| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. มุฎฺฐสฺสติสุตฺตํ
10. Muṭṭhassatisuttaṃ
๒๑๐. 1 ‘‘ปญฺจิเม, ภิกฺขเว, อาทีนวา มุฎฺฐสฺสติสฺส อสมฺปชานสฺส นิทฺทํ โอกฺกมยโต ฯ กตเม ปญฺจ? ทุกฺขํ สุปติ, ทุกฺขํ ปฎิพุชฺฌติ, ปาปกํ สุปินํ ปสฺสติ, เทวตา น รกฺขนฺติ, อสุจิ มุจฺจติฯ อิเม โข, ภิกฺขเว, ปญฺจ อาทีนวา มุฎฺฐสฺสติสฺส อสมฺปชานสฺส นิทฺทํ โอกฺกมยโตฯ
210.2 ‘‘Pañcime, bhikkhave, ādīnavā muṭṭhassatissa asampajānassa niddaṃ okkamayato . Katame pañca? Dukkhaṃ supati, dukkhaṃ paṭibujjhati, pāpakaṃ supinaṃ passati, devatā na rakkhanti, asuci muccati. Ime kho, bhikkhave, pañca ādīnavā muṭṭhassatissa asampajānassa niddaṃ okkamayato.
‘‘ปญฺจิเม, ภิกฺขเว, อานิสํสา อุปฎฺฐิตสฺสติสฺส สมฺปชานสฺส นิทฺทํ โอกฺกมยโตฯ กตเม ปญฺจ? สุขํ สุปติ, สุขํ ปฎิพุชฺฌติ, น ปาปกํ สุปินํ ปสฺสติ , เทวตา รกฺขนฺติ, อสุจิ น มุจฺจติฯ อิเม โข, ภิกฺขเว, ปญฺจ อานิสํสา อุปฎฺฐิตสฺสติสฺส สมฺปชานสฺส นิทฺทํ โอกฺกมยโต’’ติฯ ทสมํฯ
‘‘Pañcime, bhikkhave, ānisaṃsā upaṭṭhitassatissa sampajānassa niddaṃ okkamayato. Katame pañca? Sukhaṃ supati, sukhaṃ paṭibujjhati, na pāpakaṃ supinaṃ passati , devatā rakkhanti, asuci na muccati. Ime kho, bhikkhave, pañca ānisaṃsā upaṭṭhitassatissa sampajānassa niddaṃ okkamayato’’ti. Dasamaṃ.
กิมิลวโคฺค ปฐโมฯ
Kimilavaggo paṭhamo.
ตสฺสุทฺทานํ –
Tassuddānaṃ –
กิมิโล ธมฺมสฺสวนํ, อาชานีโย พลํ ขิลํ;
Kimilo dhammassavanaṃ, ājānīyo balaṃ khilaṃ;
วินิพนฺธํ ยาคุ กฎฺฐํ, คีตํ มุฎฺฐสฺสตินา จาติฯ
Vinibandhaṃ yāgu kaṭṭhaṃ, gītaṃ muṭṭhassatinā cāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑๐. มุฎฺฐสฺสติสุตฺตวณฺณนา • 10. Muṭṭhassatisuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๙-๑๐. คีตสฺสรสุตฺตาทิวณฺณนา • 9-10. Gītassarasuttādivaṇṇanā
