| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၀. န ဝတ္တဗ္ဗံ ဗုဒ္ဓသ္သ ဒိန္နံ မဟပ္ဖလန္တိကထာဝဏ္ဏနာ
10. Na vattabbaṃ buddhassa dinnaṃ mahapphalantikathāvaṇṇanā
၇၉၉. ဣဒာနိ န ဝတ္တဗ္ဗံ ဗုဒ္ဓသ္သ ဒိန္နံ မဟပ္ဖလန္တိကထာ နာမ ဟောတိ။ တတ္ထ ‘‘ဗုဒ္ဓော ဘဂဝာ န ကိဉ္စိ ပရိဘုဉ္ဇတိ, လောကာနုဝတ္တနတ္ထံ ပန ပရိဘုဉ္ဇမာနံ ဝိယ အတ္တာနံ ဒသ္သေတိ, တသ္မာ နိရုပကာရတ္တာ န ဝတ္တဗ္ဗံ တသ္မိံ ဒိန္နံ မဟပ္ဖလ’’န္တိ ယေသံ လဒ္ဓိ, သေယ္ယထာပိ တေသံယေဝ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ ဒ္ဝိပဒာနံ အဂ္ဂောတိအာဒိ ‘‘မနုသ္သဒုသ္သီလေပိ ဒာနံ သဟသ္သဂုဏံ ဟောတိ, ကိမင္ဂံ ပန ဧဝရူပေ အဂ္ဂပုဂ္ဂလေ’’တိ ဒသ္သနတ္ထံ ဝုတ္တံ။ သေသမေတ္ထ ယထာပာဠိမေဝ နိယ္ယာတီတိ။
799. Idāni na vattabbaṃ buddhassa dinnaṃ mahapphalantikathā nāma hoti. Tattha ‘‘buddho bhagavā na kiñci paribhuñjati, lokānuvattanatthaṃ pana paribhuñjamānaṃ viya attānaṃ dasseti, tasmā nirupakārattā na vattabbaṃ tasmiṃ dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Dvipadānaṃ aggotiādi ‘‘manussadussīlepi dānaṃ sahassaguṇaṃ hoti, kimaṅgaṃ pana evarūpe aggapuggale’’ti dassanatthaṃ vuttaṃ. Sesamettha yathāpāḷimeva niyyātīti.
န ဝတ္တဗ္ဗံ ဗုဒ္ဓသ္သ ဒိန္နံ မဟပ္ဖလန္တိကထာဝဏ္ဏနာ။
Na vattabbaṃ buddhassa dinnaṃ mahapphalantikathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၇၅) ၁၀. န ဝတ္တဗ္ဗံ ဗုဒ္ဓသ္သဒိန္နံ မဟပ္ဖလန္တိကထာ • (175) 10. Na vattabbaṃ buddhassadinnaṃ mahapphalantikathā
