| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[373] 3. муусигаж̇аад̇агаван̣н̣анаа
[373] 3. Mūsikajātakavaṇṇanā
гухим̣ г̇ад̇аа гад̇т̇а г̇ад̇аад̇и ид̣̇ам̣ сад̇т̇аа взл̣уванз вихаранд̇о аж̇аад̇асад̇д̇ум̣ аараб̣бха гат̇зси. вад̇т̇у хздтаа т̇усаж̇аад̇агз (ж̇аа. 1.4.149 аад̣̇аяо) вид̇т̇аарид̇амзва. ид̇хааби сад̇т̇аа д̇ат̇зва рааж̇аанам̣ сагим̣ буд̇д̇зна сад̣̇д̇хим̣ гийл̣амаанам̣ сагим̣ д̇хаммам̣ сун̣анд̇ам̣ д̣̇исваа ‘‘д̇ам̣ ниссааяа ран̃н̃о бхаяам̣ уббаж̇ж̇иссад̇ий’’д̇и н̃ад̇ваа ‘‘махаарааж̇а, бораан̣агарааж̇аано аасан̇гид̇аб̣б̣ам̣ аасан̇гид̇ваа ад̇д̇ано буд̇д̇ам̣ ‘амхаагам̣ д̇хуумагаалз раж̇ж̇ам̣ гаарзд̇уу’д̇и згаманд̇з агам̣суу’’д̇и вад̇ваа ад̇ийд̇ам̣ аахари.
Kuhiṃ gatā kattha gatāti idaṃ satthā veḷuvane viharanto ajātasattuṃ ārabbha kathesi. Vatthu heṭṭhā thusajātake (jā. 1.4.149 ādayo) vitthāritameva. Idhāpi satthā tatheva rājānaṃ sakiṃ puttena saddhiṃ kīḷamānaṃ sakiṃ dhammaṃ suṇantaṃ disvā ‘‘taṃ nissāya rañño bhayaṃ uppajjissatī’’ti ñatvā ‘‘mahārāja, porāṇakarājāno āsaṅkitabbaṃ āsaṅkitvā attano puttaṃ ‘amhākaṃ dhūmakāle rajjaṃ kāretū’ti ekamante akaṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇аггасилааяам̣ б̣раахман̣агулз ниб̣б̣ад̇д̇ид̇ваа д̣̇исаабаамогкаажарияо ахоси. д̇асса санд̇игз б̣аараан̣асиран̃н̃о буд̇д̇о яавагумааро наама саб̣б̣асиббаани уг̇г̇ан̣хид̇ваа ануяог̇ам̣ д̣̇ад̇ваа г̇анд̇угаамо д̇ам̣ аабужчи. аажарияо ‘‘буд̇д̇ам̣ ниссааяа д̇асса анд̇арааяо бхависсад̇ий’’д̇и ан̇г̇авиж̇ж̇аавасзна н̃ад̇ваа ‘‘зд̇амасса хариссаамий’’д̇и згам̣ убамам̣ убад̇хаарзд̇ум̣ аарабхи. д̇ад̣̇аа банасса зго ассо ахоси, д̇асса баад̣̇з ван̣о удтахи, д̇ам̣ ван̣аанурагкан̣ад̇т̇ам̣ г̇зхзязва гарим̣су. д̇ассаавид̣̇уурз зго уд̣̇абаано ад̇т̇и. ат̇згаа муусигаа г̇зхаа нигкамид̇ваа ассасса баад̣̇з ван̣ам̣ каад̣̇ад̇и, ассо ваарзд̇ум̣ на саггод̇и. со згад̣̇ивасам̣ взд̣̇анам̣ ад̇хиваасзд̇ум̣ асаггонд̇о муусигам̣ каад̣̇ид̇ум̣ ааг̇ад̇ам̣ баад̣̇зна бахарид̇ваа маарзд̇ваа уд̣̇абаанз баад̇зси. ассаг̇обагаа муусигам̣ абассанд̇аа ‘‘ан̃н̃зсу д̣̇ивасзсу муусигаа ааг̇анд̇ваа ван̣ам̣ каад̣̇ад̇и, ид̣̇аани на бан̃н̃ааяад̇и, гахам̣ ну ко г̇ад̇аа’’д̇и вад̣̇им̣су.
Atīte bārāṇasiyaṃ brahmadatte rajjaṃ kārente bodhisatto takkasilāyaṃ brāhmaṇakule nibbattitvā disāpāmokkhācariyo ahosi. Tassa santike bārāṇasirañño putto yavakumāro nāma sabbasippāni uggaṇhitvā anuyogaṃ datvā gantukāmo taṃ āpucchi. Ācariyo ‘‘puttaṃ nissāya tassa antarāyo bhavissatī’’ti aṅgavijjāvasena ñatvā ‘‘etamassa harissāmī’’ti ekaṃ upamaṃ upadhāretuṃ ārabhi. Tadā panassa eko asso ahosi, tassa pāde vaṇo uṭṭhahi, taṃ vaṇānurakkhaṇatthaṃ geheyeva kariṃsu. Tassāvidūre eko udapāno atthi. Athekā mūsikā gehā nikkhamitvā assassa pāde vaṇaṃ khādati, asso vāretuṃ na sakkoti. So ekadivasaṃ vedanaṃ adhivāsetuṃ asakkonto mūsikaṃ khādituṃ āgataṃ pādena paharitvā māretvā udapāne pātesi. Assagopakā mūsikaṃ apassantā ‘‘aññesu divasesu mūsikā āgantvā vaṇaṃ khādati, idāni na paññāyati, kahaṃ nu kho gatā’’ti vadiṃsu.
б̣од̇хисад̇д̇о д̇ам̣ гааран̣ам̣ бажжагкам̣ гад̇ваа ‘‘ан̃н̃з аж̇аананд̇аа ‘гахам̣ муусигаа г̇ад̇аа’д̇и вад̣̇анд̇и, муусигааяа бана маарзд̇ваа уд̣̇абаанз кид̇д̇абхаавам̣ ахамзва ж̇аанаамий’’д̇и ид̣̇амзва гааран̣ам̣ убамам̣ гад̇ваа батамам̣ г̇аат̇ам̣ б̣анд̇хид̇ваа рааж̇агумаарасса ад̣̇ааси. со абарам̣ убамам̣ убад̇хаарзнд̇о д̇амзва ассам̣ барул̣хаван̣ам̣ нигкамид̇ваа згам̣ яававад̇т̇ум̣ г̇анд̇ваа ‘‘яавам̣ каад̣̇иссаамий’’д̇и вад̇ижчид̣̇д̣̇зна мукам̣ бавзсзнд̇ам̣ д̣̇исваа д̇амзва гааран̣ам̣ убамам̣ гад̇ваа д̣̇уд̇ияам̣ г̇аат̇ам̣ б̣анд̇хид̇ваа д̇асса ад̣̇ааси. д̇ад̇ияаг̇аат̇ам̣ бана ад̇д̇ано бан̃н̃ааб̣алзнзва б̣анд̇хид̇ваа д̇амби д̇асса д̣̇ад̇ваа ‘‘д̇аад̇а, д̇вам̣ раж̇ж̇з бад̇идтааяа сааяам̣ нхаанабогкаран̣им̣ г̇ажчанд̇о яаава д̇хурасобаанаа батамам̣ г̇аат̇ам̣ саж̇жхааяанд̇о г̇ажчзяяааси, д̇ава нивасанабаасаад̣̇ам̣ бависанд̇о яаава собаанабаад̣̇амуулаа д̣̇уд̇ияам̣ г̇аат̇ам̣ саж̇жхааяанд̇о г̇ажчзяяааси, д̇ад̇о яаава собаанамад̇т̇агаа д̇ад̇ияам̣ г̇аат̇ам̣ саж̇жхааяанд̇о г̇ажчзяяаасий’’д̇и вад̇ваа бзсзси.
Bodhisatto taṃ kāraṇaṃ paccakkhaṃ katvā ‘‘aññe ajānantā ‘kahaṃ mūsikā gatā’ti vadanti, mūsikāya pana māretvā udapāne khittabhāvaṃ ahameva jānāmī’’ti idameva kāraṇaṃ upamaṃ katvā paṭhamaṃ gāthaṃ bandhitvā rājakumārassa adāsi. So aparaṃ upamaṃ upadhārento tameva assaṃ paruḷhavaṇaṃ nikkhamitvā ekaṃ yavavatthuṃ gantvā ‘‘yavaṃ khādissāmī’’ti vaticchiddena mukhaṃ pavesentaṃ disvā tameva kāraṇaṃ upamaṃ katvā dutiyaṃ gāthaṃ bandhitvā tassa adāsi. Tatiyagāthaṃ pana attano paññābaleneva bandhitvā tampi tassa datvā ‘‘tāta, tvaṃ rajje patiṭṭhāya sāyaṃ nhānapokkharaṇiṃ gacchanto yāva dhurasopānā paṭhamaṃ gāthaṃ sajjhāyanto gaccheyyāsi, tava nivasanapāsādaṃ pavisanto yāva sopānapādamūlā dutiyaṃ gāthaṃ sajjhāyanto gaccheyyāsi, tato yāva sopānamatthakā tatiyaṃ gāthaṃ sajjhāyanto gaccheyyāsī’’ti vatvā pesesi.
со гумааро г̇анд̇ваа убарааж̇аа худ̇ваа бид̇у ажжаязна раж̇ж̇ам̣ гаарзси, д̇ассзго буд̇д̇о ж̇ааяи. со сол̣асавассагаалз раж̇ж̇алобхзна ‘‘бид̇арам̣ маарзссаамий’’д̇и жинд̇зд̇ваа убадтаагз ааха ‘‘маяхам̣ бид̇аа д̇арун̣о, ахам̣ зд̇асса д̇хуумагаалам̣ ологзнд̇о махаллаго бхависсаами ж̇арааж̇ин̣н̣о, д̇аад̣̇исз гаалз лад̣̇д̇хзнаби раж̇ж̇зна го ад̇т̇о’’д̇и. д̇з аахам̣су ‘‘д̣̇зва, на саггаа бажжанд̇ам̣ г̇анд̇ваа жорад̇д̇ам̣ гаад̇ум̣, д̇ава бид̇арам̣ гзнажи убааязна маарзд̇ваа раж̇ж̇ам̣ г̇ан̣хаа’’д̇и . со ‘‘саад̇хуу’’д̇и анд̇онивзсанз ран̃н̃о сааяам̣ нхаанабогкаран̣ийсамийбам̣ г̇анд̇ваа ‘‘зд̇т̇а нам̣ маарзссаамий’’д̇и каг̇г̇ам̣ г̇ахзд̇ваа адтааси. рааж̇аа сааяам̣ муусигам̣ наама д̣̇аасим̣ ‘‘г̇анд̇ваа богкаран̣ийбидтим̣ сод̇хзд̇ваа зхи, нхааяиссаамий’’д̇и бзсзси. саа г̇анд̇ваа богкаран̣ийбидтим̣ сод̇хзнд̇ий гумаарам̣ басси. гумааро ад̇д̇ано гаммасса баагадабхаавабхаязна д̇ам̣ д̣̇вид̇хаа чинд̣̇ид̇ваа богкаран̣ияам̣ баад̇зси. рааж̇аа нхааяид̇ум̣ аг̇амааси . сзсаж̇ано ‘‘аж̇ж̇ааби муусигаа д̣̇аасий на бунааг̇ажчад̇и, гухим̣ г̇ад̇аа гад̇т̇а г̇ад̇аа’’д̇и ааха. рааж̇аа –
So kumāro gantvā uparājā hutvā pitu accayena rajjaṃ kāresi, tasseko putto jāyi. So soḷasavassakāle rajjalobhena ‘‘pitaraṃ māressāmī’’ti cintetvā upaṭṭhāke āha ‘‘mayhaṃ pitā taruṇo, ahaṃ etassa dhūmakālaṃ olokento mahallako bhavissāmi jarājiṇṇo, tādise kāle laddhenapi rajjena ko attho’’ti. Te āhaṃsu ‘‘deva, na sakkā paccantaṃ gantvā corattaṃ kātuṃ, tava pitaraṃ kenaci upāyena māretvā rajjaṃ gaṇhā’’ti . So ‘‘sādhū’’ti antonivesane rañño sāyaṃ nhānapokkharaṇīsamīpaṃ gantvā ‘‘ettha naṃ māressāmī’’ti khaggaṃ gahetvā aṭṭhāsi. Rājā sāyaṃ mūsikaṃ nāma dāsiṃ ‘‘gantvā pokkharaṇīpiṭṭhiṃ sodhetvā ehi, nhāyissāmī’’ti pesesi. Sā gantvā pokkharaṇīpiṭṭhiṃ sodhentī kumāraṃ passi. Kumāro attano kammassa pākaṭabhāvabhayena taṃ dvidhā chinditvā pokkharaṇiyaṃ pātesi. Rājā nhāyituṃ agamāsi . Sesajano ‘‘ajjāpi mūsikā dāsī na punāgacchati, kuhiṃ gatā kattha gatā’’ti āha. Rājā –
123.
123.
‘‘гухим̣ г̇ад̇аа гад̇т̇а г̇ад̇аа, ид̇и лаалаббад̇ий ж̇ано;
‘‘Kuhiṃ gatā kattha gatā, iti lālappatī jano;
ахамзвзго ж̇аанаами, уд̣̇абаанз муусигаа хад̇аа’’д̇и. –
Ahameveko jānāmi, udapāne mūsikā hatā’’ti. –
батамам̣ г̇аат̇ам̣ бхан̣анд̇о богкаран̣ийд̇ийрам̣ аг̇амааси.
Paṭhamaṃ gāthaṃ bhaṇanto pokkharaṇītīraṃ agamāsi.
д̇ад̇т̇а гухим̣ г̇ад̇аа гад̇т̇а г̇ад̇аад̇и ан̃н̃аман̃н̃авзважанаани. ид̇и лаалаббад̇ийд̇и звам̣ виббалабад̇и. ид̇и аяам̣ г̇аат̇аа ‘‘аж̇аананд̇о ж̇ано муусигаа д̣̇аасий гухим̣ г̇ад̇аад̇и виббалабад̇и, рааж̇агумаарзна д̣̇вид̇хаа чинд̣̇ид̇ваа муусигааяа богкаран̣ияам̣ баад̇ид̇абхаавам̣ ахамзва зго ж̇аанаамий’’д̇и ран̃н̃о аж̇аананд̇ассзва имамад̇т̇ам̣ д̣̇ийбзд̇и.
Tattha kuhiṃ gatā kattha gatāti aññamaññavevacanāni. Iti lālappatīti evaṃ vippalapati. Iti ayaṃ gāthā ‘‘ajānanto jano mūsikā dāsī kuhiṃ gatāti vippalapati, rājakumārena dvidhā chinditvā mūsikāya pokkharaṇiyaṃ pātitabhāvaṃ ahameva eko jānāmī’’ti rañño ajānantasseva imamatthaṃ dīpeti.
гумааро ‘‘маяаа гад̇агаммам̣ маяхам̣ бид̇араа н̃аад̇а’’нд̇и бхийд̇о балааяид̇ваа д̇амад̇т̇ам̣ убадтаагаанам̣ аарожзси. д̇з сад̇д̇адтад̣̇ивасажжаязна буна д̇ам̣ аахам̣су ‘‘д̣̇зва, сажз рааж̇аа ж̇аанзяяа, на д̇ун̣хий бхавзяяа, д̇аггаг̇аахзна бана д̇зна д̇ам̣ вуд̇д̇ам̣ бхависсад̇и, маарзхи на’’нд̇и. со бунзгад̣̇ивасам̣ каг̇г̇ахад̇т̇о собаанабаад̣̇амуулз тад̇ваа ран̃н̃о ааг̇аманагаалз ид̇о жид̇о жа бахаран̣огаасам̣ ологзси. рааж̇аа –
Kumāro ‘‘mayā katakammaṃ mayhaṃ pitarā ñāta’’nti bhīto palāyitvā tamatthaṃ upaṭṭhākānaṃ ārocesi. Te sattaṭṭhadivasaccayena puna taṃ āhaṃsu ‘‘deva, sace rājā jāneyya, na tuṇhī bhaveyya, takkagāhena pana tena taṃ vuttaṃ bhavissati, mārehi na’’nti. So punekadivasaṃ khaggahattho sopānapādamūle ṭhatvā rañño āgamanakāle ito cito ca paharaṇokāsaṃ olokesi. Rājā –
124.
124.
‘‘яан̃жзд̇ам̣ ид̇и жийд̇и жа, г̇ад̣̇рабхова нивад̇д̇аси;
‘‘Yañcetaṃ iti cīti ca, gadrabhova nivattasi;
уд̣̇абаанз муусигам̣ ханд̇ваа, яавам̣ бхагкзд̇умижчасий’’д̇и. –
Udapāne mūsikaṃ hantvā, yavaṃ bhakkhetumicchasī’’ti. –
д̣̇уд̇ияам̣ г̇аат̇ам̣ саж̇жхааяанд̇о аг̇амааси. аяамби г̇аат̇аа ‘‘яасмаа д̇вам̣ ид̇и жийд̇и жа ид̇о жид̇о жа бахаран̣огаасам̣ ологзнд̇о г̇ад̣̇рабхова нивад̇д̇аси, д̇асмаа д̇ам̣ ж̇аанаами ‘буримад̣̇ивасз богкаран̣ияам̣ муусигам̣ д̣̇аасим̣ ханд̇ваа аж̇ж̇а мам̣ яаварааж̇аанам̣ бхагкзд̇ум̣ маарзд̇ум̣ ижчасий’’’д̇и ран̃н̃о аж̇аананд̇ассзва имамад̇т̇ам̣ д̣̇ийбзд̇и.
Dutiyaṃ gāthaṃ sajjhāyanto agamāsi. Ayampi gāthā ‘‘yasmā tvaṃ iti cīti ca ito cito ca paharaṇokāsaṃ olokento gadrabhova nivattasi, tasmā taṃ jānāmi ‘purimadivase pokkharaṇiyaṃ mūsikaṃ dāsiṃ hantvā ajja maṃ yavarājānaṃ bhakkhetuṃ māretuṃ icchasī’’’ti rañño ajānantasseva imamatthaṃ dīpeti.
гумааро ‘‘д̣̇идтомхи бид̇араа’’д̇и уд̇расд̇о балааяи. со буна ад̣дхамаасамад̇д̇ам̣ ад̇иггамид̇ваа ‘‘рааж̇аанам̣ д̣̇аб̣б̣ияаа бахарид̇ваа маарзссаамий’’д̇и згам̣ д̣̇ийгхад̣̇ан̣д̣агам̣ д̣̇аб̣б̣ибахаран̣ам̣ г̇ахзд̇ваа олумб̣ид̇ваа адтааси. рааж̇аа –
Kumāro ‘‘diṭṭhomhi pitarā’’ti utrasto palāyi. So puna aḍḍhamāsamattaṃ atikkamitvā ‘‘rājānaṃ dabbiyā paharitvā māressāmī’’ti ekaṃ dīghadaṇḍakaṃ dabbipaharaṇaṃ gahetvā olumbitvā aṭṭhāsi. Rājā –
125.
125.
‘‘д̣̇ахаро жааси д̣̇уммзд̇ха, батамуббад̇д̇иго сусу;
‘‘Daharo cāsi dummedha, paṭhamuppattiko susu;
д̣̇ийгхан̃жзд̇ам̣ самаасаж̇ж̇а, на д̇з д̣̇ассаами ж̇ийвид̇а’’нд̇и. –
Dīghañcetaṃ samāsajja, na te dassāmi jīvita’’nti. –
д̇ад̇ияам̣ г̇аат̇ам̣ саж̇жхааяанд̇о собаанабаад̣̇амад̇т̇агам̣ абхирухи.
Tatiyaṃ gāthaṃ sajjhāyanto sopānapādamatthakaṃ abhiruhi.
д̇ад̇т̇а батамуббад̇д̇игод̇и батамаваязна уббад̇д̇ид̇о убзд̇о, батамаваяз тид̇од̇и ад̇т̇о. сусууд̇и д̇арун̣о. д̣̇ийгханд̇и д̣̇ийгхад̣̇ан̣д̣агам̣ д̣̇аб̣б̣ибахаран̣ам̣. самаасаж̇ж̇аад̇и г̇ахзд̇ваа, олумб̣ид̇ваа тид̇осийд̇и ад̇т̇о. аяамби г̇аат̇аа ‘‘д̣̇уммзд̇ха, ад̇д̇ано ваяам̣ барибхун̃ж̇ид̇ум̣ на лабхиссаси, на д̇з д̣̇аани ниллаж̇ж̇асса ж̇ийвид̇ам̣ д̣̇ассаами, маарзд̇ваа кан̣д̣аакан̣д̣ам̣ чинд̣̇ид̇ваа суулзязва аавун̣аабзссаамий’’д̇и ран̃н̃о аж̇аананд̇ассзва гумаарам̣ санд̇аж̇ж̇аяамаанаа имамад̇т̇ам̣ д̣̇ийбзд̇и.
Tattha paṭhamuppattikoti paṭhamavayena uppattito upeto, paṭhamavaye ṭhitoti attho. Susūti taruṇo. Dīghanti dīghadaṇḍakaṃ dabbipaharaṇaṃ. Samāsajjāti gahetvā, olumbitvā ṭhitosīti attho. Ayampi gāthā ‘‘dummedha, attano vayaṃ paribhuñjituṃ na labhissasi, na te dāni nillajjassa jīvitaṃ dassāmi, māretvā khaṇḍākhaṇḍaṃ chinditvā sūleyeva āvuṇāpessāmī’’ti rañño ajānantasseva kumāraṃ santajjayamānā imamatthaṃ dīpeti.
со д̇ам̣ д̣̇ивасам̣ балааяид̇ум̣ асаггонд̇о ‘‘ж̇ийвид̇ам̣ мз д̣̇зхи, д̣̇зваа’’д̇и ран̃н̃о баад̣̇амуулз нибаж̇ж̇и. рааж̇аа д̇ам̣ д̇аж̇ж̇зд̇ваа сан̇калигаахи б̣анд̇хаабзд̇ваа б̣анд̇ханааг̇аарз гаарзд̇ваа сзд̇ажчад̇д̇асса хздтаа алан̇гад̇арааж̇аасанз нисийд̣̇ид̇ваа ‘‘амхаагам̣ аажарияо д̣̇исаабаамогко б̣раахман̣о имам̣ маяхам̣ анд̇арааяам̣ д̣̇исваа имаа д̇иссо г̇аат̇аа абхаасий’’д̇и хадтад̇удто уд̣̇аанам̣ уд̣̇аанзнд̇о сзсаг̇аат̇аа абхааси –
So taṃ divasaṃ palāyituṃ asakkonto ‘‘jīvitaṃ me dehi, devā’’ti rañño pādamūle nipajji. Rājā taṃ tajjetvā saṅkhalikāhi bandhāpetvā bandhanāgāre kāretvā setacchattassa heṭṭhā alaṅkatarājāsane nisīditvā ‘‘amhākaṃ ācariyo disāpāmokkho brāhmaṇo imaṃ mayhaṃ antarāyaṃ disvā imā tisso gāthā abhāsī’’ti haṭṭhatuṭṭho udānaṃ udānento sesagāthā abhāsi –
126.
126.
‘‘наанд̇алигкабхаванзна, наан̇г̇абуд̇д̇абинзна ваа;
‘‘Nāntalikkhabhavanena, nāṅgaputtapinena vā;
буд̇д̇зна хи бад̇т̇аяид̇о, силогзхи баможид̇о.
Puttena hi patthayito, silokehi pamocito.
127.
127.
‘‘саб̣б̣ам̣ суд̇амад̇хийязт̇а, хийнамуггадтамаж̇жхимам̣;
‘‘Sabbaṃ sutamadhīyetha, hīnamukkaṭṭhamajjhimaṃ;
саб̣б̣асса ад̇т̇ам̣ ж̇аанзяяа, на жа саб̣б̣ам̣ баяож̇аяз;
Sabbassa atthaṃ jāneyya, na ca sabbaṃ payojaye;
ход̇и д̇аад̣̇исаго гаало, яад̇т̇а ад̇т̇аавахам̣ суд̇а’’нд̇и.
Hoti tādisako kālo, yattha atthāvahaṃ suta’’nti.
д̇ад̇т̇а наанд̇алигкабхаванзнаад̇и анд̇алигкабхаванам̣ вужжад̇и д̣̇иб̣б̣авимаанам̣, ахам̣ аж̇ж̇а анд̇алигкабхаванамби на аарул̣хо, д̇асмаа анд̇алигкабхаванзнааби аж̇ж̇а маран̣ад̇о на баможид̇омхи. наан̇г̇абуд̇д̇абинзна ваад̇и ан̇г̇асаригкагзна ваа буд̇д̇абинзнаби на баможид̇о. буд̇д̇зна хи бад̇т̇аяид̇од̇и ахам̣ бана ад̇д̇ано буд̇д̇знзва аж̇ж̇а маарзд̇ум̣ бад̇т̇ид̇о. силогзхи баможид̇од̇и сохам̣ аажариязна б̣анд̇хид̇ваа д̣̇иннаахи г̇аат̇аахи баможид̇о.
Tattha nāntalikkhabhavanenāti antalikkhabhavanaṃ vuccati dibbavimānaṃ, ahaṃ ajja antalikkhabhavanampi na āruḷho, tasmā antalikkhabhavanenāpi ajja maraṇato na pamocitomhi. Nāṅgaputtapinena vāti aṅgasarikkhakena vā puttapinenapi na pamocito. Puttena hi patthayitoti ahaṃ pana attano putteneva ajja māretuṃ patthito. Silokehi pamocitoti sohaṃ ācariyena bandhitvā dinnāhi gāthāhi pamocito.
суд̇анд̇и барияад̇д̇им̣. ад̇хийязт̇аад̇и г̇ан̣хзяяа сигкзяяа. хийнамуггадтамаж̇жхиманд̇и хийнам̣ ваа ход̇у уд̇д̇амам̣ ваа маж̇жхимам̣ ваа, саб̣б̣ам̣ ад̇хийяид̇аб̣б̣амзваад̇и д̣̇ийбзд̇и. на жа саб̣б̣ам̣ баяож̇аязд̇и хийнам̣ манд̇ам̣ ваа сиббам̣ ваа маж̇жхимам̣ ваа на баяож̇аяз, уд̇д̇амамзва баяож̇аязяяаад̇и ад̇т̇о. яад̇т̇а ад̇т̇аавахам̣ суд̇анд̇и яасмим̣ гаалз махосад̇хабан̣д̣ид̇асса гумбхагаарагаммагаран̣ам̣ вияа яам̣гин̃жи сигкид̇асиббам̣ ад̇т̇аавахам̣ ход̇и, д̇аад̣̇исоби гаало ход̇иязваад̇и ад̇т̇о. абарабхааг̇з ран̃н̃о ажжаязна гумааро раж̇ж̇з бад̇идтааси.
Sutanti pariyattiṃ. Adhīyethāti gaṇheyya sikkheyya. Hīnamukkaṭṭhamajjhimanti hīnaṃ vā hotu uttamaṃ vā majjhimaṃ vā, sabbaṃ adhīyitabbamevāti dīpeti. Na ca sabbaṃ payojayeti hīnaṃ mantaṃ vā sippaṃ vā majjhimaṃ vā na payojaye, uttamameva payojayeyyāti attho. Yattha atthāvahaṃ sutanti yasmiṃ kāle mahosadhapaṇḍitassa kumbhakārakammakaraṇaṃ viya yaṃkiñci sikkhitasippaṃ atthāvahaṃ hoti, tādisopi kālo hotiyevāti attho. Aparabhāge rañño accayena kumāro rajje patiṭṭhāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇исаабаамогко аажарияо ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā disāpāmokkho ācariyo ahameva ahosi’’nti.
муусигаж̇аад̇агаван̣н̣анаа д̇ад̇ияаа.
Mūsikajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 373. муусигаж̇аад̇агам̣ • 373. Mūsikajātakaṃ
