| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
11. муд̇д̇аат̇зрийг̇аат̇ааван̣н̣анаа
11. Muttātherīgāthāvaṇṇanā
сумуд̇д̇аа саад̇хумуд̇д̇аамхийд̇иаад̣̇игаа муд̇д̇аат̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз гусалам̣ убажинид̇ваа имасмим̣ б̣уд̣̇д̇хуббаад̣̇з госалаж̇анабад̣̇з огхаад̇агасса наама д̣̇алид̣̇д̣̇аб̣раахман̣асса д̇хийд̇аа худ̇ваа ниб̣б̣ад̇д̇и, д̇ам̣ ваяаббад̇д̇агаалз маад̇аабид̇аро згасса куж̇ж̇аб̣раахман̣асса ад̣̇ам̣су. саа д̇зна гхарааваасам̣ арожанд̇ий д̇ам̣ ануж̇аанаабзд̇ваа баб̣б̣аж̇ид̇ваа вибассанааяа гаммам̣ гарод̇и. д̇ассаа б̣ахид̣̇д̇хаарамман̣зсу жид̇д̇ам̣ вид̇хаавад̇и, саа д̇ам̣ ниг̇г̇ан̣ханд̇ий ‘‘сумуд̇д̇аа саад̇хумуд̇д̇аамхий’’д̇и г̇аат̇ам̣ вад̣̇анд̇ийязва вибассанам̣ уссуггаабзд̇ваа саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз –
Sumuttāsādhumuttāmhītiādikā muttātheriyā gāthā. Ayampi purimabuddhesu katādhikārā tattha tattha bhave kusalaṃ upacinitvā imasmiṃ buddhuppāde kosalajanapade oghātakassa nāma daliddabrāhmaṇassa dhītā hutvā nibbatti, taṃ vayappattakāle mātāpitaro ekassa khujjabrāhmaṇassa adaṃsu. Sā tena gharāvāsaṃ arocantī taṃ anujānāpetvā pabbajitvā vipassanāya kammaṃ karoti. Tassā bahiddhārammaṇesu cittaṃ vidhāvati, sā taṃ niggaṇhantī ‘‘sumuttā sādhumuttāmhī’’ti gāthaṃ vadantīyeva vipassanaṃ ussukkāpetvā saha paṭisambhidāhi arahattaṃ pāpuṇi. Tena vuttaṃ apadāne –
‘‘бад̣̇умуд̇д̇аро наама ж̇ино, саб̣б̣ад̇хаммзсу жагкумаа;
‘‘Padumuttaro nāma jino, sabbadhammesu cakkhumā;
баан̣инз ануг̇ан̣ханд̇о, бин̣д̣ааяа баависий бурам̣.
Pāṇine anugaṇhanto, piṇḍāya pāvisī puraṃ.
‘‘д̇асса ааг̇ажчад̇о сад̇т̇у, саб̣б̣з наг̇араваасино;
‘‘Tassa āgacchato satthu, sabbe nagaravāsino;
хадтад̇удтаа самааг̇анд̇ваа, ваалигаа аагирим̣су д̇з.
Haṭṭhatuṭṭhā samāgantvā, vālikā ākiriṃsu te.
‘‘вийт̇исаммаж̇ж̇анам̣ гад̇ваа, гад̣̇алибун̣н̣агад̣̇д̇хаж̇з;
‘‘Vīthisammajjanaṃ katvā, kadalipuṇṇakaddhaje;
д̇хуумам̣ жун̣н̣ан̃жа маасан̃жа, саггаарам̣ гажжа сад̇т̇уно.
Dhūmaṃ cuṇṇañca māsañca, sakkāraṃ kacca satthuno.
‘‘ман̣д̣абам̣ бадияаад̣̇зд̇ваа, ниманд̇зд̇ваа винааяагам̣;
‘‘Maṇḍapaṃ paṭiyādetvā, nimantetvā vināyakaṃ;
махаад̣̇аанам̣ д̣̇ад̣̇ид̇ваана, самб̣од̇хим̣ абхибад̇т̇аяи.
Mahādānaṃ daditvāna, sambodhiṃ abhipatthayi.
‘‘бад̣̇умуд̇д̇аро махаавийро, хаараго саб̣б̣абаан̣инам̣;
‘‘Padumuttaro mahāvīro, hārako sabbapāṇinaṃ;
анумод̣̇анияам̣ гад̇ваа, б̣яаагааси аг̇г̇абуг̇г̇ало.
Anumodaniyaṃ katvā, byākāsi aggapuggalo.
‘‘сад̇асахассз ад̇игганд̇з, габбо хзссад̇и бхад̣̇д̣̇аго;
‘‘Satasahasse atikkante, kappo hessati bhaddako;
бхаваабхавз сукам̣ лад̣̇д̇хаа, баабун̣иссаси б̣од̇хияам̣.
Bhavābhave sukhaṃ laddhā, pāpuṇissasi bodhiyaṃ.
‘‘хад̇т̇агамман̃жа яз гзжи, гад̇аавий наранаарияо;
‘‘Hatthakammañca ye keci, katāvī naranāriyo;
анааг̇ад̇амхи ад̣̇д̇хаанз, саб̣б̣аа хзссанд̇и саммукаа.
Anāgatamhi addhāne, sabbā hessanti sammukhā.
‘‘д̇зна гаммавибаагзна, жзд̇анаабан̣ид̇хийхи жа;
‘‘Tena kammavipākena, cetanāpaṇidhīhi ca;
уббаннад̣̇звабхаванз, д̇уяхам̣ д̇аа барижааригаа.
Uppannadevabhavane, tuyhaṃ tā paricārikā.
‘‘д̣̇иб̣б̣ам̣ сукамасан̇кязяяам̣, маанусан̃жа асан̇кияам̣;
‘‘Dibbaṃ sukhamasaṅkhyeyyaṃ, mānusañca asaṅkhiyaṃ;
анубхонд̇и жирам̣ гаалам̣, сам̣саримха бхаваабхавз.
Anubhonti ciraṃ kālaṃ, saṃsarimha bhavābhave.
‘‘сад̇асахассид̇о габбз, яам̣ гаммамагарим̣ д̇ад̣̇аа;
‘‘Satasahassito kappe, yaṃ kammamakariṃ tadā;
сукумаалаа мануссзсу, ат̇о д̣̇звабурзсу жа.
Sukhumālā manussesu, atho devapuresu ca.
‘‘руубам̣ бхог̇ам̣ яасам̣ ааяум̣, ат̇о гид̇д̇исукам̣ бияам̣;
‘‘Rūpaṃ bhogaṃ yasaṃ āyuṃ, atho kittisukhaṃ piyaṃ;
лабхаами сад̇ад̇ам̣ саб̣б̣ам̣, сугад̇ам̣ гаммасамбад̣̇ам̣.
Labhāmi satataṃ sabbaṃ, sukataṃ kammasampadaṃ.
‘‘бажчимз бхавз самбад̇д̇з, ж̇аад̇аахам̣ б̣раахман̣з гулз;
‘‘Pacchime bhave sampatte, jātāhaṃ brāhmaṇe kule;
сукумаалахад̇т̇абаад̣̇аа , раман̣ияз нивзсанз.
Sukhumālahatthapādā , ramaṇiye nivesane.
‘‘саб̣б̣агааламби бат̇авий, на бассааманалан̇гад̇ам̣;
‘‘Sabbakālampi pathavī, na passāmanalaṅkataṃ;
жигкаллабхуумим̣ асужим̣, на бассаами гуд̣̇аажанам̣.
Cikkhallabhūmiṃ asuciṃ, na passāmi kudācanaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа уд̣̇аанзнд̇ий –
Arahattaṃ pana patvā udānentī –
11.
11.
‘‘сумуд̇д̇аа саад̇хумуд̇д̇аамхи, д̇ийхи куж̇ж̇зхи муд̇д̇ияаа;
‘‘Sumuttā sādhumuttāmhi, tīhi khujjehi muttiyā;
уд̣̇угкалзна мусалзна, бад̇инаа куж̇ж̇агзна жа;
Udukkhalena musalena, patinā khujjakena ca;
муд̇д̇аамхи ж̇аад̇имаран̣аа, бхаванзд̇д̇и самуухад̇аа’’д̇и. – имам̣ г̇аат̇ам̣ абхааси;
Muttāmhi jātimaraṇā, bhavanetti samūhatā’’ti. – imaṃ gāthaṃ abhāsi;
д̇ад̇т̇а сумуд̇д̇аад̇и судту муд̇д̇аа. саад̇хумуд̇д̇аамхийд̇и саад̇ху саммад̣̇зва муд̇д̇аа амхи. гуд̇о бана сумуд̇д̇аа саад̇хумуд̇д̇аад̇и ааха ‘‘д̇ийхи куж̇ж̇зхи муд̇д̇ияаа’’д̇и, д̇ийхи ван̇гагзхи баримуд̇д̇ияаад̇и ад̇т̇о. ид̣̇аани д̇аани саруубад̇о д̣̇ассзнд̇ий ‘‘уд̣̇угкалзна мусалзна, бад̇инаа куж̇ж̇агзна жаа’’д̇и ааха. уд̣̇угкалз хи д̇хан̃н̃ам̣ багкибанд̇ияаа баривад̇д̇знд̇ияаа мусалзна годдзнд̇ияаа жа бидти онаамзд̇аб̣б̣аа ход̇ийд̇и куж̇ж̇агаран̣ахзд̇уд̇ааяа д̇ад̣̇убхаяам̣ ‘‘куж̇ж̇а’’нд̇и вуд̇д̇ам̣. саамиго банассаа куж̇ж̇о зва. ид̣̇аани яассаа муд̇д̇ияаа нид̣̇ассанавасзна д̇ийхи куж̇ж̇зхи муд̇д̇и вуд̇д̇аа. д̇амзва д̣̇ассзнд̇ий ‘‘муд̇д̇аамхи ж̇аад̇имаран̣аа’’д̇и вад̇ваа д̇ад̇т̇а гааран̣амааха ‘‘бхаванзд̇д̇и самуухад̇аа’’д̇и. д̇ассад̇т̇о – на гзваламахам̣ д̇ийхи куж̇ж̇зхи зва муд̇д̇аа, ат̇а ко саб̣б̣асмаа ж̇аад̇имаран̣ааби, яасмаа саб̣б̣ассааби бхавасса нзд̇д̇и нааяигаа д̇ан̣хаа аг̇г̇амаг̇г̇зна маяаа самуг̇гхаадид̇аад̇и.
Tattha sumuttāti suṭṭhu muttā. Sādhumuttāmhīti sādhu sammadeva muttā amhi. Kuto pana sumuttā sādhumuttāti āha ‘‘tīhi khujjehi muttiyā’’ti, tīhi vaṅkakehi parimuttiyāti attho. Idāni tāni sarūpato dassentī ‘‘udukkhalena musalena, patinā khujjakena cā’’ti āha. Udukkhale hi dhaññaṃ pakkhipantiyā parivattentiyā musalena koṭṭentiyā ca piṭṭhi onāmetabbā hotīti khujjakaraṇahetutāya tadubhayaṃ ‘‘khujja’’nti vuttaṃ. Sāmiko panassā khujjo eva. Idāni yassā muttiyā nidassanavasena tīhi khujjehi mutti vuttā. Tameva dassentī ‘‘muttāmhi jātimaraṇā’’ti vatvā tattha kāraṇamāha ‘‘bhavanetti samūhatā’’ti. Tassattho – na kevalamahaṃ tīhi khujjehi eva muttā, atha kho sabbasmā jātimaraṇāpi, yasmā sabbassāpi bhavassa netti nāyikā taṇhā aggamaggena mayā samugghāṭitāti.
муд̇д̇аат̇зрийг̇аат̇ааван̣н̣анаа нидтид̇аа.
Muttātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 11. муд̇д̇аат̇зрийг̇аат̇аа • 11. Muttātherīgāthā
