| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. ਮੂਸਿਕਸੁਤ੍ਤવਣ੍ਣਨਾ
7. Mūsikasuttavaṇṇanā
੧੦੭. ਸਤ੍ਤਮੇ ਆવਾਟਂ ਖਨਤੀਤਿ ਅਤ੍ਤਨੋ ਆਸਯਂ ਬਿਲਕੂਪਂ ਖਨਤਿ। ਨ ਚ ਤਤ੍ਥ વਸਤੀਤਿ ਤਤ੍ਥ ਅવਸਿਤ੍વਾ ਕਿਸ੍ਮਿਞ੍ਚਿਦੇવ ਠਾਨੇ વਸਤਿ, ਏવਂ ਬਿਲ਼ਾਰਾਦਿਅਮਿਤ੍ਤવਸਂ ਗਚ੍ਛਤਿ। વਸਿਤਾ ਨੋ ਗਾਧਂ ਕਤ੍ਤਾਤਿ ਸਯਂ ਨ ਖਨਤਿ, ਪਰੇਨ ਕਤੇ ਬਿਲੇ વਸਤਿ, ਏવਂ ਜੀવਿਤਂ ਰਕ੍ਖਤਿ। ਤਤਿਯਾ ਦ੍વੇਪਿ ਕਰੋਨ੍ਤੀ ਜੀવਿਤਂ ਰਕ੍ਖਤਿ। ਚਤੁਤ੍ਥੀ ਦ੍વੇਪਿ ਅਕਰੋਨ੍ਤੀ ਅਮਿਤ੍ਤવਸਂ ਗਚ੍ਛਤਿ। ਇਮਾਯ ਪਨ ਉਪਮਾਯ ਉਪਮਿਤੇਸੁ ਪੁਗ੍ਗਲੇਸੁ ਪਠਮੋ ਯਥਾ ਸਾ ਮੂਸਿਕਾ ਗਾਧਂ ਖਨਤਿ, ਏવਂ ਨવਙ੍ਗਂ ਸਤ੍ਥੁਸਾਸਨਂ ਉਗ੍ਗਣ੍ਹਾਤਿ। ਯਥਾ ਪਨ ਸਾ ਤਤ੍ਥ ਨ વਸਤਿ, ਕਿਸ੍ਮਿਞ੍ਚਿਦੇવ ਠਾਨੇ વਸਨ੍ਤੀ ਅਮਿਤ੍ਤવਸਂ ਗਚ੍ਛਤਿ, ਤਥਾ ਅਯਮ੍ਪਿ ਪਰਿਯਤ੍ਤਿવਸੇਨ ਞਾਣਂ ਪੇਸੇਤ੍વਾ ਚਤੁਸਚ੍ਚਧਮ੍ਮਂ ਨ ਪਟਿવਿਜ੍ਝਤਿ, ਲੋਕਾਮਿਸਟ੍ਠਾਨੇਸੁ વਿਚਰਨ੍ਤੋ ਮਚ੍ਚੁਮਾਰਕਿਲੇਸਮਾਰਦੇવਪੁਤ੍ਤਮਾਰਸਙ੍ਖਾਤਾਨਂ વਸਂ ਗਚ੍ਛਤਿ। ਦੁਤਿਯੋ ਯਥਾ ਮੂਸਿਕਾ ਗਾਧਂ ਨ ਖਨਤਿ, ਏવਂ ਨવਙ੍ਗਂ ਸਤ੍ਥੁਸਾਸਨਂ ਨ ਉਗ੍ਗਣ੍ਹਾਤਿ। ਯਥਾ ਪਨ ਪਰੇਨ ਖਨਿਤੇ ਬਿਲੇ વਸਨ੍ਤੀ ਜੀવਿਤਂ ਰਕ੍ਖਤਿ, ਏવਂ ਪਰਸ੍ਸ ਕਥਂ ਸੁਤ੍વਾ ਚਤੁਸਚ੍ਚਧਮ੍ਮਂ ਪਟਿવਿਜ੍ਝਿਤ੍વਾ ਤਿਣ੍ਣਂ ਮਾਰਾਨਂ વਸਂ ਅਤਿਕ੍ਕਮਤਿ। ਇਮਿਨਾ ਨਯੇਨ ਤਤਿਯਚਤੁਤ੍ਥੇਸੁਪਿ ਓਪਮ੍ਮਸਂਸਨ੍ਦਨਂ વੇਦਿਤਬ੍ਬਂ।
107. Sattame āvāṭaṃ khanatīti attano āsayaṃ bilakūpaṃ khanati. Na ca tattha vasatīti tattha avasitvā kismiñcideva ṭhāne vasati, evaṃ biḷārādiamittavasaṃ gacchati. Vasitā no gādhaṃ kattāti sayaṃ na khanati, parena kate bile vasati, evaṃ jīvitaṃ rakkhati. Tatiyā dvepi karontī jīvitaṃ rakkhati. Catutthī dvepi akarontī amittavasaṃ gacchati. Imāya pana upamāya upamitesu puggalesu paṭhamo yathā sā mūsikā gādhaṃ khanati, evaṃ navaṅgaṃ satthusāsanaṃ uggaṇhāti. Yathā pana sā tattha na vasati, kismiñcideva ṭhāne vasantī amittavasaṃ gacchati, tathā ayampi pariyattivasena ñāṇaṃ pesetvā catusaccadhammaṃ na paṭivijjhati, lokāmisaṭṭhānesu vicaranto maccumārakilesamāradevaputtamārasaṅkhātānaṃ vasaṃ gacchati. Dutiyo yathā mūsikā gādhaṃ na khanati, evaṃ navaṅgaṃ satthusāsanaṃ na uggaṇhāti. Yathā pana parena khanite bile vasantī jīvitaṃ rakkhati, evaṃ parassa kathaṃ sutvā catusaccadhammaṃ paṭivijjhitvā tiṇṇaṃ mārānaṃ vasaṃ atikkamati. Iminā nayena tatiyacatutthesupi opammasaṃsandanaṃ veditabbaṃ.
ਮੂਸਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Mūsikasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਮੂਸਿਕਸੁਤ੍ਤਂ • 7. Mūsikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਮੂਸਿਕਸੁਤ੍ਤવਣ੍ਣਨਾ • 7. Mūsikasuttavaṇṇanā
