| Library / Tipiṭaka / തിപിടക • Tipiṭaka / പരിവാരപാളി • Parivārapāḷi |
൫. പാചിത്തിയകണ്ഡം
5. Pācittiyakaṇḍaṃ
൧. മുസാവാദവഗ്ഗോ
1. Musāvādavaggo
൫൪. യം തേന ഭഗവതാ ജാനതാ പസ്സതാ അരഹതാ സമ്മാസമ്ബുദ്ധേന സമ്പജാനമുസാവാദേ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി ? ഹത്ഥകം സക്യപുത്തം ആരബ്ഭ . കിസ്മിം വത്ഥുസ്മിന്തി? ആയസ്മാ ഹത്ഥകോ സക്യപുത്തോ തിത്ഥിയേഹി സദ്ധിം സല്ലപന്തോ അവജാനിത്വാ പടിജാനി, പടിജാനിത്വാ അവജാനി, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി – സിയാ കായതോ ച ചിത്തതോ ച സമുട്ഠാതി, ന വാചതോ; സിയാ വാചതോ ച ചിത്തതോ ച സമുട്ഠാതി, ന കായതോ; സിയാ കായതോ ച വാചതോ ച ചിത്തതോ ച സമുട്ഠാതി…പേ॰….
54. Yaṃ tena bhagavatā jānatā passatā arahatā sammāsambuddhena sampajānamusāvāde pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti ? Hatthakaṃ sakyaputtaṃ ārabbha . Kismiṃ vatthusminti? Āyasmā hatthako sakyaputto titthiyehi saddhiṃ sallapanto avajānitvā paṭijāni, paṭijānitvā avajāni, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti – siyā kāyato ca cittato ca samuṭṭhāti, na vācato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
൫൫. ഓമസവാദേ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ഛബ്ബഗ്ഗിയേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? ഛബ്ബഗ്ഗിയാ ഭിക്ഖൂ പേസലേഹി ഭിക്ഖൂഹി സദ്ധിം ഭണ്ഡന്താ 1 പേസലേ ഭിക്ഖൂ ഓമസിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി…പേ॰….
55. Omasavāde pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū pesalehi bhikkhūhi saddhiṃ bhaṇḍantā 2 pesale bhikkhū omasiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
൫൬. ഭിക്ഖുപേസുഞ്ഞേ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ഛബ്ബഗ്ഗിയേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? ഛബ്ബഗ്ഗിയാ ഭിക്ഖൂ ഭിക്ഖൂനം ഭണ്ഡനജാതാനം കലഹജാതാനം വിവാദാപന്നാനം പേസുഞ്ഞം ഉപസംഹരിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി…പേ॰….
56. Bhikkhupesuññe pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū bhikkhūnaṃ bhaṇḍanajātānaṃ kalahajātānaṃ vivādāpannānaṃ pesuññaṃ upasaṃhariṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
൫൭. അനുപസമ്പന്നം പദസോ ധമ്മം വാചേന്തസ്സ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ഛബ്ബഗ്ഗിയേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? ഛബ്ബഗ്ഗിയാ ഭിക്ഖൂ ഉപാസകേ പദസോ ധമ്മം വാചേസും , തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ദ്വീഹി സമുട്ഠാനേഹി സമുട്ഠാതി – സിയാ വാചതോ സമുട്ഠാതി, ന കായതോ ന ചിത്തതോ; സിയാ വാചതോ ച ചിത്തതോ ച സമുട്ഠാതി, ന കായതോ…പേ॰….
57. Anupasampannaṃ padaso dhammaṃ vācentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū upāsake padaso dhammaṃ vācesuṃ , tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā vācato samuṭṭhāti, na kāyato na cittato; siyā vācato ca cittato ca samuṭṭhāti, na kāyato…pe….
൫൮. അനുപസമ്പന്നേന ഉത്തരിദിരത്തതിരത്തം സഹസേയ്യം കപ്പേന്തസ്സ പാചിത്തിയം കത്ഥ പഞ്ഞത്തന്തി? ആളവിയം പഞ്ഞത്തം. കം ആരബ്ഭാതി? സമ്ബഹുലേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? സമ്ബഹുലാ ഭിക്ഖൂ അനുപസമ്പന്നേന സഹസേയ്യം കപ്പേസും, തസ്മിം വത്ഥുസ്മിം. ഏകാ പഞ്ഞത്തി , ഏകാ അനുപഞ്ഞത്തി. ഛന്നം ആപത്തിസമുട്ഠാനാനം ദ്വീഹി സമുട്ഠാനേഹി സമുട്ഠാതി – സിയാ കായതോ സമുട്ഠാതി, ന വാചതോ ന ചിത്തതോ; സിയാ കായതോ ച ചിത്തതോ ച സമുട്ഠാതി, ന വാചതോ…പേ॰….
58. Anupasampannena uttaridirattatirattaṃ sahaseyyaṃ kappentassa pācittiyaṃ kattha paññattanti? Āḷaviyaṃ paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū anupasampannena sahaseyyaṃ kappesuṃ, tasmiṃ vatthusmiṃ. Ekā paññatti , ekā anupaññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā kāyato samuṭṭhāti, na vācato na cittato; siyā kāyato ca cittato ca samuṭṭhāti, na vācato…pe….
൫൯. മാതുഗാമേന സഹസേയ്യം കപ്പേന്തസ്സ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ആയസ്മന്തം അനുരുദ്ധം ആരബ്ഭ. കിസ്മിം വത്ഥുസ്മിന്തി? ആയസ്മാ അനുരുദ്ധോ മാതുഗാമേന സഹസേയ്യം കപ്പേസി, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ദ്വീഹി സമുട്ഠാനേഹി സമുട്ഠാതി ഏളകലോമകേ…പേ॰….
59. Mātugāmena sahaseyyaṃ kappentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ anuruddhaṃ ārabbha. Kismiṃ vatthusminti? Āyasmā anuruddho mātugāmena sahaseyyaṃ kappesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti eḷakalomake…pe….
൬൦. മാതുഗാമസ്സ ഉത്തരിഛപ്പഞ്ചവാചാഹി ധമ്മം ദേസേന്തസ്സ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ആയസ്മന്തം ഉദായിം ആരബ്ഭ. കിസ്മിം വത്ഥുസ്മിന്തി? ആയസ്മാ ഉദായീ മാതുഗാമസ്സ ധമ്മം ദേസേസി, തസ്മിം വത്ഥുസ്മിം. ഏകാ പഞ്ഞത്തി, ദ്വേ അനുപഞ്ഞത്തിയോ. ഛന്നം ആപത്തിസമുട്ഠാനാനം ദ്വീഹി സമുട്ഠാനേഹി സമുട്ഠാതി പദസോധമ്മേ…പേ॰….
60. Mātugāmassa uttarichappañcavācāhi dhammaṃ desentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī mātugāmassa dhammaṃ desesi, tasmiṃ vatthusmiṃ. Ekā paññatti, dve anupaññattiyo. Channaṃ āpattisamuṭṭhānānaṃ dvīhi samuṭṭhānehi samuṭṭhāti padasodhamme…pe….
൬൧. അനുപസമ്പന്നസ്സ ഉത്തരിമനുസ്സധമ്മം ഭൂതം ആരോചേന്തസ്സ പാചിത്തിയം കത്ഥ പഞ്ഞത്തന്തി? വേസാലിയം പഞ്ഞത്തം. കം ആരബ്ഭാതി? വഗ്ഗുമുദാതീരിയേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? വഗ്ഗുമുദാതീരിയാ ഭിക്ഖൂ ഗിഹീനം അഞ്ഞമഞ്ഞസ്സ ഉത്തരിമനുസ്സധമ്മസ്സ വണ്ണം ഭാസിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി – സിയാ കായതോ സമുട്ഠാതി, ന വാചതോ ന ചിത്തതോ; സിയാ വാചതോ സമുട്ഠാതി, ന കായതോ ന ചിത്തതോ; സിയാ കായതോ ച വാചതോ ച സമുട്ഠാതി, ന ചിത്തതോ…പേ॰….
61. Anupasampannassa uttarimanussadhammaṃ bhūtaṃ ārocentassa pācittiyaṃ kattha paññattanti? Vesāliyaṃ paññattaṃ. Kaṃ ārabbhāti? Vaggumudātīriye bhikkhū ārabbha. Kismiṃ vatthusminti? Vaggumudātīriyā bhikkhū gihīnaṃ aññamaññassa uttarimanussadhammassa vaṇṇaṃ bhāsiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti – siyā kāyato samuṭṭhāti, na vācato na cittato; siyā vācato samuṭṭhāti, na kāyato na cittato; siyā kāyato ca vācato ca samuṭṭhāti, na cittato…pe….
൬൨. ഭിക്ഖുസ്സ ദുട്ഠുല്ലാപത്തിം അനുപസമ്പന്നസ്സ ആരോചേന്തസ്സ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ഛബ്ബഗ്ഗിയേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? ഛബ്ബഗ്ഗിയാ ഭിക്ഖൂ ഭിക്ഖുസ്സ ദുട്ഠുല്ലാപത്തിം അനുപസമ്പന്നസ്സ ആരോചേസും, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി…പേ॰….
62. Bhikkhussa duṭṭhullāpattiṃ anupasampannassa ārocentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū bhikkhussa duṭṭhullāpattiṃ anupasampannassa ārocesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
൬൩. പഥവിം ഖണന്തസ്സ പാചിത്തിയം കത്ഥ പഞ്ഞത്തന്തി? ആളവിയം പഞ്ഞത്തം. കം ആരബ്ഭാതി? ആളവകേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? ആളവകാ ഭിക്ഖൂ പഥവിം ഖണിംസു , തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി…പേ॰….
63. Pathaviṃ khaṇantassa pācittiyaṃ kattha paññattanti? Āḷaviyaṃ paññattaṃ. Kaṃ ārabbhāti? Āḷavake bhikkhū ārabbha. Kismiṃ vatthusminti? Āḷavakā bhikkhū pathaviṃ khaṇiṃsu , tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
മുസാവാദവഗ്ഗോ പഠമോ.
Musāvādavaggo paṭhamo.
Footnotes:
