| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяабидагз
Vinayapiṭake
вимад̇ивинод̣̇аний-дийгаа (д̣̇уд̇ияо бхааг̇о)
Vimativinodanī-ṭīkā (dutiyo bhāgo)
5. баажид̇д̇ияаган̣д̣ам̣
5. Pācittiyakaṇḍaṃ
1. мусааваад̣̇аваг̇г̇о
1. Musāvādavaggo
1. мусааваад̣̇асигкаабад̣̇аван̣н̣анаа
1. Musāvādasikkhāpadavaṇṇanā
1. мусааваад̣̇аваг̇г̇асса батамасигкаабад̣̇з куд̣̇д̣̇агаананд̇и зд̇т̇а ‘‘куд̣̇д̣̇ага-сад̣̇д̣̇о б̣аху-сад̣̇д̣̇абарияааяо’’д̇и вад̣̇анд̇и. д̇ад̇т̇аад̇и д̇зсу ваг̇г̇зсу, куд̣̇д̣̇агзсу ваа. ‘‘ж̇аанид̇аб̣б̣ад̇о’’д̇и хзд̇уно вибагкзби ниб̣б̣аанз вад̇д̇анад̇о анзганд̇игад̇д̇з барзхи вуд̇д̇з ‘‘на маяаа аяам̣ хзд̇у вуд̇д̇о’’д̇и д̇ам̣ гааран̣ам̣ бадижчаад̣̇зд̇ум̣ буна ‘‘ж̇аад̇ид̇хаммад̇од̇и маяаа вуд̇д̇а’’нд̇иаад̣̇ийни вад̣̇ад̇и. ‘‘самбаж̇аана’’нд̇и вад̇д̇аб̣б̣з анунаасигалобзна нид̣̇д̣̇зсод̇и ааха ‘‘ж̇аананд̇о’’д̇и.
1. Musāvādavaggassa paṭhamasikkhāpade khuddakānanti ettha ‘‘khuddaka-saddo bahu-saddapariyāyo’’ti vadanti. Tatthāti tesu vaggesu, khuddakesu vā. ‘‘Jānitabbato’’ti hetuno vipakkhepi nibbāne vattanato anekantikatte parehi vutte ‘‘na mayā ayaṃ hetu vutto’’ti taṃ kāraṇaṃ paṭicchādetuṃ puna ‘‘jātidhammatoti mayā vutta’’ntiādīni vadati. ‘‘Sampajāna’’nti vattabbe anunāsikalopena niddesoti āha ‘‘jānanto’’ti.
2. самбаж̇аанамусааваад̣̇зд̇и ад̇д̇анаа вужжамаанасса ад̇т̇асса вид̇ат̇абхаавам̣ буб̣б̣зби ж̇аанид̇ваа, важанагкан̣з жа ж̇аананд̇асса мусааваад̣̇абхан̣анз. д̇знааха ‘‘ж̇аанид̇ваа’’д̇иаад̣̇и. мусааваад̣̇зд̇и жа нимид̇д̇ад̇т̇з бхуммам̣, д̇асмаа мусаабхан̣ананимид̇д̇ам̣ баажид̇д̇ияанд̇и звамзд̇т̇а, ид̇о барзсуби ийд̣̇исзсу ад̇т̇о взд̣̇ид̇аб̣б̣о.
2.Sampajānamusāvādeti attanā vuccamānassa atthassa vitathabhāvaṃ pubbepi jānitvā, vacanakkhaṇe ca jānantassa musāvādabhaṇane. Tenāha ‘‘jānitvā’’tiādi. Musāvādeti ca nimittatthe bhummaṃ, tasmā musābhaṇananimittaṃ pācittiyanti evamettha, ito paresupi īdisesu attho veditabbo.
3. вад̣̇анд̇и зд̇ааяаад̇и ваажаад̇и ааха ‘‘мижчаа’’д̇иаад̣̇и. ‘‘д̇ханунаа виж̇жхад̇ий’’д̇иаад̣̇ийсу вияа ‘‘жагкунаа д̣̇идта’’нд̇и баагадавасзна вуд̇д̇анд̇и ааха ‘‘ол̣ааригзнаа’’д̇и.
3. Vadanti etāyāti vācāti āha ‘‘micchā’’tiādi. ‘‘Dhanunā vijjhatī’’tiādīsu viya ‘‘cakkhunā diṭṭha’’nti pākaṭavasena vuttanti āha ‘‘oḷārikenā’’ti.
11. г̇ад̇о бхависсад̇ийд̇и зд̇т̇ааби саннидтаанад̇о вуд̇д̇ад̇д̇аа мусааваад̣̇о ж̇аад̇о. аабад̇д̇инд̇и баажид̇д̇ияаабад̇д̇им̣, на д̣̇уб̣бхаасид̇ам̣. ж̇аад̇иаад̣̇ийхи д̣̇асахи аггосавад̇т̇уухи барам̣ д̣̇аваа вад̣̇анд̇асса хи д̇ам̣ ход̇и. жаарзсунд̇и убанзсум̣. вад̇т̇увибарийд̇ад̇аа, висам̣ваад̣̇анабурзгкаарад̇аа, яамад̇т̇ам̣ вад̇т̇угаамо, д̇асса буг̇г̇аласса вин̃н̃аабанабаяог̇о жаад̇и имаанзд̇т̇а д̇ийн̣и ан̇г̇аани. вад̇т̇увибарийд̇ад̇ааяа хи асад̇и висам̣ваад̣̇анабурзгкаарад̇ааяа вин̃н̃аабид̇зби мусааваад̣̇о на ход̇и, д̣̇уггадамад̇д̇амзва ход̇и. д̇асмаа сааби ан̇г̇амзваад̇и г̇ахзд̇аб̣б̣ам̣. уд̇д̇аримануссад̇хаммаарожанад̇т̇ам̣ мусаа бхан̣анд̇асса баарааж̇игам̣, барияааязна т̇уллажжаяам̣, амуулагзна баарааж̇игзна ануд̣̇д̇хам̣санад̇т̇ам̣ сан̇гхаад̣̇исзсо, сан̇гхаад̣̇исзсзнаануд̣̇д̇хам̣санаомасаваад̣̇аад̣̇ийсу баажид̇д̇ияам̣, анубасамбаннзсу д̣̇уггадам̣, уггадтахийнаж̇аад̇иаад̣̇ийхи д̣̇аваа аггосанд̇асса д̣̇уб̣бхаасид̇ам̣, гзвалам̣ мусаа бхан̣анд̇асса ид̇ха баажид̇д̇ияам̣ вуд̇д̇ам̣.
11.Gato bhavissatīti etthāpi sanniṭṭhānato vuttattā musāvādo jāto. Āpattinti pācittiyāpattiṃ, na dubbhāsitaṃ. Jātiādīhi dasahi akkosavatthūhi paraṃ davā vadantassa hi taṃ hoti. Cāresunti upanesuṃ. Vatthuviparītatā, visaṃvādanapurekkhāratā, yamatthaṃ vatthukāmo, tassa puggalassa viññāpanapayogo cāti imānettha tīṇi aṅgāni. Vatthuviparītatāya hi asati visaṃvādanapurekkhāratāya viññāpitepi musāvādo na hoti, dukkaṭamattameva hoti. Tasmā sāpi aṅgamevāti gahetabbaṃ. Uttarimanussadhammārocanatthaṃ musā bhaṇantassa pārājikaṃ, pariyāyena thullaccayaṃ, amūlakena pārājikena anuddhaṃsanatthaṃ saṅghādiseso, saṅghādisesenānuddhaṃsanaomasavādādīsu pācittiyaṃ, anupasampannesu dukkaṭaṃ, ukkaṭṭhahīnajātiādīhi davā akkosantassa dubbhāsitaṃ, kevalaṃ musā bhaṇantassa idha pācittiyaṃ vuttaṃ.
мусааваад̣̇асигкаабад̣̇аван̣н̣анаа нидтид̇аа.
Musāvādasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. мусааваад̣̇асигкаабад̣̇а-ад̇т̇аяож̇анаа • 1. Musāvādasikkhāpada-atthayojanā
