| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. มุฎฺฐิปุปฺผิยเตฺถรอปทานํ
5. Muṭṭhipupphiyattheraapadānaṃ
๒๔.
24.
‘‘สุทสฺสโนติ นาเมน, มาลากาโร อหํ ตทา;
‘‘Sudassanoti nāmena, mālākāro ahaṃ tadā;
อทฺทสํ วิรชํ พุทฺธํ, โลกเชฎฺฐํ นราสภํฯ
Addasaṃ virajaṃ buddhaṃ, lokajeṭṭhaṃ narāsabhaṃ.
๒๕.
25.
‘‘ชาติปุปฺผํ คเหตฺวาน, ปูชยิํ ปทุมุตฺตรํ;
‘‘Jātipupphaṃ gahetvāna, pūjayiṃ padumuttaraṃ;
วิสุทฺธจกฺขุ สุมโน, ทิพฺพจกฺขุํ สมชฺฌคํฯ
Visuddhacakkhu sumano, dibbacakkhuṃ samajjhagaṃ.
๒๖.
26.
‘‘เอติสฺสา ปุปฺผปูชาย, จิตฺตสฺส ปณิธีหิ จ;
‘‘Etissā pupphapūjāya, cittassa paṇidhīhi ca;
กปฺปานํ สตสหสฺสํ, ทุคฺคติํ นุปปชฺชหํฯ
Kappānaṃ satasahassaṃ, duggatiṃ nupapajjahaṃ.
๒๗.
27.
‘‘โสฬสาสิํสุ ราชาโน, เทวุตฺตรสนามกา;
‘‘Soḷasāsiṃsu rājāno, devuttarasanāmakā;
ฉตฺติํสมฺหิ อิโต กเปฺป, จกฺกวตฺตี มหพฺพลาฯ
Chattiṃsamhi ito kappe, cakkavattī mahabbalā.
๒๘.
28.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา มุฎฺฐิปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā muṭṭhipupphiyo thero imā gāthāyo abhāsitthāti.
มุฎฺฐิปุปฺผิยเตฺถรสฺสาปทานํ ปญฺจมํฯ
Muṭṭhipupphiyattherassāpadānaṃ pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๕. มุฎฺฐิปุปฺผิยเตฺถรอปทานวณฺณนา • 5. Muṭṭhipupphiyattheraapadānavaṇṇanā
