| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
9. න වත්‌තබ්‌බං සඞ්‌ඝස්‌ස දින්‌නං මහප්‌ඵලන්‌තිකථාවණ්‌ණනා
9. Na vattabbaṃ saṅghassa dinnaṃ mahapphalantikathāvaṇṇanā
797-798. ඉදානි න වත්‌තබ්‌බං සඞ්‌ඝස්‌ස දින්‌නං මහප්‌ඵලන්‌තිකථා නාම හොති. තත්‍රාපි ‘‘මග්‌ගඵලානෙව සඞ්‌ඝො නාම, න ච සක්‌කා තෙසං කිඤ්‌චි දාතුං, න ච තෙහි පටිග්‌ගණ්‌හිතුං, නාපි තෙසං දානෙන කොචි උපකාරො ඉජ්‌ඣති, තස්‌මා න වත්‌තබ්‌බං සඞ්‌ඝස්‌ස දින්‌නං මහප්‌ඵල’’න්‌ති යෙසං ලද්‌ධි, සෙය්‍යථාපි තෙසංයෙව; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. ආහුනෙය්‍යොතිආදි ‘‘යදි සඞ්‌ඝස්‌ස දින්‌නං මහප්‌ඵලං න භවෙය්‍ය, න නං සත්‌ථා එවං ථොමෙය්‍යා’’ති දස්‌සනත්‌ථං වුත්‌තං. සෙසං යථාපාළිමෙව නිය්‍යාතීති.
797-798. Idāni na vattabbaṃ saṅghassa dinnaṃ mahapphalantikathā nāma hoti. Tatrāpi ‘‘maggaphalāneva saṅgho nāma, na ca sakkā tesaṃ kiñci dātuṃ, na ca tehi paṭiggaṇhituṃ, nāpi tesaṃ dānena koci upakāro ijjhati, tasmā na vattabbaṃ saṅghassa dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅghassa dinnaṃ mahapphalaṃ na bhaveyya, na naṃ satthā evaṃ thomeyyā’’ti dassanatthaṃ vuttaṃ. Sesaṃ yathāpāḷimeva niyyātīti.
න වත්‌තබ්‌බං සඞ්‌ඝස්‌ස දින්‌නං මහප්‌ඵලන්‌තිකථාවණ්‌ණනා.
Na vattabbaṃ saṅghassa dinnaṃ mahapphalantikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (174) 9. න වත්‌තබ්‌බං සඞ්‌ඝස්‌සදින්‌නං මහප්‌ඵලන්‌තිකථා • (174) 9. Na vattabbaṃ saṅghassadinnaṃ mahapphalantikathā
