| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৭. সত্তরসমৰগ্গো
17. Sattarasamavaggo
(১৭৩) ৮. ন ৰত্তব্বং সঙ্ঘো ভুঞ্জতীতিকথা
(173) 8. Na vattabbaṃ saṅgho bhuñjatītikathā
৭৯৫. ন ৰত্তব্বং – ‘‘সঙ্ঘো ভুঞ্জতি পিৰতি খাদতি সাযতী’’তি? আমন্তা। ননু অত্থি কেচি সঙ্ঘভত্তানি করোন্তি, উদ্দেসভত্তানি করোন্তি, যাগুপানানি করোন্তীতি? আমন্তা। হঞ্চি অত্থি কেচি সঙ্ঘভত্তানি করোন্তি, উদ্দেসভত্তানি করোন্তি, যাগুপানানি করোন্তি, তেন ৰত রে ৰত্তব্বে – ‘‘সঙ্ঘো ভুঞ্জতি পিৰতি খাদতি সাযতী’’তি।
795. Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu atthi keci saṅghabhattāni karonti, uddesabhattāni karonti, yāgupānāni karontīti? Āmantā. Hañci atthi keci saṅghabhattāni karonti, uddesabhattāni karonti, yāgupānāni karonti, tena vata re vattabbe – ‘‘saṅgho bhuñjati pivati khādati sāyatī’’ti.
ন ৰত্তব্বং – ‘‘সঙ্ঘো ভুঞ্জতি পিৰতি খাদতি সাযতী’’তি? আমন্তা। ননু ৰুত্তং ভগৰতা – ‘‘গণভোজনং পরম্পরভোজনং অতিরিত্তভোজনং অনতিরিত্তভোজন’’ন্তি? আমন্তা। হঞ্চি ৰুত্তং ভগৰতা – ‘‘গণভোজনং পরম্পরভোজনং অতিরিত্তভোজনং অনতিরিত্তভোজনং’’, তেন ৰত রে ৰত্তব্বে – ‘‘সঙ্ঘো ভুঞ্জতি পিৰতি খাদতি সাযতী’’তি।
Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu vuttaṃ bhagavatā – ‘‘gaṇabhojanaṃ paramparabhojanaṃ atirittabhojanaṃ anatirittabhojana’’nti? Āmantā. Hañci vuttaṃ bhagavatā – ‘‘gaṇabhojanaṃ paramparabhojanaṃ atirittabhojanaṃ anatirittabhojanaṃ’’, tena vata re vattabbe – ‘‘saṅgho bhuñjati pivati khādati sāyatī’’ti.
ন ৰত্তব্বং – ‘‘সঙ্ঘো ভুঞ্জতি পিৰতি খাদতি সাযতী’’তি? আমন্তা। ননু অট্ঠ পানানি ৰুত্তানি ভগৰতা – অম্বপানং, জম্বুপানং , চোচপানং, মোচপানং, মধুকপানং, 1 মুদ্দিকপানং, সালুকপানং, ফারুসকপানন্তি? আমন্তা। হঞ্চি অট্ঠ পানানি ৰুত্তানি ভগৰতা – অম্বপানং, জম্বুপানং, চোচপানং, মোচপানং, মধুকপানং, মুদ্দিকপানং , সালুকপানং, ফারুসকপানং, তেন ৰত রে ৰত্তব্বে – ‘‘সঙ্ঘো ভুঞ্জতি পিৰতি খাদতি সাযতী’’তি।
Na vattabbaṃ – ‘‘saṅgho bhuñjati pivati khādati sāyatī’’ti? Āmantā. Nanu aṭṭha pānāni vuttāni bhagavatā – ambapānaṃ, jambupānaṃ , cocapānaṃ, mocapānaṃ, madhukapānaṃ, 2 muddikapānaṃ, sālukapānaṃ, phārusakapānanti? Āmantā. Hañci aṭṭha pānāni vuttāni bhagavatā – ambapānaṃ, jambupānaṃ, cocapānaṃ, mocapānaṃ, madhukapānaṃ, muddikapānaṃ , sālukapānaṃ, phārusakapānaṃ, tena vata re vattabbe – ‘‘saṅgho bhuñjati pivati khādati sāyatī’’ti.
৭৯৬. সঙ্ঘো ভুঞ্জতি পিৰতি খাদতি সাযতীতি? আমন্তা। মগ্গো ভুঞ্জতি পিৰতি খাদতি সাযতি, ফলং ভুঞ্জতি পিৰতি খাদতি সাযতীতি? ন হেৰং ৰত্তব্বে…পে॰…।
796. Saṅgho bhuñjati pivati khādati sāyatīti? Āmantā. Maggo bhuñjati pivati khādati sāyati, phalaṃ bhuñjati pivati khādati sāyatīti? Na hevaṃ vattabbe…pe….
ন ৰত্তব্বং সঙ্ঘো ভুঞ্জতীতিকথা নিট্ঠিতা।
Na vattabbaṃ saṅgho bhuñjatītikathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৮. ন ৰত্তব্বং সঙ্ঘো ভুঞ্জতীতিকথাৰণ্ণনা • 8. Na vattabbaṃ saṅgho bhuñjatītikathāvaṇṇanā
