| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
баажид̇д̇ияаван̣н̣анаа
Pācittiyavaṇṇanā
5. баажид̇д̇ияаган̣д̣о
5. Pācittiyakaṇḍo
1. мусааваад̣̇аваг̇г̇о
1. Musāvādavaggo
1. мусааваад̣̇асигкаабад̣̇аван̣н̣анаа
1. Musāvādasikkhāpadavaṇṇanā
1. ваад̣̇агкид̇д̇од̇и зд̇т̇а ависзсзна ваад̣̇аж̇аббавид̇ан̣д̣асан̇каад̇о д̇ивид̇хоби гат̇аамаг̇г̇о ‘‘ваад̣̇о’’ ижжзва вуд̇д̇од̇и взд̣̇ид̇аб̣б̣о. д̇зсу ‘‘д̇ид̇т̇иязхи сад̣̇д̇хи’’нд̇и важанад̇о табзд̇ваа ваад̣̇ам̣ ‘‘сзсаа’’д̇и вад̣̇анд̇и. чалаж̇аад̇иниг̇г̇ахадтаанагусалад̇ааяа гад̣̇аажи гад̇т̇ажи аваж̇аанид̇ваа бадиж̇аанаад̇и, д̇ат̇аа буб̣б̣з гин̃жи важанам̣ бадиж̇аанид̇ваа бажчаа аваж̇аанаад̇и. звам̣ ваа ан̃н̃ат̇аа ваа ан̃н̃знан̃н̃ам̣ бадижарад̇и. звам̣ бавад̇д̇о самбаж̇аанамусаа бхаасам̣ бадиссун̣ид̇ваа асажжааяанд̇о сан̇гзд̇ам̣ гад̇ваа висам̣ваад̣̇знд̇о звам̣ со ваад̣̇агкид̇д̇о самаано баажид̇д̇ияавад̇т̇ун̃жа барибуурзнд̇о вижарад̇ийд̇и звамад̇хиббааяо взд̣̇ид̇аб̣б̣о. ад̇д̇ано ваад̣̇зд̇и зд̇т̇а ‘‘саб̣б̣з д̇хаммаа анад̇д̇аа’’д̇и (д̇ха. ба. 279; жуул̣ани. аж̇ид̇амаан̣авабужчаанид̣̇д̣̇зса 7; нзд̇д̇и. 5; махаани. 27) батамамаарад̣̇д̇хз ад̇д̇ано ваад̣̇з. ‘‘яам̣ д̣̇угкам̣ д̇ад̣̇анад̇д̇аа’’д̇и (сам̣. ни. 3.15) но самаяо. ‘‘саб̣б̣з д̇хаммаа’’д̇и вуд̇д̇з ниб̣б̣аанамби сан̇г̇ахам̣ г̇ажчад̇и. ‘‘ниб̣б̣аанам̣ барамам̣ сука’’нд̇и (д̇ха. ба. 203-204; ма. ни. 2.215) вуд̇д̇ад̇д̇аа бана д̇ам̣ на д̣̇угкам̣. но таанамзд̇ам̣ виж̇ж̇ад̇и. аяам̣ бараваад̣̇ий ‘‘яам̣ д̣̇угкам̣ д̇ад̣̇анад̇д̇аа’’д̇и суд̇д̇ам̣ д̣̇ассзд̇ваа сид̣̇д̇ханд̇ам̣ самбхамзд̇ваа ‘‘вирод̇хи вируд̣̇д̇хо’’д̇и вуд̇д̇ам̣ д̣̇осам̣ ааробзссад̇ийд̇и д̇асмим̣ батамаваад̣̇з ган̃жи д̣̇осам̣ саллагкзнд̇о ааробид̇з ваа д̣̇осз анааробид̇з ваа ‘‘нааяам̣ мама ваад̣̇о’’д̇и д̇ам̣ аваж̇аанид̇ваа ‘‘ниб̣б̣аананд̇взва сассад̇а’’нд̇и, ‘‘анад̇д̇аа ид̇и нижчаяаа’’д̇и жа суд̇д̇ам̣ д̣̇исваа д̇асса батамаваад̣̇асса нид̣̇д̣̇осад̇ам̣ саллагкзд̇ваа ‘‘мамзва аяам̣ ваад̣̇о’’д̇и д̇амзва бажчаа бадиж̇аанаад̇и. звам̣ д̇ад̇т̇а яат̇аавуд̇д̇амаанисам̣сам̣ саллагкзнд̇о д̇ам̣ бадиж̇аанид̇ваа яад̣̇и анад̇д̇аа саб̣б̣з д̇хаммаа, д̇хаммаа зва на д̇з бхаванд̇и. сабхаавам̣ д̇хаарзнд̇ийд̇и хи ‘‘д̇хаммаа’’д̇и вужжанд̇и.
1.Vādakkhittoti ettha avisesena vādajappavitaṇḍasaṅkhāto tividhopi kathāmaggo ‘‘vādo’’ icceva vuttoti veditabbo. Tesu ‘‘titthiyehi saddhi’’nti vacanato ṭhapetvā vādaṃ ‘‘sesā’’ti vadanti. Chalajātiniggahaṭṭhānakusalatāya kadāci katthaci avajānitvā paṭijānāti, tathā pubbe kiñci vacanaṃ paṭijānitvā pacchā avajānāti. Evaṃ vā aññathā vā aññenaññaṃ paṭicarati. Evaṃ pavatto sampajānamusā bhāsaṃ paṭissuṇitvā asaccāyanto saṅketaṃ katvā visaṃvādento evaṃ so vādakkhitto samāno pācittiyavatthuñca paripūrento vicaratīti evamadhippāyo veditabbo. Attano vādeti ettha ‘‘sabbe dhammā anattā’’ti (dha. pa. 279; cūḷani. ajitamāṇavapucchāniddesa 7; netti. 5; mahāni. 27) paṭhamamāraddhe attano vāde. ‘‘Yaṃ dukkhaṃ tadanattā’’ti (saṃ. ni. 3.15) no samayo. ‘‘Sabbe dhammā’’ti vutte nibbānampi saṅgahaṃ gacchati. ‘‘Nibbānaṃ paramaṃ sukha’’nti (dha. pa. 203-204; ma. ni. 2.215) vuttattā pana taṃ na dukkhaṃ. No ṭhānametaṃ vijjati. Ayaṃ paravādī ‘‘yaṃ dukkhaṃ tadanattā’’ti suttaṃ dassetvā siddhantaṃ sambhametvā ‘‘virodhi viruddho’’ti vuttaṃ dosaṃ āropessatīti tasmiṃ paṭhamavāde kañci dosaṃ sallakkhento āropite vā dose anāropite vā ‘‘nāyaṃ mama vādo’’ti taṃ avajānitvā ‘‘nibbānantveva sassata’’nti, ‘‘anattā iti nicchayā’’ti ca suttaṃ disvā tassa paṭhamavādassa niddosataṃ sallakkhetvā ‘‘mameva ayaṃ vādo’’ti tameva pacchā paṭijānāti. Evaṃ tattha yathāvuttamānisaṃsaṃ sallakkhento taṃ paṭijānitvā yadi anattā sabbe dhammā, dhammā eva na te bhavanti. Sabhāvaṃ dhārentīti hi ‘‘dhammā’’ti vuccanti.
аяан̃жа ад̇д̇а-сад̣̇д̣̇о сабхаававаажийд̇и звам̣ ааробид̇з ваа д̣̇осз анааробид̇з ваа д̣̇осод̇и саллагкзд̇ваа ‘‘нааяам̣ мама ваад̣̇о’’д̇и д̇амзва батамаваад̣̇ам̣ бажчаа аваж̇аанаад̇и. ат̇а со бараваад̣̇ий сабагкам̣ бадисзд̇хз бадиж̇аананад̇д̇аабанаяанам̣ . бадиж̇аанаад̇и бад̇яаасса ид̇и важанад̇о ‘‘бадин̃н̃аа ан̃н̃аа со наама д̇з ниг̇г̇ахо’’д̇и вуд̇д̇о. сабхааваад̇ирид̇д̇ам̣ ад̇т̇ам̣ бадисзд̇хаад̇хиббааяад̇о сабхаавад̇о ад̇ирид̇д̇ам̣ б̣аалабаригаббид̇амад̇д̇аанам̣ санд̇хааяа ‘‘анад̇д̇аа саб̣б̣з д̇хаммаа’’д̇и мз бадин̃н̃аад̇агат̇аа, саа жа д̇ад̣̇авад̇т̇ааязваад̇и на мз д̇ам̣ бадин̃н̃аад̇ад̇д̇аабанаяанам̣ ад̇т̇и, ‘‘нааяам̣ мама ваад̣̇о’’д̇и аваж̇аананам̣ бана сабхаавасан̇каад̇ам̣ ад̇д̇аанам̣ санд̇хааяа ‘‘анад̇д̇аа саб̣б̣з д̇хаммаа’’д̇и на вад̣̇аамийд̇и ад̇хиббааязна гад̇анд̇и иминаа ан̃н̃зна гааран̣зна д̇ам̣ буб̣б̣з бадин̃н̃аад̇ад̇д̇аабанаяанам̣ гааран̣ам̣ бадижчаад̣̇зд̇и. ‘‘анад̇д̇аа саб̣б̣зва д̇хаммаа’’д̇и на вад̇д̇аб̣б̣ам̣ ‘‘ад̇д̇а-сад̣̇д̣̇асса сабхаававаажид̇д̇аа’’д̇и ид̣̇ам̣ гааран̣ам̣ бадижжа д̇зна буб̣б̣з бадин̃н̃аад̇ад̇д̇аабанаяанам̣ гад̇ам̣. д̇аман̃н̃агааран̣ам̣ бажчаа д̣̇ассид̇зна ан̃н̃зна гааран̣зна бадижчаад̣̇зд̇ийд̇и ад̇хиббааяо.
Ayañca atta-saddo sabhāvavācīti evaṃ āropite vā dose anāropite vā dosoti sallakkhetvā ‘‘nāyaṃ mama vādo’’ti tameva paṭhamavādaṃ pacchā avajānāti. Atha so paravādī sapakkhaṃ paṭisedhe paṭijānanattāpanayanaṃ . Paṭijānāti patyāssa iti vacanato ‘‘paṭiññā aññā so nāma te niggaho’’ti vutto. Sabhāvātirittaṃ atthaṃ paṭisedhādhippāyato sabhāvato atirittaṃ bālaparikappitamattānaṃ sandhāya ‘‘anattā sabbe dhammā’’ti me paṭiññātakathā, sā ca tadavatthāyevāti na me taṃ paṭiññātattāpanayanaṃ atthi, ‘‘nāyaṃ mama vādo’’ti avajānanaṃ pana sabhāvasaṅkhātaṃ attānaṃ sandhāya ‘‘anattā sabbe dhammā’’ti na vadāmīti adhippāyena katanti iminā aññena kāraṇena taṃ pubbe paṭiññātattāpanayanaṃ kāraṇaṃ paṭicchādeti. ‘‘Anattā sabbeva dhammā’’ti na vattabbaṃ ‘‘atta-saddassa sabhāvavācittā’’ti idaṃ kāraṇaṃ paṭicca tena pubbe paṭiññātattāpanayanaṃ kataṃ. Tamaññakāraṇaṃ pacchā dassitena aññena kāraṇena paṭicchādetīti adhippāyo.
яасмаа на гзвалам̣ яат̇аад̣̇ассид̇анаязна со ад̇т̇амзва аваж̇аанаад̇и, бадиж̇аанаад̇и жа, гинд̇у важанамби, д̇асмаа адтагат̇ааяам̣ (баажи. адта. 1) ‘‘ж̇аанид̇аб̣б̣ад̇о’’д̇и батамам̣ гааран̣ам̣ вад̇ваа бараваад̣̇инаа ‘‘яад̣̇и ж̇аанид̇аб̣б̣ад̇о анижжам̣, ниб̣б̣аанам̣ д̇з анижжам̣ сияаа’’д̇и вуд̇д̇з ‘‘на маяаа ‘ж̇аанид̇аб̣б̣ад̇о’д̇и гааран̣ам̣ вуд̇д̇ам̣, ‘ж̇аад̇ид̇хаммад̇о’д̇и маяаа вуд̇д̇ам̣, д̇ам̣ д̇аяаа б̣ад̇хирад̇ааяа ан̃н̃зна саллагкид̇анд̇иаад̣̇ийни вад̣̇ад̇ийд̇и ад̇хиббааяо. ‘ж̇аанид̇аб̣б̣ад̇о’д̇и вад̇ваа буна ‘ж̇аад̇ид̇хаммад̇о’д̇иаад̣̇ийни вад̣̇ад̇ий’’д̇и вуд̇д̇ам̣. ‘‘аваж̇аанид̇ваа буна бадиж̇аананд̇о д̇ам̣ аваж̇аананам̣ иминаа бадижчаад̣̇зд̇и наамаа’’д̇и ликид̇ам̣.
Yasmā na kevalaṃ yathādassitanayena so atthameva avajānāti, paṭijānāti ca, kintu vacanampi, tasmā aṭṭhakathāyaṃ (pāci. aṭṭha. 1) ‘‘jānitabbato’’ti paṭhamaṃ kāraṇaṃ vatvā paravādinā ‘‘yadi jānitabbato aniccaṃ, nibbānaṃ te aniccaṃ siyā’’ti vutte ‘‘na mayā ‘jānitabbato’ti kāraṇaṃ vuttaṃ, ‘jātidhammato’ti mayā vuttaṃ, taṃ tayā badhiratāya aññena sallakkhitantiādīni vadatīti adhippāyo. ‘Jānitabbato’ti vatvā puna ‘jātidhammato’tiādīni vadatī’’ti vuttaṃ. ‘‘Avajānitvā puna paṭijānanto taṃ avajānanaṃ iminā paṭicchādeti nāmā’’ti likhitaṃ.
2. ж̇аанид̇ваа ж̇аананд̇асса жаад̇и ж̇аанид̇ваа ваа ж̇аананд̇асса ваад̇и ад̇т̇ад̣̇ваяам̣ д̣̇ийбзд̇ийд̇и.
2.Jānitvā jānantassa cāti jānitvā vā jānantassa vāti atthadvayaṃ dīpetīti.
3. абижа мижчааваажаабарияаабаннаад̇и жад̇уб̣б̣ид̇хамижчааваажаабарияаабаннаа. сийхал̣аад̣̇инаамабхзд̣̇аг̇ад̇аад̇и гзжи, д̇асмаа звам̣ вад̣̇ад̇о важанам̣, д̇ам̣самудтаабигаа жзд̇анаад̇и убхаяам̣ вуд̇д̇анд̇и маад̇игааяам̣ убхиннам̣ сан̇г̇ахид̇ад̇д̇аа. вибхан̇г̇з д̇ам̣ важанам̣ яасмаа винаа вин̃н̃ад̇д̇ияаа над̇т̇и, д̇асмаа ‘‘ваажасигаа вин̃н̃ад̇д̇ий’’д̇и вин̃н̃ад̇д̇и жа д̣̇ассид̇аа. ‘‘звам̣ вад̣̇ад̇о важана’’нд̇и логавохаарзна вад̇ваа барамад̇т̇ад̇о д̣̇ассзнд̇о ‘‘д̇ам̣самудтаабигаа ваа жзд̇анаад̇и вуд̇д̇а’’нд̇и жа вад̣̇ад̇и. ол̣ааригзнзваад̇и жзд̇анаасамудтаанаваажаанам̣ сукумад̇д̇аа висаяавасзнзва гад̇аад̇и.
3. Apica micchāvācāpariyāpannāti catubbidhamicchāvācāpariyāpannā. Sīhaḷādināmabhedagatāti keci, tasmā evaṃ vadato vacanaṃ, taṃsamuṭṭhāpikā cetanāti ubhayaṃ vuttanti mātikāyaṃ ubhinnaṃ saṅgahitattā. Vibhaṅge taṃ vacanaṃ yasmā vinā viññattiyā natthi, tasmā ‘‘vācasikā viññattī’’ti viññatti ca dassitā. ‘‘Evaṃ vadato vacana’’nti lokavohārena vatvā paramatthato dassento ‘‘taṃsamuṭṭhāpikā vā cetanāti vutta’’nti ca vadati. Oḷārikenevāti cetanāsamuṭṭhānavācānaṃ sukhumattā visayavaseneva katāti.
9. д̣̇идтасса ход̇ийд̇и д̣̇идто асса, анзна ваа убажаараж̇жхаанавасзна на маяаа аб̣яаавадо мад̇о, ‘‘на маяаа баванд̇о бадо д̣̇идто’’д̇иаад̣̇им̣ бхан̣анд̇асса жа барамад̇т̇асун̃н̃ад̇ам̣ убаад̣̇ааяа зва ‘‘ид̇т̇им̣ на бассаами, на жа буриса’’нд̇и бхан̣анд̇асса жа на мусааваад̣̇о.
9.Diṭṭhassahotīti diṭṭho assa, anena vā upacārajjhānavasena na mayā abyāvaṭo mato, ‘‘na mayā pavanto paṭo diṭṭho’’tiādiṃ bhaṇantassa ca paramatthasuññataṃ upādāya eva ‘‘itthiṃ na passāmi, na ca purisa’’nti bhaṇantassa ca na musāvādo.
11. аабад̇д̇им̣ аабаж̇ж̇ад̇иязваад̇и зд̇т̇а ‘‘д̣̇уб̣бхаасид̇аабад̇д̇ий’’д̇и вад̣̇анд̇и. гасмаа? ‘‘гзл̣им̣ гурумаано’’д̇и вуд̇д̇ад̇д̇аа. ‘‘ваажаа г̇ираа…бз… ваажасигаа вин̃н̃ад̇д̇ий’’д̇и уж̇угам̣ санд̇хааяа, гааяо на уж̇уго.
11.Āpattiṃ āpajjatiyevāti ettha ‘‘dubbhāsitāpattī’’ti vadanti. Kasmā? ‘‘Keḷiṃ kurumāno’’ti vuttattā. ‘‘Vācā girā…pe… vācasikā viññattī’’ti ujukaṃ sandhāya, kāyo na ujuko.
мусааваад̣̇асигкаабад̣̇аван̣н̣анаа нидтид̇аа.
Musāvādasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. мусааваад̣̇асигкаабад̣̇а-ад̇т̇аяож̇анаа • 1. Musāvādasikkhāpada-atthayojanā
