| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၉. န ဝတ္တဗ္ဗံ သင္ဃသ္သ ဒိန္နံ မဟပ္ဖလန္တိကထာဝဏ္ဏနာ
9. Na vattabbaṃ saṅghassa dinnaṃ mahapphalantikathāvaṇṇanā
၇၉၇-၇၉၈. ဣဒာနိ န ဝတ္တဗ္ဗံ သင္ဃသ္သ ဒိန္နံ မဟပ္ဖလန္တိကထာ နာမ ဟောတိ။ တတ္ရာပိ ‘‘မဂ္ဂဖလာနေဝ သင္ဃော နာမ, န စ သက္ကာ တေသံ ကိဉ္စိ ဒာတုံ, န စ တေဟိ ပဋိဂ္ဂဏ္ဟိတုံ, နာပိ တေသံ ဒာနေန ကောစိ ဥပကာရော ဣဇ္ဈတိ, တသ္မာ န ဝတ္တဗ္ဗံ သင္ဃသ္သ ဒိန္နံ မဟပ္ဖလ’’န္တိ ယေသံ လဒ္ဓိ, သေယ္ယထာပိ တေသံယေဝ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အာဟုနေယ္ယောတိအာဒိ ‘‘ယဒိ သင္ဃသ္သ ဒိန္နံ မဟပ္ဖလံ န ဘဝေယ္ယ, န နံ သတ္ထာ ဧဝံ ထောမေယ္ယာ’’တိ ဒသ္သနတ္ထံ ဝုတ္တံ။ သေသံ ယထာပာဠိမေဝ နိယ္ယာတီတိ။
797-798. Idāni na vattabbaṃ saṅghassa dinnaṃ mahapphalantikathā nāma hoti. Tatrāpi ‘‘maggaphalāneva saṅgho nāma, na ca sakkā tesaṃ kiñci dātuṃ, na ca tehi paṭiggaṇhituṃ, nāpi tesaṃ dānena koci upakāro ijjhati, tasmā na vattabbaṃ saṅghassa dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅghassa dinnaṃ mahapphalaṃ na bhaveyya, na naṃ satthā evaṃ thomeyyā’’ti dassanatthaṃ vuttaṃ. Sesaṃ yathāpāḷimeva niyyātīti.
န ဝတ္တဗ္ဗံ သင္ဃသ္သ ဒိန္နံ မဟပ္ဖလန္တိကထာဝဏ္ဏနာ။
Na vattabbaṃ saṅghassa dinnaṃ mahapphalantikathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၇၄) ၉. န ဝတ္တဗ္ဗံ သင္ဃသ္သဒိန္နံ မဟပ္ဖလန္တိကထာ • (174) 9. Na vattabbaṃ saṅghassadinnaṃ mahapphalantikathā
