| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. мудтибубпияад̇т̇зраабад̣̇аанаван̣н̣анаа
5. Muṭṭhipupphiyattheraapadānavaṇṇanā
суд̣̇ассано наама наамзнаад̇иаад̣̇игам̣ ааяасмад̇о мудтибубпияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз маалаагаарагулз ниб̣б̣ад̇д̇о вуд̣̇д̇химанвааяа сагасиббз нибпад̇д̇им̣ бад̇д̇о згад̣̇ивасам̣ бхаг̇аванд̇ам̣ д̣̇исваа басаннамаанасо ж̇аад̇исуманабубпаани убхохи хад̇т̇зхи бхаг̇авад̇о баад̣̇амуулз огирид̇ваа бууж̇зси. со д̇зна гусаласамбхаарзна д̣̇звамануссзсу сам̣саранд̇о убхо самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇хиббад̇д̇о буб̣б̣аваасанаавасзна сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Sudassanonāma nāmenātiādikaṃ āyasmato muṭṭhipupphiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle mālākārakule nibbatto vuddhimanvāya sakasippe nipphattiṃ patto ekadivasaṃ bhagavantaṃ disvā pasannamānaso jātisumanapupphāni ubhohi hatthehi bhagavato pādamūle okiritvā pūjesi. So tena kusalasambhārena devamanussesu saṃsaranto ubho sampattiyo anubhavitvā imasmiṃ buddhuppāde kulagehe nibbatto vuddhippatto pubbavāsanāvasena satthari pasīditvā pabbajito nacirasseva arahā ahosi.
14-25. со абарабхааг̇з ад̇д̇ано буб̣б̣агаммам̣ ануссарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о суд̣̇ассано наама наамзнаад̇иаад̣̇имааха. д̇ад̇т̇а суд̣̇ассанод̇и аарохабарин̣аахаруубасан̣таанаяоб̣б̣ан̃н̃асобханзна сунд̣̇аро д̣̇ассанод̇и суд̣̇ассано, наамзна суд̣̇ассано наама маалаагааро худ̇ваа ж̇аад̇исуманабубпзхи бад̣̇умуд̇д̇арам̣ бхаг̇аванд̇ам̣ бууж̇зсинд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
14-25. So aparabhāge attano pubbakammaṃ anussaritvā somanassajāto pubbacaritāpadānaṃ pakāsento sudassano nāma nāmenātiādimāha. Tattha sudassanoti ārohapariṇāharūpasaṇṭhānayobbaññasobhanena sundaro dassanoti sudassano, nāmena sudassano nāma mālākāro hutvā jātisumanapupphehi padumuttaraṃ bhagavantaṃ pūjesinti attho. Sesaṃ sabbattha uttānamevāti.
мудтибубпияад̇т̇зраабад̣̇аанаван̣н̣анаа самад̇д̇аа.
Muṭṭhipupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
3. уббалахад̇т̇ияад̇т̇зраабад̣̇аанам̣ • 3. Uppalahatthiyattheraapadānaṃ
4. бад̣̇абууж̇агад̇т̇зраабад̣̇аанам̣ • 4. Padapūjakattheraapadānaṃ
5. мудтибубпияад̇т̇зраабад̣̇аанам̣ • 5. Muṭṭhipupphiyattheraapadānaṃ
