| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਮੁਸਾવਾਦવਗ੍ਗવਣ੍ਣਨਾ
Musāvādavaggavaṇṇanā
੪੪੪. ਮੁਸਾવਾਦવਗ੍ਗੇ – ਪਾਰਾਜਿਕਂ ਗਚ੍ਛਤੀਤਿ ਪਾਰਾਜਿਕਗਾਮੀ; ਪਾਰਾਜਿਕਾਪਤ੍ਤਿਭਾવਂ ਪਾਪੁਣਾਤੀਤਿ ਅਤ੍ਥੋ। ਇਤਰੇਸੁਪਿ ਏਸੇવ ਨਯੋ। ਤਤ੍ਥ ਅਸਨ੍ਤਉਤ੍ਤਰਿਮਨੁਸ੍ਸਧਮ੍ਮਾਰੋਚਨਮੁਸਾવਾਦੋ ਪਾਰਾਜਿਕਗਾਮੀ, ਅਮੂਲਕੇਨ ਪਾਰਾਜਿਕੇਨ ਅਨੁਦ੍ਧਂਸਨਮੁਸਾવਾਦੋ ਸਙ੍ਘਾਦਿਸੇਸਗਾਮੀ, ‘‘ਯੋ ਤੇ વਿਹਾਰੇ વਸਤੀ’’ਤਿਆਦਿਨਾ ਪਰਿਯਾਯੇਨ ਜਾਨਨ੍ਤਸ੍ਸ વੁਤ੍ਤਮੁਸਾવਾਦੋ ਥੁਲ੍ਲਚ੍ਚਯਗਾਮੀ, ਅਜਾਨਨ੍ਤਸ੍ਸ ਦੁਕ੍ਕਟਗਾਮੀ, ‘‘ਸਮ੍ਪਜਾਨਮੁਸਾવਾਦੇ ਪਾਚਿਤ੍ਤਿਯ’’ਨ੍ਤਿ ਆਗਤੋ ਪਾਚਿਤ੍ਤਿਯਗਾਮੀਤਿ વੇਦਿਤਬ੍ਬੋ।
444. Musāvādavagge – pārājikaṃ gacchatīti pārājikagāmī; pārājikāpattibhāvaṃ pāpuṇātīti attho. Itaresupi eseva nayo. Tattha asantauttarimanussadhammārocanamusāvādo pārājikagāmī, amūlakena pārājikena anuddhaṃsanamusāvādo saṅghādisesagāmī, ‘‘yo te vihāre vasatī’’tiādinā pariyāyena jānantassa vuttamusāvādo thullaccayagāmī, ajānantassa dukkaṭagāmī, ‘‘sampajānamusāvāde pācittiya’’nti āgato pācittiyagāmīti veditabbo.
ਅਦਸ੍ਸਨੇਨਾਤਿ વਿਨਯਧਰਸ੍ਸ ਅਦਸ੍ਸਨੇਨ। ਕਪ੍ਪਿਯਾਕਪ੍ਪਿਯੇਸੁ ਹਿ ਕੁਕ੍ਕੁਚ੍ਚੇ ਉਪ੍ਪਨ੍ਨੇ વਿਨਯਧਰਂ ਦਿਸ੍વਾ ਕਪ੍ਪਿਯਾਕਪ੍ਪਿਯਭਾવਂ ਪਟਿਪੁਚ੍ਛਿਤ੍વਾ ਅਕਪ੍ਪਿਯਂ ਪਹਾਯ ਕਪ੍ਪਿਯਂ ਕਰੇਯ੍ਯ, ਤਂ ਅਪਸ੍ਸਨ੍ਤੋ ਪਨ ਅਕਪ੍ਪਿਯਮ੍ਪਿ ਕਪ੍ਪਿਯਨ੍ਤਿ ਕਰੋਨ੍ਤੋ ਆਪਜ੍ਜਤਿ। ਏવਂ ਆਪਜ੍ਜਿਤਬ੍ਬਂ ਆਪਤ੍ਤਿਂ વਿਨਯਧਰਸ੍ਸ ਦਸ੍ਸਨੇਨ ਨਾਪਜ੍ਜਤਿ, ਅਦਸ੍ਸਨੇਨੇવ ਆਪਜ੍ਜਤਿ, ਤੇਨ વੁਤ੍ਤਂ ‘‘ਅਦਸ੍ਸਨੇਨਾ’’ਤਿ। ਅਸ੍ਸવਨੇਨਾਤਿ ਏਕવਿਹਾਰੇਪਿ વਸਨ੍ਤੋ ਪਨ વਿਨਯਧਰਸ੍ਸ ਉਪਟ੍ਠਾਨਂ ਗਨ੍ਤ੍વਾ ਕਪ੍ਪਿਯਾਕਪ੍ਪਿਯਂ ਅਪੁਚ੍ਛਿਤ੍વਾ વਾ ਅਞ੍ਞੇਸਞ੍ਚ વੁਚ੍ਚਮਾਨਂ ਅਸੁਣਨ੍ਤੋ ਆਪਜ੍ਜਤਿਯੇવ, ਤੇਨ વੁਤ੍ਤਂ ‘‘ਅਸ੍ਸવਨੇਨਾ’’ਤਿ। ਪਸੁਤ੍ਤਕਤਾਤਿ ਪਸੁਤ੍ਤਕਤਾਯ। ਸਹਗਾਰਸੇਯ੍ਯਞ੍ਹਿ ਪਸੁਤ੍ਤਕਭਾવੇਨਪਿ ਆਪਜ੍ਜਤਿ। ਅਕਪ੍ਪਿਯੇ ਕਪ੍ਪਿਯਸਞ੍ਞਿਤਾਯ ਆਪਜ੍ਜਨ੍ਤੋ ਪਨ ਤਥਾਸਞ੍ਞੀ ਆਪਜ੍ਜਤਿ। ਸਤਿਸਮ੍ਮੋਸਾ ਏਕਰਤ੍ਤਾਤਿਕ੍ਕਮਾਦਿવਸੇਨ ਆਪਜ੍ਜਿਤਬ੍ਬਂ ਆਪਜ੍ਜਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Adassanenāti vinayadharassa adassanena. Kappiyākappiyesu hi kukkucce uppanne vinayadharaṃ disvā kappiyākappiyabhāvaṃ paṭipucchitvā akappiyaṃ pahāya kappiyaṃ kareyya, taṃ apassanto pana akappiyampi kappiyanti karonto āpajjati. Evaṃ āpajjitabbaṃ āpattiṃ vinayadharassa dassanena nāpajjati, adassaneneva āpajjati, tena vuttaṃ ‘‘adassanenā’’ti. Assavanenāti ekavihārepi vasanto pana vinayadharassa upaṭṭhānaṃ gantvā kappiyākappiyaṃ apucchitvā vā aññesañca vuccamānaṃ asuṇanto āpajjatiyeva, tena vuttaṃ ‘‘assavanenā’’ti. Pasuttakatāti pasuttakatāya. Sahagāraseyyañhi pasuttakabhāvenapi āpajjati. Akappiye kappiyasaññitāya āpajjanto pana tathāsaññī āpajjati. Satisammosā ekarattātikkamādivasena āpajjitabbaṃ āpajjati. Sesaṃ sabbattha uttānamevāti.
ਮੁਸਾવਾਦવਗ੍ਗવਣ੍ਣਨਾ ਨਿਟ੍ਠਿਤਾ।
Musāvādavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੭. ਮੁਸਾવਾਦવਗ੍ਗੋ • 7. Musāvādavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਮੁਸਾવਾਦવਗ੍ਗવਣ੍ਣਨਾ • Musāvādavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਮੁਸਾવਾਦવਗ੍ਗવਣ੍ਣਨਾ • Musāvādavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વੋਹਾਰવਗ੍ਗਾਦਿવਣ੍ਣਨਾ • Vohāravaggādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਮੁਸਾવਾਦવਗ੍ਗવਣ੍ਣਨਾ • Musāvādavaggavaṇṇanā
