| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
१०. न वत्तब्बं बुद्धस्स दिन्नं महप्फलन्तिकथावण्णना
10. Na vattabbaṃ buddhassa dinnaṃ mahapphalantikathāvaṇṇanā
७९९. इदानि न वत्तब्बं बुद्धस्स दिन्नं महप्फलन्तिकथा नाम होति। तत्थ ‘‘बुद्धो भगवा न किञ्चि परिभुञ्जति, लोकानुवत्तनत्थं पन परिभुञ्जमानं विय अत्तानं दस्सेति, तस्मा निरुपकारत्ता न वत्तब्बं तस्मिं दिन्नं महप्फल’’न्ति येसं लद्धि, सेय्यथापि तेसंयेव; ते सन्धाय पुच्छा सकवादिस्स, पटिञ्ञा इतरस्स। द्विपदानं अग्गोतिआदि ‘‘मनुस्सदुस्सीलेपि दानं सहस्सगुणं होति, किमङ्गं पन एवरूपे अग्गपुग्गले’’ति दस्सनत्थं वुत्तं। सेसमेत्थ यथापाळिमेव निय्यातीति।
799. Idāni na vattabbaṃ buddhassa dinnaṃ mahapphalantikathā nāma hoti. Tattha ‘‘buddho bhagavā na kiñci paribhuñjati, lokānuvattanatthaṃ pana paribhuñjamānaṃ viya attānaṃ dasseti, tasmā nirupakārattā na vattabbaṃ tasmiṃ dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Dvipadānaṃ aggotiādi ‘‘manussadussīlepi dānaṃ sahassaguṇaṃ hoti, kimaṅgaṃ pana evarūpe aggapuggale’’ti dassanatthaṃ vuttaṃ. Sesamettha yathāpāḷimeva niyyātīti.
न वत्तब्बं बुद्धस्स दिन्नं महप्फलन्तिकथावण्णना।
Na vattabbaṃ buddhassa dinnaṃ mahapphalantikathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१७५) १०. न वत्तब्बं बुद्धस्सदिन्नं महप्फलन्तिकथा • (175) 10. Na vattabbaṃ buddhassadinnaṃ mahapphalantikathā
