| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
7. мусааваад̣̇аваг̇г̇о
7. Musāvādavaggo
444. ‘‘гад̇и ну ко, бханд̇з, мусааваад̣̇аа’’д̇и? ‘‘бан̃жимз, убаали, мусааваад̣̇аа. гад̇амз бан̃жа? ад̇т̇и мусааваад̣̇о баарааж̇игаг̇аамий, ад̇т̇и мусааваад̣̇о сан̇гхаад̣̇исзсаг̇аамий, ад̇т̇и мусааваад̣̇о т̇уллажжаяаг̇аамий, ад̇т̇и мусааваад̣̇о баажид̇д̇ияаг̇аамий, ад̇т̇и мусааваад̣̇о д̣̇уггадаг̇аамий – имз ко, убаали, бан̃жа мусааваад̣̇аа’’д̇и.
444. ‘‘Kati nu kho, bhante, musāvādā’’ti? ‘‘Pañcime, upāli, musāvādā. Katame pañca? Atthi musāvādo pārājikagāmī, atthi musāvādo saṅghādisesagāmī, atthi musāvādo thullaccayagāmī, atthi musāvādo pācittiyagāmī, atthi musāvādo dukkaṭagāmī – ime kho, upāli, pañca musāvādā’’ti.
445. ‘‘гад̇ихи ну ко, бханд̇з, ан̇г̇зхи саманнааг̇ад̇асса бхигкуно сан̇гхамаж̇жхз убосат̇ам̣ ваа бавааран̣ам̣ ваа табзнд̇асса – ‘алам̣, бхигку, маа бхан̣д̣анам̣, маа галахам̣, маа виг̇г̇ахам̣, маа виваад̣̇а’нд̇и омад̣̇д̣̇ид̇ваа сан̇гхзна убосат̇о ваа бавааран̣аа ваа гаад̇аб̣б̣аа’’д̇и? ‘‘бан̃жахубаали, ан̇г̇зхи саманнааг̇ад̇асса бхигкуно сан̇гхамаж̇жхз убосат̇ам̣ ваа бавааран̣ам̣ ваа табзнд̇асса – ‘алам̣, бхигку, маа бхан̣д̣анам̣, маа галахам̣, маа виг̇г̇ахам̣, маа виваад̣̇а’нд̇и омад̣̇д̣̇ид̇ваа сан̇гхзна убосат̇о ваа бавааран̣аа ваа гаад̇аб̣б̣аа. гад̇амзхи бан̃жахи? алаж̇ж̇ий жа ход̇и, б̣аало жа, абагад̇ад̇д̇о жа, жааванаад̇хиббааяо вад̇д̇аа ход̇и, но вудтаанаад̇хиббааяо – имзхи ко, убаали, бан̃жахан̇г̇зхи саманнааг̇ад̇асса бхигкуно сан̇гхамаж̇жхз убосат̇ам̣ ваа бавааран̣ам̣ ваа табзнд̇асса – ‘алам̣, бхигку, маа бхан̣д̣анам̣, маа галахам̣, маа виг̇г̇ахам̣, маа виваад̣̇а’нд̇и омад̣̇д̣̇ид̇ваа сан̇гхзна убосат̇о ваа бавааран̣аа ваа гаад̇аб̣б̣аа.
445. ‘‘Katihi nu kho, bhante, aṅgehi samannāgatassa bhikkhuno saṅghamajjhe uposathaṃ vā pavāraṇaṃ vā ṭhapentassa – ‘alaṃ, bhikkhu, mā bhaṇḍanaṃ, mā kalahaṃ, mā viggahaṃ, mā vivāda’nti omadditvā saṅghena uposatho vā pavāraṇā vā kātabbā’’ti? ‘‘Pañcahupāli, aṅgehi samannāgatassa bhikkhuno saṅghamajjhe uposathaṃ vā pavāraṇaṃ vā ṭhapentassa – ‘alaṃ, bhikkhu, mā bhaṇḍanaṃ, mā kalahaṃ, mā viggahaṃ, mā vivāda’nti omadditvā saṅghena uposatho vā pavāraṇā vā kātabbā. Katamehi pañcahi? Alajjī ca hoti, bālo ca, apakatatto ca, cāvanādhippāyo vattā hoti, no vuṭṭhānādhippāyo – imehi kho, upāli, pañcahaṅgehi samannāgatassa bhikkhuno saṅghamajjhe uposathaṃ vā pavāraṇaṃ vā ṭhapentassa – ‘alaṃ, bhikkhu, mā bhaṇḍanaṃ, mā kalahaṃ, mā viggahaṃ, mā vivāda’nti omadditvā saṅghena uposatho vā pavāraṇā vā kātabbā.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно сан̇гхамаж̇жхз убосат̇ам̣ ваа бавааран̣ам̣ ваа табзнд̇асса – ‘алам̣, бхигку, маа бхан̣д̣анам̣, маа галахам̣, маа виг̇г̇ахам̣, маа виваад̣̇а’нд̇и омад̣̇д̣̇ид̇ваа сан̇гхзна убосат̇о ваа бавааран̣аа ваа гаад̇аб̣б̣аа. гад̇амзхи бан̃жахи? абарисуд̣̇д̇хагааяасамаажааро ход̇и, абарисуд̣̇д̇хаважийсамаажааро ход̇и, абарисуд̣̇д̇хааж̇ийво ход̇и, б̣аало ход̇и аб̣яад̇д̇о, бхан̣д̣анагаараго ход̇и галахагаараго – имзхи ко, убаали, бан̃жахан̇г̇зхи саманнааг̇ад̇асса бхигкуно сан̇гхамаж̇жхз убосат̇ам̣ ваа бавааран̣ам̣ ваа табзнд̇асса – ‘алам̣, бхигку, маа бхан̣д̣анам̣, маа галахам̣, маа виг̇г̇ахам̣, маа виваад̣̇а’нд̇и омад̣̇д̣̇ид̇ваа сан̇гхзна убосат̇о ваа бавааран̣аа ваа гаад̇аб̣б̣аа’’д̇и.
‘‘Aparehipi, upāli, pañcahaṅgehi samannāgatassa bhikkhuno saṅghamajjhe uposathaṃ vā pavāraṇaṃ vā ṭhapentassa – ‘alaṃ, bhikkhu, mā bhaṇḍanaṃ, mā kalahaṃ, mā viggahaṃ, mā vivāda’nti omadditvā saṅghena uposatho vā pavāraṇā vā kātabbā. Katamehi pañcahi? Aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo hoti abyatto, bhaṇḍanakārako hoti kalahakārako – imehi kho, upāli, pañcahaṅgehi samannāgatassa bhikkhuno saṅghamajjhe uposathaṃ vā pavāraṇaṃ vā ṭhapentassa – ‘alaṃ, bhikkhu, mā bhaṇḍanaṃ, mā kalahaṃ, mā viggahaṃ, mā vivāda’nti omadditvā saṅghena uposatho vā pavāraṇā vā kātabbā’’ti.
446. ‘‘гад̇ихи ну ко, бханд̇з, ан̇г̇зхи саманнааг̇ад̇асса бхигкуно ануяог̇о на д̣̇аад̇аб̣б̣о’’д̇и? ‘‘бан̃жахубаали, ан̇г̇зхи саманнааг̇ад̇асса бхигкуно ануяог̇о на д̣̇аад̇аб̣б̣о. гад̇амзхи бан̃жахи? аабад̇д̇аанаабад̇д̇им̣ на ж̇аанаад̇и, лахугаг̇аругам̣ аабад̇д̇им̣ на ж̇аанаад̇и, саавасзсаанавасзсам̣ аабад̇д̇им̣ на ж̇аанаад̇и, д̣̇удтуллаад̣̇удтуллам̣ аабад̇д̇им̣ на ж̇аанаад̇и, саббадигаммаабадигаммам̣ аабад̇д̇им̣ на ж̇аанаад̇и – имзхи ко, убаали, бан̃жахан̇г̇зхи саманнааг̇ад̇асса бхигкуно ануяог̇о на д̣̇аад̇аб̣б̣о.
446. ‘‘Katihi nu kho, bhante, aṅgehi samannāgatassa bhikkhuno anuyogo na dātabbo’’ti? ‘‘Pañcahupāli, aṅgehi samannāgatassa bhikkhuno anuyogo na dātabbo. Katamehi pañcahi? Āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, sappaṭikammāpaṭikammaṃ āpattiṃ na jānāti – imehi kho, upāli, pañcahaṅgehi samannāgatassa bhikkhuno anuyogo na dātabbo.
‘‘бан̃жахубаали, ан̇г̇зхи саманнааг̇ад̇асса бхигкуно ануяог̇о д̣̇аад̇аб̣б̣о. гад̇амзхи бан̃жахи? аабад̇д̇аанаабад̇д̇им̣ ж̇аанаад̇и, лахугаг̇аругам̣ аабад̇д̇им̣ ж̇аанаад̇и, саавасзсаанавасзсам̣ аабад̇д̇им̣ ж̇аанаад̇и, д̣̇удтуллаад̣̇удтуллам̣ аабад̇д̇им̣ ж̇аанаад̇и, саббадигаммаабадигаммам̣ аабад̇д̇им̣ ж̇аанаад̇и – имзхи ко, убаали, бан̃жахан̇г̇зхи саманнааг̇ад̇асса бхигкуно ануяог̇о д̣̇аад̇аб̣б̣о’’д̇и.
‘‘Pañcahupāli, aṅgehi samannāgatassa bhikkhuno anuyogo dātabbo. Katamehi pañcahi? Āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, sappaṭikammāpaṭikammaṃ āpattiṃ jānāti – imehi kho, upāli, pañcahaṅgehi samannāgatassa bhikkhuno anuyogo dātabbo’’ti.
447. ‘‘гад̇ихи ну ко, бханд̇з, аагаарзхи бхигку аабад̇д̇им̣ аабаж̇ж̇ад̇ий’’д̇и? ‘‘бан̃жахубаали, аагаарзхи бхигку аабад̇д̇им̣ аабаж̇ж̇ад̇и. гад̇амзхи бан̃жахи? алаж̇ж̇ид̇аа, ан̃н̃аан̣ад̇аа, гуггужжабагад̇ад̇аа, агаббияз габбияасан̃н̃ид̇аа, габбияз агаббияасан̃н̃ид̇аа – имзхи ко, убаали, бан̃жахаагаарзхи бхигку аабад̇д̇им̣ аабаж̇ж̇ад̇и.
447. ‘‘Katihi nu kho, bhante, ākārehi bhikkhu āpattiṃ āpajjatī’’ti? ‘‘Pañcahupāli, ākārehi bhikkhu āpattiṃ āpajjati. Katamehi pañcahi? Alajjitā, aññāṇatā, kukkuccapakatatā, akappiye kappiyasaññitā, kappiye akappiyasaññitā – imehi kho, upāli, pañcahākārehi bhikkhu āpattiṃ āpajjati.
‘‘абарзхиби, убаали, бан̃жахаагаарзхи бхигку аабад̇д̇им̣ аабаж̇ж̇ад̇и. гад̇амзхи бан̃жахи ? ад̣̇ассанзна, ассаванзна, басуд̇д̇агад̇аа, д̇ат̇аасан̃н̃ий, сад̇исаммосаа – имзхи ко, убаали, бан̃жахаагаарзхи бхигку аабад̇д̇им̣ аабаж̇ж̇ад̇ий’’д̇и.
‘‘Aparehipi, upāli, pañcahākārehi bhikkhu āpattiṃ āpajjati. Katamehi pañcahi ? Adassanena, assavanena, pasuttakatā, tathāsaññī, satisammosā – imehi kho, upāli, pañcahākārehi bhikkhu āpattiṃ āpajjatī’’ti.
448. ‘‘гад̇и ну ко, бханд̇з, взраа’’д̇и? ‘‘бан̃жимз, убаали, взраа. гад̇амз бан̃жа? баан̣аад̇ибаад̇о , ад̣̇иннаад̣̇аанам̣, гаамзсумижчаажааро, мусааваад̣̇о, сураамзраяамаж̇ж̇аббамаад̣̇адтаанам̣ – имз ко, убаали, бан̃жа взраа’’д̇и.
448. ‘‘Kati nu kho, bhante, verā’’ti? ‘‘Pañcime, upāli, verā. Katame pañca? Pāṇātipāto , adinnādānaṃ, kāmesumicchācāro, musāvādo, surāmerayamajjappamādaṭṭhānaṃ – ime kho, upāli, pañca verā’’ti.
‘‘гад̇и ну ко, бханд̇з, взраман̣ияо’’д̇и? ‘‘бан̃жимаа, убаали, взраман̣ияо. гад̇амаа бан̃жа? баан̣аад̇ибаад̇аа взраман̣ий 1, ад̣̇иннаад̣̇аанаа взраман̣ий, гаамзсумижчаажаараа взраман̣ий, мусааваад̣̇аа взраман̣ий, сураамзраяамаж̇ж̇аббамаад̣̇адтаанаа взраман̣ий – имаа ко, убаали, бан̃жа взраман̣ияо’’д̇и.
‘‘Kati nu kho, bhante, veramaṇiyo’’ti? ‘‘Pañcimā, upāli, veramaṇiyo. Katamā pañca? Pāṇātipātā veramaṇī 2, adinnādānā veramaṇī, kāmesumicchācārā veramaṇī, musāvādā veramaṇī, surāmerayamajjappamādaṭṭhānā veramaṇī – imā kho, upāli, pañca veramaṇiyo’’ti.
449. ‘‘гад̇и ну ко, бханд̇з, б̣яасанааний’’д̇и? ‘‘бан̃жимаани, убаали, б̣яасанаани. 3 гад̇амаани бан̃жа? н̃аад̇иб̣яасанам̣, бхог̇аб̣яасанам̣, рог̇аб̣яасанам̣, сийлаб̣яасанам̣, д̣̇идтиб̣яасанам̣ – имаани ко, убаали, бан̃жа б̣яасанааний’’д̇и.
449. ‘‘Kati nu kho, bhante, byasanānī’’ti? ‘‘Pañcimāni, upāli, byasanāni. 4 Katamāni pañca? Ñātibyasanaṃ, bhogabyasanaṃ, rogabyasanaṃ, sīlabyasanaṃ, diṭṭhibyasanaṃ – imāni kho, upāli, pañca byasanānī’’ti.
‘‘гад̇и ну ко, бханд̇з, самбад̣̇аа’’д̇и? ‘‘бан̃жимаа, убаали, самбад̣̇аа. 5 гад̇амаа бан̃жа? н̃аад̇исамбад̣̇аа, бхог̇асамбад̣̇аа, аарог̇яасамбад̣̇аа, сийласамбад̣̇аа, д̣̇идтисамбад̣̇аа – имаа ко, убаали, бан̃жа самбад̣̇аа’’д̇и.
‘‘Kati nu kho, bhante, sampadā’’ti? ‘‘Pañcimā, upāli, sampadā. 6 Katamā pañca? Ñātisampadā, bhogasampadā, ārogyasampadā, sīlasampadā, diṭṭhisampadā – imā kho, upāli, pañca sampadā’’ti.
мусааваад̣̇аваг̇г̇о нидтид̇о сад̇д̇амо.
Musāvādavaggo niṭṭhito sattamo.
д̇ассуд̣̇д̣̇аанам̣ –
Tassuddānaṃ –
мусааваад̣̇о жа омад̣̇д̣̇и, абарзхи ануяог̇о;
Musāvādo ca omaddi, aparehi anuyogo;
аабад̇д̇ин̃жа абарзхи, взраа взраман̣ийби жа;
Āpattiñca aparehi, verā veramaṇīpi ca;
б̣яасанам̣ самбад̣̇аа жзва, сад̇д̇амо ваг̇г̇асан̇г̇аход̇и.
Byasanaṃ sampadā ceva, sattamo vaggasaṅgahoti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / мусааваад̣̇аваг̇г̇аван̣н̣анаа • Musāvādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / мусааваад̣̇аваг̇г̇аван̣н̣анаа • Musāvādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / мусааваад̣̇аваг̇г̇аван̣н̣анаа • Musāvādavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / мусааваад̣̇аваг̇г̇аван̣н̣анаа • Musāvādavaggavaṇṇanā
