| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੧੦…ਪੇ॰…੧੬. ਮੁਸਾવਾਦਾਦਿવਗ੍ਗੋ
10…Pe…16. musāvādādivaggo
ਮੁਸਾવਾਦਾਦਿਸਿਕ੍ਖਾਪਦવਣ੍ਣਨਾ
Musāvādādisikkhāpadavaṇṇanā
ਇਤੋ ਪਰੇਸੁ ਮੁਸਾવਾਦવਗ੍ਗਾਦੀਸੁ ਸਤ੍ਤਸੁ વਗ੍ਗੇਸੁ ਭਿਕ੍ਖੁਪਾਤਿਮੋਕ੍ਖવਣ੍ਣਨਾਯਂ વੁਤ੍ਤਨਯੇਨੇવ વਿਨਿਚ੍ਛਯੋ વੇਦਿਤਬ੍ਬੋਤਿ।
Ito paresu musāvādavaggādīsu sattasu vaggesu bhikkhupātimokkhavaṇṇanāyaṃ vuttanayeneva vinicchayo veditabboti.
ਸੋਲ਼ਸਮવਗ੍ਗੋ।
Soḷasamavaggo.
ਉਦ੍ਦਿਟ੍ਠਾ ਖੋ ਅਯ੍ਯਾਯੋ ਛਸਟ੍ਠਿਸਤਾ ਪਾਚਿਤ੍ਤਿਯਾ ਧਮ੍ਮਾਤਿ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਾ ਸਾਧਾਰਣਾ ਸਤ੍ਤਤਿ, ਅਸਾਧਾਰਣਾ ਛਨ੍ਨવੁਤੀਤਿ ਏવਂ ਛਸਟ੍ਠਿਸਤਾ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Uddiṭṭhākho ayyāyo chasaṭṭhisatā pācittiyā dhammāti bhikkhū ārabbha paññattā sādhāraṇā sattati, asādhāraṇā channavutīti evaṃ chasaṭṭhisatā. Sesaṃ sabbattha uttānamevāti.
ਕਙ੍ਖਾવਿਤਰਣਿਯਾ ਪਾਤਿਮੋਕ੍ਖવਣ੍ਣਨਾਯ
Kaṅkhāvitaraṇiyā pātimokkhavaṇṇanāya
ਭਿਕ੍ਖੁਨਿਪਾਤਿਮੋਕ੍ਖੇ
Bhikkhunipātimokkhe
ਸੁਦ੍ਧਪਾਚਿਤ੍ਤਿਯવਣ੍ਣਨਾ ਨਿਟ੍ਠਿਤਾ।
Suddhapācittiyavaṇṇanā niṭṭhitā.
ਤਤ੍ਰਾਯਂ ਸਙ੍ਖੇਪਤੋ ਅਸਾਧਾਰਣਸਿਕ੍ਖਾਪਦੇਸੁ ਸਮੁਟ੍ਠਾਨવਿਨਿਚ੍ਛਯੋ – ਗਿਰਗ੍ਗਸਮਜ੍ਜਾ ਚਿਤ੍ਤਾਗਾਰਸਿਕ੍ਖਾਪਦਂ ਸਙ੍ਘਾਣੀ ਇਤ੍ਥਾਲਙ੍ਕਾਰੋ ਗਨ੍ਧવਣ੍ਣਕੋ વਾਸਿਤਕਪਿਞ੍ਞਾਕੋ ਭਿਕ੍ਖੁਨਿਆਦੀਹਿ ਉਮ੍ਮਦ੍ਦਨਪਰਿਮਦ੍ਦਨਾਤਿ ਇਮਾਨਿ ਦਸ ਸਿਕ੍ਖਾਪਦਾਨਿ ਅਚਿਤ੍ਤਕਾਨਿ ਲੋਕવਜ੍ਜਾਨਿ ਅਕੁਸਲਚਿਤ੍ਤਾਨਿ। ਅਯਂ ਪਨੇਤ੍ਥ ਅਧਿਪ੍ਪਾਯੋ, વਿਨਾਪਿ ਚਿਤ੍ਤੇਨ ਆਪਜ੍ਜਿਤਬ੍ਬਤ੍ਤਾ ਅਚਿਤ੍ਤਕਾਨਿ, ਚਿਤ੍ਤੇ ਪਨ ਸਤਿ ਅਕੁਸਲੇਨੇવ ਆਪਜ੍ਜਿਤਬ੍ਬਤ੍ਤਾ ਲੋਕવਜ੍ਜਾਨਿ ਚੇવ ਅਕੁਸਲਚਿਤ੍ਤਾਨਿ ਚਾਤਿ। ਅવਸੇਸਾਨਿ ਸਚਿਤ੍ਤਕਾਨਿ ਪਣ੍ਣਤ੍ਤਿવਜ੍ਜਾਨੇવ। ਚੋਰਿવੁਟ੍ਠਾਪਨਂ ਗਾਮਨ੍ਤਰਂ ਆਰਾਮਸਿਕ੍ਖਾਪਦਂ ਗਬ੍ਭਿਨਿવਗ੍ਗੇ ਆਦਿਤੋ ਪਟ੍ਠਾਯ ਸਤ੍ਤ, ਕੁਮਾਰਿਭੂਤવਗ੍ਗੇ ਆਦਿਤੋ ਪਟ੍ਠਾਯ ਪਞ੍ਚ ਪੁਰਿਸਾਦਿਸਂਸਟ੍ਠਂ ਪਾਰਿવਾਸਿਕਛਨ੍ਦਦਾਨਂ ਅਨੁવਸ੍ਸવੁਟ੍ਠਾਪਨਂ ਏਕਨ੍ਤਰਿਕવੁਟ੍ਠਾਪਨਨ੍ਤਿ ਇਮਾਨਿ ਏਕੂਨવੀਸਤਿ ਸਿਕ੍ਖਾਪਦਾਨਿ ਸਚਿਤ੍ਤਕਾਨਿ ਪਣ੍ਣਤ੍ਤਿવਜ੍ਜਾਨਿ। ਅવਸੇਸਾਨਿ ਸਚਿਤ੍ਤਕਾਨਿ ਲੋਕવਜ੍ਜਾਨੇવਾਤਿ।
Tatrāyaṃ saṅkhepato asādhāraṇasikkhāpadesu samuṭṭhānavinicchayo – giraggasamajjā cittāgārasikkhāpadaṃ saṅghāṇī itthālaṅkāro gandhavaṇṇako vāsitakapiññāko bhikkhuniādīhi ummaddanaparimaddanāti imāni dasa sikkhāpadāni acittakāni lokavajjāni akusalacittāni. Ayaṃ panettha adhippāyo, vināpi cittena āpajjitabbattā acittakāni, citte pana sati akusaleneva āpajjitabbattā lokavajjāni ceva akusalacittāni cāti. Avasesāni sacittakāni paṇṇattivajjāneva. Corivuṭṭhāpanaṃ gāmantaraṃ ārāmasikkhāpadaṃ gabbhinivagge ādito paṭṭhāya satta, kumāribhūtavagge ādito paṭṭhāya pañca purisādisaṃsaṭṭhaṃ pārivāsikachandadānaṃ anuvassavuṭṭhāpanaṃ ekantarikavuṭṭhāpananti imāni ekūnavīsati sikkhāpadāni sacittakāni paṇṇattivajjāni. Avasesāni sacittakāni lokavajjānevāti.
