| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
९. न वत्तब्बं सङ्घस्स दिन्नं महप्फलन्तिकथावण्णना
9. Na vattabbaṃ saṅghassa dinnaṃ mahapphalantikathāvaṇṇanā
७९७-७९८. इदानि न वत्तब्बं सङ्घस्स दिन्नं महप्फलन्तिकथा नाम होति। तत्रापि ‘‘मग्गफलानेव सङ्घो नाम, न च सक्का तेसं किञ्चि दातुं, न च तेहि पटिग्गण्हितुं, नापि तेसं दानेन कोचि उपकारो इज्झति, तस्मा न वत्तब्बं सङ्घस्स दिन्नं महप्फल’’न्ति येसं लद्धि, सेय्यथापि तेसंयेव; ते सन्धाय पुच्छा सकवादिस्स, पटिञ्ञा इतरस्स। आहुनेय्योतिआदि ‘‘यदि सङ्घस्स दिन्नं महप्फलं न भवेय्य, न नं सत्था एवं थोमेय्या’’ति दस्सनत्थं वुत्तं। सेसं यथापाळिमेव निय्यातीति।
797-798. Idāni na vattabbaṃ saṅghassa dinnaṃ mahapphalantikathā nāma hoti. Tatrāpi ‘‘maggaphalāneva saṅgho nāma, na ca sakkā tesaṃ kiñci dātuṃ, na ca tehi paṭiggaṇhituṃ, nāpi tesaṃ dānena koci upakāro ijjhati, tasmā na vattabbaṃ saṅghassa dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅghassa dinnaṃ mahapphalaṃ na bhaveyya, na naṃ satthā evaṃ thomeyyā’’ti dassanatthaṃ vuttaṃ. Sesaṃ yathāpāḷimeva niyyātīti.
न वत्तब्बं सङ्घस्स दिन्नं महप्फलन्तिकथावण्णना।
Na vattabbaṃ saṅghassa dinnaṃ mahapphalantikathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१७४) ९. न वत्तब्बं सङ्घस्सदिन्नं महप्फलन्तिकथा • (174) 9. Na vattabbaṃ saṅghassadinnaṃ mahapphalantikathā
