| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. мусааваад̣̇аг̇арулахубхаавабан̃хо
3. Musāvādagarulahubhāvapañho
3. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘самбаж̇аанамусааваад̣̇з баарааж̇иго ход̇ий’д̇и. буна жа бхан̣ид̇ам̣ ‘самбаж̇аанамусааваад̣̇з лахугам̣ аабад̇д̇им̣ аабаж̇ж̇ад̇и згасса санд̇игз д̣̇зсанаавад̇т̇уга’нд̇и. бханд̇з нааг̇асзна, го банзд̇т̇а висзсо, гим̣ гааран̣ам̣, яан̃жзгзна мусааваад̣̇зна ужчиж̇ж̇ад̇и, яан̃жзгзна мусааваад̣̇зна сад̇згижчо ход̇и? яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘самбаж̇аанамусааваад̣̇з баарааж̇иго ход̇ий’д̇и, д̇зна хи ‘самбаж̇аанамусааваад̣̇з лахугам̣ аабад̇д̇им̣ аабаж̇ж̇ад̇и згасса санд̇игз д̣̇зсанаавад̇т̇уга’нд̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇зна бхан̣ид̇ам̣ ‘самбаж̇аанамусааваад̣̇з лахугам̣ аабад̇д̇им̣ аабаж̇ж̇ад̇и згасса санд̇игз д̣̇зсанаавад̇т̇уга’нд̇и, д̇зна хи ‘самбаж̇аанамусааваад̣̇з баарааж̇иго ход̇ий’д̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
3. ‘‘Bhante nāgasena, bhāsitampetaṃ bhagavatā ‘sampajānamusāvāde pārājiko hotī’ti. Puna ca bhaṇitaṃ ‘sampajānamusāvāde lahukaṃ āpattiṃ āpajjati ekassa santike desanāvatthuka’nti. Bhante nāgasena, ko panettha viseso, kiṃ kāraṇaṃ, yañcekena musāvādena ucchijjati, yañcekena musāvādena satekiccho hoti? Yadi, bhante nāgasena, bhagavatā bhaṇitaṃ ‘sampajānamusāvāde pārājiko hotī’ti, tena hi ‘sampajānamusāvāde lahukaṃ āpattiṃ āpajjati ekassa santike desanāvatthuka’nti yaṃ vacanaṃ, taṃ micchā. Yadi tathāgatena bhaṇitaṃ ‘sampajānamusāvāde lahukaṃ āpattiṃ āpajjati ekassa santike desanāvatthuka’nti, tena hi ‘sampajānamusāvāde pārājiko hotī’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣ , махаарааж̇а, бхаг̇авад̇аа ‘самбаж̇аанамусааваад̣̇з баарааж̇иго ход̇ий’д̇и. бхан̣ид̇ан̃жа ‘самбаж̇аанамусааваад̣̇з лахугам̣ аабад̇д̇им̣ аабаж̇ж̇ад̇и згасса санд̇игз д̣̇зсанаавад̇т̇уга’нд̇и, д̇ан̃жа бана вад̇т̇увасзна г̇аругалахугам̣ ход̇и. д̇ам̣ гим̣ ман̃н̃аси, махаарааж̇а, ид̇ха гожи бурисо барасса баан̣инаа бахаарам̣ д̣̇ад̣̇зяяа, д̇асса д̇умхз гим̣ д̣̇ан̣д̣ам̣ д̇хаарзт̇аа’’д̇и? ‘‘яад̣̇и со, бханд̇з, ааха ‘нагкамаамий’д̇и, д̇асса маяам̣ агкамамаанз гахаабан̣ам̣ хараабзмаа’’д̇и ‘‘ид̇ха бана, махаарааж̇а, со язва бурисо д̇ава баан̣инаа бахаарам̣ д̣̇ад̣̇зяяа, д̇асса бана го д̣̇ан̣д̣о’’д̇и? ‘‘хад̇т̇амбисса, бханд̇з, чзд̣̇аабзяяаама, баад̣̇амби чзд̣̇аабзяяаама, яаава сийсам̣ гал̣ийражчзж̇ж̇ам̣ чзд̣̇аабзяяаама, саб̣б̣амби д̇ам̣ г̇зхам̣ вилумбаабзяяаама, убхад̇обагкз 1 яаава сад̇д̇амам̣ гулам̣ самуг̇гхаад̇аабзяяаамаа’’д̇и. ‘‘го банзд̇т̇а, махаарааж̇а, висзсо, гим̣ гааран̣ам̣, яам̣ згасса баан̣иббахаарз сукумо гахаабан̣о д̣̇ан̣д̣о, яам̣ д̇ава баан̣иббахаарз хад̇т̇ажчзж̇ж̇ам̣ баад̣̇ажчзж̇ж̇ам̣ яаава гал̣ийражчзж̇ж̇ам̣ саб̣б̣аг̇зхаад̣̇аанам̣ убхад̇обагкз яаава сад̇д̇амагулаа самуг̇гхаад̇о’’д̇и? ‘‘мануссанд̇арзна, бханд̇з’’д̇и. ‘‘звамзва ко, махаарааж̇а, самбаж̇аанамусааваад̣̇о вад̇т̇увасзна г̇аругалахуго ход̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Bhāsitampetaṃ , mahārāja, bhagavatā ‘sampajānamusāvāde pārājiko hotī’ti. Bhaṇitañca ‘sampajānamusāvāde lahukaṃ āpattiṃ āpajjati ekassa santike desanāvatthuka’nti, tañca pana vatthuvasena garukalahukaṃ hoti. Taṃ kiṃ maññasi, mahārāja, idha koci puriso parassa pāṇinā pahāraṃ dadeyya, tassa tumhe kiṃ daṇḍaṃ dhārethā’’ti? ‘‘Yadi so, bhante, āha ‘nakkhamāmī’ti, tassa mayaṃ akkhamamāne kahāpaṇaṃ harāpemā’’ti ‘‘idha pana, mahārāja, so yeva puriso tava pāṇinā pahāraṃ dadeyya, tassa pana ko daṇḍo’’ti? ‘‘Hatthampissa, bhante, chedāpeyyāma, pādampi chedāpeyyāma, yāva sīsaṃ kaḷīracchejjaṃ chedāpeyyāma, sabbampi taṃ gehaṃ vilumpāpeyyāma, ubhatopakkhe 2 yāva sattamaṃ kulaṃ samugghātāpeyyāmā’’ti. ‘‘Ko panettha, mahārāja, viseso, kiṃ kāraṇaṃ, yaṃ ekassa pāṇippahāre sukhumo kahāpaṇo daṇḍo, yaṃ tava pāṇippahāre hatthacchejjaṃ pādacchejjaṃ yāva kaḷīracchejjaṃ sabbagehādānaṃ ubhatopakkhe yāva sattamakulā samugghāto’’ti? ‘‘Manussantarena, bhante’’ti. ‘‘Evameva kho, mahārāja, sampajānamusāvādo vatthuvasena garukalahuko hotī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
мусааваад̣̇аг̇арулахубхаавабан̃хо д̇ад̇ияо.
Musāvādagarulahubhāvapañho tatiyo.
Footnotes:
