баажид̇д̇ияа-адтагат̇аа

Pācittiya-aṭṭhakathā

5. баажид̇д̇ияаган̣д̣ам̣

5. Pācittiyakaṇḍaṃ

1. мусааваад̣̇аваг̇г̇о

1. Musāvādavaggo

1. мусааваад̣̇асигкаабад̣̇аван̣н̣анаа

1. Musāvādasikkhāpadavaṇṇanā

язсам̣ навахи ваг̇г̇зхи, сан̇г̇ахо суббад̇идтид̇о;

Yesaṃ navahi vaggehi, saṅgaho suppatiṭṭhito;

куд̣̇д̣̇агаанам̣ аяам̣ д̣̇аани, д̇зсам̣ бхавад̇и ван̣н̣анаа.

Khuddakānaṃ ayaṃ dāni, tesaṃ bhavati vaṇṇanā.

1. д̇ад̇т̇а мусааваад̣̇аваг̇г̇асса д̇аава батамасигкаабад̣̇з хад̇т̇агод̇и д̇асса т̇зрасса наамам̣. сагяаанам̣ буд̇д̇од̇и сагяабуд̇д̇о. б̣уд̣̇д̇хагаалз гира сагяагулад̇о асийд̇и бурисасахассаани баб̣б̣аж̇им̣су, д̇зсам̣ со ан̃н̃ад̇арод̇и. ваад̣̇агкид̇д̇од̇и ‘‘ваад̣̇ам̣ гариссаамий’’д̇и звам̣ баривид̇аггид̇зна ваад̣̇зна бараваад̣̇исанд̇игам̣ кид̇д̇о багкид̇д̇о бахид̇о бзсид̇од̇и ад̇т̇о. ваад̣̇амхи ваа сагзна жид̇д̇зна кид̇д̇о. яад̇ра яад̇ра ваад̣̇о д̇ад̇ра д̇ад̇рзва санд̣̇иссад̇ийд̇иби ваад̣̇агкид̇д̇о. аваж̇аанид̇ваа аваж̇аанаад̇ийд̇и ад̇д̇ано ваад̣̇з ган̃жи д̣̇осам̣ саллагкзнд̇о ‘‘нааяам̣ мама ваад̣̇о’’д̇и аваж̇аанид̇ваа буна гат̇знд̇о гат̇знд̇о нид̣̇д̣̇осад̇ам̣ саллагкзд̇ваа ‘‘мамзва аяам̣ ваад̣̇о’’д̇и бадиж̇аанаад̇и. бадиж̇аанид̇ваа аваж̇аанаад̇ийд̇и гисмин̃жид̣̇зва важанз аанисам̣сам̣ саллагкзнд̇о ‘‘аяам̣ мама ваад̣̇о’’д̇и бадиж̇аанид̇ваа буна гат̇знд̇о гат̇знд̇о д̇ад̇т̇а д̣̇осам̣ саллагкзд̇ваа ‘‘нааяам̣ мама ваад̣̇о’’д̇и аваж̇аанаад̇и. ан̃н̃знан̃н̃ам̣ бадижарад̇ийд̇и ан̃н̃зна гааран̣зна ан̃н̃ам̣ гааран̣ам̣ бадижарад̇и бадижчаад̣̇зд̇и аж̇жход̇т̇арад̇и, ‘‘руубам̣ анижжам̣ ж̇аанид̇аб̣б̣ад̇о’’д̇и вад̇ваа буна ‘‘ж̇аад̇ид̇хаммад̇о’’д̇иаад̣̇ийни вад̣̇ад̇и. гурунд̣̇ияам̣ бана ‘‘зд̇асса бадижчаад̣̇анахзд̇ум̣ ан̃н̃ам̣ б̣ахум̣ гат̇зд̇ий’’д̇и вуд̇д̇ам̣. д̇ад̇рааяам̣ ад̇хиббааяо – яам̣ д̇ам̣ бадиж̇аананан̃жа аваж̇аананан̃жа, д̇асса бадижчаад̣̇анад̇т̇ам̣ ‘‘го ааха , гим̣ ааха, гисмим̣ аахаа’’д̇и звамаад̣̇и б̣ахум̣ бхаасад̇ийд̇и. буна махааадтагат̇ааяам̣ ‘‘аваж̇аанид̇ваа бадиж̇аананд̇о бадиж̇аанид̇ваа аваж̇аананд̇о зва жа ан̃н̃знан̃н̃ам̣ бадижарад̇ий’’д̇и вуд̇д̇ам̣. самбаж̇аанамусаа бхаасад̇ийд̇и ж̇аананд̇о мусаа бхаасад̇и. сан̇гзд̇ам̣ гад̇ваа висам̣ваад̣̇зд̇ийд̇и бурзбхад̇д̇аад̣̇ийсу ‘‘асугасмим̣ наама гаалз асугасмим̣ наама бад̣̇зсз ваад̣̇о ход̇уу’’д̇и сан̇гзд̇ам̣ гад̇ваа сан̇гзд̇ад̇о бурз ваа бажчаа ваа г̇анд̇ваа ‘‘бассат̇а бхо, д̇ид̇т̇ияаа на ааг̇ад̇аа барааж̇ид̇аа’’д̇и баггамад̇и.

1. Tattha musāvādavaggassa tāva paṭhamasikkhāpade hatthakoti tassa therassa nāmaṃ. Sakyānaṃ puttoti sakyaputto. Buddhakāle kira sakyakulato asīti purisasahassāni pabbajiṃsu, tesaṃ so aññataroti. Vādakkhittoti ‘‘vādaṃ karissāmī’’ti evaṃ parivitakkitena vādena paravādisantikaṃ khitto pakkhitto pahito pesitoti attho. Vādamhi vā sakena cittena khitto. Yatra yatra vādo tatra tatreva sandissatītipi vādakkhitto. Avajānitvā avajānātīti attano vāde kañci dosaṃ sallakkhento ‘‘nāyaṃ mama vādo’’ti avajānitvā puna kathento kathento niddosataṃ sallakkhetvā ‘‘mameva ayaṃ vādo’’ti paṭijānāti. Paṭijānitvā avajānātīti kismiñcideva vacane ānisaṃsaṃ sallakkhento ‘‘ayaṃ mama vādo’’ti paṭijānitvā puna kathento kathento tattha dosaṃ sallakkhetvā ‘‘nāyaṃ mama vādo’’ti avajānāti. Aññenaññaṃ paṭicaratīti aññena kāraṇena aññaṃ kāraṇaṃ paṭicarati paṭicchādeti ajjhottharati, ‘‘rūpaṃ aniccaṃ jānitabbato’’ti vatvā puna ‘‘jātidhammato’’tiādīni vadati. Kurundiyaṃ pana ‘‘etassa paṭicchādanahetuṃ aññaṃ bahuṃ kathetī’’ti vuttaṃ. Tatrāyaṃ adhippāyo – yaṃ taṃ paṭijānanañca avajānanañca, tassa paṭicchādanatthaṃ ‘‘ko āha , kiṃ āha, kismiṃ āhā’’ti evamādi bahuṃ bhāsatīti. Puna mahāaṭṭhakathāyaṃ ‘‘avajānitvā paṭijānanto paṭijānitvā avajānanto eva ca aññenaññaṃ paṭicaratī’’ti vuttaṃ. Sampajānamusā bhāsatīti jānanto musā bhāsati. Saṅketaṃ katvā visaṃvādetīti purebhattādīsu ‘‘asukasmiṃ nāma kāle asukasmiṃ nāma padese vādo hotū’’ti saṅketaṃ katvā saṅketato pure vā pacchā vā gantvā ‘‘passatha bho, titthiyā na āgatā parājitā’’ti pakkamati.

2. самбаж̇аанамусааваад̣̇зд̇и ж̇аанид̇ваа ж̇аананд̇асса жа мусаа бхан̣анз.

2.Sampajānamusāvādeti jānitvā jānantassa ca musā bhaṇane.

3. висам̣ваад̣̇анабурзгкаарассаад̇и висам̣ваад̣̇анажид̇д̇ам̣ бурад̇о гад̇ваа вад̣̇анд̇асса. ваажаад̇и мижчааваажаабарияаабаннаважанасамудтаабигаа жзд̇анаа. г̇ираад̇и д̇ааяа жзд̇анааяа самудтаабид̇асад̣̇д̣̇ам̣ д̣̇ассзд̇и. б̣яаббат̇од̇и важанабат̇о; ваажааязва хи ан̃н̃зсамби д̣̇идтаануг̇ад̇имаабаж̇ж̇анд̇аанам̣ бат̇абхууд̇ад̇о б̣яаббат̇од̇и вужжад̇и. важийбхзд̣̇од̇и важийсан̃н̃ид̇ааяа ваажааяа бхзд̣̇о; бабхзд̣̇аг̇ад̇аа ваажаа зва звам̣ вужжад̇и. ваажасигаа вин̃н̃ад̇д̇ийд̇и важийвин̃н̃ад̇д̇и. звам̣ батамабад̣̇зна суд̣̇д̇хажзд̇анаа, маж̇жхз д̇ийхи д̇ам̣самудтаабид̇асад̣̇д̣̇асахид̇аа жзд̇анаа, анд̇з згзна вин̃н̃ад̇д̇исахид̇аа жзд̇анаа ‘‘гат̇ид̇аа’’д̇и взд̣̇ид̇аб̣б̣аа. анарияавохаараад̇и анарияаанам̣ б̣аалабут̇уж̇ж̇анаанам̣ вохаараа.

3.Visaṃvādanapurekkhārassāti visaṃvādanacittaṃ purato katvā vadantassa. Vācāti micchāvācāpariyāpannavacanasamuṭṭhāpikā cetanā. Girāti tāya cetanāya samuṭṭhāpitasaddaṃ dasseti. Byappathoti vacanapatho; vācāyeva hi aññesampi diṭṭhānugatimāpajjantānaṃ pathabhūtato byappathoti vuccati. Vacībhedoti vacīsaññitāya vācāya bhedo; pabhedagatā vācā eva evaṃ vuccati. Vācasikā viññattīti vacīviññatti. Evaṃ paṭhamapadena suddhacetanā, majjhe tīhi taṃsamuṭṭhāpitasaddasahitā cetanā, ante ekena viññattisahitā cetanā ‘‘kathitā’’ti veditabbā. Anariyavohārāti anariyānaṃ bālaputhujjanānaṃ vohārā.

звам̣ самбаж̇аанамусааваад̣̇ам̣ д̣̇ассзд̇ваа ид̣̇аани анд̇з вуд̇д̇аанам̣ самбаж̇аанамусааваад̣̇асан̇каад̇аанам̣ анарияавохаараанам̣ лагкан̣ам̣ д̣̇ассзнд̇о ‘‘ад̣̇идтам̣ д̣̇идтам̣ мз’’д̇иаад̣̇имааха. д̇ад̇т̇а ад̣̇идтам̣ д̣̇идтам̣ мзд̇и звам̣ вад̣̇ад̇о важанам̣ д̇ам̣самудтаабигаа ваа жзд̇анаа зго анарияавохаарод̇и иминаа наязна ад̇т̇о взд̣̇ид̇аб̣б̣о. абижзд̇т̇а жагкувасзна аг̇г̇ахид̇аарамман̣ам̣ ад̣̇идтам̣, сод̇авасзна аг̇г̇ахид̇ам̣ асуд̇ам̣, гхаанаад̣̇ивасзна мунид̇ваа д̇ийхи инд̣̇риязхи згааб̣ад̣̇д̇хам̣ вияа гад̇ваа бад̇ваа аг̇г̇ахид̇ам̣ амуд̇ам̣, ан̃н̃ад̇ра бан̃жахи инд̣̇риязхи суд̣̇д̇хзна вин̃н̃аан̣знзва аг̇г̇ахид̇ам̣ авин̃н̃аад̇анд̇и взд̣̇ид̇аб̣б̣ам̣. баал̣ияам̣ бана ‘‘ад̣̇идтам̣ наама на жагкунаа д̣̇идта’’нд̇и звам̣ ол̣ааригзнзва наязна д̣̇зсанаа гад̇аад̇и. д̣̇идтаад̣̇ийсу жа ад̇д̇анааби барзнаби д̣̇идтам̣ д̣̇идтамзва. звам̣ суд̇амуд̇авин̃н̃аад̇аанийд̇и аяамзго барияааяо. абаро наяо яам̣ ад̇д̇анаа д̣̇идтам̣ д̣̇идтамзва д̇ам̣. зса наяо суд̇аад̣̇ийсу. яам̣ бана барзна д̣̇идтам̣, д̇ам̣ ад̇д̇анаа суд̇адтаанз д̇идтад̇и. звам̣ муд̇аад̣̇ийниби.

Evaṃ sampajānamusāvādaṃ dassetvā idāni ante vuttānaṃ sampajānamusāvādasaṅkhātānaṃ anariyavohārānaṃ lakkhaṇaṃ dassento ‘‘adiṭṭhaṃ diṭṭhaṃ me’’tiādimāha. Tattha adiṭṭhaṃ diṭṭhaṃ meti evaṃ vadato vacanaṃ taṃsamuṭṭhāpikā vā cetanā eko anariyavohāroti iminā nayena attho veditabbo. Apicettha cakkhuvasena aggahitārammaṇaṃ adiṭṭhaṃ, sotavasena aggahitaṃ asutaṃ, ghānādivasena munitvā tīhi indriyehi ekābaddhaṃ viya katvā patvā aggahitaṃ amutaṃ, aññatra pañcahi indriyehi suddhena viññāṇeneva aggahitaṃ aviññātanti veditabbaṃ. Pāḷiyaṃ pana ‘‘adiṭṭhaṃ nāma na cakkhunā diṭṭha’’nti evaṃ oḷārikeneva nayena desanā katāti. Diṭṭhādīsu ca attanāpi parenapi diṭṭhaṃ diṭṭhameva. Evaṃ sutamutaviññātānīti ayameko pariyāyo. Aparo nayo yaṃ attanā diṭṭhaṃ diṭṭhameva taṃ. Esa nayo sutādīsu. Yaṃ pana parena diṭṭhaṃ, taṃ attanā sutaṭṭhāne tiṭṭhati. Evaṃ mutādīnipi.

4. ид̣̇аани д̇зсам̣ анарияавохаараанам̣ васзна аабад̇д̇им̣ ааробзд̇ваа д̣̇ассзнд̇о ‘‘д̇ийхаагаарзхий’’д̇иаад̣̇имааха. д̇ассад̇т̇о ‘‘д̇ийхи аагаарзхи батамам̣ жхаанам̣ самаабаж̇ж̇инд̇и самбаж̇аанамусаа бхан̣анд̇асса аабад̇д̇и баарааж̇игассаа’’д̇и звамаад̣̇ижад̇уд̇т̇абаарааж̇игабаал̣иван̣н̣анааяам̣ вуд̇д̇анаязнзва взд̣̇ид̇аб̣б̣о. гзвалан̃хи д̇ад̇т̇а ‘‘батамам̣ жхаанам̣ самаабаж̇ж̇и’’нд̇и ид̇ха ‘‘ад̣̇идтам̣ д̣̇идтам̣ мз’’д̇и, д̇ад̇т̇а жа ‘‘аабад̇д̇и баарааж̇игассаа’’д̇и ‘‘ид̇ха аабад̇д̇и баажид̇д̇ияассаа’’д̇и звам̣ вад̇т̇умад̇д̇з аабад̇д̇имад̇д̇з жа висзсо, сзсам̣ згалагкан̣амзваад̇и.

4. Idāni tesaṃ anariyavohārānaṃ vasena āpattiṃ āropetvā dassento ‘‘tīhākārehī’’tiādimāha. Tassattho ‘‘tīhi ākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassā’’ti evamādicatutthapārājikapāḷivaṇṇanāyaṃ vuttanayeneva veditabbo. Kevalañhi tattha ‘‘paṭhamaṃ jhānaṃ samāpajji’’nti idha ‘‘adiṭṭhaṃ diṭṭhaṃ me’’ti, tattha ca ‘‘āpatti pārājikassā’’ti ‘‘idha āpatti pācittiyassā’’ti evaṃ vatthumatte āpattimatte ca viseso, sesaṃ ekalakkhaṇamevāti.

9. д̇ийхаагаарзхи д̣̇идтз взмад̇игод̇иаад̣̇ийнамби ад̇т̇о ‘‘д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о д̣̇идтз взмад̇иго’’д̇и звамаад̣̇ид̣̇удтад̣̇осабаал̣иван̣н̣анааяам̣ вуд̇д̇анаязнзва взд̣̇ид̇аб̣б̣о. баал̣имад̇д̇амзва хи зд̇т̇а висзсо, ад̇т̇з бана сат̇зраваад̣̇з гин̃жи наанаагаран̣ам̣ над̇т̇и.

9.Tīhākārehi diṭṭhe vematikotiādīnampi attho ‘‘diṭṭhassa hoti pārājikaṃ dhammaṃ ajjhāpajjanto diṭṭhe vematiko’’ti evamādiduṭṭhadosapāḷivaṇṇanāyaṃ vuttanayeneva veditabbo. Pāḷimattameva hi ettha viseso, atthe pana satheravāde kiñci nānākaraṇaṃ natthi.

11. сахасаа бхан̣ад̇ийд̇и авиймам̣сид̇ваа анубад̇хаарзд̇ваа ваа взг̇зна д̣̇идтамби ‘‘ад̣̇идтам̣ мз’’д̇и бхан̣ад̇и. ан̃н̃ам̣ бхан̣иссаамийд̇и ан̃н̃ам̣ бхан̣ад̇ийд̇и манд̣̇ад̇д̇аа ж̇ал̣ад̇д̇аа багкаланд̇о ‘‘жийвара’’нд̇и вад̇д̇аб̣б̣з ‘‘жийра’’нд̇и аад̣̇им̣ бхан̣ад̇и. яо бана сааман̣зрзна ‘‘аби бханд̇з маяхам̣ убаж̇жхааяам̣ бассид̇т̇аа’’д̇и вуд̇д̇о гзл̣им̣ гурумаано ‘‘д̇ава убаж̇жхааяо д̣̇аарусагадам̣ яож̇зд̇ваа г̇ад̇о бхависсад̇ий’’д̇и ваа син̇г̇ааласад̣̇д̣̇ам̣ суд̇ваа ‘‘гассааяам̣ бханд̇з сад̣̇д̣̇о’’д̇и вуд̇д̇о ‘‘маад̇уяаа д̇з яаанзна г̇ажчанд̇ияаа гад̣̇д̣̇амз лаг̇г̇ажаггам̣ уд̣̇д̇харанд̇аанам̣ аяам̣ сад̣̇д̣̇о’’д̇и ваа звам̣ нзва д̣̇аваа на раваа ан̃н̃ам̣ бхан̣ад̇и, со аабад̇д̇им̣ аабаж̇ж̇ад̇иязва. ан̃н̃аа бууран̣агат̇аа наама ход̇и, зго г̇аамз т̇огам̣ д̇злам̣ лабхид̇ваа вихаарам̣ ааг̇ад̇о сааман̣зрам̣ бхан̣ад̇и – ‘‘д̇вам̣ аж̇ж̇а гухим̣ г̇ад̇о, г̇аамо згад̇зло ахосий’’д̇и ваа бажчигааяа табид̇ам̣ буувакан̣д̣ам̣ лабхид̇ваа ‘‘аж̇ж̇а г̇аамз бажчигаахи буувз жаарзсу’’нд̇и ваа, аяам̣ мусааваад̣̇ова ход̇и. сзсам̣ уд̇д̇аанамзваад̇и.

11.Sahasā bhaṇatīti avīmaṃsitvā anupadhāretvā vā vegena diṭṭhampi ‘‘adiṭṭhaṃ me’’ti bhaṇati. Aññaṃ bhaṇissāmīti aññaṃ bhaṇatīti mandattā jaḷattā pakkhalanto ‘‘cīvara’’nti vattabbe ‘‘cīra’’nti ādiṃ bhaṇati. Yo pana sāmaṇerena ‘‘api bhante mayhaṃ upajjhāyaṃ passitthā’’ti vutto keḷiṃ kurumāno ‘‘tava upajjhāyo dārusakaṭaṃ yojetvā gato bhavissatī’’ti vā siṅgālasaddaṃ sutvā ‘‘kassāyaṃ bhante saddo’’ti vutto ‘‘mātuyā te yānena gacchantiyā kaddame laggacakkaṃ uddharantānaṃ ayaṃ saddo’’ti vā evaṃ neva davā na ravā aññaṃ bhaṇati, so āpattiṃ āpajjatiyeva. Aññā pūraṇakathā nāma hoti, eko gāme thokaṃ telaṃ labhitvā vihāraṃ āgato sāmaṇeraṃ bhaṇati – ‘‘tvaṃ ajja kuhiṃ gato, gāmo ekatelo ahosī’’ti vā pacchikāya ṭhapitaṃ pūvakhaṇḍaṃ labhitvā ‘‘ajja gāme pacchikāhi pūve cāresu’’nti vā, ayaṃ musāvādova hoti. Sesaṃ uttānamevāti.

д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̇ивзд̣̇ананд̇и.

Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, tivedananti.

мусааваад̣̇асигкаабад̣̇ам̣ батамам̣.

Musāvādasikkhāpadaṃ paṭhamaṃ.

Next: 2. омасаваад̣̇асигкаабад̣̇аван̣н̣анаа • 2. Omasavādasikkhāpadavaṇṇanā

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. мусааваад̣̇асигкаабад̣̇а-ад̇т̇аяож̇анаа • 1. Musāvādasikkhāpada-atthayojanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact