| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
мусааваад̣̇аваг̇г̇аван̣н̣анаа
Musāvādavaggavaṇṇanā
444. мусааваад̣̇аваг̇г̇з – баарааж̇игам̣ г̇ажчад̇ийд̇и баарааж̇игаг̇аамий; баарааж̇игаабад̇д̇ибхаавам̣ баабун̣аад̇ийд̇и ад̇т̇о. ид̇арзсуби зсзва наяо. д̇ад̇т̇а асанд̇ауд̇д̇аримануссад̇хаммаарожанамусааваад̣̇о баарааж̇игаг̇аамий, амуулагзна баарааж̇игзна ануд̣̇д̇хам̣санамусааваад̣̇о сан̇гхаад̣̇исзсаг̇аамий, ‘‘яо д̇з вихаарз васад̇ий’’д̇иаад̣̇инаа барияааязна ж̇аананд̇асса вуд̇д̇амусааваад̣̇о т̇уллажжаяаг̇аамий, аж̇аананд̇асса д̣̇уггадаг̇аамий, ‘‘самбаж̇аанамусааваад̣̇з баажид̇д̇ияа’’нд̇и ааг̇ад̇о баажид̇д̇ияаг̇аамийд̇и взд̣̇ид̇аб̣б̣о.
444. Musāvādavagge – pārājikaṃ gacchatīti pārājikagāmī; pārājikāpattibhāvaṃ pāpuṇātīti attho. Itaresupi eseva nayo. Tattha asantauttarimanussadhammārocanamusāvādo pārājikagāmī, amūlakena pārājikena anuddhaṃsanamusāvādo saṅghādisesagāmī, ‘‘yo te vihāre vasatī’’tiādinā pariyāyena jānantassa vuttamusāvādo thullaccayagāmī, ajānantassa dukkaṭagāmī, ‘‘sampajānamusāvāde pācittiya’’nti āgato pācittiyagāmīti veditabbo.
ад̣̇ассанзнаад̇и винаяад̇харасса ад̣̇ассанзна. габбияаагаббиязсу хи гуггужжз уббаннз винаяад̇харам̣ д̣̇исваа габбияаагаббияабхаавам̣ бадибужчид̇ваа агаббияам̣ бахааяа габбияам̣ гарзяяа, д̇ам̣ абассанд̇о бана агаббияамби габбияанд̇и гаронд̇о аабаж̇ж̇ад̇и. звам̣ аабаж̇ж̇ид̇аб̣б̣ам̣ аабад̇д̇им̣ винаяад̇харасса д̣̇ассанзна наабаж̇ж̇ад̇и, ад̣̇ассанзнзва аабаж̇ж̇ад̇и, д̇зна вуд̇д̇ам̣ ‘‘ад̣̇ассанзнаа’’д̇и. ассаванзнаад̇и згавихаарзби васанд̇о бана винаяад̇харасса убадтаанам̣ г̇анд̇ваа габбияаагаббияам̣ абужчид̇ваа ваа ан̃н̃зсан̃жа вужжамаанам̣ асун̣анд̇о аабаж̇ж̇ад̇иязва, д̇зна вуд̇д̇ам̣ ‘‘ассаванзнаа’’д̇и. басуд̇д̇агад̇аад̇и басуд̇д̇агад̇ааяа. сахаг̇аарасзяяан̃хи басуд̇д̇агабхаавзнаби аабаж̇ж̇ад̇и. агаббияз габбияасан̃н̃ид̇ааяа аабаж̇ж̇анд̇о бана д̇ат̇аасан̃н̃ий аабаж̇ж̇ад̇и. сад̇исаммосаа згарад̇д̇аад̇иггамаад̣̇ивасзна аабаж̇ж̇ид̇аб̣б̣ам̣ аабаж̇ж̇ад̇и. сзсам̣ саб̣б̣ад̇т̇а уд̇д̇аанамзваад̇и.
Adassanenāti vinayadharassa adassanena. Kappiyākappiyesu hi kukkucce uppanne vinayadharaṃ disvā kappiyākappiyabhāvaṃ paṭipucchitvā akappiyaṃ pahāya kappiyaṃ kareyya, taṃ apassanto pana akappiyampi kappiyanti karonto āpajjati. Evaṃ āpajjitabbaṃ āpattiṃ vinayadharassa dassanena nāpajjati, adassaneneva āpajjati, tena vuttaṃ ‘‘adassanenā’’ti. Assavanenāti ekavihārepi vasanto pana vinayadharassa upaṭṭhānaṃ gantvā kappiyākappiyaṃ apucchitvā vā aññesañca vuccamānaṃ asuṇanto āpajjatiyeva, tena vuttaṃ ‘‘assavanenā’’ti. Pasuttakatāti pasuttakatāya. Sahagāraseyyañhi pasuttakabhāvenapi āpajjati. Akappiye kappiyasaññitāya āpajjanto pana tathāsaññī āpajjati. Satisammosā ekarattātikkamādivasena āpajjitabbaṃ āpajjati. Sesaṃ sabbattha uttānamevāti.
мусааваад̣̇аваг̇г̇аван̣н̣анаа нидтид̇аа.
Musāvādavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 7. мусааваад̣̇аваг̇г̇о • 7. Musāvādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / мусааваад̣̇аваг̇г̇аван̣н̣анаа • Musāvādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / мусааваад̣̇аваг̇г̇аван̣н̣анаа • Musāvādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / мусааваад̣̇аваг̇г̇аван̣н̣анаа • Musāvādavaggavaṇṇanā
