| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
баажид̇д̇ияаган̣д̣о
Pācittiyakaṇḍo
1. мусааваад̣̇аваг̇г̇о
1. Musāvādavaggo
1. мусааваад̣̇асигкаабад̣̇аван̣н̣анаа
1. Musāvādasikkhāpadavaṇṇanā
баажид̇д̇иязсу мусааваад̣̇аваг̇г̇асса батамз самбаж̇аанамусааваад̣̇зд̇и буб̣б̣зби ж̇аанид̇ваа важанагкан̣зби ж̇аананд̇ассзва мусааваад̣̇абхан̣анз. бхан̣анан̃жа наама ид̇ха абхууд̇асса ваа бхууд̇ад̇ам̣, бхууд̇асса ваа абхууд̇ад̇ам̣ гад̇ваа гааязна ваа ваажааяа ваа вин̃н̃аабанаббаяог̇о, нимид̇д̇ад̇т̇з жзд̇ам̣ бхуммаважанам̣. д̇асмаа яо самбаж̇аанамусааваад̣̇ам̣ вад̣̇ад̇и, д̇асса д̇ам̣нимид̇д̇ам̣ д̇ам̣хзд̇у д̇аббажжаяаа баажид̇д̇ияам̣ ход̇ийд̇и звамзд̇т̇а ан̃н̃зсу жа ийд̣̇исзсу ад̇т̇о взд̣̇ид̇аб̣б̣о.
Pācittiyesu musāvādavaggassa paṭhame sampajānamusāvādeti pubbepi jānitvā vacanakkhaṇepi jānantasseva musāvādabhaṇane. Bhaṇanañca nāma idha abhūtassa vā bhūtataṃ, bhūtassa vā abhūtataṃ katvā kāyena vā vācāya vā viññāpanappayogo, nimittatthe cetaṃ bhummavacanaṃ. Tasmā yo sampajānamusāvādaṃ vadati, tassa taṃnimittaṃ taṃhetu tappaccayā pācittiyaṃ hotīti evamettha aññesu ca īdisesu attho veditabbo.
саавад̇т̇ияам̣ хад̇т̇агам̣ сагяабуд̇д̇ам̣ аараб̣бха аваж̇аанид̇ваа бадиж̇аананаад̣̇ивад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, уд̇д̇аримануссад̇хаммаарожанад̇т̇ам̣ мусаа бхан̣анд̇асса баарааж̇игам̣, амуулагзна баарааж̇игзна ануд̣̇д̇хам̣санад̇т̇ам̣ сан̇гхаад̣̇исзсо, сан̇гхаад̣̇исзсзна ануд̣̇д̇хам̣санад̇т̇ам̣ баажид̇д̇ияам̣, аажааравибад̇д̇ияаа ануд̣̇д̇хам̣санад̇т̇ам̣ д̣̇уггадам̣, ‘‘яо д̇з вихаарз васий’’д̇иаад̣̇инаа (баараа. 220) барияааязна уд̇д̇аримануссад̇хаммаарожанад̇т̇ам̣ бадивиж̇аананд̇асса мусаа бхан̣ид̇з т̇уллажжаяам̣, аббадивиж̇аананд̇асса д̣̇уггадам̣, гзвалам̣ мусаа бхан̣анд̇асса ид̇ха баажид̇д̇ияам̣. анубад̇хаарзд̇ваа сахасаа бхан̣анд̇асса, ‘‘ан̃н̃ам̣ бхан̣иссаамий’’д̇и ан̃н̃ам̣ бхан̣анд̇асса, уммад̇д̇агаад̣̇ийнан̃жа анаабад̇д̇и. висам̣ваад̣̇анабурзгкаарад̇аа, висам̣ваад̣̇анажид̇д̇зна яамад̇т̇ам̣ вад̇д̇угаамо, д̇асса буг̇г̇аласса вин̃н̃аабанабаяог̇о жаад̇и имаанзд̇т̇а д̣̇вз ан̇г̇аани. самудтаанаад̣̇ийни ад̣̇иннаад̣̇аанасад̣̇исаанийд̇и.
Sāvatthiyaṃ hatthakaṃ sakyaputtaṃ ārabbha avajānitvā paṭijānanādivatthusmiṃ paññattaṃ, sādhāraṇapaññatti, anāṇattikaṃ, uttarimanussadhammārocanatthaṃ musā bhaṇantassa pārājikaṃ, amūlakena pārājikena anuddhaṃsanatthaṃ saṅghādiseso, saṅghādisesena anuddhaṃsanatthaṃ pācittiyaṃ, ācāravipattiyā anuddhaṃsanatthaṃ dukkaṭaṃ, ‘‘yo te vihāre vasī’’tiādinā (pārā. 220) pariyāyena uttarimanussadhammārocanatthaṃ paṭivijānantassa musā bhaṇite thullaccayaṃ, appaṭivijānantassa dukkaṭaṃ, kevalaṃ musā bhaṇantassa idha pācittiyaṃ. Anupadhāretvā sahasā bhaṇantassa, ‘‘aññaṃ bhaṇissāmī’’ti aññaṃ bhaṇantassa, ummattakādīnañca anāpatti. Visaṃvādanapurekkhāratā, visaṃvādanacittena yamatthaṃ vattukāmo, tassa puggalassa viññāpanapayogo cāti imānettha dve aṅgāni. Samuṭṭhānādīni adinnādānasadisānīti.
мусааваад̣̇асигкаабад̣̇аван̣н̣анаа нидтид̇аа.
Musāvādasikkhāpadavaṇṇanā niṭṭhitā.
2. омасаваад̣̇асигкаабад̣̇аван̣н̣анаа
2. Omasavādasikkhāpadavaṇṇanā
д̣̇уд̇ияз омасаваад̣̇зд̇и овиж̇жханаважанз, ж̇аад̇инаамаг̇од̇д̇агаммасиббаааб̣аад̇халин̇г̇агилзсааабад̇д̇иаггосзсу бхууд̇зна ваа абхууд̇зна ваа язна гзнажи баарааж̇игам̣ аабаннам̣ ваа анаабаннам̣ ваа яам̣гин̃жи бхигкум̣ яааяа гааяажи ваажааяа ваа хад̇т̇амуд̣̇д̣̇ааяа ваа анан̃н̃аабад̣̇зсзна аггосанаважанз баажид̇д̇ияанд̇и ад̇т̇о.
Dutiye omasavādeti ovijjhanavacane, jātināmagottakammasippaābādhaliṅgakilesaāpattiakkosesu bhūtena vā abhūtena vā yena kenaci pārājikaṃ āpannaṃ vā anāpannaṃ vā yaṃkiñci bhikkhuṃ yāya kāyaci vācāya vā hatthamuddāya vā anaññāpadesena akkosanavacane pācittiyanti attho.
саавад̇т̇ияам̣ чаб̣б̣аг̇г̇ияз бхигкуу аараб̣бха омасанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇зхиязва д̣̇асахи аггосавад̇т̇уухи ‘‘санд̇и ид̇хзгажжз жан̣д̣аалаа’’д̇иаад̣̇инаа (баажи. 26) наязна ан̃н̃аабад̣̇зсам̣ гад̇ваа аггосанд̇асса, ‘‘жороси г̇ан̣тибхзд̣̇агосий’’д̇иаад̣̇ийхи баал̣имуд̇д̇агабад̣̇зхи аггосанд̇асса, яат̇аа д̇ат̇аа ваа анубасамбаннам̣ аггосанд̇асса жа д̣̇уггадам̣. ид̇ха бхигкунийби анубасамбаннасан̇кяам̣ г̇ажчад̇и. анаггосид̇угаамасса гзвалам̣ д̣̇авагамяад̇ааяа вад̣̇ад̇о саб̣б̣ад̇т̇а д̣̇уб̣бхаасид̇ам̣. ад̇т̇ад̇хаммаанусаасанибурзгкаараанам̣, уммад̇д̇агаад̣̇ийнан̃жа анаабад̇д̇и. яам̣ аггосад̇и, д̇асса убасамбаннад̇аа, анан̃н̃аабад̣̇зсзна ж̇аад̇иаад̣̇ийхи аггосанам̣, ‘‘мам̣ аггосад̇ий’’д̇и ж̇аананаа, ад̇т̇абурзгкаарад̇аад̣̇ийнам̣ абхаавод̇и имаанзд̇т̇а жад̇д̇аари ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, взд̣̇анаа бана ид̇ха д̣̇угкаад̇и.
Sāvatthiyaṃ chabbaggiye bhikkhū ārabbha omasanavatthusmiṃ paññattaṃ, sādhāraṇapaññatti, anāṇattikaṃ, tehiyeva dasahi akkosavatthūhi ‘‘santi idhekacce caṇḍālā’’tiādinā (pāci. 26) nayena aññāpadesaṃ katvā akkosantassa, ‘‘corosi gaṇṭhibhedakosī’’tiādīhi pāḷimuttakapadehi akkosantassa, yathā tathā vā anupasampannaṃ akkosantassa ca dukkaṭaṃ. Idha bhikkhunīpi anupasampannasaṅkhyaṃ gacchati. Anakkositukāmassa kevalaṃ davakamyatāya vadato sabbattha dubbhāsitaṃ. Atthadhammaanusāsanipurekkhārānaṃ, ummattakādīnañca anāpatti. Yaṃ akkosati, tassa upasampannatā, anaññāpadesena jātiādīhi akkosanaṃ, ‘‘maṃ akkosatī’’ti jānanā, atthapurekkhāratādīnaṃ abhāvoti imānettha cattāri aṅgāni. Samuṭṭhānādīni adinnādānasadisāni, vedanā pana idha dukkhāti.
омасаваад̣̇асигкаабад̣̇аван̣н̣анаа нидтид̇аа.
Omasavādasikkhāpadavaṇṇanā niṭṭhitā.
3. бзсун̃н̃асигкаабад̣̇аван̣н̣анаа
3. Pesuññasikkhāpadavaṇṇanā
д̇ад̇ияз бхигкубзсун̃н̃зд̇и бхигкусса бзсун̃н̃з, ж̇аад̇иаад̣̇ийхи аггосавад̇т̇уухи бхигкуу аггосанд̇асса бхигкуно суд̇ваа важанам̣ бхигкуно бияагамяад̇ааяа ваа бхзд̣̇аад̇хиббааязна ваа яо аггуд̣̇д̇хо, д̇асса бхигкусса гааязна ваа ваажааяа ваа убасам̣хадз д̇асмим̣ бзсун̃н̃агаран̣аважанз баажид̇д̇ияанд̇и ад̇т̇о.
Tatiye bhikkhupesuññeti bhikkhussa pesuññe, jātiādīhi akkosavatthūhi bhikkhū akkosantassa bhikkhuno sutvā vacanaṃ bhikkhuno piyakamyatāya vā bhedādhippāyena vā yo akkuddho, tassa bhikkhussa kāyena vā vācāya vā upasaṃhaṭe tasmiṃ pesuññakaraṇavacane pācittiyanti attho.
саавад̇т̇ияам̣ чаб̣б̣аг̇г̇ияз бхигкуу аараб̣бха бзсун̃н̃аубасам̣харан̣авад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, вуд̇д̇анаязнзва ан̃н̃аабад̣̇зсзна аггосанд̇асса важануубасам̣хаарз ваа баал̣имуд̇д̇агааггосуубасам̣хаарз ваа анубасамбаннасса жа убасам̣хаарз д̣̇уггадам̣. ид̇хааби бхигкуний анубасамбаннадтаанз тид̇аа. на бияагамяад̇ааяа, на бхзд̣̇аад̇хиббааязна гзвалам̣ баабаг̇арахид̇ааяа вад̣̇анд̇асса, уммад̇д̇агаад̣̇ийнан̃жа анаабад̇д̇и. ж̇аад̇иаад̣̇ийхи анан̃н̃аабад̣̇зсзна аггосанд̇асса бхигкуно суд̇ваа важанам̣ бхигкусса убасам̣харан̣ам̣, бияагамяад̇аабхзд̣̇аад̇хиббааязсу ан̃н̃ад̇арад̇аа , д̇асса виж̇аананаад̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаанзваад̇и.
Sāvatthiyaṃ chabbaggiye bhikkhū ārabbha pesuññaupasaṃharaṇavatthusmiṃ paññattaṃ, sādhāraṇapaññatti, anāṇattikaṃ, vuttanayeneva aññāpadesena akkosantassa vacanūpasaṃhāre vā pāḷimuttakaakkosūpasaṃhāre vā anupasampannassa ca upasaṃhāre dukkaṭaṃ. Idhāpi bhikkhunī anupasampannaṭṭhāne ṭhitā. Na piyakamyatāya, na bhedādhippāyena kevalaṃ pāpagarahitāya vadantassa, ummattakādīnañca anāpatti. Jātiādīhi anaññāpadesena akkosantassa bhikkhuno sutvā vacanaṃ bhikkhussa upasaṃharaṇaṃ, piyakamyatābhedādhippāyesu aññataratā , tassa vijānanāti imānettha tīṇi aṅgāni. Samuṭṭhānādīni adinnādānasadisānevāti.
бзсун̃н̃асигкаабад̣̇аван̣н̣анаа нидтид̇аа.
Pesuññasikkhāpadavaṇṇanā niṭṭhitā.
4. бад̣̇асод̇хаммасигкаабад̣̇аван̣н̣анаа
4. Padasodhammasikkhāpadavaṇṇanā
жад̇уд̇т̇з бад̣̇асо д̇хаммам̣ ваажзяяаад̇и сан̇г̇ийд̇ид̇д̇аяам̣ анаарул̣хамби рааж̇оваад̣̇ад̇игкинд̣̇рияажад̇убаривад̇д̇анананд̣̇обананд̣̇агулумбасуд̇д̇амаг̇г̇агат̇аад̣̇ид̇хамман̃жа сан̇г̇ийд̇ид̇д̇аяамаарул̣хам̣ д̇ибидагад̇хамман̃жа бад̣̇ам̣ бад̣̇ам̣ ваажзяяа, бад̣̇аанубад̣̇аанвагкараануб̣яан̃ж̇анзсу згзгам̣ годтаасанд̇и ад̇т̇о. баажид̇д̇ияанд̇и зд̇зсу бад̣̇аад̣̇ийсу бхигкун̃жа бхигкунин̃жа табзд̇ваа яам̣ган̃жи годтаасам̣ авасзсабуг̇г̇алзхи сад̣̇д̇хим̣ згад̇о бхан̣анд̇асса бад̣̇аад̣̇иг̇ан̣анааяа баажид̇д̇ияам̣.
Catutthe padaso dhammaṃ vāceyyāti saṅgītittayaṃ anāruḷhampi rājovādatikkhindriyacatuparivattananandopanandakulumpasuttamaggakathādidhammañca saṅgītittayamāruḷhaṃ tipiṭakadhammañca padaṃ padaṃ vāceyya, padānupadaanvakkharaanubyañjanesu ekekaṃ koṭṭhāsanti attho. Pācittiyanti etesu padādīsu bhikkhuñca bhikkhuniñca ṭhapetvā yaṃkañci koṭṭhāsaṃ avasesapuggalehi saddhiṃ ekato bhaṇantassa padādigaṇanāya pācittiyaṃ.
саавад̇т̇ияам̣ чаб̣б̣аг̇г̇ияз бхигкуу аараб̣бха бад̣̇асо д̇хаммаваажанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣. убасамбаннз анубасамбаннасан̃н̃ино взмад̇игасса ваа д̣̇уггадам̣. анубасамбаннзна сад̣̇д̇хим̣ згад̇о уд̣̇д̣̇зсаг̇г̇ахан̣з, саж̇жхааяагаран̣з, д̇асса санд̇игз уд̣̇д̣̇зсаг̇г̇ахан̣з, язбхуяязна баг̇ун̣аг̇ант̇ам̣ бхан̣анд̇асса, осаарзнд̇асса жа калид̇адтаанз ‘‘звам̣ бхан̣аахий’’д̇и важанз жа згад̇о бхан̣анд̇ассааби, уммад̇д̇агаад̣̇ийнан̃жа анаабад̇д̇и. анубасамбаннад̇аа, вуд̇д̇алагкан̣ам̣ д̇хаммам̣ бад̣̇асо ваажанад̇аа, згад̇о осаабанан̃жаад̇и имаанзд̇т̇а д̇ийн̣и ан̇г̇аани. бад̣̇асод̇хаммасамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, важийгаммам̣, д̇ижид̇д̇ам̣, д̇ивзд̣̇ананд̇и.
Sāvatthiyaṃ chabbaggiye bhikkhū ārabbha padaso dhammavācanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ. Upasampanne anupasampannasaññino vematikassa vā dukkaṭaṃ. Anupasampannena saddhiṃ ekato uddesaggahaṇe, sajjhāyakaraṇe, tassa santike uddesaggahaṇe, yebhuyyena paguṇaganthaṃ bhaṇantassa, osārentassa ca khalitaṭṭhāne ‘‘evaṃ bhaṇāhī’’ti vacane ca ekato bhaṇantassāpi, ummattakādīnañca anāpatti. Anupasampannatā, vuttalakkhaṇaṃ dhammaṃ padaso vācanatā, ekato osāpanañcāti imānettha tīṇi aṅgāni. Padasodhammasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, vacīkammaṃ, ticittaṃ, tivedananti.
бад̣̇асод̇хаммасигкаабад̣̇аван̣н̣анаа нидтид̇аа.
Padasodhammasikkhāpadavaṇṇanā niṭṭhitā.
5. батамасахасзяяасигкаабад̣̇аван̣н̣анаа
5. Paṭhamasahaseyyasikkhāpadavaṇṇanā
бан̃жамз анубасамбаннзнаад̇и бхигкум̣ табзд̇ваа анд̇амасо баарааж̇игавад̇т̇убхууд̇зна д̇иражчаанаг̇ад̇знааби. уд̇д̇арид̣̇ирад̇д̇ад̇ирад̇д̇анд̇и д̣̇виннам̣ ваа д̇ин̣н̣ам̣ ваа рад̇д̇ийнам̣ убари. сахасзяяанд̇и саб̣б̣ажчаннабарижчаннз язбхуяязна чаннабарижчаннз ваа сзнаасанз буб̣б̣аабариязна ваа згагкан̣зна ваа згад̇о нибаж̇ж̇анам̣. габбзяяаад̇и вид̣̇ахзяяа самбаад̣̇зяяа. д̇ад̇т̇а чад̣̇анам̣ анаахажжа д̣̇ияад̣дхахад̇т̇уб̣б̣зд̇хзна баагаараад̣̇инаа барижчиннамби саб̣б̣абарижчаннамижжзва взд̣̇ид̇аб̣б̣ам̣, д̇асмаа иминаа лагкан̣зна саманнааг̇ад̇о сажзби сад̇д̇абхуумиго баасаад̣̇о згуубажааро ход̇и, сад̇аг̇аб̣бхам̣ ваа жад̇усаалам̣, яо д̇ад̇т̇а ваа ан̃н̃ад̇т̇а ваа д̇аад̣̇исз д̇зна ваа ан̃н̃зна ваа анубасамбаннзна саха д̇иссо рад̇д̇ияо саяид̇ваа жад̇уд̇т̇ад̣̇ивасз ад̇т̇ан̇г̇ад̇з суурияз анубасамбаннз нибаннз г̇аб̣бхад̣̇ваарам̣ бид̇хааяа ваа абид̇хааяа ваа нибаж̇ж̇ад̇и, батаманибанно ваа д̇асмим̣ нибаж̇ж̇анд̇з на вудтаад̇и, д̇асса убхиннам̣ удтахид̇ваа нибаж̇ж̇анаббаяог̇аг̇ан̣анааяа анубасамбаннаг̇ан̣анааяа жа баажид̇д̇ияам̣. аяамзд̇т̇а сан̇кзбо, вид̇т̇ааро бана саманд̇абаасаад̣̇игааяам̣ (баажи. адта. 51) саб̣б̣аббагаарад̇о вуд̇д̇о.
Pañcame anupasampannenāti bhikkhuṃ ṭhapetvā antamaso pārājikavatthubhūtena tiracchānagatenāpi. Uttaridirattatirattanti dvinnaṃ vā tiṇṇaṃ vā rattīnaṃ upari. Sahaseyyanti sabbacchannaparicchanne yebhuyyena channaparicchanne vā senāsane pubbāpariyena vā ekakkhaṇena vā ekato nipajjanaṃ. Kappeyyāti vidaheyya sampādeyya. Tattha chadanaṃ anāhacca diyaḍḍhahatthubbedhena pākārādinā paricchinnampi sabbaparicchannamicceva veditabbaṃ, tasmā iminā lakkhaṇena samannāgato sacepi sattabhūmiko pāsādo ekūpacāro hoti, satagabbhaṃ vā catusālaṃ, yo tattha vā aññattha vā tādise tena vā aññena vā anupasampannena saha tisso rattiyo sayitvā catutthadivase atthaṅgate sūriye anupasampanne nipanne gabbhadvāraṃ pidhāya vā apidhāya vā nipajjati, paṭhamanipanno vā tasmiṃ nipajjante na vuṭṭhāti, tassa ubhinnaṃ uṭṭhahitvā nipajjanappayogagaṇanāya anupasampannagaṇanāya ca pācittiyaṃ. Ayamettha saṅkhepo, vitthāro pana samantapāsādikāyaṃ (pāci. aṭṭha. 51) sabbappakārato vutto.
аал̣авияам̣ самб̣ахулз бхигкуу аараб̣бха анубасамбаннзна сахасзяяавад̇т̇усмим̣ бан̃н̃ад̇д̇ам̣, ‘‘уд̇д̇арид̣̇ирад̇д̇ад̇ирад̇д̇а’’нд̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, убасамбаннз анубасамбаннасан̃н̃ино взмад̇игасса ваа убад̣̇д̇хажчаннабарижчаннаад̣̇ийсу жа д̣̇уггадам̣. уунагад̣̇ирад̇д̇ад̇ирад̇д̇ам̣ васанд̇асса, д̇ад̇ияааяа рад̇д̇ияаа бураарун̣аа нигкамид̇ваа буна васанд̇асса, саб̣б̣ажчаннасаб̣б̣аабарижчаннаад̣̇ийсу васанд̇асса, ид̇арасмим̣ нисиннз нибаж̇ж̇анд̇асса, нибаннз ваа нисийд̣̇анд̇асса, уммад̇д̇агаад̣̇ийнан̃жа анаабад̇д̇и. баажид̇д̇ияавад̇т̇угасзнаасанам̣, д̇ад̇т̇а анубасамбаннзна саха нибаж̇ж̇анам̣, жад̇уд̇т̇ад̣̇ивасз суурияад̇т̇ан̇г̇амананд̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанзваад̇и.
Āḷaviyaṃ sambahule bhikkhū ārabbha anupasampannena sahaseyyavatthusmiṃ paññattaṃ, ‘‘uttaridirattatiratta’’nti ayamettha anupaññatti, sādhāraṇapaññatti, anāṇattikaṃ, tikapācittiyaṃ, upasampanne anupasampannasaññino vematikassa vā upaddhacchannaparicchannādīsu ca dukkaṭaṃ. Ūnakadirattatirattaṃ vasantassa, tatiyāya rattiyā purāruṇā nikkhamitvā puna vasantassa, sabbacchannasabbāparicchannādīsu vasantassa, itarasmiṃ nisinne nipajjantassa, nipanne vā nisīdantassa, ummattakādīnañca anāpatti. Pācittiyavatthukasenāsanaṃ, tattha anupasampannena saha nipajjanaṃ, catutthadivase sūriyatthaṅgamananti imānettha tīṇi aṅgāni. Samuṭṭhānādīni eḷakalomasadisānevāti.
батамасахасзяяасигкаабад̣̇аван̣н̣анаа нидтид̇аа.
Paṭhamasahaseyyasikkhāpadavaṇṇanā niṭṭhitā.
6. д̣̇уд̇ияасахасзяяасигкаабад̣̇аван̣н̣анаа
6. Dutiyasahaseyyasikkhāpadavaṇṇanā
чадтз маад̇уг̇аамзнаад̇и анд̇амасо д̇ад̣̇ахуж̇аад̇ааяаби мануссид̇т̇ияаа. д̣̇иссамаанаруубаа бана яагкибзд̇ияо бан̣д̣аго мзт̇унавад̇т̇убхууд̇аа жа д̇иражчаанид̇т̇ияо ид̇ха д̣̇уггадавад̇т̇угаа хонд̇и.
Chaṭṭhe mātugāmenāti antamaso tadahujātāyapi manussitthiyā. Dissamānarūpā pana yakkhipetiyo paṇḍako methunavatthubhūtā ca tiracchānitthiyo idha dukkaṭavatthukā honti.
саавад̇т̇ияам̣ ааяасманд̇ам̣ ануруд̣̇д̇хад̇т̇зрам̣ аараб̣бха маад̇уг̇аамзна сахасзяяавад̇т̇усмим̣ бан̃н̃ад̇д̇ам̣, сзсам̣ ананд̇арасигкаабад̣̇з вуд̇д̇анаязнзва взд̣̇ид̇аб̣б̣ам̣ ан̃н̃ад̇ра рад̇д̇ибарижчзд̣̇аа, д̇ад̇ра хи жад̇уд̇т̇ад̣̇ивасз аабад̇д̇и, ид̇ха бана батамад̣̇ивасзбийд̇и.
Sāvatthiyaṃ āyasmantaṃ anuruddhattheraṃ ārabbha mātugāmena sahaseyyavatthusmiṃ paññattaṃ, sesaṃ anantarasikkhāpade vuttanayeneva veditabbaṃ aññatra rattiparicchedā, tatra hi catutthadivase āpatti, idha pana paṭhamadivasepīti.
д̣̇уд̇ияасахасзяяасигкаабад̣̇аван̣н̣анаа нидтид̇аа.
Dutiyasahaseyyasikkhāpadavaṇṇanā niṭṭhitā.
7. д̇хаммад̣̇зсанаасигкаабад̣̇аван̣н̣анаа
7. Dhammadesanāsikkhāpadavaṇṇanā
сад̇д̇амз уд̇д̇аричаббан̃жаваажаахийд̇изд̇т̇а зго г̇аат̇аабаад̣̇о згаа ваажаад̇и звам̣ саб̣б̣ад̇т̇а ваажаабамаан̣ам̣ взд̣̇ид̇аб̣б̣ам̣. д̇хаммам̣ д̣̇зсзяяаад̇и бад̣̇асод̇хаммасигкаабад̣̇з вуд̇д̇алагкан̣ам̣ д̇хаммам̣ ваа адтагат̇аад̇хаммам̣ ваа бхаасзяяа. ан̃н̃ад̇ра вин̃н̃унаа бурисавиг̇г̇ахзнаад̇и винаа вин̃н̃унаа бурисзна. мануссавиг̇г̇ахам̣ г̇ахзд̇ваа тид̇зна бана яагкзна ваа бзд̇зна ваа д̇иражчаанзна ваа сад̣̇д̇хим̣ тид̇ааяаби д̇хаммам̣ д̣̇зсзд̇ум̣ на ваддад̇и. баажид̇д̇ияанд̇и д̣̇уд̇ияаанияад̇з вуд̇д̇алагкан̣зна мануссзна винаа вин̃н̃умануссид̇т̇ияаа чаннам̣ ваажаанам̣ убари бад̣̇аад̣̇ивасзна д̇хаммам̣ д̣̇зсзнд̇асса бад̣̇аад̣̇иг̇ан̣анааяа, б̣ахуунам̣ д̣̇зсаяад̇о маад̇уг̇аамаг̇ан̣анааяа жа баажид̇д̇ияам̣.
Sattame uttarichappañcavācāhītiettha eko gāthāpādo ekā vācāti evaṃ sabbattha vācāpamāṇaṃ veditabbaṃ. Dhammaṃ deseyyāti padasodhammasikkhāpade vuttalakkhaṇaṃ dhammaṃ vā aṭṭhakathādhammaṃ vā bhāseyya. Aññatra viññunā purisaviggahenāti vinā viññunā purisena. Manussaviggahaṃ gahetvā ṭhitena pana yakkhena vā petena vā tiracchānena vā saddhiṃ ṭhitāyapi dhammaṃ desetuṃ na vaṭṭati. Pācittiyanti dutiyāniyate vuttalakkhaṇena manussena vinā viññumanussitthiyā channaṃ vācānaṃ upari padādivasena dhammaṃ desentassa padādigaṇanāya, bahūnaṃ desayato mātugāmagaṇanāya ca pācittiyaṃ.
саавад̇т̇ияам̣ уд̣̇ааяид̇т̇зрам̣ аараб̣бха маад̇уг̇аамасса д̇хаммад̣̇зсанаавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра вин̃н̃унаа’’д̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, амаад̇уг̇аамз маад̇уг̇аамасан̃н̃ино взмад̇игасса ваа яагкибзд̇ибан̣д̣агамануссавиг̇г̇ахад̇иражчаанид̇т̇ийнам̣ д̣̇зсзнд̇асса жа д̣̇уггадам̣. чахи ваажаахи, д̇ад̇о ваа орам̣ д̣̇зсзнд̇асса, вуд̇д̇алагкан̣з ваа бурисз сад̇и, саяам̣ ваа удтааяа, буна нисийд̣̇ид̇ваа маад̇уг̇аамасса ваа удтахид̇ваа буна нисиннасса, ан̃н̃асса ваа маад̇уг̇аамасса д̣̇зсаяад̇о, ‘‘д̣̇ийгханигааяо наама бханд̇з гимад̇т̇ияо’’д̇и звам̣ бана будтз саб̣б̣амби д̣̇ийгханигааяам̣ д̣̇зсзнд̇асса, ан̃н̃ассад̇т̇ааяа вужжамаанам̣ маад̇уг̇аамз сун̣анд̇з, уммад̇д̇агаад̣̇ийнан̃жа анаабад̇д̇и. вуд̇д̇алагкан̣асса д̇хаммасса чаннам̣ ваажаанам̣ убари д̣̇зсанаа, вуд̇д̇алагкан̣о маад̇уг̇аамо, ирияаабат̇абаривад̇д̇аабхааво, габбияагаарагассаабхааво, абан̃хаависсаж̇ж̇анаад̇и имаанзд̇т̇а бан̃жа ан̇г̇аани. самудтаанаад̣̇ийни бад̣̇асод̇хаммасад̣̇исаанзва, гзвалам̣ ид̇ха гирияаагирияам̣ ход̇ийд̇и.
Sāvatthiyaṃ udāyittheraṃ ārabbha mātugāmassa dhammadesanāvatthusmiṃ paññattaṃ, ‘‘aññatra viññunā’’ti ayamettha anupaññatti, sādhāraṇapaññatti, anāṇattikaṃ, tikapācittiyaṃ, amātugāme mātugāmasaññino vematikassa vā yakkhipetipaṇḍakamanussaviggahatiracchānitthīnaṃ desentassa ca dukkaṭaṃ. Chahi vācāhi, tato vā oraṃ desentassa, vuttalakkhaṇe vā purise sati, sayaṃ vā uṭṭhāya, puna nisīditvā mātugāmassa vā uṭṭhahitvā puna nisinnassa, aññassa vā mātugāmassa desayato, ‘‘dīghanikāyo nāma bhante kimatthiyo’’ti evaṃ pana puṭṭhe sabbampi dīghanikāyaṃ desentassa, aññassatthāya vuccamānaṃ mātugāme suṇante, ummattakādīnañca anāpatti. Vuttalakkhaṇassa dhammassa channaṃ vācānaṃ upari desanā, vuttalakkhaṇo mātugāmo, iriyāpathaparivattābhāvo, kappiyakārakassābhāvo, apañhāvissajjanāti imānettha pañca aṅgāni. Samuṭṭhānādīni padasodhammasadisāneva, kevalaṃ idha kiriyākiriyaṃ hotīti.
д̇хаммад̣̇зсанаасигкаабад̣̇аван̣н̣анаа нидтид̇аа.
Dhammadesanāsikkhāpadavaṇṇanā niṭṭhitā.
8. бхууд̇аарожанасигкаабад̣̇аван̣н̣анаа
8. Bhūtārocanasikkhāpadavaṇṇanā
адтамз уд̇д̇аримануссад̇хамманд̇и жад̇уд̇т̇абаарааж̇игз вуд̇д̇алагкан̣ам̣ уд̇д̇аримануссаанам̣ жхааяийнан̃жзва арияаанан̃жа д̇хаммам̣. бхууд̇асмим̣ баажид̇д̇ияанд̇и ад̇д̇ани жхаанаад̣̇ид̇хаммз сад̇и д̇ам̣ бхигкун̃жа бхигкунин̃жа табзд̇ваа ан̃н̃асса аарожаяад̇о баажид̇д̇ияам̣.
Aṭṭhame uttarimanussadhammanti catutthapārājike vuttalakkhaṇaṃ uttarimanussānaṃ jhāyīnañceva ariyānañca dhammaṃ. Bhūtasmiṃ pācittiyanti attani jhānādidhamme sati taṃ bhikkhuñca bhikkhuniñca ṭhapetvā aññassa ārocayato pācittiyaṃ.
взсаалияам̣ ваг̇г̇умуд̣̇аад̇ийрияз бхигкуу аараб̣бха д̇зсам̣ бхууд̇аарожанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и , анаан̣ад̇д̇игам̣, ниббарияааязна ад̇д̇ани виж̇ж̇амаанам̣ жхаанаад̣̇ид̇хаммам̣ аарожзнд̇асса сажз яасса аарожзд̇и, со ананд̇арамзва ‘‘аяам̣ жхааналаабхий’’д̇и ваа ‘‘арияо’’д̇и ваа язна гзнажи аагаарзна д̇амад̇т̇ам̣ ж̇аанаад̇и, баажид̇д̇ияам̣. но жз ж̇аанаад̇и, д̣̇уггадам̣. барияааязна аарожид̇ам̣ бана ж̇аанаад̇у ваа, маа ваа, д̣̇уггадамзва. д̇ат̇ааруубз гааран̣з сад̇и убасамбаннасса аарожаяад̇о, аад̣̇игаммигасса жа анаабад̇д̇и. яасмаа бана арияаанам̣ уммад̇д̇агаад̣̇ибхааво над̇т̇и, жхааналаабхино бана д̇асмим̣ сад̇и жхаанаа барихааяанд̇и, д̇асмаа д̇з ид̇ха на г̇ахид̇аа. уд̇д̇аримануссад̇хаммасса бхууд̇ад̇аа, анубасамбаннасса аарожанам̣, д̇ан̇кан̣авиж̇аананаа, анан̃н̃аабад̣̇зсод̇и имаанзд̇т̇а жад̇д̇аари ан̇г̇аани. бхууд̇аарожанасамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, гусалааб̣яаагад̇ажид̇д̇зхи д̣̇вижид̇д̇ам̣, сукамаж̇жхад̇д̇авзд̣̇анаахи д̣̇вивзд̣̇ананд̇и.
Vesāliyaṃ vaggumudātīriye bhikkhū ārabbha tesaṃ bhūtārocanavatthusmiṃ paññattaṃ, sādhāraṇapaññatti , anāṇattikaṃ, nippariyāyena attani vijjamānaṃ jhānādidhammaṃ ārocentassa sace yassa āroceti, so anantarameva ‘‘ayaṃ jhānalābhī’’ti vā ‘‘ariyo’’ti vā yena kenaci ākārena tamatthaṃ jānāti, pācittiyaṃ. No ce jānāti, dukkaṭaṃ. Pariyāyena ārocitaṃ pana jānātu vā, mā vā, dukkaṭameva. Tathārūpe kāraṇe sati upasampannassa ārocayato, ādikammikassa ca anāpatti. Yasmā pana ariyānaṃ ummattakādibhāvo natthi, jhānalābhino pana tasmiṃ sati jhānā parihāyanti, tasmā te idha na gahitā. Uttarimanussadhammassa bhūtatā, anupasampannassa ārocanaṃ, taṅkhaṇavijānanā, anaññāpadesoti imānettha cattāri aṅgāni. Bhūtārocanasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, kusalābyākatacittehi dvicittaṃ, sukhamajjhattavedanāhi dvivedananti.
бхууд̇аарожанасигкаабад̣̇аван̣н̣анаа нидтид̇аа.
Bhūtārocanasikkhāpadavaṇṇanā niṭṭhitā.
9. д̣̇удтуллаарожанасигкаабад̣̇аван̣н̣анаа
9. Duṭṭhullārocanasikkhāpadavaṇṇanā
навамз бхигкуссаад̇и баарааж̇игам̣ анаж̇жхаабаннасса. д̣̇удтулланд̇и гин̃жааби д̣̇виннам̣ аабад̇д̇игканд̇хаанамзд̇ам̣ ад̇хиважанам̣, ид̇ха бана сан̇гхаад̣̇исзсамзва ад̇хиббзд̇ам̣. ан̃н̃ад̇ра бхигкусаммуд̇ияаад̇и яам̣ сан̇гхо абхин̣хаабад̇д̇игасса бхигкуно ааяад̇им̣ сам̣варад̇т̇ааяа аабад̇д̇ийнан̃жа гулаанан̃жа барияанд̇ам̣ гад̇ваа ваа агад̇ваа ваа д̇игкад̇д̇ум̣ абалогзд̇ваа гад̇игам̣ гарод̇и, д̇ам̣ табзд̇ваа, аяат̇аагад̇игааяа ‘‘аяам̣ асужим̣ можзд̇ваа сан̇гхаад̣̇исзсам̣ аабанно’’д̇иаад̣̇инаа наязна вад̇т̇унаа сад̣̇д̇хим̣ аабад̇д̇им̣ гхадзд̇ваа аарожзнд̇асса баажид̇д̇ияам̣.
Navame bhikkhussāti pārājikaṃ anajjhāpannassa. Duṭṭhullanti kiñcāpi dvinnaṃ āpattikkhandhānametaṃ adhivacanaṃ, idha pana saṅghādisesameva adhippetaṃ. Aññatra bhikkhusammutiyāti yaṃ saṅgho abhiṇhāpattikassa bhikkhuno āyatiṃ saṃvaratthāya āpattīnañca kulānañca pariyantaṃ katvā vā akatvā vā tikkhattuṃ apaloketvā katikaṃ karoti, taṃ ṭhapetvā, ayathākatikāya ‘‘ayaṃ asuciṃ mocetvā saṅghādisesaṃ āpanno’’tiādinā nayena vatthunā saddhiṃ āpattiṃ ghaṭetvā ārocentassa pācittiyaṃ.
саавад̇т̇ияам̣ чаб̣б̣аг̇г̇ияз бхигкуу аараб̣бха д̣̇удтуллаабад̇д̇иаарожанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣ , ад̣̇удтуллааяа д̣̇удтулласан̃н̃ино взмад̇игасса ваа д̣̇уггадам̣, авасзсз ча аабад̇д̇игканд̇хз, анубасамбаннасса буримабан̃жасигкаабад̣̇авийд̇иггамасан̇каад̇ам̣ д̣̇удтуллам̣ ваа ид̇арам̣ ад̣̇удтуллам̣ ваа аж̇жхаажаарам̣ аарожзнд̇ассааби д̣̇уггадамзва. вад̇т̇умад̇д̇ам̣ ваа аабад̇д̇имад̇д̇ам̣ ваа аарожзнд̇асса, бхигкусаммуд̇ибарижчзд̣̇ам̣ анад̇иггамид̇ваа аарожзнд̇асса, уммад̇д̇агаад̣̇ийнан̃жа анаабад̇д̇и. вуд̇д̇алагкан̣асса бхигкуно савад̇т̇уго сан̇гхаад̣̇исзсо, анубасамбаннасса аарожанам̣, бхигкусаммуд̇ияаа абхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, взд̣̇анаа бана ид̇ха д̣̇угкааязваад̇и.
Sāvatthiyaṃ chabbaggiye bhikkhū ārabbha duṭṭhullāpattiārocanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ , aduṭṭhullāya duṭṭhullasaññino vematikassa vā dukkaṭaṃ, avasese cha āpattikkhandhe, anupasampannassa purimapañcasikkhāpadavītikkamasaṅkhātaṃ duṭṭhullaṃ vā itaraṃ aduṭṭhullaṃ vā ajjhācāraṃ ārocentassāpi dukkaṭameva. Vatthumattaṃ vā āpattimattaṃ vā ārocentassa, bhikkhusammutiparicchedaṃ anatikkamitvā ārocentassa, ummattakādīnañca anāpatti. Vuttalakkhaṇassa bhikkhuno savatthuko saṅghādiseso, anupasampannassa ārocanaṃ, bhikkhusammutiyā abhāvoti imānettha tīṇi aṅgāni. Samuṭṭhānādīni adinnādānasadisāni, vedanā pana idha dukkhāyevāti.
д̣̇удтуллаарожанасигкаабад̣̇аван̣н̣анаа нидтид̇аа.
Duṭṭhullārocanasikkhāpadavaṇṇanā niṭṭhitā.
10. бат̇авийкан̣анасигкаабад̣̇аван̣н̣анаа
10. Pathavīkhaṇanasikkhāpadavaṇṇanā
д̣̇асамз бат̇авинд̇и д̣̇увид̇хаа бат̇авий ж̇аад̇абат̇авий аж̇аад̇абат̇авийд̇и. д̇ад̇т̇а ж̇аад̇абат̇авий суд̣̇д̇хамиссабун̃ж̇авасзна д̇ивид̇хаа, д̇ад̇т̇а суд̣̇д̇хабат̇авий наама багад̇ияаа суд̣̇д̇хабам̣су ваа суд̣̇д̇хамад̇д̇игаа ваа. миссабат̇авий наама яад̇т̇а бам̣суд̇о ваа мад̇д̇игаад̇о ваа баасаан̣асагкарагат̇аламарумб̣аваалугаасу ан̃н̃ад̇арасса д̇ад̇ияабхааг̇о ход̇и. бун̃ж̇абат̇авий наама ‘‘ад̇ирзгажаад̇умаасам̣ овадто бам̣субун̃ж̇о ваа мад̇д̇игаабун̃ж̇о ваа’’д̇и (баажи. 86) вуд̇д̇ам̣, вуд̇д̇алагкан̣зна бана миссагабун̃ж̇оби бидтибаасаан̣з тид̇асукумараж̇амби жа д̣̇звз пусааяанд̇з сагим̣ д̇инд̇ам̣ жад̇умаасажжаязна д̇инд̇огаасо бун̃ж̇абат̇ависан̇камзва г̇ажчад̇и. д̇ивид̇хааби жзсаа бат̇авий уд̣̇д̇ханабад̇д̇абажанаад̣̇ивасзна ваа яат̇аа д̇ат̇аа ваа ад̣̇ад̣дхаа ‘ж̇аад̇абат̇авий’д̇и вужжад̇и, д̣̇ад̣дхаа бана вуд̇д̇аббамаан̣ад̇о ад̇хигад̇арабаасаан̣аад̣̇имиссаа ваа аж̇аад̇абат̇авий наама ход̇и, го бана ваад̣̇о суд̣̇д̇хабаасаан̣аад̣̇ибхзд̣̇ааяа. д̇ад̇т̇а яаа ‘ж̇аад̇абат̇авий’д̇и вуд̇д̇аа, аяам̣ агаббияабат̇авий. яо бхигку д̇ам̣ зваруубам̣ бат̇авим̣ саяам̣ кан̣ад̇и, кан̣анабхзд̣̇анавилзканабажанаад̣̇ийхи вигобзд̇и, д̇асса баяог̇аг̇ан̣анааяа баажид̇д̇ияам̣. яо бана кан̣аабзд̇и, вуд̇д̇анаязнзва вигобаабзд̇и, д̇асса ‘‘имам̣ бад̣̇зса’’нд̇и ваа ‘‘имам̣ бат̇ави’’нд̇и ваа звам̣ нияамзд̇ваа ‘‘кан̣а, бхинд̣̇аа’’д̇иаад̣̇инаа наязна аан̣аабзнд̇асса аан̣ад̇д̇ияаа д̣̇уггадам̣, сагим̣ аан̣ад̇д̇з д̣̇ивасамби кан̣анд̇з аан̣аабагасса згамзва баажид̇д̇ияам̣, сажз ид̇аро бунаббунам̣ аан̣аабзд̇и, ваажааяа ваажааяа баажид̇д̇ияам̣.
Dasame pathavinti duvidhā pathavī jātapathavī ajātapathavīti. Tattha jātapathavī suddhamissapuñjavasena tividhā, tattha suddhapathavī nāma pakatiyā suddhapaṃsu vā suddhamattikā vā. Missapathavī nāma yattha paṃsuto vā mattikāto vā pāsāṇasakkharakathalamarumbavālukāsu aññatarassa tatiyabhāgo hoti. Puñjapathavī nāma ‘‘atirekacātumāsaṃ ovaṭṭho paṃsupuñjo vā mattikāpuñjo vā’’ti (pāci. 86) vuttaṃ, vuttalakkhaṇena pana missakapuñjopi piṭṭhipāsāṇe ṭhitasukhumarajampi ca deve phusāyante sakiṃ tintaṃ catumāsaccayena tintokāso puñjapathavisaṅkhameva gacchati. Tividhāpi cesā pathavī uddhanapattapacanādivasena vā yathā tathā vā adaḍḍhā ‘jātapathavī’ti vuccati, daḍḍhā pana vuttappamāṇato adhikatarapāsāṇādimissā vā ajātapathavī nāma hoti, ko pana vādo suddhapāsāṇādibhedāya. Tattha yā ‘jātapathavī’ti vuttā, ayaṃ akappiyapathavī. Yo bhikkhu taṃ evarūpaṃ pathaviṃ sayaṃ khaṇati, khaṇanabhedanavilekhanapacanādīhi vikopeti, tassa payogagaṇanāya pācittiyaṃ. Yo pana khaṇāpeti, vuttanayeneva vikopāpeti, tassa ‘‘imaṃ padesa’’nti vā ‘‘imaṃ pathavi’’nti vā evaṃ niyametvā ‘‘khaṇa, bhindā’’tiādinā nayena āṇāpentassa āṇattiyā dukkaṭaṃ, sakiṃ āṇatte divasampi khaṇante āṇāpakassa ekameva pācittiyaṃ, sace itaro punappunaṃ āṇāpeti, vācāya vācāya pācittiyaṃ.
аал̣авияам̣ аал̣авагз бхигкуу аараб̣бха бат̇авикан̣анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, саан̣ад̇д̇игам̣, бат̇авияаа взмад̇игасса, абат̇авияаа бат̇ависан̃н̃ино жзва взмад̇игасса жа д̣̇уггадам̣. огаасам̣ анияамзд̇ваа ‘‘богкаран̣им̣ кан̣а, ааваадам̣ кан̣а, ганд̣̇ам̣ кан̣аа’’д̇иаад̣̇ийни бхан̣анд̇асса, аад̇абзна суссид̇ваа палид̇агад̣̇д̣̇амам̣ ваа г̇оган̣дагам̣ ваа хздтаа бат̇авияаа асамб̣ад̣̇д̇хам̣ бхиж̇ж̇ид̇ваа бад̇ид̇анад̣̇ид̇адам̣ ваа маханд̇амби нан̇г̇алажчиннамад̇д̇игаабин̣д̣анд̇извамаад̣̇ийни саб̣б̣ан̃жа аж̇аад̇абат̇авим̣ вигобзнд̇асса, ‘‘имасса т̇амбхасса ааваадам̣ ж̇аана , мад̇д̇игам̣ д̣̇зхи, мад̇д̇игам̣ аахара, бам̣сунаа мз ад̇т̇о, мад̇д̇игам̣ габбияам̣ гарохий’’д̇и бхан̣анд̇асса, асан̃жижжа ругкаад̣̇ибавадданзна бхинд̣̇анд̇асса, асад̇ияаа баад̣̇ан̇г̇удтагаад̣̇ийхи вилзканд̇асса, ж̇аад̇абат̇авибхаавам̣ ваа, ‘‘кан̣аами ваа аха’’нд̇и аж̇аананд̇асса, уммад̇д̇агаад̣̇ийнан̃жа анаабад̇д̇и. ж̇аад̇абат̇авий, бат̇ависан̃н̃ид̇аа, кан̣анакан̣аабанаанам̣ ан̃н̃ад̇аранд̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана бан̣н̣ад̇д̇иваж̇ж̇ам̣, д̇ижид̇д̇ам̣, д̇ивзд̣̇ананд̇и.
Āḷaviyaṃ āḷavake bhikkhū ārabbha pathavikhaṇanavatthusmiṃ paññattaṃ, sādhāraṇapaññatti, sāṇattikaṃ, pathaviyā vematikassa, apathaviyā pathavisaññino ceva vematikassa ca dukkaṭaṃ. Okāsaṃ aniyametvā ‘‘pokkharaṇiṃ khaṇa, āvāṭaṃ khaṇa, kandaṃ khaṇā’’tiādīni bhaṇantassa, ātapena sussitvā phalitakaddamaṃ vā gokaṇṭakaṃ vā heṭṭhā pathaviyā asambaddhaṃ bhijjitvā patitanaditaṭaṃ vā mahantampi naṅgalacchinnamattikāpiṇḍantievamādīni sabbañca ajātapathaviṃ vikopentassa, ‘‘imassa thambhassa āvāṭaṃ jāna , mattikaṃ dehi, mattikaṃ āhara, paṃsunā me attho, mattikaṃ kappiyaṃ karohī’’ti bhaṇantassa, asañcicca rukkhādipavaṭṭanena bhindantassa, asatiyā pādaṅguṭṭhakādīhi vilekhantassa, jātapathavibhāvaṃ vā, ‘‘khaṇāmi vā aha’’nti ajānantassa, ummattakādīnañca anāpatti. Jātapathavī, pathavisaññitā, khaṇanakhaṇāpanānaṃ aññataranti imānettha tīṇi aṅgāni. Samuṭṭhānādīni adinnādānasadisāni, idaṃ pana paṇṇattivajjaṃ, ticittaṃ, tivedananti.
бат̇авийкан̣анасигкаабад̣̇аван̣н̣анаа нидтид̇аа.
Pathavīkhaṇanasikkhāpadavaṇṇanā niṭṭhitā.
мусааваад̣̇аваг̇г̇о батамо.
Musāvādavaggo paṭhamo.
