| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. мусааваад̣̇асуд̇д̇аван̣н̣анаа
5. Musāvādasuttavaṇṇanā
25. бан̃жамз згад̇хаммам̣ ад̇ийд̇ассаад̇и гаа уббад̇д̇и? бхаг̇авад̇о бхигкусан̇гхасса жа махаалаабхасаггааро уббаж̇ж̇и, д̇ид̇т̇ияаанам̣ барихааяи. д̇з хад̇алаабхасаггаараа ниббабхаа нид̇д̇зж̇аа иссаабагад̇аа жин̃жамаан̣авигам̣ наама бариб̣б̣ааж̇игам̣ уяяож̇зсум̣ – ‘‘зхи, д̇вам̣ бхаг̇ини, саман̣ам̣ г̇од̇амам̣ абхууд̇зна аб̣бхаажигкассуу’’д̇и. саа бхаг̇аванд̇ам̣ жад̇убарисамаж̇жхз д̇хаммам̣ д̣̇зсзнд̇ам̣ убаг̇анд̇ваа абхууд̇зна аб̣бхаажигкид̇ваа саггзнассаа абхууд̇абхаавз багаасид̇з махааж̇анзна ‘‘д̇хий гаал̣аган̣н̣ий’’д̇и вихаарад̇о ниггад̣дхаабид̇аа бат̇авияаа виварз д̣̇иннз авийжиж̇аалаанам̣ инд̇ханам̣ худ̇ваава авийжинираяз ниб̣б̣ад̇д̇и, бхияяосомад̇д̇ааяа д̇ид̇т̇ияаанам̣ лаабхасаггааро барихааяи. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, жин̃жамаан̣авигаа звам̣ ул̣аараг̇ун̣ам̣ аг̇г̇ад̣̇агкин̣зяяам̣ саммаасамб̣уд̣̇д̇хам̣ абхууд̇зна аггосид̇ваа махаавинаасам̣ бад̇д̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби саа мам̣ абхууд̇зна аггосид̇ваа махаавинаасам̣ бад̇д̇ааязваа’’д̇и махаабад̣̇умаж̇аад̇агамби вид̇т̇аарзд̇ваа убари д̇хаммам̣ д̣̇зсзнд̇о имиссаа адтуббад̇д̇ияаа ‘‘згад̇хаммам̣ ад̇ийд̇ассаа’’д̇и ид̣̇ам̣ суд̇д̇ам̣ д̣̇зсзси.
25. Pañcame ekadhammaṃ atītassāti kā uppatti? Bhagavato bhikkhusaṅghassa ca mahālābhasakkāro uppajji, titthiyānaṃ parihāyi. Te hatalābhasakkārā nippabhā nittejā issāpakatā ciñcamāṇavikaṃ nāma paribbājikaṃ uyyojesuṃ – ‘‘ehi, tvaṃ bhagini, samaṇaṃ gotamaṃ abhūtena abbhācikkhassū’’ti. Sā bhagavantaṃ catuparisamajjhe dhammaṃ desentaṃ upagantvā abhūtena abbhācikkhitvā sakkenassā abhūtabhāve pakāsite mahājanena ‘‘dhī kāḷakaṇṇī’’ti vihārato nikkaḍḍhāpitā pathaviyā vivare dinne avīcijālānaṃ indhanaṃ hutvāva avīciniraye nibbatti, bhiyyosomattāya titthiyānaṃ lābhasakkāro parihāyi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, ciñcamāṇavikā evaṃ uḷāraguṇaṃ aggadakkhiṇeyyaṃ sammāsambuddhaṃ abhūtena akkositvā mahāvināsaṃ pattā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi sā maṃ abhūtena akkositvā mahāvināsaṃ pattāyevā’’ti mahāpadumajātakampi vitthāretvā upari dhammaṃ desento imissā aṭṭhuppattiyā ‘‘ekadhammaṃ atītassā’’ti idaṃ suttaṃ desesi.
д̇ад̇т̇а згад̇хамманд̇и згам̣ важийсажжасан̇каад̇ам̣ д̇хаммам̣. ад̇ийд̇ассаад̇и яаа саа адта анарияавохаарз важ̇ж̇зд̇ваа адтасу арияавохаарзсу бад̇идтаабанад̇т̇ам̣ ‘‘сажжам̣ , бхан̣з, наалига’’нд̇и ариязхи табид̇аа марияаад̣̇аа, д̇ам̣ ад̇иггамид̇ваа тид̇асса. бурисо зва буг̇г̇алод̇и бурисабуг̇г̇ало, д̇асса. агаран̣ийяанд̇и гаад̇ум̣ асаггун̣зяяам̣. самбаж̇аанамусааваад̣̇ий хи буг̇г̇ало гин̃жи баабагаммам̣ гад̇ваа ‘‘ид̣̇ам̣ наама д̇аяаа гад̇а’’нд̇и вуд̇д̇з ‘‘на маяаа гад̇а’’нд̇и мусааваад̣̇знзва барихариссад̇и. зван̃жа бадибаж̇ж̇анд̇о гин̃жи баабагаммам̣ гарод̇иязва, на д̇ад̇т̇а лаж̇ж̇ад̇и сажжамарияаад̣̇ааяа самад̇игганд̇ад̇д̇аа. д̇зна вуд̇д̇ам̣ ‘‘гад̇амам̣ згад̇хаммам̣, яад̣̇ид̣̇ам̣, бхигкавз, самбаж̇аанамусааваад̣̇о’’д̇и.
Tattha ekadhammanti ekaṃ vacīsaccasaṅkhātaṃ dhammaṃ. Atītassāti yā sā aṭṭha anariyavohāre vajjetvā aṭṭhasu ariyavohāresu patiṭṭhāpanatthaṃ ‘‘saccaṃ , bhaṇe, nālika’’nti ariyehi ṭhapitā mariyādā, taṃ atikkamitvā ṭhitassa. Puriso eva puggaloti purisapuggalo, tassa. Akaraṇīyanti kātuṃ asakkuṇeyyaṃ. Sampajānamusāvādī hi puggalo kiñci pāpakammaṃ katvā ‘‘idaṃ nāma tayā kata’’nti vutte ‘‘na mayā kata’’nti musāvādeneva pariharissati. Evañca paṭipajjanto kiñci pāpakammaṃ karotiyeva, na tattha lajjati saccamariyādāya samatikkantattā. Tena vuttaṃ ‘‘katamaṃ ekadhammaṃ, yadidaṃ, bhikkhave, sampajānamusāvādo’’ti.
г̇аат̇ааяам̣ мусааваад̣̇иссаад̇и мусаа абхууд̇ам̣ ад̇ажчам̣ барзсам̣ вин̃н̃аабанавасзна вад̣̇анасийласса. яасса д̣̇асасу важанзсу згамби сажжам̣ над̇т̇и, зваруубз вад̇д̇аб̣б̣амзва над̇т̇и. ж̇анд̇унод̇и сад̇д̇асса. сад̇д̇о хи ж̇ааяанадтзна ‘‘ж̇анд̇уу’’д̇и вужжад̇и. вид̇ин̣н̣абаралогассаад̇и виссадтабаралогасса. ийд̣̇исо хи мануссасамбад̇д̇и д̣̇звалогасамбад̇д̇и авасаанз ниб̣б̣аанасамбад̇д̇ийд̇и имаа д̇иссоби самбад̇д̇ияо на бассад̇и. над̇т̇и баабанд̇и д̇асса д̇аад̣̇исасса ид̣̇ам̣ наама баабам̣ на гад̇д̇аб̣б̣анд̇и над̇т̇ийд̇и.
Gāthāyaṃ musāvādissāti musā abhūtaṃ atacchaṃ paresaṃ viññāpanavasena vadanasīlassa. Yassa dasasu vacanesu ekampi saccaṃ natthi, evarūpe vattabbameva natthi. Jantunoti sattassa. Satto hi jāyanaṭṭhena ‘‘jantū’’ti vuccati. Vitiṇṇaparalokassāti vissaṭṭhaparalokassa. Īdiso hi manussasampatti devalokasampatti avasāne nibbānasampattīti imā tissopi sampattiyo na passati. Natthi pāpanti tassa tādisassa idaṃ nāma pāpaṃ na kattabbanti natthīti.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 5. мусааваад̣̇асуд̇д̇ам̣ • 5. Musāvādasuttaṃ
