| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༩. ན ཝཏྟབྦཾ སངྒྷསྶ དིནྣཾ མཧཔྥལནྟིཀཐཱཝཎྞནཱ
9. Na vattabbaṃ saṅghassa dinnaṃ mahapphalantikathāvaṇṇanā
༧༩༧-༧༩༨. ཨིདཱནི ན ཝཏྟབྦཾ སངྒྷསྶ དིནྣཾ མཧཔྥལནྟིཀཐཱ ནཱམ ཧོཏི། ཏཏྲཱཔི ‘‘མགྒཕལཱནེཝ སངྒྷོ ནཱམ, ན ཙ སཀྐཱ ཏེསཾ ཀིཉྩི དཱཏུཾ, ན ཙ ཏེཧི པཊིགྒཎྷིཏུཾ, ནཱཔི ཏེསཾ དཱནེན ཀོཙི ཨུཔཀཱརོ ཨིཛ྄ཛྷཏི, ཏསྨཱ ན ཝཏྟབྦཾ སངྒྷསྶ དིནྣཾ མཧཔྥལ’’ནྟི ཡེསཾ ལདྡྷི, སེཡྻཐཱཔི ཏེསཾཡེཝ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཱཧུནེཡྻོཏིཨཱདི ‘‘ཡདི སངྒྷསྶ དིནྣཾ མཧཔྥལཾ ན བྷཝེཡྻ, ན ནཾ སཏྠཱ ཨེཝཾ ཐོམེཡྻཱ’’ཏི དསྶནཏྠཾ ཝུཏྟཾ། སེསཾ ཡཐཱཔཱལི༹མེཝ ནིཡྻཱཏཱིཏི།
797-798. Idāni na vattabbaṃ saṅghassa dinnaṃ mahapphalantikathā nāma hoti. Tatrāpi ‘‘maggaphalāneva saṅgho nāma, na ca sakkā tesaṃ kiñci dātuṃ, na ca tehi paṭiggaṇhituṃ, nāpi tesaṃ dānena koci upakāro ijjhati, tasmā na vattabbaṃ saṅghassa dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅghassa dinnaṃ mahapphalaṃ na bhaveyya, na naṃ satthā evaṃ thomeyyā’’ti dassanatthaṃ vuttaṃ. Sesaṃ yathāpāḷimeva niyyātīti.
ན ཝཏྟབྦཾ སངྒྷསྶ དིནྣཾ མཧཔྥལནྟིཀཐཱཝཎྞནཱ།
Na vattabbaṃ saṅghassa dinnaṃ mahapphalantikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༧༤) ༩. ན ཝཏྟབྦཾ སངྒྷསྶདིནྣཾ མཧཔྥལནྟིཀཐཱ • (174) 9. Na vattabbaṃ saṅghassadinnaṃ mahapphalantikathā
