena vattamānāpi na ropīyanti tadabhāvena, anāgatāpi cittasantatiṃ nānuppavesīyanti uppattisāmatthiyavighātena, tasmā yo ariyamaggabhāvanāya jātamucchijja na ropayeyya jāyantaṃ, anāgatampi cassa jāyantassa nānuppavecche, tamāhu ekaṃ muninaṃ carantaṃ, so ca addakkhi santipadaṃ mahesīti evampettha yojanā veditabbā. Ekantanikkilesatāya ekaṃ, seṭṭhaṭṭhena vā ekaṃ. Muninanti muniṃ, munīsu vā ekaṃ. Carantanti sabbākāraparipūrāya lokatthacariyāya avasesacariyāhi ca carantaṃ. Addakkhīti addasa. Soti yo jātamucchijja aropane ananuppavesane ca samatthatāya ‘‘na ropayeyya jāyantamassa nānuppavecche’’ti vutto buddhamuni. Santipadanti santikoṭṭhāsaṃ, dvāsaṭṭhidiṭṭhigatavipassanānibbānabhedāsu tīsu sammutisanti, tadaṅgasanti, accantasantīsu seṭṭhaṃ evaṃ anupasante loke accantasantiṃ addasa mahesīti evamattho veditabbo.

    211. д̇ад̇ияаг̇аат̇ааяа сан̇кааяаад̇и г̇ан̣аяид̇ваа, барижчинд̣̇ид̇ваа виймам̣сид̇ваа яат̇аабхууд̇ад̇о н̃ад̇ваа, д̣̇угкабарин̃н̃ааяа бариж̇аанид̇ваад̇и ад̇т̇о. вад̇т̇уунийд̇и язсу звамаяам̣ лого саж̇ж̇ад̇и, д̇аани канд̇хааяад̇анад̇хаад̇убхзд̣̇аани гилзсадтаанаани. бамааяа б̣ийж̇анд̇и яам̣ д̇зсам̣ вад̇т̇уунам̣ б̣ийж̇ам̣ абхисан̇кааравин̃н̃аан̣ам̣, д̇ам̣ бамааяа хим̣сид̇ваа, б̣аад̇хид̇ваа, самужчзд̣̇аббахаанзна баж̇ахид̇ваад̇и ад̇т̇о. синзхамасса наануббавзжчзд̇и язна д̇ан̣хаад̣̇идтисинзхзна синзхид̇ам̣ д̇ам̣ б̣ийж̇ам̣ ааяад̇им̣ бадисанд̇хивасзна д̇ам̣ яат̇аавуд̇д̇ам̣ вад̇т̇усассам̣ вирухзяяа, д̇ам̣ синзхамасса наануббавзжчз, д̇аббадибагкааяа маг̇г̇абхааванааяа д̇ам̣ наануббавзсзяяаад̇и ад̇т̇о. са вз муни ж̇аад̇икаяанд̇ад̣̇ассийд̇и со зваруубо б̣уд̣̇д̇хамуни ниб̣б̣аанасажчигирияааяа ж̇аад̇ияаа жа маран̣асса жа анд̇абхууд̇асса ниб̣б̣аанасса д̣̇идтад̇д̇аа ж̇аад̇игкаяанд̇ад̣̇ассий д̇аггам̣ бахааяа на убзд̇и сан̇кам̣. имааяа жад̇усажжабхааванааяа наваббабхзд̣̇амби агусалавид̇аггам̣ бахааяа саубаад̣̇исзсаниб̣б̣аанад̇хаад̇ум̣ бад̇ваа логад̇т̇ажарияам̣ гаронд̇о анубуб̣б̣зна жаримавин̃н̃аан̣агкаяаа анубаад̣̇исзсаниб̣б̣аанад̇хаад̇уббад̇д̇ияаа ‘‘д̣̇зво ваа мануссо ваа’’д̇и на убзд̇и сан̇кам̣. абариниб̣б̣уд̇о зва ваа яат̇аа гаамавид̇аггаад̣̇ино вид̇аггасса аббахийнад̇д̇аа ‘‘аяам̣ буг̇г̇ало рад̇д̇о’’д̇и ваа ‘‘д̣̇удто’’д̇и ваа сан̇кам̣ убзд̇и, звам̣ д̇аггам̣ бахааяа на убзд̇и сан̇канд̇и звамбзд̇т̇а ад̇т̇о д̣̇адтаб̣б̣о .

    211. Tatiyagāthāya saṅkhāyāti gaṇayitvā, paricchinditvā vīmaṃsitvā yathābhūtato ñatvā, dukkhapariññāya parijānitvāti attho. Vatthūnīti yesu evamayaṃ loko sajjati, tāni khandhāyatanadhātubhedāni kilesaṭṭhānāni. Pamāya bījanti yaṃ tesaṃ vatthūnaṃ bījaṃ abhisaṅkhāraviññāṇaṃ, taṃ pamāya hiṃsitvā, bādhitvā, samucchedappahānena pajahitvāti attho. Sinehamassa nānuppaveccheti yena taṇhādiṭṭhisinehena sinehitaṃ taṃ bījaṃ āyatiṃ paṭisandhivasena taṃ yathāvuttaṃ vatthusassaṃ viruheyya, taṃ sinehamassa nānuppavecche, tappaṭipakkhāya maggabhāvanāya taṃ nānuppaveseyyāti attho. Sa ve muni jātikhayantadassīti so evarūpo buddhamuni nibbānasacchikiriyāya jātiyā ca maraṇassa ca antabhūtassa nibbānassa diṭṭhattā jātikkhayantadassī takkaṃ pahāya na upeti saṅkhaṃ. Imāya catusaccabhāvanāya navappabhedampi akusalavitakkaṃ pahāya saupādisesanibbānadhātuṃ patvā lokatthacariyaṃ karonto anupubbena carimaviññāṇakkhayā anupādisesanibbānadhātuppattiyā ‘‘devo vā manusso vā’’ti na upeti saṅkhaṃ. Aparinibbuto eva vā yathā kāmavitakkādino vitakkassa appahīnattā ‘‘ayaṃ puggalo ratto’’ti vā ‘‘duṭṭho’’ti vā saṅkhaṃ upeti, evaṃ takkaṃ pahāya na upeti saṅkhanti evampettha attho daṭṭhabbo .

    212. жад̇уд̇т̇аг̇аат̇ааяа ан̃н̃ааяаад̇и анижжаад̣̇инаязна ж̇аанид̇ваа. саб̣б̣аанийд̇и анавасзсаани, нивзсанаанийд̇и гаамабхаваад̣̇игз бхавз. нивасанд̇и хи д̇зсу сад̇д̇аа, д̇асмаа ‘‘нивзсанааний’’д̇и вужжанд̇и. анигаамаяам̣ ан̃н̃ад̇арамби д̇зсанд̇и звам̣ д̣̇идтаад̣̇ийнавад̇д̇аа д̇зсам̣ нивзсанаанам̣ згамби абад̇т̇знд̇о со зваруубо б̣уд̣̇д̇хамуни маг̇г̇абхааванааб̣алзна д̇ан̣хааг̇зд̇хасса виг̇ад̇ад̇д̇аа вийд̇аг̇зд̇хо, вийд̇аг̇зд̇хад̇д̇аа зва жа аг̇ид̣̇д̇хо, на яат̇аа згз авийд̇аг̇зд̇хаа зва самаанаа ‘‘аг̇ид̣̇д̇хамхаа’’д̇и бадиж̇аананд̇и, звам̣. нааяуухад̇ийд̇и д̇асса д̇асса нивзсанасса ниб̣б̣ад̇д̇агам̣ гусалам̣ ваа агусалам̣ ваа на гарод̇и. гим̣ гааран̣аа? баараг̇ад̇о хи ход̇и, яасмаа зваруубо саб̣б̣анивзсанаанам̣ баарам̣ ниб̣б̣аанам̣ г̇ад̇о ход̇ийд̇и ад̇т̇о.

    212. Catutthagāthāya aññāyāti aniccādinayena jānitvā. Sabbānīti anavasesāni, nivesanānīti kāmabhavādike bhave. Nivasanti hi tesu sattā, tasmā ‘‘nivesanānī’’ti vuccanti. Anikāmayaṃ aññatarampi tesanti evaṃ diṭṭhādīnavattā tesaṃ nivesanānaṃ ekampi apatthento so evarūpo buddhamuni maggabhāvanābalena taṇhāgedhassa vigatattā vītagedho, vītagedhattā eva ca agiddho, na yathā eke avītagedhā eva samānā ‘‘agiddhamhā’’ti paṭijānanti, evaṃ. Nāyūhatīti tassa tassa nivesanassa nibbattakaṃ kusalaṃ vā akusalaṃ vā na karoti. Kiṃ kāraṇā? Pāragato hi hoti, yasmā evarūpo sabbanivesanānaṃ pāraṃ nibbānaṃ gato hotīti attho.

    звам̣ батамаг̇аат̇ааяа бут̇уж̇ж̇анад̣̇ассанам̣ г̇арахид̇ваа ад̇д̇ано д̣̇ассанам̣ басам̣санд̇о д̣̇уд̇ияаг̇аат̇ааяа язхи гилзсзхи бут̇уж̇ж̇ано анубасанд̇о ход̇и, д̇зсам̣ абхаавзна ад̇д̇ано санд̇ибад̣̇аад̇хиг̇амам̣ басам̣санд̇о д̇ад̇ияаг̇аат̇ааяа язсу вад̇т̇уусу бут̇уж̇ж̇ано д̇аггам̣ аббахааяа д̇ат̇аа д̇ат̇аа сан̇кам̣ убзд̇и, д̇зсу жад̇усажжабхааванааяа д̇аггам̣ бахааяа ад̇д̇ано сан̇каанубаг̇аманам̣ басам̣санд̇о жад̇уд̇т̇аг̇аат̇ааяа ааяад̇имби яаани нивзсанаани гаамаяамаано бут̇уж̇ж̇ано бхавад̇ан̣хааяа ааяуухад̇и, д̇зсу д̇ан̣хаабхаавзна ад̇д̇ано анааяууханам̣ басам̣санд̇о жад̇уухи г̇аат̇аахи арахад̇д̇анигуудзнзва згадтуббад̇д̇игам̣ д̣̇зсанам̣ нидтаабзси.

    Evaṃ paṭhamagāthāya puthujjanadassanaṃ garahitvā attano dassanaṃ pasaṃsanto dutiyagāthāya yehi kilesehi puthujjano anupasanto hoti, tesaṃ abhāvena attano santipadādhigamaṃ pasaṃsanto tatiyagāthāya yesu vatthūsu puthujjano takkaṃ appahāya tathā tathā saṅkhaṃ upeti, tesu catusaccabhāvanāya takkaṃ pahāya attano saṅkhānupagamanaṃ pasaṃsanto catutthagāthāya āyatimpi yāni nivesanāni kāmayamāno puthujjano bhavataṇhāya āyūhati, tesu taṇhābhāvena attano anāyūhanaṃ pasaṃsanto catūhi gāthāhi arahattanikūṭeneva ekaṭṭhuppattikaṃ desanaṃ niṭṭhāpesi.

    213. саб̣б̣аабхибхунд̇и гаа уббад̇д̇и? махаабурисо махаабхинигкаманам̣ гад̇ваа анубуб̣б̣зна саб̣б̣ан̃н̃уд̇ам̣ бад̇ваа д̇хаммажаггаббавад̇д̇анад̇т̇ааяа б̣аараан̣асим̣ г̇ажчанд̇о б̣од̇химан̣д̣асса жа г̇аяааяа жа анд̇арз убагзнааж̇ийвагзна самааг̇ажчи. д̇зна жа ‘‘виббасаннаани ко д̇з, аавусо, инд̣̇рияааний’’д̇иаад̣̇инаа (ма. ни. 1.285; махаава. 11) наязна будто ‘‘саб̣б̣аабхибхуу’’д̇иаад̣̇ийни ааха. убаго ‘‘хубзяяаавусо’’д̇и вад̇ваа, сийсам̣ огамбзд̇ваа, уммаг̇г̇ам̣ г̇ахзд̇ваа баггаами . ануггамзна жа ван̇гахаараж̇анабад̣̇з ан̃н̃ад̇арам̣ мааг̇авигаг̇аамам̣ баабун̣и. д̇амзнам̣ мааг̇авигаж̇здтаго д̣̇исваа – ‘‘ахо аббижчо саман̣о вад̇т̇амби на ниваасзд̇и, аяам̣ логз арахаа’’д̇и гхарам̣ нзд̇ваа мам̣сарасзна баривисид̇ваа бхуд̇д̇аавин̃жа нам̣ сабуд̇д̇ад̣̇ааро ванд̣̇ид̇ваа ‘‘ид̇хзва, бханд̇з, васат̇а, ахам̣ бажжаязна убадтахиссаамий’’д̇и ниманд̇зд̇ваа, васаногаасам̣ гад̇ваа ад̣̇ааси. со д̇ад̇т̇а васад̇и.

    213.Sabbābhibhunti kā uppatti? Mahāpuriso mahābhinikkhamanaṃ katvā anupubbena sabbaññutaṃ patvā dhammacakkappavattanatthāya bārāṇasiṃ gacchanto bodhimaṇḍassa ca gayāya ca antare upakenājīvakena samāgacchi. Tena ca ‘‘vippasannāni kho te, āvuso, indriyānī’’tiādinā (ma. ni. 1.285; mahāva. 11) nayena puṭṭho ‘‘sabbābhibhū’’tiādīni āha. Upako ‘‘hupeyyāvuso’’ti vatvā, sīsaṃ okampetvā, ummaggaṃ gahetvā pakkāmi . Anukkamena ca vaṅkahārajanapade aññataraṃ māgavikagāmaṃ pāpuṇi. Tamenaṃ māgavikajeṭṭhako disvā – ‘‘aho appiccho samaṇo vatthampi na nivāseti, ayaṃ loke arahā’’ti gharaṃ netvā maṃsarasena parivisitvā bhuttāviñca naṃ saputtadāro vanditvā ‘‘idheva, bhante, vasatha, ahaṃ paccayena upaṭṭhahissāmī’’ti nimantetvā, vasanokāsaṃ katvā adāsi. So tattha vasati.

    мааг̇авиго г̇имхагаалз уд̣̇агасамбаннз сийд̇алз бад̣̇зсз жарид̇ум̣ д̣̇уурам̣ абагганд̇зсу миг̇зсу д̇ад̇т̇а г̇ажчанд̇о ‘‘амхаагам̣ араханд̇ам̣ саггажжам̣ убадтахассуу’’д̇и чаавам̣ наама д̇хийд̇арам̣ аан̣аабзд̇ваа аг̇амааси сад̣̇д̇хим̣ буд̇д̇абхаад̇угзхи. саа жасса д̇хийд̇аа д̣̇ассанийяаа ход̇и годтаасасамбаннаа. д̣̇уд̇ияад̣̇ивасз убаго гхарам̣ ааг̇ад̇о д̇ам̣ д̣̇ааригам̣ саб̣б̣ам̣ убажаарам̣ гад̇ваа, баривисид̇ум̣ убаг̇ад̇ам̣ д̣̇исваа, рааг̇зна абхибхууд̇о бхун̃ж̇ид̇умби асаггонд̇о бхааж̇анзна бхад̇д̇ам̣ аад̣̇ааяа васанадтаанам̣ г̇анд̇ваа, бхад̇д̇ам̣ згаманд̇з нигкибид̇ваа – ‘‘сажз чаавам̣ лабхаами, ж̇ийваами, но жз, мараамий’’д̇и нираахааро саяи. сад̇д̇амз д̣̇ивасз мааг̇авиго ааг̇анд̇ваа д̇хийд̇арам̣ убагасса бавад̇д̇им̣ бужчи. саа – ‘‘згад̣̇ивасамзва ааг̇анд̇ваа буна нааг̇ад̇абуб̣б̣о’’д̇и ааха. мааг̇авиго ‘‘ааг̇ад̇авзсзнзва нам̣ убасан̇гамид̇ваа бужчиссаамий’’д̇и д̇ан̇кан̣ан̃н̃зва г̇анд̇ваа – ‘‘гим̣, бханд̇з, апаасуга’’нд̇и баад̣̇з бараамасанд̇о бужчи. убаго нид̇т̇унанд̇о баривад̇д̇ад̇иязва. со ‘‘вад̣̇а, бханд̇з, яам̣ маяаа саггаа гаад̇ум̣, саб̣б̣ам̣ гариссаамий’’д̇и ааха. убаго – ‘‘сажз чаавам̣ лабхаами, ж̇ийваами, но жз, ид̇хзва маран̣ам̣ сзяяо’’д̇и ааха. ‘‘ж̇аанааси бана, бханд̇з, гин̃жи сибба’’нд̇и? ‘‘на ж̇аанаамий’’д̇и . ‘‘на, бханд̇з, гин̃жи сиббам̣ аж̇аананд̇зна саггаа гхарааваасам̣ ад̇хидтаад̇у’’нд̇и? со ааха – ‘‘наахам̣ гин̃жи сиббам̣ ж̇аанаами, абижа д̇умхаагам̣ мам̣сахаараго бхависсаами, мам̣сан̃жа виггин̣иссаамий’’д̇и. мааг̇авигоби ‘‘амхаагам̣ зд̇ад̣̇зва ружжад̇ий’’д̇и уд̇д̇арасаадагам̣ д̣̇ад̇ваа, гхарам̣ аанзд̇ваа д̇хийд̇арам̣ ад̣̇ааси. д̇зсам̣ сам̣ваасаманвааяа буд̇д̇о виж̇ааяи. субхад̣̇д̣̇од̇исса наамам̣ агам̣су. чааваа буд̇д̇ад̇осанаг̇ийд̇зна убагам̣ уббан̣д̣зси. со д̇ам̣ асаханд̇о ‘‘бхад̣̇д̣̇з, ахам̣ ананд̇аж̇инасса санд̇игам̣ г̇ажчаамий’’д̇и маж̇жхимад̣̇зсаабхимуко баггаами.

    Māgaviko gimhakāle udakasampanne sītale padese carituṃ dūraṃ apakkantesu migesu tattha gacchanto ‘‘amhākaṃ arahantaṃ sakkaccaṃ upaṭṭhahassū’’ti chāvaṃ nāma dhītaraṃ āṇāpetvā agamāsi saddhiṃ puttabhātukehi. Sā cassa dhītā dassanīyā hoti koṭṭhāsasampannā. Dutiyadivase upako gharaṃ āgato taṃ dārikaṃ sabbaṃ upacāraṃ katvā, parivisituṃ upagataṃ disvā, rāgena abhibhūto bhuñjitumpi asakkonto bhājanena bhattaṃ ādāya vasanaṭṭhānaṃ gantvā, bhattaṃ ekamante nikkhipitvā – ‘‘sace chāvaṃ labhāmi, jīvāmi, no ce, marāmī’’ti nirāhāro sayi. Sattame divase māgaviko āgantvā dhītaraṃ upakassa pavattiṃ pucchi. Sā – ‘‘ekadivasameva āgantvā puna nāgatapubbo’’ti āha. Māgaviko ‘‘āgataveseneva naṃ upasaṅkamitvā pucchissāmī’’ti taṅkhaṇaññeva gantvā – ‘‘kiṃ, bhante, aphāsuka’’nti pāde parāmasanto pucchi. Upako nitthunanto parivattatiyeva. So ‘‘vada, bhante, yaṃ mayā sakkā kātuṃ, sabbaṃ karissāmī’’ti āha. Upako – ‘‘sace chāvaṃ labhāmi, jīvāmi, no ce, idheva maraṇaṃ seyyo’’ti āha. ‘‘Jānāsi pana, bhante, kiñci sippa’’nti? ‘‘Na jānāmī’’ti . ‘‘Na, bhante, kiñci sippaṃ ajānantena sakkā gharāvāsaṃ adhiṭṭhātu’’nti? So āha – ‘‘nāhaṃ kiñci sippaṃ jānāmi, apica tumhākaṃ maṃsahārako bhavissāmi, maṃsañca vikkiṇissāmī’’ti. Māgavikopi ‘‘amhākaṃ etadeva ruccatī’’ti uttarasāṭakaṃ datvā, gharaṃ ānetvā dhītaraṃ adāsi. Tesaṃ saṃvāsamanvāya putto vijāyi. Subhaddotissa nāmaṃ akaṃsu. Chāvā puttatosanagītena upakaṃ uppaṇḍesi. So taṃ asahanto ‘‘bhadde, ahaṃ anantajinassa santikaṃ gacchāmī’’ti majjhimadesābhimukho pakkāmi.

    бхаг̇аваа жа д̇зна самаязна саавад̇т̇ияам̣ вихарад̇и ж̇зд̇аванамахаавихаарз. ат̇а ко бхаг̇аваа бадигажжзва бхигкуу аан̣аабзси – ‘‘яо, бхигкавз, ананд̇аж̇инод̇и бужчамаано ааг̇ажчад̇и, д̇асса мам̣ д̣̇ассзяяаат̇аа’’д̇и. убагоби ко анубуб̣б̣знзва саавад̇т̇им̣ ааг̇анд̇ваа вихаарамаж̇жхз тад̇ваа ‘‘имасмим̣ вихаарз мама сахааяо ананд̇аж̇ино наама ад̇т̇и, со гухим̣ васад̇ий’’д̇и бужчи. д̇ам̣ бхигкуу бхаг̇авад̇о санд̇игам̣ наяим̣су. бхаг̇аваа д̇ассаануруубам̣ д̇хаммам̣ д̣̇зсзси. со д̣̇зсанаабарияосаанз анааг̇аамипалз бад̇идтааси. бхигкуу д̇асса буб̣б̣аббавад̇д̇им̣ суд̇ваа гат̇ам̣ самудтаабзсум̣ – ‘‘бхаг̇аваа батамам̣ ниссиригасса наг̇г̇асаман̣асса д̇хаммам̣ д̣̇зсзсий’’д̇и. бхаг̇аваа д̇ам̣ гат̇аасамудтаанам̣ вид̣̇ид̇ваа г̇анд̇хагудид̇о нигкамма д̇ан̇кан̣аануруубзна баадихаариязна б̣уд̣̇д̇хаасанз нисийд̣̇ид̇ваа бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и? д̇з саб̣б̣ам̣ гат̇зсум̣. д̇ад̇о бхаг̇аваа – ‘‘на, бхигкавз, д̇ат̇ааг̇ад̇о ахзд̇уаббажжаяаа д̇хаммам̣ д̣̇зсзд̇и, ниммалаа д̇ат̇ааг̇ад̇асса д̇хаммад̣̇зсанаа, на саггаа д̇ад̇т̇а д̣̇осам̣ д̣̇адтум̣. д̇зна, бхигкавз, д̇хаммад̣̇зсануубаниссаязна убаго зд̇арахи анааг̇аамий ж̇аад̇о’’д̇и вад̇ваа ад̇д̇ано д̣̇зсанаамалаабхаавад̣̇ийбигам̣ имам̣ г̇аат̇амабхааси.

    Bhagavā ca tena samayena sāvatthiyaṃ viharati jetavanamahāvihāre. Atha kho bhagavā paṭikacceva bhikkhū āṇāpesi – ‘‘yo, bhikkhave, anantajinoti pucchamāno āgacchati, tassa maṃ dasseyyāthā’’ti. Upakopi kho anupubbeneva sāvatthiṃ āgantvā vihāramajjhe ṭhatvā ‘‘imasmiṃ vihāre mama sahāyo anantajino nāma atthi, so kuhiṃ vasatī’’ti pucchi. Taṃ bhikkhū bhagavato santikaṃ nayiṃsu. Bhagavā tassānurūpaṃ dhammaṃ desesi. So desanāpariyosāne anāgāmiphale patiṭṭhāsi. Bhikkhū tassa pubbappavattiṃ sutvā kathaṃ samuṭṭhāpesuṃ – ‘‘bhagavā paṭhamaṃ nissirikassa naggasamaṇassa dhammaṃ desesī’’ti. Bhagavā taṃ kathāsamuṭṭhānaṃ viditvā gandhakuṭito nikkhamma taṅkhaṇānurūpena pāṭihāriyena buddhāsane nisīditvā bhikkhū āmantesi – ‘‘kāya nuttha, bhikkhave, etarahi kathāya sannisinnā’’ti? Te sabbaṃ kathesuṃ. Tato bhagavā – ‘‘na, bhikkhave, tathāgato ahetuappaccayā dhammaṃ deseti, nimmalā tathāgatassa dhammadesanā, na sakkā tattha dosaṃ daṭṭhuṃ. Tena, bhikkhave, dhammadesanūpanissayena upako etarahi anāgāmī jāto’’ti vatvā attano desanāmalābhāvadīpikaṃ imaṃ gāthamabhāsi.

    д̇ассад̇т̇о – саасавзсу саб̣б̣аканд̇хааяад̇анад̇хаад̇уусу чанд̣̇арааг̇аббахаанзна д̇зхи анабхибхууд̇ад̇д̇аа саяан̃жа д̇з д̇хаммз саб̣б̣з абхибхуяяа бавад̇д̇ад̇д̇аа саб̣б̣аабхибхум̣. д̇зсан̃жа ан̃н̃зсан̃жа саб̣б̣ад̇хаммаанам̣ саб̣б̣аагаарзна вид̣̇ид̇ад̇д̇аа саб̣б̣авид̣̇ум̣. саб̣б̣ад̇хаммад̣̇зсанасамад̇т̇ааяа собханааяа мзд̇хааяа саманнааг̇ад̇ад̇д̇аа сумзд̇хам̣. язсам̣ д̇ан̣хаад̣̇идтилзбаанам̣ васзна саасаваканд̇хаад̣̇ибхзд̣̇зсу саб̣б̣ад̇хаммзсу убалимбад̇и, д̇зсам̣ лзбаанам̣ абхааваа д̇зсу саб̣б̣зсу д̇хаммзсу анубалид̇д̇ам̣. д̇зсу жа саб̣б̣ад̇хаммзсу чанд̣̇арааг̇аабхаавзна саб̣б̣з д̇з д̇хаммз ж̇ахид̇ваа тид̇ад̇д̇аа саб̣б̣ан̃ж̇ахам̣. убад̇хививзганиннзна жид̇д̇зна д̇ан̣хагкаяз ниб̣б̣аанз висзсзна муд̇д̇ад̇д̇аа д̇ан̣хагкаяз вимуд̇д̇ам̣, ад̇химуд̇д̇анд̇и вуд̇д̇ам̣ ход̇и. д̇ам̣ вааби д̇хийраа муни взд̣̇аяанд̇ийд̇и д̇амби бан̣д̣ид̇аа сад̇д̇аа муним̣ взд̣̇аяанд̇и ж̇аананд̇и. бассат̇а яаава бадивисидтовааяам̣ муни, д̇асса гуд̇о д̣̇зсанаамаланд̇и ад̇д̇аанам̣ вибхаавзд̇и . вибхааванад̇т̇о хи зд̇т̇а ваасад̣̇д̣̇од̇и. гзжи бана ван̣н̣аяанд̇и – ‘‘убаго д̇ад̣̇аа д̇ат̇ааг̇ад̇ам̣ д̣̇исвааби ‘аяам̣ б̣уд̣̇д̇хамуний’д̇и на сад̣̇д̣̇ахий’’д̇и звам̣ бхигкуу гат̇ам̣ самудтаабзсум̣ , д̇ад̇о бхаг̇аваа ‘‘сад̣̇д̣̇ахад̇у ваа маа ваа, д̇хийраа бана д̇ам̣ муним̣ взд̣̇аяанд̇ий’’д̇и д̣̇ассзнд̇о имам̣ г̇аат̇амабхаасийд̇и.

    Tassattho – sāsavesu sabbakhandhāyatanadhātūsu chandarāgappahānena tehi anabhibhūtattā sayañca te dhamme sabbe abhibhuyya pavattattā sabbābhibhuṃ. Tesañca aññesañca sabbadhammānaṃ sabbākārena viditattā sabbaviduṃ. Sabbadhammadesanasamatthāya sobhanāya medhāya samannāgatattā sumedhaṃ. Yesaṃ taṇhādiṭṭhilepānaṃ vasena sāsavakhandhādibhedesu sabbadhammesu upalimpati, tesaṃ lepānaṃ abhāvā tesu sabbesu dhammesu anupalittaṃ. Tesu ca sabbadhammesu chandarāgābhāvena sabbe te dhamme jahitvā ṭhitattā sabbañjahaṃ. Upadhivivekaninnena cittena taṇhakkhaye nibbāne visesena muttattā taṇhakkhaye vimuttaṃ, adhimuttanti vuttaṃ hoti. Taṃ vāpi dhīrā muni vedayantīti tampi paṇḍitā sattā muniṃ vedayanti jānanti. Passatha yāva paṭivisiṭṭhovāyaṃ muni, tassa kuto desanāmalanti attānaṃ vibhāveti . Vibhāvanattho hi ettha vāsaddoti. Keci pana vaṇṇayanti – ‘‘upako tadā tathāgataṃ disvāpi ‘ayaṃ buddhamunī’ti na saddahī’’ti evaṃ bhikkhū kathaṃ samuṭṭhāpesuṃ , tato bhagavā ‘‘saddahatu vā mā vā, dhīrā pana taṃ muniṃ vedayantī’’ti dassento imaṃ gāthamabhāsīti.

    214. бан̃н̃ааб̣аланд̇и гаа уббад̇д̇и? аяам̣ г̇аат̇аа рзвад̇ад̇т̇зрам̣ аараб̣бха вуд̇д̇аа. д̇ад̇т̇а ‘‘г̇аамз ваа яад̣̇и вааран̃н̃з’’д̇и имиссаа г̇аат̇ааяа вуд̇д̇анаязнзва рзвад̇ад̇т̇зрасса аад̣̇ид̇о бабхуд̇и баб̣б̣аж̇ж̇аа, баб̣б̣аж̇ид̇асса кад̣̇ираванз вихааро, д̇ад̇т̇а вихарад̇о висзсаад̇хиг̇амо, бхаг̇авад̇о д̇ад̇т̇а г̇аманабажжааг̇аманан̃жа взд̣̇ид̇аб̣б̣ам̣. бажжааг̇ад̇з бана бхаг̇авад̇и яо со махаллагабхигку убааханам̣ саммуссид̇ваа бадинивад̇д̇о кад̣̇ираругкз аалаг̇г̇ид̇ам̣ д̣̇исваа саавад̇т̇им̣ ануббад̇д̇о висаакааяа убаасигааяа ‘‘гим̣, бханд̇з, рзвад̇ад̇т̇зрасса васаногаасо раман̣ийяо’’д̇и бхигкуу бужчамаанааяа язхи бхигкуухи басам̣сид̇о, д̇з абасаад̣̇знд̇о ‘‘убаасигз, зд̇з д̇ужчам̣ бхан̣анд̇и, на сунд̣̇аро бхуумиббад̣̇зсо, ад̇илуукагагкал̣ам̣ кад̣̇ираванамзваа’’д̇и ааха. со висаакааяа ааг̇анд̇угабхад̇д̇ам̣ бхун̃ж̇ид̇ваа бажчаабхад̇д̇ам̣ ман̣д̣аламаал̣з саннибад̇ид̇з бхигкуу уж̇жхаабзнд̇о ааха – ‘‘гим̣, аавусо, рзвад̇ад̇т̇зрасса сзнаасанз раман̣ийяам̣ д̇умхзхи д̣̇идта’’нд̇и . бхаг̇аваа д̇ам̣ н̃ад̇ваа г̇анд̇хагудид̇о нигкамма д̇ан̇кан̣аануруубзна баадихаариязна барисамаж̇жхам̣ бад̇ваа, б̣уд̣̇д̇хаасанз нисийд̣̇ид̇ваа бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и? д̇з аахам̣су – ‘‘рзвад̇ам̣, бханд̇з, аараб̣бха гат̇аа уббаннаа ‘звам̣ навагаммиго гад̣̇аа саман̣ад̇хаммам̣ гариссад̇ий’’’д̇и. ‘‘на, бхигкавз, рзвад̇о навагаммиго, арахаа рзвад̇о кийн̣аасаво’’д̇и вад̇ваа д̇ам̣ аараб̣бха д̇зсам̣ бхигкуунам̣ д̇хаммад̣̇зсанад̇т̇ам̣ имам̣ г̇аат̇амабхааси.

    214.Paññābalanti kā uppatti? Ayaṃ gāthā revatattheraṃ ārabbha vuttā. Tattha ‘‘gāme vā yadi vāraññe’’ti imissā gāthāya vuttanayeneva revatattherassa ādito pabhuti pabbajjā, pabbajitassa khadiravane vihāro, tattha viharato visesādhigamo, bhagavato tattha gamanapaccāgamanañca veditabbaṃ. Paccāgate pana bhagavati yo so mahallakabhikkhu upāhanaṃ sammussitvā paṭinivatto khadirarukkhe ālaggitaṃ disvā sāvatthiṃ anuppatto visākhāya upāsikāya ‘‘kiṃ, bhante, revatattherassa vasanokāso ramaṇīyo’’ti bhikkhū pucchamānāya yehi bhikkhūhi pasaṃsito, te apasādento ‘‘upāsike, ete tucchaṃ bhaṇanti, na sundaro bhūmippadeso, atilūkhakakkhaḷaṃ khadiravanamevā’’ti āha. So visākhāya āgantukabhattaṃ bhuñjitvā pacchābhattaṃ maṇḍalamāḷe sannipatite bhikkhū ujjhāpento āha – ‘‘kiṃ, āvuso, revatattherassa senāsane ramaṇīyaṃ tumhehi diṭṭha’’nti . Bhagavā taṃ ñatvā gandhakuṭito nikkhamma taṅkhaṇānurūpena pāṭihāriyena parisamajjhaṃ patvā, buddhāsane nisīditvā bhikkhū āmantesi – ‘‘kāya nuttha, bhikkhave, etarahi kathāya sannisinnā’’ti? Te āhaṃsu – ‘‘revataṃ, bhante, ārabbha kathā uppannā ‘evaṃ navakammiko kadā samaṇadhammaṃ karissatī’’’ti. ‘‘Na, bhikkhave, revato navakammiko, arahā revato khīṇāsavo’’ti vatvā taṃ ārabbha tesaṃ bhikkhūnaṃ dhammadesanatthaṃ imaṃ gāthamabhāsi.

    д̇ассад̇т̇о – д̣̇уб̣б̣алагарагилзсаббахаанасаад̇хагзна вигуб̣б̣анаад̇хидтаанаббабхзд̣̇зна ваа бан̃н̃ааб̣алзна саманнааг̇ад̇ад̇д̇аа бан̃н̃ааб̣алам̣, жад̇убаарисуд̣̇д̇хисийлзна д̇худ̇ан̇г̇авад̇зна жа убабаннад̇д̇аа сийлавад̇уубабаннам̣, маг̇г̇асамаад̇хинаа паласамаад̇хинаа ирияаабат̇асамаад̇хинаа жа самаахид̇ам̣, убажаараббанаабхзд̣̇зна жхаанзна жхаанз ваа рад̇ад̇д̇аа жхаанарад̇ам̣, сад̇ивзбуллаббад̇д̇ад̇д̇аа сад̇имам̣, рааг̇аад̣̇исан̇г̇ад̇о бамуд̇д̇ад̇аа сан̇г̇аа бамуд̇д̇ам̣, бан̃жажзд̇окилажад̇уаасаваабхаавзна акилам̣ анаасавам̣ д̇ам̣ вааби д̇хийраа муним̣ взд̣̇аяанд̇и. д̇амби звам̣ бан̃н̃аад̣̇иг̇ун̣асам̣яуд̇д̇ам̣ сан̇г̇аад̣̇ид̣̇осависам̣яуд̇д̇ам̣ бан̣д̣ид̇аа сад̇д̇аа муним̣ ваа взд̣̇аяанд̇и. бассат̇а яаава бадивисидтовааяам̣ кийн̣аасавамуни, со ‘‘навагаммиго’’д̇и ваа ‘‘гад̣̇аа саман̣ад̇хаммам̣ гариссад̇ий’’д̇и ваа гат̇ам̣ вад̇д̇аб̣б̣о. со хи бан̃н̃ааб̣алзна д̇ам̣ вихаарам̣ нидтаабзси, на навагаммагаран̣зна, гад̇агижжова со, на ид̣̇аани саман̣ад̇хаммам̣ гариссад̇ийд̇и рзвад̇ад̇т̇зрам̣ вибхаавзд̇и. вибхааванад̇т̇о хи зд̇т̇а ваа-сад̣̇д̣̇од̇и.

    Tassattho – dubbalakarakilesappahānasādhakena vikubbanaadhiṭṭhānappabhedena vā paññābalena samannāgatattā paññābalaṃ, catupārisuddhisīlena dhutaṅgavatena ca upapannattā sīlavatūpapannaṃ, maggasamādhinā phalasamādhinā iriyāpathasamādhinā ca samāhitaṃ, upacārappanābhedena jhānena jhāne vā ratattā jhānarataṃ, sativepullappattattā satimaṃ, rāgādisaṅgato pamuttatā saṅgā pamuttaṃ, pañcacetokhilacatuāsavābhāvena akhilaṃ anāsavaṃ taṃ vāpi dhīrā muniṃ vedayanti. Tampi evaṃ paññādiguṇasaṃyuttaṃ saṅgādidosavisaṃyuttaṃ paṇḍitā sattā muniṃ vā vedayanti. Passatha yāva paṭivisiṭṭhovāyaṃ khīṇāsavamuni, so ‘‘navakammiko’’ti vā ‘‘kadā samaṇadhammaṃ karissatī’’ti vā kathaṃ vattabbo. So hi paññābalena taṃ vihāraṃ niṭṭhāpesi, na navakammakaraṇena, katakiccova so, na idāni samaṇadhammaṃ karissatīti revatattheraṃ vibhāveti. Vibhāvanattho hi ettha vā-saddoti.

    215. згам̣ жаранд̇анд̇и гаа уббад̇д̇и? б̣од̇химан̣д̣ад̇о бабхуд̇и яат̇ааггамам̣ габилавад̇т̇ум̣ ануббад̇д̇з бхаг̇авад̇и бид̇аабуд̇д̇асамааг̇амз вад̇д̇амаанз бхаг̇аваа саммод̣̇амаанзна ран̃н̃аа суд̣̇д̇ход̣̇анзна ‘‘д̇умхз, бханд̇з, г̇ахадтагаалз г̇анд̇хагаран̣д̣агз ваасид̇аани гаасигаад̣̇ийни д̣̇уссаани ниваасзд̇ваа ид̣̇аани гат̇ам̣ чиннагаани бам̣сугуулаани д̇хаарзт̇аа’’д̇и звамаад̣̇инаа вуд̇д̇о рааж̇аанам̣ анунаяамаано –

    215.Ekaṃ carantanti kā uppatti? Bodhimaṇḍato pabhuti yathākkamaṃ kapilavatthuṃ anuppatte bhagavati pitāputtasamāgame vattamāne bhagavā sammodamānena raññā suddhodanena ‘‘tumhe, bhante, gahaṭṭhakāle gandhakaraṇḍake vāsitāni kāsikādīni dussāni nivāsetvā idāni kathaṃ chinnakāni paṃsukūlāni dhārethā’’ti evamādinā vutto rājānaṃ anunayamāno –

    ‘‘яам̣ д̇вам̣ д̇аад̇а вад̣̇з маяхам̣, баддун̣н̣ам̣ д̣̇угуулагаасигам̣;

    ‘‘Yaṃ tvaṃ tāta vade mayhaṃ, paṭṭuṇṇaṃ dukūlakāsikaṃ;

    бам̣сугуулам̣ д̇ад̇о сзяяам̣, зд̇ам̣ мз абхибад̇т̇ид̇а’’нд̇и. –

    Paṃsukūlaṃ tato seyyaṃ, etaṃ me abhipatthita’’nti. –

    аад̣̇ийни вад̇ваа логад̇хаммзхи ад̇д̇ано авигамбабхаавам̣ д̣̇ассзнд̇о ран̃н̃о д̇хаммад̣̇зсанад̇т̇ам̣ имам̣ сад̇д̇абад̣̇аг̇аат̇амабхааси.

    Ādīni vatvā lokadhammehi attano avikampabhāvaṃ dassento rañño dhammadesanatthaṃ imaṃ sattapadagāthamabhāsi.

    д̇ассад̇т̇о – баб̣б̣аж̇ж̇аасан̇каад̇аад̣̇ийхи згам̣, ирияаабат̇аад̣̇ийхи жарияаахи жаранд̇ам̣. монзяяад̇хаммасаманнааг̇амзна муним̣. саб̣б̣адтаанзсу бамаад̣̇аабхаавад̇о аббамад̇д̇ам̣. аггосанаг̇араханаад̣̇ибхзд̣̇ааяа нинд̣̇ааяа ван̣н̣анат̇оманаад̣̇ибхзд̣̇ааяа басам̣сааяа жаад̇и имаасу нинд̣̇аабасам̣саасу бадигхаанунаяавасзна авзд̇хамаанам̣. нинд̣̇аабасам̣саамукзна жзд̇т̇а адтаби логад̇хаммаа вуд̇д̇аад̇и взд̣̇ид̇аб̣б̣аа. сийхам̣ва бхзрисад̣̇д̣̇аад̣̇ийсу сад̣̇д̣̇зсу адтасу логад̇хаммзсу багад̇ивигаараанубаг̇амзна асанд̇асанд̇ам̣, банд̇зсу ваа сзнаасанзсу санд̇аасаабхаавзна. ваад̇ам̣ва суд̇д̇амаяаад̣̇ибхзд̣̇з ж̇ааламхи жад̇уухи маг̇г̇зхи д̇ан̣хаад̣̇идтиж̇аалз асаж̇ж̇амаанам̣, адтасу ваа логад̇хаммзсу бадигхаанунаяавасзна асаж̇ж̇амаанам̣. бад̣̇умам̣ва д̇оязна логз ж̇аад̇амби язсам̣ д̇ан̣хаад̣̇идтилзбаанам̣ васзна сад̇д̇аа логзна либбанд̇и, д̇зсам̣ лзбаанам̣ бахийнад̇д̇аа логзна алиббамаанам̣, ниб̣б̣аанаг̇аамимаг̇г̇ам̣ уббаад̣̇зд̇ваа д̇зна маг̇г̇зна нзд̇аараман̃н̃зсам̣ д̣̇звамануссаанам̣. ад̇д̇ано бана ан̃н̃зна гзнажи маг̇г̇ам̣ д̣̇ассзд̇ваа анзд̇аб̣б̣ад̇д̇аа анан̃н̃анзяяам̣ д̇ам̣ вааби д̇хийраа муни взд̣̇аяанд̇и б̣уд̣̇д̇хамуним̣ взд̣̇аяанд̇ийд̇и ад̇д̇аанам̣ вибхаавзд̇и. сзсамзд̇т̇а вуд̇д̇анаяамзва.

    Tassattho – pabbajjāsaṅkhātādīhi ekaṃ, iriyāpathādīhi cariyāhi carantaṃ. Moneyyadhammasamannāgamena muniṃ. Sabbaṭṭhānesu pamādābhāvato appamattaṃ. Akkosanagarahanādibhedāya nindāya vaṇṇanathomanādibhedāya pasaṃsāya cāti imāsu nindāpasaṃsāsu paṭighānunayavasena avedhamānaṃ. Nindāpasaṃsāmukhena cettha aṭṭhapi lokadhammā vuttāti veditabbā. Sīhaṃva bherisaddādīsu saddesu aṭṭhasu lokadhammesu pakativikārānupagamena asantasantaṃ, pantesu vā senāsanesu santāsābhāvena. Vātaṃva suttamayādibhede jālamhi catūhi maggehi taṇhādiṭṭhijāle asajjamānaṃ, aṭṭhasu vā lokadhammesu paṭighānunayavasena asajjamānaṃ. Padumaṃva toyena loke jātampi yesaṃ taṇhādiṭṭhilepānaṃ vasena sattā lokena lippanti, tesaṃ lepānaṃ pahīnattā lokena alippamānaṃ, nibbānagāmimaggaṃ uppādetvā tena maggena netāramaññesaṃ devamanussānaṃ. Attano pana aññena kenaci maggaṃ dassetvā anetabbattā anaññaneyyaṃ taṃ vāpi dhīrā muni vedayanti buddhamuniṃ vedayantīti attānaṃ vibhāveti. Sesamettha vuttanayameva.

    216. яо ог̇ахан̣зд̇и гаа уббад̇д̇и? бхаг̇авад̇о батамаабхисамб̣уд̣̇д̇хасса жад̇д̇аари асан̇кязяяаани габбасад̇асахассан̃жа буурид̇ад̣̇асабаарамид̣̇асаубабаарамид̣̇асабарамад̇т̇абаарамиббабхзд̣̇ам̣ абхинийхаараг̇ун̣абаарамияо буурзд̇ваа д̇усид̇абхаванз абхиниб̣б̣ад̇д̇иг̇ун̣ам̣ д̇ад̇т̇а ниваасаг̇ун̣ам̣ махаавилоганаг̇ун̣ам̣ г̇аб̣бхавогганд̇им̣ г̇аб̣бхаваасам̣ г̇аб̣бханигкаманам̣ бад̣̇авийд̇ихаарам̣ д̣̇исаавилоганам̣ б̣рахмаг̇аж̇ж̇анам̣ махаабхинигкаманам̣ махаабад̇хаанам̣ абхисамб̣од̇хим̣ д̇хаммажаггаббавад̇д̇анам̣ жад̇уб̣б̣ид̇хам̣ маг̇г̇ан̃аан̣ам̣ палан̃аан̣ам̣ адтасу барисаасу агамбанан̃аан̣ам̣, д̣̇асаб̣алан̃аан̣ам̣, жад̇уяонибарижчзд̣̇аган̃аан̣ам̣, бан̃жаг̇ад̇ибарижчзд̣̇аган̃аан̣ам̣, чаб̣б̣ид̇хам̣ асаад̇хааран̣ан̃аан̣ам̣, адтавид̇хам̣ саавагасаад̇хааран̣аб̣уд̣̇д̇хан̃аан̣ам̣, жуд̣̇д̣̇асавид̇хам̣ б̣уд̣̇д̇хан̃аан̣ам̣, адтаарасаб̣уд̣̇д̇хаг̇ун̣абарижчзд̣̇аган̃аан̣ам̣, згуунавийсад̇ивид̇хабажжавзгкан̣ан̃аан̣ам̣, сад̇д̇асад̇д̇ад̇ивид̇хан̃аан̣авад̇т̇у звамижжаад̣̇иг̇ун̣асад̇асахассз ниссааяа бавад̇д̇ам̣ махаалаабхасаггаарам̣ асахамаанзхи д̇ид̇т̇иязхи уяяож̇ид̇ааяа жин̃жамаан̣авигааяа ‘‘згам̣ д̇хаммам̣ ад̇ийд̇ассаа’’д̇и имиссаа г̇аат̇ааяа вад̇т̇умхи вуд̇д̇анаязна жад̇убарисамаж̇жхз бхаг̇авад̇о аяасз уббаад̣̇ид̇з д̇аббажжаяаа бхигкуу гат̇ам̣ самудтаабзсум̣ ‘‘зваруубзби наама аяасз уббаннз на бхаг̇авад̇о жид̇д̇асса ан̃н̃ат̇ад̇д̇ам̣ ад̇т̇ий’’д̇и. д̇ам̣ н̃ад̇ваа бхаг̇аваа г̇анд̇хагудид̇о нигкамма д̇ан̇кан̣аануруубзна баадихаариязна барисамаж̇жхам̣ бад̇ваа, б̣уд̣̇д̇хаасанз нисийд̣̇ид̇ваа, бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и? д̇з саб̣б̣ам̣ аарожзсум̣. д̇ад̇о бхаг̇аваа – ‘‘б̣уд̣̇д̇хаа наама, бхигкавз, адтасу логад̇хаммзсу д̇аад̣̇ино хонд̇ий’’д̇и вад̇ваа д̇зсам̣ бхигкуунам̣ д̇хаммад̣̇зсанад̇т̇ам̣ имам̣ г̇аат̇амабхааси.

    216.Yoogahaṇeti kā uppatti? Bhagavato paṭhamābhisambuddhassa cattāri asaṅkhyeyyāni kappasatasahassañca pūritadasapāramidasaupapāramidasaparamatthapāramippabhedaṃ abhinīhāraguṇapāramiyo pūretvā tusitabhavane abhinibbattiguṇaṃ tattha nivāsaguṇaṃ mahāvilokanaguṇaṃ gabbhavokkantiṃ gabbhavāsaṃ gabbhanikkhamanaṃ padavītihāraṃ disāvilokanaṃ brahmagajjanaṃ mahābhinikkhamanaṃ mahāpadhānaṃ abhisambodhiṃ dhammacakkappavattanaṃ catubbidhaṃ maggañāṇaṃ phalañāṇaṃ aṭṭhasu parisāsu akampanañāṇaṃ, dasabalañāṇaṃ, catuyoniparicchedakañāṇaṃ, pañcagatiparicchedakañāṇaṃ, chabbidhaṃ asādhāraṇañāṇaṃ, aṭṭhavidhaṃ sāvakasādhāraṇabuddhañāṇaṃ, cuddasavidhaṃ buddhañāṇaṃ, aṭṭhārasabuddhaguṇaparicchedakañāṇaṃ, ekūnavīsatividhapaccavekkhaṇañāṇaṃ, sattasattatividhañāṇavatthu evamiccādiguṇasatasahasse nissāya pavattaṃ mahālābhasakkāraṃ asahamānehi titthiyehi uyyojitāya ciñcamāṇavikāya ‘‘ekaṃ dhammaṃ atītassā’’ti imissā gāthāya vatthumhi vuttanayena catuparisamajjhe bhagavato ayase uppādite tappaccayā bhikkhū kathaṃ samuṭṭhāpesuṃ ‘‘evarūpepi nāma ayase uppanne na bhagavato cittassa aññathattaṃ atthī’’ti. Taṃ ñatvā bhagavā gandhakuṭito nikkhamma taṅkhaṇānurūpena pāṭihāriyena parisamajjhaṃ patvā, buddhāsane nisīditvā, bhikkhū āmantesi – ‘‘kāya nuttha, bhikkhave, etarahi kathāya sannisinnā’’ti? Te sabbaṃ ārocesuṃ. Tato bhagavā – ‘‘buddhā nāma, bhikkhave, aṭṭhasu lokadhammesu tādino hontī’’ti vatvā tesaṃ bhikkhūnaṃ dhammadesanatthaṃ imaṃ gāthamabhāsi.

    д̇ассад̇т̇о – яат̇аа наама ог̇ахан̣з мануссаанам̣ нхаанад̇ид̇т̇з ан̇г̇агхам̣санад̇т̇ааяа жад̇урассз ваа адтам̣сз ваа т̇амбхз никаад̇з ужжагулийнааби нийжагулийнааби ан̇г̇ам̣ гхам̣санд̇и, на д̇зна т̇амбхасса уннад̇и ваа онад̇и ваа ход̇и. звамзвам̣ яо ог̇ахан̣з т̇амбхориваабхиж̇ааяад̇и яасмим̣ барз ваажаабарияанд̇ам̣ вад̣̇анд̇и. гим̣ вуд̇д̇ам̣ ход̇и? яасмим̣ вад̇т̇усмим̣ барз д̇ид̇т̇ияаа ваа ан̃н̃з ваа ван̣н̣авасзна убаримам̣ ваа аван̣н̣авасзна хздтимам̣ ваа ваажаабарияанд̇ам̣ вад̣̇анд̇и, д̇асмим̣ вад̇т̇усмим̣ анунаяам̣ ваа бадигхам̣ ваа анаабаж̇ж̇амаано д̇аад̣̇ибхаавзна яо ог̇ахан̣з т̇амбхорива бхавад̇ийд̇и. д̇ам̣ вийд̇арааг̇ам̣ сусамаахид̇инд̣̇рияанд̇и д̇ам̣ идтаарамман̣з рааг̇аабхаавзна вийд̇арааг̇ам̣, анидтаарамман̣з жа д̣̇осамохаабхаавзна сусамаахид̇инд̣̇рияам̣, судту ваа самод̇хаанзд̇ваа табид̇инд̣̇рияам̣, рагкид̇инд̣̇рияам̣, г̇обид̇инд̣̇рияанд̇и вуд̇д̇ам̣ ход̇и. д̇ам̣ вааби д̇хийраа муни взд̣̇аяанд̇и б̣уд̣̇д̇хамуним̣ взд̣̇аяанд̇и, д̇асса гат̇ам̣ жид̇д̇асса ан̃н̃ат̇ад̇д̇ам̣ бхависсад̇ийд̇и ад̇д̇аанам̣ вибхаавзд̇и. сзсам̣ вуд̇д̇анаяамзва.

    Tassattho – yathā nāma ogahaṇe manussānaṃ nhānatitthe aṅgaghaṃsanatthāya caturasse vā aṭṭhaṃse vā thambhe nikhāte uccakulīnāpi nīcakulīnāpi aṅgaṃ ghaṃsanti, na tena thambhassa unnati vā onati vā hoti. Evamevaṃ yo ogahaṇe thambhorivābhijāyati yasmiṃ pare vācāpariyantaṃ vadanti. Kiṃ vuttaṃ hoti? Yasmiṃ vatthusmiṃ pare titthiyā vā aññe vā vaṇṇavasena uparimaṃ vā avaṇṇavasena heṭṭhimaṃ vā vācāpariyantaṃ vadanti, tasmiṃ vatthusmiṃ anunayaṃ vā paṭighaṃ vā anāpajjamāno tādibhāvena yo ogahaṇe thambhoriva bhavatīti. Taṃ vītarāgaṃ susamāhitindriyanti taṃ iṭṭhārammaṇe rāgābhāvena vītarāgaṃ, aniṭṭhārammaṇe ca dosamohābhāvena susamāhitindriyaṃ, suṭṭhu vā samodhānetvā ṭhapitindriyaṃ, rakkhitindriyaṃ, gopitindriyanti vuttaṃ hoti. Taṃ vāpi dhīrā muni vedayanti buddhamuniṃ vedayanti, tassa kathaṃ cittassa aññathattaṃ bhavissatīti attānaṃ vibhāveti. Sesaṃ vuttanayameva.

    217. яо вз тид̇ад̇д̇од̇и гаа уббад̇д̇и? саавад̇т̇ияам̣ гира ан̃н̃ад̇араа сздтид̇хийд̇аа баасаад̣̇аа оруяха хздтаабаасаад̣̇з д̇анд̇авааяасаалам̣ г̇анд̇ваа д̇асарам̣ ваддзнд̇з д̣̇исваа д̇асса уж̇убхаавзна д̇аббадибхааг̇анимид̇д̇ам̣ аг̇г̇ахзси – ‘‘ахо вад̇а саб̣б̣з сад̇д̇аа гааяаважийманован̇гам̣ бахааяа д̇асарам̣ вияа уж̇ужид̇д̇аа бхавзяяу’’нд̇и. саа баасаад̣̇ам̣ абхирухид̇вааби бунаббунам̣ д̇ад̣̇зва нимид̇д̇ам̣ ааваж̇ж̇знд̇ий нисийд̣̇и. звам̣ бадибаннааяа жассаа на жирассзва анижжалагкан̣ам̣ баагадам̣ ахоси, д̇ад̣̇анусаарзнзва жа д̣̇угкаанад̇д̇алагкан̣ааниби. ат̇ассаа д̇аяоби бхаваа аад̣̇ид̇д̇аа вияа убадтахим̣су. д̇ам̣ д̇ат̇аа вибассамаанам̣ н̃ад̇ваа бхаг̇аваа г̇анд̇хагудияам̣ нисиннова обхаасам̣ мун̃жи. саа д̇ам̣ д̣̇исваа ‘‘гим̣ ид̣̇а’’нд̇и ааваж̇ж̇знд̇ий бхаг̇аванд̇ам̣ бассз нисиннамива д̣̇исваа удтааяа бан̃ж̇алигаа адтааси. ат̇ассаа бхаг̇аваа саббааяам̣ вид̣̇ид̇ваа д̇хаммад̣̇зсанаавасзна имам̣ г̇аат̇амабхааси.

    217.Yo ve ṭhitattoti kā uppatti? Sāvatthiyaṃ kira aññatarā seṭṭhidhītā pāsādā oruyha heṭṭhāpāsāde tantavāyasālaṃ gantvā tasaraṃ vaṭṭente disvā tassa ujubhāvena tappaṭibhāganimittaṃ aggahesi – ‘‘aho vata sabbe sattā kāyavacīmanovaṅkaṃ pahāya tasaraṃ viya ujucittā bhaveyyu’’nti. Sā pāsādaṃ abhiruhitvāpi punappunaṃ tadeva nimittaṃ āvajjentī nisīdi. Evaṃ paṭipannāya cassā na cirasseva aniccalakkhaṇaṃ pākaṭaṃ ahosi, tadanusāreneva ca dukkhānattalakkhaṇānipi. Athassā tayopi bhavā ādittā viya upaṭṭhahiṃsu. Taṃ tathā vipassamānaṃ ñatvā bhagavā gandhakuṭiyaṃ nisinnova obhāsaṃ muñci. Sā taṃ disvā ‘‘kiṃ ida’’nti āvajjentī bhagavantaṃ passe nisinnamiva disvā uṭṭhāya pañjalikā aṭṭhāsi. Athassā bhagavā sappāyaṃ viditvā dhammadesanāvasena imaṃ gāthamabhāsi.

    д̇ассад̇т̇о – яо вз згаг̇г̇ажид̇д̇ад̇ааяа агуббавимуд̇д̇ид̇ааяа жа вуд̣дхихаанийнам̣ абхаавад̇о вигкийн̣аж̇аад̇исам̣саарад̇д̇аа бхаванд̇аруубаг̇аманаабхаавад̇о жа тид̇ад̇д̇о, бахийнагааяаважийманован̇гад̇ааяа аг̇ад̇иг̇аманаабхаавзна ваа д̇асарам̣ва уж̇у, хирод̇д̇аббасамбаннад̇д̇аа ж̇иг̇ужчад̇и гаммзхи баабагзхи, баабагаани гаммаани г̇уут̇аг̇ад̇ам̣ вияа муд̇д̇аг̇ад̇ам̣ вияа жа ж̇иг̇ужчад̇и, хирийяад̇ийд̇и вуд̇д̇ам̣ ход̇и. яог̇авибхааг̇зна хи убаяог̇ад̇т̇з гаран̣аважанам̣ сад̣̇д̣̇асад̇т̇з сиж̇жхад̇и. виймам̣самаано висамам̣ саман̃жаад̇и гааяависамаад̣̇ивисамам̣ гааяасамаад̣̇исаман̃жа бахаанабхааванаагижжасаад̇ханзна маг̇г̇абан̃н̃ааяа виймам̣самаано убабаригкамаано. д̇ам̣ вааби кийн̣аасавам̣ д̇хийраа муним̣ взд̣̇аяанд̇ийд̇и. гим̣ вуд̇д̇ам̣ ход̇и? яат̇аавуд̇д̇анаязна маг̇г̇абан̃н̃ааяа виймам̣самаано висамам̣ саман̃жа яо вз тид̇ад̇д̇о ход̇и, со звам̣ д̇асарам̣ва уж̇у худ̇ваа гин̃жи вийд̇иггамам̣ анаабаж̇ж̇анд̇о ж̇иг̇ужчад̇и гаммзхи баабагзхи. д̇ам̣ вааби д̇хийраа муним̣ взд̣̇аяанд̇и. яад̇о ийд̣̇исо ход̇ийд̇и кийн̣аасавамуним̣ д̣̇ассзнд̇о арахад̇д̇анигуудзна г̇аат̇ам̣ д̣̇зсзси. д̣̇зсанаабарияосаанз сздтид̇хийд̇аа сод̇аабад̇д̇ипалз бад̇идтахи. зд̇т̇а жа вигаббз ваа самужжаяз ваа ваасад̣̇д̣̇о д̣̇адтаб̣б̣о.

    Tassattho – yo ve ekaggacittatāya akuppavimuttitāya ca vuḍḍhihānīnaṃ abhāvato vikkhīṇajātisaṃsārattā bhavantarūpagamanābhāvato ca ṭhitatto, pahīnakāyavacīmanovaṅkatāya agatigamanābhāvena vā tasaraṃva uju, hirottappasampannattā jigucchati kammehi pāpakehi, pāpakāni kammāni gūthagataṃ viya muttagataṃ viya ca jigucchati, hirīyatīti vuttaṃ hoti. Yogavibhāgena hi upayogatthe karaṇavacanaṃ saddasatthe sijjhati. Vīmaṃsamāno visamaṃ samañcāti kāyavisamādivisamaṃ kāyasamādisamañca pahānabhāvanākiccasādhanena maggapaññāya vīmaṃsamāno upaparikkhamāno. Taṃ vāpi khīṇāsavaṃ dhīrā muniṃ vedayantīti. Kiṃ vuttaṃ hoti? Yathāvuttanayena maggapaññāya vīmaṃsamāno visamaṃ samañca yo ve ṭhitatto hoti, so evaṃ tasaraṃva uju hutvā kiñci vītikkamaṃ anāpajjanto jigucchati kammehi pāpakehi. Taṃ vāpi dhīrā muniṃ vedayanti. Yato īdiso hotīti khīṇāsavamuniṃ dassento arahattanikūṭena gāthaṃ desesi. Desanāpariyosāne seṭṭhidhītā sotāpattiphale patiṭṭhahi. Ettha ca vikappe vā samuccaye vā vāsaddo daṭṭhabbo.

    218. яо сан̃н̃ад̇ад̇д̇од̇и гаа уббад̇д̇и? бхаг̇авад̇и гира аал̣авияам̣ вихаранд̇з аал̣авийнаг̇арз ан̃н̃ад̇аро д̇анд̇авааяо сад̇д̇авассигам̣ д̇хийд̇арам̣ аан̣аабзси – ‘‘амма, хияяо авасидтад̇асарам̣ на б̣аху, д̇асарам̣ ваддзд̇ваа лахум̣ д̇анд̇авааяасаалам̣ ааг̇ажчзяяааси, маа ко жирааяий’’д̇и. саа ‘‘саад̇хуу’’д̇и самбадижчи. со саалам̣ г̇анд̇ваа д̇анд̇ам̣ винзнд̇о адтааси. д̇ам̣ д̣̇ивасан̃жа бхаг̇аваа махаагарун̣аасамаабад̇д̇ид̇о вудтааяа логам̣ вологзнд̇о д̇ассаа д̣̇ааригааяа сод̇аабад̇д̇ипалуубаниссаяам̣ д̣̇зсанаабарияосаанз жад̇ураасийд̇ияаа баан̣асахассаанан̃жа д̇хаммаабхисамаяам̣ д̣̇исваа баг̇зва сарийрабадиж̇аг̇г̇анам̣ гад̇ваа бад̇д̇ажийварамаад̣̇ааяа наг̇арам̣ баависи. мануссаа бхаг̇аванд̇ам̣ д̣̇исваа – ‘‘ад̣̇д̇хаа аж̇ж̇а гожи ануг̇г̇ахзд̇аб̣б̣о ад̇т̇и, баг̇зва бавидто бхаг̇аваа’’д̇и бхаг̇аванд̇ам̣ убаг̇ажчим̣су. бхаг̇аваа язна маг̇г̇зна саа д̣̇ааригаа бид̇усанд̇игам̣ г̇ажчад̇и, д̇асмим̣ адтааси. наг̇араваасино д̇ам̣ бад̣̇зсам̣ саммаж̇ж̇ид̇ваа, барибпосид̇ваа, бубпуубахаарам̣ гад̇ваа, вид̇аанам̣ б̣анд̇хид̇ваа, аасанам̣ бан̃н̃аабзсум̣. нисийд̣̇и бхаг̇аваа бан̃н̃ад̇д̇з аасанз, махааж̇анагааяо бариваарзд̇ваа адтааси. саа д̣̇ааригаа д̇ам̣ бад̣̇зсам̣ бад̇д̇аа махааж̇анабаривуд̇ам̣ бхаг̇аванд̇ам̣ д̣̇исваа бан̃жабад̇идтид̇зна ванд̣̇и. д̇ам̣ бхаг̇аваа ааманд̇зд̇ваа – ‘‘д̣̇ааригз гуд̇о ааг̇ад̇аасий’’д̇и бужчи. ‘‘на ж̇аанаами бхаг̇аваа’’д̇и. ‘‘гухим̣ г̇амиссасий’’д̇и? ‘‘на ж̇аанаами бхаг̇аваа’’д̇и. ‘‘на ж̇аанаасий’’д̇и? ‘‘ж̇аанаами бхаг̇аваа’’д̇и. ‘‘ж̇аанаасий’’д̇и? ‘‘на ж̇аанаами бхаг̇аваа’’д̇и.

    218.Yo saññatattoti kā uppatti? Bhagavati kira āḷaviyaṃ viharante āḷavīnagare aññataro tantavāyo sattavassikaṃ dhītaraṃ āṇāpesi – ‘‘amma, hiyyo avasiṭṭhatasaraṃ na bahu, tasaraṃ vaṭṭetvā lahuṃ tantavāyasālaṃ āgaccheyyāsi, mā kho cirāyī’’ti. Sā ‘‘sādhū’’ti sampaṭicchi. So sālaṃ gantvā tantaṃ vinento aṭṭhāsi. Taṃ divasañca bhagavā mahākaruṇāsamāpattito vuṭṭhāya lokaṃ volokento tassā dārikāya sotāpattiphalūpanissayaṃ desanāpariyosāne caturāsītiyā pāṇasahassānañca dhammābhisamayaṃ disvā pageva sarīrapaṭijagganaṃ katvā pattacīvaramādāya nagaraṃ pāvisi. Manussā bhagavantaṃ disvā – ‘‘addhā ajja koci anuggahetabbo atthi, pageva paviṭṭho bhagavā’’ti bhagavantaṃ upagacchiṃsu. Bhagavā yena maggena sā dārikā pitusantikaṃ gacchati, tasmiṃ aṭṭhāsi. Nagaravāsino taṃ padesaṃ sammajjitvā, paripphositvā, pupphūpahāraṃ katvā, vitānaṃ bandhitvā, āsanaṃ paññāpesuṃ. Nisīdi bhagavā paññatte āsane, mahājanakāyo parivāretvā aṭṭhāsi. Sā dārikā taṃ padesaṃ pattā mahājanaparivutaṃ bhagavantaṃ disvā pañcapatiṭṭhitena vandi. Taṃ bhagavā āmantetvā – ‘‘dārike kuto āgatāsī’’ti pucchi. ‘‘Na jānāmi bhagavā’’ti. ‘‘Kuhiṃ gamissasī’’ti? ‘‘Na jānāmi bhagavā’’ti. ‘‘Na jānāsī’’ti? ‘‘Jānāmi bhagavā’’ti. ‘‘Jānāsī’’ti? ‘‘Na jānāmi bhagavā’’ti.

    д̇ам̣ суд̇ваа мануссаа уж̇жхааяанд̇и – ‘‘бассат̇а, бхо, аяам̣ д̣̇ааригаа ад̇д̇ано гхараа ааг̇ад̇ааби бхаг̇авад̇аа бужчияамаанаа ‘на ж̇аанаамий’д̇и ааха, д̇анд̇авааяасаалам̣ г̇ажчанд̇ий жааби бужчияамаанаа ‘на ж̇аанаамий’д̇и ааха, ‘на ж̇аанаасий’д̇и вуд̇д̇аа ‘ж̇аанаамий’д̇и ааха, ‘ж̇аанаасий’д̇и вуд̇д̇аа ‘на ж̇аанаамий’д̇и ааха, саб̣б̣ам̣ бажжанийгамзва гарод̇ий’’д̇и. бхаг̇аваа мануссаанам̣ д̇амад̇т̇ам̣ баагадам̣ гаад̇угаамо д̇ам̣ бужчи – ‘‘гим̣ маяаа бужчид̇ам̣, гим̣ д̇аяаа вуд̇д̇а’’нд̇и? саа ааха – ‘‘на мам̣, бханд̇з, гожи на ж̇аанаад̇и, гхарад̇о ааг̇ад̇аа д̇анд̇авааяасаалам̣ г̇ажчад̇ий’’д̇и; абижа мам̣ д̇умхз бадисанд̇хивасзна бужчат̇а, ‘‘гуд̇о ааг̇ад̇аасий’’д̇и, жуд̇ивасзна бужчат̇а, ‘‘гухим̣ г̇амиссасий’’д̇и ахан̃жа на ж̇аанаами. ‘‘гуд̇о жамхи ааг̇ад̇аа; нираяаа ваа д̣̇звалогаа ваа’’д̇и, на хи ж̇аанаами, ‘‘гухимби г̇амиссаами нираяам̣ ваа д̣̇звалогам̣ ваа’’д̇и, д̇асмаа ‘‘на ж̇аанаамий’’д̇и аважам̣. д̇ад̇о мам̣ бхаг̇аваа маран̣ам̣ санд̇хааяа бужчи – ‘‘на ж̇аанаасий’’д̇и, ахан̃жа ж̇аанаами. ‘‘саб̣б̣зсам̣ маран̣ам̣ д̇хува’’нд̇и, д̇знаавожам̣ ‘‘ж̇аанаамий’’д̇и. д̇ад̇о мам̣ бхаг̇аваа маран̣агаалам̣ санд̇хааяа бужчи ‘‘ж̇аанаасий’’д̇и, ахан̃жа на ж̇аанаами ‘‘гад̣̇аа мариссаами гим̣ аж̇ж̇а ваа уд̣̇ааху свз ваа’’д̇и, д̇знаавожам̣ ‘‘на ж̇аанаамий’’д̇и. бхаг̇аваа д̇ааяа виссаж̇ж̇ид̇ам̣ бан̃хам̣ ‘‘саад̇ху саад̇хуу’’д̇и анумод̣̇и. махааж̇анагааяоби ‘‘яаава бан̣д̣ид̇аа аяам̣ д̣̇ааригаа’’д̇и саад̇хугаарасахассаани ад̣̇ааси. ат̇а бхаг̇аваа д̣̇ааригааяа саббааяам̣ вид̣̇ид̇ваа д̇хаммам̣ д̣̇зсзнд̇о –

    Taṃ sutvā manussā ujjhāyanti – ‘‘passatha, bho, ayaṃ dārikā attano gharā āgatāpi bhagavatā pucchiyamānā ‘na jānāmī’ti āha, tantavāyasālaṃ gacchantī cāpi pucchiyamānā ‘na jānāmī’ti āha, ‘na jānāsī’ti vuttā ‘jānāmī’ti āha, ‘jānāsī’ti vuttā ‘na jānāmī’ti āha, sabbaṃ paccanīkameva karotī’’ti. Bhagavā manussānaṃ tamatthaṃ pākaṭaṃ kātukāmo taṃ pucchi – ‘‘kiṃ mayā pucchitaṃ, kiṃ tayā vutta’’nti? Sā āha – ‘‘na maṃ, bhante, koci na jānāti, gharato āgatā tantavāyasālaṃ gacchatī’’ti; apica maṃ tumhe paṭisandhivasena pucchatha, ‘‘kuto āgatāsī’’ti, cutivasena pucchatha, ‘‘kuhiṃ gamissasī’’ti ahañca na jānāmi. ‘‘Kuto camhi āgatā; nirayā vā devalokā vā’’ti, na hi jānāmi, ‘‘kuhimpi gamissāmi nirayaṃ vā devalokaṃ vā’’ti, tasmā ‘‘na jānāmī’’ti avacaṃ. Tato maṃ bhagavā maraṇaṃ sandhāya pucchi – ‘‘na jānāsī’’ti, ahañca jānāmi. ‘‘Sabbesaṃ maraṇaṃ dhuva’’nti, tenāvocaṃ ‘‘jānāmī’’ti. Tato maṃ bhagavā maraṇakālaṃ sandhāya pucchi ‘‘jānāsī’’ti, ahañca na jānāmi ‘‘kadā marissāmi kiṃ ajja vā udāhu sve vā’’ti, tenāvocaṃ ‘‘na jānāmī’’ti. Bhagavā tāya vissajjitaṃ pañhaṃ ‘‘sādhu sādhū’’ti anumodi. Mahājanakāyopi ‘‘yāva paṇḍitā ayaṃ dārikā’’ti sādhukārasahassāni adāsi. Atha bhagavā dārikāya sappāyaṃ viditvā dhammaṃ desento –

    ‘‘анд̇хабхууд̇о аяам̣ лого, д̇анугзд̇т̇а вибассад̇и;

    ‘‘Andhabhūto ayaṃ loko, tanukettha vipassati;

    сагун̣о ж̇ааламуд̇д̇ова, аббо саг̇г̇ааяа г̇ажчад̇ий’’д̇и. (д̇ха. ба. 174) –

    Sakuṇo jālamuttova, appo saggāya gacchatī’’ti. (dha. pa. 174) –

    имам̣ г̇аат̇амааха. саа г̇аат̇аабарияосаанз сод̇аабад̇д̇ипалз бад̇идтааси, жад̇ураасийд̇ияаа баан̣асахассаанан̃жа д̇хаммаабхисамаяо ахоси.

    Imaṃ gāthamāha. Sā gāthāpariyosāne sotāpattiphale patiṭṭhāsi, caturāsītiyā pāṇasahassānañca dhammābhisamayo ahosi.

    саа бхаг̇аванд̇ам̣ ванд̣̇ид̇ваа бид̇у санд̇игам̣ аг̇амааси. бид̇аа д̇ам̣ д̣̇исваа ‘‘жирзнааг̇ад̇аа’’д̇и гуд̣̇д̇хо взг̇зна д̇анд̇з взмам̣ багкиби. д̇ам̣ нигкамид̇ваа д̣̇ааригааяа гужчим̣ бхинд̣̇и. саа д̇ад̇т̇зва гааламагааси. со д̣̇исваа – ‘‘наахам̣ мама д̇хийд̇арам̣ бахарим̣, абижа ко имам̣ взмам̣ взг̇асаа нигкамид̇ваа имиссаа гужчим̣ бхинд̣̇и. ж̇ийвад̇и ну ко нану ко’’д̇и виймам̣санд̇о мад̇ам̣ д̣̇исваа жинд̇зси – ‘‘мануссаа мам̣ ‘иминаа д̇хийд̇аа маарид̇аа’д̇и н̃ад̇ваа убаггосзяяум̣, д̇зна рааж̇ааби г̇аругам̣ д̣̇ан̣д̣ам̣ бан̣зяяа, ханд̣̇аахам̣ бадигажжзва балааяаамий’’д̇и. со д̣̇ан̣д̣абхаязна балааяанд̇о бхаг̇авад̇о санд̇игз гаммадтаанам̣ г̇ахзд̇ваа аран̃н̃з васанд̇аанам̣ бхигкуунам̣ васаногаасам̣ баабун̣и. д̇з жа бхигкуу убасан̇гамид̇ваа баб̣б̣аж̇ж̇ам̣ яаажи. д̇з д̇ам̣ баб̣б̣ааж̇зд̇ваа д̇ажабан̃жагагаммадтаанам̣ ад̣̇ам̣су. со д̇ам̣ уг̇г̇ахзд̇ваа вааяаманд̇о на жирассзва арахад̇д̇ам̣ баабун̣и, д̇з жасса аажарияубаж̇жхааяаа. ат̇а махаабавааран̣ааяа саб̣б̣зва бхаг̇авад̇о санд̇игам̣ аг̇амам̣су – ‘‘висуд̣̇д̇хибавааран̣ам̣ баваарзссаамаа’’д̇и. бхаг̇аваа баваарзд̇ваа вуд̇т̇авассо бхигкусан̇гхабаривуд̇о г̇ааманиг̇амаад̣̇ийсу жааригам̣ жарамаано анубуб̣б̣зна аал̣авим̣ аг̇амааси. д̇ад̇т̇а мануссаа бхаг̇аванд̇ам̣ ниманд̇зд̇ваа д̣̇аанаад̣̇ийни гаронд̇аа д̇ам̣ бхигкум̣ д̣̇исваа ‘‘д̇хийд̇арам̣ маарзд̇ваа ид̣̇аани гам̣ маарзд̇ум̣ ааг̇ад̇осий’’д̇иаад̣̇ийни вад̇ваа уббан̣д̣зсум̣. бхигкуу д̇ам̣ суд̇ваа убадтаанавзлааяам̣ убасан̇гамид̇ваа бхаг̇авад̇о зд̇амад̇т̇ам̣ аарожзсум̣. бхаг̇аваа – ‘‘на, бхигкавз , аяам̣ бхигку д̇хийд̇арам̣ маарзси, саа ад̇д̇ано гаммзна мад̇аа’’д̇и вад̇ваа д̇асса бхигкуно мануссзхи д̣̇уб̣б̣иж̇аанам̣ кийн̣аасавамунибхаавам̣ багаасзнд̇о бхигкуунам̣ д̇хаммад̣̇зсанад̇т̇ам̣ имам̣ г̇аат̇амабхааси.

    Sā bhagavantaṃ vanditvā pitu santikaṃ agamāsi. Pitā taṃ disvā ‘‘cirenāgatā’’ti kuddho vegena tante vemaṃ pakkhipi. Taṃ nikkhamitvā dārikāya kucchiṃ bhindi. Sā tattheva kālamakāsi. So disvā – ‘‘nāhaṃ mama dhītaraṃ pahariṃ, apica kho imaṃ vemaṃ vegasā nikkhamitvā imissā kucchiṃ bhindi. Jīvati nu kho nanu kho’’ti vīmaṃsanto mataṃ disvā cintesi – ‘‘manussā maṃ ‘iminā dhītā māritā’ti ñatvā upakkoseyyuṃ, tena rājāpi garukaṃ daṇḍaṃ paṇeyya, handāhaṃ paṭikacceva palāyāmī’’ti. So daṇḍabhayena palāyanto bhagavato santike kammaṭṭhānaṃ gahetvā araññe vasantānaṃ bhikkhūnaṃ vasanokāsaṃ pāpuṇi. Te ca bhikkhū upasaṅkamitvā pabbajjaṃ yāci. Te taṃ pabbājetvā tacapañcakakammaṭṭhānaṃ adaṃsu. So taṃ uggahetvā vāyamanto na cirasseva arahattaṃ pāpuṇi, te cassa ācariyupajjhāyā. Atha mahāpavāraṇāya sabbeva bhagavato santikaṃ agamaṃsu – ‘‘visuddhipavāraṇaṃ pavāressāmā’’ti. Bhagavā pavāretvā vutthavasso bhikkhusaṅghaparivuto gāmanigamādīsu cārikaṃ caramāno anupubbena āḷaviṃ agamāsi. Tattha manussā bhagavantaṃ nimantetvā dānādīni karontā taṃ bhikkhuṃ disvā ‘‘dhītaraṃ māretvā idāni kaṃ māretuṃ āgatosī’’tiādīni vatvā uppaṇḍesuṃ. Bhikkhū taṃ sutvā upaṭṭhānavelāyaṃ upasaṅkamitvā bhagavato etamatthaṃ ārocesuṃ. Bhagavā – ‘‘na, bhikkhave , ayaṃ bhikkhu dhītaraṃ māresi, sā attano kammena matā’’ti vatvā tassa bhikkhuno manussehi dubbijānaṃ khīṇāsavamunibhāvaṃ pakāsento bhikkhūnaṃ dhammadesanatthaṃ imaṃ gāthamabhāsi.

    д̇ассад̇т̇о – яо д̇ийсуби гаммад̣̇ваарзсу сийласам̣яамзна сам̣яад̇ад̇д̇о гааязна ваа ваажааяа ваа жзд̇асаа ваа хим̣саад̣̇игам̣ на гарод̇и баабам̣, д̇ан̃жа ко бана д̣̇ахаро ваа д̣̇ахараваяз тид̇о, маж̇жхимо ваа маж̇жхимаваяз тид̇о, зд̇знзва наязна т̇зро ваа бажчимаваяз тид̇од̇и гад̣̇аажиби на гарод̇и. гим̣ гааран̣аа? яад̇ад̇д̇о, яасмаа ануд̇д̇арааяа вирад̇ияаа саб̣б̣абаабзхи убарад̇ажид̇д̇од̇и вуд̇д̇ам̣ ход̇и.

    Tassattho – yo tīsupi kammadvāresu sīlasaṃyamena saṃyatatto kāyena vā vācāya vā cetasā vā hiṃsādikaṃ na karoti pāpaṃ, tañca kho pana daharo vā daharavaye ṭhito, majjhimo vā majjhimavaye ṭhito, eteneva nayena thero vā pacchimavaye ṭhitoti kadācipi na karoti. Kiṃ kāraṇā? Yatatto, yasmā anuttarāya viratiyā sabbapāpehi uparatacittoti vuttaṃ hoti.

    ид̣̇аани муни аросанзяяо на со росзд̇и ган̃жийд̇и зд̇зсам̣ бад̣̇аанам̣ аяам̣ яож̇анаа жа ад̇хиббааяо жа – со кийн̣аасавамуни аросанзяяо ‘‘д̇хийд̇умаараго’’д̇и ваа ‘‘бзсагааро’’д̇и ваа звамаад̣̇инаа наязна гааязна ваа ваажааяа ваа росзд̇ум̣, гхаддзд̇ум̣, б̣аад̇хзд̇ум̣ арахо на ход̇и. соби хи на росзд̇и ган̃жи, ‘‘наахам̣ мама д̇хийд̇арам̣ маарзми, д̇вам̣ маарзси, д̇умхаад̣̇исо ваа маарзд̇ий’’д̇иаад̣̇ийни вад̇ваа ган̃жи на росзд̇и, на гхаддзд̇и, на б̣аад̇хзд̇и, д̇асмаа соби на росанзяяо. абижа ко бана ‘‘д̇идтад̇у нааг̇о, маа нааг̇ам̣ гхаддзси, намо гарохи нааг̇ассаа’’д̇и (ма. ни. 1.249) вуд̇д̇анаязна намассид̇аб̣б̣оязва ход̇и. д̇ам̣ вааби д̇хийраа муни взд̣̇аяанд̇ийд̇и зд̇т̇а бана д̇амби д̇хийраава муним̣ взд̣̇аяанд̇ийд̇и звам̣ бад̣̇авибхааг̇о взд̣̇ид̇аб̣б̣о. ад̇хиббааяо жзд̇т̇а – д̇ам̣ ‘‘аяам̣ аросанзяяо’’д̇и зд̇з б̣ааламануссаа аж̇аанид̇ваа росзнд̇и. яз бана д̇хийраа хонд̇и, д̇з д̇хийраава д̇амби муним̣ взд̣̇аяанд̇и, аяам̣ кийн̣аасавамунийд̇и ж̇аананд̇ийд̇и.

    Idāni muni arosaneyyo na so roseti kañcīti etesaṃ padānaṃ ayaṃ yojanā ca adhippāyo ca – so khīṇāsavamuni arosaneyyo ‘‘dhītumārako’’ti vā ‘‘pesakāro’’ti vā evamādinā nayena kāyena vā vācāya vā rosetuṃ, ghaṭṭetuṃ, bādhetuṃ araho na hoti. Sopi hi na roseti kañci, ‘‘nāhaṃ mama dhītaraṃ māremi, tvaṃ māresi, tumhādiso vā māretī’’tiādīni vatvā kañci na roseti, na ghaṭṭeti, na bādheti, tasmā sopi na rosaneyyo. Apica kho pana ‘‘tiṭṭhatu nāgo, mā nāgaṃ ghaṭṭesi, namo karohi nāgassā’’ti (ma. ni. 1.249) vuttanayena namassitabboyeva hoti. Taṃ vāpi dhīrā muni vedayantīti ettha pana tampi dhīrāva muniṃ vedayantīti evaṃ padavibhāgo veditabbo. Adhippāyo cettha – taṃ ‘‘ayaṃ arosaneyyo’’ti ete bālamanussā ajānitvā rosenti. Ye pana dhīrā honti, te dhīrāva tampi muniṃ vedayanti, ayaṃ khīṇāsavamunīti jānantīti.

    219. яад̣̇аг̇г̇ад̇од̇и гаа уббад̇д̇и? саавад̇т̇ияам̣ гира бан̃жаг̇г̇ад̣̇ааяаго наама б̣раахман̣о ахоси. со нибпаж̇ж̇амаанзсу сассзсу кзд̇д̇аг̇г̇ам̣, раасаг̇г̇ам̣, годтаг̇г̇ам̣, гумбхиаг̇г̇ам̣, бхож̇анаг̇г̇анд̇и имаани бан̃жа аг̇г̇аани д̣̇зд̇и. д̇ад̇т̇а батамабаггааниязва саали-яава-г̇од̇хуума-сийсаани аахараабзд̇ваа яааг̇убааяаасабут̇угаад̣̇ийни бадияаад̣̇зд̇ваа ‘‘аг̇г̇асса д̣̇аад̇аа мзд̇хаавий, аг̇г̇ам̣ со ад̇хиг̇ажчад̇ий’’д̇и звам̣д̣̇идтиго худ̇ваа б̣уд̣̇д̇хаббамукасса бхигкусан̇гхасса д̣̇аанам̣ д̣̇зд̇и, ид̣̇амасса кзд̇д̇аг̇г̇ад̣̇аанам̣. нибпаннзсу бана сассзсу лааяид̇зсу мад̣̇д̣̇ид̇зсу жа варад̇хан̃н̃аани г̇ахзд̇ваа д̇ат̇зва д̣̇аанам̣ д̣̇зд̇и, ид̣̇амасса раасаг̇г̇ад̣̇аанам̣ . буна д̇зхи д̇хан̃н̃зхи годтааг̇аараани буураабзд̇ваа батамагодтааг̇ааравиваран̣з батаманийхадаани д̇хан̃н̃аани г̇ахзд̇ваа д̇ат̇зва д̣̇аанам̣ д̣̇зд̇и, ид̣̇амасса годтаг̇г̇ад̣̇аанам̣. яам̣ яад̣̇зва банасса гхарз ранд̇хзд̇и, д̇ад̇о аг̇г̇ам̣ ануббад̇д̇абаб̣б̣аж̇ид̇аанам̣ ад̣̇ад̇ваа анд̇амасо д̣̇аарагаанамби на гин̃жи д̣̇зд̇и, ид̣̇амасса гумбхиаг̇г̇ад̣̇аанам̣. буна ад̇д̇ано бхож̇анагаалз батамуубанийд̇ам̣ бхож̇анам̣ бурзбхад̇д̇агаалз сан̇гхасса, бажчаабхад̇д̇агаалз самбад̇д̇аяаажагаанам̣, д̇ад̣̇абхаавз анд̇амасо сунакаанамби ад̣̇ад̇ваа на бхун̃ж̇ад̇и, ид̣̇амасса бхож̇анаг̇г̇ад̣̇аанам̣. звам̣ со бан̃жаг̇г̇ад̣̇ааяагод̇взва абхилагкид̇о ахоси.

    219.Yadaggatoti kā uppatti? Sāvatthiyaṃ kira pañcaggadāyako nāma brāhmaṇo ahosi. So nipphajjamānesu sassesu khettaggaṃ, rāsaggaṃ, koṭṭhaggaṃ, kumbhiaggaṃ, bhojanagganti imāni pañca aggāni deti. Tattha paṭhamapakkāniyeva sāli-yava-godhūma-sīsāni āharāpetvā yāgupāyāsaputhukādīni paṭiyādetvā ‘‘aggassa dātā medhāvī, aggaṃ so adhigacchatī’’ti evaṃdiṭṭhiko hutvā buddhappamukhassa bhikkhusaṅghassa dānaṃ deti, idamassa khettaggadānaṃ. Nipphannesu pana sassesu lāyitesu madditesu ca varadhaññāni gahetvā tatheva dānaṃ deti, idamassa rāsaggadānaṃ. Puna tehi dhaññehi koṭṭhāgārāni pūrāpetvā paṭhamakoṭṭhāgāravivaraṇe paṭhamanīhaṭāni dhaññāni gahetvā tatheva dānaṃ deti, idamassa koṭṭhaggadānaṃ. Yaṃ yadeva panassa ghare randheti, tato aggaṃ anuppattapabbajitānaṃ adatvā antamaso dārakānampi na kiñci deti, idamassa kumbhiaggadānaṃ. Puna attano bhojanakāle paṭhamūpanītaṃ bhojanaṃ purebhattakāle saṅghassa, pacchābhattakāle sampattayācakānaṃ, tadabhāve antamaso sunakhānampi adatvā na bhuñjati, idamassa bhojanaggadānaṃ. Evaṃ so pañcaggadāyakotveva abhilakkhito ahosi.

    ат̇згад̣̇ивасам̣ бхаг̇аваа бажжуусасамаяз б̣уд̣̇д̇хажагкунаа логам̣ вологзнд̇о д̇асса б̣раахман̣асса б̣раахман̣ияаа жа сод̇аабад̇д̇имаг̇г̇аубаниссаяам̣ д̣̇исваа сарийрабадиж̇аг̇г̇анам̣ гад̇ваа ад̇иббаг̇зва г̇анд̇хагудим̣ баависи. бхигкуу бихид̇ад̣̇ваарам̣ г̇анд̇хагудим̣ д̣̇исваа – ‘‘аж̇ж̇а бхаг̇аваа згагова г̇аамам̣ бависид̇угаамо’’д̇и н̃ад̇ваа бхигкаажааравзлааяа г̇анд̇хагудим̣ бад̣̇агкин̣ам̣ гад̇ваа бин̣д̣ааяа бависим̣су. бхаг̇авааби б̣раахман̣асса бхож̇анавзлааяам̣ нигкамид̇ваа саавад̇т̇им̣ баависи. мануссаа бхаг̇аванд̇ам̣ д̣̇исваа звам̣ – ‘‘нуунаж̇ж̇а гожи сад̇д̇о ануг̇г̇ахзд̇аб̣б̣о ад̇т̇и, д̇ат̇аа хи бхаг̇аваа згагова бавидто’’д̇и н̃ад̇ваа на бхаг̇аванд̇ам̣ убасан̇гамим̣су ниманд̇анад̇т̇ааяа. бхаг̇авааби анубуб̣б̣зна б̣раахман̣асса гхарад̣̇ваарам̣ самбад̇ваа адтааси. д̇зна жа самаязна б̣раахман̣о бхож̇анам̣ г̇ахзд̇ваа нисинно ход̇и, б̣раахман̣ий банасса б̣ийж̇аним̣ г̇ахзд̇ваа тид̇аа. саа бхаг̇аванд̇ам̣ д̣̇исваа ‘‘сажааяам̣ б̣раахман̣о бассзяяа, бад̇д̇ам̣ г̇ахзд̇ваа саб̣б̣ам̣ бхож̇анам̣ д̣̇ад̣̇зяяа, д̇ад̇о мз буна бажид̇аб̣б̣ам̣ бхавзяяаа’’д̇и жинд̇зд̇ваа аббасаад̣̇ан̃жа мажчзран̃жа уббаад̣̇зд̇ваа яат̇аа б̣раахман̣о бхаг̇аванд̇ам̣ на бассад̇и, звам̣ д̇аалаван̣дзна бадижчаад̣̇зси. бхаг̇аваа д̇ам̣ н̃ад̇ваа сарийраабхам̣ мун̃жи. д̇ам̣ б̣раахман̣о суван̣н̣обхаасам̣ д̣̇исваа ‘‘гимзд̇а’’нд̇и уллогзнд̇о ад̣̇д̣̇аса бхаг̇аванд̇ам̣ д̣̇ваарз тид̇ам̣. б̣раахман̣ийби ‘‘д̣̇идтонзна бхаг̇аваа’’д̇и д̇аавад̣̇зва д̇аалаван̣дам̣ нигкибид̇ваа бхаг̇аванд̇ам̣ убасан̇гамид̇ваа бан̃жабад̇идтид̇зна ванд̣̇и, ванд̣̇ид̇ваа жассаа удтаханд̇ияаа саббааяам̣ вид̣̇ид̇ваа –

    Athekadivasaṃ bhagavā paccūsasamaye buddhacakkhunā lokaṃ volokento tassa brāhmaṇassa brāhmaṇiyā ca sotāpattimaggaupanissayaṃ disvā sarīrapaṭijagganaṃ katvā atippageva gandhakuṭiṃ pāvisi. Bhikkhū pihitadvāraṃ gandhakuṭiṃ disvā – ‘‘ajja bhagavā ekakova gāmaṃ pavisitukāmo’’ti ñatvā bhikkhācāravelāya gandhakuṭiṃ padakkhiṇaṃ katvā piṇḍāya pavisiṃsu. Bhagavāpi brāhmaṇassa bhojanavelāyaṃ nikkhamitvā sāvatthiṃ pāvisi. Manussā bhagavantaṃ disvā evaṃ – ‘‘nūnajja koci satto anuggahetabbo atthi, tathā hi bhagavā ekakova paviṭṭho’’ti ñatvā na bhagavantaṃ upasaṅkamiṃsu nimantanatthāya. Bhagavāpi anupubbena brāhmaṇassa gharadvāraṃ sampatvā aṭṭhāsi. Tena ca samayena brāhmaṇo bhojanaṃ gahetvā nisinno hoti, brāhmaṇī panassa bījaniṃ gahetvā ṭhitā. Sā bhagavantaṃ disvā ‘‘sacāyaṃ brāhmaṇo passeyya, pattaṃ gahetvā sabbaṃ bhojanaṃ dadeyya, tato me puna pacitabbaṃ bhaveyyā’’ti cintetvā appasādañca maccherañca uppādetvā yathā brāhmaṇo bhagavantaṃ na passati, evaṃ tālavaṇṭena paṭicchādesi. Bhagavā taṃ ñatvā sarīrābhaṃ muñci. Taṃ brāhmaṇo suvaṇṇobhāsaṃ disvā ‘‘kimeta’’nti ullokento addasa bhagavantaṃ dvāre ṭhitaṃ. Brāhmaṇīpi ‘‘diṭṭhonena bhagavā’’ti tāvadeva tālavaṇṭaṃ nikkhipitvā bhagavantaṃ upasaṅkamitvā pañcapatiṭṭhitena vandi, vanditvā cassā uṭṭhahantiyā sappāyaṃ viditvā –

    ‘‘саб̣б̣асо наамаруубасмим̣, яасса над̇т̇и мамааяид̇ам̣;

    ‘‘Sabbaso nāmarūpasmiṃ, yassa natthi mamāyitaṃ;

    асад̇аа жа на сожад̇и, са вз бхигкууд̇и вужжад̇ий’’д̇и. (д̇ха. ба. 367) –

    Asatā ca na socati, sa ve bhikkhūti vuccatī’’ti. (dha. pa. 367) –

    имам̣ г̇аат̇амабхааси. саа г̇аат̇аабарияосаанзязва сод̇аабад̇д̇ипалз бад̇идтааси. б̣раахман̣оби бхаг̇аванд̇ам̣ анд̇огхарам̣ бавзсзд̇ваа, вараасанз нисийд̣̇аабзд̇ваа, д̣̇агкин̣од̣̇агам̣ д̣̇ад̇ваа, ад̇д̇ано убанийд̇абхож̇анам̣ убанаамзси – ‘‘д̇умхз, бханд̇з, сад̣̇звагз логз аг̇г̇ад̣̇агкин̣зяяаа, саад̇ху, мз д̇ам̣ бхож̇анам̣ ад̇д̇ано бад̇д̇з бад̇идтаабзт̇аа’’д̇и. бхаг̇аваа д̇асса ануг̇г̇ахад̇т̇ам̣ бадиг̇г̇ахзд̇ваа барибхун̃ж̇и. гад̇абхад̇д̇агижжо жа б̣раахман̣асса саббааяам̣ вид̣̇ид̇ваа имам̣ г̇аат̇амабхааси.

    Imaṃ gāthamabhāsi. Sā gāthāpariyosāneyeva sotāpattiphale patiṭṭhāsi. Brāhmaṇopi bhagavantaṃ antogharaṃ pavesetvā, varāsane nisīdāpetvā, dakkhiṇodakaṃ datvā, attano upanītabhojanaṃ upanāmesi – ‘‘tumhe, bhante, sadevake loke aggadakkhiṇeyyā, sādhu, me taṃ bhojanaṃ attano patte patiṭṭhāpethā’’ti. Bhagavā tassa anuggahatthaṃ paṭiggahetvā paribhuñji. Katabhattakicco ca brāhmaṇassa sappāyaṃ viditvā imaṃ gāthamabhāsi.

    д̇ассад̇т̇о – яам̣ гумбхид̇о батамамзва г̇ахид̇ад̇д̇аа аг̇г̇ад̇о, ад̣̇д̇хаавасзсааяа гумбхияаа ааг̇анд̇ваа д̇ад̇о г̇ахид̇ад̇д̇аа маж̇жхад̇о, згад̣̇вигадажчумад̇д̇аавасзсааяа гумбхияаа ааг̇анд̇ваа д̇ад̇о г̇ахид̇ад̇д̇аа сзсад̇о ваа бин̣д̣ам̣ лабхзт̇а. барад̣̇ад̇д̇уубаж̇ийвийд̇и баб̣б̣аж̇ид̇о. со хи уд̣̇агад̣̇анд̇абон̣ам̣ табзд̇ваа авасзсам̣ барзнзва д̣̇ад̇д̇ам̣ убаж̇ийвад̇и, д̇асмаа ‘‘барад̣̇ад̇д̇уубаж̇ийвий’’д̇и вужжад̇и. наалам̣ т̇уд̇ум̣ ноби нибажжаваад̣̇ийд̇и аг̇г̇ад̇о лад̣̇д̇хаа ад̇д̇аанам̣ ваа д̣̇ааяагам̣ ваа т̇омзд̇умби наарахад̇и бахийнаанунаяад̇д̇аа. сзсад̇о лад̣̇д̇хаа ‘‘гим̣ зд̇ам̣ иминаа д̣̇инна’’нд̇иаад̣̇инаа наязна д̣̇ааяагам̣ нибаад̇зд̇ваа аббияаважанаани вад̇д̇ааби на ход̇и бахийнабадигхад̇д̇аа. д̇ам̣ вааби д̇хийраа муни взд̣̇аяанд̇ийд̇и д̇амби бахийнаанунаяабадигхам̣ д̇хийраава муним̣ взд̣̇аяанд̇ийд̇и б̣раахман̣асса арахад̇д̇анигуудзна г̇аат̇ам̣ д̣̇зсзси. г̇аат̇аабарияосаанз б̣раахман̣о сод̇аабад̇д̇ипалз бад̇идтахийд̇и.

    Tassattho – yaṃ kumbhito paṭhamameva gahitattā aggato, addhāvasesāya kumbhiyā āgantvā tato gahitattā majjhato, ekadvikaṭacchumattāvasesāya kumbhiyā āgantvā tato gahitattā sesato vā piṇḍaṃ labhetha. Paradattūpajīvīti pabbajito. So hi udakadantapoṇaṃ ṭhapetvā avasesaṃ pareneva dattaṃ upajīvati, tasmā ‘‘paradattūpajīvī’’ti vuccati. Nālaṃ thutuṃ nopi nipaccavādīti aggato laddhā attānaṃ vā dāyakaṃ vā thometumpi nārahati pahīnānunayattā. Sesato laddhā ‘‘kiṃ etaṃ iminā dinna’’ntiādinā nayena dāyakaṃ nipātetvā appiyavacanāni vattāpi na hoti pahīnapaṭighattā. Taṃ vāpi dhīrā muni vedayantīti tampi pahīnānunayapaṭighaṃ dhīrāva muniṃ vedayantīti brāhmaṇassa arahattanikūṭena gāthaṃ desesi. Gāthāpariyosāne brāhmaṇo sotāpattiphale patiṭṭhahīti.

    220. муним̣ жаранд̇анд̇и гаа уббад̇д̇и? саавад̇т̇ияам̣ гира ан̃н̃ад̇аро сздтибуд̇д̇о уд̇увасзна д̇ийсу баасаад̣̇зсу саб̣б̣асамбад̇д̇ийхи барижаараяамаано д̣̇ахарова баб̣б̣аж̇ид̇угаамо худ̇ваа, маад̇аабид̇аро яаажид̇ваа, каг̇г̇ависаан̣асуд̇д̇з ‘‘гаамаа хи жид̇раа’’д̇и (су. ни. 50) имиссаа г̇аат̇ааяа адтуббад̇д̇ияам̣ вуд̇д̇анаязнзва д̇игкад̇д̇ум̣ баб̣б̣аж̇ид̇ваа жа уббаб̣б̣аж̇ид̇ваа жа жад̇уд̇т̇аваарз арахад̇д̇ам̣ баабун̣и. д̇ам̣ буб̣б̣абарижаязна бхигкуу бхан̣анд̇и – ‘‘самаяо, аавусо, уббаб̣б̣аж̇ид̇у’’нд̇и. со ‘‘абхаб̣б̣о д̣̇аанаахам̣, аавусо, виб̣бхамид̇у’’нд̇и ааха. д̇ам̣ суд̇ваа бхигкуу бхаг̇авад̇о аарожзсум̣. бхаг̇аваа ‘‘звамзд̇ам̣, бхигкавз, абхаб̣б̣о со д̣̇аани виб̣бхамид̇у’’нд̇и д̇асса кийн̣аасавамунибхаавам̣ аавигаронд̇о имам̣ г̇аат̇амааха.

    220.Muniṃ carantanti kā uppatti? Sāvatthiyaṃ kira aññataro seṭṭhiputto utuvasena tīsu pāsādesu sabbasampattīhi paricārayamāno daharova pabbajitukāmo hutvā, mātāpitaro yācitvā, khaggavisāṇasutte ‘‘kāmā hi citrā’’ti (su. ni. 50) imissā gāthāya aṭṭhuppattiyaṃ vuttanayeneva tikkhattuṃ pabbajitvā ca uppabbajitvā ca catutthavāre arahattaṃ pāpuṇi. Taṃ pubbaparicayena bhikkhū bhaṇanti – ‘‘samayo, āvuso, uppabbajitu’’nti. So ‘‘abhabbo dānāhaṃ, āvuso, vibbhamitu’’nti āha. Taṃ sutvā bhikkhū bhagavato ārocesuṃ. Bhagavā ‘‘evametaṃ, bhikkhave, abhabbo so dāni vibbhamitu’’nti tassa khīṇāsavamunibhāvaṃ āvikaronto imaṃ gāthamāha.

    д̇ассад̇т̇о – монзяяад̇хаммасаманнааг̇амзна муним̣, згавихаарид̇ааяа, буб̣б̣з вуд̇д̇аббагаараасу ваа жарияаасу яааяа гааяажи жарияааяа жаранд̇ам̣, буб̣б̣з вияа мзт̇унад̇хаммз жид̇д̇ам̣ агад̇ваа ануд̇д̇арааяа вирад̇ияаа вирад̇ам̣ мзт̇унасмаа. д̣̇уд̇ияабаад̣̇асса самб̣анд̇хо – гийд̣̇исам̣ муним̣ жаранд̇ам̣ вирад̇ам̣ мзт̇унасмаад̇и жз? яо яоб̣б̣анз нобаниб̣аж̇жхад̇з гважи, яо бхад̣̇рзби яоб̣б̣анз вад̇д̇амаанз гважи ид̇т̇ируубз яат̇аа бурз, звам̣ мзт̇унарааг̇зна на убаниб̣аж̇жхад̇и. ат̇а ваа гважи ад̇д̇ано ваа барасса ваа яоб̣б̣анз ‘‘яуваа д̇аавамхи, аяам̣ ваа яуваад̇и бадисзваами д̇аава гаамз’’д̇и звам̣ яо рааг̇зна на убаниб̣аж̇жхад̇ийд̇и аяамбзд̇т̇а ад̇т̇о. на гзвалан̃жа вирад̇ам̣ мзт̇унасмаа, абижа ко бана ж̇аад̇имад̣̇аад̣̇ибхзд̣̇аа мад̣̇аа, гаамаг̇ун̣зсу сад̇ивиббаваасасан̇каад̇аа бамаад̣̇ааби жа вирад̇ам̣, звам̣ мад̣̇аббамаад̣̇аа вирад̇ад̇д̇аа зва жа виббамуд̇д̇ам̣ саб̣б̣агилзсаб̣анд̇ханзхи. яат̇аа ваа зго логигааяаби вирад̇ияаа вирад̇о ход̇и, на звам̣, гим̣ бана виббамуд̇д̇ам̣ вирад̇ам̣, саб̣б̣агилзсаб̣анд̇ханзхи виббамуд̇д̇ад̇д̇аа логуд̇д̇аравирад̇ияаа вирад̇анд̇иби ад̇т̇о. д̇ам̣ вааби д̇хийраа муни взд̣̇аяанд̇ийд̇и д̇амби д̇хийраа зва муним̣ взд̣̇аяанд̇и, д̇умхз бана нам̣ на взд̣̇аяат̇а, д̇зна нам̣ звам̣ бхан̣ат̇аад̇и д̣̇ассзд̇и.

    Tassattho – moneyyadhammasamannāgamena muniṃ, ekavihāritāya, pubbe vuttappakārāsu vā cariyāsu yāya kāyaci cariyāya carantaṃ, pubbe viya methunadhamme cittaṃ akatvā anuttarāya viratiyā virataṃ methunasmā. Dutiyapādassa sambandho – kīdisaṃ muniṃ carantaṃ virataṃ methunasmāti ce? Yo yobbane nopanibajjhate kvaci, yo bhadrepi yobbane vattamāne kvaci itthirūpe yathā pure, evaṃ methunarāgena na upanibajjhati. Atha vā kvaci attano vā parassa vā yobbane ‘‘yuvā tāvamhi, ayaṃ vā yuvāti paṭisevāmi tāva kāme’’ti evaṃ yo rāgena na upanibajjhatīti ayampettha attho. Na kevalañca virataṃ methunasmā, apica kho pana jātimadādibhedā madā, kāmaguṇesu sativippavāsasaṅkhātā pamādāpi ca virataṃ, evaṃ madappamādā viratattā eva ca vippamuttaṃ sabbakilesabandhanehi. Yathā vā eko lokikāyapi viratiyā virato hoti, na evaṃ, kiṃ pana vippamuttaṃ virataṃ, sabbakilesabandhanehi vippamuttattā lokuttaraviratiyā viratantipi attho. Taṃ vāpi dhīrā muni vedayantīti tampi dhīrā eva muniṃ vedayanti, tumhe pana naṃ na vedayatha, tena naṃ evaṃ bhaṇathāti dasseti.

    221. ан̃н̃ааяа логанд̇и гаа уббад̇д̇и? бхаг̇аваа габилавад̇т̇усмим̣ вихарад̇и. д̇зна самаязна нанд̣̇асса аабхаран̣аман̇г̇алам̣, абхисзгаман̇г̇алам̣, ааваахаман̇г̇аланд̇и д̇ийн̣и ман̇г̇алаани агам̣су. бхаг̇авааби д̇ад̇т̇а ниманд̇ид̇о бан̃жахи бхигкусад̇зхи сад̣̇д̇хим̣ д̇ад̇т̇а г̇анд̇ваа бхун̃ж̇ид̇ваа нигкаманд̇о нанд̣̇асса хад̇т̇з бад̇д̇ам̣ ад̣̇ааси. д̇ам̣ нигкаманд̇ам̣ д̣̇исваа ж̇анабад̣̇агаляаан̣ий ‘‘д̇уваддам̣ ко, аяяабуд̇д̇а, ааг̇ажчзяяаасий’’д̇и ааха. со бхаг̇авад̇о г̇ааравзна ‘‘ханд̣̇а бхаг̇аваа бад̇д̇а’’нд̇и вад̇д̇ум̣ асаггонд̇о вихаарамзва г̇ад̇о. бхаг̇аваа г̇анд̇хагудибаривзн̣з тад̇ваа ‘‘аахара, нанд̣̇а, бад̇д̇а’’нд̇и г̇ахзд̇ваа ‘‘баб̣б̣аж̇иссасий’’д̇и ааха. со бхаг̇авад̇о г̇ааравзна бадигкибид̇ум̣ асаггонд̇о ‘‘баб̣б̣аж̇аами, бхаг̇аваа’’д̇и ааха. д̇ам̣ бхаг̇аваа баб̣б̣ааж̇зси. со бана ж̇анабад̣̇агаляаан̣ияаа важанам̣ бунаббунам̣ саранд̇о угган̣ти. бхигкуу бхаг̇авад̇о аарожзсум̣. бхаг̇аваа нанд̣̇асса анабхирад̇им̣ винод̣̇зд̇угаамо ‘‘д̇аавад̇им̣сабхаванам̣ г̇ад̇абуб̣б̣оси, нанд̣̇аа’’д̇и ааха. нанд̣̇о ‘‘наахам̣, бханд̇з, г̇ад̇абуб̣б̣о’’д̇и авожа.

    221.Aññāya lokanti kā uppatti? Bhagavā kapilavatthusmiṃ viharati. Tena samayena nandassa ābharaṇamaṅgalaṃ, abhisekamaṅgalaṃ, āvāhamaṅgalanti tīṇi maṅgalāni akaṃsu. Bhagavāpi tattha nimantito pañcahi bhikkhusatehi saddhiṃ tattha gantvā bhuñjitvā nikkhamanto nandassa hatthe pattaṃ adāsi. Taṃ nikkhamantaṃ disvā janapadakalyāṇī ‘‘tuvaṭṭaṃ kho, ayyaputta, āgaccheyyāsī’’ti āha. So bhagavato gāravena ‘‘handa bhagavā patta’’nti vattuṃ asakkonto vihārameva gato. Bhagavā gandhakuṭipariveṇe ṭhatvā ‘‘āhara, nanda, patta’’nti gahetvā ‘‘pabbajissasī’’ti āha. So bhagavato gāravena paṭikkhipituṃ asakkonto ‘‘pabbajāmi, bhagavā’’ti āha. Taṃ bhagavā pabbājesi. So pana janapadakalyāṇiyā vacanaṃ punappunaṃ saranto ukkaṇṭhi. Bhikkhū bhagavato ārocesuṃ. Bhagavā nandassa anabhiratiṃ vinodetukāmo ‘‘tāvatiṃsabhavanaṃ gatapubbosi, nandā’’ti āha. Nando ‘‘nāhaṃ, bhante, gatapubbo’’ti avoca.

    д̇ад̇о нам̣ бхаг̇аваа ад̇д̇ано аанубхаавзна д̇аавад̇им̣сабхаванам̣ нзд̇ваа взж̇аяанд̇абаасаад̣̇ад̣̇ваарз адтааси. бхаг̇авад̇о ааг̇аманам̣ вид̣̇ид̇ваа сагго ажчарааг̇ан̣абаривуд̇о баасаад̣̇аа орохи. д̇аа саб̣б̣ааби гассабасса бхаг̇авад̇о саавагаанам̣ баад̣̇амагканад̇злам̣ д̣̇ад̇ваа гагудабаад̣̇инияо ахзсум̣. ат̇а бхаг̇аваа нанд̣̇ам̣ ааманд̇зси – ‘‘бассаси но, д̇вам̣ нанд̣̇а, имаани бан̃жа ажчараасад̇аани гагудабаад̣̇ааний’’д̇и саб̣б̣ам̣ вид̇т̇аарзд̇аб̣б̣ам̣. маад̇уг̇аамасса наама нимид̇д̇аануб̣яан̃ж̇анам̣ г̇ахзд̇аб̣б̣анд̇и сагалзби б̣уд̣̇д̇хаважанз зд̇ам̣ над̇т̇и. ат̇а жа банзд̇т̇а бхаг̇аваа убааяагусалад̇ааяа аад̇урасса д̣̇осз уг̇г̇илзд̇ваа нийхарид̇угаамо взж̇ж̇о субхож̇анам̣ вияа нанд̣̇асса рааг̇ам̣ уг̇г̇илзд̇ваа нийхарид̇угаамо нимид̇д̇аануб̣яан̃ж̇анаг̇г̇ахан̣ам̣ анун̃н̃ааси яат̇аа д̇ам̣ ануд̇д̇аро бурисад̣̇аммасаарат̇и. д̇ад̇о бхаг̇аваа ажчараахзд̇у нанд̣̇асса б̣рахмажарияз абхирад̇им̣ д̣̇исваа бхигкуу аан̣аабзси – ‘‘бхад̇агаваад̣̇зна нанд̣̇ам̣ жод̣̇зт̇аа’’д̇и. со д̇зхи жод̣̇ияамаано лаж̇ж̇ид̇о яонисо манаси гаронд̇о бадибаж̇ж̇ид̇ваа на жирассзва арахад̇д̇ам̣ сажчаагааси. д̇асса жан̇гаманагодияам̣ ругкз ад̇хивад̇т̇аа д̣̇звад̇аа бхаг̇авад̇о зд̇амад̇т̇ам̣ аарожзси. бхаг̇авад̇оби н̃аан̣ам̣ уд̣̇абаад̣̇и. бхигкуу аж̇аананд̇аа д̇ат̇звааяасманд̇ам̣ жод̣̇знд̇и. бхаг̇аваа ‘‘на, бхигкавз, ид̣̇аани нанд̣̇о звам̣ жод̣̇зд̇аб̣б̣о’’д̇и д̇асса кийн̣аасавамунибхаавам̣ д̣̇ийбзнд̇о д̇зсам̣ бхигкуунам̣ д̇хаммад̣̇зсанад̇т̇ам̣ имам̣ г̇аат̇амабхааси.

    Tato naṃ bhagavā attano ānubhāvena tāvatiṃsabhavanaṃ netvā vejayantapāsādadvāre aṭṭhāsi. Bhagavato āgamanaṃ viditvā sakko accharāgaṇaparivuto pāsādā orohi. Tā sabbāpi kassapassa bhagavato sāvakānaṃ pādamakkhanatelaṃ datvā kakuṭapādiniyo ahesuṃ. Atha bhagavā nandaṃ āmantesi – ‘‘passasi no, tvaṃ nanda, imāni pañca accharāsatāni kakuṭapādānī’’ti sabbaṃ vitthāretabbaṃ. Mātugāmassa nāma nimittānubyañjanaṃ gahetabbanti sakalepi buddhavacane etaṃ natthi. Atha ca panettha bhagavā upāyakusalatāya āturassa dose uggiletvā nīharitukāmo vejjo subhojanaṃ viya nandassa rāgaṃ uggiletvā nīharitukāmo nimittānubyañjanaggahaṇaṃ anuññāsi yathā taṃ anuttaro purisadammasārathi. Tato bhagavā accharāhetu nandassa brahmacariye abhiratiṃ disvā bhikkhū āṇāpesi – ‘‘bhatakavādena nandaṃ codethā’’ti. So tehi codiyamāno lajjito yoniso manasi karonto paṭipajjitvā na cirasseva arahattaṃ sacchākāsi. Tassa caṅkamanakoṭiyaṃ rukkhe adhivatthā devatā bhagavato etamatthaṃ ārocesi. Bhagavatopi ñāṇaṃ udapādi. Bhikkhū ajānantā tathevāyasmantaṃ codenti. Bhagavā ‘‘na, bhikkhave, idāni nando evaṃ codetabbo’’ti tassa khīṇāsavamunibhāvaṃ dīpento tesaṃ bhikkhūnaṃ dhammadesanatthaṃ imaṃ gāthamabhāsi.

    д̇ассад̇т̇о – д̣̇угкасажжававад̇т̇аанагаран̣зна канд̇хаад̣̇илогам̣ ан̃н̃ааяа ж̇аанид̇ваа вавад̇т̇абзд̇ваа нирод̇хасажжасажчигирияааяа барамад̇т̇ад̣̇ассим̣, самуд̣̇аяаббахаанзна жад̇уб̣б̣ид̇хамби огхам̣, бахийнасамуд̣̇аяад̇д̇аа руубамад̣̇аад̣̇ивзг̇асаханзна жагкаад̣̇иааяад̇анасамуд̣̇д̣̇ан̃жа ад̇ид̇арияа ад̇ид̇арид̇ваа ад̇иггамид̇ваа маг̇г̇абхааванааяа, ‘‘д̇аннид̣̇д̣̇зсаа д̇аад̣̇ий’’д̇и имааяа д̇аад̣̇илагкан̣аббад̇д̇ияаа д̇аад̣̇им̣. яо вааяам̣ гаамарааг̇аад̣̇игилзсараасиязва авахананадтзна огхо, гужчид̇аг̇ад̇ибарияааязна самуд̣̇д̣̇анадтзна самуд̣̇д̣̇о, самуд̣̇аяаббахаанзнзва д̇ам̣ огхам̣ самуд̣̇д̣̇ан̃жа ад̇ид̇арияа ад̇ид̇ин̣н̣огхад̇д̇аа ид̣̇аани д̇умхзхи звам̣ вужжамаанзби вигаараманаабаж̇ж̇анад̇ааяа д̇аад̣̇имби звамбзд̇т̇а ад̇т̇о жа ад̇хиббааяо жа взд̣̇ид̇аб̣б̣о. д̇ам̣ чиннаг̇ант̇ам̣ асид̇ам̣ анаасаванд̇и ид̣̇ам̣ банасса т̇уд̇иважанамзва, имааяа жад̇усажжабхааванааяа жад̇уннам̣ г̇ант̇аанам̣ чиннад̇д̇аа чиннаг̇ант̇ам̣, д̣̇идтияаа д̇ан̣хааяа ваа гад̇т̇ажи аниссид̇ад̇д̇аа асид̇ам̣, жад̇уннам̣ аасаваанам̣ абхаавзна анаасаванд̇и вуд̇д̇ам̣ ход̇и. д̇ам̣ вааби д̇хийраа муни взд̣̇аяанд̇ийд̇и д̇амби д̇хийраава кийн̣аасавамуним̣ взд̣̇аяанд̇и д̇умхз бана авзд̣̇аяамаанаа звам̣ бхан̣ат̇аад̇и д̣̇ассзд̇и.

    Tassattho – dukkhasaccavavatthānakaraṇena khandhādilokaṃ aññāya jānitvā vavatthapetvā nirodhasaccasacchikiriyāya paramatthadassiṃ, samudayappahānena catubbidhampi oghaṃ, pahīnasamudayattā rūpamadādivegasahanena cakkhādiāyatanasamuddañca atitariya atitaritvā atikkamitvā maggabhāvanāya, ‘‘tanniddesā tādī’’ti imāya tādilakkhaṇappattiyā tādiṃ. Yo vāyaṃ kāmarāgādikilesarāsiyeva avahananaṭṭhena ogho, kucchitagatipariyāyena samuddanaṭṭhena samuddo, samudayappahāneneva taṃ oghaṃ samuddañca atitariya atitiṇṇoghattā idāni tumhehi evaṃ vuccamānepi vikāramanāpajjanatāya tādimpi evampettha attho ca adhippāyo ca veditabbo. Taṃ chinnaganthaṃ asitaṃ anāsavanti idaṃ panassa thutivacanameva, imāya catusaccabhāvanāya catunnaṃ ganthānaṃ chinnattā chinnaganthaṃ, diṭṭhiyā taṇhāya vā katthaci anissitattā asitaṃ, catunnaṃ āsavānaṃ abhāvena anāsavanti vuttaṃ hoti. Taṃ vāpi dhīrā muni vedayantīti tampi dhīrāva khīṇāsavamuniṃ vedayanti tumhe pana avedayamānā evaṃ bhaṇathāti dasseti.

    222. асамаа убход̇и гаа уббад̇д̇и? ан̃н̃ад̇аро бхигку госаларадтз бажжанд̇аг̇аамам̣ ниссааяа аран̃н̃з вихарад̇и. д̇асмин̃жа г̇аамз миг̇алуд̣̇д̣̇аго д̇асса бхигкуно васаногаасам̣ г̇анд̇ваа миг̇з б̣анд̇хад̇и. со аран̃н̃ам̣ бависанд̇о т̇зрам̣ г̇аамам̣ бин̣д̣ааяа бависанд̇амби бассад̇и, аран̃н̃аа ааг̇ажчанд̇о г̇аамад̇о нигкаманд̇амби бассад̇и. звам̣ абхин̣хад̣̇ассанзна т̇зрз ж̇аад̇асинзхо ахоси. со яад̣̇аа б̣ахум̣ мам̣сам̣ лабхад̇и, д̇ад̣̇аа т̇зрассааби расабин̣д̣абаад̇ам̣ д̣̇зд̇и. мануссаа уж̇жхааяанд̇и – ‘‘аяам̣ бхигку ‘амугасмим̣ бад̣̇зсз миг̇аа д̇идтанд̇и, жаранд̇и, баанийяам̣ биванд̇ий’д̇и луд̣̇д̣̇агасса аарожзд̇и. д̇ад̇о луд̣̇д̣̇аго миг̇з маарзд̇и, д̇зна убхо сан̇г̇амма ж̇ийвигам̣ габбзнд̇ий’’д̇и. ат̇а бхаг̇аваа ж̇анабад̣̇ажааригам̣ жарамаано д̇ам̣ ж̇анабад̣̇ам̣ аг̇амааси. бхигкуу г̇аамам̣ бин̣д̣ааяа бависанд̇аа д̇ам̣ бавад̇д̇им̣ суд̇ваа бхаг̇авад̇о аарожзсум̣. бхаг̇аваа луд̣̇д̣̇агзна сад̣̇д̇хим̣ самаанаж̇ийвигаабхаавасаад̇хагам̣ д̇асса бхигкуно кийн̣аасавамунибхаавам̣ д̣̇ийбзнд̇о д̇зсам̣ бхигкуунам̣ д̇хаммад̣̇зсанад̇т̇ам̣ имам̣ г̇аат̇амабхааси.

    222.Asamāubhoti kā uppatti? Aññataro bhikkhu kosalaraṭṭhe paccantagāmaṃ nissāya araññe viharati. Tasmiñca gāme migaluddako tassa bhikkhuno vasanokāsaṃ gantvā mige bandhati. So araññaṃ pavisanto theraṃ gāmaṃ piṇḍāya pavisantampi passati, araññā āgacchanto gāmato nikkhamantampi passati. Evaṃ abhiṇhadassanena there jātasineho ahosi. So yadā bahuṃ maṃsaṃ labhati, tadā therassāpi rasapiṇḍapātaṃ deti. Manussā ujjhāyanti – ‘‘ayaṃ bhikkhu ‘amukasmiṃ padese migā tiṭṭhanti, caranti, pānīyaṃ pivantī’ti luddakassa āroceti. Tato luddako mige māreti, tena ubho saṅgamma jīvikaṃ kappentī’’ti. Atha bhagavā janapadacārikaṃ caramāno taṃ janapadaṃ agamāsi. Bhikkhū gāmaṃ piṇḍāya pavisantā taṃ pavattiṃ sutvā bhagavato ārocesuṃ. Bhagavā luddakena saddhiṃ samānajīvikābhāvasādhakaṃ tassa bhikkhuno khīṇāsavamunibhāvaṃ dīpento tesaṃ bhikkhūnaṃ dhammadesanatthaṃ imaṃ gāthamabhāsi.

    д̇ассад̇т̇о – яо жа, бхигкавз, бхигку, яо жа луд̣̇д̣̇аго, зд̇з асамаа убхо. яам̣ мануссаа бхан̣анд̇и ‘‘самаанаж̇ийвигаа’’д̇и, д̇ам̣ мижчаа. гим̣ гааран̣аа? д̣̇ууравихааравуд̇д̇ино, д̣̇уурз вихааро жа вуд̇д̇и жа нзсанд̇и д̣̇ууравихааравуд̇д̇ино. вихаарод̇и васаногаасо, со жа бхигкуно аран̃н̃з, луд̣̇д̣̇агасса жа г̇аамз. вуд̇д̇ийд̇и ж̇ийвигаа, саа жа бхигкуно г̇аамз сабад̣̇аанабхигкаажарияаа, луд̣̇д̣̇агасса жа аран̃н̃з миг̇асагун̣амааран̣аа. буна жабарам̣ г̇ихий д̣̇аарабосий, со луд̣̇д̣̇аго д̇зна гаммзна буд̇д̇ад̣̇аарам̣ босзд̇и. амамо жа суб̣б̣ад̇о, буд̇д̇ад̣̇аарзсу д̇ан̣хаад̣̇идтимамад̇д̇авирахид̇о суживад̇ад̇д̇аа сунд̣̇аравад̇ад̇д̇аа жа суб̣б̣ад̇о со кийн̣аасавабхигку. буна жабарам̣ барабаан̣арод̇хааяа г̇ихий асан̃н̃ад̇о, со луд̣̇д̣̇аго г̇ихий барабаан̣арод̇хааяа д̇зсам̣ баан̣аанам̣ ж̇ийвид̇инд̣̇рияубажчзд̣̇ааяа гааяаваажаажид̇д̇зхи асам̣яад̇о. нижжам̣ муний рагкад̇и баан̣инз яад̇о, ид̇аро бана кийн̣аасавамуни гааяаваажаажид̇д̇зхи нижжам̣ яад̇о сам̣яад̇о баан̣ино рагкад̇и. звам̣ санд̇з д̇з гат̇ам̣ самаанаж̇ийвигаа бхависсанд̇ийд̇и?

    Tassattho – yo ca, bhikkhave, bhikkhu, yo ca luddako, ete asamā ubho. Yaṃ manussā bhaṇanti ‘‘samānajīvikā’’ti, taṃ micchā. Kiṃ kāraṇā? Dūravihāravuttino, dūre vihāro ca vutti ca nesanti dūravihāravuttino. Vihāroti vasanokāso, so ca bhikkhuno araññe, luddakassa ca gāme. Vuttīti jīvikā, sā ca bhikkhuno gāme sapadānabhikkhācariyā, luddakassa ca araññe migasakuṇamāraṇā. Puna caparaṃ gihī dāraposī, so luddako tena kammena puttadāraṃ poseti. Amamo ca subbato, puttadāresu taṇhādiṭṭhimamattavirahito sucivatattā sundaravatattā ca subbato so khīṇāsavabhikkhu. Puna caparaṃ parapāṇarodhāya gihī asaññato, so luddako gihī parapāṇarodhāya tesaṃ pāṇānaṃ jīvitindriyupacchedāya kāyavācācittehi asaṃyato. Niccaṃ munī rakkhati pāṇine yato, itaro pana khīṇāsavamuni kāyavācācittehi niccaṃ yato saṃyato pāṇino rakkhati. Evaṃ sante te kathaṃ samānajīvikā bhavissantīti?

    223. сикий яат̇аад̇и гаа уббад̇д̇и? бхаг̇авад̇и габилавад̇т̇усмим̣ вихаранд̇з саагияаанам̣ гат̇аа уд̣̇абаад̣̇и – ‘‘батамагасод̇аабанно бажчаа сод̇аабад̇д̇им̣ бад̇д̇асса д̇хаммзна вуд̣дхад̇аро ход̇и, д̇асмаа бажчаа сод̇аабаннзна бхигкунаа батамасод̇аабаннасса г̇ихино абхиваад̣̇анаад̣̇ийни гад̇д̇аб̣б̣ааний’’д̇и д̇ам̣ гат̇ам̣ ан̃н̃ад̇аро бин̣д̣ажаариго бхигку суд̇ваа бхаг̇авад̇о аарожзси. бхаг̇аваа ‘‘ан̃н̃аа зва хи аяам̣ ж̇аад̇и, бууж̇анзяяавад̇т̇у лин̇г̇а’’нд̇и санд̇хааяа ‘‘анааг̇аамийби жз, бхигкавз, г̇ихий ход̇и, д̇зна д̇ад̣̇ахубаб̣б̣аж̇ид̇ассааби сааман̣зрасса абхиваад̣̇анаад̣̇ийни гад̇д̇аб̣б̣аанзваа’’д̇и вад̇ваа буна бажчаа сод̇аабаннассааби бхигкуно батамасод̇аабаннаг̇ахадтад̇о ад̇имаханд̇ам̣ висзсам̣ д̣̇ассзнд̇о бхигкуунам̣ д̇хаммад̣̇зсанад̇т̇ам̣ имам̣ г̇аат̇амабхааси.

    223.Sikhī yathāti kā uppatti? Bhagavati kapilavatthusmiṃ viharante sākiyānaṃ kathā udapādi – ‘‘paṭhamakasotāpanno pacchā sotāpattiṃ pattassa dhammena vuḍḍhataro hoti, tasmā pacchā sotāpannena bhikkhunā paṭhamasotāpannassa gihino abhivādanādīni kattabbānī’’ti taṃ kathaṃ aññataro piṇḍacāriko bhikkhu sutvā bhagavato ārocesi. Bhagavā ‘‘aññā eva hi ayaṃ jāti, pūjaneyyavatthu liṅga’’nti sandhāya ‘‘anāgāmīpi ce, bhikkhave, gihī hoti, tena tadahupabbajitassāpi sāmaṇerassa abhivādanādīni kattabbānevā’’ti vatvā puna pacchā sotāpannassāpi bhikkhuno paṭhamasotāpannagahaṭṭhato atimahantaṃ visesaṃ dassento bhikkhūnaṃ dhammadesanatthaṃ imaṃ gāthamabhāsi.

    д̇ассад̇т̇о – явааяам̣ мад̇т̇агз ж̇аад̇ааяа сикааяа саб̣бхаавзна сикий, ман̣ид̣̇ан̣д̣асад̣̇исааяа г̇ийвааяа нийлаг̇ийвод̇и жа маяууравихан̇г̇амо вужжад̇и. со яат̇аа харид̇ахам̣сад̇амб̣ахам̣сакийрахам̣сагаал̣ахам̣сабаагахам̣сасуван̣н̣ахам̣сзсу явааяам̣ суван̣н̣ахам̣со, д̇асса хам̣сасса ж̇авзна сол̣асимби галам̣ на убзд̇и. суван̣н̣ахам̣со хи мухуд̇д̇агзна яож̇анасахассамби г̇ажчад̇и, яож̇анамби асамад̇т̇о ид̇аро. д̣̇ассанийяад̇ааяа бана убхоби д̣̇ассанийяаа хонд̇и, звам̣ г̇ихий батамасод̇аабанноби гин̃жааби маг̇г̇ад̣̇ассанзна д̣̇ассанийяо ход̇и. ат̇а ко со бажчаа сод̇аабаннассааби маг̇г̇ад̣̇ассанзна д̇уляад̣̇ассанийяабхаавассааби бхигкуно ж̇авзна наанугарод̇и. гад̇амзна ж̇авзна? убаримаг̇г̇авибассанаан̃аан̣аж̇авзна. г̇ихино хи д̇ам̣ н̃аан̣ам̣ д̣̇анд̇хам̣ ход̇и буд̇д̇ад̣̇аараад̣̇иж̇адааяа ж̇адид̇ад̇д̇аа, бхигкуно бана д̇игкам̣ ход̇и д̇ассаа ж̇адааяа виж̇адид̇ад̇д̇аа. свааяамад̇т̇о бхаг̇авад̇аа ‘‘мунино вивид̇д̇асса ванамхи жхааяад̇о’’д̇и иминаа баад̣̇зна д̣̇ийбид̇о. аяан̃хи сзгкамуни бхигку гааяажид̇д̇авивзгзна жа вивид̇д̇о ход̇и, лагкан̣аарамман̣уубаниж̇жхаанзна жа нижжам̣ ванасмим̣ жхааяад̇и. гуд̇о г̇ихино зваруубо вивзго жа жхаанан̃жаад̇и аяан̃хзд̇т̇а ад̇хиббааяод̇и?

    Tassattho – yvāyaṃ matthake jātāya sikhāya sabbhāvena sikhī, maṇidaṇḍasadisāya gīvāya nīlagīvoti ca mayūravihaṅgamo vuccati. So yathā haritahaṃsatambahaṃsakhīrahaṃsakāḷahaṃsapākahaṃsasuvaṇṇahaṃsesu yvāyaṃ suvaṇṇahaṃso, tassa haṃsassa javena soḷasimpi kalaṃ na upeti. Suvaṇṇahaṃso hi muhuttakena yojanasahassampi gacchati, yojanampi asamattho itaro. Dassanīyatāya pana ubhopi dassanīyā honti, evaṃ gihī paṭhamasotāpannopi kiñcāpi maggadassanena dassanīyo hoti. Atha kho so pacchā sotāpannassāpi maggadassanena tulyadassanīyabhāvassāpi bhikkhuno javena nānukaroti. Katamena javena? Uparimaggavipassanāñāṇajavena. Gihino hi taṃ ñāṇaṃ dandhaṃ hoti puttadārādijaṭāya jaṭitattā, bhikkhuno pana tikkhaṃ hoti tassā jaṭāya vijaṭitattā. Svāyamattho bhagavatā ‘‘munino vivittassa vanamhi jhāyato’’ti iminā pādena dīpito. Ayañhi sekkhamuni bhikkhu kāyacittavivekena ca vivitto hoti, lakkhaṇārammaṇūpanijjhānena ca niccaṃ vanasmiṃ jhāyati. Kuto gihino evarūpo viveko ca jhānañcāti ayañhettha adhippāyoti?

    барамад̇т̇аж̇од̇игааяа куд̣̇д̣̇ага-адтагат̇ааяа

    Paramatthajotikāya khuddaka-aṭṭhakathāya

    суд̇д̇анибаад̇а-адтагат̇ааяа мунисуд̇д̇аван̣н̣анаа нидтид̇аа.

    Suttanipāta-aṭṭhakathāya munisuttavaṇṇanā niṭṭhitā.

    нидтид̇о жа батамо ваг̇г̇о ад̇т̇аван̣н̣анаанаяад̇о, наамзна

    Niṭṭhito ca paṭhamo vaggo atthavaṇṇanānayato, nāmena

    ураг̇аваг̇г̇од̇и.

    Uragavaggoti.




    Next: 2. жуул̣аваг̇г̇о • 2. Cūḷavaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 12. мунисуд̇д̇ам̣ • 12. Munisuttaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact