Library / Tipiṭaka / তিপিটক • Tipiṭaka / মহাৰিভঙ্গ • Mahāvibhaṅga

॥ নমো তস্স ভগৰতো অরহতো সম্মাসম্বুদ্ধস্স॥

Namo tassa bhagavato arahato sammāsambuddhassa

ৰিনযপিটকে

Vinayapiṭake

পাচিত্তিযপাল়ি

Pācittiyapāḷi

৫. পাচিত্তিযকণ্ডং

5. Pācittiyakaṇḍaṃ

১. মুসাৰাদৰগ্গো

1. Musāvādavaggo

১. মুসাৰাদসিক্খাপদং

1. Musāvādasikkhāpadaṃ

ইমে খো পনাযস্মন্তো দ্ৰেনৰুতি পাচিত্তিযা

Ime kho panāyasmanto dvenavuti pācittiyā

ধম্মা উদ্দেসং আগচ্ছন্তি।

Dhammā uddesaṃ āgacchanti.

১. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন হত্থকো সক্যপুত্তো ৰাদক্খিত্তো হোতি। সো তিত্থিযেহি সদ্ধিং সল্লপন্তো অৰজানিত্ৰা পটিজানাতি, পটিজানিত্ৰা অৰজানাতি, অঞ্ঞেনঞ্ঞং পটিচরতি, সম্পজানমুসা ভাসতি, সঙ্কেতং কত্ৰা ৰিসংৰাদেতি। তিত্থিযা উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম হত্থকো সক্যপুত্তো অম্হেহি সদ্ধিং সল্লপন্তো অৰজানিত্ৰা পটিজানিস্সতি, পটিজানিত্ৰা অৰজানিস্সতি, অঞ্ঞেনঞ্ঞং পটিচরিস্সতি, সম্পজানমুসা ভাসিস্সতি, সঙ্কেতং কত্ৰা ৰিসংৰাদেস্সতী’’তি!

1. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena hatthako sakyaputto vādakkhitto hoti. So titthiyehi saddhiṃ sallapanto avajānitvā paṭijānāti, paṭijānitvā avajānāti, aññenaññaṃ paṭicarati, sampajānamusā bhāsati, saṅketaṃ katvā visaṃvādeti. Titthiyā ujjhāyanti khiyyanti vipācenti – ‘‘kathañhi nāma hatthako sakyaputto amhehi saddhiṃ sallapanto avajānitvā paṭijānissati, paṭijānitvā avajānissati, aññenaññaṃ paṭicarissati, sampajānamusā bhāsissati, saṅketaṃ katvā visaṃvādessatī’’ti!

অস্সোসুং খো ভিক্খূ তেসং তিত্থিযানং উজ্ঝাযন্তানং খিয্যন্তানং ৰিপাচেন্তানং। অথ খো তে ভিক্খূ যেন হত্থকো সক্যপুত্তো তেনুপসঙ্কমিংসু; উপসঙ্কমিত্ৰা হত্থকং সক্যপুত্তং এতদৰোচুং – ‘‘সচ্চং কির ত্ৰং, আৰুসো হত্থক, তিত্থিযেহি সদ্ধিং সল্লপন্তো অৰজানিত্ৰা পটিজানাসি, পটিজানিত্ৰা অৰজানাসি, অঞ্ঞেনঞ্ঞং পটিচরসি, সম্পজানমুসা ভাসসি, সঙ্কেতং কত্ৰা ৰিসংৰাদেসী’’তি? ‘‘এতে খো, আৰুসো, তিত্থিযা নাম যেন কেনচি জেতব্বা; নেৰ তেসং জযো দাতব্বো’’তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম হত্থকো সক্যপুত্তো তিত্থিযেহি সদ্ধিং সল্লপন্তো অৰজানিত্ৰা পটিজানিস্সতি, পটিজানিত্ৰা অৰজানিস্সতি, অঞ্ঞেনঞ্ঞং পটিচরিস্সতি, সম্পজানমুসা ভাসিস্সতি, সঙ্কেতং কত্ৰা ৰিসংৰাদেস্সতী’’তি!

Assosuṃ kho bhikkhū tesaṃ titthiyānaṃ ujjhāyantānaṃ khiyyantānaṃ vipācentānaṃ. Atha kho te bhikkhū yena hatthako sakyaputto tenupasaṅkamiṃsu; upasaṅkamitvā hatthakaṃ sakyaputtaṃ etadavocuṃ – ‘‘saccaṃ kira tvaṃ, āvuso hatthaka, titthiyehi saddhiṃ sallapanto avajānitvā paṭijānāsi, paṭijānitvā avajānāsi, aññenaññaṃ paṭicarasi, sampajānamusā bhāsasi, saṅketaṃ katvā visaṃvādesī’’ti? ‘‘Ete kho, āvuso, titthiyā nāma yena kenaci jetabbā; neva tesaṃ jayo dātabbo’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma hatthako sakyaputto titthiyehi saddhiṃ sallapanto avajānitvā paṭijānissati, paṭijānitvā avajānissati, aññenaññaṃ paṭicarissati, sampajānamusā bhāsissati, saṅketaṃ katvā visaṃvādessatī’’ti!

অথ খো তে ভিক্খূ হত্থকং সক্যপুত্তং অনেকপরিযাযেন ৰিগরহিত্ৰা ভগৰতো এতমত্থং আরোচেসুং। অথ খো ভগৰা এতস্মিং নিদানে এতস্মিং পকরণে ভিক্খুসঙ্ঘং সন্নিপাতাপেত্ৰা হত্থকং সক্যপুত্তং পটিপুচ্ছি – ‘‘সচ্চং কির ত্ৰং, হত্থক, তিত্থিযেহি সদ্ধিং সল্লপন্তো অৰজানিত্ৰা পটিজানাসি, পটিজানিত্ৰা অৰজানাসি, অঞ্ঞেনঞ্ঞং পটিচরসি, সম্পজানমুসা ভাসসি, সঙ্কেতং কত্ৰা ৰিসংৰাদেসী’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম ত্ৰং, মোঘপুরিস, তিত্থিযেহি সদ্ধিং সল্লপন্তো অৰজানিত্ৰা পটিজানিস্সসি, পটিজানিত্ৰা অৰজানিস্সসি, অঞ্ঞেনঞ্ঞং পটিচরিস্সসি, সম্পজানমুসা ভাসিস্সসি, সঙ্কেতং কত্ৰা ৰিসংৰাদেস্সসি! নেতং, মোঘপুরিস, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

Atha kho te bhikkhū hatthakaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā hatthakaṃ sakyaputtaṃ paṭipucchi – ‘‘saccaṃ kira tvaṃ, hatthaka, titthiyehi saddhiṃ sallapanto avajānitvā paṭijānāsi, paṭijānitvā avajānāsi, aññenaññaṃ paṭicarasi, sampajānamusā bhāsasi, saṅketaṃ katvā visaṃvādesī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, titthiyehi saddhiṃ sallapanto avajānitvā paṭijānissasi, paṭijānitvā avajānissasi, aññenaññaṃ paṭicarissasi, sampajānamusā bhāsissasi, saṅketaṃ katvā visaṃvādessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

২. ‘‘সম্পজানমুসাৰাদে পাচিত্তিয’’ন্তি।

2.‘‘Sampajānamusāvāde pācittiya’’nti.

৩. সম্পজানমুসাৰাদো নাম ৰিসংৰাদনপুরেক্খারস্স ৰাচা, গিরা, ব্যপ্পথো, ৰচীভেদো, ৰাচসিকা ৰিঞ্ঞত্তি, অট্ঠ অনরিযৰোহারা – অদিট্ঠং দিট্ঠং মেতি, অস্সুতং সুতং মেতি, অমুতং মুতং মেতি, অৰিঞ্ঞাতং ৰিঞ্ঞাতং মেতি, দিট্ঠং অদিট্ঠং মেতি, সুতং অস্সুতং মেতি , মুতং অমুতং মেতি, ৰিঞ্ঞাতং অৰিঞ্ঞাতং মেতি।

3.Sampajānamusāvādo nāma visaṃvādanapurekkhārassa vācā, girā, byappatho, vacībhedo, vācasikā viññatti, aṭṭha anariyavohārā – adiṭṭhaṃ diṭṭhaṃ meti, assutaṃ sutaṃ meti, amutaṃ mutaṃ meti, aviññātaṃ viññātaṃ meti, diṭṭhaṃ adiṭṭhaṃ meti, sutaṃ assutaṃ meti , mutaṃ amutaṃ meti, viññātaṃ aviññātaṃ meti.

অদিট্ঠং নাম ন চক্খুনা দিট্ঠং। অস্সুতং নাম ন সোতেন সুতং। অমুতং নাম ন ঘানেন ঘাযিতং, ন জিৰ্হায সাযিতং, ন কাযেন ফুট্ঠং। অৰিঞ্ঞাতং নাম ন মনসা ৰিঞ্ঞাতং। দিট্ঠং নাম চক্খুনা দিট্ঠং। সুতং নাম সোতেন সুতং। মুতং নাম ঘানেন ঘাযিতং, জিৰ্হায সাযিতং, কাযেন ফুট্ঠং। ৰিঞ্ঞাতং নাম মনসা ৰিঞ্ঞাতং।

Adiṭṭhaṃ nāma na cakkhunā diṭṭhaṃ. Assutaṃ nāma na sotena sutaṃ. Amutaṃ nāma na ghānena ghāyitaṃ, na jivhāya sāyitaṃ, na kāyena phuṭṭhaṃ. Aviññātaṃ nāma na manasā viññātaṃ. Diṭṭhaṃ nāma cakkhunā diṭṭhaṃ. Sutaṃ nāma sotena sutaṃ. Mutaṃ nāma ghānena ghāyitaṃ, jivhāya sāyitaṃ, kāyena phuṭṭhaṃ. Viññātaṃ nāma manasā viññātaṃ.

৪. তীহাকারেহি ‘‘অদিট্ঠং দিট্ঠং মে’’তি সম্পজানমুসা ভণন্তস্স আপত্তি পাচিত্তিযস্স – পুব্বেৰস্স হোতি ‘‘মুসা ভণিস্স’’ন্তি, ভণন্তস্স হোতি ‘‘মুসা ভণামী’’তি, ভণিতস্স হোতি ‘‘মুসা মযা ভণিত’’ন্তি।

4. Tīhākārehi ‘‘adiṭṭhaṃ diṭṭhaṃ me’’ti sampajānamusā bhaṇantassa āpatti pācittiyassa – pubbevassa hoti ‘‘musā bhaṇissa’’nti, bhaṇantassa hoti ‘‘musā bhaṇāmī’’ti, bhaṇitassa hoti ‘‘musā mayā bhaṇita’’nti.

চতূহাকারেহি ‘‘অদিট্ঠং দিট্ঠং মে’’তি সম্পজানমুসা ভণন্তস্স আপত্তি পাচিত্তিযস্স – পুব্বেৰস্স হোতি ‘‘মুসা ভণিস্স’’ন্তি, ভণন্তস্স হোতি ‘‘মুসা ভণামী’’তি, ভণিতস্স হোতি ‘‘মুসা মযা ভণিত’’ন্তি, ৰিনিধায দিট্ঠিং।

Catūhākārehi ‘‘adiṭṭhaṃ diṭṭhaṃ me’’ti sampajānamusā bhaṇantassa āpatti pācittiyassa – pubbevassa hoti ‘‘musā bhaṇissa’’nti, bhaṇantassa hoti ‘‘musā bhaṇāmī’’ti, bhaṇitassa hoti ‘‘musā mayā bhaṇita’’nti, vinidhāya diṭṭhiṃ.

পঞ্চহাকারেহি ‘‘অদিট্ঠং দিট্ঠং মে’’তি সম্পজানমুসা ভণন্তস্স আপত্তি পাচিত্তিযস্স – পুব্বেৰস্স হোতি ‘‘মুসা ভণিস্স’’ন্তি, ভণন্তস্স হোতি ‘‘মুসা ভণামী’’তি, ভণিতস্স হোতি ‘‘মুসা মযা ভণিত’’ন্তি, ৰিনিধায দিট্ঠিং, ৰিনিধায খন্তিং।

Pañcahākārehi ‘‘adiṭṭhaṃ diṭṭhaṃ me’’ti sampajānamusā bhaṇantassa āpatti pācittiyassa – pubbevassa hoti ‘‘musā bhaṇissa’’nti, bhaṇantassa hoti ‘‘musā bhaṇāmī’’ti, bhaṇitassa hoti ‘‘musā mayā bhaṇita’’nti, vinidhāya diṭṭhiṃ, vinidhāya khantiṃ.

ছহাকারেহি ‘‘অদিট্ঠং দিট্ঠং মে’’তি সম্পজানমুসা ভণন্তস্স আপত্তি পাচিত্তিযস্স – পুব্বেৰস্স হোতি ‘‘মুসা ভণিস্স’’ন্তি, ভণন্তস্স হোতি ‘‘মুসা ভণামী’’তি, ভণিতস্স হোতি ‘‘মুসা মযা ভণিত’’ন্তি , ৰিনিধায দিট্ঠিং, ৰিনিধায খন্তিং, ৰিনিধায রুচিং।

Chahākārehi ‘‘adiṭṭhaṃ diṭṭhaṃ me’’ti sampajānamusā bhaṇantassa āpatti pācittiyassa – pubbevassa hoti ‘‘musā bhaṇissa’’nti, bhaṇantassa hoti ‘‘musā bhaṇāmī’’ti, bhaṇitassa hoti ‘‘musā mayā bhaṇita’’nti , vinidhāya diṭṭhiṃ, vinidhāya khantiṃ, vinidhāya ruciṃ.

সত্তহাকারেহি ‘‘অদিট্ঠং দিট্ঠং মে’’তি সম্পজানমুসা ভণন্তস্স আপত্তি পাচিত্তিযস্স’’ – পুব্বেৰস্স হোতি ‘‘মুসা ভণিস্স’’ন্তি, ভণন্তস্স হোতি ‘‘মুসা ভণামী’’তি, ভণিতস্স হোতি ‘‘মুসা মযা ভণিত’’ন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Sattahākārehi ‘‘adiṭṭhaṃ diṭṭhaṃ me’’ti sampajānamusā bhaṇantassa āpatti pācittiyassa’’ – pubbevassa hoti ‘‘musā bhaṇissa’’nti, bhaṇantassa hoti ‘‘musā bhaṇāmī’’ti, bhaṇitassa hoti ‘‘musā mayā bhaṇita’’nti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

৫. তীহাকারেহি ‘‘অস্সুতং সুতং মে’’তি…পে॰… অমুতং মুতং মেতি…পে॰… অৰিঞ্ঞাতং ৰিঞ্ঞাতং মেতি সম্পজানমুসা ভণন্তস্স আপত্তি পাচিত্তিযস্স – পুব্বেৰস্স হোতি ‘‘মুসা ভণিস্স’’ন্তি, ভণন্তস্স হোতি ‘‘মুসা ভণামী’’তি, ভণিতস্স হোতি ‘‘মুসা মযা ভণিত’’ন্তি।

5. Tīhākārehi ‘‘assutaṃ sutaṃ me’’ti…pe… amutaṃ mutaṃ meti…pe… aviññātaṃ viññātaṃ meti sampajānamusā bhaṇantassa āpatti pācittiyassa – pubbevassa hoti ‘‘musā bhaṇissa’’nti, bhaṇantassa hoti ‘‘musā bhaṇāmī’’ti, bhaṇitassa hoti ‘‘musā mayā bhaṇita’’nti.

চতূহাকারেহি…পে॰… পঞ্চহাকারেহি…পে॰… ছহাকারেহি…পে॰… সত্তহাকারেহি ‘‘অৰিঞ্ঞাতং ৰিঞ্ঞাতং মে’’তি সম্পজানমুসা ভণন্তস্স আপত্তি পাচিত্তিযস্স – পুব্বেৰস্স হোতি ‘‘মুসা ভণিস্স’’ন্তি, ভণন্তস্স হোতি ‘‘মুসা ভণামী’’তি, ভণিতস্স হোতি ‘‘মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Catūhākārehi…pe… pañcahākārehi…pe… chahākārehi…pe… sattahākārehi ‘‘aviññātaṃ viññātaṃ me’’ti sampajānamusā bhaṇantassa āpatti pācittiyassa – pubbevassa hoti ‘‘musā bhaṇissa’’nti, bhaṇantassa hoti ‘‘musā bhaṇāmī’’ti, bhaṇitassa hoti ‘‘musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

৬. তীহাকারেহি ‘‘অদিট্ঠং দিট্ঠঞ্চ মে সুতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি ‘‘অদিট্ঠং দিট্ঠঞ্চ মে মুতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি ‘‘অদিট্ঠং দিট্ঠঞ্চ মে ৰিঞ্ঞাতঞ্চা’’তি সম্পজানমুসা ভণন্তস্স আপত্তি পাচিত্তিযস্স …পে॰… তীহাকারেহি অদিট্ঠং ‘‘দিট্ঠঞ্চ মে সুতঞ্চ মুতঞ্চা’’তি…পে॰… তীহাকারেহি অদিট্ঠং ‘‘দিট্ঠঞ্চ মে সুতঞ্চ ৰিঞ্ঞাতঞ্চা’’তি…পে॰… তীহাকারেহি অদিট্ঠং ‘‘দিট্ঠঞ্চ মে সুতঞ্চ মুতঞ্চ ৰিঞ্ঞাতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰…।

6. Tīhākārehi ‘‘adiṭṭhaṃ diṭṭhañca me sutañcā’’ti sampajānamusā bhaṇantassa āpatti pācittiyassa…pe… tīhākārehi ‘‘adiṭṭhaṃ diṭṭhañca me mutañcā’’ti sampajānamusā bhaṇantassa āpatti pācittiyassa…pe… tīhākārehi ‘‘adiṭṭhaṃ diṭṭhañca me viññātañcā’’ti sampajānamusā bhaṇantassa āpatti pācittiyassa …pe… tīhākārehi adiṭṭhaṃ ‘‘diṭṭhañca me sutañca mutañcā’’ti…pe… tīhākārehi adiṭṭhaṃ ‘‘diṭṭhañca me sutañca viññātañcā’’ti…pe… tīhākārehi adiṭṭhaṃ ‘‘diṭṭhañca me sutañca mutañca viññātañcā’’ti sampajānamusā bhaṇantassa āpatti pācittiyassa…pe….

তীহাকারেহি অস্সুতং ‘‘সুতঞ্চ মে মুতঞ্চা’’তি…পে॰… তীহাকারেহি অস্সুতং ‘‘সুতঞ্চ মে ৰিঞ্ঞাতঞ্চা’’তি…পে॰… তীহাকারেহি অস্সুতং ‘‘সুতঞ্চ মে দিট্ঠঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি অস্সুতং ‘‘সুতঞ্চ মে মুতঞ্চ ৰিঞ্ঞাতঞ্চা’’তি…পে॰… তীহাকারেহি অস্সুতং ‘‘সুতঞ্চ মে মুতঞ্চ দিট্ঠঞ্চা’’তি…পে॰… তীহাকারেহি অস্সুতং ‘‘সুতঞ্চ মে মুতঞ্চ ৰিঞ্ঞাতঞ্চ দিট্ঠঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰…।

Tīhākārehi assutaṃ ‘‘sutañca me mutañcā’’ti…pe… tīhākārehi assutaṃ ‘‘sutañca me viññātañcā’’ti…pe… tīhākārehi assutaṃ ‘‘sutañca me diṭṭhañcā’’ti sampajānamusā bhaṇantassa āpatti pācittiyassa…pe… tīhākārehi assutaṃ ‘‘sutañca me mutañca viññātañcā’’ti…pe… tīhākārehi assutaṃ ‘‘sutañca me mutañca diṭṭhañcā’’ti…pe… tīhākārehi assutaṃ ‘‘sutañca me mutañca viññātañca diṭṭhañcā’’ti sampajānamusā bhaṇantassa āpatti pācittiyassa…pe….

তীহাকারেহি অমুতং ‘‘মুতঞ্চ মে ৰিঞ্ঞাতঞ্চা’’তি…পে॰… তীহাকারেহি অমুতং ‘‘মুতঞ্চ মে দিট্ঠঞ্চা’’তি…পে॰… তীহাকারেহি অমুতং ‘‘মুতঞ্চ মে সুতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি অমুতং ‘‘মুতঞ্চ মে ৰিঞ্ঞাতঞ্চ দিট্ঠঞ্চা’’তি…পে॰… তীহাকারেহি অমুতং ‘‘মুতঞ্চ মে ৰিঞ্ঞাতঞ্চ সুতঞ্চা’’তি…পে॰… তীহাকারেহি অমুতং ‘‘মুতঞ্চ মে ৰিঞ্ঞাতঞ্চ দিট্ঠঞ্চ সুতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰…।

Tīhākārehi amutaṃ ‘‘mutañca me viññātañcā’’ti…pe… tīhākārehi amutaṃ ‘‘mutañca me diṭṭhañcā’’ti…pe… tīhākārehi amutaṃ ‘‘mutañca me sutañcā’’ti sampajānamusā bhaṇantassa āpatti pācittiyassa…pe… tīhākārehi amutaṃ ‘‘mutañca me viññātañca diṭṭhañcā’’ti…pe… tīhākārehi amutaṃ ‘‘mutañca me viññātañca sutañcā’’ti…pe… tīhākārehi amutaṃ ‘‘mutañca me viññātañca diṭṭhañca sutañcā’’ti sampajānamusā bhaṇantassa āpatti pācittiyassa…pe….

তীহাকারেহি অৰিঞ্ঞাতং ‘‘ৰিঞ্ঞাতঞ্চ মে দিট্ঠঞ্চা’’তি…পে॰… তীহাকারেহি অৰিঞ্ঞাতং ‘‘ৰিঞ্ঞাতঞ্চ মে সুতঞ্চা’’তি…পে॰… তীহাকারেহি অৰিঞ্ঞাতং ‘‘ৰিঞ্ঞাতঞ্চ মে মুতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি অৰিঞ্ঞাতং ‘‘ৰিঞ্ঞাতঞ্চ মে দিট্ঠঞ্চ সুতঞ্চা’’তি…পে॰… তীহাকারেহি অৰিঞ্ঞাতং ‘‘ৰিঞ্ঞাতঞ্চ মে দিট্ঠঞ্চ মুতঞ্চা’’তি…পে॰… তীহাকারেহি অৰিঞ্ঞাতং ‘‘ৰিঞ্ঞাতঞ্চ মে দিট্ঠঞ্চ সুতঞ্চ মুতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰…।

Tīhākārehi aviññātaṃ ‘‘viññātañca me diṭṭhañcā’’ti…pe… tīhākārehi aviññātaṃ ‘‘viññātañca me sutañcā’’ti…pe… tīhākārehi aviññātaṃ ‘‘viññātañca me mutañcā’’ti sampajānamusā bhaṇantassa āpatti pācittiyassa…pe… tīhākārehi aviññātaṃ ‘‘viññātañca me diṭṭhañca sutañcā’’ti…pe… tīhākārehi aviññātaṃ ‘‘viññātañca me diṭṭhañca mutañcā’’ti…pe… tīhākārehi aviññātaṃ ‘‘viññātañca me diṭṭhañca sutañca mutañcā’’ti sampajānamusā bhaṇantassa āpatti pācittiyassa…pe….

৭. তীহাকারেহি দিট্ঠং ‘‘অদিট্ঠং মে’’তি…পে॰… সুতং ‘‘অস্সুতং মে’’তি…পে॰… মুতং ‘‘অমুতং মে’’তি…পে॰… ৰিঞ্ঞাতং ‘‘অৰিঞ্ঞাতং মে’’তি সম্পজানমুসা ভণন্তস্স আপত্তি পাচিত্তিযস্স…পে॰…।

7. Tīhākārehi diṭṭhaṃ ‘‘adiṭṭhaṃ me’’ti…pe… sutaṃ ‘‘assutaṃ me’’ti…pe… mutaṃ ‘‘amutaṃ me’’ti…pe… viññātaṃ ‘‘aviññātaṃ me’’ti sampajānamusā bhaṇantassa āpatti pācittiyassa…pe….

৮. তীহাকারেহি দিট্ঠং ‘‘সুতং মে’’তি…পে॰… তীহাকারেহি দিট্ঠং ‘‘মুতং মে’’তি…পে॰… তীহাকারেহি দিট্ঠং ‘‘ৰিঞ্ঞাতং মে’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি দিট্ঠং ‘‘সুতঞ্চ মে মুতঞ্চা’’তি…পে॰… তীহাকারেহি দিট্ঠং ‘‘সুতঞ্চ মে ৰিঞ্ঞাতঞ্চা’’তি…পে॰… তীহাকারেহি দিট্ঠং ‘‘সুতঞ্চ মে মুতঞ্চ ৰিঞ্ঞাতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰…।

8. Tīhākārehi diṭṭhaṃ ‘‘sutaṃ me’’ti…pe… tīhākārehi diṭṭhaṃ ‘‘mutaṃ me’’ti…pe… tīhākārehi diṭṭhaṃ ‘‘viññātaṃ me’’ti sampajānamusā bhaṇantassa āpatti pācittiyassa…pe… tīhākārehi diṭṭhaṃ ‘‘sutañca me mutañcā’’ti…pe… tīhākārehi diṭṭhaṃ ‘‘sutañca me viññātañcā’’ti…pe… tīhākārehi diṭṭhaṃ ‘‘sutañca me mutañca viññātañcā’’ti sampajānamusā bhaṇantassa āpatti pācittiyassa…pe….

তীহাকারেহি সুতং ‘‘মুতং মে’’তি…পে॰… তীহাকারেহি সুতং ‘‘ৰিঞ্ঞাতং মে’’তি…পে॰… তীহাকারেহি সুতং ‘‘দিট্ঠং মে’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি সুতং ‘‘মুতঞ্চ মে ৰিঞ্ঞাতঞ্চা’’তি…পে॰… তীহাকারেহি সুতং ‘‘মুতঞ্চ মে দিট্ঠঞ্চা’’তি…পে॰… তীহাকারেহি সুতং ‘‘মুতঞ্চ মে ৰিঞ্ঞাতঞ্চ দিট্ঠঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰…।

Tīhākārehi sutaṃ ‘‘mutaṃ me’’ti…pe… tīhākārehi sutaṃ ‘‘viññātaṃ me’’ti…pe… tīhākārehi sutaṃ ‘‘diṭṭhaṃ me’’ti sampajānamusā bhaṇantassa āpatti pācittiyassa…pe… tīhākārehi sutaṃ ‘‘mutañca me viññātañcā’’ti…pe… tīhākārehi sutaṃ ‘‘mutañca me diṭṭhañcā’’ti…pe… tīhākārehi sutaṃ ‘‘mutañca me viññātañca diṭṭhañcā’’ti sampajānamusā bhaṇantassa āpatti pācittiyassa…pe….

তীহাকারেহি মুতং ‘‘ৰিঞ্ঞাতং মে’’তি…পে॰… তীহাকারেহি মুতং ‘‘দিট্ঠং মে’’তি…পে॰… তীহাকারেহি মুতং ‘‘সুতং মে’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি মুতং ‘‘ৰিঞ্ঞাতঞ্চ মে দিট্ঠঞ্চা’’তি…পে॰… তীহাকারেহি মুতং ‘‘ৰিঞ্ঞাতঞ্চ মে সুতঞ্চা’’তি…পে॰… তীহাকারেহি মুতং ‘‘ৰিঞ্ঞাতঞ্চ মে দিট্ঠঞ্চ সুতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰…।

Tīhākārehi mutaṃ ‘‘viññātaṃ me’’ti…pe… tīhākārehi mutaṃ ‘‘diṭṭhaṃ me’’ti…pe… tīhākārehi mutaṃ ‘‘sutaṃ me’’ti sampajānamusā bhaṇantassa āpatti pācittiyassa…pe… tīhākārehi mutaṃ ‘‘viññātañca me diṭṭhañcā’’ti…pe… tīhākārehi mutaṃ ‘‘viññātañca me sutañcā’’ti…pe… tīhākārehi mutaṃ ‘‘viññātañca me diṭṭhañca sutañcā’’ti sampajānamusā bhaṇantassa āpatti pācittiyassa…pe….

তীহাকারেহি ৰিঞ্ঞাতং ‘‘দিট্ঠং মে’’তি…পে॰… তীহাকারেহি ৰিঞ্ঞাতং ‘‘সুতং মে’’তি …পে॰… তীহাকারেহি ৰিঞ্ঞাতং ‘‘মুতং মে’’তি সম্পজানমুসা ভণন্তস্স আপত্তি পাচিত্তিযস্স…পে॰… তীহাকারেহি ৰিঞ্ঞাতং ‘‘দিট্ঠঞ্চ মে সুতঞ্চা’’তি…পে॰… তীহাকারেহি ৰিঞ্ঞাতং ‘‘দিট্ঠঞ্চ মে মুতঞ্চা’’তি…পে॰… তীহাকারেহি ৰিঞ্ঞাতং ‘‘দিট্ঠঞ্চ মে সুতঞ্চ মুতঞ্চা’’তি সম্পজানমুসা ভণন্তস্স আপত্তি পাচিত্তিযস্স…পে॰…।

Tīhākārehi viññātaṃ ‘‘diṭṭhaṃ me’’ti…pe… tīhākārehi viññātaṃ ‘‘sutaṃ me’’ti …pe… tīhākārehi viññātaṃ ‘‘mutaṃ me’’ti sampajānamusā bhaṇantassa āpatti pācittiyassa…pe… tīhākārehi viññātaṃ ‘‘diṭṭhañca me sutañcā’’ti…pe… tīhākārehi viññātaṃ ‘‘diṭṭhañca me mutañcā’’ti…pe… tīhākārehi viññātaṃ ‘‘diṭṭhañca me sutañca mutañcā’’ti sampajānamusā bhaṇantassa āpatti pācittiyassa…pe….

৯. তীহাকারেহি দিট্ঠে ৰেমতিকো দিট্ঠং নোকপ্পেতি, দিট্ঠং নস্সরতি , দিট্ঠং পমুট্ঠো হোতি…পে॰… সুতে ৰেমতিকো সুতং নোকপ্পেতি, সুতং নস্সরতি, সুতং পমুট্ঠো হোতি…পে॰… মুতে ৰেমতিকো মুতং নোকপ্পেতি, মুতং নস্সরতি, মুতং পমুট্ঠো হোতি…পে॰… ৰিঞ্ঞাতে ৰেমতিকো ৰিঞ্ঞাতং নোকপ্পেতি, ৰিঞ্ঞাতং নস্সরতি, ৰিঞ্ঞাতং পমুট্ঠো হোতি… ৰিঞ্ঞাতঞ্চ মে দিট্ঠঞ্চাতি…পে॰… ৰিঞ্ঞাতং পমুট্ঠো হোতি ৰিঞ্ঞাতঞ্চ মে সুতঞ্চাতি…পে॰… ৰিঞ্ঞাতং পমুট্ঠো হোতি; ৰিঞ্ঞাতঞ্চ মে মুতঞ্চাতি…পে॰… ৰিঞ্ঞাতং পমুট্ঠো হোতি; ৰিঞ্ঞাতঞ্চ মে দিট্ঠঞ্চ সুতঞ্চাতি…পে॰… ৰিঞ্ঞাতং পমুট্ঠো হোতি; ৰিঞ্ঞাতঞ্চ মে দিট্ঠঞ্চ মুতঞ্চাতি…পে॰… ৰিঞ্ঞাতং পমুট্ঠো হোতি; ৰিঞ্ঞাতঞ্চ মে দিট্ঠঞ্চ সুতঞ্চ মুতঞ্চাতি সম্পজানমুসা ভণন্তস্স আপত্তি পাচিত্তিযস্স।

9. Tīhākārehi diṭṭhe vematiko diṭṭhaṃ nokappeti, diṭṭhaṃ nassarati , diṭṭhaṃ pamuṭṭho hoti…pe… sute vematiko sutaṃ nokappeti, sutaṃ nassarati, sutaṃ pamuṭṭho hoti…pe… mute vematiko mutaṃ nokappeti, mutaṃ nassarati, mutaṃ pamuṭṭho hoti…pe… viññāte vematiko viññātaṃ nokappeti, viññātaṃ nassarati, viññātaṃ pamuṭṭho hoti… viññātañca me diṭṭhañcāti…pe… viññātaṃ pamuṭṭho hoti viññātañca me sutañcāti…pe… viññātaṃ pamuṭṭho hoti; viññātañca me mutañcāti…pe… viññātaṃ pamuṭṭho hoti; viññātañca me diṭṭhañca sutañcāti…pe… viññātaṃ pamuṭṭho hoti; viññātañca me diṭṭhañca mutañcāti…pe… viññātaṃ pamuṭṭho hoti; viññātañca me diṭṭhañca sutañca mutañcāti sampajānamusā bhaṇantassa āpatti pācittiyassa.

১০. চতূহাকারেহি…পে॰… পঞ্চহাকারেহি…পে॰… ছহাকারেহি…পে॰… সত্তহাকারেহি…পে॰… ৰিঞ্ঞাতং পমুট্ঠো হোতি, ৰিঞ্ঞাতঞ্চ মে দিট্ঠঞ্চ সুতঞ্চ মুতঞ্চাতি সম্পজানমুসা ভণন্তস্স আপত্তি পাচিত্তিযস্স – পুব্বেৰস্স হোতি ‘‘মুসা ভণিস্স’’ন্তি, ভণন্তস্স হোতি ‘‘মুসা ভণামী’’তি, ভণিতস্স হোতি ‘‘মুসা মযা ভণিত’’ন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

10. Catūhākārehi…pe… pañcahākārehi…pe… chahākārehi…pe… sattahākārehi…pe… viññātaṃ pamuṭṭho hoti, viññātañca me diṭṭhañca sutañca mutañcāti sampajānamusā bhaṇantassa āpatti pācittiyassa – pubbevassa hoti ‘‘musā bhaṇissa’’nti, bhaṇantassa hoti ‘‘musā bhaṇāmī’’ti, bhaṇitassa hoti ‘‘musā mayā bhaṇita’’nti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

১১. অনাপত্তি দৰা ভণতি, রৰা ভণতি ¹। ‘‘দৰা ভণতি নাম সহসা ভণতি। রৰা ভণতি নাম ‘অঞ্ঞং ভণিস্সামী’তি অঞ্ঞং ভণতি’’। উম্মত্তকস্স, আদিকম্মিকস্সাতি।

11. Anāpatti davā bhaṇati, ravā bhaṇati ². ‘‘Davā bhaṇati nāma sahasā bhaṇati. Ravā bhaṇati nāma ‘aññaṃ bhaṇissāmī’ti aññaṃ bhaṇati’’. Ummattakassa, ādikammikassāti.

মুসাৰাদসিক্খাপদং নিট্ঠিতং পঠমং।

Musāvādasikkhāpadaṃ niṭṭhitaṃ paṭhamaṃ.

২. ওমসৰাদসিক্খাপদং

2. Omasavādasikkhāpadaṃ

১২. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে । তেন খো পন সমযেন ছব্বগ্গিযা ভিক্খূ পেসলেহি ভিক্খূহি সদ্ধিং ভণ্ডন্তা ³ পেসলে ভিক্খূ ওমসন্তি – জাতিযাপি, নামেনপি, গোত্তেনপি, কম্মেনপি, সিপ্পেনপি, আবাধেনপি, লিঙ্গেনপি, কিলেসেনপি, আপত্তিযাপি; হীনেনপি অক্কোসেন খুংসেন্তি ৰম্ভেন্তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ছব্বগ্গিযা ভিক্খূ পেসলেহি ভিক্খূহি সদ্ধিং ভণ্ডন্তা পেসলে ভিক্খূ ওমসিস্সন্তি – জাতিযাপি, নামেনপি, গোত্তেনপি, কম্মেনপি, সিপ্পেনপি, আবাধেনপি, লিঙ্গেনপি, কিলেসেনপি, আপত্তিযাপি; হীনেনপি অক্কোসেন খুংসেস্সন্তি ৰম্ভেস্সন্তী’’তি!

12. Tena samayena buddho bhagavā sāvatthiyaṃ viharati jetavane anāthapiṇḍikassa ārāme . Tena kho pana samayena chabbaggiyā bhikkhū pesalehi bhikkhūhi saddhiṃ bhaṇḍantā ⁴ pesale bhikkhū omasanti – jātiyāpi, nāmenapi, gottenapi, kammenapi, sippenapi, ābādhenapi, liṅgenapi, kilesenapi, āpattiyāpi; hīnenapi akkosena khuṃsenti vambhenti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū pesalehi bhikkhūhi saddhiṃ bhaṇḍantā pesale bhikkhū omasissanti – jātiyāpi, nāmenapi, gottenapi, kammenapi, sippenapi, ābādhenapi, liṅgenapi, kilesenapi, āpattiyāpi; hīnenapi akkosena khuṃsessanti vambhessantī’’ti!

অথ খো তে ভিক্খূ ছব্বগ্গিযে ভিক্খূ অনেকপরিযাযেন ৰিগরহিত্ৰা ভগৰতো এতমত্থং আরোচেসুং…পে॰… সচ্চং কির তুম্হে, ভিক্খৰে, পেসলেহি ভিক্খূহি সদ্ধিং ভণ্ডন্তা পেসলে ভিক্খূ ওমসথ – জাতিযাপি…পে॰… হীনেনপি অক্কোসেন খুংসেথ ৰম্ভেথাতি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, পেসলেহি ভিক্খূহি সদ্ধিং ভণ্ডন্তা পেসলে ভিক্খূ ওমসিস্সথ – জাতিযাপি…পে॰… হীনেনপি অক্কোসেন খুংসেস্সথ ৰম্ভেস্সথ ! নেতং, মোঘপুরিসা, অপ্পসন্নানং ৰা পসাদায…পে॰… ৰিগরহিত্ৰা…পে॰… ধম্মিং কথং কত্ৰা ভিক্খূ আমন্তেসি –

Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… saccaṃ kira tumhe, bhikkhave, pesalehi bhikkhūhi saddhiṃ bhaṇḍantā pesale bhikkhū omasatha – jātiyāpi…pe… hīnenapi akkosena khuṃsetha vambhethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, pesalehi bhikkhūhi saddhiṃ bhaṇḍantā pesale bhikkhū omasissatha – jātiyāpi…pe… hīnenapi akkosena khuṃsessatha vambhessatha ! Netaṃ, moghapurisā, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi –

১৩. ‘‘ভূতপুব্বং, ভিক্খৰে, তক্কসিলাযং ⁵ অঞ্ঞতরস্স ব্রাহ্মণস্স নন্দিৰিসালো নাম বলীবদ্দো ⁶ অহোসি। অথ খো, ভিক্খৰে, নন্দিৰিসালো বলীবদ্দো তং ব্রাহ্মণং এতদৰোচ – ‘‘গচ্ছ ত্ৰং, ব্রাহ্মণ, সেট্ঠিনা সদ্ধিং সহস্সেন অব্ভুতং করোহি – ময্হং বলীবদ্দো সকটসতং অতিবদ্ধং পৰট্টেস্সতী’’তি। অথ খো, ভিক্খৰে, সো ব্রাহ্মণো সেট্ঠিনা সদ্ধিং সহস্সেন অব্ভুতং অকাসি – ময্হং বলীবদ্দো সকটসতং অতিবদ্ধং পৰট্টেস্সতীতি। অথ খো, ভিক্খৰে, সো ব্রাহ্মণো সকটসতং অতিবন্ধিত্ৰা নন্দিৰিসালং বলীবদ্দং যুঞ্জিত্ৰা এতদৰোচ – ‘‘গচ্ছ, কূট ⁷, ৰহস্সু, কূটা’তি। অথ খো, ভিক্খৰে, নন্দিৰিসালো বলীবদ্দো তত্থেৰ অট্ঠাসি। অথ খো, ভিক্খৰে, সো ব্রাহ্মণো সহস্সেন পরাজিতো পজ্ঝাযি। অথ খো, ভিক্খৰে, নন্দিৰিসালো বলীবদ্দো তং ব্রাহ্মণং এতদৰোচ – ‘‘কিস্স ত্ৰং, ব্রাহ্মণ, পজ্ঝাযসী’’তি? ‘তথা হি পনাহং, ভো, তযা সহস্সেন পরাজিতো’’তি। ‘কিস্স পন মং ত্ৰং, ব্রাহ্মণ, অকূটং কূটৰাদেন পাপেসি? গচ্ছ ত্ৰং, ব্রাহ্মণ, সেট্ঠিনা সদ্ধিং দ্ৰীহি সহস্সেহি অব্ভুতং করোহি – ‘‘ময্হং বলীবদ্দো সকটসতং অতিবদ্ধং পৰট্টেস্সতী’’তি। ‘‘মা চ মং অকূটং কূটৰাদেন পাপেসী’’তি। অথ খো, ভিক্খৰে, সো ব্রাহ্মণো সেট্ঠিনা সদ্ধিং দ্ৰীহি সহস্সেহি অব্ভুতং অকাসি – ‘‘ময্হং বলীবদ্দো সকটসতং অতিবদ্ধং পৰট্টেস্সতী’’তি। অথ খো, ভিক্খৰে, সো ব্রাহ্মণো সকটসতং অতিবন্ধিত্ৰা নন্দিৰিসালং বলীবদ্দং যুঞ্জিত্ৰা এতদৰোচ – ‘‘অচ্ছ, ভদ্র, ৰহস্সু, ভদ্রা’’তি। অথ খো, ভিক্খৰে, নন্দিৰিসালো বলীবদ্দো সকটসতং অতিবদ্ধং পৰট্টেসি।

13. ‘‘Bhūtapubbaṃ, bhikkhave, takkasilāyaṃ ⁸ aññatarassa brāhmaṇassa nandivisālo nāma balībaddo ⁹ ahosi. Atha kho, bhikkhave, nandivisālo balībaddo taṃ brāhmaṇaṃ etadavoca – ‘‘gaccha tvaṃ, brāhmaṇa, seṭṭhinā saddhiṃ sahassena abbhutaṃ karohi – mayhaṃ balībaddo sakaṭasataṃ atibaddhaṃ pavaṭṭessatī’’ti. Atha kho, bhikkhave, so brāhmaṇo seṭṭhinā saddhiṃ sahassena abbhutaṃ akāsi – mayhaṃ balībaddo sakaṭasataṃ atibaddhaṃ pavaṭṭessatīti. Atha kho, bhikkhave, so brāhmaṇo sakaṭasataṃ atibandhitvā nandivisālaṃ balībaddaṃ yuñjitvā etadavoca – ‘‘gaccha, kūṭa ¹⁰, vahassu, kūṭā’ti. Atha kho, bhikkhave, nandivisālo balībaddo tattheva aṭṭhāsi. Atha kho, bhikkhave, so brāhmaṇo sahassena parājito pajjhāyi. Atha kho, bhikkhave, nandivisālo balībaddo taṃ brāhmaṇaṃ etadavoca – ‘‘kissa tvaṃ, brāhmaṇa, pajjhāyasī’’ti? ‘Tathā hi panāhaṃ, bho, tayā sahassena parājito’’ti. ‘Kissa pana maṃ tvaṃ, brāhmaṇa, akūṭaṃ kūṭavādena pāpesi? Gaccha tvaṃ, brāhmaṇa, seṭṭhinā saddhiṃ dvīhi sahassehi abbhutaṃ karohi – ‘‘mayhaṃ balībaddo sakaṭasataṃ atibaddhaṃ pavaṭṭessatī’’ti. ‘‘Mā ca maṃ akūṭaṃ kūṭavādena pāpesī’’ti. Atha kho, bhikkhave, so brāhmaṇo seṭṭhinā saddhiṃ dvīhi sahassehi abbhutaṃ akāsi – ‘‘mayhaṃ balībaddo sakaṭasataṃ atibaddhaṃ pavaṭṭessatī’’ti. Atha kho, bhikkhave, so brāhmaṇo sakaṭasataṃ atibandhitvā nandivisālaṃ balībaddaṃ yuñjitvā etadavoca – ‘‘accha, bhadra, vahassu, bhadrā’’ti. Atha kho, bhikkhave, nandivisālo balībaddo sakaṭasataṃ atibaddhaṃ pavaṭṭesi.

¹¹ ‘‘মনাপমেৰ ভাসেয্য, না, মনাপং কুদাচনং।

¹² ‘‘Manāpameva bhāseyya, nā, manāpaṃ kudācanaṃ;

মনাপং ভাসমানস্স, গরুং ভারং উদব্বহি।

Manāpaṃ bhāsamānassa, garuṃ bhāraṃ udabbahi;

ধনঞ্চ নং অলাভেসি, তেন চ, ত্তমনো অহূতি॥

Dhanañca naṃ alābhesi, tena ca, ttamano ahūti.

‘‘তদাপি মে, ভিক্খৰে, অমনাপা খুংসনা ৰম্ভনা। কিমঙ্গং পন এতরহি মনাপা ভৰিস্সতি খুংসনা ৰম্ভনা? নেতং, ভিক্খৰে, অপ্পসন্নানং ৰা পসাদায…পে॰…। ‘‘এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

‘‘Tadāpi me, bhikkhave, amanāpā khuṃsanā vambhanā. Kimaṅgaṃ pana etarahi manāpā bhavissati khuṃsanā vambhanā? Netaṃ, bhikkhave, appasannānaṃ vā pasādāya…pe…. ‘‘Evañca pana, bhikkhave, imaṃ sikkhāpadaṃ uddiseyyātha –

১৪. ‘‘ওমসৰাদে পাচিত্তিয’’ন্তি।

14.‘‘Omasavāde pācittiya’’nti.

১৫. ওমসৰাদো নাম দসহি আকারেহি ওমসতি – জাতিযাপি, নামেনপি, গোত্তেনপি, কম্মেনপি, সিপ্পেনপি, আবাধেনপি, লিঙ্গেনপি, কিলেসেনপি, আপত্তিযাপি, অক্কোসেনপি।

15.Omasavādo nāma dasahi ākārehi omasati – jātiyāpi, nāmenapi, gottenapi, kammenapi, sippenapi, ābādhenapi, liṅgenapi, kilesenapi, āpattiyāpi, akkosenapi.

জাতি নাম দ্ৰে জাতিযো – হীনা চ জাতি উক্কট্ঠা চ জাতি। হীনা নাম জাতি – চণ্ডালজাতি, ৰেনজাতি, নেসাদজাতি, রথকারজাতি, পুক্কুসজাতি। এসা হীনা নাম জাতি। উক্কট্ঠা নাম জাতি – খত্তিযজাতি, ব্রাহ্মণজাতি। এসা উক্কট্ঠা নাম জাতি।

Jāti nāma dve jātiyo – hīnā ca jāti ukkaṭṭhā ca jāti. Hīnā nāma jāti – caṇḍālajāti, venajāti, nesādajāti, rathakārajāti, pukkusajāti. Esā hīnā nāma jāti. Ukkaṭṭhā nāma jāti – khattiyajāti, brāhmaṇajāti. Esā ukkaṭṭhā nāma jāti.

নামং নাম দ্ৰে নামানি – হীনঞ্চ নামং উক্কট্ঠঞ্চ নামং । হীনং নাম নামং – অৰকণ্ণকং, জৰকণ্ণকং, ধনিট্ঠকং, সৰিট্ঠকং, কুলৰড্ঢকং, তেসু তেসু ৰা পন জনপদেসু ওঞ্ঞাতং অৰঞ্ঞাতং হীল়িতং পরিভূতং অচিত্তীকতং, এতং হীনং নাম নামং। উক্কট্ঠং নাম নামং – বুদ্ধপ্পটিসংযুত্তং, ধম্মপ্পটিসংযুত্তং, সঙ্ঘপ্পটিসংযুত্তং, তেসু তেসু ৰা পন জনপদেসু অনোঞ্ঞাতং অনৰঞ্ঞাতং অহীল়িতং অপরিভূতং চিত্তীকতং, এতং উক্কট্ঠং নাম নামং।

Nāmaṃ nāma dve nāmāni – hīnañca nāmaṃ ukkaṭṭhañca nāmaṃ . Hīnaṃ nāma nāmaṃ – avakaṇṇakaṃ, javakaṇṇakaṃ, dhaniṭṭhakaṃ, saviṭṭhakaṃ, kulavaḍḍhakaṃ, tesu tesu vā pana janapadesu oññātaṃ avaññātaṃ hīḷitaṃ paribhūtaṃ acittīkataṃ, etaṃ hīnaṃ nāma nāmaṃ. Ukkaṭṭhaṃ nāma nāmaṃ – buddhappaṭisaṃyuttaṃ, dhammappaṭisaṃyuttaṃ, saṅghappaṭisaṃyuttaṃ, tesu tesu vā pana janapadesu anoññātaṃ anavaññātaṃ ahīḷitaṃ aparibhūtaṃ cittīkataṃ, etaṃ ukkaṭṭhaṃ nāma nāmaṃ.

গোত্তং নাম দ্ৰে গোত্তানি – হীনঞ্চ গোত্তং উক্কট্ঠঞ্চ গোত্তং। হীনং নাম গোত্তং – কোসিযগোত্তং, ভারদ্ৰাজগোত্তং, তেসু তেসু ৰা পন জনপদেসু ওঞ্ঞাতং অৰঞ্ঞাতং হীল়িতং পরিভূতং অচিত্তীকতং, এতং হীনং নাম গোত্তং। উক্কট্ঠং নাম গোত্তং – গোতমগোত্তং, মোগ্গল্লানগোত্তং, কচ্চানগোত্তং, ৰাসিট্ঠগোত্তং, তেসু তেসু ৰা পন জনপদেসু অনোঞ্ঞাতং অনৰঞ্ঞাতং অহীল়িতং অপরিভূতং চিত্তীকতং, এতং উক্কট্ঠং নাম গোত্তং।

Gottaṃ nāma dve gottāni – hīnañca gottaṃ ukkaṭṭhañca gottaṃ. Hīnaṃ nāma gottaṃ – kosiyagottaṃ, bhāradvājagottaṃ, tesu tesu vā pana janapadesu oññātaṃ avaññātaṃ hīḷitaṃ paribhūtaṃ acittīkataṃ, etaṃ hīnaṃ nāma gottaṃ. Ukkaṭṭhaṃ nāma gottaṃ – gotamagottaṃ, moggallānagottaṃ, kaccānagottaṃ, vāsiṭṭhagottaṃ, tesu tesu vā pana janapadesu anoññātaṃ anavaññātaṃ ahīḷitaṃ aparibhūtaṃ cittīkataṃ, etaṃ ukkaṭṭhaṃ nāma gottaṃ.

কম্মং নাম দ্ৰে কম্মানি – হীনঞ্চ কম্মং উক্কট্ঠঞ্চ কম্মং। হীনং নাম কম্মং – কোট্ঠককম্মং, পুপ্ফছড্ডককম্মং, তেসু তেসু ৰা পন জনপদেসু ওঞ্ঞাতং অৰঞ্ঞাতং হীল়িতং পরিভূতং অচিত্তীকতং, এতং হীনং নাম কম্মং। উক্কট্ঠং নাম কম্মং – কসি, ৰণিজ্জা, গোরক্খা, তেসু তেসু ৰা পন জনপদেসু অনোঞ্ঞাতং অনৰঞ্ঞাতং অহীল়িতং অপরিভূতং চিত্তীকতং। এতং উক্কট্ঠং নাম কম্মং।

Kammaṃ nāma dve kammāni – hīnañca kammaṃ ukkaṭṭhañca kammaṃ. Hīnaṃ nāma kammaṃ – koṭṭhakakammaṃ, pupphachaḍḍakakammaṃ, tesu tesu vā pana janapadesu oññātaṃ avaññātaṃ hīḷitaṃ paribhūtaṃ acittīkataṃ, etaṃ hīnaṃ nāma kammaṃ. Ukkaṭṭhaṃ nāma kammaṃ – kasi, vaṇijjā, gorakkhā, tesu tesu vā pana janapadesu anoññātaṃ anavaññātaṃ ahīḷitaṃ aparibhūtaṃ cittīkataṃ. Etaṃ ukkaṭṭhaṃ nāma kammaṃ.

সিপ্পং নাম দ্ৰে সিপ্পানি – হীনঞ্চ সিপ্পং উক্কট্ঠঞ্চ সিপ্পং । হীনং নাম সিপ্পং – নল়কারসিপ্পং, কুম্ভকারসিপ্পং, পেসকারসিপ্পং, চম্মকারসিপ্পং, নহাপিতসিপ্পং, তেসু তেসু ৰা পন জনপদেসু ওঞ্ঞাতং অৰঞ্ঞাতং হীল়িতং পরিভূতং অচিত্তীকতং। এতং হীনং নাম সিপ্পং। উক্কট্ঠং নাম সিপ্পং – মুদ্দা, গণনা, লেখা, তেসু তেসু ৰা পন জনপদেসু অনোঞ্ঞাতং অনৰঞ্ঞাতং অহীল়িতং অপরিভূতং চিত্তীকতং, এতং উক্কট্ঠং নাম সিপ্পং।

Sippaṃ nāma dve sippāni – hīnañca sippaṃ ukkaṭṭhañca sippaṃ . Hīnaṃ nāma sippaṃ – naḷakārasippaṃ, kumbhakārasippaṃ, pesakārasippaṃ, cammakārasippaṃ, nahāpitasippaṃ, tesu tesu vā pana janapadesu oññātaṃ avaññātaṃ hīḷitaṃ paribhūtaṃ acittīkataṃ. Etaṃ hīnaṃ nāma sippaṃ. Ukkaṭṭhaṃ nāma sippaṃ – muddā, gaṇanā, lekhā, tesu tesu vā pana janapadesu anoññātaṃ anavaññātaṃ ahīḷitaṃ aparibhūtaṃ cittīkataṃ, etaṃ ukkaṭṭhaṃ nāma sippaṃ.

সব্বেপি আবাধা হীনা, অপিচ মধুমেহো আবাধো উক্কট্ঠো।

Sabbepi ābādhā hīnā, apica madhumeho ābādho ukkaṭṭho.

লিঙ্গং নাম দ্ৰে লিঙ্গানি – হীনঞ্চ লিঙ্গং উক্কট্ঠঞ্চ লিঙ্গং। হীনং নাম লিঙ্গং – অতিদীঘং, অতিরস্সং, অতিকণ্হং, অচ্চোদাতং, এতং হীনং নাম লিঙ্গং। উক্কট্ঠং নাম লিঙ্গং – নাতিদীঘং, নাতিরস্সং, নাতিকণ্হং, নাচ্চোদাতং। এতং উক্কট্ঠং নাম লিঙ্গং।

Liṅgaṃ nāma dve liṅgāni – hīnañca liṅgaṃ ukkaṭṭhañca liṅgaṃ. Hīnaṃ nāma liṅgaṃ – atidīghaṃ, atirassaṃ, atikaṇhaṃ, accodātaṃ, etaṃ hīnaṃ nāma liṅgaṃ. Ukkaṭṭhaṃ nāma liṅgaṃ – nātidīghaṃ, nātirassaṃ, nātikaṇhaṃ, nāccodātaṃ. Etaṃ ukkaṭṭhaṃ nāma liṅgaṃ.

সব্বেপি কিলেসা হীনা।

Sabbepi kilesā hīnā.

সব্বাপি আপত্তিযো হীনা। অপিচ, সোতাপত্তিসমাপত্তি উক্কট্ঠা।

Sabbāpi āpattiyo hīnā. Apica, sotāpattisamāpatti ukkaṭṭhā.

অক্কোসো নাম দ্ৰে অক্কোসা – হীনো চ অক্কোসো উক্কট্ঠো চ অক্কোসো। হীনো নাম অক্কোসো – ওট্ঠোসি, মেণ্ডোসি, গোণোসি, গদ্রভোসি, তিরচ্ছানগতোসি, নেরযিকোসি; নত্থি তুয্হং সুগতি, দুগ্গতি যেৰ তুয্হং পাটিকঙ্খাতি, যকারেন ৰা ভকারেন ৰা, কাটকোটচিকায ৰা, এসো হীনো নাম অক্কোসো। উক্কট্ঠো নাম অক্কোসো – পণ্ডিতোসি, ব্যত্তোসি , মেধাৰীসি, বহুস্সুতোসি, ধম্মকথিকোসি, নত্থি তুয্হং দুগ্গতি, সুগতিযেৰ তুয্হং পাটিকঙ্খাতি, এসো উক্কট্ঠো নাম অক্কোসো।

Akkoso nāma dve akkosā – hīno ca akkoso ukkaṭṭho ca akkoso. Hīno nāma akkoso – oṭṭhosi, meṇḍosi, goṇosi, gadrabhosi, tiracchānagatosi, nerayikosi; natthi tuyhaṃ sugati, duggati yeva tuyhaṃ pāṭikaṅkhāti, yakārena vā bhakārena vā, kāṭakoṭacikāya vā, eso hīno nāma akkoso. Ukkaṭṭho nāma akkoso – paṇḍitosi, byattosi , medhāvīsi, bahussutosi, dhammakathikosi, natthi tuyhaṃ duggati, sugatiyeva tuyhaṃ pāṭikaṅkhāti, eso ukkaṭṭho nāma akkoso.

১৬. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, চণ্ডালং ৰেনং নেসাদং রথকারং পুক্কুসং – ‘‘চণ্ডালোসি, ৰেনোসি, নেসাদোসি, রথকারোসি, পুক্কুসোসী’’তি ভণতি ¹³, আপত্তি ৰাচায, ৰাচায পাচিত্তিযস্স।

16. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, caṇḍālaṃ venaṃ nesādaṃ rathakāraṃ pukkusaṃ – ‘‘caṇḍālosi, venosi, nesādosi, rathakārosi, pukkusosī’’ti bhaṇati ¹⁴, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, খত্তিযং ব্রাহ্মণং – ‘‘চণ্ডালোসি, ৰেনোসি, নেসাদোসি, রথকারোসি, পুক্কুসোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, khattiyaṃ brāhmaṇaṃ – ‘‘caṇḍālosi, venosi, nesādosi, rathakārosi, pukkusosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, চণ্ডালং ৰেনং নেসাদং রথকারং পুক্কুসং – ‘‘খত্তিযোসি, ব্রাহ্মণোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, caṇḍālaṃ venaṃ nesādaṃ rathakāraṃ pukkusaṃ – ‘‘khattiyosi, brāhmaṇosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, খত্তিযং ব্রাহ্মণং – ‘‘খত্তিযোসি, ব্রাহ্মণোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, khattiyaṃ brāhmaṇaṃ – ‘‘khattiyosi, brāhmaṇosī’’ti bhaṇati, āpatti vācāya, vācāya pācittiyassa.

১৭. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, অৰকণ্ণকং জৰকণ্ণকং ধনিট্ঠকং সৰিট্ঠকং কুলৰড্ঢকং – ‘‘অৰকণ্ণকোসি, জৰকণ্ণকোসি, ধনিট্ঠকোসি, সৰিট্ঠকোসি, কুলৰড্ঢকোসী’’তি ভণতি, আপত্তি ৰাচায, ৰাচায পাচিত্তিযস্স।

17. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, avakaṇṇakaṃ javakaṇṇakaṃ dhaniṭṭhakaṃ saviṭṭhakaṃ kulavaḍḍhakaṃ – ‘‘avakaṇṇakosi, javakaṇṇakosi, dhaniṭṭhakosi, saviṭṭhakosi, kulavaḍḍhakosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, বুদ্ধরক্খিতং ধম্মরক্খিতং সঙ্ঘরক্খিতং – ‘‘অৰকণ্ণকোসি, জৰকণ্ণকোসি, ধনিট্ঠকোসি, সৰিট্ঠকোসি, কুলৰড্ঢকোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, buddharakkhitaṃ dhammarakkhitaṃ saṅgharakkhitaṃ – ‘‘avakaṇṇakosi, javakaṇṇakosi, dhaniṭṭhakosi, saviṭṭhakosi, kulavaḍḍhakosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, অৰকণ্ণকং জৰকণ্ণকং ধনিট্ঠকং সৰিট্ঠকং কুলৰড্ঢকং – ‘‘বুদ্ধরক্খিতোসি, ধম্মরক্খিতোসি, সঙ্ঘরক্খিতোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, avakaṇṇakaṃ javakaṇṇakaṃ dhaniṭṭhakaṃ saviṭṭhakaṃ kulavaḍḍhakaṃ – ‘‘buddharakkhitosi, dhammarakkhitosi, saṅgharakkhitosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উকট্ঠং ৰদেতি, বুদ্ধরক্খিতং ধম্মরক্খিতং সঙ্ঘরক্খিতং – ‘‘বুদ্ধরক্খিতোসি, ধম্মরক্খিতোসি, সঙ্ঘরক্খিতোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukaṭṭhaṃ vadeti, buddharakkhitaṃ dhammarakkhitaṃ saṅgharakkhitaṃ – ‘‘buddharakkhitosi, dhammarakkhitosi, saṅgharakkhitosī’’ti bhaṇati, āpatti vācāya, vācāya pācittiyassa.

১৮. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, কোসিযং ভারদ্ৰাজং – ‘‘কোসিযোসি, ভারদ্ৰাজোসী’’তি ভণতি, আপত্তি ৰাচায, ৰাচায পাচিত্তিযস্স।

18. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, kosiyaṃ bhāradvājaṃ – ‘‘kosiyosi, bhāradvājosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, গোতমং মোগ্গল্লানং কচ্চানং ৰাসিট্ঠং – ‘‘কোসিযোসি, ভারদ্ৰাজোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, gotamaṃ moggallānaṃ kaccānaṃ vāsiṭṭhaṃ – ‘‘kosiyosi, bhāradvājosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, কোসিযং ভারদ্ৰাজং – ‘‘গোতমোসি, মোগ্গল্লানোসি, কচ্চানোসি, ৰাসিট্ঠোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, kosiyaṃ bhāradvājaṃ – ‘‘gotamosi, moggallānosi, kaccānosi, vāsiṭṭhosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, গোতমং মোগ্গল্লানং কচ্চানং ৰাসিট্ঠং – ‘‘গোতমোসি, মোগ্গল্লানোসি, কচ্চানোসি, ৰাসিট্ঠোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, gotamaṃ moggallānaṃ kaccānaṃ vāsiṭṭhaṃ – ‘‘gotamosi, moggallānosi, kaccānosi, vāsiṭṭhosī’’ti bhaṇati, āpatti vācāya, vācāya pācittiyassa.

১৯. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, কোট্ঠকং পুপ্ফছড্ডকং – ‘‘কোট্ঠকোসি, পুপ্ফছড্ডকোসী’’তি ভণতি, আপত্তি ৰাচায, ৰাচায পাচিত্তিযস্স।

19. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, koṭṭhakaṃ pupphachaḍḍakaṃ – ‘‘koṭṭhakosi, pupphachaḍḍakosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, কস্সকং ৰাণিজং গোরক্খং – ‘‘কোট্ঠকোসি, পুপ্ফছড্ডকোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, kassakaṃ vāṇijaṃ gorakkhaṃ – ‘‘koṭṭhakosi, pupphachaḍḍakosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, কোট্ঠকং পুপ্ফছড্ডকং – ‘‘কস্সকোসি, ৰাণিজোসি, গোরক্খোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, koṭṭhakaṃ pupphachaḍḍakaṃ – ‘‘kassakosi, vāṇijosi, gorakkhosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, কস্সকং ৰাণিজং গোরক্খং – ‘‘কস্সকোসি, ৰাণিজোসি, গোরক্খোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, kassakaṃ vāṇijaṃ gorakkhaṃ – ‘‘kassakosi, vāṇijosi, gorakkhosī’’ti bhaṇati, āpatti vācāya, vācāya pācittiyassa.

২০. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, নল়কারং কুম্ভকারং পেসকারং চম্মকারং নহাপিতং – ‘‘নল়কারোসি, কুম্ভকারোসি, পেসকারোসি, চম্মকারোসি, নহাপিতোসী’’তি ভণতি, আপত্তি ৰাচায, ৰাচায পাচিত্তিযস্স।

20. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, naḷakāraṃ kumbhakāraṃ pesakāraṃ cammakāraṃ nahāpitaṃ – ‘‘naḷakārosi, kumbhakārosi, pesakārosi, cammakārosi, nahāpitosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, মুদ্দিকং গণকং লেখকং – ‘‘নল়কারোসি, কুম্ভকারোসি, পেসকারোসি, চম্মকারোসি, নহাপিতোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, muddikaṃ gaṇakaṃ lekhakaṃ – ‘‘naḷakārosi, kumbhakārosi, pesakārosi, cammakārosi, nahāpitosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, নল়কারং কুম্ভকারং পেসকারং চম্মকারং নহাপিতং – ‘‘মুদ্দিকোসি, গণকোসি, লেখকোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, naḷakāraṃ kumbhakāraṃ pesakāraṃ cammakāraṃ nahāpitaṃ – ‘‘muddikosi, gaṇakosi, lekhakosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, মুদ্দিকং গণকং লেখকং – ‘‘মুদ্দিকোসি, গণকোসি, লেখকোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, muddikaṃ gaṇakaṃ lekhakaṃ – ‘‘muddikosi, gaṇakosi, lekhakosī’’ti bhaṇati, āpatti vācāya, vācāya pācittiyassa.

২১. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, কুট্ঠিকং গণ্ডিকং কিলাসিকং সোসিকং অপমারিকং – ‘‘কুট্ঠিকোসি, গণ্ডিকোসি, কিলাসিকোসি, সোসিকোসি, অপমারিকোসী’’তি ভণতি, আপত্তি ৰাচায, ৰাচায পাচিত্তিযস্স।

21. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, kuṭṭhikaṃ gaṇḍikaṃ kilāsikaṃ sosikaṃ apamārikaṃ – ‘‘kuṭṭhikosi, gaṇḍikosi, kilāsikosi, sosikosi, apamārikosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, মধুমেহিকং – ‘‘কুট্ঠিকোসি, গণ্ডিকোসি, কিলাসিকোসি, সোসিকোসি, অপমারিকোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, madhumehikaṃ – ‘‘kuṭṭhikosi, gaṇḍikosi, kilāsikosi, sosikosi, apamārikosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, কুট্ঠিকং গণ্ডিকং কিলাসিকং সোসিকং অপমারিকং – ‘‘মধুমেহিকোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, kuṭṭhikaṃ gaṇḍikaṃ kilāsikaṃ sosikaṃ apamārikaṃ – ‘‘madhumehikosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, মধুমেহিকং – ‘‘মধুমেহিকোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, madhumehikaṃ – ‘‘madhumehikosī’’ti bhaṇati, āpatti vācāya, vācāya pācittiyassa.

২২. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, অতিদীঘং অতিরস্সং অতিকণ্হং অচ্চোদাতং – ‘‘অতিদীঘোসি, অতিরস্সোসি, অতিকণ্হোসি, অচ্চোদাতোসী’’তি ভণতি, আপত্তি ৰাচায, ৰাচায পাচিত্তিযস্স।

22. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, atidīghaṃ atirassaṃ atikaṇhaṃ accodātaṃ – ‘‘atidīghosi, atirassosi, atikaṇhosi, accodātosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, নাতিদীঘং নাতিরস্সং নাতিকণ্হং নাচ্চোদাতং – ‘‘অতিদীঘোসি, অতিরস্সোসি, অতিকণ্হোসি, অচ্চোদাতোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, nātidīghaṃ nātirassaṃ nātikaṇhaṃ nāccodātaṃ – ‘‘atidīghosi, atirassosi, atikaṇhosi, accodātosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, অতিদীঘং অতিরস্সং অতিকণ্হং অচ্চোদাতং – ‘‘নাতিদীঘোসি, নাতিরস্সোসি, নাতিকণ্হোসি, নাচ্চোদাতোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, atidīghaṃ atirassaṃ atikaṇhaṃ accodātaṃ – ‘‘nātidīghosi, nātirassosi, nātikaṇhosi, nāccodātosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, নাতিদীঘং নাতিরস্সং নাতিকণ্হং নাচ্চোদাতং – ‘‘নাতিদীঘোসি, নাতিরস্সোসি, নাতিকণ্হোসি, নাচ্চোদাতোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, nātidīghaṃ nātirassaṃ nātikaṇhaṃ nāccodātaṃ – ‘‘nātidīghosi, nātirassosi, nātikaṇhosi, nāccodātosī’’ti bhaṇati, āpatti vācāya, vācāya pācittiyassa.

২৩. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, রাগপরিযুট্ঠিতং দোসপরিযুট্ঠিতং মোহপরিযুট্ঠিতং – ‘‘রাগপরিযুট্ঠিতোসি, দোসপরিযুট্ঠিতোসি, মোহপরিযুট্ঠিতোসী’’তি ভণতি, আপত্তি ৰাচায, ৰাচায পাচিত্তিযস্স।

23. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, rāgapariyuṭṭhitaṃ dosapariyuṭṭhitaṃ mohapariyuṭṭhitaṃ – ‘‘rāgapariyuṭṭhitosi, dosapariyuṭṭhitosi, mohapariyuṭṭhitosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, ৰীতরাগং ৰীতদোসং ৰীতমোহং – ‘‘রাগপরিযুট্ঠিতোসি , দোসপরিযুট্ঠিতোসি, মোহপরিযুট্ঠিতোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, vītarāgaṃ vītadosaṃ vītamohaṃ – ‘‘rāgapariyuṭṭhitosi , dosapariyuṭṭhitosi, mohapariyuṭṭhitosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, রাগপরিযুট্ঠিতং দোসপরিযুট্ঠিতং মোহপরিযুট্ঠিতং – ‘‘ৰীতরাগোসি, ৰীতদোসোসি, ৰীতমোহোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, rāgapariyuṭṭhitaṃ dosapariyuṭṭhitaṃ mohapariyuṭṭhitaṃ – ‘‘vītarāgosi, vītadososi, vītamohosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, ৰীতরাগং ৰীতদোসং ৰীতমোহং – ‘‘ৰীতরাগোসি, ৰীতদোসোসি, ৰীতমোহোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, vītarāgaṃ vītadosaṃ vītamohaṃ – ‘‘vītarāgosi, vītadososi, vītamohosī’’ti bhaṇati, āpatti vācāya, vācāya pācittiyassa.

২৪. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, পারাজিকং অজ্ঝাপন্নং সঙ্ঘাদিসেসং অজ্ঝাপন্নং থুল্লচ্চযং অজ্ঝাপন্নং পাচিত্তিযং অজ্ঝাপন্নং পাটিদেসনীযং অজ্ঝাপন্নং দুক্কটং অজ্ঝাপন্নং দুব্ভাসিতং অজ্ঝাপন্নং – ‘‘পারাজিকং অজ্ঝাপন্নোসি, সঙ্ঘাদিসেসং অজ্ঝাপন্নোসি, থুল্লচ্চযং অজ্ঝাপন্নোসি, পাচিত্তিযং অজ্ঝাপন্নোসি, পাটিদেসনীযং অজ্ঝাপন্নোসি, দুক্কটং অজ্ঝাপন্নোসি, দুব্ভাসিতং অজ্ঝাপন্নোসী’’তি ভণতি, আপত্তি ৰাচায, ৰাচায পাচিত্তিযস্স।

24. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, pārājikaṃ ajjhāpannaṃ saṅghādisesaṃ ajjhāpannaṃ thullaccayaṃ ajjhāpannaṃ pācittiyaṃ ajjhāpannaṃ pāṭidesanīyaṃ ajjhāpannaṃ dukkaṭaṃ ajjhāpannaṃ dubbhāsitaṃ ajjhāpannaṃ – ‘‘pārājikaṃ ajjhāpannosi, saṅghādisesaṃ ajjhāpannosi, thullaccayaṃ ajjhāpannosi, pācittiyaṃ ajjhāpannosi, pāṭidesanīyaṃ ajjhāpannosi, dukkaṭaṃ ajjhāpannosi, dubbhāsitaṃ ajjhāpannosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, সোতাপন্নং – ‘‘পারাজিকং অজ্ঝাপন্নোসি…পে॰… দুব্ভাসিতং অজ্ঝাপন্নোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, sotāpannaṃ – ‘‘pārājikaṃ ajjhāpannosi…pe… dubbhāsitaṃ ajjhāpannosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, পারাজিকং অজ্ঝাপন্নং…পে॰… দুব্ভাসিতং অজ্ঝাপন্নং – ‘‘সোতাপন্নোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, pārājikaṃ ajjhāpannaṃ…pe… dubbhāsitaṃ ajjhāpannaṃ – ‘‘sotāpannosī’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, সোতাপন্নং – ‘‘সোতাপন্নোসী’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, sotāpannaṃ – ‘‘sotāpannosī’’ti bhaṇati, āpatti vācāya, vācāya pācittiyassa.

২৫. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি, ওট্ঠং মেণ্ডং গোণং গদ্রভং তিরচ্ছানগতং নেরযিকং – ‘‘ওট্ঠোসি, মেণ্ডোসি, গোণোসি, গদ্রভোসি, তিরচ্ছানগতোসি, নেরযিকোসি, নত্থি তুয্হং সুগতি, দুগ্গতি যেৰ তুয্হং পাটিকঙ্খা’’তি ভণতি, আপত্তি ৰাচায, ৰাচায পাচিত্তিযস্স।

25. Upasampanno upasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti, oṭṭhaṃ meṇḍaṃ goṇaṃ gadrabhaṃ tiracchānagataṃ nerayikaṃ – ‘‘oṭṭhosi, meṇḍosi, goṇosi, gadrabhosi, tiracchānagatosi, nerayikosi, natthi tuyhaṃ sugati, duggati yeva tuyhaṃ pāṭikaṅkhā’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন উক্কট্ঠং ৰদেতি, পণ্ডিতং ব্যত্তং মেধাৰি বহুস্সুতং ধম্মকথিকং – ‘‘ওট্ঠোসি, মেণ্ডোসি, গোণোসি, গদ্রভোসি, তিরচ্ছানগতোসি, নেরযিকোসি; নত্থি তুয্হং সুগতি, দুগ্গতি যেৰ তুয্হং পাটিকঙ্খা’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo hīnena ukkaṭṭhaṃ vadeti, paṇḍitaṃ byattaṃ medhāvi bahussutaṃ dhammakathikaṃ – ‘‘oṭṭhosi, meṇḍosi, goṇosi, gadrabhosi, tiracchānagatosi, nerayikosi; natthi tuyhaṃ sugati, duggati yeva tuyhaṃ pāṭikaṅkhā’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন হীনং ৰদেতি, ওট্ঠং মেণ্ডং গোণং গদ্রভং তিরচ্ছানগতং নেরযিকং – ‘‘পণ্ডিতোসি, ব্যত্তোসি, মেধাৰীসি, বহুস্সুতোসি, ধম্মকথিকোসি, নত্থি তুয্হং দুগ্গতি, সুগতি যেৰ তুয্হং পাটিকঙ্খা’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena hīnaṃ vadeti, oṭṭhaṃ meṇḍaṃ goṇaṃ gadrabhaṃ tiracchānagataṃ nerayikaṃ – ‘‘paṇḍitosi, byattosi, medhāvīsi, bahussutosi, dhammakathikosi, natthi tuyhaṃ duggati, sugati yeva tuyhaṃ pāṭikaṅkhā’’ti bhaṇati, āpatti vācāya, vācāya pācittiyassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো উক্কট্ঠেন উক্কট্ঠং ৰদেতি, পণ্ডিতং ব্যত্তং মেধাৰিং বহুস্সুতং ধম্মকথিকং – ‘‘পণ্ডিতোসি, ব্যত্তোসি, মেধাৰীসি, বহুস্সুতোসি, ধম্মকথিকোসি, নত্থি তুয্হং দুগ্গতি, সুগতি যেৰ তুয্হং পাটিকঙ্খা’’তি ভণতি, আপত্তি ৰাচায, ৰাচায পাচিত্তিযস্স।

Upasampanno upasampannaṃ khuṃsetukāmo vambhetukāmo maṅkukattukāmo ukkaṭṭhena ukkaṭṭhaṃ vadeti, paṇḍitaṃ byattaṃ medhāviṃ bahussutaṃ dhammakathikaṃ – ‘‘paṇḍitosi, byattosi, medhāvīsi, bahussutosi, dhammakathikosi, natthi tuyhaṃ duggati, sugati yeva tuyhaṃ pāṭikaṅkhā’’ti bhaṇati, āpatti vācāya, vācāya pācittiyassa.

২৬. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘সন্তি ইধেকচ্চে চণ্ডালা ৰেনা নেসাদা রথকারা পুক্কুসা’’তি ভণতি, আপত্তি ৰাচায, ৰাচায দুক্কটস্স।

26. Upasampanno upasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘santi idhekacce caṇḍālā venā nesādā rathakārā pukkusā’’ti bhaṇati, āpatti vācāya, vācāya dukkaṭassa.

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘সন্তি ইধেকচ্চে খত্তিযা, ব্রাহ্মণা’’তি ভণতি, আপত্তি ৰাচায, ৰাচায দুক্কটস্স।

Upasampanno upasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘santi idhekacce khattiyā, brāhmaṇā’’ti bhaṇati, āpatti vācāya, vācāya dukkaṭassa.

২৭. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘সন্তি ইধেকচ্চে অৰকণ্ণকা জৰকণ্ণকা ধনিট্ঠকা সৰিট্ঠকা কুলৰড্ঢকা’’তি ভণতি…পে॰…। ‘‘সন্তি ইধেকচ্চে বুদ্ধরক্খিতা ধম্মরক্খিতা সঙ্ঘরক্খিতা’’তি ভণতি …পে॰…। ‘‘সন্তি ইধেকচ্চে কোসিযা ভারদ্ৰাজা’’তি ভণতি…পে॰…। ‘‘সন্তি ইধেকচ্চে গোতমা মোগ্গল্লানা কচ্চানা ৰাসিট্ঠা’’তি ভণতি…পে॰…। ‘‘সন্তি ইধেকচ্চে কোট্ঠকা পুপ্ফছড্ডকা’’তি ভণতি…পে॰…। ‘‘সন্তি ইধেকচ্চে কস্সকা ৰাণিজা গোরক্খা’’তি ভণতি…পে॰…। ‘‘সন্তি ইধেকচ্চে নল়কারা কুম্ভকারা পেসকারা চম্মকারা নহাপিতা’’তি ভণতি…পে॰…। ‘‘সন্তি ইধেকচ্চে মুদ্দিকা গণকা লেখকা’’তি ভণতি…পে॰…। ‘‘সন্তি ইধেকচ্চে কুট্ঠিকা গণ্ডিকা কিলাসিকা সোসিকা অপমারিকা’’তি ভণতি…পে॰…। ‘‘সন্তি ইধেকচ্চে মধুমেহিকা’’তি ভণতি…পে॰…। ‘‘সন্তি ইধেকচ্চে অতিদীঘা অতিরস্সা অতিকণ্হা অচ্চোদাতা’’তি ভণতি…পে॰…। ‘‘সন্তি ইধেকচ্চে নাতিদীঘা নাতিরস্সা নাতিকণ্হা নাচ্চোদাতা’’তি ভণতি…পে॰…। ‘‘সন্তি ইধেকচ্চে রাগপরিযুট্ঠিতা দোসপরিযুট্ঠিতা মোহপরিযুট্ঠিতা’’তি ভণতি…পে॰…। ‘‘সন্তি ইধেকচ্চে ৰীতরাগা ৰীতদোসা ৰীতমোহা’’তি ভণতি…পে॰…। ‘‘সন্তি ইধেকচ্চে পারাজিকং অজ্ঝাপন্না…পে॰… দুব্ভাসিতং অজ্ঝাপন্না’’তি ভণতি…পে॰…। ‘‘সন্তি ইধেকচ্চে সোতাপন্না’’তি ভণতি…পে॰…। ‘‘সন্তি ইধেকচ্চে ওট্ঠা মেণ্ডা গোণা গদ্রভা তিরচ্ছানগতা নেরযিকা, নত্থি তেসং সুগতি, দুগ্গতিযেৰ তেসং পাটিকঙ্খা’’তি ভণতি, আপত্তি ৰাচায, ৰাচায দুক্কটস্স।

27. Upasampanno upasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘santi idhekacce avakaṇṇakā javakaṇṇakā dhaniṭṭhakā saviṭṭhakā kulavaḍḍhakā’’ti bhaṇati…pe…. ‘‘Santi idhekacce buddharakkhitā dhammarakkhitā saṅgharakkhitā’’ti bhaṇati …pe…. ‘‘Santi idhekacce kosiyā bhāradvājā’’ti bhaṇati…pe…. ‘‘Santi idhekacce gotamā moggallānā kaccānā vāsiṭṭhā’’ti bhaṇati…pe…. ‘‘Santi idhekacce koṭṭhakā pupphachaḍḍakā’’ti bhaṇati…pe…. ‘‘Santi idhekacce kassakā vāṇijā gorakkhā’’ti bhaṇati…pe…. ‘‘Santi idhekacce naḷakārā kumbhakārā pesakārā cammakārā nahāpitā’’ti bhaṇati…pe…. ‘‘Santi idhekacce muddikā gaṇakā lekhakā’’ti bhaṇati…pe…. ‘‘Santi idhekacce kuṭṭhikā gaṇḍikā kilāsikā sosikā apamārikā’’ti bhaṇati…pe…. ‘‘Santi idhekacce madhumehikā’’ti bhaṇati…pe…. ‘‘Santi idhekacce atidīghā atirassā atikaṇhā accodātā’’ti bhaṇati…pe…. ‘‘Santi idhekacce nātidīghā nātirassā nātikaṇhā nāccodātā’’ti bhaṇati…pe…. ‘‘Santi idhekacce rāgapariyuṭṭhitā dosapariyuṭṭhitā mohapariyuṭṭhitā’’ti bhaṇati…pe…. ‘‘Santi idhekacce vītarāgā vītadosā vītamohā’’ti bhaṇati…pe…. ‘‘Santi idhekacce pārājikaṃ ajjhāpannā…pe… dubbhāsitaṃ ajjhāpannā’’ti bhaṇati…pe…. ‘‘Santi idhekacce sotāpannā’’ti bhaṇati…pe…. ‘‘Santi idhekacce oṭṭhā meṇḍā goṇā gadrabhā tiracchānagatā nerayikā, natthi tesaṃ sugati, duggatiyeva tesaṃ pāṭikaṅkhā’’ti bhaṇati, āpatti vācāya, vācāya dukkaṭassa.

২৮. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘সন্তি ইধেকচ্চে পণ্ডিতা ব্যত্তা, মেধাৰী বহুস্সুতা ধম্মকথিকা, নত্থি তেসং দুগ্গতি, সুগতিযেৰ তেসং পাটিকঙ্খা’’তি ভণতি, আপত্তি ৰাচায, ৰাচায দুক্কটস্স।

28. Upasampanno upasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘santi idhekacce paṇḍitā byattā, medhāvī bahussutā dhammakathikā, natthi tesaṃ duggati, sugatiyeva tesaṃ pāṭikaṅkhā’’ti bhaṇati, āpatti vācāya, vācāya dukkaṭassa.

২৯. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘যে নূন চণ্ডালা ৰেনা নেসাদা রথকারা পুক্কুসা’’তি ভণতি, আপত্তি ৰাচায, ৰাচায দুক্কটস্স…পে॰…।

29. Upasampanno upasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘ye nūna caṇḍālā venā nesādā rathakārā pukkusā’’ti bhaṇati, āpatti vācāya, vācāya dukkaṭassa…pe….

উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘যে নূন পণ্ডিতা ব্যত্তা মেধাৰী বহুস্সুতা ধম্মকথিকা’’তি ভণতি, আপত্তি ৰাচায, ৰাচায দুক্কটস্স।

Upasampanno upasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘ye nūna paṇḍitā byattā medhāvī bahussutā dhammakathikā’’ti bhaṇati, āpatti vācāya, vācāya dukkaṭassa.

৩০. উপসম্পন্নো উপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘ন মযং চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘ন মযং পণ্ডিতা ব্যত্তা মেধাৰী বহুস্সুতা ধম্মকথিকা, নত্থম্হাকং দুগ্গতি, সুগতিযেৰ অম্হাকং পাটিকঙ্খা’’তি ভণতি। আপত্তি ৰাচায, ৰাচায দুক্কটস্স।

30. Upasampanno upasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘na mayaṃ caṇḍālā venā nesādā rathakārā pukkusā’’ti bhaṇati…pe…. ‘‘Na mayaṃ paṇḍitā byattā medhāvī bahussutā dhammakathikā, natthamhākaṃ duggati, sugatiyeva amhākaṃ pāṭikaṅkhā’’ti bhaṇati. Āpatti vācāya, vācāya dukkaṭassa.

৩১. উপসম্পন্নো অনুপসম্পন্নং খুংসেতুকামো ৰম্ভেতুকামো মঙ্কুকত্তুকামো হীনেন হীনং ৰদেতি,…পে॰… হীনেন উক্কট্ঠং ৰদেতি…পে॰… উক্কট্ঠেন হীনং ৰদেতি…পে॰… উক্কট্ঠেন উক্কট্ঠং ৰদেতি, পণ্ডিতং ব্যত্তং মেধাৰিং বহুস্সুতং ধম্মকথিকং – ‘‘পণ্ডিতোসি, ব্যত্তোসি, মেধাৰীসি, বহুস্সুতোসি, ধম্মকথিকোসি, নত্থি তুয্হং দুগ্গতি, সুগতিযেৰ তুয্হং পাটিকঙ্খা’’তি ভণতি, আপত্তি ৰাচায, ৰাচায দুক্কটস্স।

31. Upasampanno anupasampannaṃ khuṃsetukāmo vambhetukāmo maṅkukattukāmo hīnena hīnaṃ vadeti,…pe… hīnena ukkaṭṭhaṃ vadeti…pe… ukkaṭṭhena hīnaṃ vadeti…pe… ukkaṭṭhena ukkaṭṭhaṃ vadeti, paṇḍitaṃ byattaṃ medhāviṃ bahussutaṃ dhammakathikaṃ – ‘‘paṇḍitosi, byattosi, medhāvīsi, bahussutosi, dhammakathikosi, natthi tuyhaṃ duggati, sugatiyeva tuyhaṃ pāṭikaṅkhā’’ti bhaṇati, āpatti vācāya, vācāya dukkaṭassa.

উপসম্পন্নো অনুপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘সন্তি ইধেকচ্চে চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘সন্তি ইধেকচ্চে পণ্ডিতা ব্যত্তা মেধাৰী বহুস্সুতা ধম্মকথিকা, নত্থি তেসং দুগ্গতি, সুগতিযেৰ তেসং পাটিকঙ্খা’’তি ভণতি, আপত্তি ৰাচায, ৰাচায দুক্কটস্স।

Upasampanno anupasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘santi idhekacce caṇḍālā venā nesādā rathakārā pukkusā’’ti bhaṇati…pe…. ‘‘Santi idhekacce paṇḍitā byattā medhāvī bahussutā dhammakathikā, natthi tesaṃ duggati, sugatiyeva tesaṃ pāṭikaṅkhā’’ti bhaṇati, āpatti vācāya, vācāya dukkaṭassa.

উপসম্পন্নো অনুপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘যে নূন চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘যে নূন পণ্ডিতা ব্যত্তা মেধাৰী বহুস্সুতা ধম্মকথিকা’’তি ভণতি, আপত্তি ৰাচায, ৰাচায দুক্কটস্স।

Upasampanno anupasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘ye nūna caṇḍālā venā nesādā rathakārā pukkusā’’ti bhaṇati…pe…. ‘‘Ye nūna paṇḍitā byattā medhāvī bahussutā dhammakathikā’’ti bhaṇati, āpatti vācāya, vācāya dukkaṭassa.

উপসম্পন্নো অনুপসম্পন্নং খুংসেতুকামো ৰম্ভেতুকামো মঙ্কুকত্তুকামো এৰং ৰদেতি, ‘‘ন মযং চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘ন মযং পণ্ডিতা ব্যত্তা মেধাৰী বহুস্সুতা ধম্মকথিকা, নত্থম্হাকং দুগ্গতি, সুগতিযেৰ অম্হাকং পাটিকঙ্খা’’তি ভণতি। আপত্তি ৰাচায, ৰাচায দুক্কটস্স।

Upasampanno anupasampannaṃ khuṃsetukāmo vambhetukāmo maṅkukattukāmo evaṃ vadeti, ‘‘na mayaṃ caṇḍālā venā nesādā rathakārā pukkusā’’ti bhaṇati…pe…. ‘‘Na mayaṃ paṇḍitā byattā medhāvī bahussutā dhammakathikā, natthamhākaṃ duggati, sugatiyeva amhākaṃ pāṭikaṅkhā’’ti bhaṇati. Āpatti vācāya, vācāya dukkaṭassa.

৩২. উপসম্পন্নো উপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা হীনেন হীনং ৰদেতি, চণ্ডালং ৰেনং নেসাদং রথকারং পুক্কুসং – ‘‘চণ্ডালোসি, ৰেনোসি, নেসাদোসি, রথকারোসি , পুক্কুসোসী’’তি ভণতি, আপত্তি ৰাচায, ৰাচায দুব্ভাসিতস্স।

32. Upasampanno upasampannaṃ na khuṃsetukāmo na vambhetukāmo na maṅkukattukāmo, davakamyatā hīnena hīnaṃ vadeti, caṇḍālaṃ venaṃ nesādaṃ rathakāraṃ pukkusaṃ – ‘‘caṇḍālosi, venosi, nesādosi, rathakārosi , pukkusosī’’ti bhaṇati, āpatti vācāya, vācāya dubbhāsitassa.

উপসম্পন্নো উপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা হীনেন উক্কট্ঠং ৰদেতি, খত্তিযং ব্রাহ্মণং – ‘‘চণ্ডালোসি, ৰেনোসি, নেসাদোসি, রথকারোসি, পুক্কুসোসী’’তি ভণতি, আপত্তি ৰাচায, ৰাচায দুব্ভাসিতস্স।

Upasampanno upasampannaṃ na khuṃsetukāmo na vambhetukāmo na maṅkukattukāmo, davakamyatā hīnena ukkaṭṭhaṃ vadeti, khattiyaṃ brāhmaṇaṃ – ‘‘caṇḍālosi, venosi, nesādosi, rathakārosi, pukkusosī’’ti bhaṇati, āpatti vācāya, vācāya dubbhāsitassa.

উপসম্পন্নো উপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা উক্কট্ঠেন হীনং ৰদেতি, চণ্ডালং ৰেনং নেসাদং রথকারং পুক্কুসং – ‘‘খত্তিযোসি, ব্রাহ্মণোসী’’তি ভণতি, আপত্তি ৰাচায, ৰাচায দুব্ভাসিতস্স।

Upasampanno upasampannaṃ na khuṃsetukāmo na vambhetukāmo na maṅkukattukāmo, davakamyatā ukkaṭṭhena hīnaṃ vadeti, caṇḍālaṃ venaṃ nesādaṃ rathakāraṃ pukkusaṃ – ‘‘khattiyosi, brāhmaṇosī’’ti bhaṇati, āpatti vācāya, vācāya dubbhāsitassa.

উপসম্পন্নো উপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা উক্কট্ঠেন উক্কট্ঠং ৰদেতি, খত্তিযং ব্রাহ্মণং – ‘‘খত্তিযোসি, ব্রাহ্মণোসী’’তি ভণতি, আপত্তি ৰাচায, ৰাচায দুব্ভাসিতস্স।

Upasampanno upasampannaṃ na khuṃsetukāmo na vambhetukāmo na maṅkukattukāmo, davakamyatā ukkaṭṭhena ukkaṭṭhaṃ vadeti, khattiyaṃ brāhmaṇaṃ – ‘‘khattiyosi, brāhmaṇosī’’ti bhaṇati, āpatti vācāya, vācāya dubbhāsitassa.

উপসম্পন্নো উপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা হীনেন হীনং ৰদেতি…পে॰… হীনেন উক্কট্ঠং ৰদেতি…পে॰… উক্কট্ঠেন হীনং ৰদেতি…পে॰… উক্কট্ঠেন উক্কট্ঠং ৰদেতি, পণ্ডিতং ব্যত্তং মেধাৰিং বহুস্সুতং ধম্মকথিকং – ‘‘পণ্ডিতোসি, ব্যত্তোসি, মেধাৰীসি, বহুস্সুতোসি, ধম্মকথিকোসি, নত্থি তুয্হং দুগ্গতি, সুগতি যেৰ তুয্হং পাটিকঙ্খা’’তি ভণতি, আপত্তি ৰাচায, ৰাচায দুব্ভাসিতস্স।

Upasampanno upasampannaṃ na khuṃsetukāmo na vambhetukāmo na maṅkukattukāmo, davakamyatā hīnena hīnaṃ vadeti…pe… hīnena ukkaṭṭhaṃ vadeti…pe… ukkaṭṭhena hīnaṃ vadeti…pe… ukkaṭṭhena ukkaṭṭhaṃ vadeti, paṇḍitaṃ byattaṃ medhāviṃ bahussutaṃ dhammakathikaṃ – ‘‘paṇḍitosi, byattosi, medhāvīsi, bahussutosi, dhammakathikosi, natthi tuyhaṃ duggati, sugati yeva tuyhaṃ pāṭikaṅkhā’’ti bhaṇati, āpatti vācāya, vācāya dubbhāsitassa.

৩৩. উপসম্পন্নো উপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা এৰং ৰদেতি, ‘‘সন্তি ইধেকচ্চে চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘সন্তি ইধেকচ্চে পণ্ডিতা ব্যত্তা মেধাৰী বহুস্সুতা ধম্মকথিকা, নত্থি তেসং দুগ্গতি, সুগতি যেৰ তেসং পাটিকঙ্খা’’তি ভণতি, আপত্তি ৰাচায, ৰাচায দুব্ভাসিতস্স।

33. Upasampanno upasampannaṃ na khuṃsetukāmo na vambhetukāmo na maṅkukattukāmo, davakamyatā evaṃ vadeti, ‘‘santi idhekacce caṇḍālā venā nesādā rathakārā pukkusā’’ti bhaṇati…pe…. ‘‘Santi idhekacce paṇḍitā byattā medhāvī bahussutā dhammakathikā, natthi tesaṃ duggati, sugati yeva tesaṃ pāṭikaṅkhā’’ti bhaṇati, āpatti vācāya, vācāya dubbhāsitassa.

উপসম্পন্নো উপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা এৰং ৰদেতি, ‘‘যে নূন চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘যে নূন পণ্ডিতা ব্যত্তা মেধাৰী বহুস্সুতা ধম্মকথিকা’’তি ভণতি, আপত্তি ৰাচায, ৰাচায দুব্ভাসিতস্স।

Upasampanno upasampannaṃ na khuṃsetukāmo na vambhetukāmo na maṅkukattukāmo, davakamyatā evaṃ vadeti, ‘‘ye nūna caṇḍālā venā nesādā rathakārā pukkusā’’ti bhaṇati…pe…. ‘‘Ye nūna paṇḍitā byattā medhāvī bahussutā dhammakathikā’’ti bhaṇati, āpatti vācāya, vācāya dubbhāsitassa.

উপসম্পন্নো উপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা এৰং ৰদেতি, ‘‘ন মযং চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘ন মযং পণ্ডিতা ব্যত্তা মেধাৰী বহুস্সুতা ধম্মকথিকা, নত্থম্হাকং দুগ্গতি, সুগতিযেৰ অম্হাকং পাটিকঙ্খা’’তি ভণতি। আপত্তি ৰাচায, ৰাচায দুব্ভাসিতস্স।

Upasampanno upasampannaṃ na khuṃsetukāmo na vambhetukāmo na maṅkukattukāmo, davakamyatā evaṃ vadeti, ‘‘na mayaṃ caṇḍālā venā nesādā rathakārā pukkusā’’ti bhaṇati…pe…. ‘‘Na mayaṃ paṇḍitā byattā medhāvī bahussutā dhammakathikā, natthamhākaṃ duggati, sugatiyeva amhākaṃ pāṭikaṅkhā’’ti bhaṇati. Āpatti vācāya, vācāya dubbhāsitassa.

৩৪. উপসম্পন্নো অনুপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা হীনেন হীনং ৰদেতি…পে॰… হীনেন উক্কট্ঠং ৰদেতি…পে॰… উক্কট্ঠেন হীনং ৰদেতি…পে॰… উক্কট্ঠেন উক্কট্ঠং ৰদেতি, পণ্ডিতং ব্যত্তং মেধাৰিং বহুস্সুতং ধম্মকথিকং – ‘‘পণ্ডিতোসি , ব্যত্তোসি, মেধাৰীসি, বহুস্সুতোসি ধম্মকথিকোসি, নত্থি তুয্হং দুগ্গতি; সুগতি যেৰ তুয্হং পাটিকঙ্খা’’তি ভণতি, আপত্তি ৰাচায, ৰাচায দুব্ভাসিতস্স।

34. Upasampanno anupasampannaṃ na khuṃsetukāmo na vambhetukāmo na maṅkukattukāmo, davakamyatā hīnena hīnaṃ vadeti…pe… hīnena ukkaṭṭhaṃ vadeti…pe… ukkaṭṭhena hīnaṃ vadeti…pe… ukkaṭṭhena ukkaṭṭhaṃ vadeti, paṇḍitaṃ byattaṃ medhāviṃ bahussutaṃ dhammakathikaṃ – ‘‘paṇḍitosi , byattosi, medhāvīsi, bahussutosi dhammakathikosi, natthi tuyhaṃ duggati; sugati yeva tuyhaṃ pāṭikaṅkhā’’ti bhaṇati, āpatti vācāya, vācāya dubbhāsitassa.

উপসম্পন্নো অনুপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা এৰং ৰদেতি, ‘‘সন্তি ইধেকচ্চে চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘সন্তি ইধেকচ্চে পণ্ডিতা ব্যত্তা মেধাৰী বহুস্সুতা ধম্মকথিকা, নত্থি তেসং দুগ্গতি, সুগতি যেৰ তেসং পাটিকঙ্খা’’তি ভণতি, আপত্তি ৰাচায, ৰাচায দুব্ভাসিতস্স।

Upasampanno anupasampannaṃ na khuṃsetukāmo na vambhetukāmo na maṅkukattukāmo, davakamyatā evaṃ vadeti, ‘‘santi idhekacce caṇḍālā venā nesādā rathakārā pukkusā’’ti bhaṇati…pe…. ‘‘Santi idhekacce paṇḍitā byattā medhāvī bahussutā dhammakathikā, natthi tesaṃ duggati, sugati yeva tesaṃ pāṭikaṅkhā’’ti bhaṇati, āpatti vācāya, vācāya dubbhāsitassa.

উপসম্পন্নো অনুপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা এৰং ৰদেতি, ‘‘যে নূন চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘যে নূন পণ্ডিতা ব্যত্তা মেধাৰী বহুস্সুতা ধম্মকথিকা’’তি ভণতি, আপত্তি ৰাচায, ৰাচায দুব্ভাসিতস্স।

Upasampanno anupasampannaṃ na khuṃsetukāmo na vambhetukāmo na maṅkukattukāmo, davakamyatā evaṃ vadeti, ‘‘ye nūna caṇḍālā venā nesādā rathakārā pukkusā’’ti bhaṇati…pe…. ‘‘Ye nūna paṇḍitā byattā medhāvī bahussutā dhammakathikā’’ti bhaṇati, āpatti vācāya, vācāya dubbhāsitassa.

উপসম্পন্নো অনুপসম্পন্নং ন খুংসেতুকামো ন ৰম্ভেতুকামো ন মঙ্কুকত্তুকামো, দৰকম্যতা এৰং ৰদেতি, ‘‘ন মযং চণ্ডালা ৰেনা নেসাদা রথকারা পুক্কুসা’’তি ভণতি…পে॰…। ‘‘ন মযং পণ্ডিতা ব্যত্তা মেধাৰী বহুস্সুতা ধম্মকথিকা, নত্থম্হাকং দুগ্গতি, সুগতি যেৰ অম্হাকং পাটিকঙ্খা’’তি ভণতি, আপত্তি ৰাচায, ৰাচায দুব্ভাসিতস্স।

Upasampanno anupasampannaṃ na khuṃsetukāmo na vambhetukāmo na maṅkukattukāmo, davakamyatā evaṃ vadeti, ‘‘na mayaṃ caṇḍālā venā nesādā rathakārā pukkusā’’ti bhaṇati…pe…. ‘‘Na mayaṃ paṇḍitā byattā medhāvī bahussutā dhammakathikā, natthamhākaṃ duggati, sugati yeva amhākaṃ pāṭikaṅkhā’’ti bhaṇati, āpatti vācāya, vācāya dubbhāsitassa.

৩৫. অনাপত্তি অত্থপুরেক্খারস্স, ধম্মপুরেক্খারস্স, অনুসাসনিপুরেক্খারস্স, উম্মত্তকস্স, খিত্তচিত্তস্স, ৰেদনাট্টস্স, আদিকম্মিকস্সাতি।

35. Anāpatti atthapurekkhārassa, dhammapurekkhārassa, anusāsanipurekkhārassa, ummattakassa, khittacittassa, vedanāṭṭassa, ādikammikassāti.

ওমসৰাদসিক্খাপদং নিট্ঠিতং দুতিযং।

Omasavādasikkhāpadaṃ niṭṭhitaṃ dutiyaṃ.

৩. পেসুঞ্ঞসিক্খাপদং

3. Pesuññasikkhāpadaṃ

৩৬. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন ছব্বগ্গিযা ভিক্খূ ভিক্খূনং ভণ্ডনজাতানং কলহজাতানং ৰিৰাদাপন্নানং পেসুঞ্ঞং উপসংহরন্তি; ইমস্স সুত্ৰা অমুস্স অক্খাযন্তি, ইমস্স ভেদায; অমুস্স সুত্ৰা ইমস্স অক্খাযন্তি, অমুস্স ভেদায। তেন অনুপ্পন্নানি চেৰ ভণ্ডনানি উপ্পজ্জন্তি, উপ্পন্নানি চ ভণ্ডনানি ভিয্যোভাৰায ৰেপুল্লায সংৰত্তন্তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ছব্বগ্গিযা ভিক্খূ ভিক্খূনং ভণ্ডনজাতানং কলহজাতানং ৰিৰাদাপন্নানং পেসুঞ্ঞং উপসংহরিস্সন্তি, ইমস্স সুত্ৰা অমুস্স অক্খাযিস্সন্তি, ইমস্স ভেদায; অমুস্স সুত্ৰা ইমস্স অক্খাযিস্সন্তি, অমুস্স ভেদায! তেন অনুপ্পন্নানি চেৰ ভণ্ডনানি উপ্পজ্জন্তি, উপ্পন্নানি চ ভণ্ডনানি ভিয্যোভাৰায ৰেপুল্লায সংৰত্তন্তী’’তি। অথ খো তে ভিক্খূ ছব্বগ্গিযে ভিক্খূ অনেকপরিযাযেন ৰিগরহিত্ৰা ভগৰতো এতমত্থং আরোচেসুং…পে॰… ‘‘সচ্চং কির তুম্হে, ভিক্খৰে, ভিক্খূনং ভণ্ডনজাতানং কলহজাতানং ৰিৰাদাপন্নানং পেসুঞ্ঞং উপসংহরথ, ইমস্স সুত্ৰা অমুস্স অক্খাযথ, ইমস্স ভেদায, অমুস্স সুত্ৰা ইমস্স অক্খাযথ, অমুস্স ভেদায? তেন অনুপ্পন্নানি চেৰ ভণ্ডনানি উপ্পজ্জন্তি, উপ্পন্নানি চ ভণ্ডনানি ভিয্যোভাৰায ৰেপুল্লায সংৰত্তন্তী’’তি? ‘‘সচ্চং , ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, ভিক্খূনং ভণ্ডনজাতানং কলহজাতানং ৰিৰাদাপন্নানং পেসুঞ্ঞং উপসংহরিস্সথ! ইমস্স সুত্ৰা অমুস্স অক্খাযিস্সথ, ইমস্স ভেদায! অমুস্স সুত্ৰা ইমস্স অক্খাযিস্সথ, অমুস্স ভেদায! তেন অনুপ্পন্নানি চেৰ ভণ্ডনানি উপ্পজ্জন্তি, উপ্পন্নানি চ ভণ্ডনানি ভিয্যোভাৰায ৰেপুল্লায সংৰত্তন্তি। নেতং, মোঘপুরিসা, অপ্পসন্নানং ৰা পসাদায। পসন্নানং ৰা ভিয্যোভাৰায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

36. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū bhikkhūnaṃ bhaṇḍanajātānaṃ kalahajātānaṃ vivādāpannānaṃ pesuññaṃ upasaṃharanti; imassa sutvā amussa akkhāyanti, imassa bhedāya; amussa sutvā imassa akkhāyanti, amussa bhedāya. Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhūnaṃ bhaṇḍanajātānaṃ kalahajātānaṃ vivādāpannānaṃ pesuññaṃ upasaṃharissanti, imassa sutvā amussa akkhāyissanti, imassa bhedāya; amussa sutvā imassa akkhāyissanti, amussa bhedāya! Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattantī’’ti. Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, bhikkhūnaṃ bhaṇḍanajātānaṃ kalahajātānaṃ vivādāpannānaṃ pesuññaṃ upasaṃharatha, imassa sutvā amussa akkhāyatha, imassa bhedāya, amussa sutvā imassa akkhāyatha, amussa bhedāya? Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattantī’’ti? ‘‘Saccaṃ , bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhūnaṃ bhaṇḍanajātānaṃ kalahajātānaṃ vivādāpannānaṃ pesuññaṃ upasaṃharissatha! Imassa sutvā amussa akkhāyissatha, imassa bhedāya! Amussa sutvā imassa akkhāyissatha, amussa bhedāya! Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattanti. Netaṃ, moghapurisā, appasannānaṃ vā pasādāya. Pasannānaṃ vā bhiyyobhāvāya…pe… evañca pana, bhikkhave, imaṃ sikkhāpadaṃ uddiseyyātha –

৩৭. ‘‘ভিক্খুপেসুঞ্ঞে পাচিত্তিয’’ন্তি।

37.‘‘Bhikkhupesuññe pācittiya’’nti.

৩৮. পেসুঞ্ঞং নাম দ্ৰীহাকারেহি পেসুঞ্ঞং হোতি – পিযকম্যস্স ৰা ভেদাধিপ্পাযস্স ৰা। দসহাকারেহি পেসুঞ্ঞং উপসংহরতি – জাতিতোপি, নামতোপি, গোত্ততোপি, কম্মতোপি, সিপ্পতোপি, আবাধতোপি, লিঙ্গতোপি, কিলেসতোপি, আপত্তিতোপি, অক্কোসতোপি।

38.Pesuññaṃ nāma dvīhākārehi pesuññaṃ hoti – piyakamyassa vā bhedādhippāyassa vā. Dasahākārehi pesuññaṃ upasaṃharati – jātitopi, nāmatopi, gottatopi, kammatopi, sippatopi, ābādhatopi, liṅgatopi, kilesatopi, āpattitopi, akkosatopi.

জাতি নাম দ্ৰে জাতিযো – হীনা চ জাতি উক্কট্ঠা চ জাতি। হীনা নাম জাতি – চণ্ডালজাতি ৰেনজাতি নেসাদজাতি রথকারজাতি পুক্কুসজাতি । এসা হীনা নাম জাতি। উক্কট্ঠা নাম জাতি – খত্তিযজাতি ব্রাহ্মণজাতি। এসা উক্কট্ঠা নাম জাতি…পে॰…।

Jāti nāma dve jātiyo – hīnā ca jāti ukkaṭṭhā ca jāti. Hīnā nāma jāti – caṇḍālajāti venajāti nesādajāti rathakārajāti pukkusajāti . Esā hīnā nāma jāti. Ukkaṭṭhā nāma jāti – khattiyajāti brāhmaṇajāti. Esā ukkaṭṭhā nāma jāti…pe….

অক্কোসো নাম দ্ৰে অক্কোসা – হীনো চ অক্কোসো উক্কট্ঠো চ অক্কোসো। হীনো নাম অক্কোসো – ওট্ঠোসি, মেণ্ডোসি, গোণোসি, গদ্রভোসি, তিরচ্ছানগতোসি, নেরযিকোসি; নত্থি তুয্হং সুগতি; দুগ্গতি যেৰ তুয্হং পাটিকঙ্খাতি, যকারেন ৰা ভকারেন ৰা কাটকোটচিকায ৰা। এসো হীনো নাম অক্কোসো। উক্কট্ঠো নাম অক্কোসো – পণ্ডিতোসি, ব্যত্তোসি, মেধাৰীসি, বহুস্সুতোসি, ধম্মকথিকোসি; নত্থি তুয্হং দুগ্গতি; সুগতি যেৰ তুয্হং পাটিকঙ্খাতি। এসো উক্কট্ঠো নাম অক্কোসো।

Akkoso nāma dve akkosā – hīno ca akkoso ukkaṭṭho ca akkoso. Hīno nāma akkoso – oṭṭhosi, meṇḍosi, goṇosi, gadrabhosi, tiracchānagatosi, nerayikosi; natthi tuyhaṃ sugati; duggati yeva tuyhaṃ pāṭikaṅkhāti, yakārena vā bhakārena vā kāṭakoṭacikāya vā. Eso hīno nāma akkoso. Ukkaṭṭho nāma akkoso – paṇḍitosi, byattosi, medhāvīsi, bahussutosi, dhammakathikosi; natthi tuyhaṃ duggati; sugati yeva tuyhaṃ pāṭikaṅkhāti. Eso ukkaṭṭho nāma akkoso.

৩৯. উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘চণ্ডালো ৰেনো নেসাদো রথকারো পুক্কুসো’তি ভণতী’’তি। আপত্তি ৰাচায, ৰাচায পাচিত্তিযস্স।

39. Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘caṇḍālo veno nesādo rathakāro pukkuso’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘খত্তিযো ব্রাহ্মণো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘khattiyo brāhmaṇo’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘অৰকণ্ণকো জৰকণ্ণকো ধনিট্ঠকো সৰিট্ঠকো কুলৰড্ঢকো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘avakaṇṇako javakaṇṇako dhaniṭṭhako saviṭṭhako kulavaḍḍhako’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘বুদ্ধরক্খিতো ধম্মরক্খিতো সঙ্ঘরক্খিতো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘buddharakkhito dhammarakkhito saṅgharakkhito’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘কোসিযো ভারদ্ৰাজো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘kosiyo bhāradvājo’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘গোতমো মোগ্গল্লানো কচ্চানো ৰাসিট্ঠো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘gotamo moggallāno kaccāno vāsiṭṭho’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘কোট্ঠকো পুপ্ফছড্ডকো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘koṭṭhako pupphachaḍḍako’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘কস্সকো ৰাণিজো গোরক্খো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘kassako vāṇijo gorakkho’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘নল়কারো কুম্ভকারো পেসকারো চম্মকারো নহাপিতো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘naḷakāro kumbhakāro pesakāro cammakāro nahāpito’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘মুদ্দিকো গণকো লেখকো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘muddiko gaṇako lekhako’ti bhaṇatī’’ti. Āpatti vācāya, vācāya pācittiyassa.

৪০. উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘কুট্ঠিকো গণ্ডিকো কিলাসিকো সোসিকো অপমারিকো’তি ভণতী’’তি। আপত্তি ৰাচায, ৰাচায পাচিত্তিযস্স।

40. Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘kuṭṭhiko gaṇḍiko kilāsiko sosiko apamāriko’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘মধুমেহিকো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘madhumehiko’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘অতিদীঘো অতিরস্সো অতিকণ্হো অচ্চোদাতো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘atidīgho atirasso atikaṇho accodāto’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘নাতিদীঘো নাতিরস্সো নাতিকণ্হো নাচ্চোদাতো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘nātidīgho nātirasso nātikaṇho nāccodāto’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘রাগপরিযুট্ঠিতো দোসপরিযুট্ঠিতো মোহপরিযুট্ঠিতো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘rāgapariyuṭṭhito dosapariyuṭṭhito mohapariyuṭṭhito’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘ৰীতরাগো ৰীতদোসো ৰীতমোহো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘vītarāgo vītadoso vītamoho’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘পারাজিকং অজ্ঝাপন্নো, সঙ্ঘাদিসেসং অজ্ঝাপন্নো, থুল্লচ্চযং অজ্ঝাপন্নো, পাচিত্তিযং অজ্ঝাপন্নো , পাটিদেসনীযং অজ্ঝাপন্নো, দুক্কটং অজ্ঝাপন্নো, দুব্ভাসিতং অজ্ঝাপন্নো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘pārājikaṃ ajjhāpanno, saṅghādisesaṃ ajjhāpanno, thullaccayaṃ ajjhāpanno, pācittiyaṃ ajjhāpanno , pāṭidesanīyaṃ ajjhāpanno, dukkaṭaṃ ajjhāpanno, dubbhāsitaṃ ajjhāpanno’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘সোতাপন্নো’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘sotāpanno’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘ওট্ঠো মেণ্ডো গোণো গদ্রভো তিরচ্ছানগতো নেরযিকো, নত্থি তস্স সুগতি, দুগ্গতিযেৰ তস্স পাটিকঙ্খা’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘oṭṭho meṇḍo goṇo gadrabho tiracchānagato nerayiko, natthi tassa sugati, duggatiyeva tassa pāṭikaṅkhā’ti bhaṇatī’’ti. Āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো তং ‘পণ্ডিতো ব্যত্তো মেধাৰী বহুস্সুতো ধম্মকথিকো, নত্থি তস্স দুগ্গতি, সুগতি যেৰ তস্স পাটিকঙ্খা’তি ভণতী’’তি। আপত্তি ৰাচায, ৰাচায পাচিত্তিযস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo taṃ ‘paṇḍito byatto medhāvī bahussuto dhammakathiko, natthi tassa duggati, sugati yeva tassa pāṭikaṅkhā’ti bhaṇatī’’ti. Āpatti vācāya, vācāya pācittiyassa.

৪১. উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো ‘সন্তি ইধেকচ্চে চণ্ডালা ৰেনা নেসাদা রথকারা, পুক্কুসা’তি ভণতি, ন সো অঞ্ঞং ভণতি, তঞ্ঞেৰ ভণতী’’তি। আপত্তি ৰাচায, ৰাচায দুক্কটস্স।

41. Upasampanno upasampannassa sutvā upasampannassa pesuññaṃ upasaṃharati – ‘‘itthannāmo ‘santi idhekacce caṇḍālā venā nesādā rathakārā, pukkusā’ti bhaṇati, na so aññaṃ bhaṇati, taññeva bhaṇatī’’ti. Āpatti vācāya, vācāya dukkaṭassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো ‘সন্তি ইধেকচ্চে খত্তিযা ব্রাহ্মণা’তি ভণতি, ন সো অঞ্ঞং ভণতি, তঞ্ঞেৰ ভণতী’তি। আপত্তি ৰাচায, ৰাচায দুক্কটস্স…পে॰…।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo ‘santi idhekacce khattiyā brāhmaṇā’ti bhaṇati, na so aññaṃ bhaṇati, taññeva bhaṇatī’ti. Āpatti vācāya, vācāya dukkaṭassa…pe….

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো ‘সন্তি ইধেকচ্চে পণ্ডিতা ব্যত্তা মেধাৰী বহুস্সুতা ধম্মকথিকা, নত্থি তেসং দুগ্গতি, সুগতি যেৰ তেসং পাটিকঙ্খা’তি ভণতি, ন সো অঞ্ঞং ভণতি, তঞ্ঞেৰ ভণতী’’তি। আপত্তি ৰাচায, ৰাচায দুক্কটস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo ‘santi idhekacce paṇḍitā byattā medhāvī bahussutā dhammakathikā, natthi tesaṃ duggati, sugati yeva tesaṃ pāṭikaṅkhā’ti bhaṇati, na so aññaṃ bhaṇati, taññeva bhaṇatī’’ti. Āpatti vācāya, vācāya dukkaṭassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো ‘যে নূন চণ্ডালা ৰেনা নেসাদা রথকারা পুক্কুসা’তি ভণতি, ন সো অঞ্ঞং ভণতি, তঞ্ঞেৰ ভণতী’’তি। আপত্তি ৰাচায, ৰাচায দুক্কটস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo ‘ye nūna caṇḍālā venā nesādā rathakārā pukkusā’ti bhaṇati, na so aññaṃ bhaṇati, taññeva bhaṇatī’’ti. Āpatti vācāya, vācāya dukkaṭassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো ‘যে নূন পণ্ডিতা ব্যত্তা মেধাৰী বহুস্সুতা ধম্মকথিকা’তি ভণতি, ন সো অঞ্ঞং ভণতি, তঞ্ঞেৰ ভণতী’’তি। আপত্তি ৰাচায, ৰাচায দুক্কটস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo ‘ye nūna paṇḍitā byattā medhāvī bahussutā dhammakathikā’ti bhaṇati, na so aññaṃ bhaṇati, taññeva bhaṇatī’’ti. Āpatti vācāya, vācāya dukkaṭassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো ‘ন মযং চণ্ডালা ৰেনা নেসাদা রথকারা পুক্কুসা’তি ভণতি, ন সো অঞ্ঞং ভণতি, তঞ্ঞেৰ ভণতী’’তি। আপত্তি ৰাচায, ৰাচায দুক্কটস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo ‘na mayaṃ caṇḍālā venā nesādā rathakārā pukkusā’ti bhaṇati, na so aññaṃ bhaṇati, taññeva bhaṇatī’’ti. Āpatti vācāya, vācāya dukkaṭassa.

উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি – ‘‘ইত্থন্নামো ‘ন মযং পণ্ডিতা ব্যত্তা মেধাৰী বহুস্সুতা ধম্মকথিকা, নত্থম্হাকং দুগ্গতি, সুগতি যেৰ অম্হাকং পাটিকঙ্খা’তি ভণতি, ন সো অঞ্ঞং ভণতি, তঞ্ঞেৰ ভণতী’’তি। আপত্তি ৰাচায, ৰাচায দুক্কটস্স।

Upasampanno upasampannassa sutvā upasampannassa pesuññaṃ upasaṃharati – ‘‘itthannāmo ‘na mayaṃ paṇḍitā byattā medhāvī bahussutā dhammakathikā, natthamhākaṃ duggati, sugati yeva amhākaṃ pāṭikaṅkhā’ti bhaṇati, na so aññaṃ bhaṇati, taññeva bhaṇatī’’ti. Āpatti vācāya, vācāya dukkaṭassa.

৪২. উপসম্পন্নো উপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি; আপত্তি ৰাচায, ৰাচায পাচিত্তিযস্স।

42. Upasampanno upasampannassa sutvā upasampannassa pesuññaṃ upasaṃharati; āpatti vācāya, vācāya pācittiyassa.

উপসম্পন্নো উপসম্পন্নস্স সুত্ৰা অনুপসম্পন্নস্স পেসুঞ্ঞং উপসংহরতি, আপত্তি দুক্কটস্স।

Upasampanno upasampannassa sutvā anupasampannassa pesuññaṃ upasaṃharati, āpatti dukkaṭassa.

উপসম্পন্নো অনুপসম্পন্নস্স সুত্ৰা উপসম্পন্নস্স পেসুঞ্ঞং উপসংহরতি, আপত্তি দুক্কটস্স।

Upasampanno anupasampannassa sutvā upasampannassa pesuññaṃ upasaṃharati, āpatti dukkaṭassa.

উপসম্পন্নো অনুপসম্পন্নস্স সুত্ৰা অনুপসম্পন্নস্স পেসুঞ্ঞং উপসংহরতি, আপত্তি দুক্কটস্স।

Upasampanno anupasampannassa sutvā anupasampannassa pesuññaṃ upasaṃharati, āpatti dukkaṭassa.

৪৩. অনাপত্তি নপিযকম্যস্স, নভেদাধিপ্পাযস্স, উম্মত্তকস্স, আদিকম্মিকস্সাতি।

43. Anāpatti napiyakamyassa, nabhedādhippāyassa, ummattakassa, ādikammikassāti.

পেসুঞ্ঞসিক্খাপদং নিট্ঠিতং ততিযং।

Pesuññasikkhāpadaṃ niṭṭhitaṃ tatiyaṃ.

৪. পদসোধম্মসিক্খাপদং

4. Padasodhammasikkhāpadaṃ

৪৪. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন ছব্বগ্গিযা ভিক্খূ উপাসকে পদসো ধম্মং ৰাচেন্তি। উপাসকা ভিক্খূসু অগারৰা অপ্পতিস্সা অসভাগৰুত্তিকা ৰিহরন্তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ছব্বগ্গিযা ভিক্খূ উপাসকে পদসো ধম্মং ৰাচেস্সন্তি! উপাসকা ভিক্খূসু অগারৰা অপ্পতিস্সা অসভাগৰুত্তিকা ৰিহরন্তী’’তি। অথ খো তে ভিক্খূ ছব্বগ্গিযে ভিক্খূ অনেকপরিযাযেন ৰিগরহিত্ৰা ভগৰতো এতমত্থং আরোচেসুং…পে॰… ‘‘সচ্চং কির তুম্হে, ভিক্খৰে, উপাসকে পদসো ধম্মং ৰাচেথ; উপাসকা ভিক্খূসু অগারৰা অপ্পতিস্সা অসভাগৰুত্তিকা ৰিহরন্তী’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, উপাসকে পদসো ধম্মং ৰাচেস্সথ! উপাসকা ভিক্খূসু অগারৰা অপ্পতিস্সা অসভাগৰুত্তিকা ৰিহরন্তি! নেতং, মোঘপুরিসা, অপ্পসন্নানং ৰা পসাদায পসন্নানং ৰা ভিয্যোভাৰায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

44. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū upāsake padaso dhammaṃ vācenti. Upāsakā bhikkhūsu agāravā appatissā asabhāgavuttikā viharanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū upāsake padaso dhammaṃ vācessanti! Upāsakā bhikkhūsu agāravā appatissā asabhāgavuttikā viharantī’’ti. Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, upāsake padaso dhammaṃ vācetha; upāsakā bhikkhūsu agāravā appatissā asabhāgavuttikā viharantī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, upāsake padaso dhammaṃ vācessatha! Upāsakā bhikkhūsu agāravā appatissā asabhāgavuttikā viharanti! Netaṃ, moghapurisā, appasannānaṃ vā pasādāya pasannānaṃ vā bhiyyobhāvāya…pe… evañca pana, bhikkhave, imaṃ sikkhāpadaṃ uddiseyyātha –

৪৫. ‘‘যো পন ভিক্খু অনুপসম্পন্নং পদসো ধম্মং ৰাচেয্য পাচিত্তিয’’ন্তি।

45.‘‘Yo pana bhikkhu anupasampannaṃ padaso dhammaṃ vāceyya pācittiya’’nti.

৪৬. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।

46.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

অনুপসম্পন্নো নাম ভিক্খুঞ্চ ভিক্খুনিঞ্চ ঠপেত্ৰা অৰসেসো অনুপসম্পন্নো নাম।

Anupasampanno nāma bhikkhuñca bhikkhuniñca ṭhapetvā avaseso anupasampanno nāma.

পদসো নাম পদং, অনুপদং, অন্ৰক্খরং, অনুব্যঞ্জনং।

Padaso nāma padaṃ, anupadaṃ, anvakkharaṃ, anubyañjanaṃ.

পদং নাম একতো পট্ঠপেত্ৰা একতো ওসাপেন্তি। অনুপদং নাম পাটেক্কং পট্ঠপেত্ৰা একতো ওসাপেন্তি। অন্ৰক্খরং নাম ‘‘রূপং অনিচ্চ’’ন্তি ৰুচ্চমানো, ‘‘রু’’ন্তি ওপাতেতি। অনুব্যঞ্জনং নাম ‘‘রূপং অনিচ্চ’’ন্তি ৰুচ্চমানো, ‘‘ৰেদনা অনিচ্চা’’তি সদ্দং নিচ্ছারেতি।

Padaṃ nāma ekato paṭṭhapetvā ekato osāpenti. Anupadaṃ nāma pāṭekkaṃ paṭṭhapetvā ekato osāpenti. Anvakkharaṃ nāma ‘‘rūpaṃ anicca’’nti vuccamāno, ‘‘ru’’nti opāteti. Anubyañjanaṃ nāma ‘‘rūpaṃ anicca’’nti vuccamāno, ‘‘vedanā aniccā’’ti saddaṃ nicchāreti.

যঞ্চ পদং, যঞ্চ অনুপদং, যঞ্চ অন্ৰক্খরং, যঞ্চ অনুব্যঞ্জনং – সব্বমেতং পদসো ¹⁵ নাম।

Yañca padaṃ, yañca anupadaṃ, yañca anvakkharaṃ, yañca anubyañjanaṃ – sabbametaṃ padaso ¹⁶ nāma.

ধম্মো নাম বুদ্ধভাসিতো, সাৰকভাসিতো, ইসিভাসিতো, দেৰতাভাসিতো, অত্থূপসঞ্হিতো, ধম্মূপসঞ্হিতো।

Dhammo nāma buddhabhāsito, sāvakabhāsito, isibhāsito, devatābhāsito, atthūpasañhito, dhammūpasañhito.

ৰাচেয্যাতি পদেন ৰাচেতি, পদে পদে আপত্তি পাচিত্তিযস্স। অক্খরায ৰাচেতি, অক্খরক্খরায আপত্তি পাচিত্তিযস্স।

Vāceyyāti padena vāceti, pade pade āpatti pācittiyassa. Akkharāya vāceti, akkharakkharāya āpatti pācittiyassa.

৪৭. অনুপসম্পন্নে অনুপসম্পন্নসঞ্ঞী পদসো ধম্মং ৰাচেতি, আপত্তি পাচিত্তিযস্স। অনুপসম্পন্নে ৰেমতিকো পদসো ধম্মং ৰাচেতি, আপত্তি পাচিত্তিযস্স। অনুপসম্পন্নে উপসম্পন্নসঞ্ঞী পদসো ধম্মং ৰাচেতি, আপত্তি পাচিত্তিযস্স।

47. Anupasampanne anupasampannasaññī padaso dhammaṃ vāceti, āpatti pācittiyassa. Anupasampanne vematiko padaso dhammaṃ vāceti, āpatti pācittiyassa. Anupasampanne upasampannasaññī padaso dhammaṃ vāceti, āpatti pācittiyassa.

উপসম্পন্নে অনুপসম্পন্নসঞ্ঞী, আপত্তি দুক্কটস্স। উপসম্পন্নে ৰেমতিকো, আপত্তি দুক্কটস্স। উপসম্পন্নে উপসম্পন্নসঞ্ঞী, অনাপত্তি।

Upasampanne anupasampannasaññī, āpatti dukkaṭassa. Upasampanne vematiko, āpatti dukkaṭassa. Upasampanne upasampannasaññī, anāpatti.

৪৮. অনাপত্তি একতো উদ্দিসাপেন্তো, একতো সজ্ঝাযং করোন্তো , যেভুয্যেন পগুণং গন্থং ভণন্তং ওপাতেতি, ওসারেন্তং ওপাতেতি, উম্মত্তকস্স, আদিকম্মিকস্সাতি।

48. Anāpatti ekato uddisāpento, ekato sajjhāyaṃ karonto , yebhuyyena paguṇaṃ ganthaṃ bhaṇantaṃ opāteti, osārentaṃ opāteti, ummattakassa, ādikammikassāti.

পদসোধম্মসিক্খাপদং নিট্ঠিতং চতুত্থং।

Padasodhammasikkhāpadaṃ niṭṭhitaṃ catutthaṃ.

৫. সহসেয্যসিক্খাপদং

5. Sahaseyyasikkhāpadaṃ

৪৯. তেন সমযেন বুদ্ধো ভগৰা আল়ৰিযং ৰিহরতি অগ্গাল়ৰে চেতিযে। তেন খো পন সমযেন উপাসকা আরামং আগচ্ছন্তি ধম্মস্সৰনায। ধম্মে ভাসিতে থেরা ভিক্খূ যথাৰিহারং গচ্ছন্তি। নৰকা ভিক্খূ তত্থেৰ উপট্ঠানসালাযং উপাসকেহি সদ্ধিং মুট্ঠস্সতী, অসম্পজানা, নগ্গা, ৰিকূজমানা, কাকচ্ছমানা সেয্যং কপ্পেন্তি। উপাসকা উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ভদন্তা মুট্ঠস্সতী অসম্পজানা নগ্গা ৰিকূজমানা কাকচ্ছমানা সেয্যং কপ্পেস্সন্তী’’তি! অস্সোসুং খো ভিক্খূ তেসং উপাসকানং উজ্ঝাযন্তানং খিয্যন্তানং ৰিপাচেন্তানং। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ভিক্খূ অনুপসম্পন্নেন সহসেয্যং কপ্পেস্সন্তী’’তি! অথ খো তে ভিক্খূ তে নৰকে ভিক্খূ অনেকপরিযাযেন ৰিগরহিত্ৰা ভগৰতো এতমত্থং আরোচেসুং…পে॰… ‘‘সচ্চং কির, ভিক্খৰে, ভিক্খূ অনুপসম্পন্নেন সহসেয্যং কপ্পেন্তী’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তে, ভিক্খৰে, মোঘপুরিসা অনুপসম্পন্নেন সহসেয্যং কপ্পেস্সন্তি! নেতং, ভিক্খৰে, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

49. Tena samayena buddho bhagavā āḷaviyaṃ viharati aggāḷave cetiye. Tena kho pana samayena upāsakā ārāmaṃ āgacchanti dhammassavanāya. Dhamme bhāsite therā bhikkhū yathāvihāraṃ gacchanti. Navakā bhikkhū tattheva upaṭṭhānasālāyaṃ upāsakehi saddhiṃ muṭṭhassatī, asampajānā, naggā, vikūjamānā, kākacchamānā seyyaṃ kappenti. Upāsakā ujjhāyanti khiyyanti vipācenti – ‘‘kathañhi nāma bhadantā muṭṭhassatī asampajānā naggā vikūjamānā kākacchamānā seyyaṃ kappessantī’’ti! Assosuṃ kho bhikkhū tesaṃ upāsakānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū anupasampannena sahaseyyaṃ kappessantī’’ti! Atha kho te bhikkhū te navake bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira, bhikkhave, bhikkhū anupasampannena sahaseyyaṃ kappentī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā anupasampannena sahaseyyaṃ kappessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

‘‘যো পন ভিক্খু অনুপসম্পন্নেন সহসেয্যং কপ্পেয্য পাচিত্তিয’’ন্তি।

‘‘Yo pana bhikkhu anupasampannena sahaseyyaṃ kappeyya pācittiya’’nti.

এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

৫০. অথ খো ভগৰা আল়ৰিযং যথাভিরন্তং ৰিহরিত্ৰা যেন কোসম্বী তেন চারিকং পক্কামি। অনুপুব্বেন চারিকং চরমানো যেন কোসম্বী তদৰসরি। তত্র সুদং ভগৰা কোসম্বিযং ৰিহরতি বদরিকারামে। ভিক্খূ আযস্মন্তং রাহুলং এতদৰোচুং – ‘‘ভগৰতা, আৰুসো রাহুল, সিক্খাপদং পঞ্ঞত্তং – ‘ন অনুপসম্পন্নেন সহসেয্যা কপ্পেতব্বা’তি। সেয্যং, আৰুসো রাহুল, জানাহী’’তি। অথ খো আযস্মা রাহুলো সেয্যং অলভমানো ৰচ্চকুটিযা সেয্যং কপ্পেসি। অথ খো ভগৰা রত্তিযা পচ্চূসসমযং পচ্চুট্ঠায যেন ৰচ্চকুটি তেনুপসঙ্কমি; উপসঙ্কমিত্ৰা উক্কাসি। আযস্মাপি রাহুলো উক্কাসি। ‘‘কো এত্থা’’তি? ‘‘অহং, ভগৰা, রাহুলো’’তি। ‘‘কিস্স ত্ৰং, রাহুল, ইধ নিসিন্নোসী’’তি? অথ খো আযস্মা রাহুলো ভগৰতো এতমত্থং আরোচেসি। অথ খো ভগৰা এতস্মিং নিদানে এতস্মিং পকরণে ধম্মিং কথং কত্ৰা ভিক্খূ আমন্তেসি – ‘‘অনুজানামি, ভিক্খৰে, অনুপসম্পন্নেন দিরত্ততিরত্তং সহসেয্যং কপ্পেতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

50. Atha kho bhagavā āḷaviyaṃ yathābhirantaṃ viharitvā yena kosambī tena cārikaṃ pakkāmi. Anupubbena cārikaṃ caramāno yena kosambī tadavasari. Tatra sudaṃ bhagavā kosambiyaṃ viharati badarikārāme. Bhikkhū āyasmantaṃ rāhulaṃ etadavocuṃ – ‘‘bhagavatā, āvuso rāhula, sikkhāpadaṃ paññattaṃ – ‘na anupasampannena sahaseyyā kappetabbā’ti. Seyyaṃ, āvuso rāhula, jānāhī’’ti. Atha kho āyasmā rāhulo seyyaṃ alabhamāno vaccakuṭiyā seyyaṃ kappesi. Atha kho bhagavā rattiyā paccūsasamayaṃ paccuṭṭhāya yena vaccakuṭi tenupasaṅkami; upasaṅkamitvā ukkāsi. Āyasmāpi rāhulo ukkāsi. ‘‘Ko etthā’’ti? ‘‘Ahaṃ, bhagavā, rāhulo’’ti. ‘‘Kissa tvaṃ, rāhula, idha nisinnosī’’ti? Atha kho āyasmā rāhulo bhagavato etamatthaṃ ārocesi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, anupasampannena dirattatirattaṃ sahaseyyaṃ kappetuṃ. Evañca pana, bhikkhave, imaṃ sikkhāpadaṃ uddiseyyātha –

৫১. ‘‘যো পন ভিক্খু অনুপসম্পন্নেন উত্তরিদিরত্ততিরত্তং সহসেয্যং কপ্পেয্য, পাচিত্তিয’’ন্তি।

51.‘‘Yo pana bhikkhu anupasampannena uttaridirattatirattaṃ sahaseyyaṃ kappeyya, pācittiya’’nti.

৫২. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।

52.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

অনুপসম্পন্নো নাম ভিক্খুং ঠপেত্ৰা অৰসেসো অনুপসম্পন্নো নাম।

Anupasampanno nāma bhikkhuṃ ṭhapetvā avaseso anupasampanno nāma.

উত্তরিদিরত্ততিরত্তন্তি অতিরেকদিরত্ততিরত্তং।

Uttaridirattatirattanti atirekadirattatirattaṃ.

সহাতি একতো।

Sahāti ekato.

সেয্যা নাম সব্বচ্ছন্না, সব্বপরিচ্ছন্না, যেভুয্যেনচ্ছন্না, যেভুয্যেন পরিচ্ছন্না।

Seyyā nāma sabbacchannā, sabbaparicchannā, yebhuyyenacchannā, yebhuyyena paricchannā.

সেয্যং কপ্পেয্যাতি চতুত্থে দিৰসে অত্থঙ্গতে সূরিযে, অনুপসম্পন্নে নিপন্নে, ভিক্খু নিপজ্জতি, আপত্তি পাচিত্তিযস্স। ভিক্খু নিপন্নে, অনুপসম্পন্নো নিপজ্জতি, আপত্তি পাচিত্তিযস্স। উভো ৰা নিপজ্জন্তি, আপত্তি পাচিত্তিযস্স। উট্ঠহিত্ৰা পুনপ্পুনং নিপজ্জন্তি, আপত্তি পাচিত্তিযস্স।

Seyyaṃ kappeyyāti catutthe divase atthaṅgate sūriye, anupasampanne nipanne, bhikkhu nipajjati, āpatti pācittiyassa. Bhikkhu nipanne, anupasampanno nipajjati, āpatti pācittiyassa. Ubho vā nipajjanti, āpatti pācittiyassa. Uṭṭhahitvā punappunaṃ nipajjanti, āpatti pācittiyassa.

৫৩. অনুপসম্পন্নে অনুপসম্পন্নসঞ্ঞী উত্তরিদিরত্ততিরত্তং সহসেয্যং কপ্পেতি, আপত্তি পাচিত্তিযস্স। অনুপসম্পন্নে ৰেমতিকো উত্তরিদিরত্ততিরত্তং সহসেয্যং কপ্পেতি, আপত্তি পাচিত্তিযস্স। অনুপসম্পন্নে উপসম্পন্নসঞ্ঞী উত্তরিদিরত্ততিরত্তং সহসেয্যং কপ্পেতি, আপত্তি পাচিত্তিযস্স।

53. Anupasampanne anupasampannasaññī uttaridirattatirattaṃ sahaseyyaṃ kappeti, āpatti pācittiyassa. Anupasampanne vematiko uttaridirattatirattaṃ sahaseyyaṃ kappeti, āpatti pācittiyassa. Anupasampanne upasampannasaññī uttaridirattatirattaṃ sahaseyyaṃ kappeti, āpatti pācittiyassa.

উপড্ঢচ্ছন্নে উপড্ঢপরিচ্ছন্নে, আপত্তি দুক্কটস্স। উপসম্পন্নে অনুপসম্পন্নসঞ্ঞী, আপত্তি দুক্কটস্স। উপসম্পন্নে ৰেমতিকো, আপত্তি দুক্কটস্স। উপসম্পন্নে উপসম্পন্নসঞ্ঞী, অনাপত্তি।

Upaḍḍhacchanne upaḍḍhaparicchanne, āpatti dukkaṭassa. Upasampanne anupasampannasaññī, āpatti dukkaṭassa. Upasampanne vematiko, āpatti dukkaṭassa. Upasampanne upasampannasaññī, anāpatti.

৫৪. অনাপত্তি দ্ৰেতিস্সো রত্তিযো ৰসতি, ঊনকদ্ৰেতিস্সো রত্তিযো ৰসতি, দ্ৰে রত্তিযো ৰসিত্ৰা ততিযায রত্তিযা পুরারুণা নিক্খমিত্ৰা পুন ৰসতি, সব্বচ্ছন্নে, সব্বঅপরিচ্ছন্নে, সব্বপরিচ্ছন্নে সব্বঅচ্ছন্নে ¹⁷, যেভুয্যেন অচ্ছন্নে, যেভুয্যেন অপরিচ্ছন্নে, অনুপসম্পন্নে নিপন্নে ভিক্খু নিসীদতি, ভিক্খু নিপন্নে অনুপসম্পন্নো নিসীদতি, উভো ৰা নিসীদন্তি, উম্মত্তকস্স, আদিকম্মিকস্সাতি।

54. Anāpatti dvetisso rattiyo vasati, ūnakadvetisso rattiyo vasati, dve rattiyo vasitvā tatiyāya rattiyā purāruṇā nikkhamitvā puna vasati, sabbacchanne, sabbaaparicchanne, sabbaparicchanne sabbaacchanne ¹⁸, yebhuyyena acchanne, yebhuyyena aparicchanne, anupasampanne nipanne bhikkhu nisīdati, bhikkhu nipanne anupasampanno nisīdati, ubho vā nisīdanti, ummattakassa, ādikammikassāti.

সহসেয্যসিক্খাপদং নিট্ঠিতং পঞ্চমং।

Sahaseyyasikkhāpadaṃ niṭṭhitaṃ pañcamaṃ.

৬. দুতিযসহসেয্যসিক্খাপদং

6. Dutiyasahaseyyasikkhāpadaṃ

৫৫. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা অনুরুদ্ধো কোসলেসু জনপদে ¹⁹ সাৰত্থিং গচ্ছন্তো সাযং অঞ্ঞতরং গামং উপগচ্ছি। তেন খো পন সমযেন তস্মিং গামে অঞ্ঞতরিস্সা ইত্থিযা আৰসথাগারং পঞ্ঞত্তং হোতি। অথ খো আযস্মা অনুরুদ্ধো যেন সা ইত্থী তেনুপসঙ্কমি; উপসঙ্কমিত্ৰা তং ইত্থিং এতদৰোচ – ‘‘সচে তে, ভগিনি, অগরু, ৰসেয্যাম একরত্তং আৰসথাগারে’’তি। ‘‘ৰসেয্যাথ, ভন্তে’’তি। অঞ্ঞেপি অদ্ধিকা যেন সা ইত্থী তেনুপসঙ্কমিংসু; উপসঙ্কমিত্ৰা তং ইত্থিং এতদৰোচুং – ‘‘সচে তে, অয্যে, অগরু ৰসেয্যাম একরত্তং আৰসথাগারে’’তি । ‘‘এসো খো অয্যো সমণো পঠমং উপগতো; সচে সো অনুজানাতি, ৰসেয্যাথা’’তি। অথ খো তে অদ্ধিকা যেনাযস্মা অনুরুদ্ধো তেনুপসঙ্কমিংসু; উপসঙ্কমিত্ৰা আযস্মন্তং অনুরুদ্ধং এতদৰোচুং – ‘‘সচে তে, ভন্তে, অগরু, ৰসেয্যাম একরত্তং আৰসথাগারে’’তি। ‘‘ৰসেয্যাথ, আৰুসো’’তি। অথ খো সা ইত্থী আযস্মন্তে অনুরুদ্ধে সহ দস্সনেন পটিবদ্ধচিত্তা অহোসি। অথ খো সা ইত্থী যেনাযস্মা অনুরুদ্ধো তেনুপসঙ্কমি; উপসঙ্কমিত্ৰা আযস্মন্তং অনুরুদ্ধং এতদৰোচ – ‘‘অয্যো, ভন্তে, ইমেহি মনুস্সেহি আকিণ্ণো ন ফাসু ৰিহরিস্সতি। সাধাহং, ভন্তে, অয্যস্স মঞ্চকং অব্ভন্তরং পঞ্ঞপেয্য’’ন্তি। অধিৰাসেসি খো আযস্মা অনুরুদ্ধো তুণ্হীভাৰেন। অথ খো সা ইত্থী আযস্মতো অনুরুদ্ধস্স মঞ্চকং অব্ভন্তরং পঞ্ঞপেত্ৰা অলঙ্কতপ্পটিযত্তা গন্ধগন্ধিনী যেনাযস্মা অনুরুদ্ধো তেনুপসঙ্কমি; উপসঙ্কমিত্ৰা আযস্মন্তং অনুরুদ্ধং এতদৰোচ – ‘‘অয্যো, ভন্তে, অভিরূপো দস্সনীযো পাসাদিকো, অহং চম্হি অভিরূপা দস্সনীযা পাসাদিকা। সাধাহং, ভন্তে, অয্যস্স পজাপতি ভৰেয্য’’ন্তি। এৰং ৰুত্তে আযস্মা অনুরুদ্ধো তুণ্হী অহোসি। দুতিযম্পি খো…পে॰… ততিযম্পি খো সা ইত্থী আযস্মন্তং অনুরুদ্ধং এতদৰোচ – ‘‘অয্যো, ভন্তে, অভিরূপো দস্সনীযো পাসাদিকো, অহঞ্চম্হি অভিরূপা দস্সনীযা পাসাদিকা। সাধু, ভন্তে, অয্যো মঞ্চেৰ পটিচ্ছতু ²⁰ সব্বঞ্চ সাপতেয্য’’ন্তি। ততিযম্পি খো আযস্মা অনুরুদ্ধো তুণ্হী অহোসি। অথ খো সা ইত্থী সাটকং নিক্খিপিত্ৰা আযস্মতো অনুরুদ্ধস্স পুরতো চঙ্কমতিপি তিট্ঠতিপি নিসীদতিপি সেয্যম্পি কপ্পেতি। অথ খো আযস্মা অনুরুদ্ধো ইন্দ্রিযানি ওক্খিপিত্ৰা তং ইত্থিং নেৰ ওলোকেসি নপি আলপি। অথ খো সা ইত্থী – ‘‘অচ্ছরিযং ৰত ভো, অব্ভুতং ৰত ভো! বহূ মে মনুস্সা সতেনপি সহস্সেনপি পহিণন্তি। অযং পন সমণো – মযা সামং যাচিযমানো – ন ইচ্ছতি মঞ্চেৰ পটিচ্ছিতুং সব্বঞ্চ সাপতেয্য’’ন্তি সাটকং নিৰাসেত্ৰা আযস্মতো অনুরুদ্ধস্স পাদেসু সিরসা নিপতিত্ৰা আযস্মন্তং অনুরুদ্ধং এতদৰোচ – ‘‘অচ্চযো মং, ভন্তে, অচ্চগমা যথাবালং যথামূল়্হং যথাঅকুসলং যাহং এৰমকাসিং। তস্সা মে, ভন্তে, অয্যো অচ্চযং অচ্চযতো পটিগ্গণ্হাতু আযতিং সংৰরাযা’’তি। ‘‘তগ্ঘ ত্ৰং, ভগিনি, অচ্চযো অচ্চগমা যথাবালং যথামূল়্হং যথাঅকুসলং যা ত্ৰং এৰমকাসি। যতো চ খো ত্ৰং, ভগিনি, অচ্চযং অচ্চযতো দিস্ৰা যথাধম্মং পটিকরোসি, তং তে মযং পটিগ্গণ্হাম। ৰুদ্ধি হেসা, ভগিনি, অরিযস্স ৰিনযে যো অচ্চযং অচ্চযতো দিস্ৰা যথাধম্মং পটিকরোতি আযতিঞ্চ সংৰরং আপজ্জতী’’তি।

55. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā anuruddho kosalesu janapade ²¹ sāvatthiṃ gacchanto sāyaṃ aññataraṃ gāmaṃ upagacchi. Tena kho pana samayena tasmiṃ gāme aññatarissā itthiyā āvasathāgāraṃ paññattaṃ hoti. Atha kho āyasmā anuruddho yena sā itthī tenupasaṅkami; upasaṅkamitvā taṃ itthiṃ etadavoca – ‘‘sace te, bhagini, agaru, vaseyyāma ekarattaṃ āvasathāgāre’’ti. ‘‘Vaseyyātha, bhante’’ti. Aññepi addhikā yena sā itthī tenupasaṅkamiṃsu; upasaṅkamitvā taṃ itthiṃ etadavocuṃ – ‘‘sace te, ayye, agaru vaseyyāma ekarattaṃ āvasathāgāre’’ti . ‘‘Eso kho ayyo samaṇo paṭhamaṃ upagato; sace so anujānāti, vaseyyāthā’’ti. Atha kho te addhikā yenāyasmā anuruddho tenupasaṅkamiṃsu; upasaṅkamitvā āyasmantaṃ anuruddhaṃ etadavocuṃ – ‘‘sace te, bhante, agaru, vaseyyāma ekarattaṃ āvasathāgāre’’ti. ‘‘Vaseyyātha, āvuso’’ti. Atha kho sā itthī āyasmante anuruddhe saha dassanena paṭibaddhacittā ahosi. Atha kho sā itthī yenāyasmā anuruddho tenupasaṅkami; upasaṅkamitvā āyasmantaṃ anuruddhaṃ etadavoca – ‘‘ayyo, bhante, imehi manussehi ākiṇṇo na phāsu viharissati. Sādhāhaṃ, bhante, ayyassa mañcakaṃ abbhantaraṃ paññapeyya’’nti. Adhivāsesi kho āyasmā anuruddho tuṇhībhāvena. Atha kho sā itthī āyasmato anuruddhassa mañcakaṃ abbhantaraṃ paññapetvā alaṅkatappaṭiyattā gandhagandhinī yenāyasmā anuruddho tenupasaṅkami; upasaṅkamitvā āyasmantaṃ anuruddhaṃ etadavoca – ‘‘ayyo, bhante, abhirūpo dassanīyo pāsādiko, ahaṃ camhi abhirūpā dassanīyā pāsādikā. Sādhāhaṃ, bhante, ayyassa pajāpati bhaveyya’’nti. Evaṃ vutte āyasmā anuruddho tuṇhī ahosi. Dutiyampi kho…pe… tatiyampi kho sā itthī āyasmantaṃ anuruddhaṃ etadavoca – ‘‘ayyo, bhante, abhirūpo dassanīyo pāsādiko, ahañcamhi abhirūpā dassanīyā pāsādikā. Sādhu, bhante, ayyo mañceva paṭicchatu ²² sabbañca sāpateyya’’nti. Tatiyampi kho āyasmā anuruddho tuṇhī ahosi. Atha kho sā itthī sāṭakaṃ nikkhipitvā āyasmato anuruddhassa purato caṅkamatipi tiṭṭhatipi nisīdatipi seyyampi kappeti. Atha kho āyasmā anuruddho indriyāni okkhipitvā taṃ itthiṃ neva olokesi napi ālapi. Atha kho sā itthī – ‘‘acchariyaṃ vata bho, abbhutaṃ vata bho! Bahū me manussā satenapi sahassenapi pahiṇanti. Ayaṃ pana samaṇo – mayā sāmaṃ yāciyamāno – na icchati mañceva paṭicchituṃ sabbañca sāpateyya’’nti sāṭakaṃ nivāsetvā āyasmato anuruddhassa pādesu sirasā nipatitvā āyasmantaṃ anuruddhaṃ etadavoca – ‘‘accayo maṃ, bhante, accagamā yathābālaṃ yathāmūḷhaṃ yathāakusalaṃ yāhaṃ evamakāsiṃ. Tassā me, bhante, ayyo accayaṃ accayato paṭiggaṇhātu āyatiṃ saṃvarāyā’’ti. ‘‘Taggha tvaṃ, bhagini, accayo accagamā yathābālaṃ yathāmūḷhaṃ yathāakusalaṃ yā tvaṃ evamakāsi. Yato ca kho tvaṃ, bhagini, accayaṃ accayato disvā yathādhammaṃ paṭikarosi, taṃ te mayaṃ paṭiggaṇhāma. Vuddhi hesā, bhagini, ariyassa vinaye yo accayaṃ accayato disvā yathādhammaṃ paṭikaroti āyatiñca saṃvaraṃ āpajjatī’’ti.

অথ খো সা ইত্থী তস্সা রত্তিযা অচ্চযেন আযস্মন্তং অনুরুদ্ধং পণীতেন খাদনীযেন ভোজনীযেন সহত্থা সন্তপ্পেত্ৰা সম্পৰারেত্ৰা, আযস্মন্তং অনুরুদ্ধং ভুত্তাৰিং ওনীতপত্তপাণিং অভিৰাদেত্ৰা একমন্তং নিসীদি। একমন্তং নিসিন্নং খো তং ইত্থিং আযস্মা অনুরুদ্ধো ধম্মিযা কথায সন্দস্সেসি সমাদপেসি সমুত্তেজেসি সম্পহংসেসি। অথ খো সা ইত্থী – আযস্মতা অনুরুদ্ধেন ধম্মিযা কথায সন্দস্সিতা সমাদপিতা সমুত্তেজিতা সম্পহংসিতা – আযস্মন্তং অনুরুদ্ধং এতদৰোচ – ‘‘অভিক্কন্তং, ভন্তে, অভিক্কন্তং, ভন্তে! সেয্যথাপি, ভন্তে, নিক্কুজ্জিতং ৰা উক্কুজ্জেয্য, পটিচ্ছন্নং ৰা ৰিৰরেয্য, মূল়্হস্স ৰা মগ্গং আচিক্খেয্য, অন্ধকারে ৰা তেলপজ্জোতং ধারেয্য – চক্খুমন্তো রূপানি দক্খন্তীতি, এৰমেৰং অয্যেন অনুরুদ্ধেন অনেকপরিযাযেন ধম্মো পকাসিতো। এসাহং, ভন্তে, তং ভগৰন্তং সরণং গচ্ছামি ধম্মঞ্চ ভিক্খুসঙ্ঘঞ্চ। উপাসিকং মং অয্যো ধারেতু অজ্জতগ্গে পাণুপেতং সরণং গত’’ন্তি।

Atha kho sā itthī tassā rattiyā accayena āyasmantaṃ anuruddhaṃ paṇītena khādanīyena bhojanīyena sahatthā santappetvā sampavāretvā, āyasmantaṃ anuruddhaṃ bhuttāviṃ onītapattapāṇiṃ abhivādetvā ekamantaṃ nisīdi. Ekamantaṃ nisinnaṃ kho taṃ itthiṃ āyasmā anuruddho dhammiyā kathāya sandassesi samādapesi samuttejesi sampahaṃsesi. Atha kho sā itthī – āyasmatā anuruddhena dhammiyā kathāya sandassitā samādapitā samuttejitā sampahaṃsitā – āyasmantaṃ anuruddhaṃ etadavoca – ‘‘abhikkantaṃ, bhante, abhikkantaṃ, bhante! Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti, evamevaṃ ayyena anuruddhena anekapariyāyena dhammo pakāsito. Esāhaṃ, bhante, taṃ bhagavantaṃ saraṇaṃ gacchāmi dhammañca bhikkhusaṅghañca. Upāsikaṃ maṃ ayyo dhāretu ajjatagge pāṇupetaṃ saraṇaṃ gata’’nti.

অথ খো আযস্মা অনুরুদ্ধো সাৰত্থিযং গন্ত্ৰা ভিক্খূনং এতমত্থং আরোচেসি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা অনুরুদ্ধো মাতুগামেন সহসেয্যং কপ্পেস্সতী’’তি! অথ খো তে ভিক্খূ আযস্মন্তং অনুরুদ্ধং অনেকপরিযাযেন ৰিগরহিত্ৰা ভগৰতো এতমত্থং আরোচেসুং…পে॰… ‘‘সচ্চং কির ত্ৰং, অনুরুদ্ধ, মাতুগামেন সহসেয্যং কপ্পেসী’’তি? ‘‘সচ্চং, ভগৰা’’তি । ৰিগরহি বুদ্ধো ভগৰা…পে॰… কথঞ্হি নাম ত্ৰং, অনুরুদ্ধ, মাতুগামেন সহসেয্যং কপ্পেস্সসি! নেতং, অনুরুদ্ধ, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

Atha kho āyasmā anuruddho sāvatthiyaṃ gantvā bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā anuruddho mātugāmena sahaseyyaṃ kappessatī’’ti! Atha kho te bhikkhū āyasmantaṃ anuruddhaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, anuruddha, mātugāmena sahaseyyaṃ kappesī’’ti? ‘‘Saccaṃ, bhagavā’’ti . Vigarahi buddho bhagavā…pe… kathañhi nāma tvaṃ, anuruddha, mātugāmena sahaseyyaṃ kappessasi! Netaṃ, anuruddha, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

৫৬. ‘‘যো পন ভিক্খু মাতুগামেন সহসেয্যং কপ্পেয্য পাচিত্তিয’’ন্তি।

56.‘‘Yo pana bhikkhu mātugāmena sahaseyyaṃ kappeyya pācittiya’’nti.

৫৭. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।

57.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

মাতুগামো নাম মনুস্সিত্থী, ন যক্খী ²³, ন পেতী, ন তিরচ্ছানগতা; অন্তমসো তদহুজাতাপি দারিকা, পগেৰ মহত্তরী।

Mātugāmo nāma manussitthī, na yakkhī ²⁴, na petī, na tiracchānagatā; antamaso tadahujātāpi dārikā, pageva mahattarī.

সহাতি একতো।

Sahāti ekato.

Seyyā nāma sabbacchannā, sabbaparicchannā, yebhuyyenacchannā, yebhuyyena paricchannā.

সেয্যং কপ্পেয্যাতি অত্থঙ্গতে সূরিযে, মাতুগামে নিপন্নে ভিক্খু নিপজ্জতি, আপত্তি পাচিত্তিযস্স। ভিক্খু নিপন্নে মাতুগামো নিপজ্জতি, আপত্তি পাচিত্তিযস্স। উভো ৰা নিপজ্জন্তি, আপত্তি পাচিত্তিযস্স। উট্ঠহিত্ৰা পুনপ্পুনং নিপজ্জন্তি, আপত্তি পাচিত্তিযস্স।

Seyyaṃ kappeyyāti atthaṅgate sūriye, mātugāme nipanne bhikkhu nipajjati, āpatti pācittiyassa. Bhikkhu nipanne mātugāmo nipajjati, āpatti pācittiyassa. Ubho vā nipajjanti, āpatti pācittiyassa. Uṭṭhahitvā punappunaṃ nipajjanti, āpatti pācittiyassa.

৫৮. মাতুগামে মাতুগামসঞ্ঞী সহসেয্যং কপ্পেতি, আপত্তি পাচিত্তিযস্স। মাতুগামে ৰেমতিকো সহসেয্যং কপ্পেতি, আপত্তি পাচিত্তিযস্স। মাতুগামে অমাতুগামসঞ্ঞী সহসেয্যং কপ্পেতি, আপত্তি পাচিত্তিযস্স।

58. Mātugāme mātugāmasaññī sahaseyyaṃ kappeti, āpatti pācittiyassa. Mātugāme vematiko sahaseyyaṃ kappeti, āpatti pācittiyassa. Mātugāme amātugāmasaññī sahaseyyaṃ kappeti, āpatti pācittiyassa.

উপড্ঢচ্ছন্নে উপড্ঢপরিচ্ছন্নে, আপত্তি দুক্কটস্স। যক্খিযা ৰা পেতিযা ৰা পণ্ডকেন ৰা তিরচ্ছানগতিত্থিযা ৰা সহসেয্যং কপ্পেতি, আপত্তি দুক্কটস্স। অমাতুগামে মাতুগামসঞ্ঞী, আপত্তি দুক্কটস্স। অমাতুগামে ৰেমতিকো, আপত্তি দুক্কটস্স। অমাতুগামে অমাতুগামসঞ্ঞী, অনাপত্তি।

Upaḍḍhacchanne upaḍḍhaparicchanne, āpatti dukkaṭassa. Yakkhiyā vā petiyā vā paṇḍakena vā tiracchānagatitthiyā vā sahaseyyaṃ kappeti, āpatti dukkaṭassa. Amātugāme mātugāmasaññī, āpatti dukkaṭassa. Amātugāme vematiko, āpatti dukkaṭassa. Amātugāme amātugāmasaññī, anāpatti.

৫৯. অনাপত্তি সব্বচ্ছন্নে সব্বঅপরিচ্ছন্নে, সব্বপরিচ্ছন্নে সব্বঅচ্ছন্নে ²⁵, যেভুয্যেন অচ্ছন্নে, যেভুয্যেন অপরিচ্ছন্নে, মাতুগামে নিপন্নে ভিক্খু নিসীদতি , ভিক্খু নিপন্নে মাতুগামো নিসীদতি, উভো ৰা নিসীদন্তি, উম্মত্তকস্স, আদিকম্মিকস্সাতি।

59. Anāpatti sabbacchanne sabbaaparicchanne, sabbaparicchanne sabbaacchanne ²⁶, yebhuyyena acchanne, yebhuyyena aparicchanne, mātugāme nipanne bhikkhu nisīdati , bhikkhu nipanne mātugāmo nisīdati, ubho vā nisīdanti, ummattakassa, ādikammikassāti.

দুতিযসহসেয্যসিক্খাপদং নিট্ঠিতং ছট্ঠং।

Dutiyasahaseyyasikkhāpadaṃ niṭṭhitaṃ chaṭṭhaṃ.

৭. ধম্মদেসনাসিক্খাপদং

7. Dhammadesanāsikkhāpadaṃ

৬০. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা উদাযী সাৰত্থিযং কুলূপকো হোতি, বহুকানি কুলানি উপসঙ্কমতি। অথ খো আযস্মা উদাযী পুব্বণ্হসমযং নিৰাসেত্ৰা পত্তচীৰরমাদায যেন অঞ্ঞতরং কুলং তেনুপসঙ্কমি। তেন খো পন সমযেন ঘরণী নিৰেসনদ্ৰারে নিসিন্না হোতি, ঘরসুণ্হা আৰসথদ্ৰারে নিসিন্না হোতি। অথ খো আযস্মা উদাযী যেন ঘরণী তেনুপসঙ্কমি; উপসঙ্কমিত্ৰা ঘরণিযা উপকণ্ণকে ধম্মং দেসেসি। অথ খো ঘরসুণ্হায এতদহোসি – ‘‘কি নু খো সো সমণো সস্সুযা জারো উদাহু ওভাসতী’’তি?

60. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī sāvatthiyaṃ kulūpako hoti, bahukāni kulāni upasaṅkamati. Atha kho āyasmā udāyī pubbaṇhasamayaṃ nivāsetvā pattacīvaramādāya yena aññataraṃ kulaṃ tenupasaṅkami. Tena kho pana samayena gharaṇī nivesanadvāre nisinnā hoti, gharasuṇhā āvasathadvāre nisinnā hoti. Atha kho āyasmā udāyī yena gharaṇī tenupasaṅkami; upasaṅkamitvā gharaṇiyā upakaṇṇake dhammaṃ desesi. Atha kho gharasuṇhāya etadahosi – ‘‘ki nu kho so samaṇo sassuyā jāro udāhu obhāsatī’’ti?

অথ খো আযস্মা উদাযী ঘরণিযা উপকণ্ণকে ধম্মং দেসেত্ৰা যেন ঘরসুণ্হা তেনুপসঙ্কমি; উপসঙ্কমিত্ৰা ঘরসুণ্হায উপকণ্ণকে ধম্মং দেসেসি। অথ খো ঘরণিযা এতদহোসি – ‘‘কিং নু খো সো সমণো ঘরসুণ্হায জারো উদাহু ওভাসতী’’তি ? অথ খো আযস্মা উদাযী ঘরসুণ্হায উপকণ্ণকে ধম্মং দেসেত্ৰা পক্কামি। অথ খো ঘরণী ঘরসুণ্হং এতদৰোচ – ‘‘হে জে, কিং তে এসো সমণো অৰোচা’’তি? ‘‘ধম্মং মে, অয্যে, দেসেসি’’। ‘‘অয্যায পন কিং অৰোচা’’তি? ‘‘ময্হম্পি ধম্মং দেসেসী’’তি। তা উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম অয্যো উদাযী মাতুগামস্স উপকণ্ণকে ধম্মং দেসেস্সতি! ননু নাম ৰিস্সট্ঠেন ৰিৰটেন ধম্মো দেসেতব্বো’’তি?

Atha kho āyasmā udāyī gharaṇiyā upakaṇṇake dhammaṃ desetvā yena gharasuṇhā tenupasaṅkami; upasaṅkamitvā gharasuṇhāya upakaṇṇake dhammaṃ desesi. Atha kho gharaṇiyā etadahosi – ‘‘kiṃ nu kho so samaṇo gharasuṇhāya jāro udāhu obhāsatī’’ti ? Atha kho āyasmā udāyī gharasuṇhāya upakaṇṇake dhammaṃ desetvā pakkāmi. Atha kho gharaṇī gharasuṇhaṃ etadavoca – ‘‘he je, kiṃ te eso samaṇo avocā’’ti? ‘‘Dhammaṃ me, ayye, desesi’’. ‘‘Ayyāya pana kiṃ avocā’’ti? ‘‘Mayhampi dhammaṃ desesī’’ti. Tā ujjhāyanti khiyyanti vipācenti – ‘‘kathañhi nāma ayyo udāyī mātugāmassa upakaṇṇake dhammaṃ desessati! Nanu nāma vissaṭṭhena vivaṭena dhammo desetabbo’’ti?

অস্সোসুং খো ভিক্খূ তাসং ইত্থীনং উজ্ঝাযন্তীনং খিয্যন্তীনং ৰিপাচেন্তীনং। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা উদাযী মাতুগামস্স ধম্মং দেসেস্সতী’’তি! অথ খো তে ভিক্খূ আযস্মন্তং উদাযিং অনেকপরিযাযেন ৰিগরহিত্ৰা ভগৰতো এতমত্থং আরোচেসুং…পে॰… ‘‘সচ্চং কির ত্ৰং, উদাযি, মাতুগামস্স ধম্মং দেসেসী’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম ত্ৰং, মোঘপুরিস, মাতুগামস্স ধম্মং দেসেস্সসি। নেতং মোঘপুরিস, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

Assosuṃ kho bhikkhū tāsaṃ itthīnaṃ ujjhāyantīnaṃ khiyyantīnaṃ vipācentīnaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī mātugāmassa dhammaṃ desessatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, udāyi, mātugāmassa dhammaṃ desesī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, mātugāmassa dhammaṃ desessasi. Netaṃ moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

‘‘যো পন ভিক্খু মাতুগামস্স ধম্মং দেসেয্য পাচিত্তিয’’ন্তি।

‘‘Yo pana bhikkhu mātugāmassa dhammaṃ deseyya pācittiya’’nti.

এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

৬১. তেন খো পন সমযেন উপাসিকা ভিক্খূ পস্সিত্ৰা এতদৰোচুং – ‘‘ইঙ্ঘায্যা ধম্মং দেসেথা’’তি। ‘‘ন, ভগিনী, কপ্পতি মাতুগামস্স ধম্মং দেসেতু’’ন্তি। ‘‘ইঙ্ঘায্যা ছপ্পঞ্চৰাচাহি ধম্মং দেসেথ, সক্কা এত্তকেনপি ধম্মো অঞ্ঞাতু’’ন্তি। ‘‘ন, ভগিনী, কপ্পতি মাতুগামস্স ধম্মং দেসেতু’’ন্তি। কুক্কুচ্চাযন্তা ন দেসেসুং। উপাসিকা উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম অয্যা অম্হেহি যাচিযমানা ধম্মং ন দেসেস্সন্তী’’তি! অস্সোসুং খো ভিক্খূ তাসং উপাসিকানং উজ্ঝাযন্তীনং খিয্যন্তীনং ৰিপাচেন্তীনং। অথ খো তে ভিক্খূ ভগৰতো এতমত্থং আরোচেসুং। অথ খো ভগৰা এতস্মিং নিদানে এতস্মিং পকরণে ধম্মিং কথং কত্ৰা ভিক্খূ আমন্তেসি – ‘‘অনুজানামি, ভিক্খৰে, মাতুগামস্স ছপ্পঞ্চৰাচাহি ধম্মং দেসেতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

61. Tena kho pana samayena upāsikā bhikkhū passitvā etadavocuṃ – ‘‘iṅghāyyā dhammaṃ desethā’’ti. ‘‘Na, bhaginī, kappati mātugāmassa dhammaṃ desetu’’nti. ‘‘Iṅghāyyā chappañcavācāhi dhammaṃ desetha, sakkā ettakenapi dhammo aññātu’’nti. ‘‘Na, bhaginī, kappati mātugāmassa dhammaṃ desetu’’nti. Kukkuccāyantā na desesuṃ. Upāsikā ujjhāyanti khiyyanti vipācenti – ‘‘kathañhi nāma ayyā amhehi yāciyamānā dhammaṃ na desessantī’’ti! Assosuṃ kho bhikkhū tāsaṃ upāsikānaṃ ujjhāyantīnaṃ khiyyantīnaṃ vipācentīnaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, mātugāmassa chappañcavācāhi dhammaṃ desetuṃ. Evañca pana, bhikkhave, imaṃ sikkhāpadaṃ uddiseyyātha –

‘‘যো পন ভিক্খূ মাতুগামস্স উত্তরিছপ্পঞ্চৰাচাহি ধম্মং দেসেয্য, পাচিত্তিয’’ন্তি।

‘‘Yo pana bhikkhū mātugāmassa uttarichappañcavācāhi dhammaṃ deseyya, pācittiya’’nti.

এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

৬২. তেন খো পন সমযেন ছব্বগ্গিযা ভিক্খূ – ‘‘ভগৰতা অনুঞ্ঞাতং মাতুগামস্স ছপ্পঞ্চৰাচাহি ধম্মং দেসেতু’’ন্তি তে অৰিঞ্ঞুং পুরিসৰিগ্গহং উপনিসীদাপেত্ৰা মাতুগামস্স উত্তরিছপ্পঞ্চৰাচাহি ধম্মং দেসেন্তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ছব্বগ্গিযা ভিক্খূ অৰিঞ্ঞুং পুরিসৰিগ্গহং উপনিসীদাপেত্ৰা মাতুগামস্স উত্তরিছপ্পঞ্চৰাচাহি ধম্মং দেসেস্সন্তী’’তি!

62. Tena kho pana samayena chabbaggiyā bhikkhū – ‘‘bhagavatā anuññātaṃ mātugāmassa chappañcavācāhi dhammaṃ desetu’’nti te aviññuṃ purisaviggahaṃ upanisīdāpetvā mātugāmassa uttarichappañcavācāhi dhammaṃ desenti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū aviññuṃ purisaviggahaṃ upanisīdāpetvā mātugāmassa uttarichappañcavācāhi dhammaṃ desessantī’’ti!

অথ খো তে ভিক্খূ ছব্বগ্গিযে ভিক্খূ অনেকপরিযাযেন ৰিগরহিত্ৰা ভগৰতো এতমত্থং আরোচেসুং…পে॰… ‘‘সচ্চং কির তুম্হে, ভিক্খৰে, অৰিঞ্ঞুং পুরিসৰিগ্গহং উপনিসীদাপেত্ৰা মাতুগামস্স উত্তরিছপ্পঞ্চৰাচাহি ধম্মং দেসেথা’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, অৰিঞ্ঞুং পুরিসৰিগ্গহং উপনিসীদাপেত্ৰা মাতুগামস্স উত্তরিছপ্পঞ্চৰাচাহি ধম্মং দেসেস্সথ! নেতং, মোঘপুরিসা, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, aviññuṃ purisaviggahaṃ upanisīdāpetvā mātugāmassa uttarichappañcavācāhi dhammaṃ desethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, aviññuṃ purisaviggahaṃ upanisīdāpetvā mātugāmassa uttarichappañcavācāhi dhammaṃ desessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

৬৩. ‘‘যো পন ভিক্খু মাতুগামস্স উত্তরিছপ্পঞ্চৰাচাহি ধম্মং দেসেয্য, অঞ্ঞত্র ৰিঞ্ঞুনা পুরিসৰিগ্গহেন, পাচিত্তিয’’ন্তি।

63.‘‘Yo pana bhikkhu mātugāmassa uttarichappañcavācāhi dhammaṃ deseyya, aññatra viññunā purisaviggahena, pācittiya’’nti.

৬৪. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।

64.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

মাতুগামো নাম মনুস্সিত্থী; ন যক্খী ন পেতী ন তিরচ্ছানগতা; ৰিঞ্ঞূ, পটিবলা সুভাসিতদুব্ভাসিতং দুট্ঠুল্লাদুট্ঠুল্লং আজানিতুং।

Mātugāmo nāma manussitthī; na yakkhī na petī na tiracchānagatā; viññū, paṭibalā subhāsitadubbhāsitaṃ duṭṭhullāduṭṭhullaṃ ājānituṃ.

উত্তরিছপ্পঞ্চৰাচাহীতি অতিরেকছপ্পঞ্চৰাচাহি।

Uttarichappañcavācāhīti atirekachappañcavācāhi.

Dhammo nāma buddhabhāsito, sāvakabhāsito, isibhāsito, devatābhāsito, atthūpasañhito, dhammūpasañhito.

দেসেয্যাতি পদেন দেসেতি, পদে পদে আপত্তি পাচিত্তিযস্স। অক্খরায দেসেতি, অক্খরক্খরায আপত্তি পাচিত্তিযস্স।

Deseyyāti padena deseti, pade pade āpatti pācittiyassa. Akkharāya deseti, akkharakkharāya āpatti pācittiyassa.

অঞ্ঞত্র ৰিঞ্ঞুনা পুরিসৰিগ্গহেনাতি ঠপেত্ৰা ৰিঞ্ঞুং পুরিসৰিগ্গহং। ৰিঞ্ঞূ নাম পুরিসৰিগ্গহো, পটিবলো হোতি সুভাসিতদুব্ভাসিতং দুট্ঠুল্লাদুট্ঠুল্লং আজানিতুং।

Aññatra viññunā purisaviggahenāti ṭhapetvā viññuṃ purisaviggahaṃ. Viññū nāma purisaviggaho, paṭibalo hoti subhāsitadubbhāsitaṃ duṭṭhullāduṭṭhullaṃ ājānituṃ.

৬৫. মাতুগামে মাতুগামসঞ্ঞী উত্তরিছপ্পঞ্চৰাচাহি ধম্মং দেসেতি, অঞ্ঞত্র ৰিঞ্ঞুনা পুরিসৰিগ্গহেন, আপত্তি পাচিত্তিযস্স। মাতুগামে ৰেমতিকো উত্তরিছপ্পঞ্চৰাচাহি ধম্মং দেসেতি, অঞ্ঞত্র ৰিঞ্ঞুনা পুরিসৰিগ্গহেন, আপত্তি পাচিত্তিযস্স। মাতুগামে অমাতুগামসঞ্ঞী উত্তরিছপ্পঞ্চৰাচাহি ধম্মং দেসেতি, অঞ্ঞত্র ৰিঞ্ঞুনা পুরিসৰিগ্গহেন, আপত্তি পাচিত্তিযস্স।

65. Mātugāme mātugāmasaññī uttarichappañcavācāhi dhammaṃ deseti, aññatra viññunā purisaviggahena, āpatti pācittiyassa. Mātugāme vematiko uttarichappañcavācāhi dhammaṃ deseti, aññatra viññunā purisaviggahena, āpatti pācittiyassa. Mātugāme amātugāmasaññī uttarichappañcavācāhi dhammaṃ deseti, aññatra viññunā purisaviggahena, āpatti pācittiyassa.

যক্খিযা ৰা পেতিযা ৰা পণ্ডকস্স ৰা তিরচ্ছানগতমনুস্সৰিগ্গহিত্থিযা ৰা উত্তরিছপ্পঞ্চৰাচাহি ধম্মং দেসেতি, অঞ্ঞত্র ৰিঞ্ঞুনা পুরিসৰিগ্গহেন, আপত্তি দুক্কটস্স। অমাতুগামে মাতুগামসঞ্ঞী, আপত্তি দুক্কটস্স। অমাতুগামে ৰেমতিকো, আপত্তি দুক্কটস্স। অমাতুগামে অমাতুগামসঞ্ঞী, অনাপত্তি।

Yakkhiyā vā petiyā vā paṇḍakassa vā tiracchānagatamanussaviggahitthiyā vā uttarichappañcavācāhi dhammaṃ deseti, aññatra viññunā purisaviggahena, āpatti dukkaṭassa. Amātugāme mātugāmasaññī, āpatti dukkaṭassa. Amātugāme vematiko, āpatti dukkaṭassa. Amātugāme amātugāmasaññī, anāpatti.

৬৬. অনাপত্তি ৰিঞ্ঞুনা পুরিসৰিগ্গহেন, ছপ্পঞ্চৰাচাহি ধম্মং দেসেতি, ঊনকছপ্পঞ্চৰাচাহি ধম্মং দেসেতি, উট্ঠহিত্ৰা পুন নিসীদিত্ৰা দেসেতি, মাতুগামো উট্ঠহিত্ৰা পুন নিসীদতি তস্মিং দেসেতি, অঞ্ঞস্স মাতুগামস্স দেসেতি, পঞ্হং পুচ্ছতি, পঞ্হং পুট্ঠো কথেতি, অঞ্ঞস্সত্থায ভণন্তং মাতুগামো সুণাতি, উম্মত্তকস্স, আদিকম্মিকস্সাতি।

66. Anāpatti viññunā purisaviggahena, chappañcavācāhi dhammaṃ deseti, ūnakachappañcavācāhi dhammaṃ deseti, uṭṭhahitvā puna nisīditvā deseti, mātugāmo uṭṭhahitvā puna nisīdati tasmiṃ deseti, aññassa mātugāmassa deseti, pañhaṃ pucchati, pañhaṃ puṭṭho katheti, aññassatthāya bhaṇantaṃ mātugāmo suṇāti, ummattakassa, ādikammikassāti.

ধম্মদেসনাসিক্খাপদং নিট্ঠিতং সত্তমং।

Dhammadesanāsikkhāpadaṃ niṭṭhitaṃ sattamaṃ.

৮. ভূতারোচনসিক্খাপদং

8. Bhūtārocanasikkhāpadaṃ

৬৭. ²⁷ তেন সমযেন বুদ্ধো ভগৰা ৰেসালিযং ৰিহরতি মহাৰনে কূটাগারসালাযং। তেন খো পন সমযেন সম্বহুলা সন্দিট্ঠা সম্ভত্তা ভিক্খূ ৰগ্গুমুদায নদিযা তীরে ৰস্সং উপগচ্ছিংসু। তেন খো পন সমযেন ৰজ্জী দুব্ভিক্খা হোতি – দ্ৰীহিতিকা সেতট্ঠিকা সলাকাৰুত্তা, ন সুকরা উঞ্ছেন পগ্গহেন যাপেতুং। অথ খো তেসং ভিক্খূনং এতদহোসি – ‘‘এতরহি খো ৰজ্জী দুব্ভিক্খা – দ্ৰীহিতিকা সেতট্ঠিকা সলাকাৰুত্তা, ন সুকরা উঞ্ছেন পগ্গহেন যাপেতুং। কেন নু খো মযং উপাযেন সমগ্গা সম্মোদমানা অৰিৰদমানা ফাসুকং ৰস্সং ৰসেয্যাম, ন চ পিণ্ডকেন কিলমেয্যামা’’তি? একচ্চে এৰমাহংসু – ‘‘হন্দ মযং, আৰুসো, গিহীনং কম্মন্তং অধিট্ঠেম। এৰং তে অম্হাকং দাতুং মঞ্ঞিস্সন্তি। এৰং মযং সমগ্গা সম্মোদমানা অৰিৰদমানা ফাসুকং ৰস্সং ৰসিস্সাম, ন চ পিণ্ডকেন কিলমিস্সামা’’তি। একচ্চে এৰমাহংসু – ‘‘অলং, আৰুসো, কিং গিহীনং কম্মন্তং অধিট্ঠিতেন? হন্দ মযং, আৰুসো, গিহীনং দূতেয্যং হরাম। এৰং তে অম্হাকং দাতুং মঞ্ঞিস্সন্তি। এৰং মযং সমগ্গা সম্মোদমানা অৰিৰদমানা ফাসুকং ৰস্সং ৰসিস্সাম, ন চ পিণ্ডকেন কিলমিস্সামা’’তি। একচ্চে এৰমাহংসু – ‘‘অলং, আৰুসো; কিং গিহীনং কম্মন্তং অধিট্ঠিতেন! কিং গিহীনং দূতেয্যং হটেন! হন্দ মযং, আৰুসো, গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণং ভাসিস্সাম – ‘অসুকো ভিক্খু পঠমস্স ঝানস্স লাভী, অসুকো ভিক্খু দুতিযস্স ঝানস্স লাভী, অসুকো ভিক্খু ততিযস্স ঝানস্স লাভী, অসুকো ভিক্খু চতুত্থস্স ঝানস্স লাভী, অসুকো ভিক্খু সোতাপন্নো, অসুকো ভিক্খু সকদাগামী, অসুকো ভিক্খু অনাগামী, অসুকো ভিক্খু অরহা, অসুকো ভিক্খু তেৰিজ্জো, অসুকো ভিক্খু ছল়ভিঞ্ঞোতি। এৰং তে অম্হাকং দাতুং মঞ্ঞিস্সন্তি। এৰং মযং সমগ্গা সম্মোদমানা অৰিৰদমানা ফাসুকং ৰস্সং ৰসিস্সাম, ন চ পিণ্ডকেন কিলমিস্সামা’’তি। এসো যেৰ খো, আৰুসো, সেয্যো, যো অম্হাকং গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণো ভাসিতো’’তি।

67.²⁸ Tena samayena buddho bhagavā vesāliyaṃ viharati mahāvane kūṭāgārasālāyaṃ. Tena kho pana samayena sambahulā sandiṭṭhā sambhattā bhikkhū vaggumudāya nadiyā tīre vassaṃ upagacchiṃsu. Tena kho pana samayena vajjī dubbhikkhā hoti – dvīhitikā setaṭṭhikā salākāvuttā, na sukarā uñchena paggahena yāpetuṃ. Atha kho tesaṃ bhikkhūnaṃ etadahosi – ‘‘etarahi kho vajjī dubbhikkhā – dvīhitikā setaṭṭhikā salākāvuttā, na sukarā uñchena paggahena yāpetuṃ. Kena nu kho mayaṃ upāyena samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti? Ekacce evamāhaṃsu – ‘‘handa mayaṃ, āvuso, gihīnaṃ kammantaṃ adhiṭṭhema. Evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. Ekacce evamāhaṃsu – ‘‘alaṃ, āvuso, kiṃ gihīnaṃ kammantaṃ adhiṭṭhitena? Handa mayaṃ, āvuso, gihīnaṃ dūteyyaṃ harāma. Evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. Ekacce evamāhaṃsu – ‘‘alaṃ, āvuso; kiṃ gihīnaṃ kammantaṃ adhiṭṭhitena! Kiṃ gihīnaṃ dūteyyaṃ haṭena! Handa mayaṃ, āvuso, gihīnaṃ aññamaññassa uttarimanussadhammassa vaṇṇaṃ bhāsissāma – ‘asuko bhikkhu paṭhamassa jhānassa lābhī, asuko bhikkhu dutiyassa jhānassa lābhī, asuko bhikkhu tatiyassa jhānassa lābhī, asuko bhikkhu catutthassa jhānassa lābhī, asuko bhikkhu sotāpanno, asuko bhikkhu sakadāgāmī, asuko bhikkhu anāgāmī, asuko bhikkhu arahā, asuko bhikkhu tevijjo, asuko bhikkhu chaḷabhiññoti. Evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. Eso yeva kho, āvuso, seyyo, yo amhākaṃ gihīnaṃ aññamaññassa uttarimanussadhammassa vaṇṇo bhāsito’’ti.

অথ খো তে ভিক্খূ গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণং ভাসিংসু – ‘‘অসুকো ভিক্খু পঠমস্স ঝানস্স লাভী…পে॰… অসুকো ভিক্খু ছল়ভিঞ্ঞো’’তি। অথ খো তে মনুস্সা – ‘‘লাভা ৰত নো, সুলদ্ধং ৰত নো, যেসং নো এৰরূপা ভিক্খূ ৰস্সং উপগতা, ন ৰত নো ইতো পুব্বে এৰরূপা ভিক্খূ ৰস্সং উপগতা, যথযিমে ভিক্খূ সীলৰন্তো কল্যাণধম্মা’’তি। তে ন তাদিসানি ভোজনানি অত্তনা ভুঞ্জন্তি, মাতাপিতূনং দেন্তি পুত্তদারস্স দেন্তি দাসকম্মকরপোরিসস্স দেন্তি মিত্তামচ্চানং দেন্তি ঞাতিসালোহিতানং দেন্তি যাদিসানি ভিক্খূনং দেন্তি। ন তাদিসানি খাদনীযানি সাযনীযানি পানানি অত্তনা খাদন্তি সাযন্তি পিৰন্তি ²⁹ মাতাপিতূনং দেন্তি পুত্তদারস্স দেন্তি দাসকম্মকরপোরিসস্স দেন্তি মিত্তামচ্চানং দেন্তি ঞাতিসালোহিতানং দেন্তি , যাদিসানি ভিক্খূনং দেন্তি। অথ খো তে ভিক্খূ ৰণ্ণৰা অহেসুং পীণিন্দ্রিযা পসন্নমুখৰণ্ণা ৰিপ্পসন্নছৰিৰণ্ণা।

Atha kho te bhikkhū gihīnaṃ aññamaññassa uttarimanussadhammassa vaṇṇaṃ bhāsiṃsu – ‘‘asuko bhikkhu paṭhamassa jhānassa lābhī…pe… asuko bhikkhu chaḷabhiñño’’ti. Atha kho te manussā – ‘‘lābhā vata no, suladdhaṃ vata no, yesaṃ no evarūpā bhikkhū vassaṃ upagatā, na vata no ito pubbe evarūpā bhikkhū vassaṃ upagatā, yathayime bhikkhū sīlavanto kalyāṇadhammā’’ti. Te na tādisāni bhojanāni attanā bhuñjanti, mātāpitūnaṃ denti puttadārassa denti dāsakammakaraporisassa denti mittāmaccānaṃ denti ñātisālohitānaṃ denti yādisāni bhikkhūnaṃ denti. Na tādisāni khādanīyāni sāyanīyāni pānāni attanā khādanti sāyanti pivanti ³⁰ mātāpitūnaṃ denti puttadārassa denti dāsakammakaraporisassa denti mittāmaccānaṃ denti ñātisālohitānaṃ denti , yādisāni bhikkhūnaṃ denti. Atha kho te bhikkhū vaṇṇavā ahesuṃ pīṇindriyā pasannamukhavaṇṇā vippasannachavivaṇṇā.

৬৮. আচিণ্ণং খো পনেতং ৰস্সংৰুট্ঠানং ভিক্খূনং ভগৰন্তং দস্সনায উপসঙ্কমিতুং। অথ খো তে ভিক্খূ ৰস্সংৰুট্ঠা তেমাসচ্চযেন সেনাসনং সংসামেত্ৰা পত্তচীৰরমাদায যেন ৰেসালী তেন পক্কমিংসু। অনুপুব্বেন যেন ৰেসালী মহাৰনং কূটাগারসালা যেন ভগৰা তেনুপসঙ্কমিংসু; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদিংসু। তেন খো পন সমযেন দিসাসু ৰস্সংৰুট্ঠা ভিক্খূ কিসা হোন্তি লূখা দুব্বণ্ণা উপ্পণ্ডুপ্পণ্ডুকজাতা ধমনিসন্থতগত্তা। ৰগ্গুমুদাতীরিযা পন ভিক্খূ ৰণ্ণৰা হোন্তি পীণিন্দ্রিযা পসন্নমুখৰণ্ণা ৰিপ্পসন্নছৰিৰণ্ণা। আচিণ্ণং খো পনেতং বুদ্ধানং ভগৰন্তানং আগন্তুকেহি ভিক্খূহি সদ্ধিং পটিসম্মোদিতুং। অথ খো ভগৰা ৰগ্গুমুদাতীরিযে ভিক্খূ এতদৰোচ – ‘‘কচ্চি, ভিক্খৰে, খমনীযং, কচ্চি যাপনীযং, কচ্চি সমগ্গা সম্মোদমানা অৰিৰদমানা ফাসুকং ৰস্সং ৰসিত্থ, ন চ পিণ্ডকেন কিলমিত্থা’’তি? ‘‘খমনীযং ভগৰা, যাপনীযং ভগৰা। সমগ্গা চ মযং, ভন্তে, সম্মোদমানা অৰিৰদমানা ফাসুকং ৰস্সং ৰসিম্হা, ন চ পিণ্ডকেন কিলমিম্হা’’তি। জানন্তাপি তথাগতা পুচ্ছন্তি, জানন্তাপি ন পুচ্ছন্তি। কালং ৰিদিত্ৰা পুচ্ছন্তি , কালং ৰিদিত্ৰা ন পুচ্ছন্তি। অত্থসঞ্হিতং তথাগতা পুচ্ছন্তি, নো অনত্থসঞ্হিতং। অনত্থসঞ্হিতে সেতুঘাতো তথাগতানং। দ্ৰীহাকারেহি বুদ্ধা ভগৰন্তো ভিক্খূ পটিপুচ্ছন্তি – ধম্মং ৰা দেসেস্সাম, সাৰকানং ৰা সিক্খাপদং পঞ্ঞপেস্সামাতি।

68. Āciṇṇaṃ kho panetaṃ vassaṃvuṭṭhānaṃ bhikkhūnaṃ bhagavantaṃ dassanāya upasaṅkamituṃ. Atha kho te bhikkhū vassaṃvuṭṭhā temāsaccayena senāsanaṃ saṃsāmetvā pattacīvaramādāya yena vesālī tena pakkamiṃsu. Anupubbena yena vesālī mahāvanaṃ kūṭāgārasālā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Tena kho pana samayena disāsu vassaṃvuṭṭhā bhikkhū kisā honti lūkhā dubbaṇṇā uppaṇḍuppaṇḍukajātā dhamanisanthatagattā. Vaggumudātīriyā pana bhikkhū vaṇṇavā honti pīṇindriyā pasannamukhavaṇṇā vippasannachavivaṇṇā. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā vaggumudātīriye bhikkhū etadavoca – ‘‘kacci, bhikkhave, khamanīyaṃ, kacci yāpanīyaṃ, kacci samaggā sammodamānā avivadamānā phāsukaṃ vassaṃ vasittha, na ca piṇḍakena kilamitthā’’ti? ‘‘Khamanīyaṃ bhagavā, yāpanīyaṃ bhagavā. Samaggā ca mayaṃ, bhante, sammodamānā avivadamānā phāsukaṃ vassaṃ vasimhā, na ca piṇḍakena kilamimhā’’ti. Jānantāpi tathāgatā pucchanti, jānantāpi na pucchanti. Kālaṃ viditvā pucchanti , kālaṃ viditvā na pucchanti. Atthasañhitaṃ tathāgatā pucchanti, no anatthasañhitaṃ. Anatthasañhite setughāto tathāgatānaṃ. Dvīhākārehi buddhā bhagavanto bhikkhū paṭipucchanti – dhammaṃ vā desessāma, sāvakānaṃ vā sikkhāpadaṃ paññapessāmāti.

অথ খো ভগৰা ৰগ্গুমুদাতীরিযে ভিক্খূ এতদৰোচ – ‘‘যথা কথং পন তুম্হে, ভিক্খৰে, সমগ্গা সম্মোদমানা অৰিৰদমানা ফাসুকং ৰস্সং ৰসিত্থ, ন চ পিণ্ডকেন কিলমিত্থা’’তি? অথ খো তে ভিক্খূ ভগৰতো এতমত্থং আরোচেসুং। ‘‘কচ্চি পন ৰো, ভিক্খৰে, ভূত’’ন্তি? ‘‘ভূতং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, ভিক্খৰে, উদরস্স কারণা গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণং ভাসিস্সথ! নেতং, ভিক্খৰে, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

Atha kho bhagavā vaggumudātīriye bhikkhū etadavoca – ‘‘yathā kathaṃ pana tumhe, bhikkhave, samaggā sammodamānā avivadamānā phāsukaṃ vassaṃ vasittha, na ca piṇḍakena kilamitthā’’ti? Atha kho te bhikkhū bhagavato etamatthaṃ ārocesuṃ. ‘‘Kacci pana vo, bhikkhave, bhūta’’nti? ‘‘Bhūtaṃ, bhagavā’’ti. Vigarahi buddho bhagavā…pe… kathañhi nāma tumhe, bhikkhave, udarassa kāraṇā gihīnaṃ aññamaññassa uttarimanussadhammassa vaṇṇaṃ bhāsissatha! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

৬৯. ‘‘যো পন ভিক্খু অনুপসম্পন্নস্স উত্তরিমনুস্সধম্মং আরোচেয্য ভূতস্মিং, পাচিত্তিয’’ন্তি।

69.‘‘Yo pana bhikkhu anupasampannassa uttarimanussadhammaṃ āroceyya bhūtasmiṃ, pācittiya’’nti.

৭০. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।

70.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

অনুপসম্পন্নো নাম ভিক্খুঞ্চ ভিক্খুনিঞ্চ ঠপেত্ৰা, অৰসেসো অনুপসম্পন্নো নাম।

Anupasampanno nāma bhikkhuñca bhikkhuniñca ṭhapetvā, avaseso anupasampanno nāma.

³¹ উত্তরিমনুস্সধম্মো নাম ঝানং, ৰিমোক্খো, সমাধি, সমাপত্তি, ঞাণদস্সনং, মগ্গভাৰনা, ফলসচ্ছিকিরিযা, কিলেসপ্পহানং, ৰিনীৰরণতা চিত্তস্স, সুঞ্ঞাগারে অভিরতি।

³²Uttarimanussadhammo nāma jhānaṃ, vimokkho, samādhi, samāpatti, ñāṇadassanaṃ, maggabhāvanā, phalasacchikiriyā, kilesappahānaṃ, vinīvaraṇatā cittassa, suññāgāre abhirati.

³³ ঝানন্তি পঠমং ঝানং, দুতিযং ঝানং, ততিযং ঝানং, চতুত্থং ঝানং।

³⁴Jhānanti paṭhamaṃ jhānaṃ, dutiyaṃ jhānaṃ, tatiyaṃ jhānaṃ, catutthaṃ jhānaṃ.

³⁵ ৰিমোক্খোতি সুঞ্ঞতো ৰিমোক্খো, অনিমিত্তো ৰিমোক্খো, অপ্পণিহিতো ৰিমোক্খো।

³⁶Vimokkhoti suññato vimokkho, animitto vimokkho, appaṇihito vimokkho.

³⁷ সমাধীতি সুঞ্ঞতো সমাধি, অনিমিত্তো সমাধি, অপ্পণিহিতো সমাধি।

³⁸Samādhīti suññato samādhi, animitto samādhi, appaṇihito samādhi.

³⁹ সমাপত্তীতি সুঞ্ঞতা সমাপত্তি, অনিমিত্তা সমাপত্তি, অপ্পণিহিতা সমাপত্তি।

⁴⁰Samāpattīti suññatā samāpatti, animittā samāpatti, appaṇihitā samāpatti.

⁴¹ ঞাণদস্সনন্তি তিস্সো ৰিজ্জা।

⁴²Ñāṇadassananti tisso vijjā.

⁴³ মগ্গভাৰনাতি চত্তারো সতিপট্ঠানা, চত্তারো সম্মপ্পধানা, চত্তারো ইদ্ধিপাদা, পঞ্চিন্দ্রিযানি, পঞ্চ বলানি, সত্ত বোজ্ঝঙ্গা, অরিযো অট্ঠঙ্গিকো মগ্গো।

⁴⁴Maggabhāvanāti cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo.

⁴⁵ ফলসচ্ছিকিরিযাতি সোতাপত্তিফলস্স সচ্ছিকিরিযা, সকদাগামিফলস্স সচ্ছিকিরিযা, অনাগামিফলস্স সচ্ছিকিরিযা, অরহত্তস্স ⁴⁶ সচ্ছিকিরিযা।

⁴⁷Phalasacchikiriyāti sotāpattiphalassa sacchikiriyā, sakadāgāmiphalassa sacchikiriyā, anāgāmiphalassa sacchikiriyā, arahattassa ⁴⁸ sacchikiriyā.

⁴⁹ কিলেসপ্পহানন্তি রাগস্স পহানং, দোসস্স পহানং, মোহস্স পহানং।

⁵⁰Kilesappahānanti rāgassa pahānaṃ, dosassa pahānaṃ, mohassa pahānaṃ.

⁵¹ ৰিনীৰরণতা চিত্তস্সাতি রাগা চিত্তং ৰিনীৰরণতা, দোসা চিত্তং ৰিনীৰরণতা, মোহা চিত্তং ৰিনীৰরণতা।

⁵²Vinīvaraṇatā cittassāti rāgā cittaṃ vinīvaraṇatā, dosā cittaṃ vinīvaraṇatā, mohā cittaṃ vinīvaraṇatā.

⁵³ সুঞ্ঞাগারে অভিরতীতি পঠমেন ঝানেন সুঞ্ঞাগারে অভিরতি, দুতিযেন ঝানেন সুঞ্ঞাগারে অভিরতি, ততিযেন ঝানেন সুঞ্ঞাগারে অভিরতি, চতুত্থেন ঝানেন সুঞ্ঞাগারে অভিরতি।

⁵⁴Suññāgāre abhiratīti paṭhamena jhānena suññāgāre abhirati, dutiyena jhānena suññāgāre abhirati, tatiyena jhānena suññāgāre abhirati, catutthena jhānena suññāgāre abhirati.

৭১. আরোচেয্যাতি অনুপসম্পন্নস্স – ‘‘পঠমং ঝানং সমাপজ্জি’’ন্তি ভণন্তস্স আপত্তি পাচিত্তিযস্স।

71.Āroceyyāti anupasampannassa – ‘‘paṭhamaṃ jhānaṃ samāpajji’’nti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমং ঝানং সমাপজ্জামী’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamaṃ jhānaṃ samāpajjāmī’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমং ঝানং সমাপন্নো’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamaṃ jhānaṃ samāpanno’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমস্স ঝানস্স লাভিম্হী’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamassa jhānassa lābhimhī’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমস্স ঝানস্স ৰসিম্হী’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamassa jhānassa vasimhī’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমং ঝানং সচ্ছিকতং মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamaṃ jhānaṃ sacchikataṃ mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘দুতিযং ঝানং… ততিযং ঝানং… চতুত্থং ঝানং সমাপজ্জিং, সমাপজ্জামি, সমাপন্নো; চতুত্থস্স ঝানস্স লাভিম্হি, ৰসিম্হি; চতুত্থং ঝানং সচ্ছিকতং মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘dutiyaṃ jhānaṃ… tatiyaṃ jhānaṃ… catutthaṃ jhānaṃ samāpajjiṃ, samāpajjāmi, samāpanno; catutthassa jhānassa lābhimhi, vasimhi; catutthaṃ jhānaṃ sacchikataṃ mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘সুঞ্ঞতং ৰিমোক্খং… অনিমিত্তং ৰিমোক্খং… অপ্পণিহিতং ৰিমোক্খং… সুঞ্ঞতং সমাধিং… অনিমিত্তং সমাধিং… অপ্পণিহিতং সমাধিং সমাপজ্জিং, সমাপজ্জামি, সমাপন্নো; অপ্পণিহিতস্স সমাধিস্স লাভিম্হি, ৰসিম্হি; অপ্পণিহিতো সমাধি সচ্ছিকতো মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘suññataṃ vimokkhaṃ… animittaṃ vimokkhaṃ… appaṇihitaṃ vimokkhaṃ… suññataṃ samādhiṃ… animittaṃ samādhiṃ… appaṇihitaṃ samādhiṃ samāpajjiṃ, samāpajjāmi, samāpanno; appaṇihitassa samādhissa lābhimhi, vasimhi; appaṇihito samādhi sacchikato mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘সুঞ্ঞতং সমাপত্তিং… অনিমিত্তং সমাপত্তিং… অপ্পণিহিতং সমাপত্তিং সমাপজ্জিং, সমাপজ্জামি, সমাপন্নো; অপ্পণিহিতায সমাপত্তিযা লাভিম্হি, ৰসিম্হি; অপ্পণিহিতা সমাপত্তি সচ্ছিকতা মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘suññataṃ samāpattiṃ… animittaṃ samāpattiṃ… appaṇihitaṃ samāpattiṃ samāpajjiṃ, samāpajjāmi, samāpanno; appaṇihitāya samāpattiyā lābhimhi, vasimhi; appaṇihitā samāpatti sacchikatā mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘তিস্সো ৰিজ্জা সমাপজ্জিং, সমাপজ্জামি, সমাপন্নো; তিস্সন্নং ৰিজ্জানং লাভিম্হি, ৰসিম্হি; তিস্সো ৰিজ্জা সচ্ছিকতা মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘tisso vijjā samāpajjiṃ, samāpajjāmi, samāpanno; tissannaṃ vijjānaṃ lābhimhi, vasimhi; tisso vijjā sacchikatā mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘চত্তারো সতিপট্ঠানে… চত্তারো সম্মপ্পধানে… চত্তারো ইদ্ধিপাদে সমাপজ্জিং, সমাপজ্জামি, সমাপন্নো; চতুন্নং ইদ্ধিপাদানং লাভিম্হি, ৰসিম্হি; চত্তারো ইদ্ধিপাদা সচ্ছিকতা মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘cattāro satipaṭṭhāne… cattāro sammappadhāne… cattāro iddhipāde samāpajjiṃ, samāpajjāmi, samāpanno; catunnaṃ iddhipādānaṃ lābhimhi, vasimhi; cattāro iddhipādā sacchikatā mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঞ্চিন্দ্রিযানি… পঞ্চ বলানি সমাপজ্জিং, সমাপজ্জামি , সমাপন্নো; পঞ্চন্নং বলানং লাভিম্হি, ৰসিম্হি; পঞ্চ বলানি সচ্ছিকতানি মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘pañcindriyāni… pañca balāni samāpajjiṃ, samāpajjāmi , samāpanno; pañcannaṃ balānaṃ lābhimhi, vasimhi; pañca balāni sacchikatāni mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘সত্ত বোজ্ঝঙ্গে সমাপজ্জিং, সমাপজ্জামি, সমাপন্নো; সত্তন্নং বোজ্ঝঙ্গানং লাভিম্হি, ৰসিম্হি; সত্ত বোজ্ঝঙ্গা সচ্ছিকতা মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘satta bojjhaṅge samāpajjiṃ, samāpajjāmi, samāpanno; sattannaṃ bojjhaṅgānaṃ lābhimhi, vasimhi; satta bojjhaṅgā sacchikatā mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘অরিযং অট্ঠঙ্গিকং মগ্গং সমাপজ্জিং, সমাপজ্জামি, সমাপন্নো; অরিযস্স অট্ঠঙ্গিকস্স মগ্গস্স লাভিম্হি, ৰসিম্হি; অরিযো অট্ঠঙ্গিকো মগ্গো সচ্ছিকতো মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘ariyaṃ aṭṭhaṅgikaṃ maggaṃ samāpajjiṃ, samāpajjāmi, samāpanno; ariyassa aṭṭhaṅgikassa maggassa lābhimhi, vasimhi; ariyo aṭṭhaṅgiko maggo sacchikato mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘সোতাপত্তিফলং… সকদাগামিফলং… অনাগামিফলং… অরহত্তং সমাপজ্জিং, সমাপজ্জামি, সমাপন্নো; অরহত্তস্স লাভিম্হি, ৰসিম্হি; অরহত্তং ⁵⁵ সচ্ছিকতং মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘sotāpattiphalaṃ… sakadāgāmiphalaṃ… anāgāmiphalaṃ… arahattaṃ samāpajjiṃ, samāpajjāmi, samāpanno; arahattassa lābhimhi, vasimhi; arahattaṃ ⁵⁶ sacchikataṃ mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘রাগো মে চত্তো… দোসো মে চত্তো… মোহো মে চত্তো, ৰন্তো, মুত্তো, পহীনো, পটিনিস্সট্ঠো, উক্খেটিতো , সমুক্খেটিতো’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘rāgo me catto… doso me catto… moho me catto, vanto, mutto, pahīno, paṭinissaṭṭho, ukkheṭito , samukkheṭito’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘রাগা মে চিত্তং ৰিনীৰরণং… দোসা মে চিত্ত ৰিনীৰরণং… মোহা মে চিত্তং ৰিনীৰরণ’’ন্তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘rāgā me cittaṃ vinīvaraṇaṃ… dosā me citta vinīvaraṇaṃ… mohā me cittaṃ vinīvaraṇa’’nti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘সুঞ্ঞাগারে পঠমং ঝানং… দুতিযং ঝানং… ততিযং ঝানং… চতুত্থং ঝানং সমাপজ্জিং, সমাপজ্জামি, সমাপন্নো; সুঞ্ঞাগারে চতুত্থস্স ঝানস্স লাভিম্হি, ৰসিম্হি; সুঞ্ঞাগারে চতুত্থং ঝানং সচ্ছিকতং মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘suññāgāre paṭhamaṃ jhānaṃ… dutiyaṃ jhānaṃ… tatiyaṃ jhānaṃ… catutthaṃ jhānaṃ samāpajjiṃ, samāpajjāmi, samāpanno; suññāgāre catutthassa jhānassa lābhimhi, vasimhi; suññāgāre catutthaṃ jhānaṃ sacchikataṃ mayā’’ti bhaṇantassa āpatti pācittiyassa.

৭২. আরোচেয্যাতি অনুপসম্পন্নস্স – ‘‘পঠমঞ্চ ঝানং দুতিযঞ্চ ঝানং সমাপজ্জিং, সমাপজ্জামি, সমাপন্নো; পঠমস্স চ ঝানস্স দুতিযস্স চ ঝানস্স লাভিম্হি, ৰসিম্হি; পঠমঞ্চ ঝানং দুতিযঞ্চ ঝানং সচ্ছিকতং মযা’’তি ভণন্তস্স আপত্তি পাচিত্তিযস্স।

72.Āroceyyāti anupasampannassa – ‘‘paṭhamañca jhānaṃ dutiyañca jhānaṃ samāpajjiṃ, samāpajjāmi, samāpanno; paṭhamassa ca jhānassa dutiyassa ca jhānassa lābhimhi, vasimhi; paṭhamañca jhānaṃ dutiyañca jhānaṃ sacchikataṃ mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং ততিযঞ্চ ঝানং… পঠমঞ্চ ঝানং চতুত্থঞ্চ ঝানং সমাপজ্জিং, সমাপজ্জামি, সমাপন্নো; পঠমস্স চ ঝানস্স চতুত্থস্স চ ঝানস্স লাভিম্হি, ৰসিম্হি; পঠমঞ্চ ঝানং চতুত্থঞ্চ ঝানং সচ্ছিকতং মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ tatiyañca jhānaṃ… paṭhamañca jhānaṃ catutthañca jhānaṃ samāpajjiṃ, samāpajjāmi, samāpanno; paṭhamassa ca jhānassa catutthassa ca jhānassa lābhimhi, vasimhi; paṭhamañca jhānaṃ catutthañca jhānaṃ sacchikataṃ mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং সুঞ্ঞতঞ্চ ৰিমোক্খং… অনিমিত্তঞ্চ ৰিমোক্খং… অপ্পণিহিতঞ্চ ৰিমোক্খং… সুঞ্ঞতঞ্চ সমাধিং… অনিমিত্তঞ্চ সমাধিং… অপ্পণিহিতঞ্চ সমাধিং সমাপজ্জিং, সমাপজ্জামি, সমাপন্নো; পঠমস্স চ ঝানস্স অপ্পণিহিতস্স চ সমাধিস্স লাভিম্হি, ৰসিম্হি; পঠমঞ্চ ঝানং অপ্পণিহিতো চ সমাধি সচ্ছিকতো মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ suññatañca vimokkhaṃ… animittañca vimokkhaṃ… appaṇihitañca vimokkhaṃ… suññatañca samādhiṃ… animittañca samādhiṃ… appaṇihitañca samādhiṃ samāpajjiṃ, samāpajjāmi, samāpanno; paṭhamassa ca jhānassa appaṇihitassa ca samādhissa lābhimhi, vasimhi; paṭhamañca jhānaṃ appaṇihito ca samādhi sacchikato mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং সুঞ্ঞতঞ্চ সমাপত্তিং… অনিমিত্তঞ্চ সমাপত্তিং… অপ্পণিহিতঞ্চ সমাপত্তিং সমাপজ্জিং, সমাপজ্জামি, সমাপন্নো; পঠমস্স চ ঝানস্স অপ্পণিহিতায চ সমাপত্তিযা লাভিম্হি, ৰসিম্হি; পঠমঞ্চ ঝানং অপ্পণিহিতা চ সমাপত্তি সচ্ছিকতা মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ suññatañca samāpattiṃ… animittañca samāpattiṃ… appaṇihitañca samāpattiṃ samāpajjiṃ, samāpajjāmi, samāpanno; paṭhamassa ca jhānassa appaṇihitāya ca samāpattiyā lābhimhi, vasimhi; paṭhamañca jhānaṃ appaṇihitā ca samāpatti sacchikatā mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং তিস্সো চ ৰিজ্জা সমাপজ্জিং, সমাপজ্জামি, সমাপন্নো; পঠমস্স চ ঝানস্স তিস্সন্নঞ্চ ৰিজ্জানং লাভিম্হি, ৰসিম্হি; পঠমঞ্চ ঝানং তিস্সো চ ৰিজ্জা সচ্ছিকতা মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ tisso ca vijjā samāpajjiṃ, samāpajjāmi, samāpanno; paṭhamassa ca jhānassa tissannañca vijjānaṃ lābhimhi, vasimhi; paṭhamañca jhānaṃ tisso ca vijjā sacchikatā mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং চত্তারো চ সতিপট্ঠানে…পে॰… চত্তারো চ সম্মপ্পধানে… চত্তারো চ ইদ্ধিপাদে সমাপজ্জিং, সমাপজ্জামি, সমাপন্নো; পঠমস্স চ ঝানস্স চতুন্নঞ্চ ইদ্ধিপাদানং লাভিম্হি, ৰসিম্হি; পঠমঞ্চ ঝানং চত্তারো চ ইদ্ধিপাদা সচ্ছিকতা মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ cattāro ca satipaṭṭhāne…pe… cattāro ca sammappadhāne… cattāro ca iddhipāde samāpajjiṃ, samāpajjāmi, samāpanno; paṭhamassa ca jhānassa catunnañca iddhipādānaṃ lābhimhi, vasimhi; paṭhamañca jhānaṃ cattāro ca iddhipādā sacchikatā mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং, পঞ্চ চ ইন্দ্রিযানি… পঞ্চ চ বলানি সমাপজ্জিং, সমাপজ্জামি, সমাপন্নো; পঠমস্স চ ঝানস্স পঞ্চন্নঞ্চ বলানং লাভিম্হি, ৰসিম্হি; পঠমঞ্চ ঝানং পঞ্চ চ বলানি সচ্ছিকতানি মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ, pañca ca indriyāni… pañca ca balāni samāpajjiṃ, samāpajjāmi, samāpanno; paṭhamassa ca jhānassa pañcannañca balānaṃ lābhimhi, vasimhi; paṭhamañca jhānaṃ pañca ca balāni sacchikatāni mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং সত্ত চ বোজ্ঝঙ্গে সমাপজ্জিং, সমাপজ্জামি, সমাপন্নো; পঠমস্স চ ঝানস্স সত্তন্নঞ্চ বোজ্ঝঙ্গানং লাভিম্হি, ৰসিম্হি; পঠমঞ্চ ঝানং সত্ত চ বোজ্ঝঙ্গা সচ্ছিকতা মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ satta ca bojjhaṅge samāpajjiṃ, samāpajjāmi, samāpanno; paṭhamassa ca jhānassa sattannañca bojjhaṅgānaṃ lābhimhi, vasimhi; paṭhamañca jhānaṃ satta ca bojjhaṅgā sacchikatā mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং অরিযঞ্চ অট্ঠঙ্গিকং মগ্গং সমাপজ্জিং, সমাপজ্জামি, সমাপন্নো; পঠমস্স চ ঝানস্স অরিযস্স চ অট্ঠঙ্গিকস্স মগ্গস্স লাভিম্হি, ৰসিম্হি; পঠমঞ্চ ঝানং অরিযো চ অট্ঠঙ্গিকো মগ্গো সচ্ছিকতো মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ ariyañca aṭṭhaṅgikaṃ maggaṃ samāpajjiṃ, samāpajjāmi, samāpanno; paṭhamassa ca jhānassa ariyassa ca aṭṭhaṅgikassa maggassa lābhimhi, vasimhi; paṭhamañca jhānaṃ ariyo ca aṭṭhaṅgiko maggo sacchikato mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং সোতাপত্তিফলঞ্চ… সকদাগামিফলঞ্চ… অনাগামিফলঞ্চ… অরহত্তঞ্চ ⁵⁷ সমাপজ্জিং, সমাপজ্জামি, সমাপন্নো; পঠমস্স চ ঝানস্স অরহত্তস্স ⁵⁸ চ লাভিম্হি, ৰসিম্হি; পঠমঞ্চ ঝানং অরহত্তঞ্চ সচ্ছিকতং মযা’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ sotāpattiphalañca… sakadāgāmiphalañca… anāgāmiphalañca… arahattañca ⁵⁹ samāpajjiṃ, samāpajjāmi, samāpanno; paṭhamassa ca jhānassa arahattassa ⁶⁰ ca lābhimhi, vasimhi; paṭhamañca jhānaṃ arahattañca sacchikataṃ mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং সমাপজ্জিং, সমাপজ্জামি, সমাপন্নো… রাগো চ মে চত্তো… দোসো চ মে চত্তো… মোহো চ মে চত্তো, ৰন্তো, মুত্তো, পহীনো, পটিনিস্সট্ঠো, উক্খেটিতো, সমুক্খেটিতো’’তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ samāpajjiṃ, samāpajjāmi, samāpanno… rāgo ca me catto… doso ca me catto… moho ca me catto, vanto, mutto, pahīno, paṭinissaṭṭho, ukkheṭito, samukkheṭito’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘পঠমঞ্চ ঝানং সমাপজ্জিং, সমাপজ্জামি, সমাপন্নো… রাগা চ মে চিত্তং ৰিনীৰরণং… দোসা চ মে চিত্তং ৰিনীৰরণং… মোহা চ মে চিত্তং ৰিনীৰরণ’’ন্তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ samāpajjiṃ, samāpajjāmi, samāpanno… rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇa’’nti bhaṇantassa āpatti pācittiyassa.

৭৩. আরোচেয্যাতি অনুপসম্পন্নস্স – ‘‘দুতিযঞ্চ ঝানং ততিযঞ্চ ঝানং… দুতিযঞ্চ ঝানং চতুত্থঞ্চ ঝানং সমাপজ্জিং, সমাপজ্জামি, সমাপন্নো; দুতিযস্স চ ঝানস্স চতুত্থস্স চ ঝানস্স লাভিম্হি, ৰসিম্হি; দুতিযঞ্চ ঝানং চতুত্থঞ্চ ঝানং সচ্ছিকতং মযা’’তি ভণন্তস্স আপত্তি পাচিত্তিযস্স।

73.Āroceyyāti anupasampannassa – ‘‘dutiyañca jhānaṃ tatiyañca jhānaṃ… dutiyañca jhānaṃ catutthañca jhānaṃ samāpajjiṃ, samāpajjāmi, samāpanno; dutiyassa ca jhānassa catutthassa ca jhānassa lābhimhi, vasimhi; dutiyañca jhānaṃ catutthañca jhānaṃ sacchikataṃ mayā’’ti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘দুতিযঞ্চ ঝানং সুঞ্ঞতঞ্চ ৰিমোক্খং…পে॰… মোহা চ মে চিত্তং ৰিনীৰরণ’’ন্তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘dutiyañca jhānaṃ suññatañca vimokkhaṃ…pe… mohā ca me cittaṃ vinīvaraṇa’’nti bhaṇantassa āpatti pācittiyassa.

আরোচেয্যাতি অনুপসম্পন্নস্স – ‘‘দুতিযঞ্চ ঝানং পঠমঞ্চ ঝানং সমাপজ্জিং, সমাপজ্জামি, সমাপন্নো; দুতিযস্স চ ঝানস্স পঠমস্স চ ঝানস্স লাভিম্হি, ৰসিম্হি; দুতিযঞ্চ ঝানং পঠমঞ্চ ঝানং সচ্ছিকতং মযা’’তি ভণন্তস্স আপত্তি পাচিত্তিযস্স…পে॰…।

Āroceyyāti anupasampannassa – ‘‘dutiyañca jhānaṃ paṭhamañca jhānaṃ samāpajjiṃ, samāpajjāmi, samāpanno; dutiyassa ca jhānassa paṭhamassa ca jhānassa lābhimhi, vasimhi; dutiyañca jhānaṃ paṭhamañca jhānaṃ sacchikataṃ mayā’’ti bhaṇantassa āpatti pācittiyassa…pe….

মূলং সংখিত্তং।

Mūlaṃ saṃkhittaṃ.

আরোচেয্যাতি অনুপসম্পন্নস্স – ‘‘মোহা চ মে চিত্তং ৰিনীৰরণং, পঠমঞ্চ ঝানং সমাপজ্জিং, সমাপজ্জামি, সমাপন্নো; মোহা চ মে চিত্তং ৰিনীৰরণং, পঠমস্স চ ঝানস্স লাভিম্হি, ৰসিম্হি; মোহা চ মে চিত্তং ৰিনীৰরণং, পঠমঞ্চ ঝানং সচ্ছিকতং মযা’’তি ভণন্তস্স আপত্তি পাচিত্তিযস্স…পে॰…।

Āroceyyāti anupasampannassa – ‘‘mohā ca me cittaṃ vinīvaraṇaṃ, paṭhamañca jhānaṃ samāpajjiṃ, samāpajjāmi, samāpanno; mohā ca me cittaṃ vinīvaraṇaṃ, paṭhamassa ca jhānassa lābhimhi, vasimhi; mohā ca me cittaṃ vinīvaraṇaṃ, paṭhamañca jhānaṃ sacchikataṃ mayā’’ti bhaṇantassa āpatti pācittiyassa…pe….

আরোচেয্যাতি অনুপসম্পন্নস্স – ‘‘মোহা চ মে চিত্তং ৰিনীৰরণং, দোসা চ মে চিত্তং ৰিনীৰরণ’’ন্তি ভণন্তস্স আপত্তি পাচিত্তিযস্স…পে॰…।

Āroceyyāti anupasampannassa – ‘‘mohā ca me cittaṃ vinīvaraṇaṃ, dosā ca me cittaṃ vinīvaraṇa’’nti bhaṇantassa āpatti pācittiyassa…pe….

আরোচেয্যাতি অনুপসম্পন্নস্স – ‘‘পঠমঞ্চ ঝানং দুতিযঞ্চ ঝানং ততিযঞ্চ ঝানং চতুত্থঞ্চ ঝানং সুঞ্ঞতঞ্চ ৰিমোক্খং অনিমিত্তঞ্চ ৰিমোক্খং অপ্পণিহিতঞ্চ ৰিমোক্খং সুঞ্ঞতঞ্চ সমাধিং অনিমিত্তঞ্চ সমাধিং অপ্পণিহিতঞ্চ সমাধিং সুঞ্ঞতঞ্চ সমাপত্তিং অনিমিত্তঞ্চ সমাপত্তিং অপ্পণিহিতঞ্চ সমাপত্তিং তিস্সো চ ৰিজ্জা চত্তারো চ সতিপট্ঠানে চত্তারো চ সম্মপ্পধানে চত্তারো চ ইদ্ধিপাদে পঞ্চ চ ইন্দ্রিযানি পঞ্চ চ বলানি সত্ত চ বোজ্ঝঙ্গে অরিযঞ্চ অট্ঠঙ্গিকং মগ্গং সোতাপত্তিফলঞ্চ সকদাগামিফলঞ্চ অনাগামিফলঞ্চ অরহত্তঞ্চ ⁶¹ সমাপজ্জিং…পে॰… রাগো চ মে চত্তো, দোসো চ মে চত্তো, মোহো চ মে চত্তো, ৰন্তো, মুত্তো, পহীনো, পটিনিস্সট্ঠো, উক্খেটিতো সমুক্খেটিতো, রাগা চ মে চিত্তং ৰিনীৰরণং, দোসা চ মে চিত্তং ৰিনীৰরণং, মোহা চ মে চিত্তং ৰিনীৰরণ’’ন্তি ভণন্তস্স আপত্তি পাচিত্তিযস্স।

Āroceyyāti anupasampannassa – ‘‘paṭhamañca jhānaṃ dutiyañca jhānaṃ tatiyañca jhānaṃ catutthañca jhānaṃ suññatañca vimokkhaṃ animittañca vimokkhaṃ appaṇihitañca vimokkhaṃ suññatañca samādhiṃ animittañca samādhiṃ appaṇihitañca samādhiṃ suññatañca samāpattiṃ animittañca samāpattiṃ appaṇihitañca samāpattiṃ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṃ maggaṃ sotāpattiphalañca sakadāgāmiphalañca anāgāmiphalañca arahattañca ⁶² samāpajjiṃ…pe… rāgo ca me catto, doso ca me catto, moho ca me catto, vanto, mutto, pahīno, paṭinissaṭṭho, ukkheṭito samukkheṭito, rāgā ca me cittaṃ vinīvaraṇaṃ, dosā ca me cittaṃ vinīvaraṇaṃ, mohā ca me cittaṃ vinīvaraṇa’’nti bhaṇantassa āpatti pācittiyassa.

৭৪. আরোচেয্যাতি অনুপসম্পন্নস্স – ‘‘পঠমং ঝানং সমাপজ্জি’’ন্তি ৰত্তুকামো ‘‘দুতিযং ঝানং সমাপজ্জি’’ন্তি ভণন্তস্স পটিৰিজানন্তস্স আপত্তি পাচিত্তিযস্স, ন পটিৰিজানন্তস্স আপত্তি দুক্কটস্স।

74.Āroceyyāti anupasampannassa – ‘‘paṭhamaṃ jhānaṃ samāpajji’’nti vattukāmo ‘‘dutiyaṃ jhānaṃ samāpajji’’nti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa.

আরোচেয্যাতি অনুপসম্পন্নস্স – ‘‘পঠমং ঝানং সমাপজ্জি’’ন্তি ৰত্তুকামো ‘‘ততিযং ঝানং…পে॰… চতুত্থং ঝানং, সুঞ্ঞতং ৰিমোক্খং, অনিমিত্তং ৰিমোক্খং, অপ্পণিহিতং ৰিমোক্খং, সুঞ্ঞতং সমাধিং, অনিমিত্তং সমাধিং, অপ্পণিহিতং সমাধিং, সুঞ্ঞতং সমাপত্তিং, অনিমিত্তং সমাপত্তিং, অপ্পণিহিতং সমাপত্তিং, তিস্সো ৰিজ্জা, চত্তারো সতিপট্ঠানে, চত্তারো সম্মপ্পধানে, চত্তারো ইদ্ধিপাদে, পঞ্চিন্দ্রিযানি, পঞ্চ বলানি, সত্ত বোজ্ঝঙ্গে, অরিযং অট্ঠঙ্গিকং মগ্গং, সোতাপত্তিফলং, সকদাগামিফলং, অনাগামিফলং, অরহত্তং ⁶³ সমাপজ্জিং…পে॰… রাগো মে চত্তো, দোসো মে চত্তো, মোহো মে চত্তো, ৰন্তো, মুত্তো, পহীনো; পটিনিস্সট্ঠো, উক্খেটিতো, সমুক্খেটিতো; রাগা মে চিত্তং ৰিনীৰরণং, দোসা মে চিত্তং ৰিনীৰরণং, মোহা মে চিত্তং ৰিনীৰরণ’’ন্তি ভণন্তস্স পটিৰিজানন্তস্স আপত্তি পাচিত্তিযস্স, ন পটিৰিজানন্তস্স আপত্তি দুক্কটস্স।

Āroceyyāti anupasampannassa – ‘‘paṭhamaṃ jhānaṃ samāpajji’’nti vattukāmo ‘‘tatiyaṃ jhānaṃ…pe… catutthaṃ jhānaṃ, suññataṃ vimokkhaṃ, animittaṃ vimokkhaṃ, appaṇihitaṃ vimokkhaṃ, suññataṃ samādhiṃ, animittaṃ samādhiṃ, appaṇihitaṃ samādhiṃ, suññataṃ samāpattiṃ, animittaṃ samāpattiṃ, appaṇihitaṃ samāpattiṃ, tisso vijjā, cattāro satipaṭṭhāne, cattāro sammappadhāne, cattāro iddhipāde, pañcindriyāni, pañca balāni, satta bojjhaṅge, ariyaṃ aṭṭhaṅgikaṃ maggaṃ, sotāpattiphalaṃ, sakadāgāmiphalaṃ, anāgāmiphalaṃ, arahattaṃ ⁶⁴ samāpajjiṃ…pe… rāgo me catto, doso me catto, moho me catto, vanto, mutto, pahīno; paṭinissaṭṭho, ukkheṭito, samukkheṭito; rāgā me cittaṃ vinīvaraṇaṃ, dosā me cittaṃ vinīvaraṇaṃ, mohā me cittaṃ vinīvaraṇa’’nti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa.

আরোচেয্যাতি অনুপসম্পন্নস্স – ‘‘দুতিযং ঝানং সমাপজ্জি’’ন্তি ৰত্তুকামো…পে॰… ‘‘মোহা মে চিত্তং ৰিনীৰরণ’’ন্তি ভণন্তস্স পটিৰিজানন্তস্স আপত্তি পাচিত্তিযস্স, ন পটিৰিজানন্তস্স আপত্তি দুক্কটস্স…পে॰…।

Āroceyyāti anupasampannassa – ‘‘dutiyaṃ jhānaṃ samāpajji’’nti vattukāmo…pe… ‘‘mohā me cittaṃ vinīvaraṇa’’nti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa…pe….

আরোচেয্যাতি অনুপসম্পন্নস্স – ‘‘দুতিযং ঝানং সমাপজ্জি’’ন্তি ৰত্তুকামো – ‘‘পঠমং ঝানং সমাপজ্জি’’ন্তি ভণন্তস্স পটিৰিজানন্তস্স আপত্তি পাচিত্তিযস্স, ন পটিৰিজানন্তস্স আপত্তি দুক্কটস্স…পে॰…।

Āroceyyāti anupasampannassa – ‘‘dutiyaṃ jhānaṃ samāpajji’’nti vattukāmo – ‘‘paṭhamaṃ jhānaṃ samāpajji’’nti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa…pe….

মূলং সংখিত্তং।

Mūlaṃ saṃkhittaṃ.

আরোচেয্যাতি অনুপসম্পন্নস্স – ‘‘মোহা মে চিত্তং ৰিনীৰরণ’’ন্তি ৰত্তুকামো – ‘‘পঠমং ঝানং সমাপজ্জি’’ন্তি ভণন্তস্স পটিৰিজানন্তস্স আপত্তি পাচিত্তিযস্স, ন পটিৰিজানন্তস্স আপত্তি দুক্কটস্স…পে॰…।

Āroceyyāti anupasampannassa – ‘‘mohā me cittaṃ vinīvaraṇa’’nti vattukāmo – ‘‘paṭhamaṃ jhānaṃ samāpajji’’nti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa…pe….

আরোচেয্যাতি অনুপসম্পন্নস্স – ‘‘মোহা মে চিত্তং ৰিনীৰরণ’’ন্তি ৰত্তুকামো – ‘‘দোসা মে চিত্তং ৰিনীৰরণ’’ন্তি ভণন্তস্স পটিৰিজানন্তস্স আপত্তি পাচিত্তিযস্স, ন পটিৰিজানন্তস্স আপত্তি দুক্কটস্স…পে॰…।

Āroceyyāti anupasampannassa – ‘‘mohā me cittaṃ vinīvaraṇa’’nti vattukāmo – ‘‘dosā me cittaṃ vinīvaraṇa’’nti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa…pe….

আরোচেয্যাতি অনুপসম্পন্নস্স – ‘‘পঠমঞ্চ ঝানং দুতিযঞ্চ ঝানং ততিযঞ্চ ঝানং চতুত্থঞ্চ ঝানং …পে॰… দোসা চ মে চিত্তং ৰিনীৰরণ’’ন্তি ৰত্তুকামো – ‘‘মোহা মে চিত্তং ৰিনীৰরণ’’ন্তি ভণন্তস্স পটিৰিজানন্তস্স আপত্তি পাচিত্তিযস্স, ন পটিৰিজানন্তস্স আপত্তি দুক্কটস্স।

Āroceyyāti anupasampannassa – ‘‘paṭhamañca jhānaṃ dutiyañca jhānaṃ tatiyañca jhānaṃ catutthañca jhānaṃ …pe… dosā ca me cittaṃ vinīvaraṇa’’nti vattukāmo – ‘‘mohā me cittaṃ vinīvaraṇa’’nti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa.

আরোচেয্যাতি অনুপসম্পন্নস্স – ‘‘দুতিযঞ্চ ঝানং ততিযঞ্চ ঝানং চতুত্থঞ্চ ঝানং…পে॰… মোহা চ মে চিত্তং ৰিনীৰরণ’’ন্তি ৰত্তুকামো – ‘‘পঠমং ঝানং সমাপজ্জি’’ন্তি ভণন্তস্স পটিৰিজানন্তস্স আপত্তি পাচিত্তিযস্স, ন পটিৰিজানন্তস্স আপত্তি দুক্কটস্স…পে॰…।

Āroceyyāti anupasampannassa – ‘‘dutiyañca jhānaṃ tatiyañca jhānaṃ catutthañca jhānaṃ…pe… mohā ca me cittaṃ vinīvaraṇa’’nti vattukāmo – ‘‘paṭhamaṃ jhānaṃ samāpajji’’nti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa…pe….

৭৫. আরোচেয্যাতি অনুপসম্পন্নস্স – ‘‘যো তে ৰিহারে ৰসি সো ভিক্খু পঠমং ঝানং সমাপজ্জি, সমাপজ্জতি, সমাপন্নো; সো ভিক্খু পঠমস্স ঝানস্স লাভী, ৰসী; তেন ভিক্খুনা পঠমং ঝানং সচ্ছিকত’’ন্তি ভণন্তস্স আপত্তি দুক্কটস্স।

75.Āroceyyāti anupasampannassa – ‘‘yo te vihāre vasi so bhikkhu paṭhamaṃ jhānaṃ samāpajji, samāpajjati, samāpanno; so bhikkhu paṭhamassa jhānassa lābhī, vasī; tena bhikkhunā paṭhamaṃ jhānaṃ sacchikata’’nti bhaṇantassa āpatti dukkaṭassa.

আরোচেয্যাতি অনুপসম্পন্নস্স – ‘‘যো তে ৰিহারে ৰসি সো ভিক্খু দুতিযং ঝানং…পে॰… ততিযং ঝানং চতুত্থং ঝানং সমাপজ্জি, সমাপজ্জতি, সমাপন্নো; সো ভিক্খু চতুত্থস্স ঝানস্স লাভী, ৰসী; তেন ভিক্খুনা চতুত্থং ঝানং সচ্ছিকত’’ন্তি ভণন্তস্স আপত্তি দুক্কটস্স।

Āroceyyāti anupasampannassa – ‘‘yo te vihāre vasi so bhikkhu dutiyaṃ jhānaṃ…pe… tatiyaṃ jhānaṃ catutthaṃ jhānaṃ samāpajji, samāpajjati, samāpanno; so bhikkhu catutthassa jhānassa lābhī, vasī; tena bhikkhunā catutthaṃ jhānaṃ sacchikata’’nti bhaṇantassa āpatti dukkaṭassa.

আরোচেয্যাতি অনুপসম্পন্নস্স – ‘‘যো তে ৰিহারে ৰসি সো ভিক্খু সুঞ্ঞতং ৰিমোক্খং…পে॰… অনিমিত্তং ৰিমোক্খং অপ্পণিহিতং ৰিমোক্খং সুঞ্ঞতং সমাধিং অনিমিত্তং সমাধিং অপ্পণিহিতং সমাধিং সমাপজ্জি, সমাপজ্জতি, সমাপন্নো; সো ভিক্খু অপ্পণিহিতস্স সমাধিস্স লাভী, ৰসী; তেন ভিক্খুনা অপ্পণিহিতো সমাধি সচ্ছিকতো’’তি ভণন্তস্স আপত্তি দুক্কটস্স।

Āroceyyāti anupasampannassa – ‘‘yo te vihāre vasi so bhikkhu suññataṃ vimokkhaṃ…pe… animittaṃ vimokkhaṃ appaṇihitaṃ vimokkhaṃ suññataṃ samādhiṃ animittaṃ samādhiṃ appaṇihitaṃ samādhiṃ samāpajji, samāpajjati, samāpanno; so bhikkhu appaṇihitassa samādhissa lābhī, vasī; tena bhikkhunā appaṇihito samādhi sacchikato’’ti bhaṇantassa āpatti dukkaṭassa.

আরোচেয্যাতি অনুপসম্পন্নস্স – ‘‘যো তে ৰিহারে ৰসি সো ভিক্খু সুঞ্ঞতং সমাপত্তিং…পে॰… অনিমিত্তং সমাপত্তিং অপ্পণিহিতং সমাপত্তিং সমাপজ্জি, সমাপজ্জতি, সমাপন্নো; অপ্পণিহিতায সমাপত্তিযা লাভী, ৰসী; তেন ভিক্খুনা অপ্পণিহিতা সমাপত্তি সচ্ছিকতা’’তি ভণন্তস্স আপত্তি দুক্কটস্স।

Āroceyyāti anupasampannassa – ‘‘yo te vihāre vasi so bhikkhu suññataṃ samāpattiṃ…pe… animittaṃ samāpattiṃ appaṇihitaṃ samāpattiṃ samāpajji, samāpajjati, samāpanno; appaṇihitāya samāpattiyā lābhī, vasī; tena bhikkhunā appaṇihitā samāpatti sacchikatā’’ti bhaṇantassa āpatti dukkaṭassa.

আরোচেয্যাতি অনুপসম্পন্নস্স – ‘‘যো তে ৰিহারে ৰসি সো ভিক্খু তিস্সো ৰিজ্জা …পে॰… চত্তারো সতিপট্ঠানে, চত্তারো সম্মপ্পধানে, চত্তারো ইদ্ধিপাদে, পঞ্চিন্দ্রিযানি, পঞ্চ বলানি, সত্ত বোঝঙ্গে, অরিযং অট্ঠঙ্গিকং মগ্গং, সোতাপত্তিফলং, সকদাগামিফলং, অনাগামিফলং, অরহত্তং ⁶⁵ সমাপজ্জি…পে॰… সমাপজ্জতি, সমাপন্নো…পে॰… তস্স ভিক্খুনো রাগো চত্তো, দোসো চত্তো, মোহো চত্তো, ৰন্তো, মুত্তো, পহীনো, পটিনিস্সট্ঠো, উক্খেটিতো, সমুক্খেটিতো; তস্স ভিক্খুনো রাগা চিত্তং ৰিনীৰরণং, দোসা চিত্তং ৰিনীৰরণং, মোহা চিত্তং ৰিনীৰরণ’’ন্তি ভণন্তস্স আপত্তি দুক্কটস্স।

Āroceyyāti anupasampannassa – ‘‘yo te vihāre vasi so bhikkhu tisso vijjā …pe… cattāro satipaṭṭhāne, cattāro sammappadhāne, cattāro iddhipāde, pañcindriyāni, pañca balāni, satta bojhaṅge, ariyaṃ aṭṭhaṅgikaṃ maggaṃ, sotāpattiphalaṃ, sakadāgāmiphalaṃ, anāgāmiphalaṃ, arahattaṃ ⁶⁶ samāpajji…pe… samāpajjati, samāpanno…pe… tassa bhikkhuno rāgo catto, doso catto, moho catto, vanto, mutto, pahīno, paṭinissaṭṭho, ukkheṭito, samukkheṭito; tassa bhikkhuno rāgā cittaṃ vinīvaraṇaṃ, dosā cittaṃ vinīvaraṇaṃ, mohā cittaṃ vinīvaraṇa’’nti bhaṇantassa āpatti dukkaṭassa.

আরোচেয্যাতি অনুপসম্পন্নস্স – ‘‘যো তে ৰিহারে ৰসি সো ভিক্খু সুঞ্ঞাগারে পঠমং ঝানং…পে॰… দুতিযং ঝানং ততিযং ঝানং চতুত্থং ঝানং সমাপজ্জি, সমাপজ্জতি, সমাপন্নো; সো ভিক্খু সুঞ্ঞাগারে চতুত্থস্স ঝানস্স লাভী, ৰসী; তেন ভিক্খুনা সুঞ্ঞাগারে চতুত্থং ঝানং সচ্ছিকত’’ন্তি ভণন্তস্স আপত্তি দুক্কটস্স।

Āroceyyāti anupasampannassa – ‘‘yo te vihāre vasi so bhikkhu suññāgāre paṭhamaṃ jhānaṃ…pe… dutiyaṃ jhānaṃ tatiyaṃ jhānaṃ catutthaṃ jhānaṃ samāpajji, samāpajjati, samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṃ jhānaṃ sacchikata’’nti bhaṇantassa āpatti dukkaṭassa.

আরোচেয্যাতি অনুপসম্পন্নস্স – ‘‘যো তে চীৰরং পরিভুঞ্জি, যো তে পিণ্ডপাতং পরিভুঞ্জি, যো তে সেনাসনং পরিভুঞ্জি, যো তে গিলানপ্পচ্চযভেসজ্জপরিক্খারং পরিভুঞ্জি সো ভিক্খু সুঞ্ঞাগারে চতুত্থং ঝানং সমাপজ্জি, সমাপজ্জতি, সমাপন্নো; সো ভিক্খু সুঞ্ঞাগারে চতুত্থস্স ঝানস্স লাভী, ৰসী; তেন ভিক্খুনা সুঞ্ঞাগারে চতুত্থং ঝানং সচ্ছিকত’’ন্তি ভণন্তস্স আপত্তি দুক্কটস্স।

Āroceyyāti anupasampannassa – ‘‘yo te cīvaraṃ paribhuñji, yo te piṇḍapātaṃ paribhuñji, yo te senāsanaṃ paribhuñji, yo te gilānappaccayabhesajjaparikkhāraṃ paribhuñji so bhikkhu suññāgāre catutthaṃ jhānaṃ samāpajji, samāpajjati, samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṃ jhānaṃ sacchikata’’nti bhaṇantassa āpatti dukkaṭassa.

৭৬. আরোচেয্যাতি অনুপসম্পন্নস্স – ‘‘যেন তে ৰিহারো পরিভুত্তো…পে॰… যেন তে চীৰরং পরিভুত্তং, যেন তে পিণ্ডপাতো পরিভুত্তো, যেন তে সেনাসনং পরিভুত্তং, যেন তে গিলানপ্পচ্চযভেসজ্জপরিক্খারো পরিভুত্তো সো ভিক্খু সুঞ্ঞাগারে চতুত্থং ঝানং সমাপজ্জি, সমাপজ্জতি, সমাপন্নো; সো ভিক্খু সুঞ্ঞাগারে চতুত্থস্স ঝানস্স লাভী, ৰসী; তেন ভিক্খুনা সুঞ্ঞাগারে চতুত্থং ঝানং সচ্ছিকত’’ন্তি ভণন্তস্স আপত্তি দুক্কটস্স।

76.Āroceyyāti anupasampannassa – ‘‘yena te vihāro paribhutto…pe… yena te cīvaraṃ paribhuttaṃ, yena te piṇḍapāto paribhutto, yena te senāsanaṃ paribhuttaṃ, yena te gilānappaccayabhesajjaparikkhāro paribhutto so bhikkhu suññāgāre catutthaṃ jhānaṃ samāpajji, samāpajjati, samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṃ jhānaṃ sacchikata’’nti bhaṇantassa āpatti dukkaṭassa.

আরোচেয্যাতি অনুপসম্পন্নস্স – ‘‘যং ত্ৰং আগম্ম ৰিহারং অদাসি…পে॰… চীৰরং অদাসি, পিণ্ডপাতং অদাসি, সেনাসনং অদাসি, গিলানপ্পচ্চযভেসজ্জপরিক্খারং অদাসি সো ভিক্খু সুঞ্ঞাগারে চতুত্থং ঝানং সমাপজ্জি, সমাপজ্জতি, সমাপন্নো; সো ভিক্খু সুঞ্ঞাগারে চতুত্থস্স ঝানস্স লাভী, ৰসী; তেন ভিক্খুনা সুঞ্ঞাগারে চতুত্থং ঝানং সচ্ছিকত’’ন্তি ভণন্তস্স আপত্তি দুক্কটস্স।

Āroceyyāti anupasampannassa – ‘‘yaṃ tvaṃ āgamma vihāraṃ adāsi…pe… cīvaraṃ adāsi, piṇḍapātaṃ adāsi, senāsanaṃ adāsi, gilānappaccayabhesajjaparikkhāraṃ adāsi so bhikkhu suññāgāre catutthaṃ jhānaṃ samāpajji, samāpajjati, samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṃ jhānaṃ sacchikata’’nti bhaṇantassa āpatti dukkaṭassa.

৭৭. অনাপত্তি উপসম্পন্নস্স, ভূতং আরোচেতি, আদিকম্মিকস্সাতি।

77. Anāpatti upasampannassa, bhūtaṃ āroceti, ādikammikassāti.

ভূতারোচনসিক্খাপদং নিট্ঠিতং অট্ঠমং।

Bhūtārocanasikkhāpadaṃ niṭṭhitaṃ aṭṭhamaṃ.

৯. দুট্ঠুল্লারোচনসিক্খাপদং

9. Duṭṭhullārocanasikkhāpadaṃ

৭৮. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা উপনন্দো সক্যপুত্তো ছব্বগ্গিযেহি ভিক্খূহি সদ্ধিং ভণ্ডনকতো হোতি। সো সঞ্চেতনিকং সুক্কৰিস্সট্ঠিং আপত্তিং আপজ্জিত্ৰা সঙ্ঘং তস্সা আপত্তিযা পরিৰাসং যাচি। তস্স সঙ্ঘো তস্সা আপত্তিযা পরিৰাসং অদাসি। তেন খো পন সমযেন সাৰত্থিযং অঞ্ঞতরস্স পূগস্স সঙ্ঘভত্তং হোতি। সো পরিৰসন্তো ভত্তগ্গে আসনপরিযন্তে নিসীদি। ছব্বগ্গিযা ভিক্খূ তে উপাসকে এতদৰোচুং – ‘‘এসো, আৰুসো, আযস্মা উপনন্দো সক্যপুত্তো তুম্হাকং সম্ভাৰিতো কুলূপকো; যেনেৰ হত্থেন সদ্ধাদেয্যং ভুঞ্জতি তেনেৰ হত্থেন উপক্কমিত্ৰা অসুচিং মোচেসি। সো সঞ্চেতনিকং সুক্কৰিস্সট্ঠিং আপত্তিং আপজ্জিত্ৰা সঙ্ঘং তস্সা আপত্তিযা পরিৰাসং যাচি। তস্স সঙ্ঘো তস্সা আপত্তিযা পরিৰাসং অদাসি । সো পরিৰসন্তো আসনপরিযন্তে নিসিন্নো’’তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ছব্বগ্গিযা ভিক্খূ ভিক্খুস্স দুট্ঠুল্লং আপত্তিং অনুপসম্পন্নস্স আরোচেস্সন্তী’’তি…পে॰… ‘‘সচ্চং কির তুম্হে, ভিক্খৰে, ভিক্খুস্স দুট্ঠুল্লং আপত্তিং অনুপসম্পন্নস্স আরোচেথা’’তি? ‘‘সচ্চং , ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, ভিক্খুস্স দুট্ঠুল্লং আপত্তিং অনুপসম্পন্নস্স আরোচেস্সথ! নেতং, মোঘপুরিসা, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

78. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā upanando sakyaputto chabbaggiyehi bhikkhūhi saddhiṃ bhaṇḍanakato hoti. So sañcetanikaṃ sukkavissaṭṭhiṃ āpattiṃ āpajjitvā saṅghaṃ tassā āpattiyā parivāsaṃ yāci. Tassa saṅgho tassā āpattiyā parivāsaṃ adāsi. Tena kho pana samayena sāvatthiyaṃ aññatarassa pūgassa saṅghabhattaṃ hoti. So parivasanto bhattagge āsanapariyante nisīdi. Chabbaggiyā bhikkhū te upāsake etadavocuṃ – ‘‘eso, āvuso, āyasmā upanando sakyaputto tumhākaṃ sambhāvito kulūpako; yeneva hatthena saddhādeyyaṃ bhuñjati teneva hatthena upakkamitvā asuciṃ mocesi. So sañcetanikaṃ sukkavissaṭṭhiṃ āpattiṃ āpajjitvā saṅghaṃ tassā āpattiyā parivāsaṃ yāci. Tassa saṅgho tassā āpattiyā parivāsaṃ adāsi . So parivasanto āsanapariyante nisinno’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhussa duṭṭhullaṃ āpattiṃ anupasampannassa ārocessantī’’ti…pe… ‘‘saccaṃ kira tumhe, bhikkhave, bhikkhussa duṭṭhullaṃ āpattiṃ anupasampannassa ārocethā’’ti? ‘‘Saccaṃ , bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhussa duṭṭhullaṃ āpattiṃ anupasampannassa ārocessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

৭৯. ‘‘যো পন ভিক্খু ভিক্খুস্স দুট্ঠুল্লং আপত্তিং অনুপসম্পন্নস্স আরোচেয্য, অঞ্ঞত্র ভিক্খুসম্মুতিযা ⁶⁷, পাচিত্তিয’’ন্তি।

79.‘‘Yo pana bhikkhu bhikkhussa duṭṭhullaṃ āpattiṃ anupasampannassa āroceyya, aññatra bhikkhusammutiyā ⁶⁸, pācittiya’’nti.

৮০. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।

80.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

ভিক্খুস্সাতি অঞ্ঞস্স ভিক্খুস্স।

Bhikkhussāti aññassa bhikkhussa.

দুট্ঠুল্লা নাম আপত্তি – চত্তারি চ পারাজিকানি, তেরস চ সঙ্ঘাদিসেসা।

Duṭṭhullā nāma āpatti – cattāri ca pārājikāni, terasa ca saṅghādisesā.

অনুপসম্পন্নো নাম ভিক্খুঞ্চ ভিক্খুনিঞ্চ ঠপেত্ৰা অৰসেসো অনুপসম্পন্নো নাম।

Anupasampanno nāma bhikkhuñca bhikkhuniñca ṭhapetvā avaseso anupasampanno nāma.

আরোচেয্যাতি আরোচেয্য ইত্থিযা ৰা পুরিসস্স ৰা গহট্ঠস্স ৰা পব্বজিতস্স ৰা।

Āroceyyāti āroceyya itthiyā vā purisassa vā gahaṭṭhassa vā pabbajitassa vā.

অঞ্ঞত্র ভিক্খুসম্মুতিযাতি ঠপেত্ৰা ভিক্খুসম্মুতিং।

Aññatra bhikkhusammutiyāti ṭhapetvā bhikkhusammutiṃ.

অত্থি ভিক্খুসম্মুতি আপত্তিপরিযন্তা, ন কুলপরিযন্তা। অত্থি ভিক্খুসম্মুতি কুলপরিযন্তা, ন আপত্তিপরিযন্তা, অত্থি ভিক্খুসম্মুতি আপত্তিপরিযন্তা চ কুলপরিযন্তা চ, অত্থি ভিক্খুসম্মুতি নেৰ আপত্তিপরিযন্তা ন কুলপরিযন্তা।

Atthi bhikkhusammuti āpattipariyantā, na kulapariyantā. Atthi bhikkhusammuti kulapariyantā, na āpattipariyantā, atthi bhikkhusammuti āpattipariyantā ca kulapariyantā ca, atthi bhikkhusammuti neva āpattipariyantā na kulapariyantā.

আপত্তিপরিযন্তা নাম আপত্তিযো পরিগ্গহিতাযো হোন্তি – ‘‘এত্তকাহি আপত্তীহি আরোচেতব্বো’’তি।

Āpattipariyantā nāma āpattiyo pariggahitāyo honti – ‘‘ettakāhi āpattīhi ārocetabbo’’ti.

কুলপরিযন্তা নাম কুলানি পরিগ্গহিতানি হোন্তি – ‘‘এত্তকেসু কুলেসু আরোচেতব্বো’’তি। আপত্তিপরিযন্তা চ কুলপরিযন্তা চ নাম আপত্তিযো চ পরিগ্গহিতাযো হোন্তি, কুলানি চ পরিগ্গহিতানি হোন্তি – ‘‘এত্তকাহি আপত্তীহি এত্তকেসু কুলেসু আরোচেতব্বো’’তি। নেৰ আপত্তিপরিযন্তা ন কুলপরিযন্তা নাম আপত্তিযো চ অপরিগ্গহিতাযো হোন্তি, কুলানি চ অপরিগ্গহিতানি হোন্তি – ‘‘এত্তকাহি আপত্তীহি এত্তকেসু কুলেসু আরোচেতব্বো’’তি।

Kulapariyantā nāma kulāni pariggahitāni honti – ‘‘ettakesu kulesu ārocetabbo’’ti. Āpattipariyantā ca kulapariyantā ca nāma āpattiyo ca pariggahitāyo honti, kulāni ca pariggahitāni honti – ‘‘ettakāhi āpattīhi ettakesu kulesu ārocetabbo’’ti. Neva āpattipariyantā na kulapariyantā nāma āpattiyo ca apariggahitāyo honti, kulāni ca apariggahitāni honti – ‘‘ettakāhi āpattīhi ettakesu kulesu ārocetabbo’’ti.

৮১. আপত্তিপরিযন্তে যা আপত্তিযো পরিগ্গহিতাযো হোন্তি, তা আপত্তিযো ঠপেত্ৰা অঞ্ঞাহি আপত্তীহি আরোচেতি, আপত্তি পাচিত্তিযস্স।

81. Āpattipariyante yā āpattiyo pariggahitāyo honti, tā āpattiyo ṭhapetvā aññāhi āpattīhi āroceti, āpatti pācittiyassa.

কুলপরিযন্তে যানি কুলানি পরিগ্গহিতানি হোন্তি, তানি কুলানি ঠপেত্ৰা অঞ্ঞেসু কুলেসু আরোচেতি, আপত্তি পাচিত্তিযস্স।

Kulapariyante yāni kulāni pariggahitāni honti, tāni kulāni ṭhapetvā aññesu kulesu āroceti, āpatti pācittiyassa.

আপত্তিপরিযন্তে চ কুলপরিযন্তে চ যা আপত্তিযো পরিগ্গহিতাযো হোন্তি, তা আপত্তিযো ঠপেত্ৰা যানি কুলানি পরিগ্গহিতানি হোন্তি, তানি কুলানি ঠপেত্ৰা অঞ্ঞাহি আপত্তীহি অঞ্ঞেসু কুলেসু আরোচেতি, আপত্তি পাচিত্তিযস্স।

Āpattipariyante ca kulapariyante ca yā āpattiyo pariggahitāyo honti, tā āpattiyo ṭhapetvā yāni kulāni pariggahitāni honti, tāni kulāni ṭhapetvā aññāhi āpattīhi aññesu kulesu āroceti, āpatti pācittiyassa.

নেৰ আপত্তিপরিযন্তে ন কুলপরিযন্তে, অনাপত্তি।

Neva āpattipariyante na kulapariyante, anāpatti.

৮২. দুট্ঠুল্লায আপত্তিযা দুট্ঠুল্লাপত্তিসঞ্ঞী অনুপসম্পন্নস্স আরোচেতি, অঞ্ঞত্র ভিক্খুসম্মুতিযা, আপত্তি পাচিত্তিযস্স।

82. Duṭṭhullāya āpattiyā duṭṭhullāpattisaññī anupasampannassa āroceti, aññatra bhikkhusammutiyā, āpatti pācittiyassa.

দুট্ঠুল্লায আপত্তিযা ৰেমতিকো অনুপসম্পন্নস্স আরোচেতি, অঞ্ঞত্র ভিক্খুসম্মুতিযা, আপত্তি পাচিত্তিযস্স।

Duṭṭhullāya āpattiyā vematiko anupasampannassa āroceti, aññatra bhikkhusammutiyā, āpatti pācittiyassa.

দুট্ঠুল্লায আপত্তিযা অদুট্ঠুল্লাপত্তিসঞ্ঞী অনুপসম্পন্নস্স আরোচেতি, অঞ্ঞত্র ভিক্খুসম্মুতিযা, আপত্তি পাচিত্তিযস্স।

Duṭṭhullāya āpattiyā aduṭṭhullāpattisaññī anupasampannassa āroceti, aññatra bhikkhusammutiyā, āpatti pācittiyassa.

অদুট্ঠুল্লং আপত্তিং আরোচেতি, আপত্তি দুক্কটস্স।

Aduṭṭhullaṃ āpattiṃ āroceti, āpatti dukkaṭassa.

অনুপসম্পন্নস্স দুট্ঠুল্লং ৰা অদুট্ঠুল্লং ৰা অজ্ঝাচারং আরোচেতি, আপত্তি দুক্কটস্স।

Anupasampannassa duṭṭhullaṃ vā aduṭṭhullaṃ vā ajjhācāraṃ āroceti, āpatti dukkaṭassa.

অদুট্ঠুল্লায আপত্তিযা দুট্ঠুল্লাপত্তিসঞ্ঞী, আপত্তি দুক্কটস্স।

Aduṭṭhullāya āpattiyā duṭṭhullāpattisaññī, āpatti dukkaṭassa.

অদুট্ঠুল্লায আপত্তিযা ৰেমতিকো, আপত্তি দুক্কটস্স।

Aduṭṭhullāya āpattiyā vematiko, āpatti dukkaṭassa.

অদুট্ঠুল্লায আপত্তিযা অদুট্ঠুল্লাপত্তিসঞ্ঞী, আপত্তি দুক্কটস্স।

Aduṭṭhullāya āpattiyā aduṭṭhullāpattisaññī, āpatti dukkaṭassa.

৮৩. অনাপত্তি ৰত্থুং আরোচেতি নো আপত্তিং, আপত্তিং আরোচেতি নো ৰত্থুং, ভিক্খুসম্মুতিযা, উম্মত্তকস্স, আদিকম্মিকস্সাতি।

83. Anāpatti vatthuṃ āroceti no āpattiṃ, āpattiṃ āroceti no vatthuṃ, bhikkhusammutiyā, ummattakassa, ādikammikassāti.

দুট্ঠুল্লারোচনসিক্খাপদং নিট্ঠিতং নৰমং।

Duṭṭhullārocanasikkhāpadaṃ niṭṭhitaṃ navamaṃ.

১০. পথৰীখণনসিক্খাপদং

10. Pathavīkhaṇanasikkhāpadaṃ

৮৪. তেন সমযেন বুদ্ধো ভগৰা আল়ৰিযং ৰিহরতি অগ্গাল়ৰে চেতিযে। তেন খো পন সমযেন আল়ৰকা ⁶⁹ ভিক্খূ নৰকম্মং করোন্তা পথৰিং খণন্তিপি খণাপেন্তিপি। মনুস্সা উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম সমণা সক্যপুত্তিযা পথৰিং খণিস্সন্তিপি খণাপেস্সন্তিপি! একিন্দ্রিযং সমণা সক্যপুত্তিযা জীৰং ৰিহেঠেন্তী’’তি! অস্সোসুং খো ভিক্খূ তেসং মনুস্সানং উজ্ঝাযন্তানং খিয্যন্তানং ৰিপাচেন্তানং। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আল়ৰকা ভিক্খূ পথৰিং খণিস্সন্তিপি খণাপেস্সন্তিপী’’তি…পে॰… ‘‘সচ্চং কির তুম্হে, ভিক্খৰে, পথৰিং খণথপি খণাপেথপী’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, পথৰিং খণিস্সথপি খণাপেস্সথপি! জীৰসঞ্ঞিনো হি, মোঘপুরিসা, মনুস্সা পথৰিযা। নেতং, মোঘপুরিসা, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

84. Tena samayena buddho bhagavā āḷaviyaṃ viharati aggāḷave cetiye. Tena kho pana samayena āḷavakā ⁷⁰ bhikkhū navakammaṃ karontā pathaviṃ khaṇantipi khaṇāpentipi. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā pathaviṃ khaṇissantipi khaṇāpessantipi! Ekindriyaṃ samaṇā sakyaputtiyā jīvaṃ viheṭhentī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āḷavakā bhikkhū pathaviṃ khaṇissantipi khaṇāpessantipī’’ti…pe… ‘‘saccaṃ kira tumhe, bhikkhave, pathaviṃ khaṇathapi khaṇāpethapī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, pathaviṃ khaṇissathapi khaṇāpessathapi! Jīvasaññino hi, moghapurisā, manussā pathaviyā. Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

৮৫. ‘‘যো পন ভিক্খু পথৰিং খণেয্য ৰা খণাপেয্য ৰা, পাচিত্তিয’’ন্তি।

85.‘‘Yo pana bhikkhu pathaviṃ khaṇeyya vā khaṇāpeyya vā, pācittiya’’nti.

৮৬. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।

86.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

পথৰী নাম দ্ৰে পথৰিযো – জাতা চ পথৰী অজাতা চ পথৰী।

Pathavī nāma dve pathaviyo – jātā ca pathavī ajātā ca pathavī.

জাতা নাম পথৰী – সুদ্ধপংসু সুদ্ধমত্তিকা অপ্পপাসাণা অপ্পসক্খরা অপ্পকঠলা অপ্পমরুম্বা অপ্পৰালিকা, যেভুয্যেনপংসুকা, যেভুয্যেনমত্তিকা। অদড্ঢাপি ৰুচ্চতি জাতা পথৰী। যোপি পংসুপুঞ্জো ৰা মত্তিকাপুঞ্জো ৰা অতিরেকচাতুমাসং ওৰট্ঠো, অযম্পি ৰুচ্চতি জাতা পথৰী।

Jātā nāma pathavī – suddhapaṃsu suddhamattikā appapāsāṇā appasakkharā appakaṭhalā appamarumbā appavālikā, yebhuyyenapaṃsukā, yebhuyyenamattikā. Adaḍḍhāpi vuccati jātā pathavī. Yopi paṃsupuñjo vā mattikāpuñjo vā atirekacātumāsaṃ ovaṭṭho, ayampi vuccati jātā pathavī.

অজাতা নাম পথৰী – সুদ্ধপাসাণা সুদ্ধসক্খরা সুদ্ধকঠলা সুদ্ধমরুম্বা সুদ্ধৰালিকা অপ্পপংসুকা অপ্পমত্তিকা, যেভুয্যেনপাসাণা, যেভুয্যেনসক্খরা, যেভুয্যেনকঠলা, যেভুয্যেনমরুম্বা, যেভুয্যেনৰালিকা। দড্ঢাপি ৰুচ্চতি অজাতা পথৰী। যোপি পংসুপুঞ্জো ৰা মত্তিকাপুঞ্জো ৰা ওমকচাতুমাসং ওৰট্ঠো, অযম্পি ৰুচ্চতি অজাতা পথৰী।

Ajātā nāma pathavī – suddhapāsāṇā suddhasakkharā suddhakaṭhalā suddhamarumbā suddhavālikā appapaṃsukā appamattikā, yebhuyyenapāsāṇā, yebhuyyenasakkharā, yebhuyyenakaṭhalā, yebhuyyenamarumbā, yebhuyyenavālikā. Daḍḍhāpi vuccati ajātā pathavī. Yopi paṃsupuñjo vā mattikāpuñjo vā omakacātumāsaṃ ovaṭṭho, ayampi vuccati ajātā pathavī.

খণেয্যাতি সযং খণতি, আপত্তি পাচিত্তিযস্স।

Khaṇeyyāti sayaṃ khaṇati, āpatti pācittiyassa.

খণাপেয্যাতি অঞ্ঞং আণাপেতি, আপত্তি পাচিত্তিযস্স। সকিং আণত্তো বহুকম্পি খণতি, আপত্তি পাচিত্তিযস্স।

Khaṇāpeyyāti aññaṃ āṇāpeti, āpatti pācittiyassa. Sakiṃ āṇatto bahukampi khaṇati, āpatti pācittiyassa.

৮৭. পথৰিযা পথৰিসঞ্ঞী খণতি ৰা খণাপেতি ৰা, ভিন্দতি ৰা ভেদাপেতি ৰা, দহতি ৰা দহাপেতি ৰা, আপত্তি পাচিত্তিযস্স।

87. Pathaviyā pathavisaññī khaṇati vā khaṇāpeti vā, bhindati vā bhedāpeti vā, dahati vā dahāpeti vā, āpatti pācittiyassa.

পথৰিযা ৰেমতিকো খণতি ৰা খণাপেতি ৰা, ভিন্দতি ৰা ভেদাপেতি ৰা, দহতি ৰা দহাপেতি ৰা, আপত্তি দুক্কটস্স।

Pathaviyā vematiko khaṇati vā khaṇāpeti vā, bhindati vā bhedāpeti vā, dahati vā dahāpeti vā, āpatti dukkaṭassa.

পথৰিযা অপথৰিসঞ্ঞী খণতি ৰা খণাপেতি ৰা, ভিন্দতি ৰা ভেদাপেতি ৰা, দহতি ৰা দহাপেতি ৰা, অনাপত্তি।

Pathaviyā apathavisaññī khaṇati vā khaṇāpeti vā, bhindati vā bhedāpeti vā, dahati vā dahāpeti vā, anāpatti.

অপথৰিযা পথৰিসঞ্ঞী, আপত্তি দুক্কটস্স। অপথৰিযা ৰেমতিকো, আপত্তি দুক্কটস্স। অপথৰিযা অপথৰিসঞ্ঞী, অনাপত্তি।

Apathaviyā pathavisaññī, āpatti dukkaṭassa. Apathaviyā vematiko, āpatti dukkaṭassa. Apathaviyā apathavisaññī, anāpatti.

৮৮. অনাপত্তি – ‘‘ইমং জান, ইমং দেহি, ইমং আহর, ইমিনা অত্থো, ইমং কপ্পিযং করোহী’’তি ভণতি, অসঞ্চিচ্চ, অসতিযা, অজানন্তস্স, উম্মত্তকস্স, আদিকম্মিকস্সাতি।

88. Anāpatti – ‘‘imaṃ jāna, imaṃ dehi, imaṃ āhara, iminā attho, imaṃ kappiyaṃ karohī’’ti bhaṇati, asañcicca, asatiyā, ajānantassa, ummattakassa, ādikammikassāti.

পথৰীখণনসিক্খাপদং নিট্ঠিতং দসমং।

Pathavīkhaṇanasikkhāpadaṃ niṭṭhitaṃ dasamaṃ.

মুসাৰাদৰগ্গো পঠমো।

Musāvādavaggo paṭhamo.

তস্সুদ্দানং –

Tassuddānaṃ –

মুসা ওমসপেসুঞ্ঞং, পদসেয্যায ৰে দুৰে।

Musā omasapesuññaṃ, padaseyyāya ve duve;

অঞ্ঞত্র ৰিঞ্ঞুনা ভূতা, দুট্ঠুল্লাপত্তি খণনাতি॥

Aññatra viññunā bhūtā, duṭṭhullāpatti khaṇanāti.

Next: ২. ভূতগামৰগ্গো • 2. Bhūtagāmavaggo

Footnotes:

1. দৰায ভণতি, রৰায ভণতি (স্যা॰)

2. davāya bhaṇati, ravāya bhaṇati (syā.)

3. ভণ্ডেন্তা (ইতিপি)

4. bhaṇḍentā (itipi)

5. তক্কসীলাযং (ক॰)

6. বলিৰদ্দো (সী॰), বলিবদ্দো (স্যা॰)

7. অঞ্ছ কূট (সী॰ স্যা॰)

8. takkasīlāyaṃ (ka.)

9. balivaddo (sī.), balibaddo (syā.)

10. añcha kūṭa (sī. syā.)

11. জা॰ ১.১.২৮ নন্দিৰিসালজাতকেপি, তত্থ পন মনুঞ্ঞসদ্দো দিস্সতি

12. jā. 1.1.28 nandivisālajātakepi, tattha pana manuññasaddo dissati

13. ৰদেতীতি উদ্দেসো। ভণতীতি ৰিত্থারো (ৰজিরবুদ্ধি)

14. vadetīti uddeso. bhaṇatīti vitthāro (vajirabuddhi)

15. পদসো ধম্মো (ইতিপি)

16. padaso dhammo (itipi)

17. ৰসতি, সব্বঅচ্ছন্নে সব্বঅপরিচ্ছন্নে, (সী॰)

18. vasati, sabbaacchanne sabbaaparicchanne, (sī.)

19. এত্থ অম্বট্ঠসুত্তাদিটীকা ওলোকেতব্বা

20. সম্পটিচ্ছতু (স্যা॰)

21. ettha ambaṭṭhasuttādiṭīkā oloketabbā

22. sampaṭicchatu (syā.)

23. যক্খিনী (ক॰)

24. yakkhinī (ka.)

25. অনাপত্তি সব্বঅচ্ছন্নে সব্বঅপরিচ্ছন্নে, (সী॰)

26. anāpatti sabbaacchanne sabbaaparicchanne, (sī.)

27. পারা॰ ১৯৩

28. pārā. 193

29. অত্তনা পিৰন্তি (স্যা॰ ক॰)

30. attanā pivanti (syā. ka.)

31. পারা॰ ১৯৮

32. pārā. 198

33. পারা॰ ১৯৯

34. pārā. 199

35. পারা॰ ১৯৯

36. pārā. 199

37. পারা॰ ১৯৯

38. pārā. 199

39. পারা॰ ১৯৯

40. pārā. 199

41. পারা॰ ১৯৯

42. pārā. 199

43. পারা॰ ১৯৯

44. pārā. 199

45. পারা॰ ১৯৯

46. অরহত্তফলস্স (স্যা॰)

47. pārā. 199

48. arahattaphalassa (syā.)

49. পারা॰ ১৯৯

50. pārā. 199

51. পারা॰ ১৯৯

52. pārā. 199

53. পারা॰ ১৯৯

54. pārā. 199

55. অরহত্তফলং (স্যা॰)

56. arahattaphalaṃ (syā.)

57. অরহত্তফলঞ্চ (স্যা॰)

58. অরহত্তফলস্স (স্যা॰)

59. arahattaphalañca (syā.)

60. arahattaphalassa (syā.)

61. অরহত্তফলঞ্চ (স্যা॰)

62. arahattaphalañca (syā.)

63. অরহত্তফলং (স্যা॰)

64. arahattaphalaṃ (syā.)

65. অরহত্তফলং (স্যা॰)

66. arahattaphalaṃ (syā.)

67. ভিক্খুসম্মতিযা (স্যা॰)

68. bhikkhusammatiyā (syā.)

69. আল়ৰিকা (স্যা॰)

70. āḷavikā (syā.)

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact