| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. මුට්‌ඨස්‌සතිසුත්‌තං
10. Muṭṭhassatisuttaṃ
210. 1 ‘‘පඤ්‌චිමෙ, භික්‌ඛවෙ, ආදීනවා මුට්‌ඨස්‌සතිස්‌ස අසම්‌පජානස්‌ස නිද්‌දං ඔක්‌කමයතො . කතමෙ පඤ්‌ච? දුක්‌ඛං සුපති, දුක්‌ඛං පටිබුජ්‌ඣති, පාපකං සුපිනං පස්‌සති, දෙවතා න රක්‌ඛන්‌ති, අසුචි මුච්‌චති. ඉමෙ ඛො, භික්‌ඛවෙ, පඤ්‌ච ආදීනවා මුට්‌ඨස්‌සතිස්‌ස අසම්‌පජානස්‌ස නිද්‌දං ඔක්‌කමයතො.
210.2 ‘‘Pañcime, bhikkhave, ādīnavā muṭṭhassatissa asampajānassa niddaṃ okkamayato . Katame pañca? Dukkhaṃ supati, dukkhaṃ paṭibujjhati, pāpakaṃ supinaṃ passati, devatā na rakkhanti, asuci muccati. Ime kho, bhikkhave, pañca ādīnavā muṭṭhassatissa asampajānassa niddaṃ okkamayato.
‘‘පඤ්‌චිමෙ, භික්‌ඛවෙ, ආනිසංසා උපට්‌ඨිතස්‌සතිස්‌ස සම්‌පජානස්‌ස නිද්‌දං ඔක්‌කමයතො. කතමෙ පඤ්‌ච? සුඛං සුපති, සුඛං පටිබුජ්‌ඣති, න පාපකං සුපිනං පස්‌සති , දෙවතා රක්‌ඛන්‌ති, අසුචි න මුච්‌චති. ඉමෙ ඛො, භික්‌ඛවෙ, පඤ්‌ච ආනිසංසා උපට්‌ඨිතස්‌සතිස්‌ස සම්‌පජානස්‌ස නිද්‌දං ඔක්‌කමයතො’’ති. දසමං.
‘‘Pañcime, bhikkhave, ānisaṃsā upaṭṭhitassatissa sampajānassa niddaṃ okkamayato. Katame pañca? Sukhaṃ supati, sukhaṃ paṭibujjhati, na pāpakaṃ supinaṃ passati , devatā rakkhanti, asuci na muccati. Ime kho, bhikkhave, pañca ānisaṃsā upaṭṭhitassatissa sampajānassa niddaṃ okkamayato’’ti. Dasamaṃ.
කිමිලවග්‌ගො පඨමො.
Kimilavaggo paṭhamo.
තස්‌සුද්‌දානං –
Tassuddānaṃ –
කිමිලො ධම්‌මස්‌සවනං, ආජානීයො බලං ඛිලං;
Kimilo dhammassavanaṃ, ājānīyo balaṃ khilaṃ;
විනිබන්‌ධං යාගු කට්‌ඨං, ගීතං මුට්‌ඨස්‌සතිනා චාති.
Vinibandhaṃ yāgu kaṭṭhaṃ, gītaṃ muṭṭhassatinā cāti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. මුට්‌ඨස්‌සතිසුත්‌තවණ්‌ණනා • 10. Muṭṭhassatisuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9-10. ගීතස්‌සරසුත්‌තාදිවණ්‌ණනා • 9-10. Gītassarasuttādivaṇṇanā
