| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
баажид̇д̇ияаган̣д̣ам̣
Pācittiyakaṇḍaṃ
1. мусааваад̣̇аваг̇г̇о
1. Musāvādavaggo
1. мусааваад̣̇асигкаабад̣̇аван̣н̣анаа
1. Musāvādasikkhāpadavaṇṇanā
самбаж̇аанамусааваад̣̇зд̇и зд̇т̇а мусаад̇и абхууд̇ам̣ ад̇ажчам̣ вад̇т̇у, ваад̣̇од̇и д̇асса бхууд̇ад̇о д̇ажчад̇о вин̃н̃аабанам̣, самбаж̇аанасса мусааваад̣̇о самбаж̇аанамусааваад̣̇о, д̇асмим̣ самбаж̇аанамусааваад̣̇зд̇и ад̇т̇о. д̇знааха ‘‘буб̣б̣з’’д̇иаад̣̇и. со жа бана мусааваад̣̇о буб̣б̣абхааг̇агкан̣з, д̇ан̇кан̣з жа виж̇аананд̇асса ход̇и ‘‘буб̣б̣звасса ход̇и ‘мусаа бхан̣исса’нд̇и, бхан̣анд̇асса ход̇и ‘мусаа бхан̣аамий’’’д̇и (баажи. 4) вуд̇д̇ад̇д̇аад̇и ааха ‘‘буб̣б̣зби ж̇аанид̇ваа важанагкан̣зби ж̇аананд̇ассаа’’д̇и. зд̇ан̃хи д̣̇ваяам̣ ан̇г̇абхууд̇ам̣, ид̇арам̣ бана ход̇у ваа, маа ваа, агааран̣амзд̇ам̣. нану жзд̇ам̣ бхан̣анамзва н̃ааяад̇ийд̇и ааха ‘‘бхан̣анан̃жа наамаа’’д̇иаад̣̇и. абхууд̇ассаад̇и ад̇ажчасса.
Sampajānamusāvādeti ettha musāti abhūtaṃ atacchaṃ vatthu, vādoti tassa bhūtato tacchato viññāpanaṃ, sampajānassa musāvādo sampajānamusāvādo, tasmiṃ sampajānamusāvādeti attho. Tenāha ‘‘pubbe’’tiādi. So ca pana musāvādo pubbabhāgakkhaṇe, taṅkhaṇe ca vijānantassa hoti ‘‘pubbevassa hoti ‘musā bhaṇissa’nti, bhaṇantassa hoti ‘musā bhaṇāmī’’’ti (pāci. 4) vuttattāti āha ‘‘pubbepi jānitvā vacanakkhaṇepi jānantassā’’ti. Etañhi dvayaṃ aṅgabhūtaṃ, itaraṃ pana hotu vā, mā vā, akāraṇametaṃ. Nanu cetaṃ bhaṇanameva ñāyatīti āha ‘‘bhaṇanañca nāmā’’tiādi. Abhūtassāti atacchassa.
хад̇т̇агам̣ сагяабуд̇д̇анд̇и зд̇т̇а хад̇т̇агод̇и д̇асса т̇зрасса наамам̣. сагяаанам̣ буд̇д̇од̇и сагяабуд̇д̇о. б̣уд̣̇д̇хагаалз гира сагяагулад̇о асийд̇и бурисасахассаани баб̣б̣аж̇им̣су, д̇зсам̣ со ан̃н̃ад̇аро. аваж̇аанид̇ваа бадиж̇аананаад̣̇ивад̇т̇усминд̇и зд̇т̇а аваж̇аанид̇ваа бадиж̇аананам̣ наама д̇ид̇т̇иязхи сад̣̇д̇хим̣ гат̇знд̇о ад̇д̇ано ваад̣̇з ган̃жи д̣̇осам̣ саллагкзнд̇о ‘‘нааяам̣ мама ваад̣̇о’’д̇и аваж̇аанид̇ваа буна гат̇знд̇о гат̇знд̇о нид̣̇д̣̇осад̇ам̣ саллагкзд̇ваа ‘‘мамзва аяам̣ ваад̣̇о’’д̇и бадиж̇аанаад̇и. аад̣̇исад̣̇д̣̇зна бадиж̇аанид̇ваа аваж̇аананам̣, ан̃н̃знан̃н̃ам̣ бадижаран̣ам̣, самбаж̇аанамусаабхаасанам̣, сан̇гзд̇ам̣ гад̇ваа висам̣ваад̣̇агаран̣ан̃жа сан̇г̇ан̣хаад̇и. ид̣̇аани аабад̇д̇ибхзд̣̇ад̣̇ассанад̇т̇ам̣ ‘‘уд̇д̇аримануссад̇хаммаарожанад̇т̇а’’нд̇иаад̣̇и вуд̇д̇ам̣.
Hatthakaṃ sakyaputtanti ettha hatthakoti tassa therassa nāmaṃ. Sakyānaṃ puttoti sakyaputto. Buddhakāle kira sakyakulato asīti purisasahassāni pabbajiṃsu, tesaṃ so aññataro. Avajānitvā paṭijānanādivatthusminti ettha avajānitvā paṭijānanaṃ nāma titthiyehi saddhiṃ kathento attano vāde kañci dosaṃ sallakkhento ‘‘nāyaṃ mama vādo’’ti avajānitvā puna kathento kathento niddosataṃ sallakkhetvā ‘‘mameva ayaṃ vādo’’ti paṭijānāti. Ādisaddena paṭijānitvā avajānanaṃ, aññenaññaṃ paṭicaraṇaṃ, sampajānamusābhāsanaṃ, saṅketaṃ katvā visaṃvādakaraṇañca saṅgaṇhāti. Idāni āpattibhedadassanatthaṃ ‘‘uttarimanussadhammārocanattha’’ntiādi vuttaṃ.
анубад̇хаарзд̇ваа сахасаа бхан̣анд̇ассаад̇и авиймам̣сид̇ваа взг̇зна д̣̇идтамби ‘‘ад̣̇идтам̣ мз’’д̇иаад̣̇инаа бхан̣анд̇асса . ‘‘ан̃н̃ам̣ бхан̣иссаамий’’д̇и ан̃н̃ам̣ бхан̣анд̇ассаад̇и яо манд̣̇ад̇д̇аа момуухад̇д̇аа багкаланд̇о ‘‘жийвара’’нд̇и вад̇д̇аб̣б̣з ‘‘жийра’’нд̇иаад̣̇ийни бхан̣ад̇и, аяам̣ ‘‘ан̃н̃ам̣ бхан̣иссаамий’’д̇и ан̃н̃ам̣ бхан̣ад̇и наама. яо бана сааман̣зрзна ‘‘аби, бханд̇з, маяхам̣ убаж̇жхааяам̣ бассид̇т̇аа’’д̇и вуд̇д̇о гзл̣им̣ гурумаано ‘‘д̇ава убаж̇жхааяо д̣̇аарусагадам̣ яож̇зд̇ваа г̇ад̇о бхависсад̇ий’’д̇и ваа син̇г̇ааласад̣̇д̣̇ам̣ суд̇ваа ‘‘гассааяам̣ сад̣̇д̣̇о’’д̇и вуд̇д̇о ‘‘маад̇уяаа д̇з яаанзна г̇ажчанд̇ияаа гад̣̇д̣̇амз лаг̇г̇ажаггам̣ уд̣̇д̇харанд̇аанам̣ аяам̣ сад̣̇д̣̇о’’д̇и ваа звам̣ нзва д̣̇аваа, на раваа ан̃н̃ам̣ бхан̣ад̇и, со аабад̇д̇им̣ аабаж̇ж̇ад̇иязва. ан̃н̃аа бууран̣агат̇аа наама ход̇и – зго г̇аамз т̇огам̣ д̇злам̣ лабхид̇ваа вихаарам̣ ааг̇ад̇о сааман̣зрам̣ бхан̣ад̇и ‘‘д̇вам̣ аж̇ж̇а гухим̣ г̇ад̇о, г̇аамо згад̇зло ахосий’’д̇и ваа, бажчигааяа табид̇ам̣ буувакан̣д̣ам̣ лабхид̇ваа ‘‘аж̇ж̇а г̇аамз бажчигаахи буувз жаарзсу’’нд̇и ваа, аяам̣ мусааваад̣̇ова ход̇и. висам̣ваад̣̇анабурзгкаарад̇аад̇и висам̣ ваад̣̇знд̇и зд̇знаад̇и висам̣ваад̣̇анам̣, ван̃жанаад̇хиббааяавасаббавад̇д̇ам̣ жид̇д̇ам̣, д̇асса бурзгкаарад̇аа висам̣ваад̣̇анабурзгкаарад̇аа, висам̣ваад̣̇анажид̇д̇асса бурад̇о гаран̣анд̇и ад̇т̇о.
Anupadhāretvā sahasā bhaṇantassāti avīmaṃsitvā vegena diṭṭhampi ‘‘adiṭṭhaṃ me’’tiādinā bhaṇantassa . ‘‘Aññaṃ bhaṇissāmī’’ti aññaṃ bhaṇantassāti yo mandattā momūhattā pakkhalanto ‘‘cīvara’’nti vattabbe ‘‘cīra’’ntiādīni bhaṇati, ayaṃ ‘‘aññaṃ bhaṇissāmī’’ti aññaṃ bhaṇati nāma. Yo pana sāmaṇerena ‘‘api, bhante, mayhaṃ upajjhāyaṃ passitthā’’ti vutto keḷiṃ kurumāno ‘‘tava upajjhāyo dārusakaṭaṃ yojetvā gato bhavissatī’’ti vā siṅgālasaddaṃ sutvā ‘‘kassāyaṃ saddo’’ti vutto ‘‘mātuyā te yānena gacchantiyā kaddame laggacakkaṃ uddharantānaṃ ayaṃ saddo’’ti vā evaṃ neva davā, na ravā aññaṃ bhaṇati, so āpattiṃ āpajjatiyeva. Aññā pūraṇakathā nāma hoti – eko gāme thokaṃ telaṃ labhitvā vihāraṃ āgato sāmaṇeraṃ bhaṇati ‘‘tvaṃ ajja kuhiṃ gato, gāmo ekatelo ahosī’’ti vā, pacchikāya ṭhapitaṃ pūvakhaṇḍaṃ labhitvā ‘‘ajja gāme pacchikāhi pūve cāresu’’nti vā, ayaṃ musāvādova hoti. Visaṃvādanapurekkhāratāti visaṃ vādenti etenāti visaṃvādanaṃ, vañcanādhippāyavasappavattaṃ cittaṃ, tassa purekkhāratā visaṃvādanapurekkhāratā, visaṃvādanacittassa purato karaṇanti attho.
мусааваад̣̇асигкаабад̣̇аван̣н̣анаа нидтид̇аа.
Musāvādasikkhāpadavaṇṇanā niṭṭhitā.
